## زيارة المفتشين التربويين لمدارس البنات ##

[ضوى]

هل تؤيد زيارة المفتشين التربويين من الاساتذه والدكاترة لمدارس البنات بغرض تقييم المدرسات ؟ وهل تؤيد حضور هذا المفتش لحصص التدريس ومتابعة شرحها للطلاب والطالبات ؟؟

انتظركم وصباحكم خير وفرح وفرج

[بانغ بانغ]

موضوع مهم استاذتنا الفاضلة

اؤيد وخصوصا لأولياء الأمور كمان

استغرب من اللي يستنكر ..... احين البنات ايسافرون بروحهن ... افرقت مع التدريس والاشراف بحضور الادارة

[بومحمد المطاوعه]

البنات الي يسافرون بروحهم مب الكل يا بانع بانغ

وفي ناس محافظين ولله الحمد
ماعندهم هذي الخرابيط والمصخره ,,



الصراحه انا لا اؤيد ..

[ضوى]

موضوع مهم استاذتنا الفاضلة

اؤيد وخصوصا لأولياء الأمور كمان

استغرب من اللي يستنكر ..... احين البنات ايسافرون بروحهن ... افرقت مع التدريس والاشراف بحضور الادارة

طيب مب اولياء امور هالمدرسة رضوا بنتهم تشتغل بمدرسة بنات لانه مافيها اختلاط ؟ بيرضى زوج هالبنت او ابوها او اخوها تشرح جدام ريال غريب حتى لو كانت منقبة ؟؟ لما تحس نفسك مراقب من جنس غير جنسك مابتكون حذر في الشرح والحركات ؟؟ ومب وايد ينادون انه صوت المراة عورة ؟؟ واللي مارضى محارمه يشتغلون الا في بيئة مختلطة هذولي يرضون محارمهم يطلعون بروحهم ويسافرون بروحهم ؟

[عاشق العديد]

ما أؤيد ابدا ..

عيل شفايدة المديره والنائبه الاكاديميه وغيره وغيره ليش يستلمون رواتب اذا حد من المجلس الأعلى بيجي وبيحضر حصصص .؟

وبيقيم .؟

أتمنى مايصير هاي شي ..

[Riku3]

لا طبعاً .. ما شاء الله الاداريات القطريات اكثر من الرجال وحتى المدرسات المواطنات اكثر من الرجال ..

مافي اي داعي يحطون رجال في مدارس البنات لا مفتشين ولا اداريين ولا محاسبين ولا مجلس امناء .. والمفروض يحطون موظفات امن بعد ويكون الحرم التعليمي خالي من الرجال لاي سبب كان ..

انا اشتغلت مع المجلس الاعلى للتعليم 4 سنين وعدد البنات اكثر من الشباب .. وللاسف الكثير من الشباب حتى "الشياب" قلوبهم مب صافيه والمفروض ما يسمحون لهم بالذهاب لمدارس البنات لاي سبب الا في حالة الفعاليات الخاصة المخطط لها مسبقاً .

[بانغ بانغ]

طيب مب اولياء امور هالمدرسة رضوا بنتهم تشتغل بمدرسة بنات لانه مافيها اختلاط ؟ بيرضى زوج هالبنت او ابوها او اخوها تشرح جدام ريال غريب حتى لو كانت منقبة ؟؟ لما تحس نفسك مراقب من جنس غير جنسك مابتكون حذر في الشرح والحركات ؟؟ ومب وايد ينادون انه صوت المراة عورة ؟؟ واللي مارضى محارمه يشتغلون الا في بيئة مختلطة هذولي يرضون محارمهم يطلعون بروحهم ويسافرون بروحهم ؟

بس الشيخة ان وجدت امراة مشرفة فالافضل المرأة ولكن ان لم يوجد !!!

