ليش .. في ناس اتخلي اعيالها في المجمعات بروحهم !!!

[بانغ بانغ]

كثرت الهوشات بشكل رهيب في الفترة الحالية

كثرت التحرشات من مكان لمكان

وكثير من الناس ايخلوون عيالهم بروحهم في المجمعات ....

بعدين اتصير مشاكل ونتحسف وكل واحد يطلع فيلسوف زمانه في التربية

سينما ومطاعم ويعطيه مصروف جيب وايخليه من 5 العصر لين 11 بالليل

اعرف ناس وايدين منهم ..

كل ويكند انروح المجمعات ... يهالو ايدخنون في الحمامات وانتوا بكرامة او عند البوابات او في المواقف ...

غروبات يهالو لا حسيب ولا رقيب عليهم

وبعدين نشتكي من تصرفاتهم


الله المستعان ... صحيح جيل ايخوف !!

[النهار]

خلها على الله يابانغ

[غريب الدّار]

والله يابانغ انا لي وجهة نظر في هالموضوع ، وبالذات على جملة جيل يخوف اللي دايما اضحك لما اقراها او اسمعها :
اعتقد ان في مبالغات كثيرة قاعدين نسمعها وتهويل في المواضيع

ومسالة جيل يخوف :
انت تصدق ان كل جيل يقول عن الجيل اللي عقبه هالكلام؟

ياخي الزمن يغير
الزمن يتطور
اكيد اللي سووه اجدادنا ماراح نسوي مثله
واللي ماسووه يمكن احنا نسويه
مثل مااجدادنا سووا اللي ماسووه اجدادهم
وماسووا اللي سووه اجدادهم بعد

الحياة تتطور
لايمكن المجتمع (أي مجتمع في العالم) يبقى على حاله ولا راح يصير فعلا مجتمع متخلف وجامد وخارج مسار التاريخ

اما سالفة هوشات زادت بشكل رهيب:
يابانغ صل ع النبي
الهوشات من زمان قاعدة تصير
وهي هي نفس الشي
اللي بيقول زادت يمكن يرد عليه واحد يقول نقصت
ولا هذا ولا ذاك عنده ارقام دقيقة

تدري وش هو الفرق يابانغ ؟
ان الحين في كاميرات ووسايل تواصل اجتماعي


صدقني
صدقني
صدقني
لو الكيمرات ووسايل التواصل الاجتماعي موجودة من عشرين او يمكن من ثلاثين سنة راح نسمع نفس الكلام : ان الهوشات زادت بشكل رهيب :)

المسألة طبيعية
مافي مجتمع يخلو من المشاكل
وانا اشوف (وهاذي وجهة تمثلني فقط) ان المجتمع القطري ولله الحمد مستقر وآمن
بفضل الله سبحانه أولا وأخيرا ثم بفضل الرجال اللي ماسكين البلاد

الله يعز البلاد ومن فيها

وقواك الله اخوي العزيز بانغ

خشمك
><

[غريب الدّار]

واحب أوضح وأأكد :
كل جيل يقول عن الجيل اللي بعده تقريبا نفس الكلام
الانسان في الغالب يقاوم التغيير (سواء سلبي او إيجابي)
اعتقد ان هاذي قاعدة نفسية قريتها مرة ويمكن أكون غلطان

[راعي الكورفت]

الحل في اشراكهم في الانديه الرياضية افضل من تركهم يصيعون في المجمعات بلاهدف

[بانغ بانغ]

والله يابانغ انا لي وجهة نظر في هالموضوع ، وبالذات على جملة جيل يخوف اللي دايما اضحك لما اقراها او اسمعها :
اعتقد ان في مبالغات كثيرة قاعدين نسمعها وتهويل في المواضيع

ومسالة جيل يخوف :
انت تصدق ان كل جيل يقول عن الجيل اللي عقبه هالكلام؟

ياخي الزمن يغير
الزمن يتطور
اكيد اللي سووه اجدادنا ماراح نسوي مثله
واللي ماسووه يمكن احنا نسويه
مثل مااجدادنا سووا اللي ماسووه اجدادهم
وماسووا اللي سووه اجدادهم بعد

الحياة تتطور
لايمكن المجتمع (أي مجتمع في العالم) يبقى على حاله ولا راح يصير فعلا مجتمع متخلف وجامد وخارج مسار التاريخ

