من يحمينا من الحيوانات المفترسة ؟

[حرف]

امس وانا مار في احد الفرجان شفت شاب يتمشى ومعاه حيوان الفهد من الحجم الكبير رابطة في رقبتة بحبل ضعيف الحين لو هالحيوان شرد وشقح له طوفة احد البيوت وهجم على الطفال الي يلعبون في الحوش خاصة هالايام المعتدل جوها شلون نقدر نحمي عيالنا منها ؟

[حمد 2002]

شلون دخل البلد :secret:

[بعيد النظر]

اللي اعرفه يسون له عمليات ينزعون الانياب ..
ويزرعون مسامير .. ومن يكشر .. والمسامير تظرب لثته .. يذذل ..

بس يتم مصدر رعب ..
ظربته تكسر ظلوووع !

[بانغ بانغ]

ههههههه

من كم سنة واحد في الريان يتمشى مع اسد ... اههه هوا اسد وقام وزأر في الفريج

ايقولك لو الربع تسابقوا مع بن جونسون .... كان طافوه

[حرف]

مادري شلون دخل المشكلة انه من الحجم الكبير حتى الشخص الكبير موب قادر عليها تخيل ام جالسة في الحوش ومعها طفلها الصغير ويشقح عليهم شلون بتقدر تنقذ نفسها او طفلها منه

[حرف]

اللي اعرفه يسون له عمليات ينزعون الانياب ..
ويزرعون مسامير .. ومن يكشر .. والمسامير تظرب لثته .. يذذل ..

بس يتم مصدر رعب ..
ظربته تكسر ظلوووع !

والمخالب شيسون فيها ؟

[شبح الصمت]

اللي اعرفه يسون له عمليات ينزعون الانياب ..
ويزرعون مسامير .. ومن يكشر .. والمسامير تظرب لثته .. يذذل ..

بس يتم مصدر رعب ..
ظربته تكسر ظلوووع !



يعني مب حرام انه يشلون انيابه ..

الحيوانات هذه خلقت للغابه لمكان شرح مفتووح وسيع ..

مب فرجان ومهايط ويتمشى فيه ..

لي فلت وصار شيء ذيك الحزه

لا فات الفوت ما ينفع الصوت ..

[حرف]

ههههههه

من كم سنة واحد في الريان يتمشى مع اسد ... اههه هوا اسد وقام وزأر في الفريج

ايقولك لو الربع تسابقوا مع بن جونسون .... كان طافوه


حتى شرعاً مايجوز ترويع الناس

[حرف]

يعني مب حرام انه يشلون انيابه ..

الحيوانات هذه خلقت للغابه لمكان شرح مفتووح وسيع ..

مب فرجان ومهايط ويتمشى فيه ..

لي فلت وصار شيء ذيك الحزه

لا فات الفوت ما ينفع الصوت ..



والله لو شفت الي انا شفت كان صادك ذهول تخيل اول ماشفته فكرته حصان صغير من بعيد هههه

[بانغ بانغ]

هاي موضة تربية الحيوانات المفترسة

تماسيح في البيت اسود ونمور واحياية ....

مرة كانوا ايسوون السيرك الروسي في الوكرة من زمان

وكنا انشوف الروس ايروحون الدكان ( قبل الجمعيات ) ويشترون لحم وكنا نسمع زأيرهم بس كانوا في قفص بس والله ايخرعون

[حرف]

هاي موضة تربية الحيوانات المفترسة

تماسيح في البيت اسود ونمور واحياية ....

مرة كانوا ايسوون السيرك الروسي في الوكرة من زمان

وكنا انشوف الروس ايروحون الدكان ( قبل الجمعيات ) ويشترون لحم وكنا نسمع زأيرهم بس كانوا في قفص بس والله ايخرعون

على حسابنا ؟!
تخيل يشرد تمساح صغير ويدخل في الصرف الصحي تعال دور له
والله مصخرة

[سعود.]

يعني مب حرام انه يشلون انيابه ..

الحيوانات هذه خلقت للغابه لمكان شرح مفتووح وسيع ..

مب فرجان ومهايط ويتمشى فيه ..

لي فلت وصار شيء ذيك الحزه

لا فات الفوت ما ينفع الصوت ..




