الاختلاط النظيف

[غريب الدّار]

السلام عليكم

قريت هالمصطلح اكثر من مرة لكاتب قطري

طبعا بالنسبة لي احترم وجهة نظره

بس هل فيكم حد يقدر يعرّف الاختلاط النظيف ؟


في بيئة العمل المختلطة مثلا : شلون يكون نظيف وشلون يكون مب نظيف ؟

في ناس يشوفون ان الاختلاط هو اختلاط ومايقبلون اطلاقا بالاختلاط كمبدأ

وفي ناس يمكن يشوفونه عادي بحدود معينة

[حسن]

الاختلاط اصبح واقع وباشكال مختلفه ومتعدده
منذ عصور الهكسوس

:)

[Charisma]

مافي شي اسمه اختلاط نظيف ، وان ماخاب ظني ان في أحد المقالات ذكر أن الاختلاط النظيف حل لمشكلة العنوسه .
لكل شخص وجهة نظر ، وشخصيا لا أتفق معه نهائيا .

[سعود.]

اتوقع بنو ( ليبرال ) هم من اطلق هذا التعريف . عشان ياخذون راحتهم .

[مــاي ورد]

Dirty mix
Vs
Clean mix
ماتركب

[sweet qatar]

مصطلح غريب !!

أنا مع تسمية الأمور بمسمياتها

لما أدخل السوق واشتري من بائع أو أسأل دكتور أو اتواصل لأي سبب مع رجل غريب

هذا تعامل له شروط واضحه بنص القرآن

وإذا كان المقصود بالنظافة .. نظافة القلب والنية فهذي عند رب العالمين


المشكلة إن الازدواجية تلقاها بشكل واضح لما تتكلم عن الاختلاط

يقولك شخص أنا ضد الاختلاط .. وهو يشتغل بوظيفة حوله يمكن 20 موظفة !!

فالظاهر هو يقصد إنه ضد اختلاط أهله بالرجال لكن هو عادي يختلط ماعنده مشكلة

مادري ليش التفلسف و الدين واضح !!

[♫ احسـاسـ طفلـهـ ♫]

الاختلاط اصبح واقع وباشكال مختلفه ومتعدده
منذ عصور الهكسوس

:)

هكسوس هو اكثر شي لفت انتباهي ههه.. والله صادق ومن سنين وبنين وللحين يحسسوني انهم اول مره يسمعون فيه :rolleyes2:

[Charisma]

عن أبي سعيد الخدري قال : سمعت رسول الله صلى الله عليه وسلم يقول : من رأى منكم منكرا فليغيره بيده ، فإن لم يستطع فبلسانه ، فإن لم يستطع فبقلبه ، وذلك أضعف الإيمان .



ابداء الرأي في هذا الموضوع بالمعارضه ، لايتناقض مع كون الرجل يعمل في بيئة مختلطه ، خصوصا وأن غابت الخيارات الأخرى ، ولأسباب لاتهمك عزيزي المجادل ، الأهم والمهم ، ان ينكر الشيء في قلبه ، وأن أستطاع أن يحدث تغيير في محيطه ولم يفعل ، حُق عليه اللوم .

[معماري قطري]

الاختلاط اصبح واقع وباشكال مختلفه ومتعدده
منذ عصور الهكسوس

:)

بو علي متى كان عصر الهكسوس؟ ويا حبذا لو تعطينا نبذة عنه

[ya3coub]

الإختلااط موجود بكل مكان و محد يقدر يمنعه الحين


الإختلاط النظيف اهو الإختلاط العادي الكلام مع المرآة الغريبة بحدود ما يحتاجه العمل او الظرف او الخ و فقط لا أكثر ولا اقل واحد فتح الباب لوحدة اتقوله شكرا يقولها عفوا و بس ولا حرف ولا تفكير باي شي ثاني.

انما سمّي بالنظيف

لأن انتشر الخبث و قلة النفس فبعض الناس صار كلشي خلط له مداخل خبيثة او مطالب خبيثه داخلية بين الشخص و نفسه قبل ما يطلعها

و ايضا لبعض الشابات قد يتعامل معها الرجل بحدود انما في بالها فارس على حصان و احلام وردية و الخ...


مافي شي اسمه إختلاط نظيف الإختلاط اهو الإختلاط و موجود من زماااااااااان بس الحين صارت قلة الحيا تنزل تحت مسمى الإختلاط للأسف

[معماري قطري]

تبون تعرفون وشو الاختلاط النظيف؟

إرجعوا للسيرة النبوية وتعاليم الاسلام .. وارجعوا للعبادات الاسلامية مثل الحج وصلاة المرأة في المساجد وشروطها .. ارجعوا للحجاب الإسلامي روح ومادة

لكن البعض يحاول منع شغل المرأة ومنع ذهاب المرأة للسوق ومنع تعليم المرأة .. هذا يروح عند طالبان

[Dana’1]

تبون تعرفون وشو الاختلاط النظيف؟

إرجعوا للسيرة النبوية وتعاليم الاسلام .. وارجعوا للعبادات الاسلامية مثل الحج وصلاة المرأة في المساجد وشروطها .. ارجعوا للحجاب الإسلامي روح ومادة

لكن البعض يحاول منع شغل المرأة ومنع ذهاب المرأة للسوق ومنع تعليم المرأة .. هذا يروح عند طالبان

على طاري طالبان تدري أكثر وحده مدحت طالبان من؟
إيفون ردلي صحفيه بريطانيه مسيحيه عقب أسلمت^_^

[sweet qatar]

عن أبي سعيد الخدري قال : سمعت رسول الله صلى الله عليه وسلم يقول : من رأى منكم منكرا فليغيره بيده ، فإن لم يستطع فبلسانه ، فإن لم يستطع فبقلبه ، وذلك أضعف الإيمان .



ابداء الرأي في هذا الموضوع بالمعارضه ، لايتناقض مع كون الرجل يعمل في بيئة مختلطه ، خصوصا وأن غابت الخيارات الأخرى ، ولأسباب لاتهمك عزيزي المجادل ، الأهم والمهم ، ان ينكر الشيء في قلبه ، وأن أستطاع أن يحدث تغيير في محيطه ولم يفعل ، حُق عليه اللوم .

عليه الصلاة والسلام

يشهد علي الله إني كتبت الرد بعد الأخ حسن علي طول

ما شفت الردود الي بعده

[Class - Qtr]

السلام عليكم

العمل بعيد عن النساء راحه بال لأَنِّي جربت الاختلاط

الموظف فيه " الخبل ، المراهق ، اللي مايستحى ، اللي

دينه ضعيف ، اللي مب محترم " فالاختلاط مايجيب

الا المشاكل الا ماندر وتكون بيئه العمل نظيفه والجميع

محترم نفسه وعلى أدب واخلاق رفيعه " وهذا موجود "

حلات الزوجه مدرسه ولا ربه بيت

وجهه نظر

[qatarman8008]

الاختلاط النظيف برايي هو اللي ما فيه تبادل لاطراف الحديث والنظرات والابتسامات .. هذا اولا..
ثانيا لا يتكرر مع نفس الشخص بشكل مستمر..
اعطيكم مثال..
سيدة تذهب للعمل وتمشي في ممر مختلط..
او فتاه تدرس في الجامعه وتجلس في محاضرة مختلطة كل واحد بعيد عن الثاني..
او سيدة ذهبت بابنها للدكتور مثلا..
هذه امثلة وليست للحصر على اختلاط نظيف..
اما النوع الاخر من الاختلاط الذي له توابع في الغالب لاتحمد عقباها مثل شاب وفتاه يداومون في مكتب واحد ويتبادلون اطراف الحديث لعدة ساعات يوميا وبشكل مستمر.. سنة او اكثر..

[Charisma]

عليه الصلاة والسلام

يشهد علي الله إني كتبت الرد بعد الأخ حسن علي طول

ما شفت الردود الي بعده

صادقه ،

أعتذر على تسرعي في الرد ، ولكن آخر ثلاث سطور من مشاركتك الأولى ، كانت كفيلة بقلب مسار الموضوع عن التناقض والدخول في اتهامات قد يستشعرها البعض وتُفهم بشكل خاطىء ، وينتهي الموضوع في قسم اخر.

أتهام "بعض" المعارضين بأنه يبيح على نفسه ، اتهام لا أساس له من الصحه ، مصير الأختلاط لايملكة الا صاحب قرار ، وليس بيد الموظف حيلة ! خصوصا وأن الأختلاط انتشر في أغلب القطاعات ، ولا أعتقد ان في رجل او حتى امرأه ، ستنكر او تعارض سن قوانين تمنع الأختلاط .

[معماري قطري]

على طاري طالبان تدري أكثر وحده مدحت طالبان من؟
إيفون ردلي صحفيه بريطانيه مسيحيه عقب أسلمت^_^

عقليتهم وعقلية القاعدة سيم سيم الكل كافر عندهم ودمروا التدريس والمدارس والمرأة ما لها الا بيتها .. صحيح فيهم أُمور كثيرة طيبة لكن فيهم تشدد غريب وبدون أساس .. يعني عندي مفهوم الاختلاط النظيف .. اللي هو أقسام معينة فيها نساء فقط وكم وحدة كبيرة يكونون حلقة الوصل بينهم وبين المسؤولين .. الحجاب الشرعي ضروري .. في البنوك شفت الكثيرات قائمات بعملهن بكل احترام وبحجاب وعفة .. البعض لا بعيدين واختلاطهم فجور ونظرات الكترونية كهرومغناطيسية .. وبعضهم الحجاب يخفي العيوب ويبرز الأجزاء الفاتنة المزينة الملونة وتزيده الموظفة بعطور فواحة وكعب رنان ومشية كلها دلع وليونة .. بعضهم الصوت الحاني المخدر للقلوب الضعيفة والقوية والنطق بكلمات وعبارات ما اقدر اقولها وعلى مسمع الرجال أو موجهة للزملاء من الرجال.

صعب عند بعض الفئات يكونون أُمةً وَسطاً وسهل يكونون متشددين في الفجور أو في التحفظ.

[طلعة الروح]

السلام عليكم

العمل بعيد عن النساء راحه بال لأَنِّي جربت الاختلاط

الموظف فيه " الخبل ، المراهق ، اللي مايستحى ، اللي

دينه ضعيف ، اللي مب محترم " فالاختلاط مايجيب

الا المشاكل الا ماندر وتكون بيئه العمل نظيفه والجميع

محترم نفسه وعلى أدب واخلاق رفيعه " وهذا موجود "

حلات الزوجه مدرسه ولا ربه بيت

وجهه نظر

المجتمع يقوم على جميع المهن التي تناسب المرأة
ربة بيت او مدرسه هذا جزء صغير من المجتمع.

[طلعة الروح]

عقليتهم وعقلية القاعدة سيم سيم الكل كافر عندهم ودمروا التدريس والمدارس والمرأة ما لها الا بيتها .. صحيح فيهم أُمور كثيرة طيبة لكن فيهم تشدد غريب وبدون أساس .. يعني عندي مفهوم الاختلاط النظيف .. اللي هو أقسام معينة فيها نساء فقط وكم وحدة كبيرة يكونون حلقة الوصل بينهم وبين المسؤولين .. الحجاب الشرعي ضروري .. في البنوك شفت الكثيرات قائمات بعملهن بكل احترام وبحجاب وعفة .. البعض لا بعيدين واختلاطهم فجور ونظرات الكترونية كهرومغناطيسية .. وبعضهم الحجاب يخفي العيوب ويبرز الأجزاء الفاتنة المزينة الملونة وتزيده الموظفة بعطور فواحة وكعب رنان ومشية كلها دلع وليونة .. بعضهم الصوت الحاني المخدر للقلوب الضعيفة والقوية والنطق بكلمات وعبارات ما اقدر اقولها وعلى مسمع الرجال أو موجهة للزملاء من الرجال.

صعب عند بعض الفئات يكونون أُمةً وَسطاً وسهل يكونون متشددين في الفجور أو في التحفظ.