اما سالفة هوشات زادت بشكل رهيب:
يابانغ صل ع النبي
الهوشات من زمان قاعدة تصير
وهي هي نفس الشي
اللي بيقول زادت يمكن يرد عليه واحد يقول نقصت
ولا هذا ولا ذاك عنده ارقام دقيقة

تدري وش هو الفرق يابانغ ؟
ان الحين في كاميرات ووسايل تواصل اجتماعي


صدقني
صدقني
صدقني
لو الكيمرات ووسايل التواصل الاجتماعي موجودة من عشرين او يمكن من ثلاثين سنة راح نسمع نفس الكلام : ان الهوشات زادت بشكل رهيب :)

المسألة طبيعية
مافي مجتمع يخلو من المشاكل
وانا اشوف (وهاذي وجهة تمثلني فقط) ان المجتمع القطري ولله الحمد مستقر وآمن
بفضل الله سبحانه أولا وأخيرا ثم بفضل الرجال اللي ماسكين البلاد

الله يعز البلاد ومن فيها

وقواك الله اخوي العزيز بانغ

خشمك
><

فديت خشمك اخوي غريب ... اعجز عن التعليق صراحة لعمق كلامك ... اللي انا بشكل شخصي اؤيده !!

[بانغ بانغ]

الحل في اشراكهم في الانديه الرياضية افضل من تركهم يصيعون في المجمعات بلاهدف

والله مقترح طيب .. من كذا يجب على الجهات المعنية استغلال فترة الشتاء / العنن لعمل نشاطات مدعومة في البر ... اقامة بطولات رياضية للعنن ووو مع جوائز وهدايا

اتفق معك راع الكورفيت

[ضوى]

هلا ياخوي بانغ

يعني شيسون الشباب غير مطاعم وسينما ، طول الاسبوع دراسة وضغط لازم يتنفسون شوي بس انت ربهم عدل واستودعهم رب العالمين والله يتوكل بامرهم

[بانغ بانغ]

واحب أوضح وأأكد :
كل جيل يقول عن الجيل اللي بعده تقريبا نفس الكلام
الانسان في الغالب يقاوم التغيير (سواء سلبي او إيجابي)
اعتقد ان هاذي قاعدة نفسية قريتها مرة ويمكن أكون غلطان

اتصدق احنا ( جيل السبيعينيات ) انفكر نفسنا احلى جيل

الوالد دايما ابقولي انتوا جيل الدمار والفسق ... طبعا يمزح

واحنا نفس الشي .. انقول نفس الشي

ههه حلوة دي

[ضوى]

اتصدق احنا ( جيل السبيعينيات ) انفكر نفسنا احلى جيل

الوالد دايما ابقولي انتوا جيل الدمار والفسق ... طبعا يمزح

واحنا نفس الشي .. انقول نفس الشي

ههه حلوة دي

عاد يقولون جيل السبعينات احسن جيل خلقاً

[بانغ بانغ]

هلا ياخوي بانغ

يعني شيسون الشباب غير مطاعم وسينما ، طول الاسبوع دراسة وضغط لازم يتنفسون شوي بس انت ربهم عدل واستودعهم رب العالمين والله يتوكل بامرهم


مرحبا اختي .. مب شباب

انا اتكلم عن الصغار .. اهلهم ايودونهم ويرجعون لهم بوعمر 10 - 15 سنوات

[ضوى]

مرحبا اختي .. مب شباب

انا اتكلم عن الصغار .. اهلهم ايودونهم ويرجعون لهم بوعمر 10 - 15 سنوات

وانا اقصد هالعمر ياخوي ، يعني اشلون بتطلعه ريال اذا كله تحت جناحك لازم تخليه يشيل مسؤولية نفسه بس ماتهمله ، يعني مثلا تنزله المجمع من بعيد لبعيد تراقبه تقعد بكافييه والا تتسوق وتخليه هو بالسينما والا بمطعم مع ربعه وتنبته وتحط عينك عليه ترا جيل هالوقت صعب جدا واللي يشوفونه اصعب واصعب الله يحفظهم ويجعلهم في رعاية الرحمن

[حسن]

تتوقع لها علاقه الأمراض النفسية

[عثرة جواد]

السلام عليكم

اخوي ف التربية لازم تعود اعيالك ع الاعتماد ع النفس وتعطية الثقة ف نفسة

وتتركة ع ارض الواقع ع شان تشوف الصح وتمدحه وتشوف الغلط وتقيمة

بس لازم متابعة ف الموضوع ويكون ف عقاب وثواب وهااي اهم نقاط ف بناء الطفل

بس لو كان الموضوع نفتك منهم ف هاي تعتبر قمبلة مؤقوتة لانه يكون لاحسيب والا رغيب

ويكون سهل لاي افكار هدامه او يتعرض لسلوكيات يمكن لايحمد عقباها


عسااك ع القوة

[بانغ بانغ]

