شبره السمج لا تتناغم مع الرؤيا !!! [الأرشيف] - منتديات شبكة الأسهم القطرية

حسن

16-10-2015, 08:57 AM

صبحكم الله بالخير

موضوعي اليوم عن جبره السمج

رحت اليوم الجمعه قلت باشتري سمج من هناك لان ابي كميه وانوع وقلت يمكن احصل افضل
الصراحه

موقع الجبره خلاص انتهي لا من مكان ولا من مبنى ولا من نظافه ولا من موقع
يعني الحين فوق ال30 سنه هذه الجبره وتعاقب عليها مليون وزير مافي حد
يقدر يتخذ قرار بنقلها وانشاء جبره تليق بمكانه قطر
وكلها مبنى على بعضه من 10 مليون ماتزيد تكلفتها الى كان هناك شي احنا مانشوفه
زين نجي للسمك
بحكم اني راعي بحر واعرف السمجه زين مازين والله انصح هل قطر كافه محد يشتري منها فتره الصبح
نهائيا
مافي ولا سمجه فيها خير

كلش والسمج الموجود مال الاجانب الاسيوين ومنتهي من التخزين والتثليج
والله تاكل تونه ابرك منه
هناك ربيان انصح به ولا الباقي نادر جدا وبصعوبه لقيت الصافي كان تعبان نهائيا
انصح للي بيشرتي يالكورنيش او اللولو او المجمعات الاخري بحكم هم من يشتري
افضل انواع السمج وقت الحراج
اما الجبره حطو عليها اكس ومليون اكس
دخلتها منذو مبطي وانصدمت اما اليوم خلاص توبه اني اشتري منها
وماشفت حد فيها قطري انا واحد اعرفه وقلت له لاتشتري انت مهب من هل البحر
السمج اللي فيها تعبان ولا يناسبنا

فانا بغيت انصح الجميع نصيحه اخويه وبحكم خبرتي لا تعبون نفسكم
ولا يسوى العنوه والمشوار
اقتراحي
ليش ماينشوؤن جبره ومطاعم بحريه في ميناء قطر القديم
وهذا انا اشوفه افضل موقع لجبره السمج وحوولها مطاعم
وخصوصا ان الميناء الجديد بيفتح قريب والله لو تهلكون مافي افضل من هذا الموقع
نسخه الى اعضاء مجلس الشوري والبلدي والى وزير البلديه والتخطيط

الموقرين

هذا اقتراحي مواطن قطري ونقدمه لكم ببلاش بدون عيون زرق ولا خضر
عسليه وش زينها

وشكرا

العفراء

16-10-2015, 09:19 AM

حسن جان تبا بمر انا سوق السمج و باخذ لك قباب و هامور و شعري و صافي وجنعد و فرش و جش و يريور هههه

شو بتتغدا اليوم ؟ تبا جشيد مع عيش ابيض و سمن و الا نسوي لك مالح

اما سالفة الجبره فانت اللي تقول له صح طاال عمرك

انت اهم شي خلك جدامنا و احنا نمشي وراك يا قائد مسيرة الاصلااااح ويمعه امبااااركه

qatarman8008

16-10-2015, 09:49 AM

هي كبرة السمك والسوق المركزي اللي سووهم في الثمانينيات ..صارت ما توفي مطالب الشعب اليوم مع تزايد عدد السكان والتنوع في العرض والطلب..
الشي الثاني موقعهم.. اعتقد انه كان المفروض من زمان تنشال من هناك لان الروائح الكريهه تقريبا توصل الى مسافات كبيرة..
الله يعين اللي ساكنين حولها..
انا سمعت عن مجموعه من الاسواق المركزية بما فيهم كبرة سمك تم انشاؤهم في ضواحي مدينة الدوحة..
انشالله يكون هالاجراء هو جزء من خطة نقل او ازالة السوق من موقعه الحالي..