أعرف وحده من الخطابات تقول لي أول ما أقول لأم الولد أن البنت تشتغل في الجهة الفلانية (وهي جهة بطبيعة البزنس مختلطه) يقولون خلاص ما نبيها ولا تحاولين تقنعينا.
يعنى بنت أدب وأخلاق بس شافوا ان شغلها خلط قالوا مانبي.... واللي بعدو.

[حسن]

بو علي متى كان عصر الهكسوس؟ ويا حبذا لو تعطينا نبذة عنه

يعني ماوقفت إلى على هذه الكلمه
:)

عصر انتدثر من زمان ولا وأصبح من التاريخ الجيولوجي
عطنا انت شنهو المقصود بالاختلاط النظيف مغسول بديتول يعني

:telephone:

[بانغ بانغ]

الصحابيات عليهن الرضوان ..... كن يداوين الجرحى في الحروب في الخيام ...

الممرضات في غرف العلاج .... الدكتورات في الجامعة اوقات الساعات المكتبية

كل هالمواقف اختلاط نظيف ومأجورات عليه امهاتنا واخواتنا ...

احنا اللي الفنا مفهوم الاختلاط وربطنا الشهوة والخلوة به ...

الله المستعان

[بشائر]

موضوع مهم وحساس والله يعطيك العافية أخوي غريب الدَار ..

كلما ارتقت العقول نظف الاختلاط بها ..لو كل واحد يلزم حدوده باحترام نفسه واحترام الآخرين بيكون اختلاطه نظيف ..
وأنا بهذا لا أدعو إلى الاختلاط وأنادي به لأنه معروف في ديننا حرمته .. ولأن الناس لا يستوون في تفكيرهم وتصرفاتهم ..
البعض في اختلاطهم تجاوزات غير مقبولة أبدا - ميانة و تبرج وصداقة وخروج - تكرهك بشي أسمه اختلاط وتخوفك منه !
مايحطون حدود لتعاملاتهم لقلة دينهم وصغر عقولهم .. لذلك مانقدر نقول إن الاختلاط كله نظيف وبعد مانقدر نقول إنه سيء
لأن الاختلاط أصبح واقع نعيشه حاليا فأغلب الوظائف أصبحت مختلطة حتى في مدارس البنات ( مجالس الأمناء ) منهم رجال محترمين يناقشون مع المديرة والنائبة وبعض المدرسات كثير من الجوانب اللي تهم الطالب والمدرسة ..

[المخفي]

آيات التحريم نزلت في عهد الرسول الكريم صلى الله عليه و سلم اطهر و اعف و انظف قلوبا و مع ذلك أمرتهم بتجنب الاختلاط

[معماري قطري]

أعرف وحده من الخطابات تقول لي أول ما أقول لأم الولد أن البنت تشتغل في الجهة الفلانية (وهي جهة بطبيعة البزنس مختلطه) يقولون خلاص ما نبيها ولا تحاولين تقنعينا.
يعنى بنت أدب وأخلاق بس شافوا ان شغلها خلط قالوا مانبي.... واللي بعدو.

ذكرتيني بالخطابة اللي شفتها مندمجة تقنع وحدة بالزواج من واحد شكله ما يعجبها .. كانت منهمكة طالعتني بطرف عيونها وانا واقف على الكاونتر ابغي ملفي الطبي وكملت سوالفها .. كانت ما شاء الله من الوزن الثقيل

[مختلف جداََ]

الحين سؤال

هل الإختلاط فعلاً ضرورة ؟

ولا احنا بس نحاول نقنع نفسنا إنه لا مفر منه تحت أي ظرف ؟

يعني القسم اللي كله بنات و حاطين عليهم رئيس ، يعني مافي وحده كفاءة تسد مكانه ؟

ولا قسم كله رجال و حاطين عليهم مديرة ، حد يفهمني ما عاد فيه رجال يسدون ؟


طبيب النساء اللي مشغلينه في مستشفى النساء ، ليش ما يوظفون بس طبيبات نساء ؟

محلات بيع الملابس النسائية ومستلزماتهن ، ليش ما يعينون نسوان فقط فيهم ؟
الدوائر الحكومية كلها ليش ما يكون فيها اقسام خاصة لمعاملات النساء وتخلص كل أمورهم من الألف للياء عن طريق نساء؟

الجامعات ليش ما يكون فقط يتم التدريس للبنات عن طريق دكتورات ؟ ( إلا إذا تخصص نادر ).

ذكرت سالفه قبل حول شهرين رحت المركز الصحي ، لقيت الصيدلية قسم النساء حاطين صيدلي ، وقسم الرجال حاطين صيدلانيه .
سألت الصيدلي ليش ما تبدل مع الأخت ، قال ما يصير الجدول حطوه جي ، وما نقدر نغير على كيفنا .

أبي أفهم اللي حاط جدولهم ما يخاف الله ؟

[المخفي]

النية مطية اذا يبون يقدرون

[حرف]

الحين شالحكم على الي يرضى يشغل هله
زوجته او اخته او بنته في مكان مختلط ؟

[المخفي]

ما لهم حكم عليهم

هذه الحقيقة

[معماري قطري]

يا اخوان الاختلاط بالمعنى المفهوم كل مكتب فيه بنتين وشابين هذا أكيد الكل ضده .. فيه وزارات وهيئات ما قصروا وفيه نساء كذلك ما قصروا بلبسهم الحجاب وعفتهم .. وشفنا بعيونا النقيض والاختلاط اللي نقدر نقول عنه مكروه.

كل اللي ضد الكلام زوجاتهم وبناتهم يركبون مع سائق وبعضهم بروحهم.

عني حاولت اترجم الاختلاط النظيف مثل ما يقولون .. وانا اشوفه نظيف لو البنت راحت مع أُمها سوق وكانوا ستيرات وتجنبوا كل الأُمور المثيرة للرجال .. وعكس ذلك يعتبر اختلاط مكروه ومذموم.

[ام امااني]

ما فيه اختلاط نظيف واختلاط سيئ
لكن فيه ذهنيات نظيفة وذهنيات سيئة
والمراة اللي تحترم حالها بلبسها وتصرفاتها تفرض احترام الوسط اللي تشتغل فيه مهما كان
احنا درسنا من الابتدائي للجامعة ببيئة مختلطة وكل وحدة وشخصيتها
اللي محترمة حالها عاشت كل هالمراحل محترمة ومؤدبة وما حد وصلها
اما اللي هي العكس راح تخلي نفس البيئة والوسط سيئ بالنسبة لها
فيه بنات لو تقفل عليهم مية باب وتحب تعمل الشر ما راح تمنعها هالبواب المغلقة
وفيه بنات لو تعطيها كل الحرية ما راح تغلط

[مختلف جداََ]

ما فيه اختلاط نظيف واختلاط سيئ
لكن فيه ذهنيات نظيفة وذهنيات سيئة
والمراة اللي تحترم حالها بلبسها وتصرفاتها تفرض احترام الوسط اللي تشتغل فيه مهما كان
احنا درسنا من الابتدائي للجامعة ببيئة مختلطة وكل وحدة وشخصيتها
اللي محترمة حالها عاشت كل هالمراحل محترمة ومؤدبة وما حد وصلها
اما اللي هي العكس راح تخلي نفس البيئة والوسط سيئ بالنسبة لها
فيه بنات لو تقفل عليهم مية باب وتحب تعمل الشر ما راح تمنعها هالبواب المغلقة
وفيه بنات لو تعطيها كل الحرية ما راح تغلط

أم أماني الله يحفظج

ممكن الأدلة من القرآن و السنة على كلامج ولا عليج أمر .
ممكن ؟

[بشائر]

يا اخوان الاختلاط بالمعنى المفهوم كل مكتب فيه بنتين وشابين هذا أكيد الكل ضده .. فيه وزارات وهيئات ما قصروا وفيه نساء كذلك ما قصروا بلبسهم الحجاب وعفتهم .. وشفنا بعيونا النقيض والاختلاط اللي نقدر نقول عنه مكروه.

كل اللي ضد الكلام زوجاتهم وبناتهم يركبون مع سائق وبعضهم بروحهم.

عني حاولت اترجم الاختلاط النظيف مثل ما يقولون .. وانا اشوفه نظيف لو البنت راحت مع أُمها سوق وكانوا ستيرات وتجنبوا كل الأُمور المثيرة للرجال .. وعكس ذلك يعتبر اختلاط مكروه ومذموم.

أحسنت يخوي كلام واقعي وفي محله ..

[حرف]

يا اخوان الاختلاط بالمعنى المفهوم كل مكتب فيه بنتين وشابين هذا أكيد الكل ضده .. فيه وزارات وهيئات ما قصروا وفيه نساء كذلك ما قصروا بلبسهم الحجاب وعفتهم .. وشفنا بعيونا النقيض والاختلاط اللي نقدر نقول عنه مكروه.

كل اللي ضد الكلام زوجاتهم وبناتهم يركبون مع سائق وبعضهم بروحهم.

عني حاولت اترجم الاختلاط النظيف مثل ما يقولون .. وانا اشوفه نظيف لو البنت راحت مع أُمها سوق وكانوا ستيرات وتجنبوا كل الأُمور المثيرة للرجال .. وعكس ذلك يعتبر اختلاط مكروه ومذموم.

التبست عليك الاختلاط والخلوه

[ام امااني]

أم أماني الله يحفظج

ممكن الأدلة من القرآن و السنة على كلامج ولا عليج أمر .
ممكن ؟
أم عطية قالت : غزوت مع رسول الله صلى الله عليه وسلم سبع غزوات، أخلفهم في رحالهم، فأصنع لهم الطعام وأداوي الجرحى، وأقوم على المرضى.

وروى مسلم عن أنس عن عائشة وأم سليم، كانتا في يوم أحد مشمّرتين، تنقلان القرب على متونهما وظهورهما ثم تفرغانها في أفواه القوم ثم ترجعان فتملأنها. ووجود عائشة هنا وهي في العقد الثاني من عمرها

وروى الإمام أحمد: أن ست نسوة من نساء المؤمنين كن مع الجيش الذي حاصر خيبر يتناولن السهام، ويسقين السويق ويداوين الجرحى ويغزلن الشعر، ويعن في سبيل الله، وقد أعطاهن النبي صلى الله عليه وسلم نصيبًا من الغنيمة، بل صح أن نساء بعض الصحابة شاركن في بعض الغزوات والمعارك الإسلامية بحمل السلاح، عندما أتيحت لهن الفرصة، ومعروف ما قامت به أم عمارة نسبية بنت كعب يوم أحد، حتى قال عنها صلى الله عليه وسلم : "لَمُقَامُها خَيْرٌ مِنْ مُقَامِ فُلانٍ وَفُلانٍ".

وكذلك اتخذت أم سليم خنجرًا يوم حنين، تبقر به بطن من يقترب منها، وروى مسلم عن أنس ابنها: أن أم سليم اتخذت يوم حنين خنجرًا، فكان معها، فرآها أبو طلحة زوجها فقال: يا رسول الله، هذه أم سليم معها خنجر فقال لها رسول الله صلى الله عليه وسلم :"مَا هَذَا الْخِنْجَر" ؟ قالت: اتخذته، إن دنا منى أحد المشركين بقرت به بطنه فجعل رسول الله صلى الله عليه وسلم يضحك. وقد عقد البخاري بابًا في صحيحه في غزو النساء وقتالهن.

ففي صحيح البخاري ومسلم عن أنس: أن رسول الله صلى الله عليه وسلم قالْ عند أم حرام بنت ملحان خالة أنس يومًا، ثم استيقظ وهو يضحك، فقالت : ما يضحكك يا رسول الله ؟ قال: "نَاسٌ مِنْ أُمَّتِي عُرِضُوا عَلَيَّ غُزَاةً فِي سَبِيلِ اللَّهِ يَرْكَبُونَ ثَبَجَ هَذَا الْبَحْرِ مُلُوكًا عَلَى الأَسِرَّةِ أَوْ مِثْلَ الْمُلُوكِ عَلَى الأَسِرَّةِ، قَالَتْ: فَقُلْتُ: يَا رَسُولَ اللَّهِ ادْعُ اللَّهَ أَنْ يَجْعَلَنِي مِنْهمْ فَدَعَا لَهَا رَسُولُ اللَّهِ صَلَّى اللَّهُ عَلَيْهِ وَسَلَّمَ.

