قبل لتشتري مكيف ادخل اقرى الموضوع وعقب روح اشتري @@@@

[Qt.1]

السلام عليكم ,,

حبيت اكتب موضوع عن المكيفات وتجاربي مع انواعها خاصه حق الي للحين ماشرى مكيفات , قبل ليشترون مكيفات ويتوهقون فيهم هذي تجربتي مع ثلاث شركات ,,


تجربتي الاولى مع جنرال (General turbo gold) اول مكيف شريته للبيت كنت مستعيل وكنت عندهم اخذ فرن قلت مره وحده اخذ مكيف مع اني كنت اقول ماظن يغطي المكان , عندي قعده كبيره ومفتوحه قلت يمكن طنين ونص مايلحق , لكني تفاجأت بمستوى البروده ماشاء الله ممتاز وهو مقصر وكل اشوي انبنده وعلى فكره تروبيكال مهب بستن , وتقييمي للمكيف ممتاز على ماخبر سعره كان 3100 واللحين عليهم عروض اتوقع ,


تجربتي الثانيه مع قري (Gree) بما اني موصل البيبات عن طريقهم قلت اخذ من عندهم واوفر لي سعر البيبات واظنه غني عن التعريف واعتبره جيد وسعره زين وبارد طبعا اتكلم عن البستن 2.5 ,


تجربتي الااخيره مع مكيفات (Whirlpool) ابد ماتوقعت اني باشتري هالمكيف بس احتجت مكيف كبير لكني توكلت على الله وشريت طنين ونص بستن طلع علي 4000 تقريبا , وبصراحه كلمة ممتاز اشوي عليه وتقييمي له فوق الممتاز ,

هذي تجاربي وطبعا انت صاحب القرار وفي النهايه يعتمد على حسب ميزانيتك , :nice:

[وليف الشوق]

تجربة حلوة واكيد الكل راح يستفيد من هالتجربه ومن خلال موضوعك راح يحدد نوعيه المكيف وانا عندي مكيف فوق الممتاز بس للاسف مااحب اسوي دعايه له

[Qt.1]

تجربة حلوة واكيد الكل راح يستفيد من هالتجربه ومن خلال موضوعك راح يحدد نوعيه المكيف وانا عندي مكيف فوق الممتاز بس للاسف مااحب اسوي دعايه له

هلا بك بالعكس قول شنهي تجربتك , هدفنا من الموضوع مساعدة الشباب المحتارين في المكيفات وتسهيل الاختيار عليهم ,,

[سليمان احمد]

انا قبل سنه احتجت مكيف سبليت وكنت اشوف اعلانات عن مكيفات gree لكن متخوف خاصه كونها شركه موب

جديده لكن جديده على المستهلكين في قطر كونتا تعودنا على جنرال وسامسونغ وجنرال كول وناشيونال اول

المهم قلت خل اجرب واخذ واحد وكان لصاله صغيره في ملحق لكن بصراحه تفاجأت من اداءه وتبريده وقلت مرب

مستعجل احكم عليه يمكن عشانه جديد خل انتضر لين اقيمه عدل وخل انتضر عزالصيف شهر 7 و 8 لاني ماخذه

في شهر 4 لكن يوم جاء المحك بصراحه اثبت انه مكيف جبار وبعد فتره خذت لي واحد حق خيمه في البيت وعز الله

انه مكيف وبعدها اخذت لي اثنين لقسم عندي وماشيه 100% وتبريد جبار ولا تسرب ولا حراره وصوته هادئ جدا

وبصراحه خلاص انا اعتمدت هالمكيفات وناسبتني وهذا رايي وبالتوفيق للجميع ونسمع باقي الاراء عشان اللكل

يستفيد من معلومات الاعضاء

[وليف الشوق]

هلا بك بالعكس قول شنهي تجربتك , هدفنا من الموضوع مساعدة الشباب المحتارين في المكيفات وتسهيل الاختيار عليهم ,,

General turbo gold

[معماري قطري]

مشكورين على هالتجارب اللي بتفيد الكثيرين إن شاء الله

الحمد لله عزلت بيتي زين وركبت ال جي التعيس وبعضهم مكملين للحين عندي 11 سنة .. وبعضهم استبدلتهم بجنرال وفوجي وفوجي عجبني تكييف وتدفئة وفعال لآخر درجة.

انتبهت قبل فترة لتظليل الوحدات الخارجية فوق السطح وهذا مهم للكل وانصح به.

