35 سنه عمر صناعيه الدوحه ولم تتغير

[al-obaidly]

اخونا حسن تكلم عن جبره السمك اللي ماتغير فيها شي من الثمانينات والصناعيه نفس الشي ماتغيرت نفس الوضع وخرابه في خرابه كل شي على بعض

[حسن]

اوف اسكت بعد شوي رايح لها

لاتذكرني بالعذاب

:(

[بانغ بانغ]

للاسف صناعية رئيسية لنا

روحوا شوف صناعية عجمان ..... مب دبي ولا الشارجة وابوظبي .. حتى لان هذول ودك تتمشى فيهم امركلس من نظافتهم

[حسن]

بل الحين انا على مداخل الصناعيه

اسكت شي فضيع ماتعرف وين دش لها مداخلها صعبه جدا
الله يعين والله

المشكله المسؤلين مايروحون هناك ولا بينصدمون صج

الصناعيه عذاب غير طبيعي

[بانغ بانغ]

بل الحين انا على مداخل الصناعيه

اسكت شي فضيع ماتعرف وين دش لها مداخلها صعبه جدا
الله يعين والله

المشكله المسؤلين مايروحون هناك ولا بينصدمون صج

الصناعيه عذاب غير طبيعي

Smile you are in sanaia

[حسن]

انت شوف حتى اسوق بروه من المقبره لين الصناعيه
مكانها جدا غلط وبهذه الحجم وطريق سلوي فاضي
كان طلعتوها أربعين كيلو غرب
انحصرت كلها في شارع واحد

[حسن]

Smile you are in sanaia

شنسوي نطقطق وياكم ننتظر الزحمه تفك شوي انا الحين فوق الجسر السيد واقف
هو لو مسؤلين التخطيط عندنا يزورونها كان تغيرت نظرتهم بس هم في المكاتب ويخطط
ويشوفون المخطط والأراضي الاوبن سبيس
مايجي في قلب الحدث وعلى أرض الواقع
والشركة اشوفها واقف شغلها مادري شردت

[وحيد-الشوق]

اكثر شيء مفشلنا في قطر والي يبي ينصدم صح يروح بعد المطر تحس نفسك داش احد مستنقعات الامازون

[ya3coub]

الله يستر توني مخلص شغلي بتغدى فبيت عمي والله يعيني شكلي لين فلليل بنقع هناك

[حرف]

قذارة ومستنقع للجرايم والامن فيها زيرو

[معماري قطري]

رحت مرة منطقة صناعية في بلجيكا .. قلت ياليت هذا فريجنا نظافة ورقي وترتيب ميخرش الميه مثل ما يقول السيسي للمصريين

[بانغ بانغ]

رحت مرة منطقة صناعية في بلجيكا .. قلت ياليت هذا فريجنا نظافة ورقي وترتيب ميخرش الميه مثل ما يقول السيسي للمصريين

حتى بلجيكا فيها صناعية !!!!!!

[MAZEN37]

الصناعيه مشكلتها بسيطه يسون مداخل لها ومخارج منها فقط
الحين الي بدخل الصناعيه مجبور يركب الدوار فوق علشان يمسك الخدمات الي تدخلك شارع 10 وهالوضع سبب زحمه على الدوار لا تطاق مع انه الحل هو الي ينزل النفق من تحت المفروض يقدر يدخل الخدمات ومنها لشارع 10

[bo matar]

الحل يسون لنا منطقه صناعيه اخرى ليخف الضغط على المنطقه الصناعيه

مانبي صناعيه نفس صناعية رويس والخور مافيهم الا مخازن اثاث والمنيوم

نبي مناطق صناعيه متكامله فيها مراكز صيانة لوكالات السيارات ع الاقل! والشركات الكبرى

[بوحارب]

يا زين الصناعية تجارة حلوة ومربحة ^_^

[معماري قطري]

حتى بلجيكا فيها صناعية !!!!!!