[مختلف جداََ]

ضد إنه يحضرون رجال للتقييم .
أنا كولي أمر أطرش مرتي لمدارس البنات ،

واللي ما عندها أم أو وحده كبيره تحضر لها ،

مافي مانع يحضر الأب ، بس مب داخل الصف ،
اذا مستوى بنته ممتاز ليش يحضر أصلاً.
و إذا مستوى بنته متراجع ممكن يروح المدرسة و يتناقش مع المدرسة و الإدارة في الأسباب و الملاحظات اللي عنده .

بس يحضر داخل الصف ليش ؟ و ما الهدف .

شيستفيد انه يطالع المدرسة رايحة راده داخل الصف ؟

عنده ملاحظات يخصصون له وقت معين يقعد مع المدرسة بحضور الإدارة و يقول و يناقش اللي بخاطره .

غير كذا ما له داعي .

[راجي الْعفو]

أبدا ، غير مؤيد

النساء لهم خصوصياتهم

وان كان فيه نقص فيجلبون نساء أكفاء

ما لنا حاجه بدخول الرجال عليهم

[ضوى]

أبدا ، غير مؤيد

النساء لهم خصوصياتهم

وان كان فيه نقص فيجلبون نساء أكفاء

ما لنا حاجه بدخول الرجال عليهم الا عند ( الضرورة فقط ! )

سؤال
ولي الامر وحضوره يوم معايشة للمدرسة ضرورة ؟؟؟

[عثرة جواد]

ما أؤيد ابدا ..

عيل شفايدة المديره والنائبه الاكاديميه وغيره وغيره ليش يستلمون رواتب اذا حد من المجلس الأعلى بيجي وبيحضر حصصص .؟

وبيقيم .؟

أتمنى مايصير هاي شي ..


ف نقطة احب ابينها لك اخوي

اي مدرسه لازم تمر ف هاي المرحلة الي هي توقف قدام الجنة وتشرح كذا مرة

وعقبها تقيم وتنجح او ترسب ومن خلال تقيمها يتم قبولها مدرسة وتعتمد .


عساك ع القوة

[مختلف جداََ]

سؤال
ولي الامر وحضوره يوم معايشة للمدرسة ضرورة ؟؟؟


طبعا لاااااااا

[ضوى]

ف نقطة احب ابينها لك اخوي

اي مدرسه لازم تمر ف هاي المرحلة الي هي توقف قدام الجنة وتشرح كذا مرة

وعقبها تقيم وتنجح او ترسب ومن خلال تقيمها يتم قبولها مدرسة وتعتمد .


عساك ع القوة

هاي عندنا ؟؟

[راجي الْعفو]

سؤال
ولي الامر وحضوره يوم معايشة للمدرسة ضرورة ؟؟؟

مسحت كلمة للضرورة بعد ردي على طول

لان لو توفر بديل من النساء فما في ضرورة اصلا

[محمد سعيد]

مرفوض طبعا اذا المفتشين ذكور يحضرون مدارس بنات

واذا الدولة ترى ما لا نراه تبلغ الموظفات والطالبات عشان العايلات المحافظة ماتحضر بناتها يوم التفتيش

ونفضي المدرسة لهم :(

ندور سبب عشان نغيبهم جات منهم

[بانغ بانغ]

للتوضيح

انا اقصد ولي الامر ايراجع المدرسة وقت السؤال عن اعياله وليس لمراقبة المدرسة في الصف

[عثرة جواد]

للتوضيح

انا اقصد ولي الامر ايراجع المدرسة وقت السؤال عن اعياله وليس لمراقبة المدرسة في الصف

ااي اخوي من حقة ف اي وقت يسال عن اعياله سؤ ف التلفون او يروح المدرسه

يرتبون له الدخول والخروج

[ضوى]

للتوضيح

انا اقصد ولي الامر ايراجع المدرسة وقت السؤال عن اعياله وليس لمراقبة المدرسة في الصف

