موقف حلو أثر فيني

[العفراء]

تدرون اخواني والله هالدنيا تراها بعدها ابخير

البارحة شليت اعيال اختي ورحنا الممزر انزين ويلسنا ع البحر وتمينا جذي مستانسين عقب مرينا محل كنافه مجابل البحر هناك

و طلبنا كنافه انزين جان ايييب لنا الهندي حليله الكنافه وعطانا قطعه زيادة مجانا قال هذا واحد فري مشان (باتجاه) يقصد الفريخات و احنا فرحنا وشكرناه ونزلت الجامات

و خليت الصغاريه يقولون له شكرا و تمينا مستانسين والله وردينا البيت ودعيت له و حسيت انه هالفقير منحنا شعور مُفعم بالايجابيه

و الله وجيه السالفه انزين لو حد عنده مثل هالمواقف اللي حس فيها ان الدنيا بعدها ابخير اتمنى يضيفها علشان نعيش معاكم هاللحظات الحلوة و مساكم تفاؤل

و سوالم ,,,,,

[بصمة قطرية]

الحمدلله الدنيا للحين بخير ..
مواقف كثيرة تصير لي الحمدلله أرسم فيها إبتسامة
لفقير و لا عامل و لا أي شخص ثاني ..
ممكن الموقف يكون العكس ..
الله يكتبنا من الصالحين المحبوبين ..

اليوم كنت في الطواري مع عزوزي آخر العنقود
و أنا أنتظر جات وحدة معاها ثلاث عيال
البنوته رايحة صوب الباب زاغ قلبي يوم شفتها
الأم تناديها قلت لها رايحة صوب الباب
و آخذ منها البيبي و تروح للبنت
تمت تعابل بعيالها و بيبيها عزوزي فديته
مستانس في حضني يلعب و يضحك
عورت قلبي يحليلها عيالها صغار و بروحها ..
تم الولد عندي فترة الله يحفظه كان مستانس :)
عقب فترة جاتني و هي تبتسم حسيتها منحرجة مني ..
قلت لها عادي ناخذه معانا ما يبيكم
ضحكت يحليلها ..
قلتها عشان ما تحس بإحراج و تعرف اني صج مستانسة انه عندي ..

[العفراء]

مراااحب صديقتي بصمه ام عزوووزي الله يحفظه و يخلييييييه لج بعددد عمممري

حليلها الحرمه اكيد ما عندها حد بالبيت فاضطرت تشل عيالها واتيييبهم معاها المستشفى من خوفها عليهم لازم تشوفهم جدام عينها واتم مطمنه عليهم

وانتي ما قصرتي بصمه اكيد دافع الامومه خلاج تحسين بان هاليهال وان الام موقفهم يحتاي لشخص يتفهم لهم و اكيد حنيييتج خلت ولد هالحرمه يكون مستانس وامكييييف عليج عاد تخيلي قالت اوكي خلووه عندكم كم يوم وعقب بمر بشله ههه بيكون عندج ضيف خفيف الظل و بيسوي لكم جو مع عزوز وباجي اليهال ربي يحفظكم بحفظه

[Charisma]

انا صارلي موقف مب ايجابي من يومين :( عادي اشارك فيه ؟ <- بيخرب الموضوع


مالكم في الطويله ، كنت في مستشفى وفي أحد الطوابق في انتظار اللفت ، بطيء بطيء بطيء لدرجه ودك تتربع وتلعب "سنيك" ، المهم وانا بروحي وصل اللفت بالسلامه ، وفتح الباب توني بمد خطوه الا قروب بنات مادري من وين اطلعوا ادخلوا اللفت ، طبعا انا ريوس " سكيتي" ، في انتظار اللفت الآخر .

