حبوب االترامادول تفتك بشاب اثناء نومه

[العفراء]

اليوم توفى شخص بفريجنا و هو راقد
امه راحت توعيه لقته متوفي
هالكلام الصبح
الله يرحمه و يغفر له لقوا بحجرته مخدرات

وهذي ثالث حاله تستوي صوبنا انه يلقون شاب متوفي بأثر المخدرات

صارت منتشره حتى بالمدارس هالحبوووب اللي يسمونها الترامادول

و اغلبيتها حسب الكلام اللي نسمعه يكون مهرب من ايران

هالوقت احس دولنا محاربه بشده و يبون يفتكون بالشباب و يغرقون المنطقة بالمخدرات

لازم ما نستهين بالتربيه و لازم كل انسان يدير باله على اعياله و يعرف وين يروحوون و وين ايووون

لان الدنيا بهالوقت صارت تخوووف و كلها مخدرات و افات و امراض و بلاوي الله يرحمنا برحمته

[ضوى]

ليتج ماذكرتي اسم الدوا تفتحين عين الغافلين ، بس الحمد لله عندنا ادرجوه في الممنوعات يعني فيه تشديد على صرفه بشكل كبير

[بوسعود1122]

موجود في الجدول الخاص بالمواد المخدرة ،، يعني حيازته واستعماله عقوبه تعاطي وحيازة مواد مخدرة ، حاله حال الحشيش والمواد الثانيه عافانا الله

[بانغ بانغ]

قلة وعي وقلة توعية

نفس الردبول ... فجأة امنعوه ويهالو صارهم سنين يشربونه عالريج

[معماري قطري]

ليتج ماذكرتي اسم الدوا تفتحين عين الغافلين ، بس الحمد لله عندنا ادرجوه في الممنوعات يعني فيه تشديد على صرفه بشكل كبير

بالعكس ننتبه له ونحذر منه ونحذر عيالنا منه .. الردبول كثير دول منعت بيعه للقاصرين احنا عيالنا ياخذونه من ورانا ونحاسة على أساس كل ممنوع مرغوب

[معماري قطري]

قلة وعي وقلة توعية

نفس الردبول ... فجأة امنعوه ويهالو صارهم سنين يشربونه عالريج

بشرك الله بالخير زين انهم منعوه

[كازانوفا]

لا حول ولاقوة الا بالله بالفعل منتشر وسببه المندسين دسهم الله في نار جهنم كل هاي لتشتيت الاسر المسلمه

[بانغ بانغ]

بشرك الله بالخير زين انهم منعوه

وايبشرك بالجنة ان شاء الله

[monatee]

قلة وعي وقلة توعية

نفس الردبول ... فجأة امنعوه ويهالو صارهم سنين يشربونه عالريج




بشرك الله بالخير زين انهم منعوه


ترى من كم يوم ردووه وزادوه ريال :rolleyes2:

[ضوى]

صحيح لانه تم تحليله وطلع سليم ومليان كفايين اللي عنده مشاكل في القلب وتسارع في نبضات القلب المفروض يتجنبه تماما

[بصمة قطرية]

لا حول و لا قوة الا بالله
الله يرحمه و يغفر له
و يحفظ عيالنا و عيال المسلمين ..

[بصمة قطرية]

صحيح لانه تم تحليله وطلع سليم ومليان كفايين اللي عنده مشاكل في القلب وتسارع في نبضات القلب المفروض يتجنبه تماما

المفروض يمنعون بيعه للأطفال و المراهقين ..
الحين المعاصر و المطاعم تتفنن فيه بكل النكهات ..

[طلعة الروح]

قلة وعي وقلة توعية

نفس الردبول ... فجأة امنعوه ويهالو صارهم سنين يشربونه عالريج

شلون امنعوه وهو لازال يباع ف الجمعيات

[بانغ بانغ]

شلون امنعوه وهو لازال يباع ف الجمعيات

لا. صار لهم فترة اسحبوه .... اذا مخالف يتم التبليغ عنه او انهم سنوا قانون ما ينباع للي اقل من 18

[طلعة الروح]

لا. صار لهم فترة اسحبوه .... اذا مخالف يتم التبليغ عنه او انهم سنوا قانون ما ينباع للي اقل من 18

اوكي بس بعد مش حل عزيزي

[مرتبش]

اليهال يتمشون عند المدرسة بالردبول ..مادري ممنوع شلون؟

[بانغ بانغ]

اليهال يتمشون عند المدرسة بالردبول ..مادري ممنوع شلون؟

والله اخوي امنعوه من كم شهر واذا صرحوا لهم مرة ثانية ... مادري ايجوز او يمكن عندهم في البيت مخزون

العفرا اسمحي لنا دخلنا بر بموضوعك

[بانغ بانغ]

اوكي بس بعد مش حل عزيزي

صحيح والمشكلة مافي تنسيق بين البلدية وحماية المستهلك ووزارة الصحة وكل في فلك يتخبطون

والجيل العاشق لمثل هذه الممنوعات .... هم كبش فداء الامة

[حبر وقرطاس]

اللهم انفعنا بما علمتنا ...
النصيحه واجبه واللي يبي يسيء استخدامه ونيته نيه عبث يالله يروينا ويش بيجني غير الموت ؟!ترى جهنم تنادي كل يوم هل من مزيد ..

[ممنوع اللمس]

الله يرحمه ويغفر له
هالحبوب تهدي الاعصاب وتستخدم للمرضى النفسيين وهالحبوب قويه جدا جدا جدا
يعني ثلاث حبات مع بعض اتوقع قلبه يوقف

الله يبعد الشباب عنها فعلا هالحبه قويه