عندي ملاحظات على فنادقنا !!!

[حمد 2002]

السلام عليكم ورحمه الله وبركاته

عندي ملاحظات على فنادقنا !!!

الملاحظه الاولى

اثناء سكني بالفنادق بفتره العيد ، صاح جهاز انذار الحريق مرتين مره بفندق الفورسيزون ومره بكمنكسي !! ، وطلع مافيه شيء ههه يمكن احد حاط بخور الله واعلم !! ، المشكله لما تكون غرفتك بالطابق 15 ولا 20 وهكذا وتظطر تننزل بمخرج الطوارى سرعه واخرتها يطلع الحريق كذب :(:weeping: ،، وقتها الواحد بيعصب وبيحتر :shy::( ،، انزين ليش مايركبون اجهزه ذكيه اتفرق مابين الحريق والبخور ولا يمنعون الناس من حط البخور وخلافه :omen2: ،،


الملاحظه الثانيه

فنادقنا مع احترامي لها ماعندها استعداد ومعرفه للتعامل وقت الزحمه ، ممم مثلا ا جيتهم الساعه 3 العصر وانا حاجز من قبل المهم مممم دخلوني الساعه 5 لانه يقولون لي مافيش دلوئتي غرف كاهزه يافندم :anger1: ، عاااد انا ناحستهم وطلعت ثاني يوم المغرب :victory: ،،



السؤال هنا ..

هل فنادقنا عندها خبره الكافيه ولا يحتاجون المزيد من الخبره الفندقيه بشكل عام ؟


شكرا ..

[رجل الجزيرة]

لازم يسوون حريق وهمي علشان الموظفين يتدربون الطرق الصحيحة لتجنب أو التخفيف من أثرها الحرائق.

[مختلفة عقليا]

السلام عليكم

فنادقنا لا تمثلنا ., ولهذا انا امتنع عن تطوريها وابداء رايي فيها .,

ويسلموو

[غريب الدّار]

بالنسبة لأجهزة انذار الحريق ياحمد:
الجهاز ماراح يفرق بين البخور وغيره لان كلها دخنة
لان حتى البخور ممكن يسبب حريق بالاهمال


بالنسبة للغرف فاضية ولا مب فاضية :
هالحركة تصير حتى في فنادق أوروبا واكبر الفنادق بعد
لان بعض المرات يكون الضيف القبلي مثلا مسوي مشكلة مثلا
او الغرفة فيها شي أيا كان
فيصير تأخير

لكن اللي اعرفه انهم لازم يعوضونك عن الموضوع
يعني اخبر واحد من الربع كان في دولة أوروبية وكان مع هله
لما وصل الفندق الظهر تقريبا الغرفة ماكانت جاهزة
لكن إدارة الفندق قالت له روح تغدا في مطعم الفندق مجانا على ماتجهز غرفتك
لان الغلط منهم


وبس والله

[العنيده]

جهاز الانذار يحتاج تمييز وتعامل .. اخبر مره رن من جنتي فديتها من المدخن جا واحد وشكله متملل مادري ايش سوا وطلع وبس مع ان الغرفه ماخذينها تدخين بس يالله عدت .. والمهم لازم تدريب مستمر للفنادق في الحالات الطارئه
والله يحفظ الجميع ان شاء الله ..
والتعامل مع الزحمه جدا يحتاج تطوير وتدريب والاهم الصبر خصوصا في المناسبات لازم الدخول يتاخر بحكم زيادة العدد ( طيب جيبوا موظفين اكثر ) وهالشي يسبب ملل للضيوف
زوارنا في تزايد والفعاليات الحمدلله تزيد نحتاج سستم سريع يخدم اقلها فتره الفعاليات والمواسم اللي تشهد ازدحام ..

