المساعد الشخصي الرقمي

مشاهدة النسخة كاملة : 5 آلاف ريال غرامة إلقاء المخلفات في الشارع ..


بصمة قطرية
20-10-2015, 02:00 PM
الدوحه _ قطر

5 آلاف ريال غرامة إلقاء المخلفات في الشارع

الاثنين 7/1/1437 هـ - الموافق 19/10/2015 م

الدوحة ـ الراية:

نظمت وزارة البلدية والتخطيط العمراني أمس دورة تدريبية لموظفي مشروع النظافة ومفتشي النظافة العامة بالبلديات لبيان أنواع المخالفات التي اشتمل عليها قانون النظافة العامة القطري وعقوباتها ودور المفتش في التطبيق.

في بداية الدورة قدم الدكتورأحمد أبو مصطفى المستشار القانوني بالوزارة كلمة افتتاحية تناول فيها أهداف الدورة وبيان الدور الذي يقوم به مفتش النظافة العامة من خلال البحث والتحري وتحرير محاضر ضبط المخالفات ومتابعتها، والنماذج المستخدمة في ضبط مخالفات النظافة العامة والإجراءات المتبعة في هذا الشأن وفقاً لأحكام قانون النظافة العامة رقم 8 لسنة 1974 وتعديلاته وقراراته التنفيذية.

ومن ثم تم تقديم عرض تقديمي بعنوان (أنواع مخالفات النظافة العامة وعقوباتها) اشتمل على سرد جميع أنواع النظافة العامة ودور المفتش في ضبطها وإثباتها وقيمة المخالفة في حالة التصالح مع البلدية، ومن ذلك

مخالفة الشروط والمواصفات في محارق القمامة الصلبة ومخالفتها 5000 ريال.

وإلقاء القاذورات والمخلفات بجميع أنواعها في الميادين والطرق والشواطئ ومخالفتها 5000 ريال..

والتبول أو التبرز في غير الأماكن العامة أو الخاصة المعدة لذلك ومخالفاتها 5000 ريال.

وترك المخلفات في الأراضي الفضاء أو الخربة ومخالفاتها 5000 ريال.

وترك أو رمي أكياس القمامة أمام المنازل ومخالفتها 100 ريال.

وإلقاء روث الحيوانات في الطرق أو الشوارع ومخالفتها 400 ريال.

وإلقاء الفضلات خارج الحاويات ومخالفتها 500 ريال.

والبصق على الأرصفة أو الطرق أو الأماكن العامة ومخالفتها 200 ريال.
المخفي
20-10-2015, 02:01 PM
ما كانت 10 الاف
بصمة قطرية
20-10-2015, 02:01 PM
كفوووو عليهم
أخيراً ..
أحلى قرار سمعته ..
من زمان ننتظر مثل هالقرار
عشان نفتك من الناس القذرة اللي تمشي و تقط
وصاختها في كل مكان ..
حسن
20-10-2015, 02:01 PM
عساهم على القوه

بس انا اخبر يابصمه هذه القوانين موجوده من زمان
المشكله في اليه التطبيق والموظفين الكفؤ

شكرا لك على نقل الخبر
حمد 2002
20-10-2015, 02:03 PM
مخالفات وايد بس مافيه تطبيق ..

شكرا اختي ..
مشاكل
20-10-2015, 02:04 PM
اتمنى زرع مفتشين عند محلات الشاي
اتوقع الحصيلة اليومية للمخالفات بتكون بمئات الالاف
بصمة قطرية
20-10-2015, 02:08 PM
ما كانت 10 الاف

ما عندي فكرة والله كم كانت ..
حسن
20-10-2015, 02:08 PM
اتمنى زرع مفتشين عند محلات الشاي
اتوقع الحصيلة اليومية للمخالفات بتكون بمئات الالاف

فعلا للاسف منظرغير حضاري من جيل اليوم اما هل الكرك اللي اصبح من تراثنا

يشربون يقطون كشرتهم

والله ان اخوي راح كيرلا يقول عود الجبريت ماتلقاه في الشارع
واحنا متعلمين ودارسين ويقطون زبالتهم في الشارع
المفروض ينزلون جميع الطلبه الشارع للتنظيف بهذا غرسنا قيم الاهتمام بالبيئه
اما جذي يبطي لن يتعلمون لو سوو الغرامه 100 الف بعد
بانغ بانغ
20-10-2015, 02:13 PM
اتمنى السجن يوم او كم ساعه ( حجز ) لمن يرمي متعمدا خاصة بعض الجنسيات فيهم غرور واضح

وايوسخون الشارع او الشاطئ

احس انها اشوي الغرامة

اما ردع قوي او عدم سن قوانين حق كم يوم وتنسي عقب
مشاكل
20-10-2015, 02:19 PM
اتمنى السجن يوم او كم ساعه ( حجز ) لمن يرمي متعمدا خاصة بعض الجنسيات فيهم غرور واضح

وايوسخون الشارع او الشاطئ

احس انها اشوي الغرامة

اما ردع قوي او عدم سن قوانين حق كم يوم وتنسي عقب

ليتك تروح وتشوف وصاختهم الله يعزك كل خميس وجمعة ع البحر
بانغ بانغ
20-10-2015, 02:21 PM
ليتك تروح وتشوف وصاختهم الله يعزك كل خميس وجمعة ع البحر

بالضبط .... فالحين على هل قطر بس
Charisma
20-10-2015, 02:23 PM
اتمنى زرع مفتشين عند محلات الشاي
اتوقع الحصيلة اليومية للمخالفات بتكون بمئات الالاف

هههههههه عجبني الرد ، بتكون في منافسه قوية بين المرور والبلديه .