ما زود عن كلامك

هياط ولفت نظر

[R 7 A L]

سبق وتكلمنا عن هالشي اخوي بس للأسف مافيه اي رد

[Boost]

المفروض يبداون إصدار عقوبات ضد حيازة الحيوانات الغير مرخصة وأي بيطري يتعامل معاهم المفروض يتم سحب رخصته !!

[R 7 A L]

المفروض يبداون إصدار عقوبات ضد حيازة الحيوانات الغير مرخصة وأي بيطري يتعامل معاهم المفروض يتم سحب رخصته !!

والمفروض يوزعون على كل بيت عصا كهرب

[الحياة الخالدة]

قبل لا تصير كارثة ( بعيد الشر ) لا تتوقع أي حد يتحرك

[Boost]

والمفروض يوزعون على كل بيت عصا كهرب

أو عالأقل... الشخص اللي شاف راعي الفهد المفروض يبلغ الشرطة :) أضعف الإيمان.... وإذا رفضو التدخل أو التجاوب ساعتها نقدر ننتقدهم

[ya3coub]

اخبر قبل 3 سنين كانت لدي معرفه بكم شخص من هواة تربية الحيوانات المفترسة


الأسد خصوصا يسمع لراعية و ما يرجع القنفص إلا اذا مقتنع لا صبيان ولا شي ينفع معاه

موضة و انتهت و في الي يحاول الحين يرجعها

انا مو ضد بالعكس حلوين جدا جدا خصوصا الفهد الشيتا بس بشرط انه يكون قانوني و ما يطلع فيه برع و يفوشر و يراوي الناس انه عنده حيوانات مفترسة.

[Boost]

اخبر قبل 3 سنين كانت لدي معرفه بكم شخص من هواة تربية الحيوانات المفترسة


الأسد خصوصا يسمع لراعية و ما يرجع القنفص إلا اذا مقتنع لا صبيان ولا شي ينفع معاه
موضة و انتهت و في الي يحاول الحين يرجعها

انا مو ضد بالعكس حلوين جدا جدا خصوصا الفهد الشيتا بس بشرط انه يكون قانوني و ما يطلع فيه برع و يفوشر و يراوي الناس انه عنده حيوانات مفترسة.


http://www.albayan.ae/five-senses/east-and-west/2014-12-16-1.2267669

إذا فرط الأسد ولا الفهد وكل ياهل من عيال جيرانهم ولا حد من عيالكم بيكون رأيك نفسه ما تغير؟

ما أظن

[اللوز]

اقول لصاحب الموضوع
هو مش فهد حقيقي
فهد لعبة
الله المستعان
انت بكره اشتر لك دب كبير ( لعبة ) من محل الالعاب وامشي فيه علشان الناس اتخاف
ههههههه

[عثرة جواد]

ههههههه


اخوي هو مايطلع الا مربوط عدل اشدخل ضعيف هااي نوع قوي


عاد انا احب هل حيوانات لو شفتة بصور وياه سناب :)

عساك ع القوة

[الحياة الخالدة]

والناس ايش ذنبهم يتروعون و يزيغ قلبهم
سواء حقيقي والا لعبة

تبي حيوانك اللي انت شايفه أليف .. اكشخ به في بيتك و عند عيالك
أما تطلع تتمشى فيه يبلفيت أني الصية اللي شوفوني .. يا أرض انهدي ما عليج قدي

الافضل تنحط انت وياه في حديقة الحيوانات .. حفاظاً على الأمن العام

[Boost]

والناس ايش ذنبهم يتروعون و يزيغ قلبهم
سواء حقيقي والا لعبة

تبي حيوانك اللي انت شايفه أليف .. اكشخ به في بيتك و عند عيالك
أما تطلع تتمشى فيه يبلفيت أني الصية اللي شوفوني .. يا أرض انهدي ما عليج قدي

الافضل تنحط انت وياه في حديقة الحيوانات .. حفاظاً على الأمن العام

الشرهة على الجهات الأمنية اللي لين يومك مخلينهم على كيفهم (أنك تتمشى مع فهد أو أسد كأنك تتمشى في الشارع مع سلاح ناري وتقول أنا عندي سلاح باكشخ فيه بس شوفوني)

ولازلنا ننتظر هالقانون أو الجهات الأمنية المختصة تشوف شغلها معاهم

[حسن]