فركبت أم حرام البحر في زمن عثمان، مع زوجها عبادة بن الصامت إلى قبرص، فصرعت عن دابتها هناك، فتوفيت ودفنت هناك، كما ذكر أهل السير والتاريخ .
فهذه الصحابية تمنت على رسول الله ـ صلّى الله عليه وسلّم ـ أن يدعو لها أن تركب البحر مجاهِدةً في سبيل الله ـ عزّ وجلّ ـ فلم يُنكر عليها ، ولم يقل لها : إنك تُعَرّضين نفسك للفساد ، وبيتُك خير لك ، فقرّي في بيتِك ، بل دعا لها ، وبشّرها بهذه الأمنية .

وفي الحياة الاجتماعية شاركت المرأة داعية إلى الخير، آمرة بالمعروف ناهية عن المنكر، كما قال تعالى: }وَالْمُؤْمِنُونَ وَالْمُؤْمِنَاتُ بَعْضُهُمْ أَوْلِيَاءُ بَعْضٍ يَأْمُرُونَ بِالْمَعْرُوفِ وَيَنْهَوْنَ عَنِ الْمُنْكَرِ{ [التوبة: 71]. ومن الوقائع المشهورة رد إحدى المسلمات على عمر في المسجد في قضية المهور، ورجوعه إلى رأيها علنًا، وقوله : "أصابت المرأة وأخطأ عمر" وقد ذكرها ابن كثير في تفسير سورة النساء، وقال : إسنادها جيد.
ولم يقل لها صوتك عورة او لما خرجت للمسجد
فقد روى البخاري في صحيحه عن ابن عمر رضي الله عنهما أنه قال: كان الرجال والنساء يتوضؤون في زمان رسول الله صلى الله عليه وسلم جميعا.
رواه أبو داود من طريق حماد عن أيوب عن نافع، بزيادة: «من الإناء الواحد جميعا». ومن طريق عبيد الله عن نافع، بلفظ: «كنا نتوضأ نحن والنساء على عهد رسول الله من إناء واحد ندلي فيه أيدينا»..
عن عبد الله بن عمرو بن عاص: أن نفرا من بني هاشم دخلوا على أسماء بنت عميس، فدخل أبو بكر الصديق، وهي تحته يومئذ، فرآهم، فكره ذلك ، فذكر ذلك لرسول الله صلى الله عليه وسلم وقال: لم أر إلا خيرا ، فقال رسول الله صلى الله عليه وسلم: ( إن الله قد برأها من ذلك ). ثم قام رسول الله صلى الله عليه وسلم على المنبر ، فقال: ( لا يدخلن رجل، بعد يومي هذا، على مغيبة إلا ومعه رجل أو اثنان ).
قلت: أخرجه مسلم والنسائي وابن حبان وإسناده صحيح وفيه جواز الاختلاط كما يفيده الحديث و يحرم الخلوة والمغيبة هي ذات الزوج التي غاب عنها زوجها.
: عن أبي هريرة ـ رضي الله عنه ـ ((أنّ رجلاً أتى النبيَّ ـ صلّى الله عليه وسلّم ـ فبعث إلى نسائِه ، فقُلْنَ : ما معنا إلا الماءُ ، فقال رسولُ الله ـ صلّى الله عليه وسلّم ـ مَن يَضُمّ ـ أو يُضَيِّفُ ـ هذا ؟ فقال رجلٌ من الأنصار : أنا . فانطلق به إلى امرأتِهِ ، فقال : أكرمي ضيفَ رسولِ الله ـ صلّى الله عليه وسلّم ـ فقالت : ما عندنا إلا قوتُ صبياني ، فقال : هيّئي طعامَك ، وأصبحي سراجَك ، ونوّمي صبيانَك ، إذا أرادوا طعاماً . فهيّأَتْ طعامَها ، وأصبَحَتْ سراجَها ، ونوّمت صبيانَها ، ثُمّ قامت كأنها تُصلحُ سراجَها فأطفأتْه ، فجعلا يُريانِهِ أنهما يأكلان ، فباتا طاوِيَيْنِ ، فلما أصبحَ ، غدا إلى رسولِ الله ـ صلّى الله عليه وسلّم ـ فقال : ضحِك اللهُ ـ أو عجِب ـ من فعالِكُما ، فأنزل الله : (وَيُؤْثِرُونَ عَلَى أَنْفُسِهِمْ ، وَلَوْ كَانَ بِهِمْ خَصَاصَةٌ ، وَمَنْ يُوقَ شُحَّ نَفْسِهِ ، فَأُولَئِكَ هُمُ الْمُفْلِحُونَ ) .متفق عليه : أخرجه البخاري ، مناقب الأنصار ، باب قول الله ـ عزّ وجلّ ـ ..(7/ح:3798) ومسلم ، كتاب الأشربة ، باب إكرام الضيف (3/ح:2054) . ومعنى (أصبحي) : أنيري .

فهذه امرأة تجلس وزوجها مع ضيفٍ جاءهم ، ليس في مجلسٍ كبيرٍ ممتدٍ ، وليس لقضاءِ حاجةٍ ، بل لتأكلَ معه على مائدةٍ واحدةٍ ضيقةٍ .!
خرجه البخاري وإسناده صحيح وفيه جواز الاختلاط ووقوعه بإقرار النبي صلى الله عليه وسلم كاف في جوازه

وهناك فرق بين الاختلاط والتزاحم
عن نفسي ضد الاختلاط والتزاحم لكن اذا فرضته الظروف فلا مفر منه
لاني عشت بدولة تبيح الاختلاط
ولو ما اختلطت ما تعلمت ولا دخلت جامعة ولا اشتغلت لان التعليم مختلط
وارى انه من المستحيل منع الاختلاط بزماننا هذا
فالمرأة تركب مع السواق وهي خلوة وليست فقط اختلاط
تتعامل مع الجنايني مع الخياط مع التجار وغيره
فمعظم المنتقدين الان عندهم على الاقل سواق للعائلة
ويشتغلون باماكن مختلطة
والله اعلم ما ني عالمة بالدين لكن مواقف لقيتها وحطيتها
ودايما اقول لو الاختلاط حرام لكان الله سبحانه وتعالى خصص موسم حج للنساء وموسم للرجال وهذا ابسط شيء اقنعني

[معماري قطري]

التبست عليك الاختلاط والخلوه

صحيح لكن وضحت الاختلاط بالمعنى الشامل انا ضده .. في المدارس والجامعات حتى أفضل البنات تدرسهم وحدة مثل قبل .. وفي الشغل مثل ما قلت قبل يكون لهم مدخل خاص ومصعد خاص .. وحتى قسم خاص وعليهم مسؤولة كبيرة

[معماري قطري]

أم عطية قالت : غزوت مع رسول الله صلى الله عليه وسلم سبع غزوات، أخلفهم في رحالهم، فأصنع لهم الطعام وأداوي الجرحى، وأقوم على المرضى.

وروى مسلم عن أنس عن عائشة وأم سليم، كانتا في يوم أحد مشمّرتين، تنقلان القرب على متونهما وظهورهما ثم تفرغانها في أفواه القوم ثم ترجعان فتملأنها. ووجود عائشة هنا وهي في العقد الثاني من عمرها

وروى الإمام أحمد: أن ست نسوة من نساء المؤمنين كن مع الجيش الذي حاصر خيبر يتناولن السهام، ويسقين السويق ويداوين الجرحى ويغزلن الشعر، ويعن في سبيل الله، وقد أعطاهن النبي صلى الله عليه وسلم نصيبًا من الغنيمة، بل صح أن نساء بعض الصحابة شاركن في بعض الغزوات والمعارك الإسلامية بحمل السلاح، عندما أتيحت لهن الفرصة، ومعروف ما قامت به أم عمارة نسبية بنت كعب يوم أحد، حتى قال عنها صلى الله عليه وسلم : "لَمُقَامُها خَيْرٌ مِنْ مُقَامِ فُلانٍ وَفُلانٍ".

وكذلك اتخذت أم سليم خنجرًا يوم حنين، تبقر به بطن من يقترب منها، وروى مسلم عن أنس ابنها: أن أم سليم اتخذت يوم حنين خنجرًا، فكان معها، فرآها أبو طلحة زوجها فقال: يا رسول الله، هذه أم سليم معها خنجر فقال لها رسول الله صلى الله عليه وسلم :"مَا هَذَا الْخِنْجَر" ؟ قالت: اتخذته، إن دنا منى أحد المشركين بقرت به بطنه فجعل رسول الله صلى الله عليه وسلم يضحك. وقد عقد البخاري بابًا في صحيحه في غزو النساء وقتالهن.

ففي صحيح البخاري ومسلم عن أنس: أن رسول الله صلى الله عليه وسلم قالْ عند أم حرام بنت ملحان خالة أنس يومًا، ثم استيقظ وهو يضحك، فقالت : ما يضحكك يا رسول الله ؟ قال: "نَاسٌ مِنْ أُمَّتِي عُرِضُوا عَلَيَّ غُزَاةً فِي سَبِيلِ اللَّهِ يَرْكَبُونَ ثَبَجَ هَذَا الْبَحْرِ مُلُوكًا عَلَى الأَسِرَّةِ أَوْ مِثْلَ الْمُلُوكِ عَلَى الأَسِرَّةِ، قَالَتْ: فَقُلْتُ: يَا رَسُولَ اللَّهِ ادْعُ اللَّهَ أَنْ يَجْعَلَنِي مِنْهمْ فَدَعَا لَهَا رَسُولُ اللَّهِ صَلَّى اللَّهُ عَلَيْهِ وَسَلَّمَ.

فركبت أم حرام البحر في زمن عثمان، مع زوجها عبادة بن الصامت إلى قبرص، فصرعت عن دابتها هناك، فتوفيت ودفنت هناك، كما ذكر أهل السير والتاريخ .
فهذه الصحابية تمنت على رسول الله ـ صلّى الله عليه وسلّم ـ أن يدعو لها أن تركب البحر مجاهِدةً في سبيل الله ـ عزّ وجلّ ـ فلم يُنكر عليها ، ولم يقل لها : إنك تُعَرّضين نفسك للفساد ، وبيتُك خير لك ، فقرّي في بيتِك ، بل دعا لها ، وبشّرها بهذه الأمنية .