عساهم عالقوه خطوه سليمه .
بشائر
20-10-2015, 02:43 PM
الله يعطيهم العافية .. وإن شاء الله يكون التطبيق سريع
ولله الحمد قطرنا تعتبر من الدول النظيفة ..أفضل من كثير من الدول ..
شكرا بصمة على الموضوع :nice:
aloosh
20-10-2015, 08:07 PM
والبصق على الأرصفة أو الطرق أو الأماكن العامة ومخالفتها 200 ريال.

مفروض 5000 ريال
ولا مراعين ان اللي يبصقون اسيوين فا راعوهم

معا العلم ان هذا ابشع منظر قد يمر عليك وانت في الطريق
يوسف0
20-10-2015, 10:32 PM
والبصق على الأرصفة أو الطرق أو الأماكن العامة ومخالفتها 200 ريال.

مفروض 5000 ريال
ولا مراعين ان اللي يبصقون اسيوين فا راعوهم

معا العلم ان هذا ابشع منظر قد يمر عليك وانت في الطريق

تعتبر ال200 وايد على مستوى رواتبهم خل ايخالفون وبعد فتره كل واحد يبلع ريجه :)

الاخبار تنتشر بسرعه عندهم وخاصتا المخالفات
وليف الشوق
20-10-2015, 10:33 PM
وترك أو رمي أكياس القمامة أمام المنازل ومخالفتها 100 ريال

مافهمت هالنقطه هذي واتمنى اللي يفيدني فيها اكون له من الشاكرين
وليف الشوق
20-10-2015, 10:36 PM
بالنسبة للبصق هذي يوميا" اعاني منها ويشهد الله اليوم مرتين تهاوشت من اثنين من الاسيويين يبصقون قدامي وفي مكان عام لكن الـ 200 ريال مااعتقد غرامه او عقوبه مشدده ،، على الاقل 1000 ريال عشان يتأدبون ويعرفون الذوق لان اهم اصلا يمثلون بلد بكبره في حال وجود سياح من دول الخليج والعربيه والاجنبيه ، ولنفرض راتب الاسيوي 1200 او 1500 لما نعاقبه بـ 1000 الف ريال راح يحرم هالشي وراح ينتشر الخبر بينهم لان الـ 1000 ريال بالنسبه لعمله بلاده تسوي الكثير وبهالطريقه راح يتجنب هالعاده القبيحه
بومحمد المطاوعه
20-10-2015, 10:38 PM
الحمدلله قرار حلو

ولو فيه جلد للمخربين وللوصخين

زين بعد

واتمنى ينزل قرار صارم على المدخنين الي يقطون الزقاير من موترهم

بعيد الشر تخلف
وجهل
معماري قطري
20-10-2015, 11:07 PM
مخالفات وايد بس مافيه تطبيق ..

شكرا اختي ..

معاك فيما قلت .. قوانين بس للجرايد .. ومخلفات البناء ومياه الصرف الصحي اللي تنكب في أماكن قريبة أريح لهم هذي شلون بيصيدونها .. قبل البتان شوي عندهم التزام ويسون المطلوب منهم ألحين النيباليين واخواننا العرب خبرة في التجاوزات

نبيهم يقدرون أول شيء بس على اللي يلوثون الجو بتدخينهم سواءً عند أبواب المجمعات أو داخلها
معماري قطري
20-10-2015, 11:10 PM
بالنسبة للبصق هذي يوميا" اعاني منها ويشهد الله اليوم مرتين تهاوشت من اثنين من الاسيويين يبصقون قدامي وفي مكان عام لكن الـ 200 ريال مااعتقد غرامه او عقوبه مشدده ،، على الاقل 1000 ريال عشان يتأدبون ويعرفون الذوق لان اهم اصلا يمثلون بلد بكبره في حال وجود سياح من دول الخليج والعربيه والاجنبيه ، ولنفرض راتب الاسيوي 1200 او 1500 لما نعاقبه بـ 1000 الف ريال راح يحرم هالشي وراح ينتشر الخبر بينهم لان الـ 1000 ريال بالنسبه لعمله بلاده تسوي الكثير وبهالطريقه راح يتجنب هالعاده القبيحه

اللي حاطها مراعي ظروفهم بس من زمان منشورة قوانين مشابهة شذكرهم ألحين .. يذكروني بالمدرس اللي يقول للطلاب والله العظيم حضرب ولا يضرب وتستمر المشاغبة
وليف الشوق
20-10-2015, 11:18 PM
اللي حاطها مراعي ظروفهم بس من زمان منشورة قوانين مشابهة شذكرهم ألحين .. يذكروني بالمدرس اللي يقول للطلاب والله العظيم حضرب ولا يضرب وتستمر المشاغبة

يقومون بافعال قذره على حساب ظروفهم ؟
مرتبش
20-10-2015, 11:28 PM
حبر على ورق ..وين هيبة القانون ورجال القانون
معماري قطري
21-10-2015, 03:23 AM
يقومون بافعال قذره على حساب ظروفهم ؟

على حسب معدلات الرواتب تكون الغرامة .. بس يفعلونها ويفكونا من هالأعمال انا معاك انها قذرة
مابدل العادات
23-10-2015, 01:53 PM
صدقوني لو يمرون شارع البنوك وصوب اشارات سينما الخليج يوم الجمعه بالذات

ويغرمونهم يمكن بتجيهم فلوس ميزانيه 10 سنوات قدام
مختلف جداََ
23-10-2015, 04:08 PM
الحين اللي بيتفل في الشارع شلون بيخالفونه

بيعطيه وصل يروح يدفع في البلدية ولا بيحصل المخالفه و هو واقف ؟؟

بيطلب من المخالف بطاقته يعني ؟

طيب في حال رفض المخالف ابراز بطاقته شالحل ؟
يلقي القبض عليه مثلاً ؟