كيف انتقل السحر لدول الخليج

[العفراء]

طبعا سؤالي هذا بنيته على كثر ما نسمع و نشوف عن سوالف الطبوب

قبل فتره في دبي و تحديدا فبحر الممزر

سووا عمليات تنظيف و مسح للبحر و لقوا وايد طبوب بالبحر و حروز و سحر

و اكيد ان الناس تأذوا من هالاعمال اللي تكلم فيها القرآن الكريم خاصة فيما يفرق بين المرء و زوجه

و كانت اكثر السوالف خص باوقات التندر تقول ان السحر وصل للخليج عن طريج عمان بحكم ان السلطنه كانت تحكم افريقيا و كانت لها مركزيه عظمى في زنجبار و من هنا دخل السحر لسواحل الخليج و بنفس الوقت السحر و صل لاجزاء كبيره من جنوب الجزيره عن طريج اليمن و دول الساحل الافريقي

باجي انعرف ان الاسلام حرم السحر لكن ضعيفين الايمان يلجؤون للسحر و الطبوب و المسألة تحتاج لوقفه جاده لان وايدين اتضرروا و اختربت بيوووت من ورا هالاعمال

[بانغ بانغ]

مرحبا الشيخة

اصلا السحر موجود قدم الزمان

ولكن انتشر نتيجة الانفتاح المزعوم وكلن جاب ثقافته معاه خاصة بعض الدول العربية والافريقية

[R 7 A L]

إتيان الكهان
عَنْ أَبِي هُرَيْرَةَ رضي الله عنه، عَنْ النَّبِيِّ صلى الله عليه وسلم قَالَ :«مَنْ أَتَى كَاهِنًا، أَوْ عَرَّافًا، فَصَدَّقَهُ بِمَا يَقُولُ، فَقَدْ كَفَرَ بِمَا أُنْزِلَ عَلَى مُحَمَّدٍ صلى الله عليه وسلم».
أخرجه أحمد والأربعة، وصححه الألباني في صحيح الترغيب والترهيب برقم (3047) .

[ضوى]

الله يكفينا شرهم ، ابليس نشر شيطانيه بكل مكان يبي الناس تكفر وبني ادم طوعهم يارب ثبتنا على دينك

[العفراء]

مرحبا الشيخة

اصلا السحر موجود قدم الزمان

ولكن انتشر نتيجة الانفتاح المزعوم وكلن جاب ثقافته معاه خاصة بعض الدول العربية والافريقية

هلا اخويه بانغ بانغ

هو صح موجود بس انا اقصد ان الخليجيين انفسهم مب سحار لكن استعانوا بغيرهم للسحر من قل الايمان
حتى ياللي يقولون انهم سحار بعمان قريت بمواقع عمانيه ان اللي وصلهم بالاساس من سحار زنجباريين و افارقه و توارثوه

بس بصراحه المشكله ان وايدين يلجؤون للسحر و للطبوب و انا اعرف ناس متأذين و بيوت اختربت من ورا الطبوب و الحروز

خاصة في مشاكل اتصير بين الريال وحرمته و على اتفه الاسباب يوصلون للطلاق بسبة ان حد متسبب لهم بالسحر و يلقون حروز و طبوب مدفونه صوبهم

[R 7 A L]

زنجبار:eek5:
وعبدالله بالخير يقول جانا الهوا جانا من زنجبار :rolleyes2:

[العفراء]

إتيان الكهان
عَنْ أَبِي هُرَيْرَةَ رضي الله عنه، عَنْ النَّبِيِّ صلى الله عليه وسلم قَالَ :«مَنْ أَتَى كَاهِنًا، أَوْ عَرَّافًا، فَصَدَّقَهُ بِمَا يَقُولُ، فَقَدْ كَفَرَ بِمَا أُنْزِلَ عَلَى مُحَمَّدٍ صلى الله عليه وسلم».
أخرجه أحمد والأربعة، وصححه الألباني في صحيح الترغيب والترهيب برقم (3047) .

اللهم صل و سلم على محمد و آله و صحبه أجمعين

[طبيب قطري]

ماله علاقة السحر موجود بكل مكان وزمان.. اذكر العام قريت الخبر مال الساحره اللي لقوها ميته ببيتها وحواليها كلاب وطبوب وصور..
استغرب من اللي ممكن توصل درجة الشر والكره بداخله انه يروح حق ساحر حتى يأذي الشخص الفلاني او يفرق بين زوجين !! ايش الممتع انك تخرب بيوت الناس!!
اللهم احفظنا..

[BoFahed]

طبعا سؤالي هذا بنيته على كثر ما نسمع و نشوف عن سوالف الطبوب

قبل فتره في دبي و تحديدا فبحر الممزر

سووا عمليات تنظيف و مسح للبحر و لقوا وايد طبوب بالبحر و حروز و سحر

و اكيد ان الناس تأذوا من هالاعمال اللي تكلم فيها القرآن الكريم خاصة فيما يفرق بين المرء و زوجه

و كانت اكثر السوالف خص باوقات التندر تقول ان السحر وصل للخليج عن طريج عمان بحكم ان السلطنه كانت تحكم افريقيا و كانت لها مركزيه عظمى في زنجبار و من هنا دخل السحر لسواحل الخليج و بنفس الوقت السحر و صل لاجزاء كبيره من جنوب الجزيره عن طريج اليمن و دول الساحل الافريقي

باجي انعرف ان الاسلام حرم السحر لكن ضعيفين الايمان يلجؤون للسحر و الطبوب و المسألة تحتاج لوقفه جاده لان وايدين اتضرروا و اختربت بيوووت من ورا هالاعمال


اختي السحر مب محدد في منطقه او ديانه هذا علم وكتب يقراها الشخص ويمارسها ويستعين بالشباطين والعياذ بالله مقابل طلبات هو يقدمها لهم

يعني اي واحد توسوس له نفسه يسوي يسحر لهدف معين ( تمكين سلطه او مال - اذى -انتقام -محبه ) بسعى له وبسويه ومنتشر وايد بين الحريم للاسف

اللي غاويه الشيطان بيدور حتى لو تحت الارض وبيسال وبيلقى وبيسويه في بلاده او يسافر برى


نرجع لسوالج بالخليج عندنا انتشر بسبب كثرة المال والتفكك الاجتماعي والفراغ

وين يسوونه ومتنشر ؟؟؟الجواب مثل ماذكر المشايخ : الخدم الاسيوين وبالاخص الجنسيه الاندونيسيه والا ثيوبيه بحكم الفقر والجهل يسوون سحر قبل ما يجون علشان تمشي امورهم او باخذون اثر من اهل البيت ويسوونه في بلادهم ويرجعون بالاجازات وبعضهم يتعلمه

الافارقة السحره عموما اللي يجون فيزه زياره ويجيبونهم ناس (بعضهم واصلين )ما يخافون الله ويرزونهم بالالاف علشان اعمال سحر

بعض الهنود السيخ والبوذيين منتشر عندهم لانه يستخدمون السحر لحراسه معابدهم وبعض ربعنا يدورنهم عن طريق خدمهم و يجيبونهم علشان السحر


