منيو الخمور يقدم مع منيو الطعام في الخطوط القطرية!

[بومحمد المطاوعه]

السلام عليكم ورحمة الله وبركاتة ،،

منيو الخمور يقدم مع منيو الطعام في القطرية!

يقول الله تعالى :

"يَا أَيُّهَا الَّذِينَ آمَنُوا إِنَّمَا الْخَمْرُ وَالْمَيْسِرُ والْأَنصَابُ وَالْأَزْلَامُ رِجْسٌ مِّنْ عَمَلِ الشَّيْطَانِ فَاجْتَنِبُوهُ لَعَلَّكُمْ تُفْلِحُونَ"

ومأحوجنا ونحن معلقين بين السماء والارض لحفظ الله .

"اتقوا الله فينا"

اقلها ان يقدم فقط عند الطلب للكفار المسافرين !!

منيو القطرية الجديد تعدى اسم انواع الخمور الى صور بالحجم الطبيعي




"استخدموا نعم الله فيما يرضى الله"

"إن النعم لزوالة"



ان تسافر بمباركة الشيطان
حق دعمته طيران القطرية
بامتياز
#لا الخمور على القطريه
#منع الخمر على القطريه

[بانغ بانغ]

سألت عن عظيم ...

متابع من قريب

ملاحظة = يقدم للغير مسلمين ؟؟؟؟ ..............

المشكلة ان العرب وربعنا اللي ايدقون دق ...

[Dana’1]

صحيح القائمه مع قائمة الطعام ،، على الأقل المفروض يوزعونه على الأجانب فقط وقت الإقلاع
أخر مره كنا مسافرين وبنت حماي صغيره معنا وجالسه هي وبنتي يم بعض بنت حماي طلبت عصير تفاح
شوي جابو لها نبيذ أحمر هي إستغربت تقول لبناي طلب تفاح مو توت! المسكينه تظن إنه توت
تقول بنتي ا شوي المضيفه جات تركض بشكل غريب لبنت عمي تقول لا لا لا أسفه هذا بالغلط واخذته وجابت التفاح

اظن الي وراهم كان طالب وهي لخبطت !

البنات عرفوا عقب إنه خمر عقب ماشافوا القائمه !
الشكوى لله

[الحياة الخالدة]

لا حول ولا قوة إلا بالله العلي العظيم

حسبنا الله و نعم الوكيل

[MAZEN37]

والله عيب الله يهديهم

[معماري قطري]

صحيح القائمه مع قائمة الطعام ،، على الأقل المفروض يوزعونه على الأجانب فقط وقت الإقلاع
أخر مره كنا مسافرين وبنت حماي صغيره معنا وجالسه هي وبنتي يم بعض بنت حماي طلبت عصير تفاح
شوي جابو لها نبيذ أحمر هي إستغربت تقول لبناي طلب تفاح مو توت! المسكينه تظن إنه توت
تقول بنتي ا شوي المضيفه جات تركض بشكل غريب لبنت عمي تقول لا لا لا أسفه هذا بالغلط واخذته وجابت التفاح

اظن الي وراهم كان طالب وهي لخبطت !

البنات عرفوا عقب إنه خمر عقب ماشافوا القائمه !
الشكوى لله

ولو شربته كله بيعتبرونه خطأ غير مقصود وكله القطري اللي غلطان وهم ملائكة

[طلعة الروح]

ولو شربته كله بيعتبرونه خطأ غير مقصود وكله القطري اللي غلطان وهم ملائكة

تشربه كله عاد ؟؟ شدعوه شهالنفسية
مافي احساس بالطعم والريحه؟

[Dana’1]

ولو شربته كله بيعتبرونه خطأ غير مقصود وكله القطري اللي غلطان وهم ملائكة
اي الله المستعان ،،، لو شربته كله كان علوم استغفر الله بس الحمدلله كانت مصره عالتفاح وطلبت النيرس عشان ترده الا هي بعد مبادره

فعلا مشكله واحنا قلنا لهم ترى فيه خمور ولازم تنتبهون وتسألون ضروري التأكد من كل شي
شي يفشل قدام الله وهالأطفال كيف يدرسون شي ويشوفون شي ثاني تناقضات ،، وللأسف هالمتناقضات الا مانعايشها والله المستعان