مش مشكله ان تربي حيوانات سواء اليفه او متوحشه بس يجب
انت تخضع لقوانين ويمنع منعا باتا اسطحابها بين العامه
واعتقد هناك قانون بس مش متذكره

[Boost]

مش مشكله ان تربي حيوانات سواء اليفه او متوحشه بس يجب
انت تخضع لقوانين ويمنع منعا باتا اسطحابها بين العامه
واعتقد هناك قانون بس مش متذكره

https://www.facebook.com/moigovqatar/posts/631795363593523

صفحة الداخلية على الفيسبوك ونقاش في الموضوع

حتى هم مهب عارفين وش يسوون معاهم

[الحياة الخالدة]

الشرهة على الجهات الأمنية اللي لين يومك مخلينهم على كيفهم (أنك تتمشى مع فهد أو أسد كأنك تتمشى في الشارع مع سلاح ناري وتقول أنا عندي سلاح باكشخ فيه بس شوفوني)

ولازلنا ننتظر هالقانون أو الجهات الأمنية المختصة تشوف شغلها معاهم

الله أعلم
يجوز في قوانين بس غير مفعلة
و يجوز على ناس و ناس
و يجوز ناطرين تصير مصيبة نفس ما ذكرت في مشاركتي السابقة

كل شي جايز
الله يحفظ الجميع

[حسن]

https://www.facebook.com/moigovqatar/posts/631795363593523

صفحة الداخلية على الفيسبوك ونقاش في الموضوع

حتى هم مهب عارفين وش يسوون معاهم

الصفحه ماتخدمني بشي فتحت ليها
بس اذكر من سنه يمكن ولا سنتين كان في قانون منزل بخصوص تربييه الحيوانات المفترسه
وبعدين الدعوى والله ماتبيلها معرفه
شي طبيعي اني لو اربي حيوانات غير اللي عندي المفروض ماطلعهم برع للعامه
ينحطون في مكان مخصص لهم في بيت او زرع ويتم التحفض عليهم ووبعدين
انا الصراحه مستغرب من يمسكهم ويلمسهم عمري في حياتي مالمست
لا جلاب ولا قطاوه مااتقبلهم خير شر
يشقعر شعري

ترا متعووب عليها الكلمه

[Boost]

للأسف فيه مشروع قانون أقره مجلس الوزراء قبل كم شهر بس ما سمعنا عنه أو العقوبات والتفاصيل

يازين القطاوه شدعوه ترى نظاف :nice: لو كان فيها شي كان أنكرها النبي عليه الصلاة والسلام على أبو هريرة

سؤال يطرح نفسة: دام داخليتنا تنتظر قانون لحيازة الحيوانات المفترسة وش بيسوون بكرة إذا داعش بدأت تهرب لكم جواري وعبيد؟ :secret:

عندنا قانون يجرم العبودية ؟ :eek5:

[غايه الطواش]

محد كفو يقول لاصحاب هالحيوانات شي
ولا حتي ثلث الثلاثه كم :)

[جبر ال جبر]

ذكرتني بواحد من الشباب عنده قفص كبير في الحوش ويربى هالحيونات المفترسه لا شال انيابها ولا مخالبها وبايعها الاخ المفروض تصدر تشريعات صارمه وقويه لضبط الامن والنظام في الدولة

[جبر ال جبر]

محد كفو يقول لاصحاب هالحيوانات شي
ولا حتي ثلث الثلاثه كم :)

لو قالو لهم انا بجاوب ثلث الثلاثه = 1
بس السوال ليش محد كفو شيطلعون مثلا ذولا ؟؟؟؟
اعرف باكستاني مواليد قطر عنده اسد عادي يعني

[توشيبا]

صليت من زمان الفجر واول مادخلت الحوش حصله صوب باب الصاله المطل للحوش لبوه سويت نفسي داش بيت ناس غرباء ولا وقفت الا مسكر علي حمام المسجد الله يعزكم زين ارجولي تحركت