المغرب وما ادراك بالمغرب😳😳😳 وخصوصا بنات الليل اللي تعلق الخرفان ويسحرونهم وتخرف منهم الالاف والملايين اللي عمر اهاليهم ما يحلمون فيها والزواج في حالات كثيره وتحصل الجنسيه الخليجيه اللي العالم كله يستقبل حاملها

يعني الزبدة اختي السحر والاعمال الي تنفك بالخليج مب كله عن طريق عمان بس التهويل والاشاعات والنكت هي اللي عطت صوره سوداويه


بس السحر الافريقي( السحر الاسود )الاقوى والاكثر ضررا لانه يستخدمون شياطين ويوصل ل القتل

[العفراء]

الله يكفينا شرهم ، ابليس نشر شيطانيه بكل مكان يبي الناس تكفر وبني ادم طوعهم يارب ثبتنا على دينك

امييين يااا رب العالمين ،،،، والله يا خالتي ضوى شي ناس منه و الطريج بس ما يبون الخير لغيرهم
او انهم يبون حد يتعلق فيهم او لاسباب مالها معنى و من قل الايمان يقولون بنسوي لغيرنا طبوب

انا قبل ما كنت اصدق لكن صارت جدامي و لناس من معارفنا امور و لقوا حروز فبيوتهم و شي وحده تطلقت من زوجها فجأة بعد ما كانوا سمن على عسل نشبت بينهم المشاكل و ما قاموا يطيجون بعضهم

و يقولون ان هاللي يسوون طبوب يحتاجون لشعر اللي بيسحرونه او ثيابه او يعرفون اسم امه ما ادري ليش

مره كنا بعزيمه و شفت وحده يقولون عنها راعية هالسوالف المهم انا حاولت اتجنبها بس و احنا ظاهرين هي سولفت ويانا انا و ربيعتي انزين و عقب سالتني عن اسم امي بس انا عطيتها اسم ام ربيعتي و يوم ظهرنا ربيعتي قالت ليش عطيتيها اسم امي قلت لها علشان نبطل السحر

[حسن]

انتقل السحر للخليج للجهل المنتشر وضعف الدين
وزياده الرواتب

:)

[بانغ بانغ]

انتقل السحر للخليج للجهل المنتشر وضعف الدين
وزياده الرواتب

:)

هههه رجهنا على زيادرة الرواتب ... شكلهم بيقصونها قص

ممكن انعرف شلون ؟

انا اعتقد الغيرة المرضية هي السبب يا بوعللي

عجل خل انسوي سحر حق الصناعية تتعدل اشوي او الجبرة ...


امزح عاد لا تزعل

[العفراء]

وَاتَّبَعُواْ مَا تَتْلُواْ الشَّيَاطِينُ عَلَى مُلْكِ سُلَيْمَانَ وَمَا كَفَرَ سُلَيْمَانُ وَلَـكِنَّ الشَّيْاطِينَ كَفَرُواْ يُعَلِّمُونَ النَّاسَ السِّحْرَ وَمَا أُنزِلَ عَلَى الْمَلَكَيْنِ بِبَابِلَ هَارُوتَ وَمَارُوتَ وَمَا يُعَلِّمَانِ مِنْ أَحَدٍ حَتَّى يَقُولاَ إِنَّمَا نَحْنُ فِتْنَةٌ فَلاَ تَكْفُرْ فَيَتَعَلَّمُونَ مِنْهُمَا مَا يُفَرِّقُونَ بِهِ بَيْنَ الْمَرْءِ وَزَوْجِهِ وَمَا هُم بِضَآرِّينَ بِهِ مِنْ أَحَدٍ إِلاَّ بِإِذْنِ اللّهِ وَيَتَعَلَّمُونَ مَا يَضُرُّهُمْ وَلاَ يَنفَعُهُمْ وَلَقَدْ عَلِمُواْ لَمَنِ اشْتَرَاهُ مَا لَهُ فِي الآخِرَةِ مِنْ خَلاَقٍ وَلَبِئْسَ مَا شَرَوْاْ بِهِ أَنفُسَهُمْ لَوْ كَانُواْ يَعْلَمُونَ(102)

[بانغ بانغ]

وَاتَّبَعُواْ مَا تَتْلُواْ الشَّيَاطِينُ عَلَى مُلْكِ سُلَيْمَانَ وَمَا كَفَرَ سُلَيْمَانُ وَلَـكِنَّ الشَّيْاطِينَ كَفَرُواْ يُعَلِّمُونَ النَّاسَ السِّحْرَ وَمَا أُنزِلَ عَلَى الْمَلَكَيْنِ بِبَابِلَ هَارُوتَ وَمَارُوتَ وَمَا يُعَلِّمَانِ مِنْ أَحَدٍ حَتَّى يَقُولاَ إِنَّمَا نَحْنُ فِتْنَةٌ فَلاَ تَكْفُرْ فَيَتَعَلَّمُونَ مِنْهُمَا مَا يُفَرِّقُونَ بِهِ بَيْنَ الْمَرْءِ وَزَوْجِهِ وَمَا هُم بِضَآرِّينَ بِهِ مِنْ أَحَدٍ إِلاَّ بِإِذْنِ اللّهِ وَيَتَعَلَّمُونَ مَا يَضُرُّهُمْ وَلاَ يَنفَعُهُمْ وَلَقَدْ عَلِمُواْ لَمَنِ اشْتَرَاهُ مَا لَهُ فِي الآخِرَةِ مِنْ خَلاَقٍ وَلَبِئْسَ مَا شَرَوْاْ بِهِ أَنفُسَهُمْ لَوْ كَانُواْ يَعْلَمُونَ(102)


الله يهداك ذاك اليوم عن ام الدويس واليوم سحر

لا تخرعينا عاد

خاصة فريجنا كأنه مسكون واسمع اصوات في البيت وخرخشة في بعض الغرف ويوم اشوف الكيمرات اللي حاطها ... ما اشوف شي

[العفراء]

قصة هاروت و ماروت ممتعه بس هل كانوا يعلمون الناس السحر و هم من الملائكه و كيف الشياطين بزمن سيدنا سليمان علموا الناس السحر ؟

انصح بقراية تفسير الآيه الكريمه

[العفراء]

راجعه لكم بانغ بانغ ههه اسمحوا لي برجع لكم عقب اوكي

[حسن]

هههه رجهنا على زيادرة الرواتب ... شكلهم بيقصونها قص

ممكن انعرف شلون ؟

انا اعتقد الغيرة المرضية هي السبب يا بوعللي

عجل خل انسوي سحر حق الصناعية تتعدل اشوي او الجبرة ...