لو مريت بتقول فريج راقي .. موقف كبير أسفلت للشاحنات .. والطرق متعامدة بدون دواوير وضيقة .. بس المرور بسيط والطرق الفرعية لازم يوقفون قبل ليدخلون الطريق الرئيسي .. الشوارع مع الأرض وحولها عشب لا مرتفعة ولا نازلة ولا لها أرصفة .. بس تصريف الماي موجود.

كنا في زيارة لمعمل الكترونيات .. أول ما دخلنا مرينا تحت شلال صناعي ينزل في بحيرة صناعية جزء منها داخل تحت مكاتب المعمل ويمر في جلسة خارجية بس محاطة بالزجاج حق وقت البرد ومخلينها مساحة للتدخين ومثل الجلسة الخارجية .. ركبنا درج زجاج دائري وانت تركب عليه تخاف ينكسر وفوق كلش مكتب المدير والسكرتارية وتحت مكاتب الموظفين .. بس مبنى صغير ومرتب جاي في ربع الأرض وفي زاوية وفي الباقي المعمل .. رقي ونظافة واسلوب عمل مرتب والسقف حديد وعمدان حديد بسيطة حاملته عندنا لمظلات السيارات يركبون آي بيم .. تصريف الماي كان عن طريق العمدان من السقف ينزل للعمدان ويروح في بايبات تحت الأرض.

بعدها قطعنا الطريق مشي للمخازن والمخازن مقابلة المعمل .. كل شيء ترتيبيشن وين منطقتنا الصناعية .. بعدين في أُوروبا كلها وأمريكا اعتقد عادي تحصل منطقة سكنية يفصلها عن الصناعية شارع وأرض بسيطة .. وصناعياتهم منتشرة وحتى معامل الطابوق والحجر ومواد البناء المصنع حديد ومسكر وفيه تدفئة والمخزن ملاصق له والمعرض معاهم .. يعني وانت مار تشوف كل شيء بنظافة ورقي

[معماري قطري]

الحل يسون لنا منطقه صناعيه اخرى ليخف الضغط على المنطقه الصناعيه

مانبي صناعيه نفس صناعية رويس والخور مافيهم الا مخازن اثاث والمنيوم

نبي مناطق صناعيه متكامله فيها مراكز صيانة لوكالات السيارات ع الاقل! والشركات الكبرى

الحل يسوون فروع صغيرة وموزعة صح على قطر .. الأرض حتى لو صغيرة لكن استغلالها في الارتفاع بكم دور وشغل مرتب أحسن وبتكون كافية لعدة شركات .. المهم التنظيم ما يخلون كل شيء ملخبط

[معماري قطري]

هذا اخواني خطأ تخطيطي كبير قطر تكبر وتتوسع ويزيد عدد السكان وتزيد الزحمة .. نروح نكتل كل شيء في صناعية كبيرة ووحدة؟ غلط ولازم توزيع فروع صغيرة لمراكز صناعية متعددة في الدولة للقرب من الناس ولتعدد الخيارات

[حسن]

الصراحه يامعماري ودك الدوله تسوي مناطق صناعيه جديده وبعيده على عده مناطق
ووسيعه
وهي من تقوم بنائها واتمنى يتم استغلال الارض بشكل صحيح
يعني يكون هناك بيسمت كبير كبر الارض تحت عباره عن السكن
وعباره عن البانكنق
وعطون ارتفاعات فوق
يعني تخيل الحين شركه التيوتا يوم سوى الكراج الحالي على كبر كراجهم لو استغلو الارض دور ولا دورينا
وطلعو دروين كان عباره كراجهم عن 4 كراجات نفس الحجم
تعرف لو يعيد بي الزمن لهد بيتي هذا واسوي دورين تحت الارض واطلع فوق الارض والسطح اسويه
مزرعه لي

[النهار]

اتمنى المطر ينزل في كل مكان الا الصناعيه
بعد المطر شوارعها تصير كارثيه حفر مهب اي حفر السكس ويل يالله يالله يقدر يعدي منها
اما الصوالين انسى بس لوحاول في بعض الشوارع الدخول تكون نهاية الموتر

[نيساني]

رحت مرة منطقة صناعية في بلجيكا .. قلت ياليت هذا فريجنا نظافة ورقي وترتيب ميخرش الميه مثل ما يقول السيسي للمصريين



يارجال لاتروح بعيد ،

خلها نفس صناعية دبي وكفايه

كلها حفر واللي مايعرف لها صدقني يضيع فيها.

