+ حياتي لايف +

[شبح الصمت]

السلام عليكم ورحمة الله وبركاته ،،،


حياتي لايف
نعم

حياتي اصبحت لايف لي ولمن حولي ..

كثيراً منا يرددها اصبحت على الهواء مباشرة لعائلتي ولمن حولي ومن هم ليس من حوالي المتطفليين ..

اناس لا اعرفهم ؟
آناس همهم تتبع الغير
اناس يكيدون لنا
اناس يحبوننا
اناس يردون ما نريده ولا يستطيعون فعله ..


نعم حياتي لايف

واتكلم بلايف البرامج السريعة الي على طول حمل ونزل ..

الانستقرام
السناب
وغيرها ..

نعم انا الي رضيت اني انزل حياتي فليش الكل يلومني .
انا رضيت ومن حولي رضوا فيني فليش الانتقاد ..
انا رضيت اني اصبح حديث الناس فليش كل هالتحامل ..
انا رضيت ورضيت ورضيت وتنازلت عن اشياء كثيرة ..


فانا انا واعوذ بالله من انا اتحمل كل ما اطرحه ..

لكن ..

اقف لحظة في حياتي وارى من حولي يشاهدوني بنظرة استغراب
نظرة دهشه
نظرة تعجب ؟


ليس لك الحق في اطلاق يدينك ونشر كل شي خاص بك
فنحن من حقنا محاسبتك وعتابك ..
فانت جزء منا وسط هذه البرامج ووسط مجتمع محافظ ..





نعم حياتي لايف عندكم مانع !!

[بانغ بانغ]

صباحك لايف العود

سؤال ... احين انت مع او ضد ؟ لان هالاسلوب يعتبر اسلوب هزلي في الادب والرواية .

تحياتي.

[شبح الصمت]

صباحك فللي يالغااالي ..


انا مع وضد

مع الخيل يا شقرا في امور محدوده وليس مبالغ فيها ..
في احترام الاطراف الاخرى

وضد الشيء وبالتحديد للنساء انهم يطرحون كل خيط وابره
واخرتها تقول عطوني بعين
اسرقوا صوري ..

استغلوني
هددوني

من البداية كان الواحد احترم نفسه

وانت يابو بانغ اش رايك .

[لـبـيـه]

كنا عايشين بدون السناب والانستغرام وباحسن حال

ما اضاف السناب الشي الكبير في حياتنا

سلبياته اكثر من ايجابياته وتفاهته

بنعيش بدون يعني عادي

[بومحمد المطاوعه]

جزاك الله خير
موضوعك طيب

وتشكر عليه الصراحه

هذي الي حاصل للأسف من البعض

وللأسف لو تنصح او تتكلم زعلو
لان كلمه الحق تزعل

ف الواحد لازم يشوف يضيف من
هل يستاهل المتابعه
ام لا

الله يقويك يالشيخ

راجع لك عقب

[شبح الصمت]

كنا عايشين بدون السناب والانستغرام وباحسن حال

ما اضاف السناب الشي الكبير في حياتنا

سلبياته اكثر من ايجابياته وتفاهته

بنعيش بدون يعني عادي



صحيح يا لبيه

بس نرد ونقول له ايجابيات وسلبيات ..

في مقاطع حلوه
في اشياء مفيده

وبالمقابل نفس الشيء في اشياء بعد مضره في الواحد ..

وتعرف ليش سلبياته اكثر من ايجابياته ..

لانه مش حصري لناس معينه كبار صار بيد الصغير قبل الكبير

فهذا شيء اكيد راح تشوف سلبيات

[حرف]

الي مايبيها لايحملها على جهازة

[شبح الصمت]

جزاك الله خير
موضوعك طيب

وتشكر عليه الصراحه

هذي الي حاصل للأسف من البعض

وللأسف لو تنصح او تتكلم زعلو
لان كلمه الحق تزعل

ف الواحد لازم يشوف يضيف من
هل يستاهل المتابعه
ام لا

الله يقويك يالشيخ

راجع لك عقب



انت واحد من الناس الي اتشرف باضافتهم بومحمد

ولا به قصور في حد ..