[حرف]

نبي احد يصور القائمة
مانبي كلام بس

[Dana’1]

تشربه كله عاد ؟؟ شدعوه شهالنفسية
مافي احساس بالطعم والريحه؟


هي طفله إفرضي جاز لها تجرب على اساس توت وعجبها الطعم،،. بعد إحنا مانعرف طعم النبيذ كيف صاير! وحتى لو اشربت رشفه مو من حقهم يسون هالشي أبدا ولا يعرضون صوره للأطفال على الاقل يشيلونها من كراسي الاطفال

[بومحمد المطاوعه]

نبي احد يصور القائمة
مانبي كلام بس

سافر روحه ورده
على دبي

اعتقد ب 600
وصور لنا المنيو

[حرف]

سافر روحه ورده
على دبي

اعتقد ب 600
وصور لنا المنيو

لا ياخوي المفروض انت الي تتاكد بدل ماتنزل لنا موضوع كلام فلان وفلان

[بانغ بانغ]

كلام بومحمد صحيح وانا شفت وتكلمت من شهر

بالالوان بعد

[بومحمد المطاوعه]

لا ياخوي المفروض انت الي تتاكد بدل ماتنزل لنا موضوع كلام فلان وفلان

انا ما اسافر على القطريه*

وبانغ بانغ نزل موضوع قبل
جزاه الله خير

الحمله ياخوي ف تويتر*وقايمين
قومه عليهم

[معماري قطري]

هي طفله إفرضي جاز لها تجرب على اساس توت وعجبها الطعم،،. بعد إحنا مانعرف طعم النبيذ كيف صاير! وحتى لو اشربت رشفه مو من حقهم يسون هالشي أبدا ولا يعرضون صوره للأطفال على الاقل يشيلونها من كراسي الاطفال

ما قصرتي انا طلعة الروح ما اقدر عليه / عليها تطلع روحي

وصادقة الياهل شعرفه .. إحنا نتوقع طعمه حلو ونشوف شكله بألوان منها القرمزي والاقحواني ولستة طويلة من الألوان ولو انصب يكون قريب من بعض المشروبات المتعودين عليها .. الكارثة ممكن ينخلط حتى مع البيبسي ولو خلطته وحدة من الطيبات وعطت أي حد محد بيسوي لها شيء حتى لو اشتكوا.

[qatara]

السلام عليكم ورحمة الله وبركاتة ،،

منيو الخمور يقدم مع منيو الطعام في القطرية!

يقول الله تعالى :

"يَا أَيُّهَا الَّذِينَ آمَنُوا إِنَّمَا الْخَمْرُ وَالْمَيْسِرُ والْأَنصَابُ وَالْأَزْلَامُ رِجْسٌ مِّنْ عَمَلِ الشَّيْطَانِ فَاجْتَنِبُوهُ لَعَلَّكُمْ تُفْلِحُونَ"

ومأحوجنا ونحن معلقين بين السماء والارض لحفظ الله .

"اتقوا الله فينا"

اقلها ان يقدم فقط عند الطلب للكفار المسافرين !!

منيو القطرية الجديد تعدى اسم انواع الخمور الى صور بالحجم الطبيعي




"استخدموا نعم الله فيما يرضى الله"

"إن النعم لزوالة"



ان تسافر بمباركة الشيطان
حق دعمته طيران القطرية
بامتياز
#لا الخمور على القطريه
#منع الخمر على القطريه



حداثه تطور حريه راي كل كيفه حقوق مراه حقوق طفل حقوق انسان الخ

جذب سواح كسب حرام كان رزقنا على السياحه وليس على الله


بسم الله الرحمن الرحيم

{إِنَّ الَّذِينَ يُحِبُّونَ أَن تَشِيعَ الْفَاحِشَةُ فِي الَّذِينَ آمَنُوا لَهُمْ عَذَابٌ أَلِيمٌ فِي الدُّنْيَا وَالْآخِرَةِ وَاللَّهُ يَعْلَمُ وَأَنتُمْ لَا تَعْلَمُونَ}