امزح عاد لا تزعل

هلا هلا

وينك اليوم مهدي ماتنلام من عقب احلام
شوف اليوم انشغلت وايد واليوم الاحد المفروض نشوف تفاعل ومواضيع جديده
لكن ماش وحمد محد وانا بزي
والوقت ضيق بالنسبه لي ومشوش المخ
بنطقطق وياك شوي

في ناس مهب مستوعبه باللي اقوله البعض مؤيد بينه وبين نفسه
ولكن يخاف ينطق على استحياء
الى الان جميل

امس عصرت مخي في رد موضوعك لاحلام وطار الموضوع
رغم ان ردي ههذا يبروز على جبره السمج
:)

طرحت لك اسباب الانتشار وباختصار
البعد عن الدين
الجهل
زياده الرواتب

خليك معاي حبه حبه وولا انها زايده حبه

:telephone:

ضعف الدين وقله الايمان دفع المراء بارتكاب مايخالفه الدين والشرع
والمجتمع والعرف والعادات والتقاليد وزيد عليها سمبه رنقه
بتفضيل حب الشهوات في الدنيا معصيه الخالق

حلو

:telephone:

نجي الى النقطه الثانيه وهي الجهل المطقع وانصار الثقافه وروح الانسانيه
والتعليم والصحبه والمخالطه والجلساء
كل هذول لهم دور كبير في السحر وانتشاره

ها خلك مركز معايه شوي قربنا ندعم الطوفه يالحبيب

:deal:

نجي لسالفه الرواتب والفلوس والبيزات وكثرتها في ضل المسببات اللي ذكرنها سابقا

فهذه تساعد على تسهيل السحر بحكم هذولا السحره عاييشن على المصاري
والضحك على العقول في ضل السفاء من المجتمعات
ولا مافي ساحر يسويلك سحر ببلاش ولا
وينه انا ابيه اسحر النهار
:telephone:

فكل هذه العوامل سبب من اسباب انتشار السحر

ولعلمك وهذه حقيقه
اكثر مرتادينهم نساء للاسف

ولا الساحر مايلبط عند ساحر مثلي

:)


الحين وصلت المعلومه ولا لسه


:telephone:


شوف الموضوع الحين عقب ماانادخلت وش بيصير فيه

يا عافور ولا اعصار

ولا كيد كاهن

:secret:

[المخفي]

القانون لا يجرم السحر

السحر منتشر بشكل كبير في قطر

[حسن]

القانون لا يجرم السحر

السحر منتشر بشكل كبير في قطر

قبل الزياده ولا عقب الزياده

:telephone:

[بانغ بانغ]

ههههه لو ذاكر عبدالله بالخير .. ايش صار فيني ؟؟؟؟

صحيح كلامك معظم السحر عملاءه من الحريم وذلك لقلة علم بخطورة الموقف والبعض متعلمات ... لا ننكر مافي رجال ... لا فيه بس للاسف البعض ايفكر اذا سووا سحر اجتماعي ... امره هين ... لا والله الا شرك بحد ذاته

لازم وقفه وفيها اقامة حد مب لعب

.... يجب ان تكون فيه توعيه ولا ننكر دور المشايخ

.... خاصة الخدامات اذا جو ,,, لازم اتفتشون الاشناط ..مرة واحد قالي فتح شنطة الخدامة اول ما اوصلت ووداها لشيخ في الغرافة ... شاف قرآن امربط بحبل احمر وعلى الغلاف دم

على طول رجعها للمكتب

[حسن]

ههههه لو ذاكر عبدالله بالخير .. ايش صار فيني ؟؟؟؟

صحيح كلامك معظم السحر عملاءه من الحريم وذلك لقلة علم بخطورة الموقف والبعض متعلمات ... لا ننكر مافي رجال ... لا فيه بس للاسف البعض ايفكر اذا سووا سحر اجتماعي ... امره هين ... لا والله الا شرك بحد ذاته

لازم وقفه وفيها اقامة حد مب لعب

.... يجب ان تكون فيه توعيه ولا ننكر دور المشايخ

.... خاصة الخدامات اذا جو ,,, لازم اتفتشون الاشناط ..مرة واحد قالي فتح شنطة الخدامة اول ما اوصلت ووداها لشيخ في الغرافة ... شاف قرآن امربط بحبل احمر وعلى الغلاف دم

على طول رجعها للمكتب

شوف ياخوي

هم والكل عارف ان الطريقه اللي يجاء لها محرمه والتعامل معهم محرم
ولكن حب الشهوات وتتبعها يخليهم يسون رفيوز للي يذكرهم في الدماغ
بان هذا الشي حرام
مره في بحر ما في قطر
التقط لي صديق وهو يغوص صورتين متقابلتين
ومدببسه اطرافها بدبابيس في قطعه
ملفوفه لف زين
يقول اتصلنا لشيخ واخبرناه بهذا الشي قالهو احرقو في النار
يقول حرقناه
لكن الله وكيلك طلعت لنا ديبان في الليل ماقدرنا نرقد

:rolleyes2:

وغيرها وغيرها

شوف هناك الكثير منهم يتم ضبطه وخصوصا في البريد اذكر
الله يكفينا شرهم
تصدق انا مسحور

:eek5:

[A-Alansari]

https://www.youtube.com/watch?v=plMHgDpVSSg

[aloosh]

خبرك عتيق اختي
الحين يطلب الساحر ويحضر للدوله ويعمل سحره لا ويسكن في فندق 5 نجوم
شكثر امسكو سحره بالمطار

[العفراء]

زنجبار:eek5:
وعبدالله بالخير يقول جانا الهوا جانا من زنجبار :rolleyes2:



عبدالله بالخير روحه ساحر خخخ

[العفراء]

ماله علاقة السحر موجود بكل مكان وزمان.. اذكر العام قريت الخبر مال الساحره اللي لقوها ميته ببيتها وحواليها كلاب وطبوب وصور..
استغرب من اللي ممكن توصل درجة الشر والكره بداخله انه يروح حق ساحر حتى يأذي الشخص الفلاني او يفرق بين زوجين !! ايش الممتع انك تخرب بيوت الناس!!
اللهم احفظنا..

وين هذي بالامارات ؟لان اللي احيده انه الشرطة زخت حرمه اثيوبيه ساحره و لقوا فبيتها حروز و طبوب و كانوا ايوونها زباين من كل الخليج

[العفراء]

ق
اختي السحر مب محدد في منطقه او ديانه هذا علم وكتب يقراها الشخص ويمارسها ويستعين بالشباطين والعياذ بالله مقابل طلبات هو يقدمها لهم

يعني اي واحد توسوس له نفسه يسوي يسحر لهدف معين ( تمكين سلطه او مال - اذى -انتقام -محبه ) بسعى له وبسويه ومنتشر وايد بين الحريم للاسف

اللي غاويه الشيطان بيدور حتى لو تحت الارض وبيسال وبيلقى وبيسويه في بلاده او يسافر برى


نرجع لسوالج بالخليج عندنا انتشر بسبب كثرة المال والتفكك الاجتماعي والفراغ

وين يسوونه ومتنشر ؟؟؟الجواب مثل ماذكر المشايخ : الخدم الاسيوين وبالاخص الجنسيه الاندونيسيه والا ثيوبيه بحكم الفقر والجهل يسوون سحر قبل ما يجون علشان تمشي امورهم او باخذون اثر من اهل البيت ويسوونه في بلادهم ويرجعون بالاجازات وبعضهم يتعلمه

