هوشة سيارات في اللؤلؤه

[ولد الرياان]

بالامس كاتب موضوع عن هوشة فيلاجيو واحد من الاعضاء يقول لاتعطون الموضوع اكبر من حجمه وهي كانت مشاجرة
اما اليوم نوصل لمشكلة للؤلؤة والهوشة لي صارت هناك امس هوشة بالسيارات شدعوه تدعم وكان راح يتسبب في دهس الناس الموجودين
وتوقعون شنو نظرة الناس لي جاية سياحة وفي احد معالم قطر يشوفون هذا المنظر...

[ضوى]

شفت المقطع ووايد تخرعت ، الله يحفظ عيالنا يارب

يهالة وقلة عقل وغياب الامن

[غايه الطواش]

اقترح نفتح قسم للهوشات

[حرف]

هذولا بعد من تكساس ولا غير ؟

[ya3coub]

الله اعلم وصلني مقطع فيديو بأحد القروبات و سئلت محد رد علي

الطريقة الي مجتمعين فيها الناس توقعت انها بنات بس التدعم و الناس حوله قد يكون مسوي شي استفز الي موجودين كلهم

الله العالم بس ياريت احد يوضح الي صار شنو بالنهاية رقمه أكيد مسجل و الي تضررو يقدرون يشتكون.

الفيديو يبين سيارات عالدوار, سيارات متعطله ورى سيارات جدام 3 سيارات صافه و نازلين منها.


الله يستر و يحفظ عيالنا و بناتنا من مثل هالتصرفات ولا حتى يكونون قريب منها

[ya3coub]

هذولا بعد من تكساس ولا غير ؟

هذولة North Carolina

Yeeeehaaaaaaa

[بومحمد المطاوعه]

صادوهم كلهم ولله الحمد

[حسن]

هذولا بعد من تكساس ولا غير ؟

لاطلعو من شيكاغو

:victory:

[بومحمد المطاوعه]

ها بوعلي
شرايك فالتصرف
؟

بتقول كبرتو الموضوع

ترى الموضوع كبير وياسواد ويهم
على الي صار للأسف

اتحفظ بلي صار وبالموضوع الي وصل لهذا التصرف ماقدر اكتبه
ولكن الحمدلله صادوهم

[حمد 2002]

البشر الله خالقهم يشتغلون ويعبدون وينتجون اذا تحول الوضع مثل حالنا اليوم زهق ملل ماعندة هواية او شغلة اونشاط او اهتمامات تشغلة يصير هالشكل سلبي وعصبي ويدور النشايب

[حسن]

ها بوعلي
شرايك فالتصرف
؟

بتقول كبرتو الموضوع

ترى الموضوع كبير وياسواد ويهم
على الي صار للأسف

اتخفظ بلي صار ماقدر اكتبه
ولكن الحمدلله صادوهم

والله يابومحمد

حتى هذه يعني مهب منتشره بشكل كبير

شوف

هذه الامور بما انها تسئ لبلادي
ولابد من محاسبتهم

والصراحه انا على يقين ان معاليه مايقصر

هناك فوضي اخلاقيه ماننكرها من الطرفين

واكيد تم معهم الاجرات القانونيه
بس بعد انا اعطف على هؤلاء المراهقين
لانهم ضحيه اهمال اوليا الامور

[العنيده]

ناس ماتعرف تستغفر وقت العصبيه .. الله يهدى الجميع ان شاء الله ..
يحتاجون دورات في السيطره على الاعصاب ..

[حسن]

ناس ماتعرف تستغفر وقت العصبيه .. الله يهدى الجميع ان شاء الله ..
يحتاجون دورات في السيطره على الاعصاب ..