ومره حصلت قرد

وانواع الحيوانات المفترسه

بالاخير صرنا نسكر باب الحوش من الساعه تسع الليل ونطلع نصلي الفجر نسكره مانخليه

وللحين الحيران متابو كل يومين اشوف حيوان مفترس او حيوان الحين يفكر في الافتراس

[ya3coub]

http://www.albayan.ae/five-senses/east-and-west/2014-12-16-1.2267669

إذا فرط الأسد ولا الفهد وكل ياهل من عيال جيرانهم ولا حد من عيالكم بيكون رأيك نفسه ما تغير؟

ما أظن

أخوي السموحة اني ما وضحت بردي

انا لا أزال مو ضد إقتنائهم و حطيت الشرط بأنه يكون قانوني ولا يطلع من البيت او المكان الي محطوط فيه بحيث انه ما يتغير ولا يتفاعل مع الي يصير برع و بنفس الوقت يكون متأقلم مع جو البيت او المكان الي محطوط فيه.


اما بالخش و المفوشر و الخروج بالأماكن العامة او حتى إلى مجالس الشباب مع هالحيوانات انا ضد و بقوة.

و السموحة لو اني ما وضحت هالشي بردي السابق

[طلعة الروح]

امس وانا مار في احد الفرجان شفت شاب يتمشى ومعاه حيوان الفهد من الحجم الكبير رابطة في رقبتة بحبل ضعيف الحين لو هالحيوان شرد وشقح له طوفة احد البيوت وهجم على الطفال الي يلعبون في الحوش خاصة هالايام المعتدل جوها شلون نقدر نحمي عيالنا منها ؟

ماقدر أقول غير الله يعين الجهات الأمنية عندنا على ملاحقة الشارد والوارد، نفس السوال الي طرحوه قبلي شلون دخل البلد وما سبب ترخيصه للافراد خصوصا ان البلد مافيها حديقة حيوانات أو غابات.

[بومحمد المطاوعه]

ممنوع يتمشى فيه

لو بلغت عليه بيتسحب

[طلعة الروح]

صليت من زمان الفجر واول مادخلت الحوش حصله صوب باب الصاله المطل للحوش لبوه سويت نفسي داش بيت ناس غرباء ولا وقفت الا مسكر علي حمام المسجد الله يعزكم زين ارجولي تحركت

ومره حصلت قرد

وانواع الحيوانات المفترسه

بالاخير صرنا نسكر باب الحوش من الساعه تسع الليل ونطلع نصلي الفجر نسكره مانخليه

وللحين الحيران متابو كل يومين اشوف حيوان مفترس او حيوان الحين يفكر في الافتراس

أعوذ بالله موقف صعب خصوصا إذا كان الواحد يخاف من كلاب الشوارع الضاله ان تدخل بيته فما بالك برؤية وحوش الغابه.

[بانغ بانغ]

ممنوع يتمشى فيه

لو بلغت عليه بيتسحب

ابشرك بومحمد احين ايطلعونه ويتمشون عالكورنيش ويحليله الفهد ايطل من الكروزر من الجامة الورانية

[بومحمد المطاوعه]

ابشرك بومحمد احين ايطلعونه ويتمشون عالكورنيش ويحليله الفهد ايطل من الكروزر من الجامة الورانية

صور وطرش مطراش
او اتصل ولا تحاتي


عبالهم فله هالحركه

[معماري قطري]

ههههههه

من كم سنة واحد في الريان يتمشى مع اسد ... اههه هوا اسد وقام وزأر في الفريج

ايقولك لو الربع تسابقوا مع بن جونسون .... كان طافوه

ينفع حق لعيبتنا في ألعاب القوى على الأقل للتدريب

[معماري قطري]

ذكرتني بواحد من الشباب عنده قفص كبير في الحوش ويربى هالحيونات المفترسه لا شال انيابها ولا مخالبها وبايعها الاخ المفروض تصدر تشريعات صارمه وقويه لضبط الامن والنظام في الدولة

يقولون الأسد لين شالوا أنيابه ياكل بسكوت مغطوط في شاي

[معماري قطري]

الصفحه ماتخدمني بشي فتحت ليها
بس اذكر من سنه يمكن ولا سنتين كان في قانون منزل بخصوص تربييه الحيوانات المفترسه
وبعدين الدعوى والله ماتبيلها معرفه
شي طبيعي اني لو اربي حيوانات غير اللي عندي المفروض ماطلعهم برع للعامه
ينحطون في مكان مخصص لهم في بيت او زرع ويتم التحفض عليهم ووبعدين
انا الصراحه مستغرب من يمسكهم ويلمسهم عمري في حياتي مالمست
لا جلاب ولا قطاوه مااتقبلهم خير شر
يشقعر شعري

ترا متعووب عليها الكلمه

قصدك يقشعر بس التعبير خائن

[معماري قطري]

يعني مب حرام انه يشلون انيابه ..

