عالم التطبيقات

[العفراء]

شوفوا احنا ترى عندنا وااايد مبدعين لكن ما ادري ليش محد تحرك بعالم التطبيقات

سمعنا عن هندي و عن صيني و عن اوروبي و امريكي و كلهم نجحوا فشو اللي ينقصنا علشان نتميز

و نبتكر تطبيق ينجح عالميا

في نظرتي لازم ان نعرف شو اللي يحذب الناس

مثلا الرياضه او السيارات يجذبون الشباب

و الموضه و الموديلات و التسوق يجذبون البنات

مثلا يعني لو في تطبيق الكتروني مع افكار مميزه لهالامور

يمكن بخلطه عقول مبدعه ينجحون و يتميزون عالميا و يصيرون من اصحاب الملايين

ما اظني صاحب الفيس بوك و تويتر نجحوا بالواسطات

و ما اظني ان الافكار انتهت ,,,, يمكن في ناس عندها افكار وما عندها الموارد

و يمكن العكس ليش لا


نبي يكون هالموضوع بداية لحلم اي شخص انه يدخل هالعالم و عل عسى تلقون النجاح

و ياليت اللي عنده افكار يشاركنا و حياكم الله

[Charisma]

سمعنا عن هندي و عن صيني و عن اوروبي و امريكي و كلهم نجحوا فشو اللي ينقصنا علشان نتميز



الدافع والطمــــوح : غابوا في ظل توفير كل وسائل الرفاهيه والدلال .

النظـــام التعليمــي : متهالك ، لايواكب المستجدات والعلوم الحديثه .

النـوادي العلميـــه : لا تنشط كما ينبغي ، ولا يوجد لها دور فعال .

التشجيع والتحفيز : لاوجود لهما سواء من الأسرة أو الجهه التعليميه.

تبنـــــي الأفكــــار : معدوم من الجهات المختصه ، وإن وجد فبشكل محدود .


عالم التطبيقات ، من المشاريع الناجحه ، إن وجدت الفكره والأبتكار في تنفيذها والأبداع في تسويقها .

[العفراء]

جواااب مفصل تفصيل بصراحه كفيت و وفيت اخويه بايلوت

و عالم التطبيقات اكيد فيها مشاريع ناااجحه بس تحتاج لعقول تعرف كيف فن الادارة و التدبير و اكيد تحتاج لموارد داعمه


ما يستوي افتح تطبيق لافلام الرسوم عندي وايد افلام انيميشن مع الترجمه

[aloosh]

انا اعمل تطبيقات
واكثر الطلبات نسخ نفس تطبيق معين
يعني ما فيه افكار يسوي تطبيق مختلف كليآ

[العفراء]

اخويه علوش ممكن تعطيني فكره لو بغيت اسوي تطبيق القرآن الكريم و اعرضه بمتجر ابل و قوقل بلاي ستور مجانا كيف الطريقه و
كيف خبرتك بهالشي و كم بيكلفني التطبيق بالكامل ؟

[aloosh]

قرآن بس
او مواقيت الصلاه والاذان
هذا بيطلع مكلف شوي

ام قرأن فقط مش مكلف

الرفع في ابل ستور وقوقل سهل

في ها الحاله تبين تطبيقين واحد حق الايفون
والثاني حق الهواتف الذكيه الاخرى

[بانغ بانغ]

انها الارادة هي من يبني الانجازات والتقدم

وليست اسماء القبائل والمحسوبيات ....

متى ما كان المجتمع مشجعا للابداع ... وجدت الكفاءات

[aloosh]

انها الارادة هي من يبني الانجازات والتقدم

وليست اسماء القبائل والمحسوبيات ....

متى ما كان المجتمع مشجعا للابداع ... وجدت الكفاءات

مثل واحد يقول ابي نفس الاستغرام
قلت له كم حاط ميزانيه لها البرنامج

قال 50000 قلت له حط بعد كم صفر مجرد بدايه:)

[العفراء]

قرآن بس
او مواقيت الصلاه والاذان
هذا بيطلع مكلف شوي

ام قرأن فقط مش مكلف

الرفع في ابل ستور وقوقل سهل

في ها الحاله تبين تطبيقين واحد حق الايفون
والثاني حق الهواتف الذكيه الاخرى



اخوويه انا اذا تسمح لي بتواصل معاك بالخاص و بنتفاهم و بنفس الوقت ياليت لو ما عليك امر
تحط معلومات وافيه علشان نخدم الموضوع عن تطبيق القرآن الكريم :

قرايه فقط

و قرايه و استماع

قرايه و استماع و تفسير

و مشكوووور

[العفراء]

انها الارادة هي من يبني الانجازات والتقدم

وليست اسماء القبائل والمحسوبيات ....