يبيلهم عكاشه كلمتي المشهوره

مسمار في لوح

:)

[ولد الرياان]

والله ودك يجمعونها في كتيبة حمد ويلسبونهم بخيازرين عشان اذا فكر يفتن يحكه ظهر ويتذكر

[معماري قطري]

دورته في اليوتيوب ما حصلته اللي عنده يطرشه لي على الفيس أب

[الحياة الخالدة]

هذيلا ذكور ما تعلموا السنع ولا تربوا
و يستاهلون العقاب
كل من مسك له سيارة حسب نفسه رجال و قال يا أرض انهدي ما عليج قدي
أرواح الناس عندهم لعبة

[ضوى]

هالمشكلة هالعنترة مايخلونها لشي ينفع البلاد

[دايموند]

دورته في اليوتيوب ما حصلته اللي عنده يطرشه لي على الفيس أب

طلعت ع نياتك مال اول يوتيوب

اكتب هوشه سيارات في التويتر اكيد بتطلع لك ههه

[R 7 A L]

توني اشوف المقطع في تويتر
راعي السيارة الي ورى خبل تكسر وجه موترة

[Charisma]

اقترح نفتح قسم للهوشات

هههههههههه ، الله المستعان .

[حمد 2002]

المقطع للي ماجافه ..

http://cdn.top4top.co/d_2b179bf5f50.mp4

[المخفي]

الي ورا هو الغلطان

[LSBU]

شفت الفيديو بصراحة تصرف ارعن وغبي مثل هذا التصرف يجب ان يتعاقب اشد عقاب علية
بصراحة شي مخجل شنو بيقولون عنا الضيوف الي يزورونا بلدنا والله الموضوع صار يخوف

شخص يدعم السيارات وكان ممكن انة يدهس احد ويقتلة و اشخاص يتشاجرون في مجمعات تجارية بصراحة هذا تشوية لصورة بلدنا والي براء يتصيدون اي شي علينا يجب ان يعاقبهم القانون حتى النوعيات هذي تعتبر نحن في بلد مسلم ويوجد بة قانون يجب ان يحترم ونحن شعب يشهد لنا التاريخ على سماحتنا وحسن تعاملنا اما تطلع لنا نوعيات تشوة هالصورة هذا ما احد يرضا فية

انا حدث لي من تقريبا سنة شخص اعتداء علي وسبني وشتمني وهددة اني ابلغ علية قام عند الاشارة وقدم ودعم سيارتي و اشتكيت علية بالشرطة في الاخير انسجن اسبوع وسيارتي انا صلحتها من جيبي والله شي يقهر بصراحة المفروض المخطي يتحمل العقاب ويقوم بدفع تكاليف الاضرار الي يتسبب فيها كانت مدية او جسدية.

[R 7 A L]

شفت الفيديو بصراحة تصرف ارعن وغبي مثل هذا التصرف يجب ان يتعاقب اشد عقاب علية
بصراحة شي مخجل شنو بيقولون عنا الضيوف الي يزورونا بلدنا والله الموضوع صار يخوف

شخص يدعم السيارات وكان ممكن انة يدهس احد ويقتلة و اشخاص يتشاجرون في مجمعات تجارية بصراحة هذا تشوية لصورة بلدنا والي براء يتصيدون اي شي علينا يجب ان يعاقبهم القانون حتى النوعيات هذي تعتبر نحن في بلد مسلم ويوجد بة قانون يجب ان يحترم ونحن شعب يشهد لنا التاريخ على سماحتنا وحسن تعاملنا اما تطلع لنا نوعيات تشوة هالصورة هذا ما احد يرضا فية

انا حدث لي من تقريبا سنة شخص اعتداء علي وسبني وشتمني وهددة اني ابلغ علية قام عند الاشارة وقدم ودعم سيارتي و اشتكيت علية بالشرطة في الاخير انسجن اسبوع وسيارتي انا صلحتها من جيبي والله شي يقهر بصراحة المفروض المخطي يتحمل العقاب ويقوم بدفع تكاليف الاضرار الي يتسبب فيها كانت مدية او جسدية.


الحين كل الاشارات والشوارع بيكون فيها كيمرات وراح بسهوله يعرفون المخطي

[النهار]

لاحول ولاقوة الا بالله

[Charisma]

قم بتوصيل الكلمة بما يناسبها من الجانب الآخر.


