جدران اللاوعي

[العفراء]

اليوم حابه نتكلم عن موضوع نفسي معروف بعالم الاحلام يسمونه التنقل من خلال جدران اللاوعي

ادريبكم ما فهمتوا بعطيكم مثال :

انا سلمكم الله فمره من المرات كنت حلمانه اني يالسه بحوش بيتنا وكنت اقرا الجريدة انزين

و جان اتطيح عيني على اعلان عن افتتاح مكتب ايجار يديد و اتضح .. انه بفريجنا

المهم انا بالحلم سيدا رفعت التيلفون واتصلت بالمكتب ليش انه كان اول يوم لهم فقلت اكيد اليوم التأجير ببلاش ..

انزين اللي صار انه راعي المكتب قال احن ما عندنا سيارات احنا ناجر مركبات توديكم الفضاء

احنا بعدنا ترانا بالحلم لكن من المشهد على طول انتقلت لمشهد ثاني اللي هو التالي :

فجأة كنا انا وربيعتي اللي هي معاي بالدوام كنا يالسين بالمركبه ورحنا الفضاء .. ( الحين شو يابنا انا و ربيعتي بالمركبه و متى لبسنا هالبس مال الفضاء و متى اتفقنا مع المكتب انه انأجر المركبه ) كل هالتفاصيل ما صارت بالحلم لكن شو اللي صار .. ان جدران اللاوعي نقلتني بالحلم من مشهد يلستي فنص الحوي لين المركبه الفضائيه .. و بس هاي المعلومه اللي حابه أوصلها لكم ..

انزين بكمل لكم الحلم ههههههه

رحنا الفضاء وتمينا نحوط و عقب ربيعتي قالت بخاطري نروح ورا كوكب المشتري قلت لها اوكي يبالنا والله ورحنا هناك وتفاجأنا ان البترول بيخلص و ما عرفنا طريج الرده للأرض شقايل و جان انتم نصيح و نشوف عداد البترول قريب بيخلص وجذا اقولكم احنا خايفين ونصيح جان انش من النوم مفزوووعه و جان انش و واروح اشوف عمري بالمنظره ويوم شفت ان هاي اللي بالمنظره انا هنا ارتاح قلبي و حمدت ربي و قمت اتجهزت للدوام و قررت اني ما اقرا الجريده بهاك اليوم .


و دمتم سالمين

[.قطر.]

احلام الرعب تخوف :weeping:
كم مره حلمت احلام رعب واقوم من النوم متخرع واقول الحمدلله انه مب صج لو صج جان كانت علوم :weeping:

[بصمة قطرية]

الأحلام أفلام
بعضها فلم خيالي
و بعضها رعب
و بعضها رومنسي
و بعضها أكشن ..


مزاج الشخص و نفسيته يحددون نوع الحلم ..

[نفسي عزيزه]

اذا كلت وايد احلم بكوابيس وكل يطقوني الاشرار وعليه علي :weeping:

بس مره من الحره غلبتهم يكفي خلاص كفخوني تسطرت تسطر لازم اخذ حقي وخذته :)

واذا ماكلت وايد عادي احلم احلام مالها داعي الا اصيد سمج ونشوي الا احلم اني اتمشى الا احلم اني ادور بالسياره
مرات احلم اني اطير مادري يمكن اطير مستقبلا كل شي جايز :(

[بصمة قطرية]

اذا كلت وايد احلم بكوابيس وكل يطقوني الاشرار وعليه علي :weeping:

بس مره من الحره غلبتهم يكفي خلاص كفخوني تسطرت تسطر لازم اخذ حقي وخذته :)

واذا ماكلت وايد عادي احلم احلام مالها داعي الا اصيد سمج ونشوي الا احلم اني اتمشى الا احلم اني ادور بالسياره
مرات احلم اني اطير مادري يمكن اطير مستقبلا كل شي جايز :(

جازورا خخخخخخخخ
معروف أصلاً تاكل ثقيل وتنام تجيك كوابيس
إرحم بطنك ..

[نفسي عزيزه]

جازورا خخخخخخخخ
معروف أصلاً تاكل ثقيل وتنام تجيك كوابيس
إرحم بطنك ..

لايفوتج بصمه بيفتحون عندنا ماكدونلز في مول الرويس الظاهر باحلم بكوابيس غريبه عقب ماكدونلز تبادلين تجين الشمال واجي الدوحه :weeping: :shy:

[العفراء]

قطر علشان ما اتييك كوابيس قبل لا ترقد سو ضغط 400 مره
:tease:

[العفراء]

انا يا صديقتي بصمه احب الخيال و احلام الخيال ما احب الرعب
طبعا ما ظنتي في حد يحب الاحلام المرعبه

[بصمة قطرية]

لايفوتج بصمه بيفتحون عندنا ماكدونلز في مول الرويس الظاهر باحلم بكوابيس غريبه عقب ماكدونلز تبادلين تجين الشمال واجي الدوحه :weeping: :shy:

خخخخخخخ انت ناقص ..