صدق الله العظيم،

واين غضب الله الا يتذكرون الا يخشون ان ياتينا غضب الله ونحن غافلون


اللهم اني بري من ما يغضبك ومن من يغضبك
الله المستعان

[حرف]

انا ما اسافر على القطريه*

وبانغ بانغ نزل موضوع قبل
جزاه الله خير

الحمله ياخوي ف تويتر*وقايمين
قومه عليهم

فيه صور في تويتر ولا بس كلام ؟

[بومحمد المطاوعه]

فيه صور في تويتر ولا بس كلام ؟

لو مافي

ولكن الخمر معروف شنو حكمه
سواء كان في المنيو ولا بس داخل الطياره

لايجوز شرعآ

[حرف]

لو مافي

ولكن الخمر معروف شنو حكمه
سواء كان في المنيو ولا بس داخل الطياره

لايجوز شرعآ

هذا شي مفروغ منه
بس لاتنسى انت او غيرك اخوي
ان قطر هالايام مستقصده في كل شي ويدورون عليها اي زله

[قطر88]

انا حاليا مسافر بانكوك ع القطريه وشفت قائمه الخمور بالطلب ع الدرجه البزنس كلاس اما ع الدرجه السياحه مااتوقع

والله اعلم

[بومحمد المطاوعه]

هذا شي مفروغ منه
بس لاتنسى انت او غيرك اخوي
ان قطر هالايام مستقصده في كل شي ويدورون عليها اي زله



95093

95094

95095


هذي كلها شنو ياخوي ؟؟

[بومحمد المطاوعه]

انا حاليا مسافر بانكوك ع القطريه وشفت قائمه الخمور بالطلب ع الدرجه البزنس كلاس اما ع الدرجه السياحه مااتوقع

والله اعلم

الله يحفظك
ياليت لو تصور ولا تهون

[بومحمد المطاوعه]

هذا شي مفروغ منه
بس لاتنسى انت او غيرك اخوي
ان قطر هالايام مستقصده في كل شي ويدورون عليها اي زله

وانا شعلي ياخوي من الي يألفون ويحطون من عندهم الي ماعنده سالفه
يصدق اي شي ويرتوت وينقل اي شي بدون اي علم

هذي مشكلتهم
والي يسمع لهذي الناس الي تستقصد قطر بأي شي

هذي الله يسلمك مسكين وينقص عليه بسرعه بأي كلمه

الله يهديهم

[حرف]

جزاك الله خير
وان شاءالله انشوف قرار من سمو الامير بمنع هالمصخرة الحاصلة وتجديد الدماء في القطرية

[بومحمد المطاوعه]

جزاك الله خير
وان شاءالله انشوف قرار من سمو الامير بمنع هالمصخرة الحاصلة وتجديد الدماء في القطرية

اللهم امين
ونتمنى الصراحه


وانا صرت ما اسافر عالقطريه والسبه هذي المصخره


الله يحفظ الجميع

[معماري قطري]

هذا شي مفروغ منه
بس لاتنسى انت او غيرك اخوي
ان قطر هالايام مستقصده في كل شي ويدورون عليها اي زله

يعني هشكل بننطر لين 2022 لا وعلشان ما يحصلون الزلة لازم نبادر بفتح منافذ بيع أُخرى وبسرعة

كثير من الشركات منعت الخمر وبعضها حدت منه .. القطرية يشربون الواحد قد ما يبي

[<اضرب واشرد>]

اكتبوا لنا قائمة بالطيران اللي مافيها خمور .. كبديل

[بانغ بانغ]

السعودية

[وحيد-الشوق]

القهر بعد صالة البزنس صوب البوفيه مسوين طاولة وبار والاجانب شرب وبلع في هالخمر الله لايبارك فيهم منظر مقزز واحزني صراحه

[Al-Kuwari]

انا مسافر قبل اسبوع تقريبا

والكلام صحيح منيو البزنس لكن السياحية مدري

[Dana’1]

اكتبوا لنا قائمة بالطيران اللي مافيها خمور .. كبديل

للأسف مافيه قائمه هو الطيران السعودي بس أو على الأقل هذا إلي اعرفه وشفته!