بانغ بانغ

16-10-2015, 11:04 AM

صباحك سمك وفرضة جميلة بوعلي

نفس الشي عندنا في الوكرة داعسينها بين الناس

لو ايودونها ينوب او صوب البحر بس مكان امرتب وكبير وخاص للناس الكبار بالسن

انا من سنين ما رحت واذا اروح اخذ صافي بس احيانا غالي

اتمنى سن قوانين بتسعيرة السمك لان الهنود نصابين

بانغ بانغ

16-10-2015, 11:08 AM

استاذنا اسمح لي هي
رؤية وليست رؤيا

العفراء

16-10-2015, 11:17 AM

بانغ بانغ ترى حسن بالاملاء لك عليه حتى المدقق الاملائي اللي بتيلفونه انفجر من كثر الضغوطات النفسيه هههه

حرف

16-10-2015, 01:11 PM

ممكن توضح شلون السمك تعبان من اي ناحية ؟
قديم ولا مريض ؟

حمد 2002

16-10-2015, 01:23 PM

ممكن توضح شلون السمك تعبان من اي ناحية ؟
قديم ولا مريض ؟

فيه زكام هههه هههه ههههه

اصلا انت جوف شكاتب بالعنوان شبره ههههه:secret:

النهار

16-10-2015, 01:31 PM

متابع

معماري قطري

16-10-2015, 06:37 PM

استاذنا اسمح لي هي
رؤية وليست رؤيا

عجبتني بغيت اقول له بس خفت يزعل .. زعول هو .. ودوم يكتب الا الاستثنائية الى اللي هي من هنا إلى هناك

بانغ بانغ

16-10-2015, 06:42 PM

عجبتني بغيت اقول له بس خفت يزعل .. زعول هو .. ودوم يكتب الا الاستثنائية الى اللي هي من هنا إلى هناك

لا مهندسنا انت ظلمته ما يزعل

اهم شي اتقوله كاش

وبعدين مادري وين راح ....

معماري قطري

16-10-2015, 06:43 PM

بانغ بانغ ترى حسن بالاملاء لك عليه حتى المدقق الاملائي اللي بتيلفونه انفجر من كثر الضغوطات النفسيه هههه

ضحكت لين دمعت عيوني

سوق السمك المفروض يقسمونه ويوزعونه على عدة مناطق .. ما يصير انا ساكن مثلاً صوب اللاند مارك واجي كل هالطريق .. وأسواق الفرجان اللي يسونها مناسبة .. نفس الشيء المقاصب وباقي الاحتياجات .. حتى مراكز الصيانة .. توزيع مناطق تجارية قريبة شيء ضروري وأهل قطر كثير منهم محتاج ومستحق وبقيود حكومية لتأمين أسعار ايجار مناسبة وتخطيط مناسب يعزل هذي الأسواق جزئياً عن المناطق السكنية

معماري قطري

16-10-2015, 06:45 PM

لا مهندسنا انت ظلمته ما يزعل

اهم شي اتقوله كاش

وبعدين مادري وين راح ....

هو ضحك على سواقتي وصفي للسيارة انا انتقم منه الحين .. أسوق من كنت 16 والحين 51 وقريب ادخل 52 ويقول لي ولد خالتك ( الله يغفر له ) متوسط لك في المرور

معماري قطري

16-10-2015, 06:47 PM

ممكن توضح شلون السمك تعبان من اي ناحية ؟
قديم ولا مريض ؟

هههههههه أسئلة تعجيزية الله يعين الكاتب

كلها 10 أيام وارجع قطر بإذن الله وتبدأ التخييمات والسنة لازم بامر على بو علي باجرب السمج اللي عنده في ابروق

مرتبش

16-10-2015, 07:30 PM

الشبرة وسوق الغنم وخصوصا المقصب.. مايتناسبون مع اي معيار انساني.
اما سالفة صلاحية السمك..فهذا شي خطير ماينسكت عنه..وين المفتشين ومختصين البلدية ..والمختبرات الخ ليش ساكتين

معماري قطري

16-10-2015, 09:26 PM

اللي يبيعون عارفين المفتشين ومن يجون يخشون السمك القديم والدكتور واحد ويفتش ولو حصل شيء خربان شالوه مع حمالي في قاري حلي ولا يحاسبون اللي يبيع ويغرمونه ويرجع يعيد الكرة مرة ثانية

aloosh

16-10-2015, 09:44 PM

اخوي حسن اصلآ غير صالح للبيع السمك فا درجه الحرار ادنى من المطلوب
يجب يكون مكان كبير والتبريد فيه عالي