الله المستعان

[معماري قطري]

الصراحه يامعماري ودك الدوله تسوي مناطق صناعيه جديده وبعيده على عده مناطق
ووسيعه
وهي من تقوم بنائها واتمنى يتم استغلال الارض بشكل صحيح
يعني يكون هناك بيسمت كبير كبر الارض تحت عباره عن السكن
وعباره عن البانكنق
وعطون ارتفاعات فوق
يعني تخيل الحين شركه التيوتا يوم سوى الكراج الحالي على كبر كراجهم لو استغلو الارض دور ولا دورينا
وطلعو دروين كان عباره كراجهم عن 4 كراجات نفس الحجم
تعرف لو يعيد بي الزمن لهد بيتي هذا واسوي دورين تحت الارض واطلع فوق الارض والسطح اسويه
مزرعه لي

شفت وكالة المرسدس في ميونخ كم طابق؟

مبنى اداري مدور حول 20 طابق والوكالة ومعرض السيارات 5 طوابق .. اللي استغرب منه المعرض بينه وبين الكراج قزاز بس وتشوف شلون يصينون السيارات .. وفيه مقهى ومطعم وفيه كاونتر كبير لقطع الغيار ومنه يبيعون مجسمات صغيرة للمرسدس وجاكيتات وأشياء كثيرة.

نسيت انت كلش ما تسافر ما ادري شلون نقنعك.

بس بو علي بالنسبة لأرضنا صعب يسون فيها بيسمنت ومب عملي .. الارتفاع كم دور اتوقع بيكون حل مناسب

[معماري قطري]

يارجال لاتروح بعيد ،

خلها نفس صناعية دبي وكفايه

كلها حفر واللي مايعرف لها صدقني يضيع فيها.

الله المستعان

ما شفت صناعية دبي الشارقة إيه وكانت صج تفرق عن صناعيتنا .. قطر في الطرق والتخطيط العام مستواها وايد ضعيف ومكدرني

[بوخالد911]

يبيلها اعادة تخطيط

[BoFahed]

انا اشوف انه بداية الخير قطرة

امس كنت هناك وفيه شوارع جاري العمل في توسعتها ورصفها من جديد وفيه مشروع لبناء مدينة صناعيه طريق سلوى للمعارض والكراجات بمليار ريال (مدينة مواتر)

وفيه 3 مدن لوجيستيه من بينهم اراضي مخصصة كراجات وورش بتخف الزحمه على الصناعيه

مشكتلنا انه التخطيط والتنفيذ متاخربمراحل عن دبي يعني البنية التحتيه ما تواكب التطور الكبير في البلد واتوقع هذا مشكلة ادارية وفنية والسبب عدم وجود اشخاص ذو كفائة في هالمجال او فيه عوائق في تنفيذ خططهم ومشاريعهم

[راعي الكورفت]

قريت من فتره مقاله بالجريده ان من المخططات المقرره في الدوله هي عملية انشاء مدينه صناعيه جديده للسيارات واسمها مدينه مواتر

[R 7 A L]

قطعا من ذا الطاري 14 سنة اشتغلت فيها يومياً محضر فيها وقبلها كنت زائر يومي
مأوى للمجرمين والفساد والشوراع تعبانه والمداخل والمخارج معدودة واكثر نسبة بشر فيها
من غير الحرايق الي ماتوقف

[حسن]

قطعا من ذا الطاري 14 سنة اشتغلت فيها يومياً محضر فيها وقبلها كنت زائر يومي
مأوى للمجرمين والفساد والشوراع تعبانه والمداخل والمخارج معدودة واكثر نسبة بشر فيها
من غير الحرايق الي ماتوقف