وعلى هالحال اربع مرات لمدة ربع الى ثلث ساعه ، كل مايوصل لفت يسبقوني له بنات ، إلين ابتسم لي الحظ ووصلني لفت فاضي وسريع سريع .escape

[العفراء]

حليلك والله بايلووت بس صج انك ريال اصيييل و نعم التربيه تذكرت ناس معانا بالدوام ما يهمهم لو حريم باللفت يركبون الله يهديهم بس
انزين ياخي عطنا موقف ايجابي ههه وانت مسافر مثلا ما صار لك نفس توم هانكس يوم تم عالق بالمطار مثلا وحد يا وساعدك :tease:

[Charisma]

حليلك والله بايلووت بس صج انك ريال اصيييل و نعم التربيه تذكرت ناس معانا بالدوام ما يهمهم لو حريم باللفت يركبون الله يهديهم بس
انزين ياخي عطنا موقف ايجابي ههه وانت مسافر مثلا ما صار لك نفس توم هانكس يوم تم عالق بالمطار مثلا وحد يا وساعدك :tease:

ماعليكم زود ،

بحاول اطحن ذاكرتي ، وارجع :rolleyes2:

[العفراء]

اوكي بس بدون طحان الله يحفظك ككك

[Dana’1]

مواقف كثيره بصراحه راح اذكر ثنتين
الموقع أبها
تسكر على أصبع بنتي دريشة السياره وكان منظرها يخرع والاظفر انقشع نصه وكذا فتوجهنا للعياده عشان التعقيم وأخذ العلاج اللازم
دخلنا العياده لقينا شـاب سعودي استقبلنا ودخلنا على غرفة التمريض الطارئه فحص جرح البنت ووصى علينا الممرضه ونظفت وكتبو لنا مرهم في حال التهابات
المهم ردينا للإستقبال عشان ندفع إلا يجينا الشاب كان واقف برا ودخل قلنا خلاصنا وحالين ندفع قال مافيه شي يندفع او يستاهل عشان يدفع!
قال زوجي مايصير هذي مستشفى خاص ولازم ندفع هذا حق حتى لو كان زهيد حلف علينا وعرف نفسه طلع دكتور والعياده له وقال أهم شي البنوته بخير وأنتو ضيوفنا ياهلابكم ومرحباا الف اثره شاف اللوحه قطريه ^_^



الموقف الثاني بعد في أبها كنا بمكان ترفيهي العاب وخيمة معارض المهم كانت المحلات على وشك تسكر وانا برا انتظر ربعنا يطلعون لي وحسيت بتعب من الوقفه وحبيت أجلس والمكان إلي كنت فيه بالضبط ماحوله كراسي إلا واحد بلاستيكي شفته ولا احد جالس عليه فمشيت صوبه إلا وحده طالع من باب المعرض وكان أقرب لها وجلست فيه شكلها بعد هي تعبانه المهم أنا على طول وقفت على اساس برد ما اعرف شلون انتبهت لي ماشفتها الا عندي ماسكتني وسلمت علي ورحبت وجلستني غصب والله أحرجتني بأخلاقها وكرمها أنا الزم وإني رايحه اساسا وهي تلزم وتقول لا والله عيب علي أنتو ضيوفنا من الشرقيه وعلى راسنا يامرحبا مليون ماشاءالله عليها فطينه حتى عرفت من أي منطقه^_^
والله حبيتها في الله ولله ،، الله يسعدها ويحفظها

[العفراء]

مراااحب ديوور ترى اهل السعوديه حبوبببين وطيبييين وراعيين واجب مره احن كنا بمكه وتعارفنا على ناس من اهل الرياض يوم عرفوا ان احن يايين عن طريج البر حلفوا علينا الا نقعد عندهم بالريااض و ما خلوونا الا يستضيفونا عندهم و جذي اقولج رحنا عندهم الرياض بحي اسمه حي الروابي و تعارفنا عليهم اكثر وصارت من بينا وايد زيارات و متواصلين معاهم للحين وانا احب امهم وااايد دوم وقت الغدا تقول لي ( كولي يا قلبي :shy: ) ههههههه ففففديييتها

[Dana’1]