تتوقع لها علاقه الأمراض النفسية

هلا بنوخذتنا

مادري امراض وعقد نفسية او يبون الفكة من اعيالهم او ينحاشون من المسئولية

[النهار]

مرحبا اختي .. مب شباب

انا اتكلم عن الصغار .. اهلهم ايودونهم ويرجعون لهم بوعمر 10 - 15 سنوات

انا قلت لك خلها على الله
وفي اعمار اصغر من العمر الي ذكرته يتركونهم في الحدائق

[حرف]

ترا الي اتشوفونهم اهلهم مثلكم يحبون عيالهم
لاحد يخمن ويظلم الناس وهو مايعرفهم يمكن عيالكم يسوون من وراكم مثلهم

[بانغ بانغ]

انا قلت لك خلها على الله
وفي اعمار اصغر من العمر الي ذكرته يتركونهم في الحدائق

صادق والله ... الله المستعان

[العفراء]

والله هالشي غلط

امس كنت بستي مردف و شفت شغالات و معاهن ولدين صغار و بنوته عسل

و كان واحد منهم يصيح و الشغاله قابضتنه من ايده اتييره قلت لها لا تسحبينه بهالطريقه و هي خافت

كنت ابسألها وين امهم او ابوهم لكن المكان زحمه و غمضوني حسيت محتاجين لاهلهم مب الشغالات يدورون فيهم

[بانغ بانغ]

ترا الي اتشوفونهم اهلهم مثلكم يحبون عيالهم
لاحد يخمن ويظلم الناس وهو مايعرفهم يمكن عيالكم يسوون من وراكم مثلهم

مرحبا حرف .... اشوفك امهدي هالايام

صحيح كلامك ومن كذا لازم الواحد ايحاسب ... بس انا تكلمت عن ناس اعرفهم ومنهم اعيال خالتي ... ايخلون عيالهم بروحهم لين 11 ويطلبون اعيالي ايروحون مع اعيالهم بس ارفض

الله المستعان

[♫ احسـاسـ طفلـهـ ♫]

والله للاسف الشديد نشوف كمية اطفال كبيره في السينمات ويتمشون بروحهم وبعض الاهالي عندهم عادي ويقولون يعتمدون على نفسهم عسى ماشر مصدقين ان هالكلام صحيح !! والله خالي من الصحه تماما عمره الطفل ولا المراهق ما بيعتمد على نفسه من التمشايه في المجمعات وين قد سمعتوا كلام فاضي بهالطريقه شنو الهدف اساسا من التمشايه في المجمعات او شوفة الافلام ( اللي للكبار فقط) في السينمات !! مافي شي بالدنيا يقنعك ان هالكلام صحيح لان والله شي يحز بالخاطر اهالي يتركون هالاطفال ولا المراهقين وقاعدين ويانا مثلا بفلم كبار ونسمع تعليقات قذره كيف طفل اصلا يدخل هالافلام ولا السينمات ويدش يشوف اشياء مو من مستواه الفكري واكبر بوايد من عمره وفوق هاي تعليقات تخدش الحياء ناهيك عن الازعاج الرهيب اللي نعاني منه بحيث تستخسر فلوسك لان ما بيخلونك اطالع اساسا يعني حتى اخلاقيات ماعندهم للاسف ولا يحترمون كبير ولا صغير وتعلموا يراددون و يقطون كلام وصخ شنو تعلم هو من هالشي غير الدمار الاخلاقي !! للاسف اللي يبي يعلم عياله يعتمدون على نفسهم اعتقد واضح وين يقدر يوديهم مثل ما تفضل احد الاخوه انديه ونشاطات والنشاطات بقطر بالهبل وعادي الاب يخصص شوي بس من وقته ويدخله مجالس الرياييل و يوديه رحلات اما برية ولا بحريه وهني يتعلم صج ويستوي ريال اما غير جذي كلام فاضي و مجرد حجج واهيه يبررون فيه الاهل الغير مسؤولين ويخلون مسؤوليتهم من عيالهم ترى مافي شي اسمه يكبر شوي وتخليه بدون رقابة العيال لازم تراقبهم في كل لحظه سواء بعلمهم او بدون علمهم والحين هالايام الامور تزداد خطوره ولازم الاهل يبذلون مجهود اكبر مب العكس يقطونهم ويخلونهم يولون وعقب لا فات الفوت ما ينفع الصوت !! ودمتم سالمين ^_^