متى ما كان المجتمع مشجعا للابداع ... وجدت الكفاءات

اخويه بانغ بانغ اظن في محيطنا اظن الارادة موجوده و الموهبه موجوده
بس ينقص اصحاب المواهب و الارادة الدعم و اظن ان في ناس بعد داعمه للمواهب او حتى تبا تدخل بالتطبيقات للربح المالي و هذا شي مشروع جدا و المسألة تحتاج للتواصل بين اصحاب الافكار و اصحاب الموارد

[العفراء]

مثل واحد يقول ابي نفس الاستغرام
قلت له كم حاط ميزانيه لها البرنامج

قال 50000 قلت له حط بعد كم صفر مجرد بدايه:)

حليله والله يمكن كبدايه بيحط مبلغ بسيط لين ينجح في مشروعه و رؤيته
و انا ضد استنساخ التطبيقات و مع ابتكار الافكار اليديده و التركيز على الدخول للعالميه

[aloosh]

فيه شباب اعرفهم مبدعين قطرين
بس مالقو دعم صراحه

اخبر واحد منهم يبي يسوي تلفون للعميان مجرد ما تمر صبعك على رقم ينطق برقم

[sweet qatar]

مرحبا العفراء

الي اعرفه ان عندكم في الإمارات دعم كبير في هالمجال .. مثلنا


فيه شباب اعرفهم مبدعين قطرين
بس مالقو دعم صراحه

اخبر واحد منهم يبي يسوي تلفون للعميان مجرد ما تمر صبعك على رقم ينطق برقم

الدعم موجود و شباب قطر مستفيدين منه

أعرف مشروع " ابلكيشن " تدعمه حاضنة قطر للأعمال

المفروض الي عنده فكره يتواصل مع الجهات ويحاول يحتك فيها

مثل بنك التنمية أو دار الإنماء الاجتماعي

[بوحارب]

نبي تطبيق يجيب الراتب لين البيت بدون ماتروح الشغل


فيه نفرات يسوي كذا ولا ؟؟

[العفراء]

فيه شباب اعرفهم مبدعين قطرين
بس مالقو دعم صراحه

اخبر واحد منهم يبي يسوي تلفون للعميان مجرد ما تمر صبعك على رقم ينطق برقم

فكره رهيبه والله و المفروض منه يحاول و يسعى و يتواصل مع الشركات العالميه يتبنون فكرته و يحفظون حقوقه

[العفراء]

مرحبا العفراء

الي اعرفه ان عندكم في الإمارات دعم كبير في هالمجال .. مثلنا



الدعم موجود و شباب قطر مستفيدين منه

أعرف مشروع " ابلكيشن " تدعمه حاضنة قطر للأعمال

المفروض الي عنده فكره يتواصل مع الجهات ويحاول يحتك فيها

مثل بنك التنمية أو دار الإنماء الاجتماعي


مرااحب اختي سوييت

صح شي جهات تدعم الافكار و التطبيقات بس يمكن لاني مب متعمقه بهالخصوص فما ادري عنهم

حلو انج تنوريني بهالمعلومات و بنفس الوقت تعطيني انطباع ان لج ميول او تجارب بهالخصوص بالتوفيق اختي و ربي يحفظج

[Charisma]

جواااب مفصل تفصيل بصراحه كفيت و وفيت اخويه بايلوت

و عالم التطبيقات اكيد فيها مشاريع ناااجحه بس تحتاج لعقول تعرف كيف فن الادارة و التدبير و اكيد تحتاج لموارد داعمه


ما يستوي افتح تطبيق لافلام الرسوم عندي وايد افلام انيميشن مع الترجمه



الأبل ستور والقوقل بلاي ، لو فرزنا البرامج فيهم بنلقى ان لكل فكره 10 الالاف برنامج مشابه ، خمسه منهم ماشي سوقهم لان في "أبداع" في الفكره وتصميمها ، والباقي زيادة عدد .

المطلوب أفكار " مبتكره " ، وتصميم وتسويق "ابداعي" ، الأرباح ممكن تكون من الأعلانات او مقابل مبلغ مادي لشراء البرنامج ، إن كان فعلا يقدم خدمه فريده تستاهل الشراء .