دلال،،،،،،،،،،،،،،،،،،،،،،،،،،،،،،،،،،،،،،،،،تمادي
سوء تربيه،،،،،،،،،،،،،،،،،،،،،،،،،،،،،،،،،،استهتار
مظاهر،،،،،،،،،،،،،،،،،،،،،،،،،،،،،،،،،،،،،،قلة أدب
مغازل،،،،،،،،،،،،،،،،،،،،،،،،،،،،،،،،،،،،،،،صياعه
غياب الرادع،،،،،،،،،،،،،،،،،،،،،،،،،،،،،،،،،ذكور

[بانغ بانغ]

ممكن حد ايفيدنا هل هالامور مذكورة في قانون العقوبات فرضا لو حد اصيب ... هذا استهتار بالروح الادمية

المفروض جلد امام الملأ للعبرة

للأسف مجتمعات الخليج قبيلة ومحد يرضى

[العفراء]

شو السالفه بقطر كل يومين صايره ضرابه
ليش الناس جذا مب طايقين بعض
ما ابالغ لو قلت ان الزحمه لعبت دور بهالضغوطات

[.قطر.]

هههههه اشفيهم العالم مب صاحيين هاليومين :eek5: :omen2:

[ولد الرياان]

شو السالفه بقطر كل يومين صايره ضرابه
ليش الناس جذا مب طايقين بعض
ما ابالغ لو قلت ان الزحمه لعبت دور بهالضغوطات

الواضح من الفيديو المكان مافيه زحمه والسيارات لي موجودة تجمهر وفي اللؤلؤة يعني ماظن وراهم شي غير الدوارة لاشغل ولا مشغله اتوقع من ضربت الشمس ��

[حسن]

يعانون من اضطرابات نفسيه

هذه هي الزبده

طالبت بان يكون هناك اخصائي نفسي في جميع مؤسسات الدوله

انا صاحب هذه الفكره

[حسن]

يعانون من اضطرابات نفسيه

هذه هي الزبده

طالبت بان يكون هناك اخصائي نفسي في جميع مؤسسات الدوله

انا صاحب هذه الفكره
الصحه النفسيه تعلب دور كبير في الحياه الاجتماعيه

وبتقل نسبه الطلاق

[كلاسيك قطر]

انا عندي اقتراح ليش مايفتحون حلبه مصارعه ويشاركون فيها والناس تجي واتصفق لهم

والله صارت مطنزه عند االعالم

[بانغ بانغ]

يعانون من اضطرابات نفسيه

هذه هي الزبده

طالبت بان يكون هناك اخصائي نفسي في جميع مؤسسات الدوله

انا صاحب هذه الفكره
الصحه النفسيه تعلب دور كبير في الحياه الاجتماعيه

وبتقل نسبه الطلاق

الاضطراب النفسي لليهالو هذول ... ؟؟؟؟؟؟؟

وين دور المجلس الاعلى اللي تمدحونه

هذي فاتورة المخرجات التعليمية مع تربية البيت

من كذا الفجوة اللي نتكلم عنها بين البيت والمدارس .... ادت لظهور هذه المخلوقات !!!!

والقادم ادهى وامر

[كلاسيك قطر]

حسبي الله ونعم الوكيل

[العفراء]

الواضح من الفيديو المكان مافيه زحمه والسيارات لي موجودة تجمهر وفي اللؤلؤة يعني ماظن وراهم شي غير الدوارة لاشغل ولا مشغله اتوقع من ضربت الشمس ��

هلا اخويه

ترى يمكن الجماعه من قبل ما يوصلون المواقف و هم عالقين بالزحمه و طفرانيين

و لما وصلوا المواقف صار لهم موقف يمكن لفوا ع بعض او واحد منهم خذا باركن الثاني

و من هالضغوطات صارت الضرابة ،،،،، ما شفت الفيديو بس جذا احلل كتقدير للموقف

[ولد الرياان]

الفيديو موجود فوق لاموقف احذاهم ولا شي على دوار

[العفراء]

انزين بشوف الفيديووو :weeping:

[ولد الرياان]

