العلاج الطبيعي فالرميلة

[الفيصل]

السلام عليكم ورحمة الله وبركاتة

اخواني / اخواتي .. هل احد جرب العلاج الطبيعي في الرميله للاطفال

اقولكم تجربتي / الصراحه ماقصروا معنا فيه اجهاد منهم لكن لافايدة
ولا تطور بنتي صار لها فوق 5 اشهر ولا فيه تطور ملحوظ وفالاسبوع حصة وحده فقط
يعني ماينفع ابد .. لان حالت بنتي يبيلها ع الاقل 3 جلسات فالاسبوع لكن وين اللي يسمع الكلام

اللي جرب العلاج الطبيعي فالرميله يعطينا رايه ..


وقبل اختم الموضوع / ياليت اللي عنده رقم اي احد تخصص في العلاج الطبيعي
ويفضل من العنصر النسائي تجي للبيت حتى تكون زوجتي معها وتتعلم منها
وفيه كوثر التونسية مدربة علاج طبيعي اللي يعرفها ياليت مايبخل علينا برقمها


ودمتم بحفظ الرحمن

أتمنى عدم نقل الموضوع حتى نستفيد ونفيد غيرنا

[حرف]

المركز الصحي التابع لكم مافيه علاج طبيعي ؟

[النهار]

اخوي الفيصل اعرض حلة البنت في اسبتار
الله يشفيها يارب

[حرف]

الله يشفيها يارب

[الفيصل]

مافيه المركز الصحي اللي عندنا علاج طبيعي ،

- الله يجزاكم خير جميع .. وبالنسبه لسبيتار مايستقبل اطفال وبنتي عمرها سنتين

[شبح الصمت]

ما عليها شر ياخوي

وأسال الله العظيم رب العرش العظيم ان يشفيها ويشفي كل مريض شفاءً عاجلا غير آجل ..

اللهم آمين

وإن شاء الله يفيدونك الاعضاء الكرام

[الفيصل]

الله يجزاك خير على الدعاء الطيب .. وان شاء الله ماراح يقصرون الاخوان

[ضوى]

اذا تعرف احد بعيادة الجيش العلاج الطبيعي عندهم فظيع

[الفيصل]

اذا تعرف احد بعيادة الجيش العلاج الطبيعي عندهم فظيع

بنسأل وإن شاء الله نحصل .. والله ماخليت مكان ماجيته

[R 7 A L]

نسأل الله لها الشفاء

اخوي الدكتور الي يتابع حالتها قرر لها كم جلسة في الأسبوع ؟

[معماري قطري]

انا عندي شد في عضلة الفخذ الخارجية متعبني وايد وجا دكتور زاير أمريكي .. كتب لي علاج لفترة 8 شهور متواصلة وحذرني لو بديت العلاج وكملت 7 شهور وتركته يرجع الشد .. وبجدول اسبوعي معين .. رحت للمستشفى الأهلي وسووا لي تشخيص ثاني وجدول علاج بالقطارة .. يجدولوني بالغصب لأَربع جلسات وكل جلسة بينها وبين الثانية فترة غير .. ولين خلص الجدول يقولون لي سو جدول ثاني ولازم اروح مكتب التأمين كأني اطلب صدقة منهم وانطر اتصالهم بالموافقة وارجع اكلم مركز العلاج ويسوون لي جدول جديد وكأني مريض جديد ويكون أول موعد بعد فترة طويلة ونفس الأُغنية يخلونك تشرد من العلاج غصب.