حسن

16-10-2015, 10:01 PM

ممكن توضح شلون السمك تعبان من اي ناحية ؟
قديم ولا مريض ؟

هلا هلا

إلا نواع الموجوده ماتناسبنا كله سمج غريب ماعرف اسمه
مستورد
ولا في سمجه زينه

مافيها ربيب زين ولاصافي زين كله تعبان وهزيل
مالقيت الا هامورين كبار واشكالهم تسد النفس
وين سمج الأول والحين
سمج ملغ مرطرط
الصراحه ماتسوى العنوه

h9466

16-10-2015, 11:10 PM

مواضيعك يابوعلي تحفر وتطلعها من تحت الارض ماشاء الله عليك ،،،سبحان الله أمس رحت أزور شخص عزيز في عين خالد وفي طريقي مريت من جنب بشرة السمك الحقيقة ريحة المكان لاتطاق تحس انه فيها سمك خايس من سنين!!
تحياتي لك بوعلي....

النهار

16-10-2015, 11:45 PM

انا شبرة السمج مادشيتها من 4 سنوات والسبه الروائح الكريه واللغلالغه والارض وسخه كلها ماي نازل على الارض مخلوط بزفرة السمج
الريحه تلزق في الثياب والجسم تركب الموتر ههههههه الريحه تتركز بتركيز محترم لو السيتات عندك قماش
ايش يحدني اروح لهم وعندي خيارات عده
بوعلي متى بتنزل البحر اجي اشتري من عندك ههههههههههههه سمج فرش

بانغ بانغ

16-10-2015, 11:48 PM

انا شبرة السمج مادشيتها من 4 سنوات والسبه الروائح الكريه واللغلالغه والارض وسخه كلها ماي نازل على الارض مخلوط بزفرة السمج
الريحه تلزق في الثياب والجسم تركب الموتر ههههههه الريحه تتركز بتركيز محترم لو السيتات عندك قماش
ايش يحدني اروح لهم وعندي خيارات عده
بوعلي متى بتنزل البحر اجي اشتري من عندك ههههههههههههه سمج فرش

العميد .... سهلة العملية خل عندك بيكم وروح السبت ارجع وخذ لك دش ... ترى الاستمتاع في انك تشتري وتاكل بيدك

اما بوعلي ما شاء الله عليه بروحه ايصيد وياكل

معماري قطري

17-10-2015, 12:51 AM

انا شبرة السمج مادشيتها من 4 سنوات والسبه الروائح الكريه واللغلالغه والارض وسخه كلها ماي نازل على الارض مخلوط بزفرة السمج
الريحه تلزق في الثياب والجسم تركب الموتر ههههههه الريحه تتركز بتركيز محترم لو السيتات عندك قماش
ايش يحدني اروح لهم وعندي خيارات عده
بوعلي متى بتنزل البحر اجي اشتري من عندك ههههههههههههه سمج فرش

اشتغلت عليها مهندسة قطرية قبل اظنها دكتورة وركبت حديد مال التسليح ملحوم ببعض مثل الشبك .. وشغل صيانة سريع ما عجبني يمكن أحسن شيء فيه التبليط الأبيض للجدران وبلاط الأرضية اللي ما يزحلق .. المشكلة الاستعمال والجو الحار والغسيل بالماي بطريقة تسوي المكان مستنقع كبير .. هذي كلها تحتاج حلول تصميمية متخصصة.

التكييف ضروري وازالة الروائح بمكيفات خاصة مع امداد هواء نقي .. تحديد قوانين معينة لا يتجاوزها البائعون .. التوزيع كما ذكرت في السابق حسب المناطق ولجبرات أصغر هو الحل الأنسب

حرف

17-10-2015, 12:58 AM

هههههههه أسئلة تعجيزية الله يعين الكاتب

كلها 10 أيام وارجع قطر بإذن الله وتبدأ التخييمات والسنة لازم بامر على بو علي باجرب السمج اللي عنده في ابروق

صراحة انا مافهمت شلون تعبان

بوخالد911

17-10-2015, 01:03 AM

يبيله توسعة المكان

رحال الدوحه

17-10-2015, 03:16 AM

السلام عليكم ورحمة الله وبركاته ،،

يصبحكم بالخير واشكر اخوي حسن على موضوعه وتسلم
يمناك والشكر موصول للجميع ، وحرصكم على مصلحة المواطن والمقيم
والوجه الحضاري في جميع المجالات ..

