ملابسكم القديمة

[معماري قطري]

قريت خبر في موقع ياهو الأمريكي عن فانيلة صوف عمرها 61 سنة ولبسها للمدرسة الجد والإبن وإبن الإبن

وهذا رابط الخبر

https://www.yahoo.com/parenting/boy-wears-same-sweater-as-dad-grandfather-for-163359317.html

بصراحة من يملك ملابس قديمة وما زال يستعملها للآن؟

انا عندي بعض القطع من فوق 20 سنة وبعضها من 24 سنة كما أذكر وأستخدمها لو سافرت .. شوي تغير الجسم ووسعت فيها بس الحمد لله بحدود المعقول.

نبدأَ التحدي ونشوف من يملك شيء من هذا القديم

كذلك عندي مجموعة من العطور من فترة الدراسة .. فوق ربع قرن.

[ضوى]

عندي قطعة ملابس اخذتها من سوق الاحد بلفربول سنة 1992 وللحين عندي والله كانها جديدة مافيها خيط منسل

[sara jsm]

عندي دراعه كنت البسها وعمري تسع شهور محتفظه فيها للحين:)

[معماري قطري]

عندي دراعه كنت البسها وعمري تسع شهور محتفظه فيها للحين:)

صعب نعرف كم عمر القطعة هشكل

[معماري قطري]

عندي قطعة ملابس اخذتها من سوق الاحد بلفربول سنة 1992 وللحين عندي والله كانها جديدة مافيها خيط منسل

ما شاء الله .. انا باشوف يمكن احصل شيء أقدم

الأمريكان بعضهم لعدة أجيال وهذا شيء جيد

[sara jsm]

صعب نعرف كم عمر القطعة هشكل

تسعه وعشرين سنه :shy:

[العفراء]

انا عندي بس قطع شتويه و المشكله الجو عندنا ما يساعد بس استانس لو سافرنا اكشخ فيهم

[السيف5]

اقدم شي سنتين

والسبب تغيير الوزن

[بن غيث]

حلوة فكرة الموضوع .. متابع

[ام امااني]

عندي برنس والد جدي
نطلعه بالاعراس كل ما يجي واحد من احفاد العيلة يتزوج يلبسه يوم العرس مصنوع من وبر الابل
ومخاط بخيوط الذهب عمره حوالي 110 سنة
صناعة يدوية للحين كأنه جديد محافط على اللون والشكل
هالشكل لتوضيح الصورة
94963
بالمتاسبة هاللبس من التراث وللحين يستعمل وهو من افخم الملابس عندنا
وتكلفته باهظة جدا وجدا

[سعود.]

عندي ثوب نوم ( جلابية )

صار لها عندي حول 13 سنة

كل البيت يعرفونها ههههههههههه

ومن تقريبا 4 سنين محنطها عندي بالكبت . وناوي البسها قريب بشوف ردة الفعل !!!!!

[معماري قطري]

تسعه وعشرين سنه :shy:

ما شاء الله .. إنتي الأُولى للآن

[معماري قطري]

عندي ثوب نوم ( جلابية )

صار لها عندي حول 13 سنة

كل البيت يعرفونها ههههههههههه

ومن تقريبا 4 سنين محنطها عندي بالكبت . وناوي البسها قريب بشوف ردة الفعل !!!!!

ما شاء الله مثلي انا الجلابيات اكدهم .. تذكرت واحد من الربع اماراتي العام دخل بيتي في أمريكا وشاف الجلابيات قال خيبه .. يقول باقي تاخذ لون أحمر مثل عبدالله بالخير .. والله ذبحني ضحك

[معماري قطري]

حلوة فكرة الموضوع .. متابع

الأحلى مرورك اخوي بن غيث .. قول حق اخوك حمد يتذكر القميص اللي كنت لابسه في لندن .. وينه؟

[معماري قطري]

