المساعد الشخصي الرقمي

مشاهدة النسخة كاملة : هيئة المواصفات و المقاي vs تواير


ya3coub
19-10-2015, 09:37 AM
السلام عليكم و رحمة الله و بركاته


اصبح عالجميع بالخير و بما انه هيئة المواصفات و المقايس ما يردون

الي عنده خبرة بالتواير يبلغني مو محصل تواير بمقاسات معينة بالدوحة حق سيارتي و ناوي اجيبهم من برع بحكم ارخص و نخزين صح و جودة أعلى بس يبقى العائق المواصفات و المقايس !!!!!

انا تعاملت معاهم على الرنقات و للأسف اسوء ادارة حكومية و الحين صارلي يومين حرق تلفوناتهم بدون اي رد
ولا تسوى على استفسار الواحد يطلع من دوامة و يروح لهم عالأقل مع الزحمة بتضيع ساعه روحة و ساعه رجعة من وقتي.


الي تعامل معاهم او يعرف اماكن بالخليج لشحن التواير للدوحة يكونون زينين و جودة و تخزين صح ياريت لا يبخل


و سلامتكم :shy:
حسن
19-10-2015, 09:52 AM
لا تعب نفسك معاهم
مهب فاهمين هم اساسا المواصفات والمقاييس خلها على الله
تصدق اجيب رنقات مستعمله واصليه للكباين والتيادر الحين منعوها يقولك جيب لنا شهاده مواصفات
يااخي هذه اشتريها سكند هاند مستعمله وين اجيب لك
يقول يمكن هذا الرنق ينكسر وهو فيه رنق اذا ضربته بالحصى ماينكسر
زين انت افحصها وقولي اوكي ولا لا
الصراحه لا هب فاهمين شغلتهم ولا شي
ماشاء الله على خلطتهم للقار طريق سلوى كان كله فاشل ويوم جاوي يحاسبون الشركه
قالو لهم هذا طلبكم على حسب المواصفات والمقاييس هي اللي طالبه الخلطه
ya3coub
19-10-2015, 10:44 AM
انا عارف هالشي و كون شغلي بالمواصفات و ابسطها الدراسة الي درستها في تحويل بين النظام ايزو و الأنسي

تعطلت معاهم فترة طويلة على الرنقات قبل سنة و شوي

و الحين ابي تواير و ما عندي وقت اسافر للبحرين او السعودية للتواير

دورت بسلوى و اغلب المحلات للتواير بالدوحة الحجم المطلوب غير متوفر إلا برجستون و مو عاجبتني نقشتهم ولا سعرهم

و الطلبية تاخذ إلى شهر فباقي المحلات للستوكات الجديدة توصل عقب شهر و نص :anger1:

قبل ما اطلب من النت ابي تأكيد منهم
بوحارب
19-10-2015, 01:29 PM
الضرب في الميت حرام :)
بعيد النظر
20-10-2015, 08:11 AM
الله يعينك عليهم ..
انا طلعت عيوني عشان ادخل موتر من السعودية ..


ولي يومك متحسف على المراكظ !!
ضوى
20-10-2015, 08:13 AM
يبونكم غصب تتعاملون مع التجار اللي اهني ، لانه يبوقف سوقهم لو سمحوا لكم بكل شي
ya3coub
20-10-2015, 09:51 AM
الله يعينك عليهم ..
انا طلعت عيوني عشان ادخل موتر من السعودية ..


ولي يومك متحسف على المراكظ !!

نفس الشي و تجمعت علي مخالفات من القطرية 24 الف و خردة بسبب انهم تمو واقفين و متعطلين مع المواصفات و المقايس

ابشرك رحت اليوم و تحلطمت و مديرهم كان وراي و يسمع

بالنهاية عطاني الأجابة الي كنت ادورها بالتلفون يبون شهادة gso للإطارات

و علطول تلفونين لقيتهم بالشهادات و لله الحمد الحين باقي بس احصل طريقة و اجيبهم


و اذا عالندم اسئل مجرب عقبال ما تصير الأمير اسهل بإذن الله تعالى



يبونكم غصب تتعاملون مع التجار اللي اهني ، لانه يبوقف سوقهم لو سمحوا لكم بكل شي

التجار الي اهني غلاية ولا عندهم شي زين هاي الي يقهر. سيارتي صارلها شهر و نص واقفة و حصلت اهني بس موب ماخذ مو مجنون ادفع 1800 و خردة ريال بالتاير الواحد صوتهم عالي و غير مريحين اللهم اسم ماركة


و في بدبي و السعودية احسن منهم و نقشتهم احلى و هادين و مريحين مافي احسن منهم الخلفي ب906 بعد الخصم و الأمامي 580 يا بلاش

و اذا من امريكا بدون شحن بــ164$ يعني 599 ريال سوائا خلفي او امامي الفرق 20 دولار بس.
مخطط قطري
21-10-2015, 01:23 PM
يليت معالي رئيس مجلس الوزراء الموقر يشوف حل مع هالهيئه بضخ دماء جديده في هالهيئه الي الناس وصلت 2015 وهم مستواهم 1998
ya3coub
21-10-2015, 01:59 PM
يليت معالي رئيس مجلس الوزراء الموقر يشوف حل مع هالهيئه بضخ دماء جديده في هالهيئه الي الناس وصلت 2015 وهم مستواهم 1998

شنسوي الحين انطر السعودية او الأمارات احد يرسلي ايميل بالشهادات علشان بكرة او الأحد امر اخذ الموافقة
اخر المستجدات الأسعار الي حطيتها فوق للتويار من الأمارات.


لما عرف الوكيل بالسعودية عطاني نفس التواير الخلفي بــ650 و الأمامي ب550 و بيشحنهم للدمام اقرب فرع له مني لأنهم ما يشحنون تواير برع السعودية.

اهني اتقوله لقيت ارخص من الي عندك بكل وقاحه يقولك ليش جاي عندي روح ركب هناك !!!!!!
حسن
21-10-2015, 02:06 PM
تصدق قمت اجيب الرنقات تهريب

حد يهرب رنقات

:rolleyes2:

ابتلينا ببعض المسؤلين يسون من لاشي قضيه
مثل وقود والديزل

شي يفشل والله ماحطهم على صندقه تبيع سندوشات

ماوراهم إلى ابتسامات
:)
جبر ال جبر
29-10-2015, 11:06 PM
هذا بدال ماتشكرونهم!