أسواق مركزية جديدة في الوكرة وأم صلال والسيلية ، الافتتاح منتصف 2016

" الدوحة- الراية: وقعت وزارة الاقتصاد والتجارة وشركة مناطق، أمس على عقود إنشاء مشروع الأسواق
المركزية المتكاملة في مناطق أم صلال والسيلية والوكرة. ويأتي مشروع إنشاء الأسواق المركزية المتكاملة
ليسهل الحياة اليومية للمواطنين والمقيمين على حد سواء، وذلك من خلال توفير أسواق موحدة للمواد الغذائية
والاستهلاكية كأسواق اللحوم والأسماك والدواجن والخضار بالإضافة إلى الأنشطة التجارية والخدمات كفروع
المصارف والمحلات التجارية، إضافة إلى مبان إدارية للأسواق، ومبان سكنية للعاملين ضمن نطاقها.

ويساهم مشروع الأسواق المركزية بشكل فعّال في دفع عجلة النمو الاقتصادي بما يتماشى مع
رؤية قطر الوطنية 2030، وذلك من خلال إيجاد بيئة اقتصادية متنوعة ومستدامة تساهم في تعزيز
نمو القطاعين التجاري والخاص، ويهدف إلى تسهيل حياة قاطني المناطق المستهدفة، وتلبية احتياجاتهم
اليومية، بالإضافة إلى تخفيف أعباء تنقلاتهم وبالتالي تخفيف الضغط على السوق المركزي الحالي.

التفاصيل ( فضلا اضغط هنا ) (http://www.raya.com/news/pages/4646c036-c16d-47e2-ac8b-f4c847b5cb7c)

تقدُّم في مشروعات الأسواق المركزية والمناطق الاقتصادية :

" أكدت وزارة الاقتصاد والتجارة أنّ متابعة التقدم المحرز في إنجاز حزمة المشاريع الاقتصادية
يعد أولوية في العمل بينها وبين المعنيين من المقاولين والمطورين بالتعاون مع شركاء الوزارة
من اللجان التابعة والجهات الحكومية ذات الصلة التي تساهم في تطوير وتنمية مشاركة القطاع
الخاص في مشاريع التنمية الاقتصادية بالدولة. "

للتفاصيل ( فضلا اضغط هنا ) (http://www.raya.com/Mob/GetPage/f6451603-4dff-4ca1-9c10-122741d17432/e6b7e388-ed26-4c97-b142-d54ebea49fcc)

معماري قطري

17-10-2015, 05:04 AM

صراحة انا مافهمت شلون تعبان

هو أكيد يقصد مهب طازج وقديم

حسن

17-10-2015, 01:41 PM

السلام عليكم ورحمة الله وبركاته ،،

يصبحكم بالخير واشكر اخوي حسن على موضوعه وتسلم
يمناك والشكر موصول للجميع ، وحرصكم على مصلحة المواطن والمقيم
والوجه الحضاري في جميع المجالات ..

أسواق مركزية جديدة في الوكرة وأم صلال والسيلية ، الافتتاح منتصف 2016

" الدوحة- الراية: وقعت وزارة الاقتصاد والتجارة وشركة مناطق، أمس على عقود إنشاء مشروع الأسواق
المركزية المتكاملة في مناطق أم صلال والسيلية والوكرة. ويأتي مشروع إنشاء الأسواق المركزية المتكاملة
ليسهل الحياة اليومية للمواطنين والمقيمين على حد سواء، وذلك من خلال توفير أسواق موحدة للمواد الغذائية
والاستهلاكية كأسواق اللحوم والأسماك والدواجن والخضار بالإضافة إلى الأنشطة التجارية والخدمات كفروع
المصارف والمحلات التجارية، إضافة إلى مبان إدارية للأسواق، ومبان سكنية للعاملين ضمن نطاقها.