مراااحب ديوور ترى اهل السعوديه حبوبببين وطيبييين وراعيين واجب مره احن كنا بمكه وتعارفنا على ناس من اهل الرياض يوم عرفوا ان احن يايين عن طريج البر حلفوا علينا الا نقعد عندهم بالريااض و ما خلوونا الا يستضيفونا عندهم و جذي اقولج رحنا عندهم الرياض بحي اسمه حي الروابي و تعارفنا عليهم اكثر وصارت من بينا وايد زيارات و متواصلين معاهم للحين وانا احب امهم وااايد دوم وقت الغدا تقول لي ( كولي يا قلبي :shy: ) ههههههه ففففديييتها

تسلمين أختي ماعليكم زود يابنت الإمارات ،، ايي يا عفاري السعوديه وأهلها عزوتي وأنا منهم وفيهم أعرفهم زييين مازيين لبى قلوبهم الطيبه الأصيله

[العفراء]

و الله و نعم فيج وباصلج الطييييييب اختي ديوووور ربي يحفظكم

[غير البشر]

موضوع حلووو يا العفرا

موقفي

كنت مسافر التشيك وطلعت من الفندق تشييك اوت
وشغلت سيارتي الظهر الساعه 1:30
ومتجهه الى جنيف ومشيت
والطريق طويل واااايد غير الشرطه يوقفوني ويسوون لي تجربه بالجهاز الشرب هههه
لين باقي على جنيف تقريبا 80 كيلو وكانت الساعه 1 بالليل يعني سايق تقريبا 12 ساعه
هالمكان جبل وانا بالقمه ولازم انزل وتكون تحتنا جنيف الا الطريق الجبلي مسكر والقارمن ماعطاني طريق بديل
المهم وقعدت احوس لين الفجر بنفس المكان المسكر حصلت بيت لحاله
طقيت الباب طلع لي الرجال وقلت له الموضوع
قال روح من ورى بيتي في شارع حصى وبطلعك على الطريق البديل
ورحت وصلت الفندق الساعه 8 الصبح
يعني التعب حده والارهاق وصل موصله :rolleyes2:
وغير الجوع وحاط في بالي اول ماوصل وينك يا السرير وماتوقعت اقدر انام من الجوع

المهم وصلنا الفندق وحطينا اغراضنا
والله مايمدي دخلنا الفندق الا عشر دقايق الا باب الغرفه يطق
فتحته مافي حد موجود بس حصلت دله قهوه وفناجيل وغسال
تقهويت وخلصت وحطيتهم برع الغرفه لاني ماعرف من الي جايبهم ههههههه

ورحت تروشت وتجهزت للنوم
الا الباب يطق مره ثانيه
فتحت مافي حد ههههههههههههههههه
الا اشوف تحت جدر فيه مجبوس دجاج
وسلطه
وتمر
بس لمحت باب مفتوح اشوي الا اشوف مره عجوز تطلع منه ومعاها بنتها كبيره اشوي
جزاهم الله خير

ماقصرو بصراحه جا في قته وكنت جوعان حدي مايمدي اطلب شي ابي انام بس

وشركناهم الله يحفظهم ويسهل امورهم وين ماراحو

وطلعتو من أهل الامارات مهب غريبه عليهم والله
وعلى كل دول الخليج

موقف اثر فيني كثير

[العفراء]

مراااحب غير البشر

موقققفك والله صععب متاهات وتضيع بالدروب وانت بسفر و غربه احس لو انا مكانك ما بعرف اتصرف طبعا

و ما قصرت جارتكم ههه قالت اكيد هاييل من الخليج ولازم نقوم بالواجب معاهم ولو انتم مكانهم اكيد بتسووون نفس الشي

و كلنا لبعض اخويه وهالدنيا شو تسوى لولا هالشي ,,,,,,, انت عاد من كثر السفر اكيد لك وايد تجارب حلوو ترى السفر يقولون وايد الانسان يتعلم بالغربه والسفر

