وين اسجل ولدي؟؟

[أم عزوزي]

بسم الله الرحمن الرحيم

السلام عليكم ورحمة الله وبركاته ...

شلونكم عساكم بخير؟؟

طبعا يا خواتي ويا اخوان مثل ما هو مبين من العنوان..

ولدي ان شاء الله بيكمل ال 4 سنوات الشهر الجاي وربي يحفظه ويبلغني فيه (تراه بكري وماعندي خبره بالتسجيل وهالامور فأول مرة يعني) ..

وبصراحه محتاره اسجله في أي مدرسه للكورس الجاي (السنة الجايه) من هذول

فبليز ساعدوني ... انا محتاره وياريت الي عنده خبره مع احد منهم يقول

- international school of London (من عمر 3 سنوات لين ثانوية)
- Qatar Finland (توها جديده من صف الأول لين السادس بس)
- اوفاز (من الأول لين السادس)

وقولوا لي متى يفتحون التسجيل او التقييم .. للعلم هو حاليا في حضانة العبقري الصغير واضطريت اخليه هالكورس لي شهر 6 .. وين اوديه لان ماسجلته وطافني وكل مرة يقولون لي أوقات غير ولمن اجي اسجل يقولون لي خلص الوقت ليش يايه الحين!!!!


قواكم الله والي بيده شي خل يساعدنا لله :shy:

[غريب الدّار]

بسم الله الرحمن الرحيم

السلام عليكم ورحمة الله وبركاته ...

شلونكم عساكم بخير؟؟

طبعا يا خواتي ويا اخوان مثل ما هو مبين من العنوان..

ولدي ان شاء الله بيكمل ال 4 سنوات الشهر الجاي وربي يحفظه ويبلغني فيه (بجري) ..

وبصراحه محتاره اسجله في أي مدرسه للكورس الجاي (السنة الجايه) من هذول

فبليز ساعدوني ... انا محتاره وياريت الي عنده خبره مع احد منهم يقول

- international school of London (من عمر 3 سنوات لين ثانوية)
- Qatar Finland (توها جديده من صف الأول لين السادس بس)
- اوفاز (من الأول لين السادس)

وقولوا لي متى يفتحون التسجيل او التقييم .. للعلم هو حاليا في حضانة العبقري الصغير واضطريت اخليه هالكورس لي شهر 6 .. وين اوديه لان ماسجلته وطافني وكل مرة يقولون لي أوقات غير ولمن اجي اسجل يقولون لي خلص الوقت ليش يايه الحين!!!!


قواكم الله والي بيده شي خل يساعدنا من باب الله:shy:


1- لما قلتي ( وربي يحفظه ويبلغني فيه (بجري)) .. كلمة بجري شتعني بالضبط؟
2- الله يحفظ لج إياه وتشوفينه معرس بعد مايتخرج بامتياز مع مرتبة الشرف
3- اوفاز على حسب علمي قوية
4-يفتحون دريشة التسجيل قصدي باب التسجيل على حسب علمي بداية كل كورس تقريبا ، بس لازم تتواصلين مع كل هالمدارس لان سالفة الحصول على مدرسة صارت صعبة شوي ، وانصحج بالتواصل مع المدارس هاذي علشان تعرفين متى يفتحون باب التسجيل وشنهي متطلباتهم بالضبط ، ولازم اتراكضين وراهم اختي علشان مايضيع أي كورس على الولد
5- انصحج من اليوم فضي نفسج اول يوم لانه في الغالب الولد بيعفس البطح في المدرسة الصبح اول مرة مثل كل اليهال اول يوم .
6-يساعدنا من باب الله ؟ اول مرة اسمعها هالجملة ، اخبرها يساعدنا لله .


والله يوفق الجميع

[أم عزوزي]

اخوي غريب الدار

شاكرة لك مرورك.. وردك الي بصراحة متروس تعليقات :)

- بجري كتبتها بالعامي يعني (بكري) من كلمه (بكر) يعني اكبر عيالي ((بس عشان أوضح اني ماعندي خبره في التسجيل وهالامور)) -_-
- يساعدنا لله يساعدنا من باب الله المهم انك فهمت المعنى - ماشاء الله عليك وايد تدقق :(

[غريب الدّار]

اخوي غريب الدار

شاكرة لك مرورك.. وردك الي بصراحة متروس تعليقات :)