عندي برنس والد جدي
نطلعه بالاعراس كل ما يجي واحد من احفاد العيلة يتزوج يلبسه يوم العرس مصنوع من وبر الابل
ومخاط بخيوط الذهب عمره حوالي 110 سنة
صناعة يدوية للحين كأنه جديد محافط على اللون والشكل
هالشكل لتوضيح الصورة
94963
بالمتاسبة هاللبس من التراث وللحين يستعمل وهو من افخم الملابس عندنا
وتكلفته باهظة جدا وجدا

ما شاء الله طلعتي انتي الأُولى عيل وانا نزلت للمرتبة الثالثة وان شاء الله احافظ عليها

[معماري قطري]

عند الوالد اختي أماني قريب منه انا تبين الصج ما عرفت شمعنى برنس ودخلت من التلفون حتى اشوف الصورة .. صج القديم خصوصاً الصوف الأصلي قيمته فيه ولا يقدر بثمن .. وعادة طيبة إن يلبسه المعرس عندكم .. الله يهني كل معاريسكم ويوفقهم

[معماري قطري]

اقدم شي سنتين

والسبب تغيير الوزن

صج ألحين الواحد وهو صغير متين شوي بس يستوي شاب يسوي عملية أو ريجيم ويطلع ما ينعرف

[معماري قطري]

انا عندي بس قطع شتويه و المشكله الجو عندنا ما يساعد بس استانس لو سافرنا اكشخ فيهم

عيالي شافوا صورة لي من أيام الدراسة .. الا يقولون يبه هذي الفانيلة نفسها عندك للحين ومندهشين مب مصدقين .. حافظت على ثيابي واستويت احب البسهم في السفر لو مره .. العام رحت جامعتي اللي تخرجت منها سنة 1993 وما ادري شخلاني البس لباس كنت البسه وانا طالب ذاك الوقت .. صج عشت الجو

[معماري قطري]

اقول حق بنتي هذي الفانيلة أقدم منج ههههههههه

[معماري قطري]

تسعه وعشرين سنه :shy:

سامحيني على الاحراج وطلعتي الثانية في الترتيب أحسن مني

[العفراء]

عيالي شافوا صورة لي من أيام الدراسة .. الا يقولون يبه هذي الفانيلة نفسها عندك للحين ومندهشين مب مصدقين .. حافظت على ثيابي واستويت احب البسهم في السفر لو مره .. العام رحت جامعتي اللي تخرجت منها سنة 1993 وما ادري شخلاني البس لباس كنت البسه وانا طالب ذاك الوقت .. صج عشت الجو

الله يحفظ لك عيالك عمي المعماري و الموقف وايد حلو احس به يثير المشاعر بصراحة
انا لو تمر علي السنين و اروح مكان ما رحته اكثر من عشرين سنه على طول بقعد اصيح :(

مرات احس ان حياتنا قصيره وبسرعه تمر و مرات احس ان فيها وايد اشخاص و مواقف بيتمون حاضرين بالذاكره

شوف كيف طاري الملابس الجديمه وين وداااك و وداانا ... وسرى الليل و احنا ما سرينا : (

[بعيد النظر]

ابوي الله يحفظه عنده " over coat" الداخلية من سنة 1981 ..
وما شاء الله .. كانه يديييييييييييييييد !



يعطيك العافية

[غايه الطواش]

الصراحه اختي الكبيره مب مخليه لي جانس احتفظ في شي كل ما ماحتفظت
وسافرت مكان تطلع اغراضي تشقها وتمزعها وتطرش لي صور وتقولي بقط لويثج

[معماري قطري]

الله يحفظ لك عيالك عمي المعماري و الموقف وايد حلو احس به يثير المشاعر بصراحة
انا لو تمر علي السنين و اروح مكان ما رحته اكثر من عشرين سنه على طول بقعد اصيح :(

مرات احس ان حياتنا قصيره وبسرعه تمر و مرات احس ان فيها وايد اشخاص و مواقف بيتمون حاضرين بالذاكره

شوف كيف طاري الملابس الجديمه وين وداااك و وداانا ... وسرى الليل و احنا ما سرينا : (

إختي حاولت اقاوم وما قدرت .. تذكرت ربع كثيرين ومدرسين واداريين وطلبة كانوا معانا من مختلف الجنسيات .. تذكرت احساسنا ذاك الوقت والله كتبت الموضوع وحطيت بعض الصور في منتدى السياحة والسفر .. وصراحة تميت امشي هناك تايه وما ودي اطلع

[بشائر]

ماشاء الله عليكم كيف قدرتوا تحتفظون بملابسكم كل هالسنوات !