[غير البشر]

هالموقف حصل لي بشهر 1 هالسنه

واحد من الربع يبغي يبيع البورش
وقلت له انا بشتريها لانها مواصفات خاصه جدا

قال اوكي

وبعت موتري ورتبت اموري

وسافرنا دبي كم يوم انا وهو
وجاني هناك واشوفه متردد يبغي يكلمني بموضوع
وتشجع وكلمني
قال ماراح ابيع الموتر لسبب ما
قلت له يسلم راسك
رجعت الدوحه الا جايبي لي سياره غيرها من الوكاله

احرجني والله :weeping:

[Red rose]

موضوع حلووو يا العفرا

موقفي

كنت مسافر التشيك وطلعت من الفندق تشييك اوت
وشغلت سيارتي الظهر الساعه 1:30
ومتجهه الى جنيف ومشيت
والطريق طويل واااايد غير الشرطه يوقفوني ويسوون لي تجربه بالجهاز الشرب هههه
لين باقي على جنيف تقريبا 80 كيلو وكانت الساعه 1 بالليل يعني سايق تقريبا 12 ساعه
هالمكان جبل وانا بالقمه ولازم انزل وتكون تحتنا جنيف الا الطريق الجبلي مسكر والقارمن ماعطاني طريق بديل
المهم وقعدت احوس لين الفجر بنفس المكان المسكر حصلت بيت لحاله
طقيت الباب طلع لي الرجال وقلت له الموضوع
قال روح من ورى بيتي في شارع حصى وبطلعك على الطريق البديل
ورحت وصلت الفندق الساعه 8 الصبح
يعني التعب حده والارهاق وصل موصله :rolleyes2:
وغير الجوع وحاط في بالي اول ماوصل وينك يا السرير وماتوقعت اقدر انام من الجوع

المهم وصلنا الفندق وحطينا اغراضنا
والله مايمدي دخلنا الفندق الا عشر دقايق الا باب الغرفه يطق
فتحته مافي حد موجود بس حصلت دله قهوه وفناجيل وغسال
تقهويت وخلصت وحطيتهم برع الغرفه لاني ماعرف من الي جايبهم ههههههه

ورحت تروشت وتجهزت للنوم
الا الباب يطق مره ثانيه
فتحت مافي حد ههههههههههههههههه
الا اشوف تحت جدر فيه مجبوس دجاج
وسلطه
وتمر
بس لمحت باب مفتوح اشوي الا اشوف مره عجوز تطلع منه ومعاها بنتها كبيره اشوي
جزاهم الله خير

ماقصرو بصراحه جا في قته وكنت جوعان حدي مايمدي اطلب شي ابي انام بس

وشركناهم الله يحفظهم ويسهل امورهم وين ماراحو

وطلعتو من أهل الامارات مهب غريبه عليهم والله
وعلى كل دول الخليج

موقف اثر فيني كثير


اللي مسوي خير يلاقي خير :victory:

[بوحارب]

ابغي كنافه جبن حااااره الحين

ناقصني إيجابية :(

[معماري قطري]

انا متعود على عدة مطاعم وانوع بينها .. فيه باكستاني حليو ويسولف ويضحك وانا طبعي مسوي صداقة مع الكل .. استوى دوم يسوي لي أكلات مسكتة .. مرة قال لي تبي شاي وكنت طالب للبيت .. قلت له ما فيه فلوس خسارة واجد .. وانا اضحك الا مسكين خذها بجد ويجيب لي شاي ويقول هذا بلاش والله ما ياخذ فلوس.

مساكين يفتحون من 11 لين 11 وايد يتعبون.