ايه تذكرت موضوع بخصوص الهوشاات وصلت لرياضين لي انعدمت منهم الروح الرياضية
من كم يوم مباراة الهلال ولخويا لاعب احمد ياسر تهجم على مدرج نادي الهلال بغض النظر شقال لك واحد من الجمهور فلازم تكون عندك روح الرياضية وايضاء مباراة العربي ولخويا واكيد اغلبكم تابع المباراة كريم بوضيف لاعب لخويا يضرب واحد من لاعبين العربي بدون كورة وحذف الحكم باشارة الكابتن

اذا الرياضيين صاار يتهاوشون وهم لي يضربون فيهم المثل في الروح الرياضية فاشتبي من شبابنا يشوف هذاا الموقف

واحن دولة الرياضة شيقولون الاجانب لما يشوفون دوري الدوله لي بتستضيف كاس العالم

وللعلم لجنة العقوبات وقفت كريم بوضيف ستة¦ شهور وتغريمة ثالاثمئة * الف

[طلعة الروح]

حسبنا الله ونعم الوكيل،
عالم هيلق متسببه، ونطالب كحق عام أن يتم التحقيق
واختبار الدم للمتهمين كاجراء أولي، السجن مطلوب في هالحاله،ومهما كان السبب الذي دعى لارتكاب هذه العمله،
لأن نبي نحمي المجتمع عن جد من هالاشكال الفاسده.

[طلعة الروح]

في أغلب الردود لاحظت جملة " اش بيقولون عنا الاجانب"
مايهم رأي ونظرة الاجانب لأن كل مجتمع فيه مصايب وبلاوى،
كثر خير بلادنا اللي محتضنة كل أنواع الثقافات وضافه الصالح والطالح.

[طلعة الروح]

الاضطراب النفسي لليهالو هذول ... ؟؟؟؟؟؟؟

وين دور المجلس الاعلى اللي تمدحونه

هذي فاتورة المخرجات التعليمية مع تربية البيت

من كذا الفجوة اللي نتكلم عنها بين البيت والمدارس .... ادت لظهور هذه المخلوقات !!!!

والقادم ادهى وامر

لو فرضنا أن المجلس الأعلى صرح تعليمي لا صرح تربوى،
نظرية حسن ب تكون صحيحه بالنسبه لدور البيت والاهل في
زرع القيم، هذا اذا استبعدنا الجانب النفسي وانتكاس الفطرة السليمه لديهم.

[بنت شرق]

رغم انه مش مبرر، بس ما الوم الشباب ، يروحون الدوام زحمة يرجعون من الدوام زحمة والشرطة اذا امسكوا مكان بدل مايكون الوضع انسيابي صار الوضع زيادة بالزحمة
اكيد الاعصاب بتكون مشدودة والود ودك ايكون فيه وضع افضل بدل الزحمة

[السيف5]

غياب الردع القوي من الدولة

جعل البعض يتمادى

[طلعة الروح]

رغم انه مش مبرر، بس ما الوم الشباب ، يروحون الدوام زحمة يرجعون من الدوام زحمة والشرطة اذا امسكوا مكان بدل مايكون الوضع انسيابي صار الوضع زيادة بالزحمة
اكيد الاعصاب بتكون مشدودة والود ودك ايكون فيه وضع افضل بدل الزحمة

لو كانت هناك دورية موجودة وقت الحدث ما اظن يتجرأون بهذا الأمر الا اذا كانوا سكارى او متعاطين وهذا موضوع اخر.

عمر الزحمه والضغط المروري ما ارتبط بارتكاب جرائم مرورية مع سبق الاصرار والترصد.

[حرف]

لو هم تعبانيين على الفلوس الي اشتروا بها السيارات كان احترموا انفسهم

[راعي الكورفت]

ممكن تعطونا رابط الفيديو للهوشه :(

[aloosh]

هذي نتيجه لف في شوارع بدون هدف

[بوحارب]

نبي نعرف شنو السبب اللي خلاه يدعم الموتر كذا ؟

[بوحارب]

في أغلب الردود لاحظت جملة " اش بيقولون عنا الاجانب"
مايهم رأي ونظرة الاجانب لأن كل مجتمع فيه مصايب وبلاوى،
كثر خير بلادنا اللي محتضنة كل أنواع الثقافات وضافه الصالح والطالح.
اتفق معاج

معطين الأجانب اكبر من حجمهم

روحوا شوفوا بلادهم كيف في الاول !