وفي الحياة الاجتماعية شاركت المرأة داعية إلى الخير، آمرة بالمعروف ناهية عن المنكر، كما قال تعالى: }وَالْمُؤْمِنُونَ وَالْمُؤْمِنَاتُ بَعْضُهُمْ أَوْلِيَاءُ بَعْضٍ يَأْمُرُونَ بِالْمَعْرُوفِ وَيَنْهَوْنَ عَنِ الْمُنْكَرِ{ [التوبة: 71]. ومن الوقائع المشهورة رد إحدى المسلمات على عمر في المسجد في قضية المهور، ورجوعه إلى رأيها علنًا، وقوله : "أصابت المرأة وأخطأ عمر" وقد ذكرها ابن كثير في تفسير سورة النساء، وقال : إسنادها جيد.
ولم يقل لها صوتك عورة او لما خرجت للمسجد
فقد روى البخاري في صحيحه عن ابن عمر رضي الله عنهما أنه قال: كان الرجال والنساء يتوضؤون في زمان رسول الله صلى الله عليه وسلم جميعا.
رواه أبو داود من طريق حماد عن أيوب عن نافع، بزيادة: «من الإناء الواحد جميعا». ومن طريق عبيد الله عن نافع، بلفظ: «كنا نتوضأ نحن والنساء على عهد رسول الله من إناء واحد ندلي فيه أيدينا»..
عن عبد الله بن عمرو بن عاص: أن نفرا من بني هاشم دخلوا على أسماء بنت عميس، فدخل أبو بكر الصديق، وهي تحته يومئذ، فرآهم، فكره ذلك ، فذكر ذلك لرسول الله صلى الله عليه وسلم وقال: لم أر إلا خيرا ، فقال رسول الله صلى الله عليه وسلم: ( إن الله قد برأها من ذلك ). ثم قام رسول الله صلى الله عليه وسلم على المنبر ، فقال: ( لا يدخلن رجل، بعد يومي هذا، على مغيبة إلا ومعه رجل أو اثنان ).
قلت: أخرجه مسلم والنسائي وابن حبان وإسناده صحيح وفيه جواز الاختلاط كما يفيده الحديث و يحرم الخلوة والمغيبة هي ذات الزوج التي غاب عنها زوجها.
: عن أبي هريرة ـ رضي الله عنه ـ ((أنّ رجلاً أتى النبيَّ ـ صلّى الله عليه وسلّم ـ فبعث إلى نسائِه ، فقُلْنَ : ما معنا إلا الماءُ ، فقال رسولُ الله ـ صلّى الله عليه وسلّم ـ مَن يَضُمّ ـ أو يُضَيِّفُ ـ هذا ؟ فقال رجلٌ من الأنصار : أنا . فانطلق به إلى امرأتِهِ ، فقال : أكرمي ضيفَ رسولِ الله ـ صلّى الله عليه وسلّم ـ فقالت : ما عندنا إلا قوتُ صبياني ، فقال : هيّئي طعامَك ، وأصبحي سراجَك ، ونوّمي صبيانَك ، إذا أرادوا طعاماً . فهيّأَتْ طعامَها ، وأصبَحَتْ سراجَها ، ونوّمت صبيانَها ، ثُمّ قامت كأنها تُصلحُ سراجَها فأطفأتْه ، فجعلا يُريانِهِ أنهما يأكلان ، فباتا طاوِيَيْنِ ، فلما أصبحَ ، غدا إلى رسولِ الله ـ صلّى الله عليه وسلّم ـ فقال : ضحِك اللهُ ـ أو عجِب ـ من فعالِكُما ، فأنزل الله : (وَيُؤْثِرُونَ عَلَى أَنْفُسِهِمْ ، وَلَوْ كَانَ بِهِمْ خَصَاصَةٌ ، وَمَنْ يُوقَ شُحَّ نَفْسِهِ ، فَأُولَئِكَ هُمُ الْمُفْلِحُونَ ) .متفق عليه : أخرجه البخاري ، مناقب الأنصار ، باب قول الله ـ عزّ وجلّ ـ ..(7/ح:3798) ومسلم ، كتاب الأشربة ، باب إكرام الضيف (3/ح:2054) . ومعنى (أصبحي) : أنيري .

فهذه امرأة تجلس وزوجها مع ضيفٍ جاءهم ، ليس في مجلسٍ كبيرٍ ممتدٍ ، وليس لقضاءِ حاجةٍ ، بل لتأكلَ معه على مائدةٍ واحدةٍ ضيقةٍ .!
خرجه البخاري وإسناده صحيح وفيه جواز الاختلاط ووقوعه بإقرار النبي صلى الله عليه وسلم كاف في جوازه

وهناك فرق بين الاختلاط والتزاحم
عن نفسي ضد الاختلاط والتزاحم لكن اذا فرضته الظروف فلا مفر منه
لاني عشت بدولة تبيح الاختلاط
ولو ما اختلطت ما تعلمت ولا دخلت جامعة ولا اشتغلت لان التعليم مختلط
وارى انه من المستحيل منع الاختلاط بزماننا هذا
فالمرأة تركب مع السواق وهي خلوة وليست فقط اختلاط
تتعامل مع الجنايني مع الخياط مع التجار وغيره
فمعظم المنتقدين الان عندهم على الاقل سواق للعائلة
ويشتغلون باماكن مختلطة
والله اعلم ما ني عالمة بالدين لكن مواقف لقيتها وحطيتها
ودايما اقول لو الاختلاط حرام لكان الله سبحانه وتعالى خصص موسم حج للنساء وموسم للرجال وهذا ابسط شيء اقنعني

ما شاء الله عليج ما قصرتي بهالأدلة

[طلعة الروح]

الحين شالحكم على الي يرضى يشغل هله
زوجته او اخته او بنته في مكان مختلط ؟

الحاجه أم الاختراع
مانقدر كلنا نشتغل مدرسات أو ربات بيوت كما فضل واحد من الأعضاء

[بوخميس]

فرض الحجاب في السنة الرابعة للهجرة

فالاحاديث الواردة في الغزوات التي حدثت قبل ذلك التاريخ لا يستدل بها على جواز الاختلاط.

[بوخالد911]

متاااابع

[راجي الْعفو]

الموضوع هذا تم ذكره مرارا و تكرارا


ونسبة جواز الاختلاط بهذا الإطلاق بإقرار النبي عليه الصلاة السلام لذلك

نسبة خطيرة و غير صحيحة يا أم اماني الله يحفظج

لان في هذا نسبة إقرار النبي عليه الصلاة و السلام المعصية !!

فعلاوة على ما ذكره اخونا بوخميس

فالأحاديث المذكورة أكثرها حوادث أعيان ، اي انها احكام و أوضاع وقعت في على هيئة مخصوصة
وحوادث الأعيان محتملة لعدة توجيهات ، فمن ذلك مثلا ان يقال ان الصحابيات كانت تداوي محارمهن
وكانت تسافر مع محارمهن ، الى غير ذلك من التوجيهات


ونصوص منع الاختلاط واضحة و كثيرة من ذلك

ان النبي عليه الصلاة و السلام جعل للنساء بابا مخصوصا في المسجد
و ايضا امرهن ان يتأخرن في الصفوف و قال ( شر صفوف النساء اولها )
وكانت النساء في عهد النبوة يطفن بعيدا عن الرجال و لا يزاحمنهم

وأنكرت عائشة رضي الله عنها على المرأة التي أرادت مزاحمة الرجال في الطواف إنكارا عنيفا
وخصص النبي عليه الصلاة و السلام يوما للنساء يعظهم و يذكرهن و لم يجمعهم مع الرجال في مكان واحد

وكلها احاديث مخرجة في صحيح البخاري و غيره

فهذا هو الاصل ، ان يفصل بين الجنسين
لا ان يقال ان الاصل جوازه ، بل هذا على خلاف الاصل
بل و لا تدل عليه مقاصد الشريعة الداعية لدرء المفاسد و سد ذرائع الفتنة

[المخفي]

الموضوع هذا تم ذكره مرارا و تكرارا


ونسبة جواز الاختلاط بهذا الإطلاق بإقرار النبي عليه الصلاة السلام لذلك

نسبة خطيرة و غير صحيحة يا أم اماني الله يحفظج

لان في هذا نسبة إقرار النبي عليه الصلاة و السلام المعصية !!

فعلاوة على ما ذكره اخونا بوخميس

فالأحاديث المذكورة أكثرها حوادث أعيان ، اي انها احكام و أوضاع وقعت في على هيئة مخصوصة
وحوادث الأعيان محتملة لعدة توجيهات ، فمن ذلك مثلا ان يقال ان الصحابيات كانت تداوي محارمهن
وكانت تسافر مع محارمهن ، الى غير ذلك من التوجيهات


ونصوص منع الاختلاط واضحة و كثيرة من ذلك

ان النبي عليه الصلاة و السلام جعل للنساء بابا مخصوصا في المسجد
و ايضا امرهن ان يتأخرن في الصفوف و قال ( شر صفوف النساء اولها )
وكانت النساء في عهد النبوة يطفن بعيدا عن الرجال و لا يزاحمنهم

وأنكرت عائشة رضي الله عنها على المرأة التي أرادت مزاحمة الرجال في الطواف إنكارا عنيفا
وخصص النبي عليه الصلاة و السلام يوما للنساء يعظهم و يذكرهن و لم يجمعهم مع الرجال في مكان واحد

وكلها احاديث مخرجة في صحيح البخاري و غيره

فهذا هو الاصل ، ان يفصل بين الجنسين
لا ان يقال ان الاصل جوازه ، بل هذا على خلاف الاصل
بل و لا تدل عليه مقاصد الشريعة الداعية لدرء المفاسد و سد ذرائع الفتنة

جزاك الله خير

[الجـــوديّ]

><

مايوارج كلش يا غريب الدار اختلاط مع نظيف !!

تخلص المراة من شغلها الضروري مع أي طرف آخر غريب ..

هو مدير والا خياط والا دكتور ... والا غيره .. التعامل على قد الحاجة وانتهى الموضوع

[راجي الْعفو]

جزاك الله خير

امين و يجزاك بمثله

[ام امااني]

الموضوع هذا تم ذكره مرارا و تكرارا


ونسبة جواز الاختلاط بهذا الإطلاق بإقرار النبي عليه الصلاة السلام لذلك

نسبة خطيرة و غير صحيحة يا أم اماني الله يحفظج

لان في هذا نسبة إقرار النبي عليه الصلاة و السلام المعصية !!

فعلاوة على ما ذكره اخونا بوخميس

فالأحاديث المذكورة أكثرها حوادث أعيان ، اي انها احكام و أوضاع وقعت في على هيئة مخصوصة
وحوادث الأعيان محتملة لعدة توجيهات ، فمن ذلك مثلا ان يقال ان الصحابيات كانت تداوي محارمهن
وكانت تسافر مع محارمهن ، الى غير ذلك من التوجيهات


ونصوص منع الاختلاط واضحة و كثيرة من ذلك

ان النبي عليه الصلاة و السلام جعل للنساء بابا مخصوصا في المسجد
و ايضا امرهن ان يتأخرن في الصفوف و قال ( شر صفوف النساء اولها )
وكانت النساء في عهد النبوة يطفن بعيدا عن الرجال و لا يزاحمنهم

وأنكرت عائشة رضي الله عنها على المرأة التي أرادت مزاحمة الرجال في الطواف إنكارا عنيفا
وخصص النبي عليه الصلاة و السلام يوما للنساء يعظهم و يذكرهن و لم يجمعهم مع الرجال في مكان واحد

وكلها احاديث مخرجة في صحيح البخاري و غيره

فهذا هو الاصل ، ان يفصل بين الجنسين
لا ان يقال ان الاصل جوازه ، بل هذا على خلاف الاصل
بل و لا تدل عليه مقاصد الشريعة الداعية لدرء المفاسد و سد ذرائع الفتنة

جزاك الله خير

[ام امااني]

><

مايوارج كلش يا غريب الدار اختلاط مع نظيف !!

تخلص المراة من شغلها الضروري مع أي طرف آخر غريب ..

هو مدير والا خياط والا دكتور ... والا غيره .. التعامل على قد الحاجة وانتهى الموضوع



صح لسانك راي سديد

[ام امااني]

><

مايوارج كلش يا غريب الدار اختلاط مع نظيف !!

تخلص المراة من شغلها الضروري مع أي طرف آخر غريب ..