- بجري كتبتها بالعامي يعني (بكري) من كلمه (بكر) يعني اكبر عيالي ((بس عشان أوضح اني ماعندي خبره في التسجيل وهالامور)) -_-
- يساعدنا لله يساعدنا من باب الله المهم انك فهمت المعنى - ماشاء الله عليك وايد تدقق :(
اها
بجري
المشكلة ان حرف (الجاف) اللي هو جيم تحته ثلاث نقاط مب موجود

على العموم مثل مانصحتج اختي تواصلي مع كل هالمدارس ، ونسيت أقول لج احسن لج انج تحجزين فيهم كلهم
قصدي تحطين اسمه فيهم كلهم وتودينه امتحان القبول في كل مدرسة توافق عليه او تحدد له امتحان لان احتمال اكثر من مدرسة تقول لج مافي مكان مثلا او مايقبلونه
واوفاز في نظري قد تكون الأفضل لكن الحين سالت لج عن اول مدرسة اللي هي انترناشنال سكول اوف لندن وقالوا لي اوكي بعد

والله يعينج ويوفقج

[أم عزوزي]

خلاص عدلت على الموضوع عشان محد يعلق ....

اخوي غريب والله شاقولك ... انا وحده اداوم .. والدوام خانقينا ومب مخليينا نتنفس... بس انا متابعتهم من سنه لدرجة انهم عطوني وقت ولمن رحت قالو لي خلصنا وش جايبج الحين!!

فاخاف هالسنه بعد يسون لي نفس الشي... المهم الغمنده الحين في أي احسن شي من هالمدارس؟؟ والله ماعرفنا شي

[مضارب دوسري]

ليش متاخره اختي
كان المفروض تسجيلنه بداية سبتمبر
حتى لو كان عمره اقل من 4 سنوات بشهر او 2 او 3

على ماظن حاولي تسجلينه في روضه حاليا ان ما قدرتي
اعتقد فهالحاله بيكون العام القادم


ان شاء الله احد الاخوان يساعدج بحل مناسب

[غريب الدّار]

خلاص عدلت على الموضوع عشان محد يعلق ....

اخوي غريب والله شاقولك ... انا وحده اداوم .. والدوام خانقينا ومب مخليينا نتنفس... بس انا متابعتهم من سنه لدرجة انهم عطوني وقت ولمن رحت قالو لي خلصنا وش جايبج الحين!!

فاخاف هالسنه بعد يسون لي نفس الشي... المهم الغمنده الحين في أي احسن شي من هالمدارس؟؟ والله ماعرفنا شي
اختي
شوفي
بغض النظر عن احسن مدرسة الحين
انا انصحج سجليه فيهم كلهم ان شاء الله تاخذين لج إجازة 3 او اربع أيام علشان تروحين من مدرسة لي مدرسة
لان احتمال يقبلونه واحتمال لا
فاحسن لج سجليه في اكثر من مدرسة علشان اذا ماقبلته وحدة الثانية تقبله وماتضيع عليه السنة
ودوامج مب اهم من ولدج (اسمحي لي بس هذا رايي)

وابي اسالج سؤال لو سمحتي حتى لو ماتجاوبين :
انتي ساكنة في الدفنة مثلا او الخليج الغربي؟
لان في مدرسة نيوتن هناك ويمدحونها بعد
وفي مدرسة قطر العالمية اللي صوب المدرسة اللبنانية بعد
كل هالمدارس مستواها حلو وسمعتها على حسب علمي طيبة

انا سالت لج عن اوفاز ومدرسة لندن هاذي ومدحوهم لي ناس مودين عيالهم هناك

[أم عزوزي]

اخوي مضارب دوسري

والله ثم والله اني دقيت لكل المدارس حتى الي مو حاطتهم في بالي قالو لي فل وماعندنا مكان ومن يسالون عن العمر يقولون لي صغير !!!

[غريب الدّار]

ليش متاخره اختي
كان المفروض تسجيلنه بداية سبتمبر
حتى لو كان عمره اقل من 4 سنوات بشهر او 2 او 3

على ماظن حاولي تسجلينه في روضه حاليا ان ما قدرتي
اعتقد فهالحاله بيكون العام القادم


ان شاء الله احد الاخوان يساعدج بحل مناسب


المدارس اللي ذاكرتها الأخت يامضارب هي مدارس وروض أطفال في نفس الوقت
يعني فيها kg1 و kg2
وبعض الروض فيها kg3
والولد أصلا اذا قبلوه راح يدخل الروضة على طول لان عمره مايساعده يدخل مدرسة
وان شاء الله يقبلونه

[أم عزوزي]

اخوي غريب الدار...