[بومحمد المطاوعه]

بوحارب
ياريال لو عرفت الموضوع
بتضحك من اليوم لمليون سنه
هههههه
قول الحمدلله والشكر بس
قسم بالله
مب فشيله

الا صج صج فشيله كبيره ولا بعد عيال ناس وقبايل وكبار في السن للأسف

الله يهديهم بس
والحمدلله والشكر لك يارب

[ابن البيطار]

اتفق معاج

معطين الأجانب اكبر من حجمهم

روحوا شوفوا بلادهم كيف في الاول !

اي بلاد تقصد ؟ النظام والاحترام والادب والتعامل المثالي عندهم خصوصا في اوروبا الغربيه

[مهره]

شو السالفة ماشفت شي

[معماري قطري]

المقطع للي ماجافه ..

http://cdn.top4top.co/d_2b179bf5f50.mp4

مشكور يا اخوي

هذا شارب رد بول ومستوية له جوانح

[معماري قطري]

لو فرضنا أن المجلس الأعلى صرح تعليمي لا صرح تربوى،
نظرية حسن ب تكون صحيحه بالنسبه لدور البيت والاهل في
زرع القيم، هذا اذا استبعدنا الجانب النفسي وانتكاس الفطرة السليمه لديهم.

هو بقى فيه وقت نزرع القيم في البيت

[معماري قطري]

شو السالفه بقطر كل يومين صايره ضرابه
ليش الناس جذا مب طايقين بعض
ما ابالغ لو قلت ان الزحمه لعبت دور بهالضغوطات

يشربون رد بول وايد

[Me&OnLy]

الموضوع ومافيه ان الي يندعم موتره سب صاحب الموتر الثاني لانه يستعرض والي يستعرض ماعبره راح وسكر عليه الدوار قام ذاك ودعمه متعمد لانه سكر عليه

وانا من رايي انصح بالتي هي احسن تسبه وتلفظ عليه ليش!!
في شرطة تقوم بدورها خذ رقمه واشتكى عليه والا صوره فيديو كدليل واشتكى عليه
بدون ماتسبه ولا تغلط عليه


حسب ماوصلني والله اعلم

لكن انا ما ابرر تصرف الشخص الاخر اذا كان هذا السبب فعليا

ختاما ماقول الا شر البليه مايضحك

واسأل الله ان يحفظ شباب وبنات المسلمين

[بوراشد82]

من أمن العقوبة أساء الأدب ،، لو في عقوبات صارمه لهالنوعيات مثل سجن ظ¦ شهور او اكثر كان ماشفنا هالاشكال تتذابح فالمجمعات والشوارع،، مسويين فتوه عالعالم انه انا العصبي الشديد اللي محد قدي،، طبقوا عقوبات صارمه وشوفوا ساعتها اذا حد طلع له حس

[عبودي قطر]

لاحول ولاقوة الا بالله

[معماري قطري]

من أمن العقوبة أساء الأدب ،، لو في عقوبات صارمه لهالنوعيات مثل سجن ظ¦ شهور او اكثر كان ماشفنا هالاشكال تتذابح فالمجمعات والشوارع،، مسويين فتوه عالعالم انه انا العصبي الشديد اللي محد قدي،، طبقوا عقوبات صارمه وشوفوا ساعتها اذا حد طلع له حس

ما طبقوا العقوبات في المدارس يحسبون كل عقاب بس يا شاطر آخر مرة

[ممنوع اللمس]

راعي الهدد يوم شاف الفكسار يقرب منه
وضعية حط رجللك

[qatarman8008]

الحين راعي السيارة الامامية..
لو سكت عنه ومشى هو خسران..
ولو نزل سوى معاه مشكله هو خسران بعد..
واللي في الخلف في الحالتين ولا خسران شي..