ويساهم مشروع الأسواق المركزية بشكل فعّال في دفع عجلة النمو الاقتصادي بما يتماشى مع
رؤية قطر الوطنية 2030، وذلك من خلال إيجاد بيئة اقتصادية متنوعة ومستدامة تساهم في تعزيز
نمو القطاعين التجاري والخاص، ويهدف إلى تسهيل حياة قاطني المناطق المستهدفة، وتلبية احتياجاتهم
اليومية، بالإضافة إلى تخفيف أعباء تنقلاتهم وبالتالي تخفيف الضغط على السوق المركزي الحالي.

التفاصيل ( فضلا اضغط هنا ) (http://www.raya.com/news/pages/4646c036-c16d-47e2-ac8b-f4c847b5cb7c)

تقدُّم في مشروعات الأسواق المركزية والمناطق الاقتصادية :

" أكدت وزارة الاقتصاد والتجارة أنّ متابعة التقدم المحرز في إنجاز حزمة المشاريع الاقتصادية
يعد أولوية في العمل بينها وبين المعنيين من المقاولين والمطورين بالتعاون مع شركاء الوزارة
من اللجان التابعة والجهات الحكومية ذات الصلة التي تساهم في تطوير وتنمية مشاركة القطاع
الخاص في مشاريع التنمية الاقتصادية بالدولة. "

للتفاصيل ( فضلا اضغط هنا ) (http://www.raya.com/Mob/GetPage/f6451603-4dff-4ca1-9c10-122741d17432/e6b7e388-ed26-4c97-b142-d54ebea49fcc)

اوه

زين والله ماندري عن هل الاخبار يمكن التغطيه الاعلاميه مقصره
وحسبي الله على المسؤل اللي يممنع الجرايد على موظفيه بقصد التقشف
وهذا غباء

حرف

17-10-2015, 01:44 PM

هو أكيد يقصد مهب طازج وقديم

اشكرك على التوضيح مع انه قراء استفساري ويفكرني استخف دمي وربي يشهد اني مااعرف القصد
عموما اللنقاليين هم الي مسيطرين على الوضع

حسن

17-10-2015, 01:57 PM

اشكرك على التوضيح مع انه قراء استفساري ويفكرني استخف دمي وربي يشهد اني مااعرف القصد
عموما اللنقاليين هم الي مسيطرين على الوضع

يارجل لاتسئ الضن والتفكير ولم افكر نهائيا بماكتبته الان ياحرف ولا ذره منه !!!
بس للتوضيح

وبالنسبه لسؤالك انا رديت فيه ان السمج تعبان هزيل لين مهب صلب وسمج مانعرف اسمائها
مستورده من برع ياكلونها الاسويين اسماك ملغه

وبعدين مااقدر اشرح لك كامل هني لازم درس نظري واوريك الفرق بعيونك

وترا اذا مارديت على حد مهب قصدا بتسفيه له

التمسو العذر يمكن انا فكرت اللي اسوضحته تم
فقط

واللي يبي اوديه بنفسي وارويه هناك انا ماعندي مانع بعد

:)

حرف

17-10-2015, 02:07 PM

يارجل لاتسئ الضن والتفكير ولم افكر نهائيا بماكتبته الان ياحرف ولا ذره منه !!!
بس للتوضيح

وبالنسبه لسؤالك انا رديت فيه ان السمج تعبان هزيل لين مهب صلب وسمج مانعرف اسمائها
مستورده من برع ياكلونها الاسويين اسماك ملغه

وبعدين مااقدر اشرح لك كامل هني لازم درس نظري واوريك الفرق بعيونك

وترا اذا مارديت على حد مهب قصدا بتسفيه له

التمسو العذر يمكن انا فكرت اللي اسوضحته تم
فقط

واللي يبي اوديه بنفسي وارويه هناك انا ماعندي مانع بعد

:)

الله اعلم
المفروض من اتشوف اسمي يكون لردي الاولوية قبل غيري كوني الداعم الاول والاقوى لمواضيعك ورفعها

الحين فهمت بعد ماوضحت المعنى وعرفت من غير ما احتاج الى درس نظري
ومثل ما قلت البنقاليين هم الي مسيطرين من الفرضة اول ماينزل الشغل هناك مايجي للشبرة الا الفتات