الافارقة السحره عموما اللي يجون فيزه زياره ويجيبونهم ناس (بعضهم واصلين )ما يخافون الله ويرزونهم بالالاف علشان اعمال سحر

بعض الهنود السيخ والبوذيين منتشر عندهم لانه يستخدمون السحر لحراسه معابدهم وبعض ربعنا يدورنهم عن طريق خدمهم و يجيبونهم علشان السحر


المغرب وما ادراك بالمغرب😳😳😳 وخصوصا بنات الليل اللي تعلق الخرفان ويسحرونهم وتخرف منهم الالاف والملايين اللي عمر اهاليهم ما يحلمون فيها والزواج في حالات كثيره وتحصل الجنسيه الخليجيه اللي العالم كله يستقبل حاملها

يعني الزبدة اختي السحر والاعمال الي تنفك بالخليج مب كله عن طريق عمان بس التهويل والاشاعات والنكت هي اللي عطت صوره سوداويه


بس السحر الافريقي( السحر الاسود )الاقوى والاكثر ضررا لانه يستخدمون شياطين ويوصل ل القتل

مشكوور اخويه بو فهد على الجواب الكافي بصراحه فصلت النا الجواب تفصيل مثل ما يقولون

و معاك بكل لي قلته و عمان ليش انه دولتهم كانت توصل لافريقيا و الضفه المقابله من اسيا فكان شي طبيعي تتاثر ثقافاتهم بعد ما تمازجوا مع بعض خص ان زنجبار فيها السحر و الشعوذه و كانت جزء من سلطن عمان و كنت قاريه ان وايد عوايل موجوده بافريقيا للحين ترجع اصولهم لعمان و اظن في كتاب اسمه مذكرات اميره عربيه عن اميره عمانية حكمتهم بافريقيا لين نفوها او جلبوا عليها الحكم ما اتذكر التفاصيل لكن كانت العلاقه و الروابط كبيره بين سواحل افريقيا و الحكم و النفوذ العماني و هالشي انعكس على المنطقه و حتى بالفنون الشعبيه اللي جلبوها من افريقيا و تطورت بالخليج بداية من عمان و وصولا للكويت مثل الليوه و الفنون البحريه و غيرها من المؤثرات اللي كان السحر من ضمنها

بس صج ترى سالفة السحر من المغرب كبييير و وايد متلعوزين منه خص بالامارات و يا ما بيوت تدمرت بسبتهم الله يكافينا الشر

[معماري قطري]

لتخرعونا بعدين ننخاف ننام

[العفراء]

انتقل السحر للخليج للجهل المنتشر وضعف الدين
وزياده الرواتب

:)


مرااحب اخوويه حسن انا اشوف ان الجهل و قل الايمان هم الاسباب الرئيسيه ياللي خلت الناس تلجأ للمشعوذين و السحااار

اما زيادة الرواتب ما ادري الشو خصها بالموضوع ،،، الفلوس يا اخوي مثل اي مادة بالدنيا لها سلييات و ايجابيات و النفوس هي اللي المسؤوله عن تصرفها بالفلوووس و بعدين شي ناس ما عندها فلوس و تتعامل بالسحر يعني المسأله مالها معيار محدد عرفت اشقايل

[<اضرب واشرد>]

السلام عليكم

والله كلام منطقي أختي (انتقال السحر لعُمان من ولاياتها السابقة بافريقيا)

الله يجيرنا من الشر، قبل سنين ظهرت قنوات تلفزيونية للسحرة، وبعض الجهال (النساء خاصة) يتواصلون مع سحرة وعرافين خارج البلاد بالتلفون والمراسلة، ويرسلون لهم الأموال.

ومع تطور النت وانقراض التلفاز، هناك ساحر فاتح قناة بيوتيوب، وساحر فاتح حساب بتويتر (وصلت لحسابه (الجديد) بدعاية مدفوعة الثمن دفعها لتويتر!)



و يقولون ان هاللي يسوون طبوب يحتاجون لشعر اللي بيسحرونه او ثيابه او يعرفون اسم امه ما ادري ليش


الساحر يعطي اسم الشخص واسم أمه وأظن ريحته: للجن، مثل العنوان يعني، عشان يوصلون له :eek5:

[المخفي]

لحد يقص على نفسه الكل يدري حكم عمل السحر حريم و رجال ذاك اول زمن جداتنا و امهاتنا اللي عندهم جهل في الدين

[بانغ بانغ]

مرة واحد من الربع كان عنده تلبس ومسحور مسكين وراح كل مكان .... قالوا لنا ان في شيخ دين في بني ياس وكان الرجال في الدوحة وانطرد ايام الشيخ خليفة الله ايعافيه

بعد ادواره كم يوم لين لقينا بيته وبلغونا انه مب ساحر وانه رجل دين بس له امكانية في طرد الارواح بالقران ... كنا اربع من قطر وواحد من بوظبي ...

صراحة بيته كان مخيف وطقينا الباب ومن ورا الباب كلمتنا وحده قالت حياكم داخل البيت ووالد بالمسجد ايصلي المغرب ....

اطمنا ان الرجال امصلي ....

دقايق وصوت مشيته وداخل لنا ... واحد شيبه بعصاه

بس مجلسه ايخوف كانت غرفة اربع في اربع متر وكان فاضي من اي قطعة الا اللهم كراسي وطاولة في النص وما كان في اي شي غير نص بطيخة عالطاولة ( جحة مقصوصة بالنص ) وكان بالفعل منظر غريب ...

دش علينا واحنا خايفين والمسحور كان قاعد ايعرق اشوي اشوي ....

دخل بكتاب مب قران .... سلم وقال للرجال المريض شسم امك .... قامت الدنيا علينا وكنت قاعد عنده والكتاب فيه حروف ونجوم وكلام خرابيط .... قسما بالله الرقالة جتنا وما قدرنا نتحرك لان خلاص اسقط في يدنا

مافي داعي اكمل لانه بدأ الرقية مالته وثار الملعون وقام ايشقق ثيابه ......

احنا في الاخير يوم طلعنا حسينا ان ما كان فيه ناس في البيت وان البنت اللي ردت علينا سبحان الله حسينا انها جنية مب انسية لان حتى الجيران استغربوا ان ناس غرب مثلنا جايين بيته لان كل ما سألنا واحد قبل ما نوصل ..... كانوا يتصددون وما يردون علينا لين حصلنا البيت


اعوذ بالله منهك ومن شرهم

[مشعل العطاوى]

حقيقة انا لااومن بشئ اسمه سحر .. الا سحر التخييل وهو المذكور في القران


اما تلبس الجني بالانسي بسبب السحر ... فمجرد خزعبلات ماانزل الله من سلطان

[بانغ بانغ]

حقيقة انا لااومن بشئ اسمه سحر .. الا سحر التخييل وهو المذكور في القران


اما تلبس الجني بالانسي بسبب السحر ... فمجرد خزعبلات ماانزل الله من سلطان

الله يهديك انت وين والعالم وين ....