الحيوانات هذه خلقت للغابه لمكان شرح مفتووح وسيع ..

مب فرجان ومهايط ويتمشى فيه ..

لي فلت وصار شيء ذيك الحزه

لا فات الفوت ما ينفع الصوت ..



الا فكر لين بغى ياكل يركبون له طقم أسنان

[بانغ بانغ]

قصدك يقشعر بس التعبير خائن

هههههههههههه قاعد له قعده .. كل ذي عشان قالك بوعلي سواقتك تعبانة

[kuwari]

يحتاج لرادع هذا مب كلب ولا قطو يتمشى معاه

[المخفي]

الا فكر لين بغى ياكل يركبون له طقم أسنان

يسونه عصير

[معماري قطري]

هههههههههههه قاعد له قعده .. كل ذي عشان قالك بوعلي سواقتك تعبانة

اتهمني اتهام خطير والصفة كانت صعبة .. بس يا خسارة ما اصيد عليه الا أشياء بسيطة يعرف يخش

[معماري قطري]

يسونه عصير

ههههه عصير لحم لازم

[حرف]

الحين لو شفته ابلغ من ؟

[Hassenfatima]

اللهم اهدي شباب المسلمين

[بوراشد82]

عيال الطبقة الألمعية في الغرب اذا كبر فكر شلون يزيد ثروه العيله ،، اما عيال ربعنا اول شي يسويه يشتري نمر ولا فهد يخرع فيه الفداويه ،،

[حرف]

عيال الطبقة الألمعية في الغرب اذا كبر فكر شلون يزيد ثروه العيله ،، اما عيال ربعنا اول شي يسويه يشتري نمر ولا فهد يخرع فيه الفداويه ،،

الحين الي موب من الطبقة الألمعية يسمونه فداوي ؟

[♫ احسـاسـ طفلـهـ ♫]

قانونا ممنوع تربية الحيوانات المفترسه وهذا مخالف انا عن نفسي لو شفت حد ماشي مع حيوان مفترس سيدا ببلغ :) هههه

[العنيده]

هالموضوع يذكرني بموقف صار لنا ..
احنا عندنا قطو بيت مربيينه يطلع في الفريج ويرجع .. المهم في يوم جوونا اليهال يركضون ان في سلق وانتو مكرمين عاضه واليهال حذفوه بحصى لين ترك القطو الحمدلله ماتعور وايد ..
موضوعي مب القطو موضوعي هالنوع من الكلاب تربيته وسط البيوت ليش ايش بيصيد مثلا وخصوصا ان عرفنا من اسبوع قبل ماكل ارانب ناس جنبنا ..
لو اليهال يوم حذفوه صارت اي رد فعل منه تجاهم نتحمل احنا الغلط خصوصا لما سالنا راعيه قال انه هو مب قادر يسيطر عليه ..

الهدف من الكلام كله مب اي شخص يقدر يربي اي نوع من الحيوانات .. ومب اي حيوانات تتربي في منطقه سكنيه ..
وبس وللعلم قطونا بخير الحمدلله :nice:

[معماري قطري]

عيال الطبقة الألمعية في الغرب اذا كبر فكر شلون يزيد ثروه العيله ،، اما عيال ربعنا اول شي يسويه يشتري نمر ولا فهد يخرع فيه الفداويه ،،

هههههههههه تو ماتش .. ما يخرع واحد المعي مثله الالمعي بيموت من الروع

[معماري قطري]

قانونا ممنوع تربية الحيوانات المفترسه وهذا مخالف انا عن نفسي لو شفت حد ماشي مع حيوان مفترس سيدا ببلغ :) هههه

انتوا الضب تسمونه ديناصور ويخوفكم

هههههه آتذكر بنتي تخاف من الطيور .. شافت عصفور وتصارخ الوحش والوحش .. الزهيوي يسوي فلم رعب مع إنه ياكلونه كثير من الشعوب