هو مدير والا خياط والا دكتور ... والا غيره .. التعامل على قد الحاجة وانتهى الموضوع



كلام الاخت صح

[حسن]

بالنسبه للاختلاط اصبح واقع ومااعتقد نقدر نغيره نهائيا
جيب لي اي وزاره مافيها اختلاط
مافي
لازم هناك اختلاط مع مسؤل ولا موظف ولا فراش

هذا كله اختلاط

بالنسبه لمفهومي البسيط

[ام امااني]

بالنسبه للاختلاط اصبح واقع ومااعتقد نقدر نغيره نهائيا
جيب لي اي وزاره مافيها اختلاط
مافي
لازم هناك اختلاط مع مسؤل ولا موظف ولا فراش

هذا كله اختلاط

بالنسبه لمفهومي البسيط
ينضر دينك يا استاذ على قولة عادل امام
هاي اللي حبيت اقوله
لكن دخلوني بمتاهات خفت على معلوماتي البسيطة
معلوماتي الدينية البسيطة طبعا تحرم الخلوة اما الاختلاط في حدود ضوابط الدين لضرورة الدراسة والعمل وغيره وبحدود الحشمة والالتزام بالحجاب ما اضن انها حرام لكن مكروهة
الله امر النساء بلبس الحجاب عند وجود رجال غير محارم يعني فيه اختلاط
وامر كل من الرجل والمراة بغض البصر
في حالة اللقاء والاختلاط سواء بشارع بسوق بمشفى بالعمل
يعني هذا دليل على اختلاط والله اعلم انا ضد الاختلاط الا للضرورة
كالدراسة اذا كنا بمجتمعات مختلطة الظرف يحتم
فحتى الدول الاسلامية اللي تحرم الاختلاط بناتها لما يروحون ابتعاث يضطرون للاختلاط
وما حرموا الابتعاث عن الطالبات
ياريت يكون لنا مجتمعات دون اختلاط لكن مستحيل ابسط شيء كل سنة نروح اجازات لدول اجنبية يبدا الاختلاط من الطائرة الى الطائرة مع انها شيء مو ضروري

الاختلاط صار حتمية لا مفر منها
حتى البنات اللي بيروحون مدارس غير مختلطة بوصلهم سواق الباص او بالسيارة
والله هلمثاليات راحت زمان وكل زمان و ضروراته
انا لست بمجال تحليل وتحريم
ولكن بتوضيح واقع نعيشه رغما عنا

[Qtr37]

حتى المنتدى هنا اختلاط :)
الاسواق والمجمعات والمطاعم والمستشفيات اختلاط،، الاختلاط مب بس في العمل والدراسه،، يعني الاختلاط في المستشفى هو اختلاط لحاجة وهدف معين والاختلاط في العمل من غير هدف؟
سمعت كلام كثير عن هالموضوع والحمدالله ، مع ان بعض الظروف حتمت علي الاختلاط لكن الحمدلله ما انحرفت ولا انهبلت ولا حد تجرأ يغلط علي ولا كونت علاقات !!!! والحمدلله تزوجت زواج تقليدي من رجل سمعته اهم ما يمزه :)

[qatara]

الاختلاط وشو النظيف

صابون تايد

هههههههههههههه

[غريب الدّار]

اشكر كل من رد
وبصراحة ماشاء الله ردود مثرية للموضوع وللأسف يمكن مااقدر ارد على كل رد على حدة

والله يستر على الجميع


لكن اللي فهمته :
1- في مجموعة ضد الاختلاط على طول الخط ، وتنقد على اللي تشتغل او اللي يشتغل في مكان مختلط.
2- محموعة ثانية تشوف ان الاختلاط اصبح واقع لكن مع هذا يجب ا يكون في اضيق الحدود.
3- مجموعة ثالثة تشوف ان الاختلاط جايز وممكن بس في حدود الحاجة فقط.
4- ......................... (المجموعة الرابعة خاطري اشوف لها راي ، يعني وحدة تشتغل في مكان مختلط , او واحد ويجي يقول لنا اشكره الاختلاط ماوراه مشاكل) :) ويبرر كلامه

[غريب الدّار]

مافي شي اسمه اختلاط نظيف ، وان ماخاب ظني ان في أحد المقالات ذكر أن الاختلاط النظيف حل لمشكلة العنوسه .
لكل شخص وجهة نظر ، وشخصيا لا أتفق معه نهائيا .

استوقفني هالرد من الأخ بايلوت لسبب :
انه مختلف في الراي مع صاحب المقولة لكن بكل أدب واحترام
بدون أي تجريح


اشكرك اخوي بايلوت

[sweet qatar]

افا يا غريب .. وأنا وين رأيي في تصنيفك !!

[غريب الدّار]

افا يا غريب .. وأنا وين رأيي في تصنيفك !!

انتي رايج على راسي ياسويت وأكبر من التصنيف
ولا يهونون الموجودين

[غريب الدّار]

مصطلح غريب !!

أنا مع تسمية الأمور بمسمياتها

لما أدخل السوق واشتري من بائع أو أسأل دكتور أو اتواصل لأي سبب مع رجل غريب

هذا تعامل له شروط واضحه بنص القرآن

وإذا كان المقصود بالنظافة .. نظافة القلب والنية فهذي عند رب العالمين


المشكلة إن الازدواجية تلقاها بشكل واضح لما تتكلم عن الاختلاط

يقولك شخص أنا ضد الاختلاط .. وهو يشتغل بوظيفة حوله يمكن 20 موظفة !!

فالظاهر هو يقصد إنه ضد اختلاط أهله بالرجال لكن هو عادي يختلط ماعنده مشكلة

مادري ليش التفلسف و الدين واضح !!
والله ياسويت يمكن كلامج صحيح

بس هل تشوفين ان الاختلاط اصبح واقع لابد من معايشته بما لايضر المجتمع ؟
اما اللي يقول ضد الاختلاط وهو شغلا في مكان مختلط فهذا متناقض اشكره !!

ترى على فكرة ياسويت :
في ناس فاهمين ان الاختلاط مقصور على النساء

يعني :
اذا هو يشتغل في مكان مختلط عادي لانه ريال !!
ومايسميه اختلاط

بس اذا الحرمة تشتغل معناها غلط!


هذا طبعا مرده للثقافة الذكورية (واقولها بصراحة)

ناس وايد يشوفون ان الحرمة اذا اشتغلت في مكان مختلط بتنحرف والريال لا

[العنيده]

الاختلاط النظيف ..
في شي اسمه اختلاط نظيف اللي يعتمد على تربية الشخص والسلوك اللي يستخدمه في التواصل ..
ظروف بعضنا اجبرنا نشتغل في مكان خلط بس الحمدلله كانت التربيه قبل كل شي في التواصل ..
طبيعة شغلي خلط 100% بس لما الشخص يتذكر ثقة اهله فيه والشي اللي تربينا عليه بيحط له
حدود واساسيات في التواصل ..
نعم هو واقع بس اكرر يعتمد على التربيه والشخصيه اكثر شي ..

[sweet qatar]

انتي رايج على راسي ياسويت وأكبر من التصنيف
ولا يهونون الموجودين

يسلم راسك الشيخ

من طيبك و ذوقك


والله ياسويت يمكن كلامج صحيح

بس هل تشوفين ان الاختلاط اصبح واقع لابد من معايشته بما لايضر المجتمع ؟
اما اللي يقول ضد الاختلاط وهو شغلا في مكان مختلط فهذا متناقض اشكره !!

ترى على فكرة ياسويت :
في ناس فاهمين ان الاختلاط مقصور على النساء

يعني :
اذا هو يشتغل في مكان مختلط عادي لانه ريال !!
ومايسميه اختلاط

بس اذا الحرمة تشتغل معناها غلط!


هذا طبعا مرده للثقافة الذكورية (واقولها بصراحة)

ناس وايد يشوفون ان الحرمة اذا اشتغلت في مكان مختلط بتنحرف والريال لا

هذا أساس التناقض .. والي ماله أساس في الدين

الدين واضح وحدد لك شروط و عطاك أساليب تروض بها نفسك

في كل تعاملاتك اليومية .. مع الخدامة مع موظفة خدمة جمهور
مع دكتورة .. مع أي وحدة من الجنس الآخر غير محارمك

وللأسف إن التناقض والازدواجية نتج عنها مجتمع متناقض

ممكن يمدح و يرفع وحدة لأنه "مايقدر " يغلط عليها
ويستقوي علي الثانية أو يحكم بالسوء علي كل نساء المجتمع

عشان جذي أقول ان مصطلح الاختلاط نفسه .. مصطلح غير واضح

وكلمة نظيف .. تزيد المصطلح غرابة !!

[MaRuKoO]

الرجال عيارين بيقولج انا ضد الاختلاط واخرته بيتنيل على عينه وبيتعرف ويتزوج وحده من كثر الاختلاط وقلة الحيا
بيقولج انا ضد السواقه واخرته بيتزوج وحده تسوق ولا بيخلي بنته تسوق
كل شي ينتقدووه مسالة وقت ولين وصل لحاجتهم ورغبتهم غيروا المبدأ كامل
وسلامتكم :)
بيهلون علي الحين هههههههههه النحشه

[غريب الدّار]

يسلم راسك الشيخ

من طيبك و ذوقك



هذا أساس التناقض .. والي ماله أساس في الدين

الدين واضح وحدد لك شروط و عطاك أساليب تروض بها نفسك

في كل تعاملاتك اليومية .. مع الخدامة مع موظفة خدمة جمهور
مع دكتورة .. مع أي وحدة من الجنس الآخر غير محارمك

وللأسف إن التناقض والازدواجية نتج عنها مجتمع متناقض

ممكن يمدح و يرفع وحدة لأنه "مايقدر " يغلط عليها
ويستقوي علي الثانية أو يحكم بالسوء علي كل نساء المجتمع

عشان جذي أقول ان مصطلح الاختلاط نفسه .. مصطلح غير واضح

وكلمة نظيف .. تزيد المصطلح غرابة !!

في الصميم ياسويت :)

التناقض موجود وبقوة

والغلط غلط سواء من الذكر أو الانثى
والله مايشوف الاشكال او المناصب لكن يشوف الاعمال

تسلم يمينج

[Charisma]

استوقفني هالرد من الأخ بايلوت لسبب :
انه مختلف في الراي مع صاحب المقولة لكن بكل أدب واحترام
بدون أي تجريح


اشكرك اخوي بايلوت

العفو اخوي ،





والله ياسويت يمكن كلامج صحيح

بس هل تشوفين ان الاختلاط اصبح واقع لابد من معايشته بما لايضر المجتمع ؟
اما اللي يقول ضد الاختلاط وهو شغلا في مكان مختلط فهذا متناقض اشكره !!

ترى على فكرة ياسويت :
في ناس فاهمين ان الاختلاط مقصور على النساء

يعني :
اذا هو يشتغل في مكان مختلط عادي لانه ريال !!
ومايسميه اختلاط

بس اذا الحرمة تشتغل معناها غلط!


هذا طبعا مرده للثقافة الذكورية (واقولها بصراحة)

ناس وايد يشوفون ان الحرمة اذا اشتغلت في مكان مختلط بتنحرف والريال لا


أحب اخوض معاك في نقاش هالنقطه " اما اللي يقول ضد الاختلاط وهو شغال في مكان مختلط فهذا متناقض اشكره !!" وهي نفس النقطه اللي أثارتها سويت وحقيقة لا أعرف من وين وصل لها هالتخمين ، وبناءا على أي تجربه استنتجت هالنقطه في تعميم وضع كل من يعمل في بيئة مختلطه انه متناقض عند معارضته للأختلاط ، مع العلم اني ناقشتها في اخر رد دون تعقيب منها .

عموما ، لنبدا بتحليل النقطه :

النقاش في موضوع عن الأختلاط ، وتوجيه اتهامات بالتناقض للرجال المعارضين والعاملين في بيئات مختلطه ، والدخول في نواياهم وافتراض التخمينات الغير منطقيه بأن الرجال "يبارك" لنفسه الاختلاط ويمنعه عن أهله ، حجه واهيه ، لاتملك أدنى مقومات المنطق ، وعلى افتراض اننا تقبلنا الفكره ، شالمطلوب ؟ ان يدخل أهله في بيئة عمل مختلطه حتى تزول عنه "غمامة" التناقض ؟ أم ان يبارك الأختلاط ويؤيده ؟ .

ثم انكم قد تناسيتم بعض الأمور المهمه ، ومنها أن مصير الأختلاط بيد المسؤولين وأصحاب القرار + انتشار الأختلاط في أغلب جهات العمل ، وأنكار الشخص في نفسه وسعيه و"تمنيه" ، في معارضته للأختلاط ، أمر لايتناقض مع كونه يعمل في بيئة مختلطه .