[مشعل العطاوى]

الله يهدي الجميع ...

بس هذا الراي حقي ........ انا مااكذبك .. ووالله ادري انك صادق في اللى قلته

وهذا الشئ صار معك ..... بس حسب رأي وقناعتى

خويكم معه مرض نفسي فقط



وكلامي ماكان موجه لك شخصيا ... بل يخص الموضوع بشكل عام

[بانغ بانغ]

الله يهدي الجميع ...

بس هذا الراي حقي ........ انا مااكذبك .. ووالله ادري انك صادق في اللى قلته

وهذا الشئ صار معك ..... بس حسب رأي وقناعتى

خويكم معه مرض نفسي فقط



وكلامي ماكان موجه لك شخصيا ... بل يخص الموضوع بشكل عام

ياخوي العزيز انا ما زعلت ولا شي وما الومك يوم قد تنكر لان وايد مشايخ دين بالفعل ينكرون هالشي مثل كلامك

انما هي ظروف بعض الناس وايجوز حالة نفسية قوية بس لدرجة ان الواحد يقدر ايقطع سلاسل بيده وجدامي ... يمكن حالة نفسية شكلتها المردة والعفاريت المحيطة ... ايجوز

تحياتي لك

[بانغ بانغ]

الله يهديك يالعفراء .... صرقعتينا وشليتي عليه

[مشعل العطاوى]

ياخوي العزيز انا ما زعلت ولا شي وما الومك يوم قد تنكر لان وايد مشايخ دين بالفعل ينكرون هالشي مثل كلامك

انما هي ظروف بعض الناس وايجوز حالة نفسية قوية بس لدرجة ان الواحد يقدر ايقطع سلاسل بيده وجدامي ... يمكن حالة نفسية شكلتها المردة والعفاريت المحيطة ... ايجوز

تحياتي لك


مشكور يالغالي

اشهر شيخ لمعالجة المرضى عندنا بالسعوديه .... شيخ في المدينه من عائلة العمري

هذا تجي حتى يقرا عليك ..

الجني طالع طالع .......

يتكلم مع الجن ويهددهم ومن هالكلام .


اخر شئ تاب ....... وقال كل اللى سويته تقريب 20 سنه كله كذب

واللى يجوني معهم امراض نفسيه فقط .


وموجود كلامه باليوتيوب ......

[qatara]

واليهود اكثر من يتعامل بالسحر

وهم من نشروه في العالم

اكثر المتعاملين بالسحر بسبب كفرهم
او نقص في العقل ونقص في الدين والعياذ بالله
بالخليج وفي أي مكان بالعالم


والعياذ بالله

[العفراء]

اخويه مشعل السحر شي و التلبس شي آخر

و القرآن الكريم ذكر السحر مثل التفريق بين المرء و زوجه يعني السحر ما يقتصر ع التخييل

انا ما اتكلم عن التلبس لكن اتكلم عن السحر و السحره و المشعوذين

منوووور الموضوع اخويه و اسمحوا لي تجاوزت الردود

[العفراء]

الله يهداك ذاك اليوم عن ام الدويس واليوم سحر

لا تخرعينا عاد

خاصة فريجنا كأنه مسكون واسمع اصوات في البيت وخرخشة في بعض الغرف ويوم اشوف الكيمرات اللي حاطها ... ما اشوف شي

بسم الله وين ساكن بانغ بانغ : ( خلك مشغل القرآن دوم بالبيت و يمكن هذا قطو يحوط فبيتكم تعرف كل قطو وله مملكة بالفريج خخخ

[العفراء]

القانون لا يجرم السحر

السحر منتشر بشكل كبير في قطر

مراااحب المخفي ترى بكل مكان منتشر السحر و الناس اللي الحسد و الحقد او حتى الهموم مثجله عليهم و هم بعاد عن الدين ينخدعون بسرعه و يلجؤوون للسحر و الطبوب

[العفراء]

https://www.youtube.com/watch?v=plMHgDpVSSg

مشكور اخويه عزوز على الفيديو المرفق

وقصة الملكين هاروت و ماروت ممتعه تاخذني لعالم ثاني بصراحة

و كذلك انا دايما اقرا الاسرائليات لان فيها قصص تثير الفضول رغم ان مب شرط تكون كل ما ورد فيها صحيح وما ناخذ منها الا ما يتفق مع عقيدتنا

[العفراء]

خبرك عتيق اختي
الحين يطلب الساحر ويحضر للدوله ويعمل سحره لا ويسكن في فندق 5 نجوم
شكثر امسكو سحره بالمطار

اول مره اسمع بهالشي اخويه علوش لا حول ولا قوة الا بالله معقوله هالناس اللي تتعامل مع السحر و السحار ما يعرفون عظم و حرمة هالشي ؟ استغفرك يا رب و اتوب اليك

[العفراء]

لتخرعونا بعدين ننخاف ننام

هلا عمي المعماري لا تخاف ههه شغل الليتات يوم بتنام

[<اضرب واشرد>]

القانون لا يجرم السحر
السحر منتشر بشكل كبير في قطر

غير صحيح أخوي، جرب بلغ الأوقاف عن أي ساحر وعطهم الدليل.

[العفراء]

السلام عليكم

والله كلام منطقي أختي (انتقال السحر لعُمان من ولاياتها السابقة بافريقيا)

الله يجيرنا من الشر، قبل سنين ظهرت قنوات تلفزيونية للسحرة، وبعض الجهال (النساء خاصة) يتواصلون مع سحرة وعرافين خارج البلاد بالتلفون والمراسلة، ويرسلون لهم الأموال.

ومع تطور النت وانقراض التلفاز، هناك ساحر فاتح قناة بيوتيوب، وساحر فاتح حساب بتويتر (وصلت لحسابه (الجديد) بدعاية مدفوعة الثمن دفعها لتويتر!)



الساحر يعطي اسم الشخص واسم أمه وأظن ريحته: للجن، مثل العنوان يعني، عشان يوصلون له :eek5:

هلا استاذي الكبير اضرب و اشرد وينك احسبك غايب عن الاستراحه : ( ترى متابعين المواضيع لا تبطي عليها

بالنسبه لعمان و السحر هاللي قريته و اشوفه منطقي لان اهل الخليج سواء بعمان و وصولا للكويت ما اظن انهم تربوا ع السحر والشعوذه
و مثل هالامور انتشرت بافريقا او دول شرق اسيا و انتقلت منهم لنا لكن اللي صار ان امتزاج الثقافات بعمان بسبة امتداد حكم السلطنه فتح المجال لوصول السحر مع الليوه و الطبول و الطيران ههه

[العفراء]

لحد يقص على نفسه الكل يدري حكم عمل السحر حريم و رجال ذاك اول زمن جداتنا و امهاتنا اللي عندهم جهل في الدين

لالا اخويه المخفي في ناس للحين فيها جهل و ما تدري وين الحلال و وين الحرام و ما تعرف الشيطان من اي باب يدخل ع الآدمي ,,, الآدمي ضعيف و رحمة الله كبيره الله يرحمنا برحمته

[العفراء]