[الحياة الخالدة]

على خبري الخطوط الكويتية بعد ما فيها خمور

[القبطان سلفر]

على خبري الخطوط الكويتية بعد ما فيها خمور

صحيح لا يوجد عليها خمور

[نفسي عزيزه]

حسبنا الله ونعم الوكيل

[<اضرب واشرد>]

شكرا لكم وهذي بعضها

الشركات التي لاتقدم الخمور:
السعودية (+طيران ناس)
الكويتية (+طيران الجزيره)
فلاي دبي + العربية للطيران
العمانية
اليمنية
مصر للطيران
السودانية (+صن ايرSUN AIR/ ماسيلاند /نوفاNOVA AIRWAYS)
التركية (منعه اردوغان قبل سنتين)
القطرية (في 2016 إن شاء الله:court:)

[Dana’1]

شكرا لكم وهذي بعضها

الشركات التي لاتقدم الخمور:
السعودية (+طيران ناس)
الكويتية (+طيران الجزيره)
فلاي دبي + العربية للطيران
العمانية
اليمنية
مصر للطيران
السودانية (+صن ايرSUN AIR/ ماسيلاند /نوفاNOVA AIRWAYS)
التركية (منعه اردوغان قبل سنتين)
القطرية (في 2016 إن شاء الله:court:)
شي جميل بصراحه

بس التركه هالسنه اهلي مسافرين عليها وأختي تقول يقدمون فيها الخمر!

ومصر قديما اظن فيها ما اعرف الحين كيف

[معماري قطري]

وليش ما يكون اليوم قبل بكرة اخوي اضرب واشرد

مثل منع التدخين والبديل العصير والبيبسي والماي والشاي والقهوة

[معماري قطري]

حد شاف دبدوب المطار ما دام القطرية في السالفة .. مسكين خق وانشق ظهره من العمود اللي حامله يبي له انعاش

[ريم الشمال]

اتمنى إلا يقدم الخمر فيها لأننا نكون معلقين بحبل الله بين السماء والأرض فلا بد أن يكون المكان طاهر عندما نواجه الله
لا سمح الله

[نمر بن عدوان]

على الطاري مره طلبت من المضيفه واين استانست وحلقها بغى ينشق من الوناسه قلتلها بس واين من غير كحول لو تشوفون شلون تغير شكلها وبلمت هههههههههه صحيح يموتون في نشر الفساد .

[bo matar]

گ
على الطاري مره طلبت من المضيفه واين استانست وحلقها بغى ينشق من الوناسه قلتلها بس واين من غير كحول لو تشوفون شلون تغير شكلها وبلمت هههههههههه صحيح يموتون في نشر الفساد .

وشهو الواين!!! والواين الي بدون كحول !

من ايش يتكون لاهنت ؟

[<اضرب واشرد>]

شي جميل بصراحه
بس التركه هالسنه اهلي مسافرين عليها وأختي تقول يقدمون فيها الخمر!
ومصر قديما اظن فيها ما اعرف الحين كيف

هذا ماقيل في الأخبار سابقا، لكن راجعت موقع (الخطوط التركية) فوجدت أن الحظر جزئي وللرحلات الداخلية:
http://www.turkishairlines.com/en-int/corporate/press-room/press-releases/press-release-detail/public-announcement-alcohol-service-in-aircraft

أما الرحلات الخارجية فالخمر مسموح! إلا في 8 دول تحظر حكوماتها الخمور

وجماعة اردوغان تحايلوا لحظر الخمور (جزئيا) في بعض رحلات الطيران وفي بعض الأماكن والمطاعم..بأن (الطلب عليها قليل -محد يشرب-..ولاعتبارات لوجستية)

[معماري قطري]

گ

وشهو الواين!!! والواين الي بدون كحول !

من ايش يتكون لاهنت ؟

هههههههه باجاوب بس لحد يشك اني جربت .. الواين هو عصير العنب المخمر وحسب لون العنب يجي لونه وهو الأشهر وضروري لهم مع الأكل وفيه أنواع يستخدمونها مع الطبخ .. وفيه اغنية انجليزية اسمها رد واين

[معماري قطري]

گ

وشهو الواين!!! والواين الي بدون كحول !