[حسن]

والله هالشي غلط

امس كنت بستي مردف و شفت شغالات و معاهن ولدين صغار و بنوته عسل

و كان واحد منهم يصيح و الشغاله قابضتنه من ايده اتييره قلت لها لا تسحبينه بهالطريقه و هي خافت

كنت ابسألها وين امهم او ابوهم لكن المكان زحمه و غمضوني حسيت محتاجين لاهلهم مب الشغالات يدورون فيهم



زين ماشفتي امهم ولا ابوهم مااعتقد انه يكون موجود

كان جاك كلام انتي في غنى عنه

[حسن]

هلا بنوخذتنا

مادري امراض وعقد نفسية او يبون الفكة من اعيالهم او ينحاشون من المسئولية


اممممممم

شوف ياخوي هذول يعطونك انعكاس خلل ما في شخصياتهم او بيئتهم
وهذا الاعراض ماهي اللي نتائج نقص ما كان في شخصيتهم
من تربيه اهمال وضياع وعقول جوفاء يتناقلها الاجيال
الدوله ماقصرت جهدا من برامج وياك والصحه النفسيه وغيرها
هذه في الفتره الاخيره الظاهر يتابعون كتاباتي في المنتدى ويقرون تنبائتي
وقاموينفذونها
ولكن يبيلها وقت الى الان الواحد لو قال ابي اروح اشيك على نفسيتي فيها خلل
ارهبوه اللي حوليه وحذروه من الذهاب الى المختصين
هذول الفئه لازم تباد من المجتمع لانها اساس الفساد
:)

[طبيب قطري]

اممممممم

شوف ياخوي هذول يعطونك انعكاس خلل ما في شخصياتهم او بيئتهم
وهذا الاعراض ماهي اللي نتائج نقص ما كان في شخصيتهم
من تربيه اهمال وضياع وعقول جوفاء يتناقلها الاجيال
الدوله ماقصرت جهدا من برامج وياك والصحه النفسيهوغيرها
هذه في الفتره الاخيره الظاهر يتابعون كتاباتي في المنتدى ويقرون تنبائتي
وقاموينفذونها
ولكن يبيلها وقت الى الان الواح لو قال ابي اروح اشيك على نفسيتي فيها خلل
ارهبوه اللي حوليه وحذروه من الذهاب الى المختصين
هذول الفئه لازم تباد من المجتمع لانها اساس الفساد
:)

البعض يقولك خلي الاطفال بروحهم يطلعون ويكتشفون الدنيا ومب خايف/خايفه عليهم معاهم الجوال والخدامه مب لازم الغي شخصيتهم بوجودي معاهم وفوق راسهم طول الوقت! شرايك بهالمبرر الخطير يااستاذي؟

[العفراء]

زين ماشفتي امهم ولا ابوهم مااعتقد انه يكون موجود

كان جاك كلام انتي في غنى عنه


لالا ما بييني كلام حسن لو امهم اعرف كيف اكلمها عندي اسلوب حلوو لكن لو الابو طبعا ما بتكلم

و الله انا احب اليهال و قلبي يعورني يوم اشوفهم مع الشغالات و في التجمعاات و برووحهم احس حرام
امس كنت خايفه لانه هم يركضون و شي واجهة زجاجية صح انها كبيره بس خفت يركضون صوبها و يطيحون من فوق تميت اكلم اختي ان اتيي معاي نشوف وين اهلهم بس طلعوا يايين مع الشغالات و ما فهمت عليها يوم نشدتها قالت موجوووودين بس وين ما يندرا

[بانغ بانغ]