[معماري قطري]

هالموقف حصل لي بشهر 1 هالسنه

واحد من الربع يبغي يبيع البورش
وقلت له انا بشتريها لانها مواصفات خاصه جدا

قال اوكي

وبعت موتري ورتبت اموري

وسافرنا دبي كم يوم انا وهو
وجاني هناك واشوفه متردد يبغي يكلمني بموضوع
وتشجع وكلمني
قال ماراح ابيع الموتر لسبب ما
قلت له يسلم راسك
رجعت الدوحه الا جايبي لي سياره غيرها من الوكاله

احرجني والله :weeping:

تستاهل كل خير يا غير البشر

[العفراء]

تستاهل كل خير اخويه غير البشر

بس شوف ربيعك
يزاه الله خير من كثر ما انته عزيز و غالي ع قلبه ما هان عليه يردك و حب انه يحسسك بقدرك عنده بهالهديه الحلوة

الله يديمها من صحبة صالحه

[العفراء]

ابغي كنافه جبن حااااره الحين

ناقصني إيجابية :(

ما طلببت يا بو حارب جان تبا بنطرش لك اهم شي ما تقصرك الايجابيه هههه

[بوNasser]

هذا موقف محرج صادفته ايام ما كنت في فرنسا (زمان)، كنت متعلم لي كم كلمة فرنسي ومستانس
عند محطة مترو شفت مغربية عجوز وعندها كيس، حسيت انه ثقيل وكان السلم الكهربائي عطلان، وما فيه الا السلم العادي
قلت لها بالعربي ممكن اساعدك؟ ما فهمت لي، خبصت بالفرنسي فهمت لي وعطتني الكيس وحسيت انها تدعي لي، وبما اني كنت شاب وقتها صعدت السلم بسرعة والكيس في يدي
ادور المره العجوز ما لقيتها...التفت يمين يسار مافيه حد!!! والكيس عندي ما اعرف ايش فيه!!حشيش متفجرات والله ما ادري!! وكان وقت تحذيرات من الارهاب وانا ملتحي... يعني تنطبق علي المواصفات اللي في بالهم
فكرت احط الكيس على الارض.... ساعتها بتلبسني الشبهه صح... صج وهقه.

مرت لحظات قسم بالله حسيت انها سنة، انتظر بس متى يثور الكيس واروح من صيد امس.

اشوي والا المره المسكينه اشوفها وراي، لا وتقول خفت انك ضعت أو هربت بالكيس!!!!!

اقول في قلبي:الله يسامحك صبيتي قلبي، والله انا اللي خفت انك توهقيني.

[العفراء]

انا متعود على عدة مطاعم وانوع بينها .. فيه باكستاني حليو ويسولف ويضحك وانا طبعي مسوي صداقة مع الكل .. استوى دوم يسوي لي أكلات مسكتة .. مرة قال لي تبي شاي وكنت طالب للبيت .. قلت له ما فيه فلوس خسارة واجد .. وانا اضحك الا مسكين خذها بجد ويجيب لي شاي ويقول هذا بلاش والله ما ياخذ فلوس.

مساكين يفتحون من 11 لين 11 وايد يتعبون.

مراااحب عمي المعماري شحالك عساك بخير

شوف هاللي بالمطعم اكيد شافك طيب اوياااه و تعرف هاييل بالغربه
يوم يشوفون المواطنين يضحكون و يسولفون معاهم هالشي يفرح قلوووبهم وايد

فعلشان جذي لو طلبت عينه اتوقع بيعطيك اياها

و انت تراك طيب و باين عليك هالشي طااال عمرك

[العفراء]

هذا موقف محرج صادفته ايام ما كنت في فرنسا (زمان)، كنت متعلم لي كم كلمة فرنسي ومستانس
عند محطة مترو شفت مغربية عجوز وعندها كيس، حسيت انه ثقيل وكان السلم الكهربائي عطلان، وما فيه الا السلم العادي
قلت لها بالعربي ممكن اساعدك؟ ما فهمت لي، خبصت بالفرنسي فهمت لي وعطتني الكيس وحسيت انها تدعي لي، وبما اني كنت شاب وقتها صعدت السلم بسرعة والكيس في يدي
ادور المره العجوز ما لقيتها...التفت يمين يسار مافيه حد!!! والكيس عندي ما اعرف ايش فيه!!حشيش متفجرات والله ما ادري!! وكان وقت تحذيرات من الارهاب وانا ملتحي... يعني تنطبق علي المواصفات اللي في بالهم
فكرت احط الكيس على الارض.... ساعتها بتلبسني الشبهه صح... صج وهقه.