وهذا ينطبق على اللي مسوي عملية أو حالته غير بهدلة ما بعدها بهدلة .. الوضع في العلاج في الخارج لو الجلسة بألف ريال وفوق يخلون المريض مقيم في المصحة لفترات طويلة وجدول علاجه يستلمه كل اسبوع وكل يوم يكون حافل بالعلاج من صبح لين العصر ومتابعة طبية متواصلة .. هل يوجد هذا عندنا؟ وهذا للكل ولكل شركات التأمين وصدقوني الأولوية لأَهل البلاد ولو حصل حد غرفة والتزم بالعلاج ما يطلعونه بالعيارة والمنكر والخداع مثل ما يصير عندنا حتى يفضون الغرفة لمقيم ولا زائر ولا واحد سبشل

[معماري قطري]

السلام عليكم ورحمة الله وبركاتة

اخواني / اخواتي .. هل احد جرب العلاج الطبيعي في الرميله للاطفال

اقولكم تجربتي / الصراحه ماقصروا معنا فيه اجهاد منهم لكن لافايدة
ولا تطور بنتي صار لها فوق 5 اشهر ولا فيه تطور ملحوظ وفالاسبوع حصة وحده فقط
يعني ماينفع ابد .. لان حالت بنتي يبيلها ع الاقل 3 جلسات فالاسبوع لكن وين اللي يسمع الكلام

اللي جرب العلاج الطبيعي فالرميله يعطينا رايه ..


وقبل اختم الموضوع / ياليت اللي عنده رقم اي احد تخصص في العلاج الطبيعي
ويفضل من العنصر النسائي تجي للبيت حتى تكون زوجتي معها وتتعلم منها
وفيه كوثر التونسية مدربة علاج طبيعي اللي يعرفها ياليت مايبخل علينا برقمها


ودمتم بحفظ الرحمن

أتمنى عدم نقل الموضوع حتى نستفيد ونفيد غيرنا

الله يشفي بنتك ويحفظها

مشكلة اللي عندنا يا اخوي التشخيص والإقتصاد في العلاج لو يحصل لهم عطوك جلسة في الشهر حق يفضون المكان لحد ثاني .. في المصحات اللي نفتقدها ولا نفكر نسويها عندنا فيها غرف فندقية .. وبعض الغرف كبيرة وتستوي ثلاث غرف مفتوحة على بعض لعائلة كاملة .. وجدول علاج بعد تشخيص طبي متواصل كل اسبوع يعطيك خطة وفي الجدول محدد وقتك بدقة .. الساعة الفلانية تجي الغرفة رقم كذا وتمرينك مكتوب ومشروح .. ووقت الأكل محدد وكل يوم تختار وجباتك حسب رغبتك.

حصلت شخص جايته جلطة يقول ما كان يقدر يتحرك تابع معاهم صح وألحين كل أُموره زينة .. في كل مصحة مكتب ترجمة وادارة عربي يتابع مع العرب بدقة .. والعرب يخلون لهم أقسام خاصة تناسبهم وفي جزء خاص بهم وأفضل من حيث اطلالته على منظر طبيعي أحسن .. عندهم غرف اقتصادية للراغبين وبسعر حول 500 ريال للاقامة وحولها تقريباً للعلاج والاقامة شاملة الطعام .. المهم التقييم المتواصل ومتابعة الطبيب.

صادفنا كثير من المرضى ومن كل دول الخليج .. حتى المواقف برا والمدخل كله خليجيين جهة قسم العرب .. كبار سن وصغار الله يشفيهم وعندهم عادة في كل المصحات تقريباً يسوون مجلسين مجلس نسائي ومجلس رجالي للخليجيين .. وعادة عند الخليجيين الله يشفي مريضهم يتزاورون في الغرف ويجتمعون .. البعض يطبخون في الغرف والبعض سووا شوي ازعاج بالبخور والصوت العالي.

ما حبيت اوصله هو كثرة المصحات الاستجمامية والعلاجية حول الكثير من مدن العالم .. عندنا في قطر سبيتار بس وهو مركز علاجي ما يرتقي لمصحة وبعدين مب لنا .. ولو تم عمل مصحات تخصصية وفيها سكن وعلاج متواصل في مناطق عديدة من الدولة بيكون أكيد أفضل .. ويدلعون أهل قطر شوي يسوون لهم قسم خاص في كل مصحة ومتابعة تخصصية جيدة .. ولا يطلعون المريض الا مخلص علاجه بالكامل وبدون بهدلة وتعب فوق المستطاع.