[معماري قطري]

هالموضوع يذكرني بموقف صار لنا ..
احنا عندنا قطو بيت مربيينه يطلع في الفريج ويرجع .. المهم في يوم جوونا اليهال يركضون ان في سلق وانتو مكرمين عاضه واليهال حذفوه بحصى لين ترك القطو الحمدلله ماتعور وايد ..
موضوعي مب القطو موضوعي هالنوع من الكلاب تربيته وسط البيوت ليش ايش بيصيد مثلا وخصوصا ان عرفنا من اسبوع قبل ماكل ارانب ناس جنبنا ..
لو اليهال يوم حذفوه صارت اي رد فعل منه تجاهم نتحمل احنا الغلط خصوصا لما سالنا راعيه قال انه هو مب قادر يسيطر عليه ..

الهدف من الكلام كله مب اي شخص يقدر يربي اي نوع من الحيوانات .. ومب اي حيوانات تتربي في منطقه سكنيه ..
وبس وللعلم قطونا بخير الحمدلله :nice:

تستاهلون سلامة القطو

السلق حليو ونظيف بس يتربى زين ولازم يشبعه راعيه ولا بياكل أي حيوان والغلط من راعيه اللي هاده

في أمريكا صارت قضية قوية بسبب كلاب شخص تهجموا على وحدة .. وكثير من الدول فيها جمعيات الرفق بالحيوان ومن يترك حيوان أليف يتعرض لمساءَلة ومن يتضرر من حيوان بسبب ازعاج أو تهجم يحاسب صاحبه.

[بانغ بانغ]

انتوا الضب تسمونه ديناصور ويخوفكم

هههههه آتذكر بنتي تخاف من الطيور .. شافت عصفور وتصارخ الوحش والوحش .. الزهيوي يسوي فلم رعب مع إنه ياكلونه كثير من الشعوب

ههههههههه اتذكر الربع الصيع ذيك الايام في الثانوية .. حطوا ضب صغير في شنطة طالب من جنسية معروفة بالشطارة والمذاكرة واكل الكتب ....عشان يتاكدون انه ايذاكر او لا .... الضب مات داخل الكتاب من الخنقة

اليوم الثاني طلع الكتاب ... ياخرااااابي ديناصور صوغير

مسكين ما شايف ضب

[♫ احسـاسـ طفلـهـ ♫]

انتوا الضب تسمونه ديناصور ويخوفكم

هههههه آتذكر بنتي تخاف من الطيور .. شافت عصفور وتصارخ الوحش والوحش .. الزهيوي يسوي فلم رعب مع إنه ياكلونه كثير من الشعوب

هههه لا انا الضب ما اسميه ديناصور ولا شي بس الزهيوي يمكن اسميه الوحش لانه وحش :( ولا باقي الحيوانات عادي ماخاف منها واحبها لكن ابلغ عشان ماحب اللي يخالف القانون والفطره :telephone:

[معماري قطري]

ههههههههه اتذكر الربع الصيع ذيك الايام في الثانوية .. حطوا ضب صغير في شنطة طالب من جنسية معروفة بالشطارة والمذاكرة واكل الكتب ....عشان يتاكدون انه ايذاكر او لا .... الضب مات داخل الكتاب من الخنقة

اليوم الثاني طلع الكتاب ... ياخرااااابي ديناصور صوغير

مسكين ما شايف ضب

عدي به آخر مرة من حول 12 سنة كنت رايح مشروع في منطقة برية وحصلته قاطع الشارع .. وزين مسكته المسكة الخطافية من الرقبة .. وديته البيت وعيالي صغار بس يوم شافوا امهم تصارخ صادهم رعب طبيعي

[معماري قطري]

هههه لا انا الضب ما اسميه ديناصور ولا شي بس الزهيوي يمكن اسميه الوحش لانه وحش :( ولا باقي الحيوانات عادي ماخاف منها واحبها لكن ابلغ عشان ماحب اللي يخالف القانون والفطره :telephone:

كنا نقليه يوم كنا صغار ومقطع وللحين فيه روح ويتحرك .. انا ما كلته لكن اخواني يتلذذون به .. الزهيوي صج وحش بس ما يخوف وايد