الساحر يعطي اسم الشخص واسم أمه وأظن ريحته: للجن، مثل العنوان يعني، عشان يوصلون له :eek5:

نسيت اعلق على هالجزئيه

شوف قبل سنتين تقريبا حطوا باخبار علوم الدار عن القاء القبض على مجموعه من بائعات الهوى من دون ذكر اسم بلادهم المهم انهن يتعاملن بالسحر ولقوا عندهم طبوب و حروز و ماخذين شعر من الشباب و قطع من ثيابهم و المصيبه الاكبر لقوا واحد معاهم بالوكر كان مثل العبد عندهم مع انه شاب ومتعافي لكن عقله ما ادري وين شكلهم الجن شلوا عقله يلعبون فيه تيله

بس والله صدق مصيبه ياخذون اسم الام بعد كل واحد يختار اسم وهمي عن امه اوكي

[<اضرب واشرد>]

أبلة عفرا تراني كبركم ليش تحسسيني بأني شايب بـ (استاذي الكبير)، أستاذي الصغير أنسب :)


نسيت اعلق على هالجزئيه
شوف قبل سنتين تقريبا حطوا باخبار علوم الدار عن القاء القبض على مجموعه من بائعات الهوى من دون ذكر اسم بلادهم المهم انهن يتعاملن بالسحر ولقوا عندهم طبوب و حروز و ماخذين شعر من الشباب و قطع من ثيابهم و المصيبه الاكبر لقوا واحد معاهم بالوكر كان مثل العبد عندهم مع انه شاب ومتعافي لكن عقله ما ادري وين شكلهم الجن شلوا عقله يلعبون فيه تيله
بس والله صدق مصيبه ياخذون اسم الام بعد كل واحد يختار اسم وهمي عن امه اوكي


أووف!! والله مادري أضحك ولا أبكي، والموضوع أخطر كل ماكانت شخصية الرجل مهمة في الدولة، وممكن يسيطرون عليه بطريقة ثانية غير (السحر) >>التصوير والإبتزاز<< ((تكلمنا عنه في موضوع سابق))، يعني فوق ماهي فاحشة ومنكر وخيانة وخراب بيوت، مخلوطة بسحر وابتزاز وتهديد أمن الدولة.

[العفراء]

واليهود اكثر من يتعامل بالسحر

وهم من نشروه في العالم

اكثر المتعاملين بالسحر بسبب كفرهم
او نقص في العقل ونقص في الدين والعياذ بالله
بالخليج وفي أي مكان بالعالم


والعياذ بالله

اخويه كتارا اشحالك عساك بخير

والله اتفق وياك وزين انك ما اتهمت الحريم بالسحر بشكل مباشر اكيد تراعي مشاعرنا تسلم يا طويل العمر

[المخفي]

غير صحيح أخوي، جرب بلغ الأوقاف عن أي ساحر وعطهم الدليل.

هذا عن تجربة واحد من الربع اذا غلطان ممكن نص القانون

[<اضرب واشرد>]

هذا عن تجربة واحد من الربع اذا غلطان ممكن نص القانون

عندنا تجربة مختلفة وفيها تحقيق وسجن

ما أدري عن نصوص القانون، فسألت قوقل

2010
http://www.qatarshares.com/vb/showthread.php?332174-%E5%E1-%E5%E4%C7%DF-%E4%D5-%DE%C7%E4%E6%E4%ED-%C8%C7%E1%DE%C7%E4%E6%E4-%C7%E1%DE%D8%D1%ED-%DA%E1%EC-%C7%E1%D3%C7%CD%D1-%E6%DF%D0%E1%DF-%C7%E1%E3%D4%DA%E6%D0-%E6%CF%CC%C7%E1%BF%BF

2012
http://www.raya.com/news/pages/89c285d3-073d-441e-b9f0-1fbea64db08d

2013
http://www.qatarshares.com/vb/showthread.php?550787-%C7%E1%DF%DD%D1-%C7%E1%E3%D3%DF%E6%CA-%DA%E4%E5-%DD%ED-%DE%D8%D1

2014
http://www.mohamoon-qa.com/Default.aspx?action=DisplayNews&ID=12511

[بانغ بانغ]

اللي ايبلغ عن اي ساحر عندنا على طول ايجونه بس ماعرف ايش يحكمون عليه .....

[طلعة الروح]

طبعا سؤالي هذا بنيته على كثر ما نسمع و نشوف عن سوالف الطبوب

قبل فتره في دبي و تحديدا فبحر الممزر

سووا عمليات تنظيف و مسح للبحر و لقوا وايد طبوب بالبحر و حروز و سحر

و اكيد ان الناس تأذوا من هالاعمال اللي تكلم فيها القرآن الكريم خاصة فيما يفرق بين المرء و زوجه

و كانت اكثر السوالف خص باوقات التندر تقول ان السحر وصل للخليج عن طريج عمان بحكم ان السلطنه كانت تحكم افريقيا و كانت لها مركزيه عظمى في زنجبار و من هنا دخل السحر لسواحل الخليج و بنفس الوقت السحر و صل لاجزاء كبيره من جنوب الجزيره عن طريج اليمن و دول الساحل الافريقي

باجي انعرف ان الاسلام حرم السحر لكن ضعيفين الايمان يلجؤون للسحر و الطبوب و المسألة تحتاج لوقفه جاده لان وايدين اتضرروا و اختربت بيوووت من ورا هالاعمال

(وماهم بضارين به من أحد إلا بإذن الله)
هذي عبرتي بالنسبه للسحر ومرتكبيه
بالإضافه الى الأخذ بالأسباب طبعا من إيمان وصلاة
وتحصين مستمر للنفس،إلخ.

[المخفي]

اللي ايبلغ عن اي ساحر عندنا على طول ايجونه بس ماعرف ايش يحكمون عليه .....

تسفير على حساب الكفيل

[العفراء]

شو حكم الساحر بالاسلام و شو عقوبته ؟!

طلعة الروح منوره المكان يالغاليه وانا ملاحظه ان ردودج بمختلف المواضيع كلها درر توحي بانج عقليه راقيه ربي يحفظج

[المخفي]

عندنا تجربة مختلفة وفيها تحقيق وسجن

ما أدري عن نصوص القانون، فسألت قوقل

2010
http://www.qatarshares.com/vb/showthread.php?332174-%E5%E1-%E5%E4%C7%DF-%E4%D5-%DE%C7%E4%E6%E4%ED-%C8%C7%E1%DE%C7%E4%E6%E4-%C7%E1%DE%D8%D1%ED-%DA%E1%EC-%C7%E1%D3%C7%CD%D1-%E6%DF%D0%E1%DF-%C7%E1%E3%D4%DA%E6%D0-%E6%CF%CC%C7%E1%BF%BF

2012
http://www.raya.com/news/pages/89c285d3-073d-441e-b9f0-1fbea64db08d

2013
http://www.qatarshares.com/vb/showthread.php?550787-%C7%E1%DF%DD%D1-%C7%E1%E3%D3%DF%E6%CA-%DA%E4%E5-%DD%ED-%DE%D8%D1

2014
http://www.mohamoon-qa.com/Default.aspx?action=DisplayNews&ID=12511

القانون في قطر لا يجرم السحر و لكن يعامل كنصب اذا الي طلب السحر اشتكى انه نصب عليه الساحر

المشايخ جزاهم الله خير يفكون السحر بس كعقاب قانوني لا يوجد

[بانغ بانغ]

تسفير على حساب الكفيل

هههههه لا يبا بيطير في الهواء ... مب ساحر ؟؟؟

[المخفي]

شو حكم الساحر بالاسلام و شو عقوبته ؟!