حكومتنا تخسر سنوياً مبالغ كبيرة على العلاج في الخارج والعلاج في الخارج زين أكيد لكن في قطر نحتاج أقل شيء لمصحة ملحقة قرب المستشفى الكوبي في دخان ومصحة حتى في البر وفي محمية معينة .. مصحة في مسيعيد أو الوكرة بقرب مستشفى الوكرة .. عندنا مناطق بحرية وبرية من محميات وغيرها ممكن نسوي فيها مصحات ونراعي البيئة والناس تستجم هناك وتتعالج ويكونون قريبين من أهلهم.

حل ثاني هو بناء مصحة متطورة خاصة بأهل قطر خارج قطر في احدى الدول ذات الطبيعة الجيدة والجو المعتدل .. في ماليزيا مثلاً أو تايلند أو غيرها وتكون ملك دولة قطر.

[M7ammd]

اخوي العزيز

اولا الله يشفي بنتك و يقومها بالسلامة

ونصيحة اسأل عن الدكتور المتخصص عن العلاج الطبيعي اول قبل لا تودي بنتك. واعتقد ان عيادة سبيتار ممتازة بس يقولون انها مواعيدهم تطول , انا سويت عملية في المانيا قبل فترة و قالي الدكتور اهتم فالعلاج الطبيعي بشكل كبير كان يبيني اجلس في المانيا لكن لاني كنت رايح على حسابي و فترة العلاج الطبيعي كانت طويلة فضلت اخذها فالدوحة ورجعت و رحت لصحة المدرسية لكن للاسف رحت لدكتور خرب كل الي سويته في المانيا .

فنصيحة اسأل عن الدكتور قبل لا تروح له لان خبرة و شطارة الدكتور لها دور كبير فالعلاج والله يوفقك يالغالي

[راعي الكورفت]

شوف لك اخوي اسبيتار وعندك مركز أيكون للعظام ممتاز أيضا

[ضوى]

الله يشفي بنتك ويحفظها

مشكلة اللي عندنا يا اخوي التشخيص والإقتصاد في العلاج لو يحصل لهم عطوك جلسة في الشهر حق يفضون المكان لحد ثاني .. في المصحات اللي نفتقدها ولا نفكر نسويها عندنا فيها غرف فندقية .. وبعض الغرف كبيرة وتستوي ثلاث غرف مفتوحة على بعض لعائلة كاملة .. وجدول علاج بعد تشخيص طبي متواصل كل اسبوع يعطيك خطة وفي الجدول محدد وقتك بدقة .. الساعة الفلانية تجي الغرفة رقم كذا وتمرينك مكتوب ومشروح .. ووقت الأكل محدد وكل يوم تختار وجباتك حسب رغبتك.

حصلت شخص جايته جلطة يقول ما كان يقدر يتحرك تابع معاهم صح وألحين كل أُموره زينة .. في كل مصحة مكتب ترجمة وادارة عربي يتابع مع العرب بدقة .. والعرب يخلون لهم أقسام خاصة تناسبهم وفي جزء خاص بهم وأفضل من حيث اطلالته على منظر طبيعي أحسن .. عندهم غرف اقتصادية للراغبين وبسعر حول 500 ريال للاقامة وحولها تقريباً للعلاج والاقامة شاملة الطعام .. المهم التقييم المتواصل ومتابعة الطبيب.

صادفنا كثير من المرضى ومن كل دول الخليج .. حتى المواقف برا والمدخل كله خليجيين جهة قسم العرب .. كبار سن وصغار الله يشفيهم وعندهم عادة في كل المصحات تقريباً يسوون مجلسين مجلس نسائي ومجلس رجالي للخليجيين .. وعادة عند الخليجيين الله يشفي مريضهم يتزاورون في الغرف ويجتمعون .. البعض يطبخون في الغرف والبعض سووا شوي ازعاج بالبخور والصوت العالي.