قياسا على اللي يقول المراة ماعندها محرم ماعندها زوج اخو عم خلا ولد عمه ولد عم

ولي الامر اللي يبي سال عن عياله مافي اي واحدة في العايلة تقوم بالمهمة ؟

[بانغ بانغ]

ااي اخوي من حقة ف اي وقت يسال عن اعياله سؤ ف التلفون او يروح المدرسه

يرتبون له الدخول والخروج

تدرين الشيخة اعيالي في الوكرة والادارة مانعة اي ولي امر ياخذ موعد ايشوف اعياله سواء لمتابعة او استشارة

لان المدرسات ما يرضون

هاي نقطتي

[ضوى]

تدرين الشيخة اعيالي في الوكرة والادارة مانعة اي ولي امر ياخذ موعد ايشوف اعياله سواء لمتابعة او استشارة

لان المدرسات ما يرضون

هاي نقطتي

تبي نتناقش بهدوء والا بتزعل ؟

[مختلف جداََ]

تبي نتناقش بهدوء والا بتزعل ؟



ناقشي ناقشي بانغ صدره شمالي على مسؤوليتي

[بانغ بانغ]

ناقشي ناقشي بانغ صدره شمالي على مسؤوليتي

انا انسان اتقبل اي ملاحظة

[بانغ بانغ]

تبي نتناقش بهدوء والا بتزعل ؟

امري

انتي بمثابة اختي الكبيرة واللي بتقولينه لي ... اتشرف فيه

[عثرة جواد]

تدرين الشيخة اعيالي في الوكرة والادارة مانعة اي ولي امر ياخذ موعد ايشوف اعياله سواء لمتابعة او استشارة

لان المدرسات ما يرضون

هاي نقطتي

المدرسات ماله حق هااي شغل الادارة

والمديرة مفروض ماتمنع لانه والي امر من حقة يطلع ع سلوكيات الطالب

ويتابعة والمفروض انت تكلم المديرة شخصيا

[ضوى]

مختلف وبانغ

شكرا لكم لسعة صدركما

شوف اخوي بانغ على مسؤولتي الخاصة مافي ولي امر بيرضى انه محارمه تجابل ريال وتقوله ترا سلوك ولدك كذا وكذا ومستواه العلمي كذا وكذا ، لانه هالكلام تقدر تقوله بالتلفون من غير لا يكون لقاء مباشر وهذا واجبها وحقه ، ترا الناس مارضت بناتها يشتغلون مدرسات الا لانه مجتمع نسائي بحت مافي رياييل وهذا المفروض اللي يكون ، وصدقني لو انت انحطيت بهالموقف راح يقرصك هالشي من داخلك لو كنت بظاهرك موافق عليه قسراً ، وجود رجل في مجتمع نسائي غير مستحب لاي سبب كان ومرفوض قطعاً ، طبعا رايك احترمه جدا ولا راح اقول انك غلط ونظرتك خاطئة لان انت لك فكرك ومعتقدك الخاص اللي لازم الجميع يحترمه لكن هذا رأيي والصلاة والسلام على سيد المرسلين

[بومحمد المطاوعه]

اصلن ماعنده سالفه الي يروح ويحضر وسط الحريم


استغفرالله

[ضوى]

ما أؤيد ابدا ..

عيل شفايدة المديره والنائبه الاكاديميه وغيره وغيره ليش يستلمون رواتب اذا حد من المجلس الأعلى بيجي وبيحضر حصصص .؟

وبيقيم .؟

أتمنى مايصير هاي شي ..


لا طبعاً .. ما شاء الله الاداريات القطريات اكثر من الرجال وحتى المدرسات المواطنات اكثر من الرجال ..

مافي اي داعي يحطون رجال في مدارس البنات لا مفتشين ولا اداريين ولا محاسبين ولا مجلس امناء .. والمفروض يحطون موظفات امن بعد ويكون الحرم التعليمي خالي من الرجال لاي سبب كان ..