بس انسان تنصح وتطرح مواضيع تخص المجتمع ..

احنا نطرح خصوصياتنا

طلعاتنا ضحك عبط صور ..

الواحد يوازن في مضافينه لكن ما يضيف الاولي والتالي ..

يخلي المتطفلين يشاهدون خصوصياتنا وعقب نقول اوووف تكلموا فينا ..


الي يمشي بثقة والا سوى شيء غلط ما يهمه شيء

لكن راعي الخطأ دوم خواااف

[شبح الصمت]

الي مايبيها لايحملها على جهازة



صحيح

:)

[ضوى]

ماعتب عليهم اللي صارت حياتهم لايف في مواقع التواصل الاجتماعي ، هذي طباخ يدهم والا مابيتأذون من هالشي

خلينا يا شبح مع الناس العاقلة الفاهمة ونخلي التافهين على جنب

[الحياة الخالدة]

و عليكم السلام و رحمة الله و بركاته
أخوي شبح شكراً على موضوعك اللي هو حديث الساعة في المنتدى و خارجه
الحين ما عاد في حد جاهل أو صغير
حتى اليهال يعرفون أكثر من الكبار

كل واحد يعرف وين الصح و وين الغلط
و مع ذلك في ناس تكابر .. و ناس تتصنع البراءة و المثالية .. لكن الله وحده هو المطلع

اللي بيحط و يراوي الناس عارف انه قاعد يفضح نفسه و يجعل حياته مشاع للجميع
و عليه فهو اللي يتحمل نتيجة عمله و تصرفاته
اشكثر نصايح و اشكثر قصص
يسمع اللي يسمع و يعتبر اللي يعتبر
ربك يستر .. و الناس ما تستر .. واللي ما يستر على عمره .. لا ينتظر من الناس يسترون عورته
واللي يفضح الناس .. ربي يفضحه من حيث لا يعلم ولا يتوقع


و اذا بليتم فاستتروا
لكن المصيبة باللي يجاهر

اللهم استرنا فوق الارض و استرنا تحت الارض و استرنا يوم العرض
و اغفر لنا و أحسن خاتمتنا يا رب العالمين

جزاك الله خير

[حسن]

الي مايبيها لايحملها على جهازة

انا محملها بس وجاهه

[بومحمد المطاوعه]

انت واحد من الناس الي اتشرف باضافتهم بومحمد

ولا به قصور في حد ..

بس انسان تنصح وتطرح مواضيع تخص المجتمع ..

احنا نطرح خصوصياتنا

طلعاتنا ضحك عبط صور ..

الواحد يوازن في مضافينه لكن ما يضيف الاولي والتالي ..

يخلي المتطفلين يشاهدون خصوصياتنا وعقب نقول اوووف تكلموا فينا ..


الي يمشي بثقة والا سوى شيء غلط ما يهمه شيء

لكن راعي الخطأ دوم خواااف

الله يجزاك خير يالغالي
لي الشرف زوود طال عمرك

ونفس ماقلت الواحد المفروض يوازن ويختار من يضيف
مب كل من هب ودب

لان هذي خصوصيات واشياء خاصه

سنابي هذا الوحيد
البعض يسوي له اكثر من سناب

يقولك هذي حق الاهل وهذي الثاني للعام !!

شالفرق انزين
يعني شتصور هني وشتصور هناك مثلآ

مادري ليش مايخلون حساب واحد ويستخدمه بشكل جيد

وين الخوف فالأمر اذا عندك سناب وتضيف ناس محترمه ؟

الله يهدي الجميع بس

[بانغ بانغ]

كل برنامج له شقين ايجابي وسلبي وانما هالبرامج استخدمت للتواصل بأشكاله

انا ولله الحمد ما استخدم هالبرامج لقناعة ما ..... حدي واتس اب .