والله للاسف الشديد نشوف كمية اطفال كبيره في السينمات ويتمشون بروحهم وبعض الاهالي عندهم عادي ويقولون يعتمدون على نفسهم عسى ماشر مصدقين ان هالكلام صحيح !! والله خالي من الصحه تماما عمره الطفل ولا المراهق ما بيعتمد على نفسه من التمشايه في المجمعات وين قد سمعتوا كلام فاضي بهالطريقه شنو الهدف اساسا من التمشايه في المجمعات او شوفة الافلام ( اللي للكبار فقط) في السينمات !! مافي شي بالدنيا يقنعك ان هالكلام صحيح لان والله شي يحز بالخاطر اهالي يتركون هالاطفال ولا المراهقين وقاعدين ويانا مثلا بفلم كبار ونسمع تعليقات قذره كيف طفل اصلا يدخل هالافلام ولا السينمات ويدش يشوف اشياء مو من مستواه الفكري واكبر بوايد من عمره وفوق هاي تعليقات تخدش الحياء ناهيك عن الازعاج الرهيب اللي نعاني منه بحيث تستخسر فلوسك لان ما بيخلونك اطالع اساسا يعني حتى اخلاقيات ماعندهم للاسف ولا يحترمون كبير ولا صغير وتعلموا يراددون و يقطون كلام وصخ شنو تعلم هو من هالشي غير الدمار الاخلاقي !! للاسف اللي يبي يعلم عياله يعتمدون على نفسهم اعتقد واضح وين يقدر يوديهم مثل ما تفضل احد الاخوه انديه ونشاطات والنشاطات بقطر بالهبل وعادي الاب يخصص شوي بس من وقته ويدخله مجالس الرياييل و يوديه رحلات اما برية ولا بحريه وهني يتعلم صج ويستوي ريال اما غير جذي كلام فاضي و مجرد حجج واهيه يبررون فيه الاهل الغير مسؤولين ويخلون مسؤوليتهم من عيالهم ترى مافي شي اسمه يكبر شوي وتخليه بدون رقابة العيال لازم تراقبهم في كل لحظه سواء بعلمهم او بدون علمهم والحين هالايام الامور تزداد خطوره ولازم الاهل يبذلون مجهود اكبر مب العكس يقطونهم ويخلونهم يولون وعقب لا فات الفوت ما ينفع الصوت !! ودمتم سالمين ^_^

يعطيك العافية يا شيخة .. كلام موزون

[حسن]

البعض يقولك خلي الاطفال بروحهم يطلعون ويكتشفون الدنيا ومب خايف/خايفه عليهم معاهم الجوال والخدامه مب لازم الغي شخصيتهم بوجودي معاهم وفوق راسهم طول الوقت! شرايك بهالمبرر الخطير يااستاذي؟

العين ماتعلى على الحاجب يادكتور

انت استاذي والله احترم جدا الناس المتعلمه والمثثقفه

شوف بحكم اني دائما احب ان انقل الخبر من واقع الحدث وبالتصوير وفيديو
انا اتالم من اللي اشوفه وهذا خطير مستقبلا

امس وانا نازل اخذ عيالي من المدرسه تصدق هذاك السواق يحتظن طفل والله مادخل الروضه
بروحه لا ام ولااب استغرب من هذه المظاهر يويما امام المدارس
اخذ عيالي اوديهم معهد كومون للرياضيات وانتظرهم في القاعه
وتعال وشوف الله الله كل خادمه معاها طفل وشوف الاجانب هنود اروبيين فلبينين
عرب وافدين ابدا ينتظرون عيالهم في كل مكان هني تشوف الفرق
تكلمت كثيرا وطالبت كثيرا بعضها الحمدلله تحقق واتوقع في المستقبل بيتحقق الباقي
والله مايهياني اني اخلي عيالي يروحون المدرسه مع سائق مع العلم عندي سواقين
بتقول مهب تعب والله منهد حيلي ولكن شاسوي هذا حمل اتحمله غصب مع ان الحمل كبير جدا علي
لكن الله عوضني بالصبر وهذه نعمه ولا كان شفتني متذابح مع العالم في الشارع
يمكن لان ماشوف عندنا جمعيات نسائيه وتربويه او مؤسسات المجتمع المدني
هذه لها دور كبير في مساعده الدوله في حمايه الاسره والمجتمع كامل
عندي تصوير فيديو لما يطق الجرس ويدخلون الخدامات شي ماهول خطير باحووال انشره
ارويهم المسؤلين كيف وصل بنا الوضع

[طبيب قطري]

العين ماتعلى على الحاجب يادكتور

انت استاذي والله احترم جدا الناس المتعلمه والمثثقفه

شوف بحكم اني دائما احب ان انقل الخبر من واقع الحدث وبالتصوير وفيديو
انا اتالم من اللي اشوفه وهذا خطير مستقبلا