طلعة الروح منوره المكان يالغاليه وانا ملاحظه ان ردودج بمختلف المواضيع كلها درر توحي بانج عقليه راقيه ربي يحفظج

حكم الساحر القتل و الدولة الوحيدة التي تطبقة المملكة العربية السعودية

[<اضرب واشرد>]

القانون في قطر لا يجرم السحر و لكن يعامل كنصب اذا الي طلب السحر اشتكى انه نصب عليه الساحر
المشايخ جزاهم الله خير يفكون السحر بس كعقاب قانوني لا يوجد

هذي مشكلة لأن الساحر مالم تهدد حياته بالقتل أو السجن الطويل/المؤبد
فهو كالموظف هنا


إذا كانت عقوبته التسفير فقط ، فأرض قطر بالنسبة له جنة لمزاولة مهنته
فهو في بلاده حيث لا يوجد عقاب له ، يعيش بين فقراء
وفي السعودية حيث الأغنياء ، يوجد عليه عقاب شديد
أين يمكن له إيجاد مكان فيه أغنياء يخدعهم ، ولا يوجد فيه عقاب يهدد حياته ؟ << هذا أفضل مكان يزاول فيه السحر.
يجمع آلاف الأموال من صغار العقول ويحولها لبلده ، سنة سنتين خمس سنين .. قبل القبض عليه "وإقالته" وتسريحه إلى بلاده وأهله.

[المخفي]

هذي مشكلة لأن الساحر مالم تهدد حياته بالقتل أو السجن الطويل/المؤبد
فهو كالموظف هنا

حكم الشرع هو قتل الساحر و لكن لا يطبق في قطر

[طلعة الروح]

حكم الشرع هو قتل الساحر و لكن لا يطبق في قطر

وهل صادوا عندنا سحره او لاجئين للسحره في قطر أصلا

[العفراء]

و حتى في الامارات ماشي الا السجن للمشعوذين والسحره اظن السعوديه نفس ما قال اخويه المخفي الدولة الوحيدة اللي اتطبق الحكم الشرعي

[المخفي]

وهل صادوا عندنا سحره او لاجئين للسحره في قطر أصلا

واحد من الربع صاد شغالته معاها سحور و طبوب و طلعت ساحرة و داها مركز الشرطة قالوله من نقدر نقبض عليه لانه ما في تهمة في القانون افضل حل خلها عندك في البيت لين ما تسفرها

[معماري قطري]

عندنا تجربة مختلفة وفيها تحقيق وسجن

ما أدري عن نصوص القانون، فسألت قوقل

2010
http://www.qatarshares.com/vb/showthread.php?332174-%E5%E1-%E5%E4%C7%DF-%E4%D5-%DE%C7%E4%E6%E4%ED-%C8%C7%E1%DE%C7%E4%E6%E4-%C7%E1%DE%D8%D1%ED-%DA%E1%EC-%C7%E1%D3%C7%CD%D1-%E6%DF%D0%E1%DF-%C7%E1%E3%D4%DA%E6%D0-%E6%CF%CC%C7%E1%BF%BF

2012
http://www.raya.com/news/pages/89c285d3-073d-441e-b9f0-1fbea64db08d

2013
http://www.qatarshares.com/vb/showthread.php?550787-%C7%E1%DF%DD%D1-%C7%E1%E3%D3%DF%E6%CA-%DA%E4%E5-%DD%ED-%DE%D8%D1

2014
http://www.mohamoon-qa.com/Default.aspx?action=DisplayNews&ID=12511

يا حلو قانونا فضفاض

المفروض مدروس من كل النواحي وأي شيء ما تمت دراسته يتحدد له بند خاص وينشر .. المسألة بسيطة وتافهة القوانين هذي بشرية وتوضع بسرعة أو يأخذ القاضي بما يراه مناسباً من القوانين التي حولنا

[حسن]

مشكله وايد الحين يسحرون ازواجهم يبيلهم قانون وخيازرين ملحه وفي سوق شعبي عام
جلد

قامو يسخرون ازواجهم مثل الرموت كنترول والله قوم الفلوس اللي خربت الانفوس
طلعو الكلام اللي يقول المغربيات برائه كا برائه الذئب من دم يوسف

[fantasy]

بانغ بانغ شكلك ساحر الشيخ هههههه
اكيد موجود بكل مكان واكيد في خليجيين سحار لكن غير مكشوفين

[بانغ بانغ]

بانغ بانغ شكلك ساحر الشيخ هههههه
اكيد موجود بكل مكان واكيد في خليجيين سحار لكن غير مكشوفين

هلا بدكتورنا

اسكت عني قبل لا اقلبك ضفدع

[المخفي]

هلا بدكتورنا

اسكت عني قبل لا اقلبك ضفدع

هههههههههه

[بانغ بانغ]

مشكله وايد الحين يسحرون ازواجهم يبيلهم قانون وخيازرين ملحه وفي سوق شعبي عام
جلد

قامو يسخرون ازواجهم مثل الرموت كنترول والله قوم الفلوس اللي خربت الانفوس
طلعو الكلام اللي يقول المغربيات برائه كا برائه الذئب من دم يوسف

واكثرهن متعلمات يا خويا

[الحياة الخالدة]

سبحان الله
شلون طلعوا حريم بلادنا ( أمهاتنا و خواتنا و بناتنا " أكرم عليهم " ) راعيات السحور و الطبوب
و حريم باقي البلدان اللي أصلاً معروفة بهالسوالف بريئات
وا عجبي

[ضوى]

سبحان الله
شلون طلعوا حريم بلادنا ( أمهاتنا و خواتنا و بناتنا " أكرم عليهم " ) راعيات السحور و الطبوب
و حريم باقي البلدان اللي أصلاً معروفة بهالسوالف بريئات
وا عجبي

قلتها قبل مسكينه القطريه عومه مأكوله ومذمومه ، شايله البيت والعيال والشغل ومسؤلياتها الاجتماعيه وقايمه باللي يسمونه زوج وتصرف عليه وعلى عياله بحب وفي النهايه هو يمش يده في الطوفه ويقول ابيي مرة ثانيه عساك يدفنونك ومحد يصلي عليك يالجاحد

[<اضرب واشرد>]

قلتها قبل مسكينه القطريه عومه مأكوله ومذمومه ، شايله البيت والعيال والشغل ومسؤلياتها الاجتماعيه وقايمه باللي يسمونه زوج وتصرف عليه وعلى عياله بحب وفي النهايه هو يمش يده في الطوفه ويقول ابيي مرة ثانيه عساك يدفنونك ومحد يصلي عليك يالجاحد