انا اشتغلت مع المجلس الاعلى للتعليم 4 سنين وعدد البنات اكثر من الشباب .. وللاسف الكثير من الشباب حتى "الشياب" قلوبهم مب صافيه والمفروض ما يسمحون لهم بالذهاب لمدارس البنات لاي سبب الا في حالة الفعاليات الخاصة المخطط لها مسبقاً .


أبدا ، غير مؤيد

النساء لهم خصوصياتهم

وان كان فيه نقص فيجلبون نساء أكفاء

ما لنا حاجه بدخول الرجال عليهم


مرفوض طبعا اذا المفتشين ذكور يحضرون مدارس بنات

واذا الدولة ترى ما لا نراه تبلغ الموظفات والطالبات عشان العايلات المحافظة ماتحضر بناتها يوم التفتيش

ونفضي المدرسة لهم :(

ندور سبب عشان نغيبهم جات منهم

كلامكم عين الصواب

الله يجزيكم الجنة ونعيمها

[ضوى]

المدرسات ماله حق هااي شغل الادارة

والمديرة مفروض ماتمنع لانه والي امر من حقة يطلع ع سلوكيات الطالب

ويتابعة والمفروض انت تكلم المديرة شخصيا

التلفون مايفي بالغرض !؟

[بوحارب]

اصلن ماعنده سالفه الي يروح ويحضر وسط الحريم


استغفرالله


اي والله صادق

قلت اللي في بالي بالمللي

[طلعة الروح]

اصلن ماعنده سالفه الي يروح ويحضر وسط الحريم


استغفرالله

انت تقول ماعنده سالفه، بس يمكن هو شغلته الاساسية يقيم المدرسين والمدرسات بدون اهتمام بجنس محدد
يعني هذي وظيفته في المجلس الأعلى.
يعني هالشخص بالنسبة له أنها وظيفه عاديه جدا وماينحرج منها فهو أكاديمي متخصص.

أما المدرسات وهن ذوات الشأن في الموضوع قد يجدن حرجا في دخول رجل عليهم من اللجنة المقيمة كما ذكر الأخوان هنا،
هنا يجب أن يعترضوا ويلجأوا للادارة ويطالبوا بحضور نساء في اللجنة، لأن في النهاية هذا شي بينهم وبين جهة عملهم.

[طلعة الروح]

هل تؤيد زيارة المفتشين التربويين من الاساتذه والدكاترة لمدارس البنات بغرض تقييم المدرسات ؟ وهل تؤيد حضور هذا المفتش لحصص التدريس ومتابعة شرحها للطلاب والطالبات ؟؟

انتظركم وصباحكم خير وفرح وفرج

في زمن الاختلاط والانخلاط، اعتبره غيض من فيض وخصوصا ان الأمر محكوم ومقيد بزمن ومكان معين ولغرض معين باشراف الإدارة ولا يشمل جميع الانشطة المدرسية النسائية.

[تاجر كشخة]

والله قمت تخربها يا بانغ :weeping:

[أسرع متين]

لا اؤيد وبشده عسى ماشر يدخلون على شوفاتنا الله لا يوفقهم يرسلون حريم يقيمون والا لا يوطوطون عند بناتنا حسبي الله ونعم الوكيل
وبخصوص اللي يقول يؤيد وان البنات يسافرون بروحهم والله كان الموضوع عادي عندك احنا عندنا غيره على بناتنا ولا نرضى بهالشي ومثل ما قال اخوي اللهم لك الحمد احنا للحين فينا اسر محافظه وتعرف ربها

[معماري قطري]

الله يعين المُدرسة على الاحراج وكثرة الألوان .. وين المفتشات فركشتوهم يا مجلس أب أب

[بانغ بانغ]

اللي عنده ظروف اجتماعية والزوجة غير موجودة .... ما يمنع يقعد مع المديرة بوجود المدرسة والمشرفة ويسأل عن اعياله