امس وانا نازل اخذ عيالي من المدرسه تصدق هذاك السواق يحتظن طفل والله مادخل الروضه
بروحه لا ام ولااب استغرب من هذه المظاهر يويما امام المدارس
اخذ عيالي اوديهم معهد كومون للرياضيات وانتظرهم في القاعه
وتعال وشوف الله الله كل خادمه معاها طفل وشوف الاجانب هنود اروبيين فلبينين
عرب وافدين ابدا ينتظرون عيالهم في كل مكان هني تشوف الفرق
تكلمت كثيرا وطالبت كثيرا بعضها الحمدلله تحقق واتوقع في المستقبل بيتحقق الباقي
والله مايهياني اني اخلي عيالي يروحون المدرسه مع سائق مع العلم عندي سواقين
بتقول مهب تعب والله منهد حيلي ولكن شاسوي هذا حمل اتحمله غصب مع ان الحمل كبير جدا علي
لكن الله عوضني بالصبر وهذه نعمه ولا كان شفتني متذابح مع العالم في الشارع
يمكن لان ماشوف عندنا جمعيات نسائيه وتربويه او مؤسسات المجتمع المدني
هذه لها دور كبير في مساعده الدوله في حمايه الاسره والمجتمع كامل
عندي تصوير فيديو لما يطق الجرس ويدخلون الخدامات شي ماهول خطير باحووال انشره
ارويهم المسؤلين كيف وصل بنا الوضع

خبرتك بالحياه تخليك استاذي والله ياحسن ..
مشكله الخدم مشكله كبيره .. للاسف مهامهم الوظيفيه مختلطه مابين تربيه الاطفال والتنظيف والطباخ , انا اشوف ان الخدم هم السبب الرئيسي فالخلافات الاسريه ..
الخدم يزيدوا اهمال الام وينشؤؤا جيل عديم المسؤؤليه غير مبالي مستسهل الحياه
الله يستر على اولادنا بس ويحفظهم من اللي جاي

[حسن]

خبرتك بالحياه تخليك استاذي والله ياحسن ..
مشكله الخدم مشكله كبيره .. للاسف مهامهم الوظيفيه مختلطه مابين تربيه الاطفال والتنظيف والطباخ , انا اشوف ان الخدم هم السبب الرئيسي فالخلافات الاسريه ..
الخدم يزيدوا اهمال الام وينشؤؤا جيل عديم المسؤؤليه غير مبالي مستسهل الحياه
الله يستر على اولادنا بس ويحفظهم من اللي جاي


اتفق معاك 100%

وشوف ردي عليك في الموضوع الثاني وانا ذكرت فيه
ان ادوار الخدم سببت فتور بين العلاقه الزوجه

برافووووووووووووووو عليك التقينا بنقطه ولم اعلم بردك هذا

:victory:

[كازانوفا]

للاسف احس ان غالبية الاهالي ما عاد لهم سلطة على ابنائهم

[بصمة قطرية]

عيالي الكبار يطلعون مع ربعهم
14 سنه و فوق
و الصغار لازم معاي ..
الولد لازم يتعلم و يطلع بس برقابة
يعني ما يصير أحبس الولد
و أقيده في الطلعات
أهم شي أعرف وين رايح و مع من و متى بيرجع
بكرة بيكبر و بيندمج مع العالم الخارجي
غير عن بيئة البيت
فلازم من الحين أهيئه لهالشي ..
لازم يتعلم شلون يتصرف و شلون يتعامل مع الناس ..
اللي يقول الزمن ما تغير لا بالله الزمن تغير
قبل ما كان في تكنولوجيا و كانت الحياة بسيطة
و كانوا الأولاد اذا طلعوا لعبوا كورة في الفريج
و إذا طلعنا رحنا حديقة و لا البحر ..
ما كان في مجمعات
يعني الزمن تغير و كل شي تغير ..
و تحية لجيل السبعينات أحلى جيل :)

[بانغ بانغ]

اتوقع ان طول ساعات الدوام لها دور كبير في الموضوع والفجوة العاطفية بين افراد الاسرة

[ضوى]

عيالي الكبار يطلعون مع ربعهم
14 سنه و فوق
و الصغار لازم معاي ..
الولد لازم يتعلم و يطلع بس برقابة
يعني ما يصير أحبس الولد
و أقيده في الطلعات
أهم شي أعرف وين رايح و مع من و متى بيرجع
بكرة بيكبر و بيندمج مع العالم الخارجي
غير عن بيئة البيت
فلازم من الحين أهيئه لهالشي ..
لازم يتعلم شلون يتصرف و شلون يتعامل مع الناس ..
اللي يقول الزمن ما تغير لا بالله الزمن تغير
قبل ما كان في تكنولوجيا و كانت الحياة بسيطة
و كانوا الأولاد اذا طلعوا لعبوا كورة في الفريج
و إذا طلعنا رحنا حديقة و لا البحر ..
ما كان في مجمعات
يعني الزمن تغير و كل شي تغير ..
و تحية لجيل السبعينات أحلى جيل :)