من ايش يتكون لاهنت ؟

اللي بدون كحول عصير العنب العادي بس من يسمونه واين يعني مخمر وبن عدوان قاصد يضحك عليها .. مثلنا أيام الدراسة نطلب برغر شيز وذاوت شيز

[bo matar]

جزاك الله خير اخوي معماري قطر على المعلومات الوافيه ويشهد الله ماسالت الا اني ما كنت اعرف وشهو ذي

[بوخالد911]

لُعن في الخمر عشرة
ومن ضمنها وحاملها.

[حرف]

يعني هشكل بننطر لين 2022 لا وعلشان ما يحصلون الزلة لازم نبادر بفتح منافذ بيع أُخرى وبسرعة

كثير من الشركات منعت الخمر وبعضها حدت منه .. القطرية يشربون الواحد قد ما يبي

مافهمت ردك صراحة

[معماري قطري]

مافهمت ردك صراحة

ردي بخصوص إن يدورون شيء على قطر مع كاس العالم 2022 .. وكنت استشرف مستقبل القطرية مع الشرب إنها بتخليه لين ما بعد 2022 على الأقل.

عندي رأي آخر للقطرية والقائمين عليها لو يبون يمسكون العصا من النص .. يخلون الخمور محصورة في كبينة خاصة مغلقة وبعيدة عن الباقيين ولا يمرون بهذا المحرم على الكل .. يعني للي يبون يشربون قسم معين في البزنس .. وكذلك قسم في آخر صفوف السياحية .. ويخلونهم مثل السبلان في قفص لا يطلعون بين الباقيين ويسكرون براحتهم.

[معماري قطري]

ولا كلهم يجمعونهم في آخر السياحية ويحطون لهم تواليت خاص وكرسيين بزنس ويقولون لهم ممنوع تطلعون .. وخمرهم عندهم ما يمرون به على خلق الله وحتى لو يسوون لهم بار وديسكو راضيين بس يسكرون عليهم زين ويعزلون الصوت .. وجدام يسوون مصلى صغير .. هشكل اتوقع بيرضون الجميع

[حرف]

شجاب 2022*؟
قطر مستهدفة والاسباب امور اخرى بعيدة جداً عن كاس العالم

[Rosy]

صحيح القائمه مع قائمة الطعام ،، على الأقل المفروض يوزعونه على الأجانب فقط وقت الإقلاع
أخر مره كنا مسافرين وبنت حماي صغيره معنا وجالسه هي وبنتي يم بعض بنت حماي طلبت عصير تفاح
شوي جابو لها نبيذ أحمر هي إستغربت تقول لبناي طلب تفاح مو توت! المسكينه تظن إنه توت
تقول بنتي ا شوي المضيفه جات تركض بشكل غريب لبنت عمي تقول لا لا لا أسفه هذا بالغلط واخذته وجابت التفاح

اظن الي وراهم كان طالب وهي لخبطت !

البنات عرفوا عقب إنه خمر عقب ماشافوا القائمه !
الشكوى لله

هممم شراب لطفله ؟!! معقوله نها تجيب لطفله شراب ؟! ولو بالخطاء ؟ لطفله ؟؟!!

[مختلف جداََ]

هممم شراب لطفله ؟!! معقوله نها تجيب لطفله شراب ؟! ولو بالخطاء ؟ لطفله ؟؟!!

ودي أصدق بس
بس
قوية
قوية:omen2:

[قوت القلوب]

كل ماجابوا لي المينيو بشقه وبحذفه ورى الكرسي

[Dana’1]

هممم شراب لطفله ؟!! معقوله نها تجيب لطفله شراب ؟! ولو بالخطاء ؟ لطفله ؟؟!!

اي شخص تحت ال 18 يعد طفل هذا بنظام الشرب وكذا

هذا الي صار عاد وهي بنفسها قالت لي جابت توت وجات تركض لا لا واخذته وبدلته بتفاح ،، فإنتي شرايك؟
إيش ممكن جابت بكأس المخصص للنبيذ ؟وخلاها تجي طلقه للبنت وتقول لا لا وتاخذه؟!