[العفراء]

نبي تطبيق يجيب الراتب لين البيت بدون ماتروح الشغل


فيه نفرات يسوي كذا ولا ؟؟


بو حارب هالتطبيق بتحصله بهالدوله الافريقيه اللي حاكمهم خلا اجازة الويكند 3 ايام

بس جان تبا الصدق اكيد شي تطبيقات بتكون ربحيه و بتخلي الغوازي اتيييك لين البيت بس انت شغل عقلك و فكر يالشييخ

[معماري قطري]

سويت مرة تطبيق حلو لمدير ادارة فيها اقسام ومخازن وأراضي فاضية

قلت له باجيب لك التطبيق وباشرحه شلون وما قصر أحرجني صراحة باجتماع على مستوى واعجاب وكلام طيب .. بس في النهاية استصعبوا التطبيق ولا عندهم حد يحدث لأن التحديث مهم

التطبيق باختصار برنامج الاوتوكاد فيه شرائح مثل الشفافات .. وسويته بسرعة بحيث حطيت كل المباني الموجودة والمناطق اللي بتتطور بمباني حديثة ونوعيتها شبتكون .. ومنه نكبر كل مبنى وكل جزء فيه ونحط شريحة ( layer ) الأثاث مثلاً ونشوف كل المكاتب بالأثاث .. ولو نبغي نحط من المؤهلين حق هذا المكتب نحطهم في شفافية ثانية نقدر نخفيها ونعرضها بسهولة .. كل المعلومات عن الموظفين وكل السعات والمقاسات للمكاتب وكل جداول الصيانة .. صور لو نبي نشوف الصورة كاملة لكل المحتويات ولكل الموظفين .. تواريخ اجازاتهم ودراساتهم لو حد يدرس حتى أماكن التمديدات الكهربية وأرقام التلفونات مكتبية وخاصة ومنزلية.

التطبيق يعتمد على الرسم الهندسي وتدخل فيه برامج كثيرة مثل الجداول وغيرها .. ما ادري شصار بعدين ما شفتهم وتغير المدير مرات على ما اعتقد .. كان مهم كثير للمخازن وسمعت عن شركة مواد بناء مسوين تطبيق لمخازنهم بمبلغ 5 ملايين ريال بحيث كل قطعة يكون محلها وعددها معروف في أي مخزن وعلى أي رف .. دخلت مخزن لهم ارتفاعه حول 3 أدوار ويحددون وين القطعة وهالارتفاع كله أرفف حديد ويرتفع لفت متحرك خاص وعليه العامل وينزل القطعة من مكانها .. يبي له برمجة لازم ويبي له ناس تتابع وكانوا بسهولة أي حد يقدر يسوي لهم نظام تخزين بالجداول.

[kuwari]

التطبيقات تبعات ايجابيه وسلبيه

الايجابيه كبرامج دينيه وتعليميه

وسلبيه مثل السناب والانستغرام

وكثر الاستفادة من والاجر منه ايضا

ما يصير نسوي برنامج واخرها فساد اخلاقي وعرض فيه اشياء محرمه

والكل له وجهات نظر لها كل الاحترام والتقدير

[sweet qatar]

مرااحب اختي سوييت

صح شي جهات تدعم الافكار و التطبيقات بس يمكن لاني مب متعمقه بهالخصوص فما ادري عنهم

حلو انج تنوريني بهالمعلومات و بنفس الوقت تعطيني انطباع ان لج ميول او تجارب بهالخصوص بالتوفيق اختي و ربي يحفظج

هلا حبيبتي

ان شالله تتواصلين و تطلعين بأفضل تطبيق

تاخذين عليه أجر الصدقة الجارية :o

بصراحة شي محزن ان دولتنا موفرة كل الإمكانيات لشبابنا وبناتنا للإبداع

والله شي ننحسد عليه

وفي الأخير ما تلقي غير التحندي والتحلطم !!

علي فرض إنهم مايدرون أو ماعندهم خبر ... بعد ما يصير يتكلمون هالشكل السلبي علي شي يجهلونه

موفقة يالغلا

[العفراء]

صباااح الخير بايلوووت

صحييح شي وايد من التطبيقات تتشابه بس بالنهايه ما يصح الا الصحيح و اللي ينجح و يستمر و تكون له جوده عاليه و تصاميم راقيه و انتشار واسع و اظن التركيز ع الانتشار من حيث الترجمه لعدة لغات

الناس تحب التواصل الاجتماعي علشان جذا تطبيقات مثل فيسبوك و تويتر و انستغرام و سناب جات و واتساب لاقوا نجاح كبير و الحلو انهم مستمرين بالتطور و ترقية تطبيقاتهم و اضافة اية نواقص
احس اللي بيحاول انه يفكر يسوي تطبيق للتواصل الاجتماعي بيكون مصيره الفشل لان هالتطبيقات سوت كل شي