[كلاسيك قطر]

ابصراحه كلهم بجه

[كلاسيك قطر]

الي حاب يشوفه في اليوتيوب
حصلته

https://youtu.be/Mf12Mrb4rhU

[حرف]

الحين هذا هواش ؟
هذا لعب بالسيارات

[الحياة الخالدة]

هذا تأثير السوني و البلاي ستيشن

[مختلفة عقليا]

السلام عليكم

يعني فلم هندي ., !! اول مره في التاريخ اثنين يتهاوشون !!

وخير يا طير ., !! واحد امعصب ووقت غضب ., خليتوه مريض نفسي ومو متربي ., !!

لا اتهولون الموضوع عشان انتشر الفيديو ., عادي اتصير بين الاخوان في البيت واتصير في أي مجتمع .,

الصح ان ما يتصرف في هالطريقة ., بس بعد الصح ان ما لقي احكام ع العالم (( وانردد شعارات ونمثل المثالية ))

ويسلموو

[LSBU]

انا الوم الاهل الي معرفوا يربون عيالهم وفكينهم بالشوارع وهم جهال لا يحشمون كبير ولا حرمة ولا اجنبي ولا احد

امس موقف صار قدامي عند وقت الشاي في الليل مادري شنو صاير بينهم يهال على جي ستندر حركوا واحد و اسمع يهال بسيارة صالون يقولون لة ياولد ***** وقف لو فيك خير وهذاك راح وخلهم وين عايشين احنا والله يهال مش متربين ياخي اخطاء عليك اخذ رقمة وروح اشتك اخذ حقك بالقانون.

انا مريت مرة بجنب مدرسة و اشوف يهال وقت طلعة المدارس مال الثانوية يقطون حصى على باصات الي تمر وقفت عندهم اكلمهم والله مثل القرود جاوني دخلوا وجيهم عندي شوي وبيضربوني حطيت رجلي على طول escape لسانهم طويل الله يعين مدير المدرسة عليهم.

[ريم الشمال]

قراءة أن الموضوع تم حله بين الاطراف
والسبب أن المتضرر قدر الاسباب التي أدت للتصرف
لا نعرف هؤلاء الشباب حالتهم وظروف حياتهم
الله يهديهم ويخليهم لأهلهم
ويمكن الموقف غريب لذلك حل بشكل سريع
الاسباب ليس بضرورة يعرفها الجميع

[بومحمد المطاوعه]

هذا تأثير السوني و البلاي ستيشن

هههههه
صدقتي والله

على بالهم ف سناء
يلعبون ههههه

[الحياة الخالدة]

هههههه
صدقتي والله

على بالهم ف سناء
يلعبون ههههه

صج والله
لما العيال و هم صغار و لين يكبرون تلقاهم مجابلين هالالعاب و يندمجون فيها
بكل ما فيها من عنف و دم و مداعم و مسابق
شنو نتوقع منهم لما يمسكون سيارات حقيقية و يطلعون في الشارع
بيشوفون الدنيا كلها سوني و بلاي ستيشن و تحدي

[حسن]

انا الوم الاهل الي معرفوا يربون عيالهم وفكينهم بالشوارع وهم جهال لا يحشمون كبير ولا حرمة ولا اجنبي ولا احد

امس موقف صار قدامي عند وقت الشاي في الليل مادري شنو صاير بينهم يهال على جي ستندر حركوا واحد و اسمع يهال بسيارة صالون يقولون لة ياولد ***** وقف لو فيك خير وهذاك راح وخلهم وين عايشين احنا والله يهال مش متربين ياخي اخطاء عليك اخذ رقمة وروح اشتك اخذ حقك بالقانون.

انا مريت مرة بجنب مدرسة و اشوف يهال وقت طلعة المدارس مال الثانوية يقطون حصى على باصات الي تمر وقفت عندهم اكلمهم والله مثل القرود جاوني دخلوا وجيهم عندي شوي وبيضربوني حطيت رجلي على طول escape لسانهم طويل الله يعين مدير المدرسة عليهم.