[Zarr]

السـلام عليكم .,

مرحبا اخوي غريب الدّار ..

بالنسبة لي مافي شي اسمه اختلاط نظيف .. لكن في " شخص نظيف "

خل ناخذ السوق كمثال :
وحدة تدخل محل تتغرض وتحاسب وتطلع وهي ملتزمة بأقصى درجات الاحترام في التعامل ( وتجبر البائع نفسه مايقول حرف واحد ماله داعي )
وحدة ثانية ، تروح نفس المحل ونفس البائع ويصير بينهم تجاوزات بغض النظر عن درجة التجاوز !

لو تلاحظ هو نفس المحل ونفس البائع ونفس الأختلاط ، ولكن الأولى نظيفة ومحترمة وبالتالي انعكس هالشي على الاختلاط
والثانية العكس ،، وتقدر تقيس على باقي الأماكن ../

لكــن / مابي احد يفهم كلامي على مبدأ ( المحترمة ما ينخاف عليها وسط الف رجال )
ولو انه هالمبدأ صحيح لكن انا ما أأيده ، لأن الكثير فاهمينه ويطبقونه غلط !!

المشكلة في الأختلاط يا اخوي غريب الدار انه شي يلعب على الفطرة
اللي هي انجذاب المرأة للرجل والعكس !

يعني مثلاً لو تحط وحدة متربية عدل ومحترمة ف مكان كل اللي فيه يشربون خمر
عادي ما تتأثر بهم لو تقعد الف سنة ،، وتربيتها واحترامها بيكونون حماية لها

لكن لو تحطها في بيئة مختلطة ، لا تلومها اذا اعجبت بفلان او حتى صار بينهم علاقة
صدقني تربيتها موجودة واحترامها بعد ، لكن الفطرة تغلب كل شي !


لذلك نسمع كثير عن الغرب المسيحين الواحد يوصل 30 سنة واكثر وهو مسيحي وبيئته مسيحية
ومتربي ف الكنيسة ويكون ابوه نفسه راهب ..
وبعد كل هذا يصير مسلم .. ليش ؟ لأنه فطرة التوحيد تغلبت على كل هالاشياء !!



هالمبدأ نقدر نستخدمه اذا الوحدة تعرضت للأختلاط للضرورة .. في المستشفى او السوق وغيرهم ,,
لكن انك تحط وحدة في بيئة دراسية مختلطة مع وجود بديل غير مختلط
وتقول المحترمة ما ينخاف عليها وسط الف رجال ،، لا يبآ سلامات انت فاهم غلط

واصلاً الإسلام قائم على سد الذرائع !


طبعاً المبدأ السابق والكلام عنه ينطبق على الرجل أيضاً مثل المرأة تماماً .

~~ نقطة اخيرة :

انا اشوف الأختلاط غلط وأرفضه .. لكن ما احكم ولا اقيم كل من له وجهة نظر ثانية
لان انا نفسي اقع في الأختلاط بشكل أو بآخر ..

شكــراً .,

[sweet qatar]

أحب اخوض معاك في نقاش هالنقطه " اما اللي يقول ضد الاختلاط وهو شغال في مكان مختلط فهذا متناقض اشكره !!" وهي نفس النقطه اللي أثارتها سويت وحقيقة لا أعرف من وين وصل لها هالتخمين ، وبناءا على أي تجربه استنتجت هالنقطه في تعميم وضع كل من يعمل في بيئة مختلطه انه متناقض عند معارضته للأختلاط ، مع العلم اني ناقشتها في اخر رد دون تعقيب منها .



ما عندي اعتراض علي ما ورد في ردك إضافة الي إني خذت انطباع إن بعده نقطة علي السطر

احنا ما نختلف علي ان الشخص ممكن يكون مضطر أو مهاراته الي يتقنها في مجال يحتم عليه التعامل المستمر مع الجنس الآخر

بس لو لاحظت ما بين السطور واضح التناقض الي نقصده
انا ما عممت ولا فصلت
أكره التفصيل و بالعادة ألمح للشخصيات السلبية

و من وين خذت الانطباع
من الي شفته بعيني طال عمرك

[Charisma]

السـلام عليكم .,

مرحبا اخوي غريب الدّار ..

بالنسبة لي مافي شي اسمه اختلاط نظيف .. لكن في " شخص نظيف "

خل ناخذ السوق كمثال :
وحدة تدخل محل تتغرض وتحاسب وتطلع وهي ملتزمة بأقصى درجات الاحترام في التعامل ( وتجبر البائع نفسه مايقول حرف واحد ماله داعي )
وحدة ثانية ، تروح نفس المحل ونفس البائع ويصير بينهم تجاوزات بغض النظر عن درجة التجاوز !

لو تلاحظ هو نفس المحل ونفس البائع ونفس الأختلاط ، ولكن الأولى نظيفة ومحترمة وبالتالي انعكس هالشي على الاختلاط
والثانية العكس ،، وتقدر تقيس على باقي الأماكن ../

لكــن / مابي احد يفهم كلامي على مبدأ ( المحترمة ما ينخاف عليها وسط الف رجال )
ولو انه هالمبدأ صحيح لكن انا ما أأيده ، لأن الكثير فاهمينه ويطبقونه غلط !!

المشكلة في الأختلاط يا اخوي غريب الدار انه شي يلعب على الفطرة
اللي هي انجذاب المرأة للرجل والعكس !

يعني مثلاً لو تحط وحدة متربية عدل ومحترمة ف مكان كل اللي فيه يشربون خمر
عادي ما تتأثر بهم لو تقعد الف سنة ،، وتربيتها واحترامها بيكونون حماية لها

لكن لو تحطها في بيئة مختلطة ، لا تلومها اذا اعجبت بفلان او حتى صار بينهم علاقة
صدقني تربيتها موجودة واحترامها بعد ، لكن الفطرة تغلب كل شي !


لذلك نسمع كثير عن الغرب المسيحين الواحد يوصل 30 سنة واكثر وهو مسيحي وبيئته مسيحية
ومتربي ف الكنيسة ويكون ابوه نفسه راهب ..
وبعد كل هذا يصير مسلم .. ليش ؟ لأنه فطرة التوحيد تغلبت على كل هالاشياء !!



هالمبدأ نقدر نستخدمه اذا الوحدة تعرضت للأختلاط للضرورة .. في المستشفى او السوق وغيرهم ,,
لكن انك تحط وحدة في بيئة دراسية مختلطة مع وجود بديل غير مختلط
وتقول المحترمة ما ينخاف عليها وسط الف رجال ،، لا يبآ سلامات انت فاهم غلط

واصلاً الإسلام قائم على سد الذرائع !


طبعاً المبدأ السابق والكلام عنه ينطبق على الرجل أيضاً مثل المرأة تماماً .

~~ نقطة اخيرة :

انا اشوف الأختلاط غلط وأرفضه .. لكن ما احكم ولا اقيم كل من له وجهة نظر ثانية
لان انا نفسي اقع في الأختلاط بشكل أو بآخر ..

شكــراً .,



مراحب اخوي Zarr ،

أثني على ردك وتحليلك ، وانت من الأعضاء اللي تعجبني مشاركاتهم بغض النظر ان كنت متفق معها ام لا ، لكن مشكلتك في شيء واحد ، بين كل مشاركه ومشاركه ، شهر .

ودنا تتفاعل شوي وتثري بقية المواضيع النقاشيه . :nice:

[sweet qatar]

السـلام عليكم .,

مرحبا اخوي غريب الدّار ..

بالنسبة لي مافي شي اسمه اختلاط نظيف .. لكن في " شخص نظيف "

خل ناخذ السوق كمثال :
وحدة تدخل محل تتغرض وتحاسب وتطلع وهي ملتزمة بأقصى درجات الاحترام في التعامل ( وتجبر البائع نفسه مايقول حرف واحد ماله داعي )
وحدة ثانية ، تروح نفس المحل ونفس البائع ويصير بينهم تجاوزات بغض النظر عن درجة التجاوز !

لو تلاحظ هو نفس المحل ونفس البائع ونفس الأختلاط ، ولكن الأولى نظيفة ومحترمة وبالتالي انعكس هالشي على الاختلاط
والثانية العكس ،، وتقدر تقيس على باقي الأماكن ../

لكــن / مابي احد يفهم كلامي على مبدأ ( المحترمة ما ينخاف عليها وسط الف رجال )
ولو انه هالمبدأ صحيح لكن انا ما أأيده ، لأن الكثير فاهمينه ويطبقونه غلط !!

المشكلة في الأختلاط يا اخوي غريب الدار انه شي يلعب على الفطرة
اللي هي انجذاب المرأة للرجل والعكس !

يعني مثلاً لو تحط وحدة متربية عدل ومحترمة ف مكان كل اللي فيه يشربون خمر
عادي ما تتأثر بهم لو تقعد الف سنة ،، وتربيتها واحترامها بيكونون حماية لها

لكن لو تحطها في بيئة مختلطة ، لا تلومها اذا اعجبت بفلان او حتى صار بينهم علاقة
صدقني تربيتها موجودة واحترامها بعد ، لكن الفطرة تغلب كل شي !


لذلك نسمع كثير عن الغرب المسيحين الواحد يوصل 30 سنة واكثر وهو مسيحي وبيئته مسيحية
ومتربي ف الكنيسة ويكون ابوه نفسه راهب ..
وبعد كل هذا يصير مسلم .. ليش ؟ لأنه فطرة التوحيد تغلبت على كل هالاشياء !!



هالمبدأ نقدر نستخدمه اذا الوحدة تعرضت للأختلاط للضرورة .. في المستشفى او السوق وغيرهم ,,
لكن انك تحط وحدة في بيئة دراسية مختلطة مع وجود بديل غير مختلط
وتقول المحترمة ما ينخاف عليها وسط الف رجال ،، لا يبآ سلامات انت فاهم غلط

واصلاً الإسلام قائم على سد الذرائع !


طبعاً المبدأ السابق والكلام عنه ينطبق على الرجل أيضاً مثل المرأة تماماً .

~~ نقطة اخيرة :

انا اشوف الأختلاط غلط وأرفضه .. لكن ما احكم ولا اقيم كل من له وجهة نظر ثانية
لان انا نفسي اقع في الأختلاط بشكل أو بآخر ..

شكــراً .,



+1

ماشالله .. تبارك الله رد محكم

[Charisma]

ما عندي اعتراض علي ما ورد في ردك إضافة الي إني خذت انطباع إن بعده نقطة علي السطر

احنا ما نختلف علي ان الشخص ممكن يكون مضطر أو مهاراته الي يتقنها في مجال يحتم عليه التعامل المستمر مع الجنس الآخر

بس لو لاحظت ما بين السطور واضح التناقض الي نقصده
انا ما عممت ولا فصلت
أكره التفصيل و بالعادة ألمح للشخصيات السلبية

و من وين خذت الانطباع
من الي شفته بعيني طال عمرك

التناقض هو في الرجل الذي يؤيد الأختلاط ويوجد له الأسباب والأعذار ويمنعه عن أهله ، مب في معارضة الرجل للأختلاط .

وأن كنتي تقصدين التعاملات والتجاوزات وتعدي الحدود ، فهذا موضوع اخر ماله علاقه في تناقض المعارض للأختلاط !!





يقولك شخص أنا ضد الاختلاط .. وهو يشتغل بوظيفة حوله يمكن 20 موظفة !!

فالظاهر هو يقصد إنه ضد اختلاط أهله بالرجال لكن هو عادي يختلط ماعنده مشكلة

مادري ليش التفلسف و الدين واضح !!

هالجزئيه من ردج الأول ، طرحت بصيغة أستنكار عام ، ولا توجد رسائل "مابين السطور" ، او أستقصاد لفئة معينه ، الرد يفهم على انه يمس جميع من يعمل في بيئة مختلطه .



التفصيل والتوضيح في الردود بعض الأحيان مطلوب ، لـ توصل الفكره بشكل واضح .