[Dana’1]

ودي أصدق بس
بس
قوية
قوية:omen2:

لا تصدق جدا مو مهم^_^

[معماري قطري]

شجاب 2022*؟
قطر مستهدفة والاسباب امور اخرى بعيدة جداً عن كاس العالم

هذا اللي فهمته واللي واضح وكان يفترض توضح شتقصد ما تخسر شيء

قطر لو وقفت بيع الخمور على القطرية في هذا الوقت بنشوف جرايد عالمية تكتب وناس بينادون بسحب التنظيم .. لكن لهم دينهم ولنا تنظيمنا هذا اتوقع سهل بعمل فصل بين اللي يبون الشراب وغيرهم.

[معماري قطري]

ودي أصدق بس
بس
قوية
قوية:omen2:

في القطرية كل شيء يسونه وانا اصدق أي عضو عنده مصداقية وانت اخوي مختلف اصدقك واصدق الإخت ديور هشكل بتخلوني اتشتت

[معماري قطري]

اي شخص تحت ال 18 يعد طفل هذا بنظام الشرب وكذا

هذا الي صار عاد وهي بنفسها قالت لي جابت توت وجات تركض لا لا واخذته وبدلته بتفاح ،، فإنتي شرايك؟
إيش ممكن جابت بكأس المخصص للنبيذ ؟وخلاها تجي طلقه للبنت وتقول لا لا وتاخذه؟!

بعض الدول اختي رفعت سن التدخين والشرب ل 21 وبتشدد ما له مثيل .. ننتظر مثل هالقرارات والتشدد في تطبيقها يكون عندنا .. السويكة والزقاير كانت تنباع قرب المدارس وللطلاب وما ادري شصار في الموضوع

[معماري قطري]

جزاك الله خير اخوي معماري قطر على المعلومات الوافيه ويشهد الله ماسالت الا اني ما كنت اعرف وشهو ذي

العفو يا اخوي متأكد من هذا وانا من خلال معيشتي برا سنين طويلة ومتابعتي لبرامجهم نقلت لك هذي الإجابة .. وأتوقع معروفة لغالبية الشباب اللي درسوا برا

[مختلف جداََ]

لا تصدق جدا مو مهم^_^

:funny::funny::funny::funny:

الحين بتعطيني باند

[Dana’1]

في القطرية كل شيء يسونه وانا اصدق أي عضو عنده مصداقية وانت اخوي مختلف اصدقك واصدق الإخت ديور هشكل بتخلوني اتشتت

ههههههه
لا لا تشتت أهم شي التركيز^_^
جزاك الله خير ورحم الله والديك ماقصرت على هالرد


وبالنسبه للسن القانوني مثل ماتفضلت يختلف من بلد لبلد لكن المتعارف حسب ما اشوف 18+
والله يحفظ عيالنا وبناتنا عن الحرام وعيال الحرام يارب آمين

[معماري قطري]

لُعن في الخمر عشرة
ومن ضمنها وحاملها.

وجالسها .. وفي الطيارة الكل في مجلس واحد لو يسوون فاصل بباب الله أعلم شيقول الشرع بس أهون علينا من رؤية واحد يشرب ولا واحد سكران .. حتى فيه امكانية يحطون رحلات معينة وطيارات معينة بدون شراب .. سووها كنسلوا التدخين بعد ما تشجعت شركات كثيرة ومنعت التدخين على طائراتها .. قبل كراسي معينة للمدخنين ألحين الكل لا .. أقلها ممكن يحطون ستارة ويخلون صف أو صفين في كل مقصورة للي بيشرب ويعطونهم شراب بطريقة محد يلاحظها .. شيء أفضل من لا شيء.