[$الملياردير$]

هلا اخوي معماري .. الله يمسيك بالخير ... ايش قصدك بتظليل الوحدات الخارجية ... ممكن تشرحها و مدى فاعليتها ... انا شفت بيوت في السعودية يبلطون الأسطح و عجبتني الفكرة .. ًشفت ناس تعمل مظلة لحام ع شكل قرميد تظلل ع وحده التكيف من الاعلى و مفتوحة من الأربع جوانب عشان التهوية كفكرة الكوخ من غير حوائط بس أعمدة .. هل هذا هو قصدك . دمتم بود

[معماري قطري]

هلا اخوي معماري .. الله يمسيك بالخير ... ايش قصدك بتظليل الوحدات الخارجية ... ممكن تشرحها و مدى فاعليتها ... انا شفت بيوت في السعودية يبلطون الأسطح و عجبتني الفكرة .. ًشفت ناس تعمل مظلة لحام ع شكل قرميد تظلل ع وحده التكيف من الاعلى و مفتوحة من الأربع جوانب عشان التهوية كفكرة الكوخ من غير حوائط بس أعمدة .. هل هذا هو قصدك . دمتم بود

مرحبتين اخوي .. نعم هذا قصدي .. ضمان المكيف على الكمبريسر بس وبعد الخمس سنين تحصل المكيف محروق من الشمس وتضطر تبدله .. وشمسنا تحرق حتى الوايرات وللفنادق يسون غرف خاصة للكمبريسرات وتكون فيها مراوح شفط للحرارة حتى تبرد الكمبريسر .. عندنا التغطية حل معقول ولا نحطها تحت بين الزراعة ونمدد لبايباتها داخل دكتات واسعة ممكن تتغير أي وقت ولا تكون في جزء من البيسمنت لو عندنا بيسمنت.

انا سويت من الخشب بس صراحة تقطع الخشب من الشمس والحديد والقرميد أكيد أحلى وأقوى وللتثبيت حط طابوق يمسكه لتثبته في السطح وتخرب العازل.

[سعود.]

هلا اخوي معماري .. الله يمسيك بالخير ... ايش قصدك بتظليل الوحدات الخارجية ... ممكن تشرحها و مدى فاعليتها ... انا شفت بيوت في السعودية يبلطون الأسطح و عجبتني الفكرة .. ًشفت ناس تعمل مظلة لحام ع شكل قرميد تظلل ع وحده التكيف من الاعلى و مفتوحة من الأربع جوانب عشان التهوية كفكرة الكوخ من غير حوائط بس أعمدة .. هل هذا هو قصدك . دمتم بود


اذا تركب بلاط في السطح لازم يكون عندك جسر مقلوب برتفاع 30 الا 40 سم

لان البلاط قابل للتمدد وراح يضغط على الطابوق الي بسور وتصير عندك كركات بسور السطح وضروري تركب فواصل التمديد بين البلاط

[$الملياردير$]

جزاكم الله خير اخوي معماري و الشكر موصول لك اخوي سعود .... لاعدمناكم

[معماري قطري]

اذا تركب بلاط في السطح لازم يكون عندك جسر مقلوب برتفاع 30 الا 40 سم

لان البلاط قابل للتمدد وراح يضغط على الطابوق الي بسور وتصير عندك كركات بسور السطح وضروري تركب فواصل التمديد بين البلاط

أساساً هذا شيء ضروري بتركب بلاط أو لا .. ولازم يكون تحت سور السقف لأَن ضغط الاسمنت يسبب شلخ عرضي يبين في أسفل سور السطح

لتركيب البلاط فوق السطح بدال الفواصل ممكن يصبون قار بين الفراغات وفي الأخير شوية ماستك اللي يسوون منه فواصل التمدد .. تستوي الفراغات هذي البسيطة عبارة عن فواصل تمدد .. يعني الفراغ 2 ملم بس ما يحتاج أكثر .. وبالنسبة للقار فيه نوع بلون أبيض.

[معماري قطري]

جزاكم الله خير اخوي معماري و الشكر موصول لك اخوي سعود .... لاعدمناكم

جزاك الله بما دعيت اخوي الملياردير والمظلات هذي ضرورية لا تستهين بها .. مقاولين التكييف يقولون لك المكيف مضمون ومصنوع حق برا ووقت ما يخترب ما يقولون لك السبب الرئيسي اللي هو الشمس.

[سعود.]

أساساً هذا شيء ضروري بتركب بلاط أو لا .. ولازم يكون تحت سور السقف لأَن ضغط الاسمنت يسبب شلخ عرضي يبين في أسفل سور السطح

لتركيب البلاط فوق السطح بدال الفواصل ممكن يصبون قار بين الفراغات وفي الأخير شوية ماستك اللي يسوون منه فواصل التمدد .. تستوي الفراغات هذي البسيطة عبارة عن فواصل تمدد .. يعني الفراغ 2 ملم بس ما يحتاج أكثر .. وبالنسبة للقار فيه نوع بلون أبيض.