[بومحمد المطاوعه]

الموضوع هذا تم ذكره مرارا و تكرارا


ونسبة جواز الاختلاط بهذا الإطلاق بإقرار النبي عليه الصلاة السلام لذلك

نسبة خطيرة و غير صحيحة يا أم اماني الله يحفظج

لان في هذا نسبة إقرار النبي عليه الصلاة و السلام المعصية !!

فعلاوة على ما ذكره اخونا بوخميس

فالأحاديث المذكورة أكثرها حوادث أعيان ، اي انها احكام و أوضاع وقعت في على هيئة مخصوصة
وحوادث الأعيان محتملة لعدة توجيهات ، فمن ذلك مثلا ان يقال ان الصحابيات كانت تداوي محارمهن
وكانت تسافر مع محارمهن ، الى غير ذلك من التوجيهات


ونصوص منع الاختلاط واضحة و كثيرة من ذلك

ان النبي عليه الصلاة و السلام جعل للنساء بابا مخصوصا في المسجد
و ايضا امرهن ان يتأخرن في الصفوف و قال ( شر صفوف النساء اولها )
وكانت النساء في عهد النبوة يطفن بعيدا عن الرجال و لا يزاحمنهم

وأنكرت عائشة رضي الله عنها على المرأة التي أرادت مزاحمة الرجال في الطواف إنكارا عنيفا
وخصص النبي عليه الصلاة و السلام يوما للنساء يعظهم و يذكرهن و لم يجمعهم مع الرجال في مكان واحد

وكلها احاديث مخرجة في صحيح البخاري و غيره

فهذا هو الاصل ، ان يفصل بين الجنسين
لا ان يقال ان الاصل جوازه ، بل هذا على خلاف الاصل
بل و لا تدل عليه مقاصد الشريعة الداعية لدرء المفاسد و سد ذرائع الفتنة

جزاك الله خير الجزاء يالغالي


واضيف على كلامك
هذا الرابط

http://fatwa.islamweb.net/fatwa/index.php?page=showfatwa&Option=FatwaId&Id=3539

[بوحارب]

مافيه رجل او امرأة يختلطون في مكان ما
سواء كان عمل او سوق او غيره

الا كان الشيطان ثالثهما

لحد يبرر يا جماعة الخير حق نفسه

والله يحفظنا وياكم من فتن الدنيا

[بومحمد المطاوعه]

مافيه رجل او امرأة يختلطون في مكان ما
سواء كان عمل او سوق او غيره

الا كان الشيطان ثالثهما

لحد يبرر يا جماعة الخير حق نفسه

والله يحفظنا وياكم من فتن الدنيا

صحيح يالغالي

هذي حديث الرسول عليه الصلاة والسلام

ومعروف هالشيء

الله يحفظنا واياكم من الفتن


اما اختلاط نظيف
يمكن مغسول ف وقود :nice:

[sweet qatar]

التناقض هو في الرجل الذي يؤيد الأختلاط ويوجد له الأسباب والأعذار ويمنعه عن أهله ، مب في معارضة الرجل للأختلاط .

وأن كنتي تقصدين التعاملات والتجاوزات وتعدي الحدود ، فهذا موضوع اخر ماله علاقه في تناقض المعارض للأختلاط !!


بالضبط هذا الي قصدته

يستمتع بالاختلاط .. ويفرضه علي موظفاته بحجة "أوامر عليا"
و في حياته العامة مسوي نفسه "مال أول" و مضيق علي أهله

حتي الرجل الي يضطر للعمل
لازم يبين هالشي .. ما يكتفي بالمعارضة و كراهية العمل في سره
هذا من وجهة نظري








هالجزئيه من ردج الأول ، طرحت بصيغة أستنكار عام ، ولا توجد رسائل "مابين السطور" ، او أستقصاد لفئة معينه ، الرد يفهم على انه يمس جميع من يعمل في بيئة مختلطه .



التفصيل والتوضيح في الردود بعض الأحيان مطلوب ، لـ توصل الفكره بشكل واضح .


أخوي انا ذكرت عشرين وحده "حوله" ما قلت يشتغلون معاه أو عنده

هذي تختصر الكثير وتوضح لك البيئة المقصودة

يعني رايحين جايين .. قريب منهم بزيادة ومطيح الميانة

يمكن ردي غير واضح .. بس ما توصل لدرجة الاتهامات !!

[sweet qatar]

مافيه رجل او امرأة يختلطون في مكان ما
سواء كان عمل او سوق او غيره

الا كان الشيطان ثالثهما

لحد يبرر يا جماعة الخير حق نفسه

والله يحفظنا وياكم من فتن الدنيا



صحيح يالغالي

هذي حديث الرسول عليه الصلاة والسلام

ومعروف هالشيء

الله يحفظنا واياكم من الفتن


اما اختلاط نظيف
يمكن مغسول ف وقود :nice:

هذا الي ينخاف منه .. !!

في الحديث "لا يخلون"

يتكلم عن الخلوة جزاكم الله خير

[بوحارب]

هذا الي ينخاف منه .. !!

في الحديث "لا يخلون"

يتكلم عن الخلوة جزاكم الله خير

نفس الشي يا سويت

ممكن أكون في اجتماع وفيه عالم وبينا حريم

هل الرجل او البنت بيظمن نفسه من وساوس الشيطان
اثناء وجودهم في مكان مختلط بالتأكيد الإجابة لا

لان هذا الشي ماله شغل اذا تفكير الشخص نظيف او وصخ !

ومثل ما يقولون بليس حي ما مات

{ بأختصار لاتبرر البنت ان وجودها في مكان مختلط به مجموعة من الأشخاص
انها غير مستهدفه من احدهم !!

وكذاك الرجل ممكن يكون عليه العين من قبل بعض ضعيفات الدين !

[توشيبا]

مافيه رجل او امرأة يختلطون في مكان ما
سواء كان عمل او سوق او غيره

الا كان الشيطان ثالثهما

لحد يبرر يا جماعة الخير حق نفسه

والله يحفظنا وياكم من فتن الدنيا


صحيح يالغالي

هذي حديث الرسول عليه الصلاة والسلام

ومعروف هالشيء

الله يحفظنا واياكم من الفتن


اما اختلاط نظيف
يمكن مغسول ف وقود :nice:

الاجتماع بين الجنسين تحت سقف واحد، مع التزام الضوابط الشرعية: فلا حرج فيه.

وقد جاء في الموسوعة الفقهية بيان الخلوة المنهي عنها، حيث قالوا: ولا تجوز خلوة المرأة بالأجنبي، ولو في عمل، والمراد بالخلوة المنهي عنها أن تكون المرأة مع الرجل في مكان يأمنان فيه من دخول ثالث.

موجز فتوى من اسلام ويب

http://fatwa.islamweb.net/fatwa/index.php?page=showfatwa&Option=FatwaId&Id=232093

[بوحارب]

توشيبا مب الكل متفق مع هالفتوى

وصدقني لو تروح حق راعي الفتوى وتقوله
خل زوجتك او بنتك تشتغل معانا في الشركة الفلانية
بيكون اول الرافضين

للعلم ماقريت الفتوى ولا اسم كاتبها

[sweet qatar]

نفس الشي يا سويت

ممكن أكون في اجتماع وفيه عالم وبينا حريم

هل الرجل او البنت بيظمن نفسه من وساوس الشيطان
اثناء وجودهم في مكان مختلط بالتأكيد الإجابة لا

لان هذا الشي ماله شغل اذا تفكير الشخص نظيف او وصخ !

ومثل ما يقولون بليس حي ما مات

{ بأختصار لاتبرر البنت ان وجودها في مكان مختلط به مجموعة من الأشخاص
انها غير مستهدفه من احدهم !!

وكذاك الرجل ممكن يكون عليه العين من قبل بعض ضعيفات الدين !

أنا اقتبست ردك و رد بو محمد عشان أنبه إن كلامك هذا مش من السنة

طبعاً نيتكم طيبة لكن الي ما يعرف بيصدق إن هذا في الحديث

و اتفق معاك لازم الواحد أو الوحدة يخافون علي أنفسهم من الفتنة
في كل مكان و كل وقت



Pilot

تذكرت إني ما وضحت لك جزء من كلامي

في ردي قلت إن "هو يختلط عادي"

الاختلاط هو الاندماج هو التفاعل مع الآخر " في اللغة .. لأن المصطلح المستخدم عايم و مش مقتنعة فيه"


فالقصد ان أخونا المتناقض الله يهديه

تتجاوز علاقته بالموظفة الشغل .. يختلط معاها بالسوالف أو بالتواصل خارج العمل

هذا من اختياره و رغبته مب مجبور عليه
و فيه تجاوز للضوابط والمحاذير الشرعية


أعتقد جذي وضحت الصورة

[حسن]

الرجال عيارين بيقولج انا ضد الاختلاط واخرته بيتنيل على عينه وبيتعرف ويتزوج وحده من كثر الاختلاط وقلة الحيا
بيقولج انا ضد السواقه واخرته بيتزوج وحده تسوق ولا بيخلي بنته تسوق
كل شي ينتقدووه مسالة وقت ولين وصل لحاجتهم ورغبتهم غيروا المبدأ كامل
وسلامتكم :)
بيهلون علي الحين هههههههههه النحشه

فيه وفيه

انا اعرف من تزوج موظفه عنده وفي من تزوج اللي كان بيوظفها
وغيره من النماذج القليله
وبعدين كل زمن له اشترطاات
يعني الحين الجيل القديم لو يبي يتزوج زمانه البعض يفضل زوجته ماتشتغل ولا تسوق
الجيل الحالي مستحيل نطبق عليه هذا الكلام
تغيرت الحياه 180 درجه في عصر التداخل والاختلاط والانفتاح وغيره
يعني قطر لن تكون قطر ال 2000 وال90 وال80 ونازل
والايام القادمه بعد بتكون غير بكثير انا ذكرت الكثير منها شلون الناس بيعيشون
وطريقه حياتهم

[بومحمد المطاوعه]

هذا الي ينخاف منه .. !!

في الحديث "لا يخلون"

يتكلم عن الخلوة جزاكم الله خير

لا أملك علم لتفصيل وشرح الحديث

تفضلي كلام العلامه رحمة الله
ابن باز

http://www.binbaz.org.sa/node/8288

الشرح واضح ومفيد

[مختلف جداََ]

http://cdn.top4top.co/i_e2f8e1bbf10.jpeg (http://up.top4top.net/)
ههههههههههههههههههه

[مهاجر]

فيه وفيه

انا اعرف من تزوج موظفه عنده وفي من تزوج اللي كان بيوظفها
وغيره من النماذج القليله
وبعدين كل زمن له اشترطاات
يعني الحين الجيل القديم لو يبي يتزوج زمانه البعض يفضل زوجته ماتشتغل ولا تسوق
الجيل الحالي مستحيل نطبق عليه هذا الكلام
تغيرت الحياه 180 درجه في عصر التداخل والاختلاط والانفتاح وغيره
يعني قطر لن تكون قطر ال 2000 وال90 وال80 ونازل
والايام القادمه بعد بتكون غير بكثير انا ذكرت الكثير منها شلون الناس بيعيشون
وطريقه حياتهم

وكم بيت اخترب وحريم تطلقوا بسبب الاختلاط او ان الزوج تزوج على زوجته وسبب الاختلاط

[غريب الدّار]

وكم بيت اخترب وحريم تطلقوا بسبب الاختلاط او ان الزوج تزوج على زوجته وسبب الاختلاط

بس اخوي وين المشكلة اذا الزوج تزوج على زوجته بسبب الاختلاط؟ :con2:

اسمح لي اخوي يمكن انا مب فاهم النقطةهاذي
اذا واحد تزوج على زوجته على سنة الله ورسوله سواء بسبب الاختلاط او غيره وين المشكلة ؟

[حسن]

وكم بيت اخترب وحريم تطلقوا بسبب الاختلاط او ان الزوج تزوج على زوجته وسبب الاختلاط