يعني لو وزير التربية مر اي مدرسة اكيد بيكون معاه رجال من الوزارة .... فهل بيمنعونه

سبحان الله يرضون ايجيبون داعية اسلامي او مدرب تربوي او مدرب اجتماعي لاعطاء دورات وما يرضون لاولياء الامور

احنا ما قلنا اختلاط ... او بروحهم ... مادري اشفيها الناس امشوطة على اقل شي

[بانغ بانغ]

انا اجزم بان معظم اللي ايبينون انفسهم مثاليين من خلف الجوال او الكيبورد ... حالهم عكس اللي يكتبونه

استأذن من اختنا الفاضلة ضوى ... بس ناس صعب تتكلم معاهم واعتذر عن عدم الاستمرار في الموضوع

[مرتبش]

لا طبعا غير مؤيد.
المجلس الاعلى اللي كله حريم وقياداته نسائية يصعب عليه ايجاد موجهات؟ مستحيل .

[بومحمد المطاوعه]

اي والله صادق

قلت اللي في بالي بالمللي

بعيد الشر من هالناس والله

الله يهديهم يارب

[بومحمد المطاوعه]

انت تقول ماعنده سالفه، بس يمكن هو شغلته الاساسية يقيم المدرسين والمدرسات بدون اهتمام بجنس محدد
يعني هذي وظيفته في المجلس الأعلى.
يعني هالشخص بالنسبة له أنها وظيفه عاديه جدا وماينحرج منها فهو أكاديمي متخصص.

أما المدرسات وهن ذوات الشأن في الموضوع قد يجدن حرجا في دخول رجل عليهم من اللجنة المقيمة كما ذكر الأخوان هنا،
هنا يجب أن يعترضوا ويلجأوا للادارة ويطالبوا بحضور نساء في اللجنة، لأن في النهاية هذا شي بينهم وبين جهة عملهم.



المفروض النساء للنساء
والرجال للرجال

اما سالفه الي ماينحرج
الله يهديه هذي

[aloosh]

لا اويد دخول رجل مهما ان كان منصبه حتى وزير التربيه الى مدرسه بنات

[ضوى]

اللي عنده ظروف اجتماعية والزوجة غير موجودة .... ما يمنع يقعد مع المديرة بوجود المدرسة والمشرفة ويسأل عن اعياله

يعني لو وزير التربية مر اي مدرسة اكيد بيكون معاه رجال من الوزارة .... فهل بيمنعونه

سبحان الله يرضون ايجيبون داعية اسلامي او مدرب تربوي او مدرب اجتماعي لاعطاء دورات وما يرضون لاولياء الامور

احنا ما قلنا اختلاط ... او بروحهم ... مادري اشفيها الناس امشوطة على اقل شي

اللي عرفته انه في مكتب خاص لاولياء الامر ، ينتظر فيها الاب وتجي الاخصائية واي معلمة لها مشكلة او تنبيه للطالب ويشرحون للأب سلوك ولده وكل مشاكله بالصف يعني هالشي ابدا مب ممنوع ومتبع في كل المدارس المفترض

[بانغ بانغ]

اللي عرفته انه في مكتب خاص لاولياء الامر ، ينتظر فيها الاب وتجي الاخصائية واي معلمة لها مشكلة او تنبيه للطالب ويشرحون للأب سلوك ولده وكل مشاكله بالصف يعني هالشي ابدا مب ممنوع ومتبع في كل المدارس المفترض

بيض الله وجهك استاذتنا .. هذا المقصود

بس مش موجود في مدارس الوكرة للأسف

والله وراء القصد

[ضوى]

بيض الله وجهك استاذتنا .. هذا المقصود

بس مش موجود في مدارس الوكرة للأسف

والله وراء القصد

هذا حقك وتقدر تطالب به بما يكفله لك القانون