بتبقى امور ثانيه تحتاج للتركيز و الابداع و الابتكار مثلا تطبيق سياحي متكامل من ناحية الافكار و بطريقه و افكار تخلي اي مسافر يستعين فيه و انت كطيار الله يحفظك و تسافر وايد اكيد اتعرف وايد امور عن السفر و شو حاجيات المسافر و حلو انه يكون فيه تطبيق مثلا فيه معلومات عن كل الدول و المعالم السياحية و الفنادق و افضل طرق المواصلات في الدول و فرق سعر العمله و توجيهات امنيه و اقتصاديه للسايح و دراسيه مثلا للطالب و تجاريه للي حاب يستثمر مع توفير كل لغات الدول في التطبيق علشان يستخدمها المسافر و تكون فيه خانه علشان كل المكاتب السياحيه و الفنادق و مراكز التعليم و اي جهات استثماريه و اي جهة تخدم المسافر يكون لهم خانه بالتطبيق علشان يحطون اعلانات لهم و مثلا بالبدايه و اول سنتين بتكون هالمساحه لهم مجانا لين يكبر و يزيد عدد المشتركين بالتطبيق و عقب لما يصير التطبيق مصدر دخل لهم بفرض عليهم رسوم على اعلاناتهم و انا اشوف هالفكره حلوه بس ينقصها اللي انت تشير اليه و هو الابتكار و الجوده في التصميم و الابداع فيه و اكيد شي وااايد افكار تحتاج لعقول مبدعه تمخم فيها و تطلع بشي حلو و يديد فعالم التطبيقات

[العفراء]

سويت مرة تطبيق حلو لمدير ادارة فيها اقسام ومخازن وأراضي فاضية

قلت له باجيب لك التطبيق وباشرحه شلون وما قصر أحرجني صراحة باجتماع على مستوى واعجاب وكلام طيب .. بس في النهاية استصعبوا التطبيق ولا عندهم حد يحدث لأن التحديث مهم

التطبيق باختصار برنامج الاوتوكاد فيه شرائح مثل الشفافات .. وسويته بسرعة بحيث حطيت كل المباني الموجودة والمناطق اللي بتتطور بمباني حديثة ونوعيتها شبتكون .. ومنه نكبر كل مبنى وكل جزء فيه ونحط شريحة ( layer ) الأثاث مثلاً ونشوف كل المكاتب بالأثاث .. ولو نبغي نحط من المؤهلين حق هذا المكتب نحطهم في شفافية ثانية نقدر نخفيها ونعرضها بسهولة .. كل المعلومات عن الموظفين وكل السعات والمقاسات للمكاتب وكل جداول الصيانة .. صور لو نبي نشوف الصورة كاملة لكل المحتويات ولكل الموظفين .. تواريخ اجازاتهم ودراساتهم لو حد يدرس حتى أماكن التمديدات الكهربية وأرقام التلفونات مكتبية وخاصة ومنزلية.

التطبيق يعتمد على الرسم الهندسي وتدخل فيه برامج كثيرة مثل الجداول وغيرها .. ما ادري شصار بعدين ما شفتهم وتغير المدير مرات على ما اعتقد .. كان مهم كثير للمخازن وسمعت عن شركة مواد بناء مسوين تطبيق لمخازنهم بمبلغ 5 ملايين ريال بحيث كل قطعة يكون محلها وعددها معروف في أي مخزن وعلى أي رف .. دخلت مخزن لهم ارتفاعه حول 3 أدوار ويحددون وين القطعة وهالارتفاع كله أرفف حديد ويرتفع لفت متحرك خاص وعليه العامل وينزل القطعة من مكانها .. يبي له برمجة لازم ويبي له ناس تتابع وكانوا بسهولة أي حد يقدر يسوي لهم نظام تخزين بالجداول.


صباح الخير عمي المعماري
مشكور على عرض تجربتك الحلوه و الكبيره في عالم التطبيقات بس المفروض هالمشروع المهم ما يوقف من خلالك انت ،،، ادرس اسباب استصعاب المشروع من قبل المعنيين و حط الحلول و بنفس الوقت لا تقتصر فكرتك في انك تعرضها على مكان محدد لو مثلا بقطر ما توفقت فشو المانع انك تراسل اي جهات تتشابه مع مناخ عملك في دول ثانيه و تعرض عليهم فكرة التطبيق

عندك دبي و بوظبي و اكيد السعوديه و وايد دول تحولت لحكومات الكترونية و ذكيه اظن بتاخذ افكار اي تطبيق بمحمل الجد مع توفير الدعم لو شافت ان التطبيق بيخدمها فحلو انك تحاول تتجاوز محيطك و تسعى لتوصيل فكرتك و تطبيقك اللي اكيد اكيد اكيد يحتوي على عصارة تجربتك و الموضوع بيحتاج منك شوية وقت تكون فاضي و مركز ع السلبيات اللي استصعبوها قبل و تحط الحلول الممكنه و بضغطة زر تقدر تخاطب اي جهة حكومية او بنفس ميول التطبيق في اي دولة كانت و طبعا لقطر و من ثم الخليج الاولويه شد حيلك عمي المعمماااري و لا يوقف طمووحك شي

[راعي الكورفت]

يوجد تطبيقات كثيره بالعربيه واكيد المبرمجين عرب واحسن برنامج تطبيقي شفته الى الان هو برنامج القران الكريم على اجهزة الاندرويد والايفون.