ههههههههه

ضحتني يارحال بقطعا

الحمدلله على السلامه

وين هل الغيبه ياخوك وش هل المفاجاءه

[حسن]

قطعا من ذا الطاري 14 سنة اشتغلت فيها يومياً محضر فيها وقبلها كنت زائر يومي
مأوى للمجرمين والفساد والشوراع تعبانه والمداخل والمخارج معدودة واكثر نسبة بشر فيها
من غير الحرايق الي ماتوقف

ههههههههه

ضحتني يارحال بقطعا

الحمدلله على السلامه

وين هل الغيبه ياخوك وش هل المفاجاءه

[R 7 A L]

ههههههههه

ضحتني يارحال بقطعا

الحمدلله على السلامه

وين هل الغيبه ياخوك وش هل المفاجاءه

الله يسلمك يابومحمد

ياخي من شفت العنوان مر شريط حياتي مع هالمنطقة صحيح عشت فيها ايام حلوة بس ما ننكر التجاوزات الي فيها


والله يابو محمد انشغلنا مع الوظيفة الجديدة خبرك مازلت تحت الانظار هههههه

[كلاسيك قطر]

الي ذكر صناعيه في الامارات عيل ليش مارحتو العين شوفو الترتيب ع مستوى والله يريح القلب

يا جماعه الحين الصنعايه الي في قطر اشوفها تتعدل اصبرو عليها بس طبعا مش داخل الصناعيه ع حدود الصنعايه مسوين شارع جديد

اشدعوه يوبه

[حسن]

الله يسلمك يابومحمد

ياخي من شفت العنوان مر شريط حياتي مع هالمنطقة صحيح عشت فيها ايام حلوة بس ما ننكر التجاوزات الي فيها


والله يابو محمد انشغلنا مع الوظيفة الجديدة خبرك مازلت تحت الانظار هههههه

هازين بشرك الله بالخير

يالله بالتوفيق ومنها للاعلى

[R 7 A L]

هازين بشرك الله بالخير

يالله بالتوفيق ومنها للاعلى

الله يجزاك خير
وابشر بالخير

[بو راشد 1]

رحت مرة منطقة صناعية في بلجيكا .. قلت ياليت هذا فريجنا نظافة ورقي وترتيب ميخرش الميه مثل ما يقول السيسي للمصريين

معماري، تقول لي صناعية بلجيكا؟ يا ولد الحلال شهر فبراير رحت صناعية الهند (احمداباد - كوجرات) شوارعها احسن من شوارع صناعيتنا...!!!!
و اللي يقول شارع الوكالات زحمة، جرب اتعمق اكثر و تروح صناعية ابا صليل.

[معماري قطري]

معماري، تقول لي صناعية بلجيكا؟ يا ولد الحلال شهر فبراير رحت صناعية الهند (احمداباد - كوجرات) شوارعها احسن من شوارع صناعيتنا...!!!!
و اللي يقول شارع الوكالات زحمة، جرب اتعمق اكثر و تروح صناعية ابا صليل.

لو الشوارع منظمة والمياه المعالجة الملقاة في مستنقع بو نخلة مستعمل جزء بسيط منها لزراعة الأرصفة .. ولو كان فيها نظام مبسط لتصريف المياه لكانت صناعيتنا بخير .. يبغي لها شوية قوانين تنظيمية وجهة متابعة

[طلعة الروح]

اخونا حسن تكلم عن جبره السمك اللي ماتغير فيها شي من الثمانينات والصناعيه نفس الشي ماتغيرت نفس الوضع وخرابه في خرابه كل شي على بعض

الصناعية مالتنا كابوس نهاري خصوصا اذا تعمقت ودخلت بين الكراجات العادية، شوارع محفره طرق ملخبطه بدون ارقام او تسميات" وقطع السكراب المهملة تشغل كل حيز بحيث تجعلك تشعر أن الميت أبدى من الحي هناك.

