المساعد الشخصي الرقمي

مشاهدة النسخة كاملة : استيراد طيور عن طريق البر من السعودية


غريب الدّار
20-10-2015, 09:21 AM
السلام عليكم

واحد من الربع يبي يستورد طيور عن طريق البر ويدخلها الدوحة
هو بيروح بسيارته

قالوا له ان في تصريح لازم ياخذه من البيئة وهذا مقدور عليه
حد فيكم يعرف شنهي الإجراءات الثانية ؟


وقواكم الله
R 7 A L
20-10-2015, 10:46 AM
اول شي يأخذ تصريح من وزارة البيئة
بعدها قبل مركز سلوى السعودي يمر مبنى الثروة الحيوانية يخلص منهم بعدها يدخل عادي
اهم شي يكون الفترة الصباحية
غريب الدّار
21-10-2015, 08:11 AM
اول شي يأخذ تصريح من وزارة البيئة
بعدها قبل مركز سلوى السعودي يمر مبنى الثروة الحيوانية يخلص منهم بعدها يدخل عادي
اهم شي يكون الفترة الصباحية
رحم الله والديك ياشيخ رحال
ماقصرت

بس ياخي المشكلة ان الأخ بيروح يوم الجمعة ان شاء الله
وطبعا تدري كل شي امسكر

وبصراحة هو سأل وقالوا له انه يقدر يخلص كل شي في مركز سلوى نفسه

مادري شلون !!
هل في مكاتب حق الثروة الحيوانية هناك؟؟
طموحي عالي
21-10-2015, 09:28 AM
ماعتقد الجمعه يكونون فاتحين اذا الشاحنات يعطلونهم من الخميس لي الاحد
بسبب الجمرك غير مفتوح بالويكند
غريب الدّار
21-10-2015, 09:29 AM
ماعتقد الجمعه يكونون فاتحين اذا الشاحنات يعطلونهم من الخميس لي الاحد
بسبب الجمرك غير مفتوح بالويكند

مشكور الشيخ

يعني لو راح يوم الاحد مثلا او الاثنين ان شاء الله راح يخلص كل اموره في الجمرك؟

قصدي يعني الأمور كلها اتخلص في مركز سلوى ؟
البرونزي
21-10-2015, 10:49 AM
يبيلها تصريح من وزارة البيئة القطرية + لحاف
في مركز سلوى يستخدم للحاف ولايقول لهم عنده طيور
وفي مركز ابوسمره يطلع التصريح
غريب الدّار
21-10-2015, 11:15 AM
يبيلها تصريح من وزارة البيئة القطرية + لحاف
في مركز سلوى يستخدم للحاف ولايقول لهم عنده طيور
وفي مركز ابوسمره يطلع التصريح

؟
انت من صجك اخوي؟

أصلا شهادة المنشأ والشهادة الصحية يطلبونها في بو سمرة
ولا ليش أصلا يظهرهم؟
لما يطلع من سلوى أساسا ماراح يتفتش علشان يغطيهم

سوالف التهريب تنفع مع الجراخية من الحسا يابن الحلال مب مع طيور
:)

رحم الله والديك

ماقلت لنا اللحاف مع شرشف ولا بدون؟
البرونزي
22-10-2015, 09:20 AM
؟
انت من صجك اخوي؟

أصلا شهادة المنشأ والشهادة الصحية يطلبونها في بو سمرة
ولا ليش أصلا يظهرهم؟
لما يطلع من سلوى أساسا ماراح يتفتش علشان يغطيهم

سوالف التهريب تنفع مع الجراخية من الحسا يابن الحلال مب مع طيور
:)

رحم الله والديك

ماقلت لنا اللحاف مع شرشف ولا بدون؟

ههههههههههههههه والله اذا لك في العباله مشكلتك
انا اتكلم من تجارب شخصيه والفحص يفحصونها في بوسمره
وياخذون التصريح منك ويقولون لك مع السلامه بتصل لك اذا الطيور فيهم شي
وللحاف يبيله مخده حق الرقده اذا بتنتظر تصاريحك تخلص من السعودية هههههههههههههههههه
غريب الدّار
22-10-2015, 09:26 AM
ههههههههههههههه والله اذا لك في العباله مشكلتك
انا اتكلم من تجارب شخصيه والفحص يفحصونها في بوسمره
وياخذون التصريح منك ويقولون لك مع السلامه بتصل لك اذا الطيور فيهم شي
وللحاف يبيله مخده حق الرقده اذا بتنتظر تصاريحك تخلص من السعودية هههههههههههههههههه

عيل اهم شي مكيف الموتر يكون اوكي حق الرقاد :)

لا ياالبرونزي انا ماقصدت جذيه

انا قصدت :
ان دام في تصريح من وزارة البيئة
شله اللحاف اصلا؟
البرونزي
22-10-2015, 01:46 PM
عيل اهم شي مكيف الموتر يكون اوكي حق الرقاد :)

لا ياالبرونزي انا ماقصدت جذيه

انا قصدت :
ان دام في تصريح من وزارة البيئة
شله اللحاف اصلا؟

لان مركز سلوى مرات يطلون في الموتر
يركزن على تهريب الحلال والطيور والمواد التموينيه المدعومه
لان اذا حصلو هالاشياء مايردك الا الرياض اذا مهربها ,, واذا مكشوفه
وماعندك تصريح يرجعونك السعودية ,, مركزنا سهالات لكن الخروج من السعوديه هني المشكله
رجل الجزيرة
25-10-2015, 08:47 AM
على طاري سالفة الطيور:
سعودي صاده طير من ينبع على قولته طير نادر فعرضه للبيع من الصباح ويوم جاء وقت المساء فإتصل به قطري وشراه ب 620 ألف ريال.