جميل جدا :secret:

[العفراء]

التطبيقات تبعات ايجابيه وسلبيه

الايجابيه كبرامج دينيه وتعليميه

وسلبيه مثل السناب والانستغرام

وكثر الاستفادة من والاجر منه ايضا

ما يصير نسوي برنامج واخرها فساد اخلاقي وعرض فيه اشياء محرمه

والكل له وجهات نظر لها كل الاحترام والتقدير


اكيد اخويه الكواري شرات ما قلت ترى التطبيقات فيها اتجاهين

اتجاه للخير و اتجاه للشر

و بكل تاكيد لازم نحط باعتبارنا ان اي شي نسويه محسوب اما لنا او علينا

و لازم نبني الامور بايجابيه و باللي يرضي رب العالمين

اللي تفضلت فيه مهم وايد بسياق الطرح لان لازم الطموح و الحماس ما ينسينا الحق

مشكووور اخويه ربي يحفظك

[معماري قطري]

صباح الخير عمي المعماري
مشكور على عرض تجربتك الحلوه و الكبيره في عالم التطبيقات بس المفروض هالمشروع المهم ما يوقف من خلالك انت ،،، ادرس اسباب استصعاب المشروع من قبل المعنيين و حط الحلول و بنفس الوقت لا تقتصر فكرتك في انك تعرضها على مكان محدد لو مثلا بقطر ما توفقت فشو المانع انك تراسل اي جهات تتشابه مع مناخ عملك في دول ثانيه و تعرض عليهم فكرة التطبيق

عندك دبي و بوظبي و اكيد السعوديه و وايد دول تحولت لحكومات الكترونية و ذكيه اظن بتاخذ افكار اي تطبيق بمحمل الجد مع توفير الدعم لو شافت ان التطبيق بيخدمها فحلو انك تحاول تتجاوز محيطك و تسعى لتوصيل فكرتك و تطبيقك اللي اكيد اكيد اكيد يحتوي على عصارة تجربتك و الموضوع بيحتاج منك شوية وقت تكون فاضي و مركز ع السلبيات اللي استصعبوها قبل و تحط الحلول الممكنه و بضغطة زر تقدر تخاطب اي جهة حكومية او بنفس ميول التطبيق في اي دولة كانت و طبعا لقطر و من ثم الخليج الاولويه شد حيلك عمي المعمماااري و لا يوقف طمووحك شي

صباح الأنوار اختي ولو اننا دخلنا المساء من زمان

هذا مبدأ بسيط وسهل استعماله لأي إدارة ويمكن الصعوبة كانت في استخدام برنامج الاوتوكاد .. مع إني عرضت تدريب أي واحد يرغب وهو تطوير تقدرين تقولين لفكرة وأساسيات الجي بي اس لكن على نطاق محدود.

ممكن يستخدم لوزارة ومشتملاتها ولحتى بيت عادي .. وممكن نحط فيه بيانات أكثر تعقيد مثل أرقام سرية وحتى أرقام مفاتيح الأبواب والمجال مفتوح لدخول كثير من الأنظمة .. حتى قوقل ايرث ونحدد الموقع بالنسبة للشركات .. المشكلة تبقى في سهولة انتقال هذي المعلومات لأيدي خارجية.

بالنسبة للدفاع المدني المباني كلها ضروري تحديثها على الأقل كتوزيع أرضي مع معلومات بسيطة عن مخارج الطواريء وغيره .. ممكن استخدامها في الإحصاء والكثير من الدوائر لأغراض المسح السريع .. كثير من المباني موجودة مخططاتها بنسخة الكترونية عند التخطيط وجمعها في روابط معينة يسهل الدخول عليها بعد تحديد موقعها بالجي بي اس .. هذي المعلومات تنقل للدفاع المدني وهم في طريقهم للمبنى ويتم تحديد مداخله ومخارجه بسرعة.

[معماري قطري]

تعقيب بسيط .. انا ما كان عندي طموح لإختراع أو شيء كان حل اداري مناسب وسريع ورخيص وهو استخدام فقط وليس ابتكار

[معماري قطري]

حتى للبيت العادي نقدر نصور الفواتير والضمانات ونخزنها .. وجدول الصيانة وحتى الوصفات الطبية لكل شخص لسهولة المتابعة

[Charisma]

صباااح الخير بايلوووت

صحييح شي وايد من التطبيقات تتشابه بس بالنهايه ما يصح الا الصحيح و اللي ينجح و يستمر و تكون له جوده عاليه و تصاميم راقيه و انتشار واسع و اظن التركيز ع الانتشار من حيث الترجمه لعدة لغات