حتى الانستغرام / عندي موقع لشركتي الخاصة ... اما اني احط وين اروح وشنو اكل وشنو البس

اعتبرها جاهلية بعباءة تكنولوجية ...

[شبح الصمت]

ماعتب عليهم اللي صارت حياتهم لايف في مواقع التواصل الاجتماعي ، هذي طباخ يدهم والا مابيتأذون من هالشي

خلينا يا شبح مع الناس العاقلة الفاهمة ونخلي التافهين على جنب



صادقه كل شيء صار سهل
كل شيء نقدر نوصله ويوصلون لنا ..



انا مش ضد والله
لاني واحد من هالناس الي احط يومياتي ..


فاللوم ليس على المشاهدين
اللوم يقع علي انا ..

ناس عرفناهم

من على ايام البيبي
لا يتحركون
في السناب كذلك
وفي الانستقرام كذلك ..


مشاهدين فقط ومتابعين لمن حولهم
هاهاهي

يعني اشتراك على الفاضي
لكنهم يعجبوني مريحين رؤسسهم لا يدخلون في شفت فلان والا علان ..

شعارهم

شاهد واستمتع

[بومحمد المطاوعه]

صدقت الحياة الخالده

المجاهره بالمعصيه مصيييبه


والرسول صل الله عليه وسلم حذر من المجاهره


عن أبي هريرة قال : سمعت رسول الله صلى الله عليه وسلم يقول : " كل أمتي معافى إلا المجاهرين ، وإن من المجاهرة أن يعمل الرجل بالليل عملاً ثم يصبح وقد ستره الله عليه فيقول يا فلان عملت البارحة كذا وكذا وقد بات يستره ربه ويصبح يكشف ستر الله عنه " .

رواه البخاري ( 5721 ) ومسلم ( 2990 ) .


بعيد الشر البعض
يصور نفسه وهو يترقص والي يصور نفسه في معصيه
وماشابهه وينشر للناس للأسف

يضن ان هذا شيء جميل

لاحول ولاقوة الا بالله

[شبح الصمت]

و عليكم السلام و رحمة الله و بركاته
أخوي شبح شكراً على موضوعك اللي هو حديث الساعة في المنتدى و خارجه
الحين ما عاد في حد جاهل أو صغير
حتى اليهال يعرفون أكثر من الكبار

كل واحد يعرف وين الصح و وين الغلط
و مع ذلك في ناس تكابر .. و ناس تتصنع البراءة و المثالية .. لكن الله وحده هو المطلع

اللي بيحط و يراوي الناس عارف انه قاعد يفضح نفسه و يجعل حياته مشاع للجميع
و عليه فهو اللي يتحمل نتيجة عمله و تصرفاته
اشكثر نصايح و اشكثر قصص
يسمع اللي يسمع و يعتبر اللي يعتبر
ربك يستر .. و الناس ما تستر .. واللي ما يستر على عمره .. لا ينتظر من الناس يسترون عورته
واللي يفضح الناس .. ربي يفضحه من حيث لا يعلم ولا يتوقع


و اذا بليتم فاستتروا
لكن المصيبة باللي يجاهر

اللهم استرنا فوق الارض و استرنا تحت الارض و استرنا يوم العرض
و اغفر لنا و أحسن خاتمتنا يا رب العالمين

جزاك الله خير




وجزاك يارب يالحياه ..

صدقيني نحن كلنا مش ضد انزال هالبرامج

لانها لها منفعه نفس ما لها مضره ..


لكن الي ننقد عليه اهو الاخطاء المتكررة والتكبر على الخطأ ويجيك شخص يقول كيفي ..

هذا خاص فيني الي يبي يضيفني يضيفني ..

صح كلامه احنا الغلطانين الي معطين بعض الاشكال اهميه لا قيمة لها .

الغلط مني انا الي ضفتك

ضفتك لاني قلت يمكن اجد لو جزء من حياتك يفيدني او اقل ما فيها يخليني ابتسم ..