يا سلام
والله حلمي يكون عندي بيت على البحر
اي ابادل :)

[شموخ دائم]

,

,


مرحبا

شكرا على الموضوع

تفسير الحلم ان بيجيك ( خير ) من ذهب وافلوس من الفرحه بتطيرك الى السماء انتي ورفيجتك
والخير بيكون بدايته في ( اعلان ) عاد انتي اقري كل الاعلانات واتصلي فيهم واحد واحد الي بجريده الخليج
:shy:


الي احب اقوله عن الاحلام والواقع
ان احيانا يمر علينا موقف احس انه مار علي من قبل
واعرف شنو بيصير بعد شوي موقع معين غريب وكاني عشته من قبل
فتره زمنيه بسيطه وكاني عشت تفاصيلها كامله
سبحان الله

ما اعرف شنو تفسيره

,

,

[.قطر.]

قطر علشان ما اتييك كوابيس قبل لا ترقد سو ضغط 400 مره
:tease:


ههههههه احلم بكابوس ولا اسوي 100 حتى escape
والله اخر كابوس خمَست ونطيت من مكاني ع السرير وفتحت باب الغرفه وحاولت اتناسى الكابوس وكملت نومي :cry2:

[بصمة قطرية]

على طاري الأحلام و الكوابيس
من فترة بسيطة حلمت بجني
وايد أحلم بجن في بيت هلي و اكثر شي
اقرا قرآن في الحلم
بس عمري ما شفتهم كله احس بوجودهم
آخر مرة شفت الجني
شفتي لما تنادين حد تضربين على كتفه بالخفيف
جذي سوا لي الجني
افتريت لقيته قاعد يطالعني
تخيلي شلون شكله ..!!
اقرع و شكله غريب و لونه وردي
اول ما شفته دزيته ما خفت منه ..
الظاهر عشانه وردي كيوت ما خوفني ..

يوم قمت من النوم ادوره خخخخخخخخ

[نفسي عزيزه]

حلو الواحد يحلم بأنه يقرا قران بالمنام بصمه
والقوه بالمنام دليل ايمانج بالله

اخبر هالسوالف سمعتها عند مفسر سعودي ان الي يقرى قران بالمنام وعن القوه بالمنام شي طيب

الفال لي اصير قوي كل شادخيني :weeping: :shy:

[العفراء]

صح كلامك نفسي عزيزه ظنتي شي دراسة تقول ان العشا الخفيف يحمي الانسان من الاحلام المزعجه و الكوابيس

بعدين يا اخويه لا تتعشا عشا ثقيل الا ان كان عشاك عقب المغرب و الا ان اخرت فتعشا زبادي و شوية سلطه
و اشرب ماي اوكي

باليوم اشرب ست دبات ماي

عقب كل فرض صلاة اشرب دبه خمسمية مل علشان اتعود عمرك وما تنسى

هاي نصيحتي لك ان بغيت تاخذ ابها بكيفك و ان ما يازت لك يا ابويه برايك الزم ما علينا ترى راحتك
و هذي تراها حياتك و انت حر فيها ههه

[نفسي عزيزه]

صح كلامج العفرا
واعترف اني مقصر مع الماي اشرب يمكن 4 اكواب ماي يوميا فقط

ان شاء الله باخذ بشوركم

[العفراء]

,

,


مرحبا

شكرا على الموضوع

تفسير الحلم ان بيجيك ( خير ) من ذهب وافلوس من الفرحه بتطيرك الى السماء انتي ورفيجتك
والخير بيكون بدايته في ( اعلان ) عاد انتي اقري كل الاعلانات واتصلي فيهم واحد واحد الي بجريده الخليج
:shy:


الي احب اقوله عن الاحلام والواقع
ان احيانا يمر علينا موقف احس انه مار علي من قبل
واعرف شنو بيصير بعد شوي موقع معين غريب وكاني عشته من قبل
فتره زمنيه بسيطه وكاني عشت تفاصيلها كامله
سبحان الله

ما اعرف شنو تفسيره

,

,

هلااااا باستاذي شموخ دايم جيف انته عساك بخير

تفسير الحلم وااايد حلو ههههه اشكرك بعنف


انا من زمان كانت جريدتي المفضله هي الخليج لكني وقف عن قرايتها مع كل الجرايد المحلية بعد طفرة التيلفونات و الشبكات الاجتماعية اللي توصل لنا اخبار
الدار اول باول

لكن في كتّاب معينييين احب اقرالهم لازم امر على اعمدتهم كل يوم الصبح

المعلوومه اللي انت تفضلت بها عن الاحلام و الواقع هذي حتى معايه صارت وااايد

اكون يالسه بمكان و تصير احداث جدامي اكون فعلا شايفتنها قبل بس ما ادري وين هل بالاحلام و الا كيف

و اتاخرت بالرد عليك لاني كنت ادور ع معلوومه تتكلم عن ان الانسان لما يكون جنين تنعرض عليه حياته بالكامل و علشان جذي يصادف مواقف يحس انه عاشها و شافها قبل بس للاسف ما لقيت مصدر لهالمعلومه و حابه اتاكد من الاعضاء لو عندهم معلومات بهالخصوص

و ربي يحفظك الشيخ دووومك تسعدني بردودك الطيبه

[bohilal191]

احلامي كلها فلوس في فلوس
سفر في سفر
وبس والله