[مختلف جداََ]

في القطرية كل شيء يسونه وانا اصدق أي عضو عنده مصداقية وانت اخوي مختلف اصدقك واصدق الإخت ديور هشكل بتخلوني اتشتت

يا معماري والله إني مصدق ديور

بس هي زعوله

وانا والله كنت امزح وياها

[معماري قطري]

ههههههه
لا لا تشتت أهم شي التركيز^_^
جزاك الله خير ورحم الله والديك ماقصرت على هالرد


وبالنسبه للسن القانوني مثل ماتفضلت يختلف من بلد لبلد لكن المتعارف حسب ما اشوف 18+
والله يحفظ عيالنا وبناتنا عن الحرام وعيال الحرام يارب آمين

ما عليج تركيزي فل

عندنا بعضنا يوصل 25 وما زال يبي يجرب كل شيء والقوانين هذي ضرورية وضروري تطلع وتنشر بسرعة وتنفذ .. كله يقولون مسكين هندي وهم يشترون منه ما اشوف واحد مسحوب السجن حتى لو يومين ومسكرين دكانه حتى ما يكررها

[معماري قطري]

يا معماري والله إني مصدق ديور

بس هي زعوله

وانا والله كنت امزح وياها

انا عارفك قطيت قنبلة وابتعدت

انت ورفيجنا حسن تحبون الأكشن والإثارة

[Dana’1]

وجالسها .. وفي الطيارة الكل في مجلس واحد لو يسوون فاصل بباب الله أعلم شيقول الشرع بس أهون علينا من رؤية واحد يشرب ولا واحد سكران .. حتى فيه امكانية يحطون رحلات معينة وطيارات معينة بدون شراب .. سووها كنسلوا التدخين بعد ما تشجعت شركات كثيرة ومنعت التدخين على طائراتها .. قبل كراسي معينة للمدخنين ألحين الكل لا .. أقلها ممكن يحطون ستارة ويخلون صف أو صفين في كل مقصورة للي بيشرب ويعطونهم شراب بطريقة محد يلاحظها .. شيء أفضل من لا شيء.

حلك ممكن يكون وسطي
لكن بصراحه المفروض يكون المنع مطلق بالذات بشركات الطيران التابعه للدول الإسلاميه

وحلك يكون بشركات الطيران الأخرى لأن مشاكل الشرب كثيييره ياما نزلوا اضطراري بسبب مخمور مسطل يزاعق ويهدد
هذا بروحه يسبب رعب للموجودين خصوصا اطفال ونساء وانت بالجو معلق!! شعوور المفروض هالشركات تحشم ركابها عنه بأن تحطهم بقسم خاص موظيفيه من الرجال عشان يعطيه مخومس يقند راسه هههههههههه


بس طبعا محد بيسويها من شركات الطيران !

[حرف]

هذا اللي فهمته واللي واضح وكان يفترض توضح شتقصد ما تخسر شيء

قطر لو وقفت بيع الخمور على القطرية في هذا الوقت بنشوف جرايد عالمية تكتب وناس بينادون بسحب التنظيم .. لكن لهم دينهم ولنا تنظيمنا هذا اتوقع سهل بعمل فصل بين اللي يبون الشراب وغيرهم.

انت رجل كبير في العمر
وعندك من الثقافة مايسوي ماعندنا من الثقافة*بالاضعاف
واكيد متابع مايدور ومايحدث في المنطقة
لذا اعتقدت انك بتفهم على الطاير

[♫ احسـاسـ طفلـهـ ♫]

ماقول الا حسبنا الله ونعم الوكيل .. دولة اسلامية وننجبر نقدم لغير المسلمين شي محرم بالاسلام !! وفي بلادنا !! واحنا ببلادهم لا احترام ولا تقدير

هزلت

[شبعان]

سؤال محيرني:
قانون العقوبات القطري يجرم بيع الخمور.
قانون العقوبات (رقم: 11 / 2004) >> الكتاب الثانى >> الباب السابع >> الفصل الثالث>> جرائم السكر والقمار والتسول>>

ماده 270:
يعاقب بالحبس مدة لا تجاوز ستة أشهر ، و بالغرامة التي لا تزيد على ثلاثة آلاف ريال، أو بإحدى هاتين العقوبتين، كل من تعاطى خمراً، أوشراباً مسكراً في مكان عام أو هيأ أو أعد محلاًأو منزلاً لتعاطي الخمر والمسكرات. ويعاقب بذات العقوبة، كل من وجد في حالة سكر بالطريق العام، وكل من أقلق الراحة بسبب سكره.