مرت لحظات قسم بالله حسيت انها سنة، انتظر بس متى يثور الكيس واروح من صيد امس.

اشوي والا المره المسكينه اشوفها وراي، لا وتقول خفت انك ضعت أو هربت بالكيس!!!!!

اقول في قلبي:الله يسامحك صبيتي قلبي، والله انا اللي خفت انك توهقيني.






مراااحب استاذي بو ناصر

اشحالك الشيخ عساك ابخير

موقفك صح انه محرج وايد بس بعد حلو و انساااني و يدل على

طيب معدنك بس صج كان الموقف بيكون
وايد صعب لو الحرمه اختفت و كيف كنت بتتصرف حزتها ،،،،

[معماري قطري]

مراااحب عمي المعماري شحالك عساك بخير

شوف هاللي بالمطعم اكيد شافك طيب اوياااه و تعرف هاييل بالغربه
يوم يشوفون المواطنين يضحكون و يسولفون معاهم هالشي يفرح قلوووبهم وايد

فعلشان جذي لو طلبت عينه اتوقع بيعطيك اياها

و انت تراك طيب و باين عليك هالشي طااال عمرك

وانتي طيبة وباقي القراء

هو صحيح المسلمين والعرب كثير منهم متعاونين وبشوشين حتى الجنسيات الثانية مثل الايطاليين والبوسنيين والأتراك .. حصلت ايطالي يعرف كم كلمة عربي وكله يسلم ويسولف واستغربت منه يضبط اللهجات .. يقول لو انت اماراتي بارمسك قطري باكلمك ومت ضحك عليه لهالدرجة .. تم يعدد لي مناطق في قطر زارها وبعضها يقولها بطريقة شوي غلط .. خلاص قربت الرجعة إن شاء الله بعد ست شهور واسبوع للحين

[معماري قطري]

أَذكر العام دخلت مول كبير ومنتشر على الأرض وحوله مواقف في فلوريدا .. شريت شوية أغراض وتغديت من مطعم رد ريبون سندويش دجاج مشوي مع الأناناس .. وهذي الوجبة مدمن عليها من كنت طالب أيام 1989 للحين .. المهم طلعت ومتوقع إني طالع من المدخل اللي دخلت منه وكان صح بس سيارتي على يساري شوي انا لفيت يمين وتميت امشي مسافة صراحة اهتريت .. ما خذت الا المطعم اللي ماكل فيه هذا هو يعني قطعت نص دائرة حول المول من برا .. والأمريكان يشوفوني ياي صوبهم وهم رايحين للسيارة يركبون بسرعة وأول شيء اسمع قفل الباب .. يعني ما فيه أمل حد يساعدني .. قلت اتصيد من الطالعين حد شكله عربي أو هندي أو يعني قريب منا .. شفت واحد مار مقابلني وفي يده السويج ابتسمت له وسلمت وشفته رد ومتجاوب قلت له قصتي .. طلع مكسيكي وولد أصل قال سيارتي قريبة تفضل .. قطيت أغراضي ورا وركبت معاه وقلت له وين تقريباً سيارتي وتم يسولف يسئلني من وين انت؟ قلت من قطر .. استانس مسكين وقال فوتبول 2022 تورنامنت .. وسوالف انتوا أغنياء وما ادري وشو .. قلت له الحكومة لكن احنا عاديين ميسور حالنا .. وقلت له مشكور انك وصلتني ولو أمريكي ما يسويها يخافون .. قال صح كلامك .. الحمد لله طلعت سيارتي حول 10 أمتار مني وانا طالع بس رحت في اتجاه غلط.