نصيحه اي واحد تشوفين موتره ستاندر وخري عنه

انا استغرب شلون الابهات يرضون يشترون لهم هل المواتر وهدفها اللعبه

[مرتبش]

البعض في المنتدى يفتخر انه يصك بريك في ويه اللي مايفتح له الطريق.. هذا الفيديو يبين لك شنو ممكن يصيرعقب صكة البريك.. وسلامتكم.

[طلعة الروح]

هو بقى فيه وقت نزرع القيم في البيت

اللي ماعنده وقت يربي عياله يمسك نفسه ولا يجيب عيال،
بيكون ريح المجتمع من الحثاله اللي بيظهرون من وراه وأجره ان شاء الله عظيم وماراح يتحاسب عليهم يوم القيامه لأنه مارباهم صح وملايكته بتكون مرتاحه لأن محد بيسبه من ورا تصرفات ذريته.

[طلعة الروح]

[QUOTE=qatarman8008;10231042]الحين راعي السيارة الامامية..
لو سكت عنه ومشى هو خسران..
ولو نزل سوى معاه مشكله هو خسران بعد..

طبيعي نتعاطف مع الي كان قدام من الي شفناه ب الفيديو، بكل الحالات نطالب بالتحقيق الكامل لان احنا شفنا نص المشكله وماعرفنا شصار قبل تصوير المقطع نفسه.

[كيلو حديد]

هالأمور كانت تحصل
الفرق أول محد يدري
الحين الكل يدري

ما يقصر الوتساب والناس ما يصدقون يشوفون شيء يطرشونه

بعد زيادة السكان منطقيا تزيد المشاكل

[عضو مشاكس]

فيكم لقافه غير طبيعة
بكرة بينفتح موضوع هوشه عند المطعم

[معماري قطري]

اللي ماعنده وقت يربي عياله يمسك نفسه ولا يجيب عيال،
بيكون ريح المجتمع من الحثاله اللي بيظهرون من وراه وأجره ان شاء الله عظيم وماراح يتحاسب عليهم يوم القيامه لأنه مارباهم صح وملايكته بتكون مرتاحه لأن محد بيسبه من ورا تصرفات ذريته.

واللي بيجيب عيال كان يعرف إن بيستوي عندنا ميلس تعليم أعلى وبيخلون البشر صغير وكبير يحك ليل نهار .. ويعرف إن في يوم من الأيام بيخلون العطلة الأُسبوعية جمعة وسبت وقبلها خميس وجمعة وبيمغطون اليوم الدراسي أو اليوم العملي لين العصر .. هذا ما قصدت بعدم وجود الوقت ولا قبل كان الوقت كافي وزيادة.

ألحين اللي يشتغل بذمة وضمير يطلع حتى ما يتريق مع عياله حتى يلحق على الدوام وسط الزحمة.

الله يعين شباب اليوم اللي بيسمع نصيحتك بيقول لا للزواج ولا للعيال حتى ما نحمل إثم

[بومحمد المطاوعه]

صج والله
لما العيال و هم صغار و لين يكبرون تلقاهم مجابلين هالالعاب و يندمجون فيها
بكل ما فيها من عنف و دم و مداعم و مسابق
شنو نتوقع منهم لما يمسكون سيارات حقيقية و يطلعون في الشارع
بيشوفون الدنيا كلها سوني و بلاي ستيشن و تحدي

صدقتي الله يهديهم
البعض لايحاسب ولا يحترم الناس
على باله الشارع ملك له والناس مب ارواح ولا بشر
يتصرف تصرف وحوش والعياذ بالله

[طلعة الروح]

واللي بيجيب عيال كان يعرف إن بيستوي عندنا ميلس تعليم أعلى وبيخلون البشر صغير وكبير يحك ليل نهار .. ويعرف إن في يوم من الأيام بيخلون العطلة الأُسبوعية جمعة وسبت وقبلها خميس وجمعة وبيمغطون اليوم الدراسي أو اليوم العملي لين العصر .. هذا ما قصدت بعدم وجود الوقت ولا قبل كان الوقت كافي وزيادة.