على طاري الجسر المقلوب قريت عنها من مهندسين بتويتر وغيره ، وعرفت قيمتة

بس بصراحة ماشفت بعيني على كثر البيوت الي شفتها في الدوحة .

[معماري قطري]

على طاري الجسر المقلوب قريت عنها من مهندسين بتويتر وغيره ، وعرفت قيمتة

بس بصراحة ماشفت بعيني على كثر البيوت الي شفتها في الدوحة .

هو تفاصيله شوي تختلف وسهل يسونه في قطر بس اللي صعب عليهم وما يسونه الأرضية والعمدان بدون جسور كلش .. عندنا يتخرعون لو يسمعون بها تعودوا على المبالغة .. أذكر صممنا في الجامعة مبنى مرتفع على عمدان طوال وفوقه تصف السيارات وكله مدفون تحت الأرض بدون جسور .. بس عيبي انا ويمكن كثير من المهندسين الممارسة تكون في شيء واحد وتبقى هذي معلومات.

عندنا في قطر ما اتوقع كل استشاري عنده مهندس انشائي يسوي حسابات لكل شغلة كله عندهم زاد الله من زاد .. وحدة من الأعضاء سئلتني سؤال انشائي وكان صعب علي أجاوب كانوا يبون يقصون عمود كامل .. نصحتها بمهندس انشائي أعرفه من زمان واشتغلت معاه فترة وكان مهندس ثاني قايل يصير وهو فهمها شلون الوضع وسوو حديد تثبيت جانبي تحت السقف يتغطى بجبس ويقدرون يقصون العمود.

فرحت والله يوم انحلت المشكلة صح.

[معماري قطري]

بالنسبة لسور السطح فيه عدة طرق لتثبيته .. منها زاوية حديد مقاوم للصدأ توضع في أسفل التقاء الطابوق بالسقف حتى تثبت الطابوق وفيه ملء فراغات الطابوق بالخرسانة مع وضع بعض أسياخ الحديد مع ربطها برؤوس الأعمدة اللي لازم ترفع مع السور .. وفيه طريقة عمل صبية جسر فوق الطابوق وشبكها برؤوس الأعمدة .. والحلول كلها هذي ممكنة والحل الأرخص هو الاعتماد على فن العمال في تركيب الطابوق بمونة قوية وعمل فاصل تمدد للعازل في الأطراف قرب الطابوق .. بحيث لو تمددت طبقات العزل ما تضغط على سور السطح.

انا افضل الجسر الفوقي مع تمديد الأعمدة .. والجسر الفوقي يكون مايل للداخل حتى لو كان عليه غبار ونزل مطر ينزل على فوق السطح وما يلطخ الواجهات .. مع تركيب البورد القابل للانضغاط في الأطراف أو تركيب فاصل تمدد غير مع تغطيته جيداً بمادة عازلة حتى ما يكون مصدر للتسريب .. ومب خسارة زيادة في الاحتياط نسوي جسر مقلوب تحت بغمس بعض الحديد في الخرسانة وقت صب خرسانة السقف وعمل الجسر مقلوب عليها بارتفاع 10 - 15 سم .. وهذا ما عملته لبيتي شخصياً وللأسف فاتني عمله لسور سقف البنتهاوس واستوى الشلخ هناك بعد فترة طويلة تقارب ال 8 سنين .. لكن غير مرئي من تحت ومن الخارج لأن البنتهاوس في وسط السقف تقريباً.

[سعود.]

اخوي معماري

انا توني من فترة قريبة عرفت سالفة الجسر المقلوب . وفاتني القطار اني اسويها في بيت الاهل .

بيتي للحين ماوصلت لهذا المرحلة وبسويها ان شاء الله .

والزين انة الا الان ماسويت في بيت الاهل الوارش لني ناوي اسوية اخر شي ( grc ) منه اخف على الفيلا وارخص من الخرسانة المسلحة . لني شفتة في بيت اخوي كيف سوها كلها اسياخ حديد كنها عمدان افقية . السوأل هو : اقدر اصب خرسانة بين فتحات الطابوف لتقوية السور . بدلا من الحلول الاخري ؟؟؟؟

[بوخالد911]

اشكرك بعنف.

[معماري قطري]

اخوي معماري

انا توني من فترة قريبة عرفت سالفة الجسر المقلوب . وفاتني القطار اني اسويها في بيت الاهل .