الناس تحب التواصل الاجتماعي علشان جذا تطبيقات مثل فيسبوك و تويتر و انستغرام و سناب جات و واتساب لاقوا نجاح كبير و الحلو انهم مستمرين بالتطور و ترقية تطبيقاتهم و اضافة اية نواقص
احس اللي بيحاول انه يفكر يسوي تطبيق للتواصل الاجتماعي بيكون مصيره الفشل لان هالتطبيقات سوت كل شي

بتبقى امور ثانيه تحتاج للتركيز و الابداع و الابتكار مثلا تطبيق سياحي متكامل من ناحية الافكار و بطريقه و افكار تخلي اي مسافر يستعين فيه و انت كطيار الله يحفظك و تسافر وايد اكيد اتعرف وايد امور عن السفر و شو حاجيات المسافر و حلو انه يكون فيه تطبيق مثلا فيه معلومات عن كل الدول و المعالم السياحية و الفنادق و افضل طرق المواصلات في الدول و فرق سعر العمله و توجيهات امنيه و اقتصاديه للسايح و دراسيه مثلا للطالب و تجاريه للي حاب يستثمر مع توفير كل لغات الدول في التطبيق علشان يستخدمها المسافر و تكون فيه خانه علشان كل المكاتب السياحيه و الفنادق و مراكز التعليم و اي جهات استثماريه و اي جهة تخدم المسافر يكون لهم خانه بالتطبيق علشان يحطون اعلانات لهم و مثلا بالبدايه و اول سنتين بتكون هالمساحه لهم مجانا لين يكبر و يزيد عدد المشتركين بالتطبيق و عقب لما يصير التطبيق مصدر دخل لهم بفرض عليهم رسوم على اعلاناتهم و انا اشوف هالفكره حلوه بس ينقصها اللي انت تشير اليه و هو الابتكار و الجوده في التصميم و الابداع فيه و اكيد شي وااايد افكار تحتاج لعقول مبدعه تمخم فيها و تطلع بشي حلو و يديد فعالم التطبيقات



صباح النور ،


تطبيقات السفر كثيره ومتنوعه وفي منها الشامل ، مثل TripAdvisor وغيرها من التطبيقات ، الأهم قبل تنفيذ الفكره ، التأكد من انها " مبتكره " ولاتوجد برامج مشابهه لها او تحمل نفس الفكره خصوصا لو كانت مثل هالبرامج مدعومه من شركات قوية دائمة التحديث لتطبيقاتها .

طرح برنامج مشابه لبرامج أخرى أعتقد انها مضيعة وقت .


يالله خذوا فكرة مجانيه من صوبي ، تطبيق " بدل " ، فكرته أعلانيه ، لاتعتمد على الشراء ، وإنما الأستبدال ، ويشمل كل المجالات : اراضي ، فلل ، اجهزه الكترونيه ، سيارات ، ..إلخ .


وملاحظه بسيطة لأي شخص مهتم في التصميم وبرمجة التطبيقات ، في هالوقت لو بغيت تتعلم مثل هالأمور التقنيه ، فأكبر وأضخم وأشمل مصدر هو "الانترنت" وخصوصا المنتديات التقنيه ، وقنوات اليوتيوب .


مثال على منصة IOS ، اللي تحتاجه تنزيل حزمة Xcode + حساب مطور ، ومراجعة المواقع التقنيه مثل :ايفون اسلام (http://iphoneislam.com/2015/08/learn-swift-programming-language-in-arabic/48565) عنده دورات احترافيه " مقابل مبلغ بسيط " وفي حسابات كثيره على اليوتيوب تشرح بشكل مفصل ، ويبقى المصدر الأشمل وهو مستر Google ، للتزود بمعلومات في مجال البرمجه وتصميم التطبيقات .


أعتقد العضو علوش متمكن في هالجانب ممكن يفيدكم :nice:

[محمد عبدالرحمن]

شوفوا احنا ترى عندنا وااايد مبدعين لكن ما ادري ليش محد تحرك بعالم التطبيقات

سمعنا عن هندي و عن صيني و عن اوروبي و امريكي و كلهم نجحوا فشو اللي ينقصنا علشان نتميز

و نبتكر تطبيق ينجح عالميا

في نظرتي لازم ان نعرف شو اللي يحذب الناس

مثلا الرياضه او السيارات يجذبون الشباب

و الموضه و الموديلات و التسوق يجذبون البنات

مثلا يعني لو في تطبيق الكتروني مع افكار مميزه لهالامور

يمكن بخلطه عقول مبدعه ينجحون و يتميزون عالميا و يصيرون من اصحاب الملايين

ما اظني صاحب الفيس بوك و تويتر نجحوا بالواسطات

و ما اظني ان الافكار انتهت ,,,, يمكن في ناس عندها افكار وما عندها الموارد

و يمكن العكس ليش لا


نبي يكون هالموضوع بداية لحلم اي شخص انه يدخل هالعالم و عل عسى تلقون النجاح

و ياليت اللي عنده افكار يشاركنا و حياكم الله





موضوع جميل،


قريباً جداً بإذن الله، و التفاصيل في وقتها.