مشكور على ردودك اول بأول...

انا معاك ان شغلي مب اهم من ولدي (ولو تعرف الصج ماقلت لي هالكلام لانك حسستني اني مو مهتمه بالعيال)
المهم انا ماعندي ولايوم إجازة كلهم خذتهم اجابل بهم اليهال
انا ساكنه بالخيسه.. عشان جي ذكرت هالمدارس معني سامعه عن نيوتن بس بو العيال مو راضي يقول شوفي شي قريب
انا فكرت في ان اسجله فيهم كلهم بس السؤال المهم متى يبدا التسجيل للسنة الجايه؟؟

[مضارب دوسري]

اخوي مضارب دوسري

والله ثم والله اني دقيت لكل المدارس حتى الي مو حاطتهم في بالي قالو لي فل وماعندنا مكان ومن يسالون عن العمر يقولون لي صغير !!!

والله ما دري عن المدارس الخاص

المدارس الخاصه تدخل روضه من سن 3 سنوات

ولدج مواليد اي شهر واي سنه ؟

هالسنه فالمستقله مواليد 2011

[أم عزوزي]

والله ما دري عن المدارس الخاص

المدارس الخاصه تدخل روضه من سن 3 سنوات

ولدج مواليد اي شهر واي سنه ؟

مواليد نوفمبر 2011

[مضارب دوسري]

المدارس اللي ذاكرتها الأخت يامضارب هي مدارس وروض أطفال في نفس الوقت
يعني فيها kg1 و kg2
وبعض الروض فيها kg3
والولد أصلا اذا قبلوه راح يدخل الروضة على طول لان عمره مايساعده يدخل مدرسة
وان شاء الله يقبلونه


تسلم يالغالي

وين الغيبه لك وحشه فالجلسات :nice:

[غريب الدّار]

اخوي غريب الدار...

مشكور على ردودك اول بأول...

انا معاك ان شغلي مب اهم من ولدي (ولو تعرف الصج ماقلت لي هالكلام لانك حسستني اني مو مهتمه بالعيال)
المهم انا ماعندي ولايوم إجازة كلهم خذتهم اجابل بهم اليهال
انا ساكنه بالخيسه.. عشان جي ذكرت هالمدارس معني سامعه عن نيوتن بس بو العيال مو راضي يقول شوفي شي قريب
انا فكرت في ان اسجله فيهم كلهم بس السؤال المهم متى يبدا التسجيل للسنة الجايه؟؟
1- اختي انا مادري عن اهتمامج من عدمه ومب من حقي اعرف أساسا ، لكن رديت على كلامج لما قلتي ان الدوام خانقنا خنق او شي جذيه
وعلى العموم حقج علي ماكنت اقصد
عسى الله يحفظهم لج ويحفظج لهم وتخدمينهم ولما يكبرون يردون لج الجميل.
2-اوفاز في الخيسة وايد قريبة عليكم ، ومافي مدارس وايد في الخيسة ، علشان جذيه نصحتج تشوفينهم كلهم .
3- معظم الروض فيها باصات ، يعني المشكلة بتكون محلولة نوعا ما.
4-مثل ماقلت لج من الحين تقدرين تتواصلين مع هالمدارس وان شاء الله يفيدونج عن موعد التسجيل ، وانتي تقولين انج متواصلة وياهم قبل ، يعني اتصلي فيهم مرة ثانية واعرفي بالضبط متى المفروض تروحين لهم وتودين الولد واوراقه.


في نقطة أخيرة اختي :
اطلبي من الروضة (والمفروض يعطونج) تقرير باللي تعلمه الولد خلال فترة تواجده في الروضة
هالشي (في اعتقادي) راح يساعده وايد باذن الله في مسألة قبوله.
يعني تقرير يوضحون فيه الولد شتعلم بالضبط.

[مضارب دوسري]

مواليد نوفمبر 2011

قدمي اجازه من دوامج بكره مثلا وروحي المجلس الاعلى

انا ما اعرف فالمدارس الخاصه

ولدي فضلت احطه ف روضه مستقله لان مابيه يختلط ف اجانب ياخذ عاداتهم
الاجانب اقصد هنا الغير عرب حتى لا يساء فهمي
صحيح ياخذ تعليم افضل فالخاصه
بس تربيه واخلاق اسوأ


هذا راي شخصي فيني
لذلك فضلت الحكومي

[غريب الدّار]

تسلم يالغالي

وين الغيبه لك وحشه فالجلسات :nice:

ومن قال يالحبيب
والله إجازة خاصة يامضارب
لكن راجع لكم قريب باذن الله :)
رحم الله والديك على السؤال يالشيخ

[أم عزوزي]

عشان تتضح الفكره :
- مدرسة لندن الدولية - من سن 3 سنوات الين الثانوية - وايد زينه من كل النواحي بس بصراحه ماقد سمعت عن العربي والدين شلون هناك؟ (ولما سالتهم امس قالو لي بيدخلونه early childhood 2 في السنة 2016/2017 - وعقب كندرقاردن بري سكول في السنة 2017/2018 - وعقب الصف الأول في السنة 2018/2109)
- مدرسة اوفاز - لين السادس - ومدحوها لي من كل النواحي بعد (شكلي افكر ادخله فيها وعقب انقله في الإعدادية)
مدرسة قطر الفنلندية - توها جديدة من سن 5 سنوات الين السادس وشكلها زينه بس مدري عنها وايد لانها توها جديده صايره يم البيان الي بالخيسه (ولما سالتهم قالو بيدخلونه بري سكول السنة الجاية 2016/2017 - والصف الأول في 2017/2018)

[مضارب دوسري]

تاكدي اختي مافي شي بالاتصال يمشي
روحي انتي او احد من اهلكم او ابوه
افضل

[أم عزوزي]

اخوي مضارب دوسري مشكور على الرد .. واحترم وجهه نظرك والله يوفق عيالك .. معظم الناس تفكر بنفس النقطه

واخوي غريب الدار مشكور على الرد .. بالفعل هاي الي طلبته من الروضة الي هو فيها الحين وقالو بيعطوني .. حتى اذكر وقعونا على ورقة ان الولد بيتم معاهم لين السنة الياية

وبالتوفيق ان شاء الله للجميع

[بصمة قطرية]

بالإتصال مافي شي يمشي
حتى لو في شاغر بيقولون ما عندنا ..
لازم تروحين بنفسج و لو قالوا ما في مجال
حطي إسم الولد في لائحة الإنتظار ..
المدارس الخاصة و الروض التسجيل فيها جداً صعب ..
و ما تحصلين مكان و لازم ترزين ويهج كل فترة تسألين ..
سالفة شغلج الله يعينج
لازم تتعبين شوي عشان تحصلين اللي تبينه ..
حطي إسمه في كل المدارس اللي تبينها
على الأقل للسنه الجاية إذا ما في مجال السنه
من الحين مب تنتظرين لين بداية السنه
ما في فايدة ..

[أم عزوزي]

بصمة قطرية

شاكرة الرد والمرور ... وان شاء الله بشوف وش قصتهم

دعواتكم بس

[مضارب دوسري]

الله يوفقج
ويخليه لكم يا رب ويحفظه

[بصمة قطرية]

موفقة إن شاءالله حبيبتي ..
إن شاءالله بتدخلينه الروضة و المدرسة
و بتفرحين بتخرجه من الثانوية
والجامعة و تبلغين فيه معرس
يارب ..

[أم عزوزي]

اللهم امين يارب العالمين

تسلمون على المرور والردود والدعوات الحلوة ولكم بالمثل ان شاء الله :)

[pink pearl]

أنا ولدي دخلته روضة جوعان روضة حكومية إدارة ممتازة ومتواصلين دايما مع الأهل، وولد أختي كان في نيوتن وفيه فرق بين كل المواد وفيه فرق بالاهتمام
انصحج عن تجربة بهالروضة وهي في الدفنة

[أم عزوزي]

مشكورة اختي بينك بيرل

اموري الحمدلله طيبة من ناحية الروضة

انا قصدي للسنة الجايه باذن الله

ان شاء الله خير

[تركي محمد]

نصييييحتي لج اختي

سجليه في مدرسه مستقلة يتعلم فيها الاصول و اللغه العربية

وعقبها بسنتين عالاقل حوليه خاصه يتعلم فيها

ولدي كان مايعرف يركب كلمتين بالعربي وحتي الكلمات العربيه يكتبها بالمقلوب من اليسار لليمين مثل الانجليزي ... ولكنه بلبل فالانجليزي وهذا الشي اكبر خطأ
اضطريت اني ادخله مستقله هالسنه وفعلا تغير وايد للافضل طبعاً

[Ms. London]

اختي تواصلي مع المدارس بشكل مستمر يعني كل اسبوعين اتصلي سألي في تسجيل او لا.. صح انتي بتحسين انج ازعجتيهم بس عادي اهم شي مايطوفج وقت التسجيل.