أنا ماعندي شي حتى عمره سنتين !

عجيب الموضوع الله يعطيك العافية اخوي معماري قطري
ومتااابعة .

[معماري قطري]

الصراحه اختي الكبيره مب مخليه لي جانس احتفظ في شي كل ما ماحتفظت
وسافرت مكان تطلع اغراضي تشقها وتمزعها وتطرش لي صور وتقولي بقط لويثج

وانا بعد زوجتي الله يهداها لكن في النهاية تقتنع .. يوم نقلنا من بيتنا القديم خلينا وايد أشياء .. ألحين اتذكر ثوب صوف خيطته بعد ما كبرت والخلق جايبته لي هدية خالة ابوي الله يغفر لها ويجمعنا بها في الجنة.

عاد وين احصله ألحين إن شاء الله يكون موجود للحين ونقلناه معانا .. وصج الملابس القديمة تذكرنا بناس رحلوا ونترحم عليهم

[معماري قطري]

ماشاء الله عليكم كيف قدرتوا تحتفظون بملابسكم كل هالسنوات !

أنا ماعندي شي حتى عمره سنتين !

عجيب الموضوع الله يعطيك العافية اخوي معماري قطري
ومتااابعة .

الله يعافيج إختي وتسرني متابعتج

[معماري قطري]

ابوي الله يحفظه عنده " over coat" الداخلية من سنة 1981 ..
وما شاء الله .. كانه يديييييييييييييييد !



يعطيك العافية

الله يعافيك ويحفظ إبوك .. مثل هذا تحتفظون به زين ويبقى ذكرى حلوة لوقت راح وتغير

[معماري قطري]

أحد كبار رجال الأعمال القطريين ومليونير الحين ما شاء الله الله يحفظه ويزيده من الخير .. كان من بداية حياته أثناء الدراسة ياخذ الأشياء القديمة من كبار السن من قرايبه ويبيعها في لندن

[ضوى]

بوووه يا معماري لو افتح صندوق ابوي الله يرحمه ويعفي عنه ويوسع منازله باطلع بلاوي من ثلاثين سنه واكثر يمكن بس مالي قلب والله

[معماري قطري]

بوووه يا معماري لو افتح صندوق ابوي الله يرحمه ويعفي عنه ويوسع منازله باطلع بلاوي من ثلاثين سنه واكثر يمكن بس مالي قلب والله

افتحيه ورتبي الثياب خصوصاً بتعليقهم بعيد عن النور والهواء والرطوبة

بس ما شاء الله الإخت أم أماني هي الفائزة فينا وعندهم تقليد عائلي عارفينه وماشين عليه .. إن التقليد يكون متتابع من عدة أشخاص يدوم فترة طويلة من جيل الى جيل

[الجـــوديّ]

صباح الخير

يعطيك العافية أخوي معماري

عندي فنايل امي الله يرحمها مالت لندن احب البسها في الشتاء.. يمكن صار لهم اكثر من عشرين سنة

وبعد ملافعها القطن صار لهم حول خمسة عشر سنة احتفظت بكم واحد منهم.

[معماري قطري]

صباح الخير

يعطيك العافية أخوي معماري

عندي فنايل امي الله يرحمها مالت لندن احب البسها في الشتاء.. يمكن صار لهم اكثر من عشرين سنة

وبعد ملافعها القطن صار لهم حول خمسة عشر سنة احتفظت بكم واحد منهم.

الله يرحمها ويرحم موتانا وموتى المسلمين

طلع القديم غالي عند الكثيرين مب انا بس