..

شكراً الحياه ..

[R 7 A L]

الله يعين المشاهير بس

[العنيده]

هي برامج حالها حال اي برامج الغلط في طريقة الاستخدام ..
في ناس يستخدمونها تعليميه وهادفه .. الكل يستفيد منها
و الاهم انها تعتمد على الشخص اللي يستخدمها ..

مثال حبيت في السناب لما يكون السن صغير الخيارات تكون محدوده مش
نفس الاعدادت العاديه ..
و اللي يبي حياته تنشر يتحمل اللي يجيه .. الصور والفيديوهات ممكن بسهوله تنخذ يعني التوعيه مهمه

[الجـــوديّ]

فيه ناس متعتها في الحياة انها تشارك حياتها غيرها من الناس .. مستانسة ومستمتعة بكل شي تقدمه للناس وتجاوبهم معاها.

يجونك عاد أصحاب التقليد الأعمى اللي مايتعظون من أخطاءهم في التطبيقات السابقة ومازالوا يمشون في نفس الغلط بدون بصيرة..

هذول حدهم تليفون نوكيا ومب كفو تلفونات ذكية.


اجمالاً هذي التطبيقات ماتعيل على أحد .. المستخدم نفسه هو اللي يحدد درجة استخدامه واستفادته ..

السناب غير حياة الكثيرين للأفضل بما انهم يتابعون حسابات مفيدة تخدمهم.

[Dana’1]

أظن السنابرز المشهورين وحتى غير المشهورين الأغلب يطلعون الجانب الي يبغونه يطلع ومليون بالميه لهم جانب من خصوصياتهم إلي ولا أحد يدري بها هالشي ضروري ينفهم بعد كمتلقين

إلي يسدح كل أمور حياته بتفاصيلها أومجاهره بمعاصيه وكلو ما اظنهم غالبيه أبدا .. شخصيا ماشفت الا واحد/ه من بين كثييير من النفر!

[مختلفة عقليا]

السلام عليكم

انا شخصيا انزل اشياء واييييييييييييييييييد عن حياتي ويومياتي .,

ونعم انا اتحمل كل شي يصير لي ., ونعم انا ما اللوم أي حد يعلق ويتكلم ., حياتي الخاصة هي اللي ما اصورها ما دون ذلك حلال لمتابعيني

اللي ما يبي الناس اتكلم لا يصور ., يعني كونوا قد تصرفاتكم (( وتعلموا اتحاسبون نفسكم مو غيركم ))

ويسلموو

[شبح الصمت]

الله يعين المشاهير بس



اشكرك على احساسك فيني يا رحال ..

:telephone:

[شبح الصمت]

هي برامج حالها حال اي برامج الغلط في طريقة الاستخدام ..
في ناس يستخدمونها تعليميه وهادفه .. الكل يستفيد منها
و الاهم انها تعتمد على الشخص اللي يستخدمها ..

مثال حبيت في السناب لما يكون السن صغير الخيارات تكون محدوده مش
نفس الاعدادت العاديه ..
و اللي يبي حياته تنشر يتحمل اللي يجيه .. الصور والفيديوهات ممكن بسهوله تنخذ يعني التوعيه مهمه


صح يتحمل بس في نفس الوقت ..

كثرة الاخطاء تولد لدى المتابع النفور وخلاص حتى لو سنابات الطرف الثاني حلووه ..

لكن احنا كمتابعين ما يعجبنا شيء ..

مشكلة :secret:

[شبح الصمت]

فيه ناس متعتها في الحياة انها تشارك حياتها غيرها من الناس .. مستانسة ومستمتعة بكل شي تقدمه للناس وتجاوبهم معاها.

يجونك عاد أصحاب التقليد الأعمى اللي مايتعظون من أخطاءهم في التطبيقات السابقة ومازالوا يمشون في نفس الغلط بدون بصيرة..

هذول حدهم تليفون نوكيا ومب كفو تلفونات ذكية.