ألحين اللي يشتغل بذمة وضمير يطلع حتى ما يتريق مع عياله حتى يلحق على الدوام وسط الزحمة.

الله يعين شباب اليوم اللي بيسمع نصيحتك بيقول لا للزواج ولا للعيال حتى ما نحمل إثم


هذي ماهي نصيحه قد ماهي تحذير للجميع
ابي ننسى العوامل الخارجية ونفترض أن مافي مدارس،
الحين مب شرط تمسك مسطره وعصى عشان تربي
ع الأقل نبي كل أب يكون قدوة حسنة لولده بأفعاله وأقواله
، والباقي يتشكل مع الوقت من صفات وسلوكيات أخلاقية في نفس الولد.

أنا ماقول لا تزوجون وتنجبون ولكن انصح ب حسن اختيار الزوجين لبعضهما لأن العرق له تأثيره ع الاولاد اذا أحد الابوين
سيئ بالاخلاق او مب متربي صح.

[يوسف0]

هذي ماهي نصيحه قد ماهي تحذير للجميع
ابي ننسى العوامل الخارجية ونفترض أن مافي مدارس،
الحين مب شرط تمسك مسطره وعصى عشان تربي
ع الأقل نبي كل أب يكون قدوة حسنة لولده بأفعاله وأقواله
، والباقي يتشكل مع الوقت من صفات وسلوكيات أخلاقية في نفس الولد.

أنا ماقول لا تزوجون وتنجبون ولكن انصح ب حسن اختيار الزوجين لبعضهما لأن العرق له تأثيره ع الاولاد اذا أحد الابوين
سيئ بالاخلاق او مب متربي صح.

انتي متزوجه وعندج عيال ؟

[بوخالد911]

العقل في إجازة طويلة لدى البعض !!!

[ابن سينا]

كله يعتمد على التربية والوازع الديني

[شبعان]

شاب سعودي نجا من الموت بإعجوبه!!!


https://www.youtube.com/watch?v=AS0MGAp3LO0

[العنيده]

لا اله الا الله ..
عاد ساطور استغفر الله واللي معاه شكلهم صغار الله حفظهم ان شاء الله ..
ويهدي النفوس يارب ..

[Charisma]

كله من كول اوف ديوتي و GTA .:rolleyes2:

[حسن]

هذي ماهي نصيحه قد ماهي تحذير للجميع
ابي ننسى العوامل الخارجية ونفترض أن مافي مدارس،
الحين مب شرط تمسك مسطره وعصى عشان تربي
ع الأقل نبي كل أب يكون قدوة حسنة لولده بأفعاله وأقواله
، والباقي يتشكل مع الوقت من صفات وسلوكيات أخلاقية في نفس الولد.

أنا ماقول لا تزوجون وتنجبون ولكن انصح ب حسن اختيار الزوجين لبعضهما لأن العرق له تأثيره ع الاولاد اذا أحد الابوين
سيئ بالاخلاق او مب متربي صح.

كلام سليم واتفق مع رايك

:nice:

[كلاسيك قطر]

ترى غجر السعوديين
يضربون اب أي شي والله استغفر الله واللي معاه شكلهم صغار الله حفظهم ان شاء الله ..
ويهدي النفوس يارب

[سليمان احمد]

ان الفراغ والشباب والجده - مفسدة للمرء اية مفسده

[طلعة الروح]

انتي متزوجه وعندج عيال ؟

طيب حلل لي شخصيتي اذا كنت متزوجة او مب متزوجة بناءا على ردي السابق.

[يوسف0]

طيب حلل لي شخصيتي اذا كنت متزوجة او مب متزوجة بناءا على ردي السابق.

مثالي وايد ردج السابق من حيث اختيار الزوجين لبعضهما البعض ويكونان صالحين

حيث ان فالحقيقه نعم يكون الاختيار والبحث والتقصي من قبل الزوجين ولكن البعض يتوفق والبعض لا

فشكيت من كلامج انج متزوجه من الأساس وحبيت أسأل عشان ما احلل شخصيات وأدخل فالنوايا والزعل

فقط والسموحه اذا سؤالي ازعجكي