حسن

17-10-2015, 02:13 PM

الله اعلم
المفروض من اتشوف اسمي يكون لردي الاولوية قبل غيري كوني الداعم الاول والاقوى لمواضيعك ورفعها

الحين فهمت بعد ماوضحت المعنى وعرفت من غير ما احتاج الى درس نظري
ومثل ما قلت البنقاليين هم الي مسيطرين من الفرضة اول ماينزل الشغل هناك مايجي للشبرة الا الفتات

ابشر ولا يهمك ياحرف حقك علي بس اعذرني ساعات انشغل واكون مش موجود بس انت تشوفني موجود
انا اساسا برع

بانغ بانغ

17-10-2015, 02:23 PM

بوعلي اقتراح

جبرات متنقلة....سيارات امثلجة اتدور عالفرجان وصيد فرش

انوفر على العجزة والمشاوير والريحة

Riku3

18-10-2015, 01:16 PM

هناك ربيان انصح به ولا الباقي نادر جدا وبصعوبه لقيت الصافي كان تعبان نهائيا
انصح للي بيشرتي يالكورنيش او اللولو او المجمعات الاخري بحكم هم من يشتري

انا صرت ما اشتري الا من هالجمعيات ..

قبل كنت اشتري من الميرة بس لازم اسندره اخليه يطلعلي من داخل لين ارضى بس كذا مره انغشيت بسمك قديم وما قمت اشتري من هناك .. وعقب ثبت مع التموين العائلي كنت اخليه يجيبلي من داخل ويكون زين بس مب دايم احصل عنده فريش والي يعجبني ان كان يقولي كاش اذا في والا مافي وما يغش .. واخر فترة صرت اروح ميجا مارت وتطلع زينه ..

اللولو صح دايم زين بس زحمة البوفلبن تشردني منهم :/ .. والمواقف زحمة .

والجبرة نفسها ما دخلتها من 3 سنين .. رحت اخذ كمية كبيرة علشان كذا كنت مجبور .. والا انا ما احب اروح هناك .

استغرب ليش ما يبنون سوق خضرة وسمك ومواشي جديد على مستوى .. شنو 10 والا 20 مليون ؟ .. يعني بدل هالشوارع الي كل سنة محفرينها والا شارع توه جديد ما كمل سنة جنبي مع ممشى وليتات ومكلف مبلغ وقدرة واخرتها بعد سنة يوسعونه ويكسرون كل شي ولا حد مفتكر في الهدر والفلوس الي راحت .. مب اولى نبني اشياء للمستقبل ! .

معماري قطري

18-10-2015, 02:21 PM

انا صرت ما اشتري الا من هالجمعيات ..

قبل كنت اشتري من الميرة بس لازم اسندره اخليه يطلعلي من داخل لين ارضى بس كذا مره انغشيت بسمك قديم وما قمت اشتري من هناك .. وعقب ثبت مع التموين العائلي كنت اخليه يجيبلي من داخل ويكون زين بس مب دايم احصل عنده فريش والي يعجبني ان كان يقولي كاش اذا في والا مافي وما يغش .. واخر فترة صرت اروح ميجا مارت وتطلع زينه ..

اللولو صح دايم زين بس زحمة البوفلبن تشردني منهم :/ .. والمواقف زحمة .

والجبرة نفسها ما دخلتها من 3 سنين .. رحت اخذ كمية كبيرة علشان كذا كنت مجبور .. والا انا ما احب اروح هناك .

استغرب ليش ما يبنون سوق خضرة وسمك ومواشي جديد على مستوى .. شنو 10 والا 20 مليون ؟ .. يعني بدل هالشوارع الي كل سنة محفرينها والا شارع توه جديد ما كمل سنة جنبي مع ممشى وليتات ومكلف مبلغ وقدرة واخرتها بعد سنة يوسعونه ويكسرون كل شي ولا حد مفتكر في الهدر والفلوس الي راحت .. مب اولى نبني اشياء للمستقبل ! .

ترشيد الانفاق هذا مصطلح ما مر على قاموس أشغال

حسن

18-10-2015, 02:59 PM

انا صرت ما اشتري الا من هالجمعيات ..