اتفق تماما معاج عزيزتي بصمة

[حسن]

عيالي الكبار يطلعون مع ربعهم
14 سنه و فوق
و الصغار لازم معاي ..
الولد لازم يتعلم و يطلع بس برقابة
يعني ما يصير أحبس الولد
و أقيده في الطلعات
أهم شي أعرف وين رايح و مع من و متى بيرجع
بكرة بيكبر و بيندمج مع العالم الخارجي
غير عن بيئة البيت
فلازم من الحين أهيئه لهالشي ..
لازم يتعلم شلون يتصرف و شلون يتعامل مع الناس ..
اللي يقول الزمن ما تغير لا بالله الزمن تغير
قبل ما كان في تكنولوجيا و كانت الحياة بسيطة
و كانوا الأولاد اذا طلعوا لعبوا كورة في الفريج
و إذا طلعنا رحنا حديقة و لا البحر ..
ما كان في مجمعات
يعني الزمن تغير و كل شي تغير ..
و تحية لجيل السبعينات أحلى جيل :)

الله يخليلك عيالك اخت بصمه

بس عندي ملاحظه وحطيها حلق في اذنك واذن غيرك من الاباء والامهات
راقبي بو 14 سنه اكثر
وخصوصا في هذه العمر وطلعاته مع ربعه
انتي ماتعرفين وش يسون برع احنا الرجال نعرف
كم من ان فقدت ابنائها في هذا السن واكبر بشويه
فاحاسبي عليه

والله يخليه لك ويطرح البركه فيهم

وشكرا

[معماري قطري]

تعلموا من المدرسة على عدم وجود الردع وخذوا سيارات قبل الليسن وساقوا في الفرجان وبرضى والدينهم .. وشافوا انهم يدخنون في أماكن ممنوع التدخين فيها ولا حد يمنعهم ولا يخالفهم .. عرفوا إن العقاب خدعة وتهديد بس .. يشترون زقاير وسويكة من الدكاكين عينك عينك واللي يبيعهم يعرف إن فيه قانون منع بيع الزقاير للقصر لكن يعرف إنه ما يتطبق ويعرف يقول ما فيه معلوم.

الوالد لو عاقب ولده وولده ما عجبه العقاب راح الاستشارات الأُسرية وقووا راسه مثل ما قووا راس البنت والزوجة .. إستوى الكل يقول والله العظيم حأضرب ويكفر عن حلفته ولا يضرب ولا شيء.

[حسن]

تعلموا من المدرسة على عدم وجود الردع وخذوا سيارات قبل الليسن وساقوا في الفرجان وبرضى والدينهم .. وشافوا انهم يدخنون في أماكن ممنوع التدخين فيها ولا حد يمنعهم ولا يخالفهم .. عرفوا إن العقاب خدعة وتهديد بس .. يشترون زقاير وسويكة من الدكاكين عينك عينك واللي يبيعهم يعرف إن فيه قانون منع بيع الزقاير للقصر لكن يعرف إنه ما يتطبق ويعرف يقول ما فيه معلوم.

الوالد لو عاقب ولده وولده ما عجبه العقاب راح الاستشارات الأُسرية وقووا راسه مثل ما قووا راس البنت والزوجة .. إستوى الكل يقول والله العظيم حأضرب ويكفر عن حلفته ولا يضرب ولا شيء.

لا لا

اتفق معك

يامعماري

توه عندي موضوع عن فصل طالب وباحاول اطرحه في موضوع بس ارتب افكاري
وينزل على الوحي علشان ابلور الفكره واصولها الى متابعنيني في كل مكان
حتى اللي في منشن
:)

كيف يعاقبه !!
وشنهو مفهومك للعقاب !!
وماهي ادوات العقاب !!

اجيال الحين طريقه تربتهم وعقابهم تختلف على ايام زمان
فانا بالعكس اؤيد تدخل جهات مختصه مثل مركز الاسره
وتفعيل دوره بقوه قانون ملزم

[معماري قطري]

جاني واحد من فترة في ألمانيا يبيني اشتري له زقاير .. يبين تحت 18 أو يمكن تحت 21 بشوي ومب صغير بس اتوقع سنه في الجواز تحت بشوي .. قال لي إنه ناسي بطاقته ويبي يشتري زقاير ويبيني اشتري له طالعته من فوق لتحت وقلت له آسف ومشيت.