[بانغ بانغ]

فنادقنا مش مهيأة لقضاء اجازة مية مية

اطلع دبي احسن ارخص وارقى

الاكل ياخذ ساعة ايجيك والموافق مش نظيفة

اتكام عن الفورسيزن بعد من خلال تجربتي مرتين فيه

[حسن]

اصبحت من سكان الفنادق ياحمد وانت في البلاد

:eek5:

راحت فلوسك ياصابر

:secret:

[بانغ بانغ]

اطالب بعمل شاليهات فخمة في كل مناطق الدولة

[ولد العديد]

كلامك صح انا كنت في كمبنسكي وخرعونا واليهال يصيحون على الاقل يحطون جهاز يخبرونه مافيه شي

[عثرة جواد]

هلا اخوي


الصراحة لا معاملة والا ذوووق

يحتاجون فترة لين يستوعبون فن الايتكيت .


والله البنانة اجمل واروع اتيكيت فن ف التعامل والذوق

مع انه اكلهم مب شي ..


عسااك ع القوة

[معماري قطري]

المدخن والتدخين المفروض شيء ممنوع ومن يشتغل جهاز الإنذار بسببهم تكون فيه مشكلة وتعامل سريع وغرامة كبيرة على المتسبب ولازم يكون فيه تحذير مكتوب وهذا لأي مكان ممنوع التدخين فيه .. وبعدين لو الانذار كاذب وكشفوه بسرعة تكون فيه اذاعة داخلية ويقولون ما فيه شيء أو وشو التصرف الصحيح حتى يتحركون الناس صح .. والاستقبال لازم يكونون مدربين على هذا الشيء وعارفين التصرف.

صار مرة زلزال بسيط 4.5 تقريباً وبعيد بس حسيت الأرض تهتز تحتي وانا في الدور التاسع في فندق .. وبعدها بثواني يمكن اشتغلت سماعات الغرف يقول المذيع هذا زلزال بسيط ويحدد مكانه وقوته ويقول ما فيه داعي للخوف أو عمل شيء .. بلغة انجليزية واضحة ما يرطن مثل بعض اللي عندنا يتكلم انجليزي ما تصيد منه كلمة.

نظام الإطفاء والانذار والإخلاء كله متواصل ولازم يندرس صح ويتم تحديده صح والكشف عليه على طول .. حتى العاملين تعليمات الاطفاء لازم تكون محفوظة عندهم .. حتى أبواب الخروج ( الطواريء ) لها مواصفات معينة ما اشوفها موجودة عندنا .. ليتات تولع وتدلي الكل الطريق لو صار خلل كهربائي ببطارية تشتغل وتدلي الناس على الطريق .. الطريق المفروض يكون واضح ويبين وخالي من العراقيل .. عندنا في وزاراتنا وهيئاتنا وأبراجنا مسوين حوائط مكتبية وزحمة وبصعوبة تكتشف مخرج الطواريء .. فوق هذا في مدارسنا اللي نفذتها أشغال ما كانت هالمخارج موجودة .. سووها وركبوا درج حديد خارجي والكارثة الباب ألمنيوم مقفول بقفل عادي عن الطلاب لا يطلعون بدون محد يشوفهم والمفتاح مخشوش عند شخص معين .. وهذي الأبواب معروفة لازم تكون مربوطة بنظام انذار ولازم تنفتح بعارضة كبيرة تنضرب والواحد يركض وينفتح الباب على برا حتى ما يعرقل الناس اللي بيطلعون .. الدرج اللي ينزلون منه لازم بعد باضاءَة خاصة ومواصفات خاصة حتى ما يصير تدافع وسقوط.

[بوحارب]

من عقب مطعم الورد قام يروح كمبنسكي

والله دنياااااا يا فندم ههههههه

[حسن]

من عقب مطعم الورد قام يروح كمبنسكي

والله دنياااااا يا فندم ههههههه

شفت شلون تغير حمد عقب الزواج اصبر عليه مرده بيسير غير

صدقت من عقب كفتريا الورد وينازع الهندي على ريالين قام الحين يدفع بالاف وهو يضحك
وكله يقولون الزوج مقصر

:)

[النهار]

هههههههههههههه
ذبحنا هالولد سكن له يومين في فندق وطلع ام العيوب فيهم
هذي حده بورت كبن مصدي تحط له اياه في الغاريه صوب الينانوه