قبل كنت اشتري من الميرة بس لازم اسندره اخليه يطلعلي من داخل لين ارضى بس كذا مره انغشيت بسمك قديم وما قمت اشتري من هناك .. وعقب ثبت مع التموين العائلي كنت اخليه يجيبلي من داخل ويكون زين بس مب دايم احصل عنده فريش والي يعجبني ان كان يقولي كاش اذا في والا مافي وما يغش .. واخر فترة صرت اروح ميجا مارت وتطلع زينه ..

اللولو صح دايم زين بس زحمة البوفلبن تشردني منهم :/ .. والمواقف زحمة .

والجبرة نفسها ما دخلتها من 3 سنين .. رحت اخذ كمية كبيرة علشان كذا كنت مجبور .. والا انا ما احب اروح هناك .

استغرب ليش ما يبنون سوق خضرة وسمك ومواشي جديد على مستوى .. شنو 10 والا 20 مليون ؟ .. يعني بدل هالشوارع الي كل سنة محفرينها والا شارع توه جديد ما كمل سنة جنبي مع ممشى وليتات ومكلف مبلغ وقدرة واخرتها بعد سنة يوسعونه ويكسرون كل شي ولا حد مفتكر في الهدر والفلوس الي راحت .. مب اولى نبني اشياء للمستقبل ! .

هلا هلا

والله انا ماانصح ان يتشري في السوق المركزي
الا اذا بعد صلاه المغرب وقت المزاد
وفعلا
استنتجت ان اصحاب المجمعات الكبري والمطاعم تحظر المزاد وتشتري السمك الزين
فلذالك
تلقى اللولو افضل عندي من الجبره
سمكه طازج تخزينه ممتاز المكان جدا نظيف
ولا عنوه السوق لا بارنكنق والمكان جدا وصخ
استغرب من البلديه اللي تقول سكرنا المحلات
اعتقد ماتشوفون ارضيه سوق السمج وشكلها
المفروض تتشمك بكبرها بالاحمر

بوحارب

18-10-2015, 02:59 PM

موضوع مهم مع اني ماقريته لانه طويل

بس العنوان بروحه فخم

تتناغم هاه :cool:

حسن

18-10-2015, 03:01 PM

هههههههه

يابوحارب سوق السمج تعبان من جميع النواحي هذا المختصر
المكان المواقف النظافه ردائه الاسماك الموجوده

معماري قطري

18-10-2015, 03:53 PM

هههههههه

يابوحارب سوق السمج تعبان من جميع النواحي هذا المختصر
المكان المواقف النظافه ردائه الاسماك الموجوده

يُساورني شيئاً من الشك بأَنك ناوي تفتح جبرة سمك صغيرة أو تبيع في السوق السوداء

بانغ بانغ

18-10-2015, 03:56 PM

يُساورني شيئاً من الشك بأَنك ناوي تفتح جبرة سمك صغيرة أو تبيع في السوق السوداء

شكك في محله ... اتذكر في موضوع العنن قال انه ناوي يفتح عنة او مشروع داخل البحر ....

معماري قطري

18-10-2015, 09:58 PM

شكك في محله ... اتذكر في موضوع العنن قال انه ناوي يفتح عنة او مشروع داخل البحر ....

عاد انا وانت اللي كاشفينه ألحين لازم يمولنا بالسمج الزين لمدة سنة حتى نسكت وما نسوي دعاية مضادة

saeed2005

20-10-2015, 11:32 AM

صبحكم الله بالخير

موضوعي اليوم عن جبره السمج

رحت اليوم الجمعه قلت باشتري سمج من هناك لان ابي كميه وانوع وقلت يمكن احصل افضل
الصراحه

موقع الجبره خلاص انتهي لا من مكان ولا من مبنى ولا من نظافه ولا من موقع
يعني الحين فوق ال30 سنه هذه الجبره وتعاقب عليها مليون وزير مافي حد
يقدر يتخذ قرار بنقلها وانشاء جبره تليق بمكانه قطر
وكلها مبنى على بعضه من 10 مليون ماتزيد تكلفتها الى كان هناك شي احنا مانشوفه
زين نجي للسمك
بحكم اني راعي بحر واعرف السمجه زين مازين والله انصح هل قطر كافه محد يشتري منها فتره الصبح
نهائيا
مافي ولا سمجه فيها خير