:eek5:



http://cdn.top4top.co/i_fc42f61dc10.jpg



من قديم الزمن
والصورة النمطية عن الزوج عند بعض الزوجات (الثور):
http://up.esgmarkets.com/uploads/images/esgm-8b347efeba.png

[المخفي]

ما ننكر لجوء بعض النساء الى السحر بدون تحديد جنسيات فلا نقص على انفسنا اجل هذيله الحريم الي عند يتعالجون عند المشايخ كلهم الخدم ساحرينهم

[الحياة الخالدة]

الله يعينكم أيها الرجال الأزواج و غير الأزواج .. مظلومين و مسحوريــــــن و القطوة تاكل عشاكم
الله ياجركم

[بانغ بانغ]

ما ننكر لجوء بعض النساء الى السحر بدون تحديد جنسيات فلا نقص على انفسنا اجل هذيله الحريم الي عند يتعالجون عند المشايخ كلهم الخدم ساحرينهم

الله المستعان وان شاء الله يتثقفون بخطورة موضوع السحر

[الحياة الخالدة]

مظلومين خنت حيلي .. ما ناقص إلا تلطمون نفس البحارنة

[حسن]

واكثرهن متعلمات يا خويا

صحيح متعلمات ولكن غير متثقفات بالايتكيت وكيفيه التعامل مع عديل الروح

تصدق مره كنت اشوف مذيع كويتي نسيت اسمه وحلقته عن السحر
شكثر كانو النساء يلجئن له ومن اصحاب الثروه
الحياه دائما بسيطه في عيني وابسط ماتتخيله ولكن البعض مايقتنع وبني ادام طماع
الحمدلله اللي الله وهبني القناعه في الحياه وهي اعتبرها كنز حقيقي
وكفايه العقل اللي املكه نعمه والبصيره فوقهم

الله المستعان ياخوي
:)

[المخفي]

^^^^

لانه اللجوء الى السحر اسهل و اريح

[بانغ بانغ]

صحيح متعلمات ولكن غير متثقفات بالايتكيت وكيفيه التعامل مع عديل الروح

تصدق مره كنت اشوف مذيع كويتي نسيت اسمه وحلقته عن السحر
شكثر كانو النساء يلجئن له ومن اصحاب الثروه
الحياه دائما بسيطه في عيني وابسط ماتتخيله ولكن البعض مايقتنع وبني ادام طماع
الحمدلله اللي الله وهبني القناعه في الحياه وهي اعتبرها كنز حقيقي
وكفايه العقل اللي املكه نعمه والبصيره فوقهم

الله المستعان ياخوي
:)

اقوول بوعلي ... اشوفك مشتط بموضوع السحر ... واخونا المخفي كذلك ... مافي الا انسوي قناة للسحر ونكشف كيد المتصلين وانبلغ عليهم

[حسن]

ما ننكر لجوء بعض النساء الى السحر بدون تحديد جنسيات فلا نقص على انفسنا اجل هذيله الحريم الي عند يتعالجون عند المشايخ كلهم الخدم ساحرينهم
لا مغربيات

ههههههههههههههههههه

شماعه يالمخفي حجه الكسلان مسح الطوفه
خلوه حمالي وسبال وبعد مهب مقتنعين به
مسكين الزوج جورد حتى من رجولته وخلوله في صفه الطراطير
ووبعد مايعجبهم العجب

يحتاجون الصراحه دوره عندي اعلمهم الرجوله شوي
ناوي اسير مدرب دولي واسوي حلقات
شنهو بس اللي تحتااجونه من دورات ترا انا حاظر
حتى الشياطين عندي اعلمك عليهم وكيفيه التعامل معهم وتسخيرهم لك
اقصد الانس

:)

انفخي البلاليم يامطلئه

[العفراء]

اتمنى من الادارة انهم يغلقون الموضوع
بهالطريقه انا اعترف اني ما اروم ادير الموضوع

الحياه ياليت تغلقين الموضوع و اعتذر من اليميع

[<اضرب واشرد>]

بهالطريقه انا اعترف اني ما اروم ادير الموضوع


ههههههههههههههههههههههههههههههه

[بانغ بانغ]

يالعفرا

الراي والراي الاخر

ولا صار الراي والراي بس

[العفراء]

بانغ بانغ انا اشوف ان الموضوع اكبر من اني اديره خص لو تشوف الردود بدت تاخذ طابع الاستفزاز

صدقني لو على حسابي انا مومشكله لكن ان الاستفزاز ايكون للغير ما يصير بصرااحه

و انا اليوم مريضه والله ما اقدر اكتب و اركز ميهوده بعيد الشر عنكم

[بانغ بانغ]

بانغ بانغ انا اشوف ان الموضوع اكبر من اني اديره خص لو تشوف الردود بدت تاخذ طابع الاستفزاز

صدقني لو على حسابي انا مومشكله لكن ان الاستفزاز ايكون للغير ما يصير بصرااحه

و انا اليوم مريضه والله ما اقدر اكتب و اركز ميهوده بعيد الشر عنكم

سلامات ... صحوك بعين الظاهر

[ضوى]

مشكلتج يالعفرا ماتعرفين تديرين مواضيعج وتسمحين للكل يخيط ويبيط فيه بكلام تافه وسخيف ويدل على نقص عقل وسفاهه وسبق قلت لج من البدايه تبين مواضيعج تكون وراقيه والردود تكون بحدود لازم تضعين حدود للمشاركين ولا تسمحين انه ينقلب سمردحه وساحه رفص

[ضوى]

مظلومين خنت حيلي .. ما ناقص إلا تلطمون نفس البحارنة

يكسرون الخاطر مساكين الله يعين الحريم عالطب النفسي

[ضوى]

العفرا تبين اعلمج فنون ادارة الموضوع تواصلي معاي عالخاص شوفي رقي الردود في مواضيعي مافيها اي تجاوزات ومع ذلك فيها نقاش واحترام للراي الاخر بشكل كبير

[العفراء]

ان شاء الله خالوه ضوى

[<اضرب واشرد>]

الموضوع كان عن السحر وماشي صح
من اللي غير الموجة ؟

[بشائر]

أعوذ بالله من السحر والسحرة .. السحر موجود من زمان ولكن لضعف الدين
عند البعض و ( زيادة الرواتب) كثر اللجوء لهم .
المشكلة يقولون أن بلد عربي معروف بالسحر غير اللي ذكرتيهم سحرتهم فقاااارة ..
مرة شفت مقابلة على اليوتيوب مع ساحرة منهم وتوصف طريقة عمل السحر وكيف تخلي الشخص يتبعها
وهي حالتها حالها ..
قلت يوم انج تسوين هالخرابيط للناس وتاخذين عليها مبالغ بسيطة طيب ليه ماتسحرين
كبارية الأجانب وتتسلطين عليهم وتخلينهم يمطرون عليج بملياراتهم!
يعني حتى السحرة ماعندهم استراتيجية محددة هههههه