ما حبيت اوصله هو كثرة المصحات الاستجمامية والعلاجية حول الكثير من مدن العالم .. عندنا في قطر سبيتار بس وهو مركز علاجي ما يرتقي لمصحة وبعدين مب لنا .. ولو تم عمل مصحات تخصصية وفيها سكن وعلاج متواصل في مناطق عديدة من الدولة بيكون أكيد أفضل .. ويدلعون أهل قطر شوي يسوون لهم قسم خاص في كل مصحة ومتابعة تخصصية جيدة .. ولا يطلعون المريض الا مخلص علاجه بالكامل وبدون بهدلة وتعب فوق المستطاع.

حكومتنا تخسر سنوياً مبالغ كبيرة على العلاج في الخارج والعلاج في الخارج زين أكيد لكن في قطر نحتاج أقل شيء لمصحة ملحقة قرب المستشفى الكوبي في دخان ومصحة حتى في البر وفي محمية معينة .. مصحة في مسيعيد أو الوكرة بقرب مستشفى الوكرة .. عندنا مناطق بحرية وبرية من محميات وغيرها ممكن نسوي فيها مصحات ونراعي البيئة والناس تستجم هناك وتتعالج ويكونون قريبين من أهلهم.

حل ثاني هو بناء مصحة متطورة خاصة بأهل قطر خارج قطر في احدى الدول ذات الطبيعة الجيدة والجو المعتدل .. في ماليزيا مثلاً أو تايلند أو غيرها وتكون ملك دولة قطر.

ليش هالعنصريه يامعماري ؟! نودي المقيم بعد على حساب الدوله مايصير القطريين بس هذي عنصريه

[وحيد-الشوق]

علاج طبيعي في قطر من افشل مايكون مايعرفون ولايفقهون شيء امي عانت منهم وايد

[بانغ بانغ]

اللي يبي علاج طبيعي ... التشيك

ما تشوفون شر

[aloosh]

اخبر قالوا في مركز ابو بكر الصديق
مسوين مبنى جنب المركز حسب ما سمعت انه علاج طبيعي

[eXpert*]

أخوي جرب مر علي المركز القطري التشيكي للعلاج الطبيعي ( يسمونه مركز الحكيم) موجود عند مدخل جسر الخيسة ..

ماعندي أي تعامل معاه ،، لكن بالأمس مريت جنبه و أشوف سيارات أهل قطر ..

Qatari Czech Therapy Center Al Hakeem
P.O. Box 9141
Qatar - Doha
Telefon: 0097444174333
Fax: 0097444175333
E-mail: alhakeemcenter@seznam.cz
nebo
centeralhakeem@yahoo.com

[السمسمه]

الله يشفيها يارب ويبلغك فيها ،،،
والله يوفقك في علاج بنتك ان شاء الله ،،،

[معماري قطري]

ليش هالعنصريه يامعماري ؟! نودي المقيم بعد على حساب الدوله مايصير القطريين بس هذي عنصريه

تعبتيني وانا ادور وين قلت نودي المقيم على حساب الدولة .. انا قلت المقيم يتعالج علاجه كامل والقطري نص ولا ربع علاج هذا ما قصدته .. بس انتي أشري لي وين قلت ابي الحكومة تودي المقيم الخارج .. ولعلمج المقيمين المحبوبين من لاعبين وغيرهم يتعالجون أحسن علاج في الخارج أو الداخل ومن ضمن عقدهم

[الفيصل]

الله يجزاكم خير جميع وماقصرتوا

والله يعيينا على العلاج الطبيعي في قطر .. فيه كذا مركز جربتهم وللاسف ماحصلت احد
يسوي التمارين عدل .. مع اني كنت في امريكا وعلاجهم صراحه لايعلى عليه .. اللي جرب علاج
طبيعي فالخارج يبطي مايحصل نفس العلاج هناا .. على العموم اللي يعرف رقم معالجة خاصه
تجي للبيت اكون شاكر له طول عمري


دمتم بحفظ الرحمن

[راعي الكورفت]