كلش والسمج الموجود مال الاجانب الاسيوين ومنتهي من التخزين والتثليج
والله تاكل تونه ابرك منه
هناك ربيان انصح به ولا الباقي نادر جدا وبصعوبه لقيت الصافي كان تعبان نهائيا
انصح للي بيشرتي يالكورنيش او اللولو او المجمعات الاخري بحكم هم من يشتري
افضل انواع السمج وقت الحراج
اما الجبره حطو عليها اكس ومليون اكس
دخلتها منذو مبطي وانصدمت اما اليوم خلاص توبه اني اشتري منها
وماشفت حد فيها قطري انا واحد اعرفه وقلت له لاتشتري انت مهب من هل البحر
السمج اللي فيها تعبان ولا يناسبنا

فانا بغيت انصح الجميع نصيحه اخويه وبحكم خبرتي لا تعبون نفسكم
ولا يسوى العنوه والمشوار
اقتراحي
ليش ماينشوؤن جبره ومطاعم بحريه في ميناء قطر القديم
وهذا انا اشوفه افضل موقع لجبره السمج وحوولها مطاعم
وخصوصا ان الميناء الجديد بيفتح قريب والله لو تهلكون مافي افضل من هذا الموقع
نسخه الى اعضاء مجلس الشوري والبلدي والى وزير البلديه والتخطيط

الموقرين

هذا اقتراحي مواطن قطري ونقدمه لكم ببلاش بدون عيون زرق ولا خضر
عسليه وش زينها

وشكرا

أخوي حسن للأسف حكمك فيه ظلم وعدل الظلم أن السمك اللي فيها كله خايس والعدل أن الجبرة خايسة يا أخي العدل زين كان يمكنك تقول أن السمك في ذاك اليوم اللي رحت فيه كان شين لأن السمك مش كل يوم زي بعضه سوق السمك يحتاج إلى تطوير أمر لا يختلف عليه اثنان لكن التنوع فيه لا تجده لا في اللولو ولا فيلاجيو والأسعار بعد في سوق السمك معقولة ويمكن تكاسر فيها وتحياتي لشخصك الكريم

حسن

02-11-2015, 02:26 PM

أخوي حسن للأسف حكمك فيه ظلم وعدل الظلم أن السمك اللي فيها كله خايس والعدل أن الجبرة خايسة يا أخي العدل زين كان يمكنك تقول أن السمك في ذاك اليوم اللي رحت فيه كان شين لأن السمك مش كل يوم زي بعضه سوق السمك يحتاج إلى تطوير أمر لا يختلف عليه اثنان لكن التنوع فيه لا تجده لا في اللولو ولا فيلاجيو والأسعار بعد في سوق السمك معقولة ويمكن تكاسر فيها وتحياتي لشخصك الكريم

لا يفتى في وحسن في جبره السمج

:(

مختلف جداََ

02-11-2015, 07:38 PM

لا يفتى في وحسن في جبره السمج

:(

قول بعد مب مغرور !!!

qatara

02-11-2015, 08:01 PM

شبرة

ولا كبره

ولا جبره

من عرفنا الدنيا (جبره )

لا شبرة ولا كبرة

معماري قطري

02-11-2015, 08:20 PM

شبرة

ولا كبره

ولا جبره

من عرفنا الدنيا (جبره )

لا شبرة ولا كبرة

معاك والله بس يمكن حرف ال ch مب موجود في العربية ويورط اللي بيكتبون

مختلف جداََ

02-11-2015, 08:41 PM

معاك والله بس يمكن حرف ال ch مب موجود في العربية ويورط اللي بيكتبون
استخدموا حرف چ :anger1:

حمد 2002

04-11-2015, 10:25 AM

نتمنى كذلك وضع حد لتلاعب البياعه على السماجه والصيادين وأخذ السمج منهم بأقل الاسعار بالمزاد وبيعها بأسعار مضاعفه. .

شكرا بوعلي ..