ماده 272:
يعاقب بالحبس مدة لا تجاوز ثلاث سنوات، و بالغرامة التي لا تزيد على عشرة آلاف ريال، كل من استورد، أو صدر، أو صنع، أو استخرج، أو حضر خمراً، أو شراباً مسكراً.


ليش الجهات المختصه في الدوله(النيابه العامه) ماتحول الجهات اللي تبيع وتروج للخمور في قطر(اعتقد القطريه) للمحكمه؟؟

قانونيا هل يمكن ان يكون هناك استثناء من تطبيق القانون على جهه معينه؟؟

وهل هذا قانوني/دستوري؟؟

[مختلف جداََ]

سؤال محيرني:
قانون العقوبات القطري يجرم بيع الخمور.
قانون العقوبات (رقم: 11 / 2004) >> الكتاب الثانى >> الباب السابع >> الفصل الثالث>> جرائم السكر والقمار والتسول>>

ماده 270:
يعاقب بالحبس مدة لا تجاوز ستة أشهر ، و بالغرامة التي لا تزيد على ثلاثة آلاف ريال، أو بإحدى هاتين العقوبتين، كل من تعاطى خمراً، أوشراباً مسكراً في مكان عام أو هيأ أو أعد محلاًأو منزلاً لتعاطي الخمر والمسكرات. ويعاقب بذات العقوبة، كل من وجد في حالة سكر بالطريق العام، وكل من أقلق الراحة بسبب سكره.

ماده 272:
يعاقب بالحبس مدة لا تجاوز ثلاث سنوات، و بالغرامة التي لا تزيد على عشرة آلاف ريال، كل من استورد، أو صدر، أو صنع، أو استخرج، أو حضر خمراً، أو شراباً مسكراً.


ليش الجهات المختصه في الدوله(النيابه العامه) ماتحول الجهات اللي تبيع وتروج للخمور في قطر(اعتقد القطريه) للمحكمه؟؟

قانونيا هل يمكن ان يكون هناك استثناء من تطبيق القانون على جهه معينه؟؟

وهل هذا قانوني/دستوري؟؟



لأنها جهات مرخص لها من الدولة

[شبعان]

لأنها جهات مرخص لها من الدولة



وهل هذا قانوني؟؟
القانون العقوبات الحالي مافيه اي استثنائات!!

[qatara]

الغريبه


يحكم بالمخدرات احكام شديده

طيب الخمر ام الكبائر كلها يعني اشد ضررا اجتماعيا واخلاقيا مثلها مثل المخدرات واكثر

فكيف يسمح بالخمر ويعاقب بالمخدرات وكلهم وصاخه ؟!!!!!

ماهو السر

سوال ابحث له عن جواب مقنع


(والخمر ام الكبائر كلها )

[بومحمد المطاوعه]

الغريبه


يحكم بالمخدرات احكام شديده

طيب الخمر ام الكبائر كلها يعني اشد ضررا اجتماعيا واخلاقيا مثلها مثل المخدرات واكثر

فكيف يسمح بالخمر ويعاقب بالمخدرات وكلهم وصاخه ؟!!!!!

ماهو السر

سوال ابحث له عن جواب مقنع


(والخمر ام الكبائر كلها )

الله يهديهم ويستر عليهم

[بانغ بانغ]

بومحمد ايمسيك بالخير

كنت ناوي ارفع موضوعك امس ..

انا اليوم وصلت سان فرانسيسكو على الامارتية ... تدري منيو الخمر ما يعطونك اياه الا يوم يسئولونك اول تشرب او لا احتراما للمسافر اللي ما يشرب

الله ايسر وايخلي القطرية تحذو حذوهم ويلغونه بعد

تحياتي

[بومحمد المطاوعه]

بومحمد ايمسيك بالخير

كنت ناوي ارفع موضوعك امس ..

انا اليوم وصلت سان فرانسيسكو على الامارتية ... تدري منيو الخمر ما يعطونك اياه الا يوم يسئولونك اول تشرب او لا احتراما للمسافر اللي ما يشرب

الله ايسر وايخلي القطرية تحذو حذوهم ويلغونه بعد

تحياتي

والله شي طيب بعد
الله يحفظك وبالسلامه

وان شاءالله ينشال من الطياره بكبره