[العفراء]

هلا حبيبتي

ان شالله تتواصلين و تطلعين بأفضل تطبيق

تاخذين عليه أجر الصدقة الجارية :o

بصراحة شي محزن ان دولتنا موفرة كل الإمكانيات لشبابنا وبناتنا للإبداع

والله شي ننحسد عليه

وفي الأخير ما تلقي غير التحندي والتحلطم !!

علي فرض إنهم مايدرون أو ماعندهم خبر ... بعد ما يصير يتكلمون هالشكل السلبي علي شي يجهلونه

موفقة يالغلا

هلا بالغاليه سويت

يمكن وايدين عندهم افكار وما عندهم خبر ان الدوله توفر الدعم لتطبيقاتهم او انهم يكونون خايفين من سرقة افكارهم وعدم دعمهم لان هالشي صار وايدد مع ناس سجلت بجهات دعم المشاريع الخاصة ,,,,,,,,,,,,,,,,,

انا بصراحه عندي افكار بس ما ادري يعني يمكن افكاري تحتاج لعقليه اكبر تكون مفتحه و صبوره وعندها همه للشغل

مثلا,,,,,,,

بالخليج معروف ان اهل الخليج يزورون دول بعض و خاصة دبي علشان السيارات

انا عندي فكره للي يحب يشتغل فيها و هي انه ينشئ تطبيق اكبر سوق سيارات للخليج والعرب

التطبيق يكون تصميمه مرتب ويشرح النفس و بعدها يدور على كل اسواق السيارات بدول الخليج ويوزع عليهم مثل كتيب تعريفي عن التطبيق وطريقة التسحيل

على اساس كل معرض او وكاله يسجلون بالتطبيق و يعرضون سياراتها وطرق البيع والتواصل مع الكل

اول سنه او 3 سنين يكون التطبيق مجاني مع ادارة شخصية من صاحب التطبيق ومعاه فريق عمل يحددون لهم الرؤيا بعد 3 سنين و خلال هالسنوات يحاولون يشهرون التطبيق بالمواقع بالجرايد بالتلفزيون بالشبكات الاجتماعيه علشان اصحاب المعارض و الوكالات يعرفون ان شغلهم من خلال التطبيق ياب لهم نتيجه وهالشي بيخليهم طبعا يتمسكون بالسوق الالكتروني اكثر

بعد السنين الثلاثه يفرضون رسوم مساحة على كل معرض او وكاله يستخدمون التطبيق و ياخذون نسبه بسيطة على كل سيارة تنباع عن طريق التطبيق وهالشي انا شفته بموقع الكتروني ياخذ ميتين درهم عن كل سياره تنباع عن طريق موقعهم

احس ان هالفكره حلوه بس تحتاج لاشخاص يدرسونها اكثر ويضيفون عليها ابتكاراتهم و يبدعون فيها واهم شي الصبر والصبر والصبر خلال الفترة الاولى : )

[معماري قطري]

ما ادري التطبيق هو تطويع برنامج معين لعمل حسابات معينة أو تخزين معين .. أو المقصود هنا اختراع برنامج معين من الصفر؟

الابتكار مرهق ومتعب ويحتاج معرفة لغة برمجة معينة وشغل متواصل وفكرة .. مثل المسنجر مخترعه هندي من واشنطن ستيت .. وكنت ادرس هناك ودرست مع هنود الظاهر واحد منهم .. حاول يشتريه بيل غيتس ما رضى قال يبي يكون شريك وشريك ربحه مضمون من مبيعات أي نسخه من الوندوز .. وكل تطوير ياخذ هليه مبلغ وربح كثير .. كان المبلغ المعروض عليه 10 ملايين

[بن لادن]

الأبل ستور والقوقل بلاي ، لو فرزنا البرامج فيهم بنلقى ان لكل فكره 10 الالاف برنامج مشابه ، خمسه منهم ماشي سوقهم لان في "أبداع" في الفكره وتصميمها ، والباقي زيادة عدد .

المطلوب أفكار " مبتكره " ، وتصميم وتسويق "ابداعي" ، الأرباح ممكن تكون من الأعلانات او مقابل مبلغ مادي لشراء البرنامج ، إن كان فعلا يقدم خدمه فريده تستاهل الشراء .

أخوي بايلوت شوف بالبلاي ستور برنامج اسمه AbbrAviation وقولي ايش رايك فيه ؟ واحد من الربع مسويه

[Charisma]

أخوي بايلوت شوف بالبلاي ستور برنامج اسمه AbbrAviation وقولي ايش رايك فيه ؟ واحد من الربع مسويه

هلا بك اخوي

دورته مالقيته ، تأكد من السبلنق .