اجمالاً هذي التطبيقات ماتعيل على أحد .. المستخدم نفسه هو اللي يحدد درجة استخدامه واستفادته ..

السناب غير حياة الكثيرين للأفضل بما انهم يتابعون حسابات مفيدة تخدمهم.



صراحة ما احب الناس الي تقلد اي حركة ..

يعني توب بي بي كنت ضايفه
واحد يسووي حركة مليون واحد يقلده !!

صج انه يحث العالم على الصلاة ويساعدهم ويعطيهم كروت
ويسوي دعايات لمحلات وتكون مجانيه

بس في نفس الوقت يعني يشط الواحد استعراض وهالامور

يعني جانب ايجابي وجانب سلبي ..

والسناب مرأة انا اشوفه مش لنا لغيرنا

[شبح الصمت]

أظن السنابرز المشهورين وحتى غير المشهورين الأغلب يطلعون الجانب الي يبغونه يطلع ومليون بالميه لهم جانب من خصوصياتهم إلي ولا أحد يدري بها هالشي ضروري ينفهم بعد كمتلقين

إلي يسدح كل أمور حياته بتفاصيلها أومجاهره بمعاصيه وكلو ما اظنهم غالبيه أبدا .. شخصيا ماشفت الا واحد/ه من بين كثييير من النفر!




في خاصية اني اقدر احدد ناس ما يشوفون الاستوري بس اذا ارسلت لهم خاص ..

[شبح الصمت]

السلام عليكم

انا شخصيا انزل اشياء واييييييييييييييييييد عن حياتي ويومياتي .,

ونعم انا اتحمل كل شي يصير لي ., ونعم انا ما اللوم أي حد يعلق ويتكلم ., حياتي الخاصة هي اللي ما اصورها ما دون ذلك حلال لمتابعيني

اللي ما يبي الناس اتكلم لا يصور ., يعني كونوا قد تصرفاتكم (( وتعلموا اتحاسبون نفسكم مو غيركم ))

ويسلموو



نكون قد تصرفاتنا

بس في المقابل

ما نظيف ناس ما نعرفهم
ونحترم المضافين عندنا ..


وهل تحسين يامختلفه انه الاشياء الي تنزلها تفيد غيرك او فيها عبر ..

!!!

والله يسلمج

[راعي الكورفت]

الحين صار من السهل تتبع الآخرين ومعرفة تفاصيل حياتهم عن طريق مواقع التواصل الإجتماعي وحتى الواحد يقدر يتابعهم بالسر من دون ما يعرف الشخص من متابعه .

أعتقد غلط الواحد يحط تفاصيل حياته في هذه البرامج.
وهي بتخلي الناس ماتسال عنك وتكتفي بمتابعة أخبارك من هذه البرامج.

التواصل يكون بالمقابله والاجتماع وقضاء الوقت مع الأصحاب والاحبه وليس عن طريق برامج للأسف دمرت العلاقات الاجتماعية بين أفراد المجتمع.

[شبح الصمت]

الحين صار من السهل تتبع الآخرين ومعرفة تفاصيل حياتهم عن طريق مواقع التواصل الإجتماعي وحتى الواحد يقدر يتابعهم بالسر من دون ما يعرف الشخص من متابعه .

أعتقد غلط الواحد يحط تفاصيل حياته في هذه البرامج.
وهي بتخلي الناس ماتسال عنك وتكتفي بمتابعة أخبارك من هذه البرامج.

التواصل يكون بالمقابله والاجتماع وقضاء الوقت مع الأصحاب والاحبه وليس عن طريق برامج للأسف دمرت العلاقات الاجتماعية بين أفراد المجتمع.



هالرد الي يبرد الخاطر

التواصل لايف مباشر مع بعض

وليس عبر البرامج ..

ادش اسلم ويردون علي السلام في السناب ..
هاهاي

ياخي كل شي صار سريع وفي ثواني
وافتح واشوفه وسلم عليه وكاني اديت واجب وخلاص ..