لو في قطر هذا أُموره سهالات .. ولو شريت له انا واكشفوني عن طريق الكاميرات أو غيرها أو حتى هو بلغ أي حد كبير واشتكوا علي كنت باستوي مقيم في ألمانيا بالغصب وخلف القضبان .. القانون ينفرض فرض ما ينفرض بالكلام والتوعية.

[معماري قطري]

لا لا

اتفق معك

يامعماري

توه عندي مضوضوع عن فصل طالب وباحاول اطرحه في مضوضوع بس ارتب افكاري
وينزل على الوحي علشان ابلور الفكره واصولها الى متابعنيني في كل مكان
حتى اللي في منشن
:)

كيف يعاقبه !!
وشنهو مفهومك للعقاب !!
وماهي ادوات العقاب !!

اجيال الحين طريقه تربتهم وعقابهم تختلف على ايام زمان
فانا بالعكس اؤيد تدخل جهات مختصه مثل مركز الاسره
وتفعيل دوره بقوه قانون ملزم

أول شيء ترجم ما تحته خط :tease:

وثاني شيء باطلع وبارجع علشان اتفرغ لك شوي

[بصمة قطرية]

اتوقع ان طول ساعات الدوام لها دور كبير في الموضوع والفجوة العاطفية بين افراد الاسرة
صحيح طول ساعات الدوام أثرت وايد ..
قبل كنا نوصل من المدارس نفس الوقت
ونتغدا من وقت الكل موجود على السفرة ..
الحين العيال يتأخرون و اللي بالباص وقتهم
غير عن اللي في سيارة ..
وأبونا يوصل العصر ..
يعني تغير جدول الغدا ..
قبل الكل يجتمع على الغدا و تحلا السوالف
كل واحد يسولف اش صار معاه في المدرسة ..

[بصمة قطرية]

الله يخليلك عيالك اخت بصمه

بس عندي ملاحظه وحطيها حلق في اذنك واذن غيرك من الاباء والامهات
راقبي بو 14 سنه اكثر
وخصوصا في هذه العمر وطلعاته مع ربعه
انتي ماتعرفين وش يسون برع احنا الرجال نعرف
كم من ان فقدت ابنائها في هذا السن واكبر بشويه
فاحاسبي عليه

والله يخليه لك ويطرح البركه فيهم

وشكرا

آمين و يخلي لك عيالك اخوي حسن ..
الملاحظة اللي ذكرتها تشكر عليها ..
و أنا وايد أدقق على ربعه و طلعاته
مستحيل يطلع بدون حد قريب
ولد عمته و لا ولد خالته ..
عشان يحس إن في رقابة ..
السنه بس سمحت له قبل كان ما يطلع إلا مع أخوانه ..
عمره خطر و هالعمر يحبون يجربون أشياء كثيرة
و يبون يثبتون إنهم كبار ..

[Charisma]

آمين و يخلي لك عيالك اخوي حسن ..
الملاحظة اللي ذكرتها تشكر عليها ..
و أنا وايد أدقق على ربعه و طلعاته
مستحيل يطلع بدون حد قريب
ولد عمته و لا ولد خالته ..
عشان يحس إن في رقابة ..
السنه بس سمحت له قبل كان ما يطلع إلا مع أخوانه ..
عمره خطر و هالعمر يحبون يجربون أشياء كثيرة
و يبون يثبتون إنهم كبار ..

استخدم برنامج Find Friends على الايفون .

[مرتبش]

الخدم لهم دور في تنشئة الاطفال على الدلع.. و عدم الصبر وعدم المناقشة لان الطفل يأمر الخدامة فتنفذ .
المولات طبعا الاهل يبون راحة البال والبعد عن عوار الراس.. فنشوف اللي يقط الصغار في الالعاب لوحدهم او مع الخدامة او السينما لوحدهم والافلام قد لاتناسب الصغار..او يتمشون ويتعشون .
تخلت الاسرة عن دورها للمدرسة والخدامة والتلفزيون والانترنت والمول

[بانغ بانغ]

لا ننكر ايضا ادارات المجمعات التجارية .... لهم دور في تقنين الدخول للصغار بروحهم