بيتي للحين ماوصلت لهذا المرحلة وبسويها ان شاء الله .

والزين انة الا الان ماسويت في بيت الاهل الوارش لني ناوي اسوية اخر شي ( grc ) منه اخف على الفيلا وارخص من الخرسانة المسلحة . لني شفتة في بيت اخوي كيف سوها كلها اسياخ حديد كنها عمدان افقية . السوأل هو : اقدر اصب خرسانة بين فتحات الطابوف لتقوية السور . بدلا من الحلول الاخري ؟؟؟؟

تقدر بس وشو الأضمن؟ أحياناً بدون شيء بفن اللي يركبون الطابوق ما يصير شيء .. هي مغامرة زوايا الألمنيوم أو الحديد حل بعد بس لازم تكون مثل الكرسي ومثبتة ببراغي قوية اللي تدخل في الخرسانة وتسوي لوك قوي ولا تنفتح .. حطيت لها صور قبل في موضوع العزل اعتقد وهذا الحديد يعزل خرسانة العازل وطبقاته عن سور السقف.

حل بعد قبل ليركبون الطابوق خلهم يحفرون بدريل وركب حديد يكون في هذا الحفر وفي فتحات الطابوق وصب خرسانة .. يعني كل متر قطعة حديد وحفر الدريل يكون في حدود 7 - 10 سم .. لو تبي الحديد يثبت عدل فيه مادة لاصقة قوية تنحط في ثقب الدريل وينغمس فيها الحديد .. وهذي الطريقة حتى لو بتسوي عمدان خرسانية لعمل دور جديد تقدر تسويها.

بعدين الجي ار سي الزين غالي وأغلى من الخرسانة أما النوعيات الرديئة أكيد أرخص

[سعود.]

جزاك الله خير .*

توني ادري ان grc اغلى من الخرسانة المسلحة .

[معماري قطري]

جزاك الله خير .*

توني ادري ان grc اغلى من الخرسانة المسلحة .

الله يجزيك الجنة

الجي ار سي صناعة فيها مواد غالية وتاخذ وقت حق تقوى في غرف بخارية أو رطبة على طول وفي درجات معينة .. وفي خلطته تدخل صبغات خاصة ومادة الفيبر منها أنواع بعضها تجي مثل الخيوط تبين يخفون عيوبها بالصبغ من فوق .. والصبغ من فوق ما يصير يطير بسرعة ويتقشر لأن الجي ار سي يجي سطحه مثل القزاز ناعم ومصمت ما يدخله الماي.

اللي يسونه أغلب شركات الدوحة منتج غش حتى رمل يحطون فيه وبودرة وبعضهم يستخدمون خيوط الخيش حتى يتماسك وطبيعي يطلع المنتج رخيص لكن ما يسوى.

للنقوشات الرفيعة الحادة نحتاج قوالب خاصة ربر على ما اذكر وهذي مكلفة بعد .. أما عمدان وديكورات ما فيها نقوش صغيرة للسقف ممكن حتى نستخدم الجبس مع الخيش مقوى بحديد بعد ومصبوغ صبغ زين مقاوم للرطوبة .. قبل يسونها في قطر من الجص وبعضها عاش سنوات طويلة بسبب المصنعية ذاك الوقت.

والجص صناعته كانت من حجر جيري ويحرقونه بالنار ويتفتت ويطحنونه بآلة الوالد يقول لي قطعتين حجر دائريتين منحوتين وحادتين أكبر من المطحنة العادية للقهوة .. ويطلع لنا الجص مثل البودرة البيضاء وينخلط بالماء بطريقة خاصة وينعمل في الموقع بواسطة آلات بدائية مثل الفرجار والسكين ومنها أنواع للنحت والقص .. البعض يقولون تراث قطري قديم لكن خلنا واقعيين قبل القطري كل شغل البناء يسونه له الكولية والأستاد اللي هو رئيسهم وكلهم من ساحل فارس .. عرب وبعضهم فرس وهم اللي نقلوا كل خبرات البناء القديم وهم من بنى الساحل الغربي للخليج.

جدة واليمن فيها حضارة ثانية متأَثرة بأفريقيا جزئياً وخصوصاً مصر والسودان والصومال واثيوبيا .. كانت الثقافات هذي والحضارات القديمة الموجودة هناك بسهولة تنتقل لنا .. عمان يمكن أهلها مارسوا البناء بس بعد اقتبسوا من حضارات ثانية ومنها الهند والإمارات كذلك كانت فيها شيء من الهند والكثير من فارس