[بن لادن]

هلا بك اخوي

دورته مالقيته ، تأكد من السبلنق .

السبلنق صحيح ، البرنامج ف البلاي ستور الخاص بالاندرويد

[Charisma]

لقيته ، يستخدم مصطلحات الطيران من ، notam , taf , metar وغيرها .

البرنامج جيد لكن في برامج متقدمه في هالمجال ، تعطيك المصطلحات وفيها خيارات تقنيه اكثر في تحويل الارتفاعات وقياسها على درجات الحراره cold wx ops , بالاضافة الى تقارير الطقس atis , ومعلومات مبسطه عن المطارات من مدرجات وطولها والموجات المستخدمه .


اذا قدر يطور البرنامج بحيث يشمل هالمميزات ويضيف عليها بعض الأفكار ويكون التصميم ( سلس ) واحترافي ، اتوقع بيلقى صدى ، وممكن ينطرح مقابل مبلغ مادي لان هالبرامج تعتبر خدميه احترافيه .


بالتوفيق

[شيخ الديرة]

الحاجة ام الاختراع
الحاجة تأتي من الخبرة
عندي تطبيقين اندرويد منشورة ومجانية
فكرتها بدأت من مشكلة، لم اجد من حلها قبلي، قلت احلها بنفسي، ثم قررت مشاركة الحل مع الآخرين

[sweet qatar]

هلا بالغاليه سويت

يمكن وايدين عندهم افكار وما عندهم خبر ان الدوله توفر الدعم لتطبيقاتهم او انهم يكونون خايفين من سرقة افكارهم وعدم دعمهم لان هالشي صار وايدد مع ناس سجلت بجهات دعم المشاريع الخاصة ,,,,,,,,,,,,,,,,,

انا بصراحه عندي افكار بس ما ادري يعني يمكن افكاري تحتاج لعقليه اكبر تكون مفتحه و صبوره وعندها همه للشغل

مثلا,,,,,,,

بالخليج معروف ان اهل الخليج يزورون دول بعض و خاصة دبي علشان السيارات

انا عندي فكره للي يحب يشتغل فيها و هي انه ينشئ تطبيق اكبر سوق سيارات للخليج والعرب

التطبيق يكون تصميمه مرتب ويشرح النفس و بعدها يدور على كل اسواق السيارات بدول الخليج ويوزع عليهم مثل كتيب تعريفي عن التطبيق وطريقة التسحيل

على اساس كل معرض او وكاله يسجلون بالتطبيق و يعرضون سياراتها وطرق البيع والتواصل مع الكل

اول سنه او 3 سنين يكون التطبيق مجاني مع ادارة شخصية من صاحب التطبيق ومعاه فريق عمل يحددون لهم الرؤيا بعد 3 سنين و خلال هالسنوات يحاولون يشهرون التطبيق بالمواقع بالجرايد بالتلفزيون بالشبكات الاجتماعيه علشان اصحاب المعارض و الوكالات يعرفون ان شغلهم من خلال التطبيق ياب لهم نتيجه وهالشي بيخليهم طبعا يتمسكون بالسوق الالكتروني اكثر

بعد السنين الثلاثه يفرضون رسوم مساحة على كل معرض او وكاله يستخدمون التطبيق و ياخذون نسبه بسيطة على كل سيارة تنباع عن طريق التطبيق وهالشي انا شفته بموقع الكتروني ياخذ ميتين درهم عن كل سياره تنباع عن طريق موقعهم

احس ان هالفكره حلوه بس تحتاج لاشخاص يدرسونها اكثر ويضيفون عليها ابتكاراتهم و يبدعون فيها واهم شي الصبر والصبر والصبر خلال الفترة الاولى : )

لأن أفكارج جميلة .. فهي موجودة في الاب ستور :o

ماي جلف كار

قطر سيل

قطر كارز

بيزات

ماشالله عليج حطيتي خطة تسويقية متكاملة ذكرتيني ببداية موقع كار سمسار


شوفي حبيبتي .. الأفكار ماعليها خوف

اليوم شفت مخترع سعودي في السناب .. عرض اختراعه الي هو جهاز تكييف يرتبط بحرارة الجسم ويتغير أوتوماتيك

وهو للحين في مرحلة تثبيت براءة الاختراع ... شفتي شلون الثقة ماشالله !!

الله يوفقه وييارك له

[sweet qatar]

الحاجة ام الاختراع
الحاجة تأتي من الخبرة
عندي تطبيقين اندرويد منشورة ومجانية
فكرتها بدأت من مشكلة، لم اجد من حلها قبلي، قلت احلها بنفسي، ثم قررت مشاركة الحل مع الآخرين

الله يجزيك خير ويجعله صدقة جارية لك