[رحال الدوحه]

السلام عليكم ورحمة الله وبركاته ،،

طالب بتحسين الخدمات.. المسلماني:
السماح بالتنازل تسهيلاً على المستثمرين ..

( للتفاصيل فضلا اضغط هنا ) (http://www.raya.com/news/pages/3717238f-6e9f-4a56-9132-b277b7cb7462)


إلزام المستثمرين بإعادة الأرض للدولة ( الصناعيه القديمه )

( للتفاصيل فضلا اضغط هنا ) (http://www.raya.com/news/pages/f408f228-343f-488a-a2ed-572119b9fc8a)

[معماري قطري]

الصناعية مالتنا كابوس نهاري خصوصا اذا تعمقت ودخلت بين الكراجات العادية، شوارع محفره طرق ملخبطه بدون ارقام او تسميات" وقطع السكراب المهملة تشغل كل حيز بحيث تجعلك تشعر أن الميت أبدى من الحي هناك.

إهمال من المسؤولين ومحد يدري الا اللي يمر هناك ويعاني

[بانغ بانغ]

الصناعية مالتنا كابوس نهاري خصوصا اذا تعمقت ودخلت بين الكراجات العادية، شوارع محفره طرق ملخبطه بدون ارقام او تسميات" وقطع السكراب المهملة تشغل كل حيز بحيث تجعلك تشعر أن الميت أبدى من الحي هناك.

وكابوس مسائي ... تجمعات العمال والمجرمين من بعض الجنسيات

[طلعة الروح]

وكابوس مسائي ... تجمعات العمال والمجرمين من بعض الجنسيات

أظن بأن دخول الصناعية في المساء - خاصة إذا لم تكن هناك حاجة ماسة لذلك - 0ليست إلا مجازفة كبرى.

[$QTR$]

السلام عليكم جميعاً .. المنطقة الصناعية لا أحد ينكر بأنها قديمة وعانت من الاهمال في فترة ما , ولكن الان يتم تطوير الصناعية القديمة بتكلفة 8 مليار ريال وجاري حالياً العمل فيها على أعلى مستوى أن شاء الله , طرح 3 مناطق لوجستية جديدة تسلم خلال 18 شهر أن شاء الله ( ابا الصليل - بركة العوامر - جنوب الوكرة ) ومن المراحل التالية طرح المناطق الخاصة منطقتين ( محاذية للمطار - أم الحول ) والمرحلة الثالثة طرح منطقة (جريان السمر ومناطق أخرى تحدد لاحقاً ) عليكم بالصبر وتفائلوا خيراً, وانا كلي ثقة بأن حكومتنا عودتنا دائم على المشاريع الريادية بأعلى المعيار .. وتحياتي للجميع

[طلعة الروح]

السلام عليكم جميعاً .. المنطقة الصناعية لا أحد ينكر بأنها قديمة وعانت من الاهمال في فترة ما , ولكن الان يتم تطوير الصناعية القديمة بتكلفة 8 مليار ريال وجاري حالياً العمل فيها على أعلى مستوى أن شاء الله , طرح 3 مناطق لوجستية جديدة تسلم خلال 18 شهر أن شاء الله ( ابا الصليل - بركة العوامر - جنوب الوكرة ) ومن المراحل التالية طرح المناطق الخاصة منطقتين ( محاذية للمطار - أم الحول ) والمرحلة الثالثة طرح منطقة (جريان السمر ومناطق أخرى تحدد لاحقاً ) عليكم بالصبر وتفائلوا خيراً, وانا كلي ثقة بأن حكومتنا عودتنا دائم على المشاريع الريادية بأعلى المعيار .. وتحياتي للجميع

أتفق معاك أن وايد أمور تضبطت في البلد ويمكن اهم أمر تغيير نظام الفحص الفنى وفتح محطات في سدره فاحص
نظمت الأمر من عقب الطوابير والفوضى والبدائية السابقه في فحص السيارات ولو انى خفت شوى من الفحص الجديد ودفاشته مع السيارة بس سهلوا علينا ولا يقارن ب معاناة قبل.