الله يجزاكم خير جميع وماقصرتوا

والله يعيينا على العلاج الطبيعي في قطر .. فيه كذا مركز جربتهم وللاسف ماحصلت احد
يسوي التمارين عدل .. مع اني كنت في امريكا وعلاجهم صراحه لايعلى عليه .. اللي جرب علاج
طبيعي فالخارج يبطي مايحصل نفس العلاج هناا .. على العموم اللي يعرف رقم معالجة خاصه
تجي للبيت اكون شاكر له طول عمري


دمتم بحفظ الرحمن


العلاج الطبيعي في مستشفى اسبيتار يوازي العلاج الطبيعي في امريكا والمستشفى مصنف دوليا من افضل مستشفيات العظام عالميا على حسب تصنيف الاتحاد العالمي لكرة القدم المسمى بالفيفا :secret:

[A-Alansari]

العلاج الطبيعي في مستشفى اسبيتار يوازي العلاج الطبيعي في امريكا والمستشفى مصنف دوليا من افضل مستشفيات العظام عالميا على حسب تصنيف الاتحاد العالمي لكرة القدم المسمى بالفيفا :secret:

قالكم الريال اسبيتار ماتستقبل اطفال وبنته الله يشفيها عمرها سنتين

[وحيد-الشوق]

العلاج الطبيعي في مستشفى اسبيتار يوازي العلاج الطبيعي في امريكا والمستشفى مصنف دوليا من افضل مستشفيات العظام عالميا على حسب تصنيف الاتحاد العالمي لكرة القدم المسمى بالفيفا :secret:

وديت الوالدة اسبيتار سنة 2010 رفضوا حالتها قال التهاب العظم مب اختصاصنا وحتى يدها قالوا مانقدر نسوي شيء والحوض صعب نشوفه بعد راجع مستشفيات ثانية والموعد خذته بواسطة :)

واذا انا من سكان الوكرة كل يوم مشوار لين الوعب مع الزحمة وعوار الراس المريض بنفسه بيكره الروحه والعلاج

[راعي الكورفت]

قالكم الريال اسبيتار ماتستقبل اطفال وبنته الله يشفيها عمرها سنتين




وديت الوالدة اسبيتار سنة 2010 رفضوا حالتها قال التهاب العظم مب اختصاصنا وحتى يدها قالوا مانقدر نسوي شيء والحوض صعب نشوفه بعد راجع مستشفيات ثانية والموعد خذته بواسطة :)

واذا انا من سكان الوكرة كل يوم مشوار لين الوعب مع الزحمة وعوار الراس المريض بنفسه بيكره الروحه والعلاج



صح كلامكم للاسف اسبيتار ماياخذون الا الاصابات الرياضيه .


يوجد هناك خيارات بديله !


مستشفى الوكره عندهم علاج طبيعي والضغط عندهم قليل بعكس الرميله او الصحه المدرسيه الي ماتحصل عندهم موعد الا بالعافيه من شدة الزحام





وايضا مركز ايكون الطبي وهو مركز عظام ممتاز وعندهم دكتور شاطر كان شغال في عيادة الدوحه سابقا اسمه عمرو عبدالقادر


http://www.icon-medical.com/



هذي صفحتهم بالنت

وهو مستشفى متخصصين فقط للعظام و موقع المستشفى عند اشارات دوار المجنون سابقا بجانب فندق كراون بلازا مقابل مكتبة جرير في شارع النجمه

[ابن سينا]

عيادة الدوحة عندهم مستشفى العظام وعلاج طبيعي وعندهم الدكتور ( بات ) اسأل عنه معروف حق الحالات ذي والتونسية الي تسأل عنها تعمل في هذا المركز

[ابن سينا]

عيادة الدوحة عندهم مستشفى العظام وعلاج طبيعي وعندهم الدكتور ( بات ) اسأل عنه معروف حق الحالات ذي والتونسية الي تسأل عنها تعمل في هذا المركز

[Chanel]

اخي الفاضل فيه علاج طبيعي قريب اللاند مارك المعالج اسمه حمد بحريني يمدحونه العائله اللي جربوه
والعلاج على التامين والله ييسر اموركم