من راح طوكيوا

[مزعله النساء]

السلام عليكم ورحمة الله وبركاته

حابه أستفسر عن طوكيو...اذا في حد منكم زارها؟

وكم يوم يكفيها؟ واحسن الاماكن الي نروح له؟
والسكن؟

وشكرا

[بو راشد 1]

السكن فندق شنغريلا لاصق بمحطة طوكيو للقطارات، و ذلك لان المحطة فيها كل شي من محلات ومطاعم و مواصلات.
الاماكن: جبل فوجي + اسوسكا + اسواق غينزا + أكيهابارا + شينجيكو
اعتقد اسبوع يكفي

[مزعله النساء]

السلام عليكم
شكرا اخوي بوراشد على الرد

[A7med]

اذا للحين ما سافرتوا انا عندي ملف كامل لطوكيو ممكن ارفقه
مبدايا ان اشوف بننسولا ممتاز وموقعه الافضل

[ya3coub]

اذا للحين ما سافرتوا انا عندي ملف كامل لطوكيو ممكن ارفقه
مبدايا ان اشوف بننسولا ممتاز وموقعه الافضل

أخوي لو ترفقه احسن

[qatari911]

عندك منتدى زاد المسافر متخصص بالسفرات
فيه تقرير لوحده اسمها فراشة ابو ظبي كاتبه تقرير عن سفرتها بسنة 2014 و2015 بالتفصيل

[qatarlands]

بلد جدا جميل من اجمل البلدان الاي زرتها صراحه
والسفاره فيها ناس قمة الاحترام والاخلاق

انا سكنت في اكثر من فندق صراحه كلهم ممتازين واعتقد اذا بس طوكيو اسبوع يكفي

[Hassenfatima]

الله المستعان

[qatarman8008]

طوكيو مدينة جميلة ومنظمة جدا..
انا رحت لها بزيارة عمل وسكنت في سن شاين اللي هي بعيدة عن قلب العاصمة طوكيو..
لكن حق السياحة عندهم مدن كثيرة افضل من طوكيو..
مثل هيميجي واوساكا ويوكوهاما.. وخصوصا يوكوها ما لانها عالبحر وفيها مناظر عجيبة..
فيها دزني لاند الصراحة يستحق الزيارة لكن يبي له 3 ايام لان مثل ماتعرفون يكون مزحوم جدا..
جبل فوجي ايضا عجيب.. يفضل انه يكون ويك اند لانه حلاته في الزحمة..

[Hassenfatima]

أتمنى ان أزرها :shy:

[آخر حبه]

انصحك تدوح

طوكيو / كيوتو/ اوساكا

انصح السكن في فندق ذي بنينسوولا في شارع غينزا

والتنقل بالقطارات سهل، ولا زم اتزور منطقه اوديبا :)

وبخصوص دزني عندهم ثنتين ديزني العاديه و دزني سي


واي استفسار انا حاظر

[ايزو]

افضل طريقة للتنقل في اليابان مع العائلة والاطفال؟ وهل لبس النقاب عادي للنساء؟؟ يرجى الافادة

[qatari911]

افضل طريقة للتنقل في اليابان مع العائلة والاطفال؟ وهل لبس النقاب عادي للنساء؟؟ يرجى الافادة

بالقطارات احسن وأوفر لك وعلى حسب اطفالك كم اعمارهم
وبالنسبة النقاب عادي جدا اليابان روح لها وانت متطمن اكثر من شخص يروح مع زوجته وتكون منقبه والوضع عادي هي من الدول القليلة الي ماعنده مشاكل مع النقاب والاسلام
والحين قامت تفتح مطاعم حلال في اليابان وفي مطارهم حاطين غرفة للصلاة