مااعرف

بس اللي تطلقت من جهه اخري هناك تزوجت

والزواج حق شرعي محدا يقدر يعترض عليه ولا في انسانه مجبوره على القبول ان تكون ثانيه
هذه قسمه ونصيب

بس الاختلاط اصبح واقع وحقيقه هذا الموضوع بالنسبه لقطر انتهي من زمان

هذا حسب وجهه نظري هناك قله قليليه جدا يمكن محافظه على منع الاختلاط
وبعدين الحين الرواتب اهم شي عند الكثير

[بومحمد المطاوعه]

مااعرف

بس اللي تطلقت من جهه اخري هناك تزوجت

والزواج حق شرعي محدا يقدر يعترض عليه ولا في انسانه مجبوره على القبول ان تكون ثانيه
هذه قسمه ونصيب

بس الاختلاط اصبح واقع وحقيقه هذا الموضوع بالنسبه لقطر انتهي من زمان

هذا حسب وجهه نظري هناك قله قليليه جدا يمكن محافظه على منع الاختلاط
وبعدين الحين الرواتب اهم شي عند الكثير

هههههه بوعلي هذي الي ذابح خاصرتك
خخخخ

الرواتب صحيح اهي الي اعفست البطح

يعني مثلآ مكان مختلط
بتشوف الاداره ولا الوظيفه رواتبها عاليه

اما المكان الغير مختلط
رواتبها قليله

غير طبعآ المدرسات والمدارس
اما باقي الوظائف اي مكان غير مختلط
رواتبهم ضعيفه

[مهاجر]

بس اخوي وين المشكلة اذا الزوج تزوج على زوجته بسبب الاختلاط؟ :con2:

اسمح لي اخوي يمكن انا مب فاهم النقطةهاذي
اذا واحد تزوج على زوجته على سنة الله ورسوله سواء بسبب الاختلاط او غيره وين المشكلة ؟

الزواج مب المشكله بالعكس الزواج هو الحل سواء للموظفه او الطالبه او اللي قاعده فالبيت , والزواج ان شخص يروح يخطب وحده من بيت اهلها يختلف عن زواج عن طريق الاختلاط .
و موظف وموظفه ماوصلوا لمرحلة الزواج الى بعد مرور في مرحلة اعجاب وحب وعلاقه حتى لو كانت شريفه وعقب يوصلون لمرحلة الزواج , العلاقه الطويله قبل الزواج مرفوضه شرعا اول شي والمجتمع مايتقبل مثل هالعلاقات , وغير ان مثل هالامور طبيعي تاثر عالزوجه الاولى وحياة الزوج , وانا اتكلم عن واقع شفته .

[بوفاطمه]

على نية الشخص .
ممكن انت تشوف الموظفة نظرة اخت او صديقة او غير ذلك .
مافي شي اسمه اختلاط نظيف او غير نظيف .
كل انسان له غريزة من الرجل او المرة والشيطان شاطر .

[غريب الدّار]

الزواج مب المشكله بالعكس الزواج هو الحل سواء للموظفه او الطالبه او اللي قاعده فالبيت , والزواج ان شخص يروح يخطب وحده من بيت اهلها يختلف عن زواج عن طريق الاختلاط .
و موظف وموظفه ماوصلوا لمرحلة الزواج الى بعد مرور في مرحلة اعجاب وحب وعلاقه حتى لو كانت شريفه وعقب يوصلون لمرحلة الزواج , العلاقه الطويله قبل الزواج مرفوضه شرعا اول شي والمجتمع مايتقبل مثل هالعلاقات , وغير ان مثل هالامور طبيعي تاثر عالزوجه الاولى وحياة الزوج , وانا اتكلم عن واقع شفته .
لحظة لحظة اخوي

انت خلطت الأمور في بعض
انت الحين تتكلم عن العلاقات قبل الزواج
هذا موضوع غير عن النقطة اللي ذكرتها عن الزواج

خلني افصل الموضوعين :
1- الزواج بسبب الاختلاط او غيره امر مباح ولا حد يقدر يتكلم عنه.
2- العلاقات قبل الزواج محرمة (طبعا انت تشوف حتى العلاقة البريئة او الشريفة محرمة وهاذي وجهة نظرك وانا احترمها)


الحين :
هل عندك اعتراض على اللي يتزوج وحدة معاه في الدوام؟
قصدي يعني شغالة في مكان مختلط وهو وياها ؟ لان هاذي نقطتك

شنهي الأسباب؟

علشان نكون في صلب الموضوع اخوي مهاجر ولا عليك امر

[حسن]

هههههه بوعلي هذي الي ذابح خاصرتك
خخخخ

الرواتب صحيح اهي الي اعفست البطح

يعني مثلآ مكان مختلط
بتشوف الاداره ولا الوظيفه رواتبها عاليه

اما المكان الغير مختلط
رواتبها قليله

غير طبعآ المدرسات والمدارس
اما باقي الوظائف اي مكان غير مختلط
رواتبهم ضعيفه

هذه الحقيقه يابومحمد اللي الكثير يتجب قولها
شوف
عرضت على فتاه العمل في وزاره ماء والدوام تعرفه انت حكومه يعني سيدك قيدك ومش حالك
ومريح جداجدا للنساء لانه رخو

واحسن من دوامها على الاقل الاختلاط فيه نسبته بسيطه عكس الدوام اللي كانت فيه
احتكاك مباشر
ودوام يهد الحيل يعني الساعه 7 يعني 7 والخروج العصر الساعه 4 يعني اربع
مافي اي تزويغ وصج ان الرواتب اعلى بس قالت لا اتنازل عن الراتب لو يكرفوني كرف اليهد
بس في البيت لوقلت ابي قلاص ماي قالت لك روح انت تجييبلك

الرواتب والفلوس تكسر الروس والانفوس

[sweet qatar]

لا أملك علم لتفصيل وشرح الحديث

تفضلي كلام العلامه رحمة الله
ابن باز

http://www.binbaz.org.sa/node/8288

الشرح واضح ومفيد

أخوي الأولي إنك توضح صيغة الحديث بما روي عن النبي محمد عليه الصلاة والسلام

أنا ما تكلمت عن رأي

حبيت أنبه إن الحديث لم ترد فيه كلمة الاختلاط .. و بس

أنا ما ناقشتكم في الموضوع بالعكس أنا لا أؤيد الاحتكاك الدائم بين الجنسين

لأن الناتج بيكون شخصيات غير واضحة تتخبط بين الرجولة والأنوثة

[مختلف جداََ]

أخوي الأولي إنك توضح صيغة الحديث بما روي عن النبي محمد عليه الصلاة والسلام

أنا ما تكلمت عن رأي

حبيت أنبه إن الحديث لم ترد فيه كلمة الاختلاط .. و بس

أنا ما ناقشتكم في الموضوع بالعكس أنا لا أؤيد الاحتكاك الدائم بين الجنسين

لأن الناتج بيكون شخصيات غير واضحة تتخبط بين الرجولة والأنوثة

مممممم
بين الرجولة و الأنوثة

شلون ؟؟؟؟

[بومحمد المطاوعه]

أخوي الأولي إنك توضح صيغة الحديث بما روي عن النبي محمد عليه الصلاة والسلام

أنا ما تكلمت عن رأي

حبيت أنبه إن الحديث لم ترد فيه كلمة الاختلاط .. و بس

أنا ما ناقشتكم في الموضوع بالعكس أنا لا أؤيد الاحتكاك الدائم بين الجنسين

لأن الناتج بيكون شخصيات غير واضحة تتخبط بين الرجولة والأنوثة

العلماء شرحو واهم اعلم منا كلنا

وامر الأخلاط معروف شنو



الحديث اختي واضح عن الأختلاط

تفضلي الرابط فيه شرح اكثر


https://saaid.net/female/0169.htm

[sweet qatar]

مممممم
بين الرجولة و الأنوثة

شلون ؟؟؟؟

يعني من كثر انغماسهم في سوالف الطرف الآخر يتمنون يصيرون منهم


العلماء شرحو واهم اعلم منا كلنا

وامر الأخلاط معروف شنو



الحديث اختي واضح عن الأختلاط

تفضلي الرابط فيه شرح اكثر


https://saaid.net/female/0169.htm

بو محمد يرحم والديك افهمني

أنا اتكلم عن نص الحديث كلام الرسول عليه الصلاة والسلام

لا تقول لي علماء ولا عوام

أقول الحديث لازم تذكرونه يا إخوان بالنص الصحيح الصريح المتواتر عن رسول الله عليه الصلاة والسلام


فقط لا غيررررر

[بومحمد المطاوعه]

بو محمد يرحم والديك افهمني

أنا اتكلم عن نص الحديث كلام الرسول عليه الصلاة والسلام

لا تقول لي علماء ولا عوام

أقول الحديث لازم تذكرونه يا إخوان بالنص الصحيح الصريح المتواتر عن رسول الله عليه الصلاة والسلام


فقط لا غيررررر

الحديث واضح ويبين المعنى
والأيات تبين المعنى



مايبيلها فهم اختي

قوله تعالى: "فجاءته إحداهما تمشي على استحياء"..


فقال عليه الصلاة والسلام: ( المرأة عورة فإذا خرجت استشرفها الشيطان).. وكونها عورة.. أي لايجوز النظر إلى زينتها أو شيء من جسدها.. والاختلاط المتتابع لها مع الرجال يخالف ذلك..


قال تعالى (ولا يضربن بأرجلهن ليعلم ما يخفين من زينتهن)..

فقال تعالى: (وإذا سألتموهن متاعا فاسألوهن من وراء حجاب ذلكم أطهر لقلوبكم وقلوبهن)..


روى أحمد في مسنده"عن أم حميد رضي الله عنها:
أنها قالت : يا رسول الله، أني أحب الصلاة معك. فقال صلى الله عليه وسلم:"قد علمت أنك تحبين الصلاة معي,وصلاتك في بيتك خير من صلاتك في حجرتك ,وصلاتك في حجرتك خير من صلاتك في دارك,وصلاتك في دارك خير من صلاتك في مسجد قومك ,وصلاة في مسجد قومك خير من صلاتك في مسجدي"


فقال صلى الله عليه وسلم:"إن الدنيا حلوة خضرة,وإن الله مستخلفكم فيها, فناظر فكيف تعلمون, فاتقوا الدنيا واتقوا النساء,فإن أول فتنة بني إسرائيل في النساء" رواه مسلم.


هذي كلها ادله الاختلاط

[بومحمد المطاوعه]

روى البخاري عن عطاء قال:"لم يكن يخالطن كانت عائشة رضي الله عنها تطوف حجرة(معتزلة) من الرجال لاتخالطهم ,فقالت امرأة: انطلقي نستلم يا يا أم المؤمنين, قالت:انطلقي عنك ,وأبت. يخرجن متنكرات بالليل فيطفن مع الرجال ,ولكنهن كن إذا دخلن البيت قمن حتى يدخلن وأخرج الرجال ".

[sweet qatar]

بو محمد أكثر من مرة قلت لك أنا ما اناقشك

انبهك انت وأخونا بوحارب

لما تذكرون لفظ الحديث يكون كامل .. عشان الي يجهل الحديث الصحيح ما ياخذ المعلومة غلط


مافيه رجل او امرأة يختلطون في مكان ما
سواء كان عمل او سوق او غيره

الا كان الشيطان ثالثهما

لحد يبرر يا جماعة الخير حق نفسه

والله يحفظنا وياكم من فتن الدنيا

وهذا الحديث الصحيح

قول النبي صلى الله عليه وسلم : ( لا يخلون رجل بامرأة إلا كان ثالثهما الشيطان ) رواه الترمذي (2165) وصححه الألباني في صحيح الترمذي*

وبس

[بومحمد المطاوعه]

بو محمد أكثر من مرة قلت لك أنا ما اناقشك

انبهك انت وأخونا بوحارب

لما تذكرون لفظ الحديث يكون كامل .. عشان الي يجهل الحديث الصحيح ما ياخذ المعلومة غلط



وهذا الحديث الصحيح

قول النبي صلى الله عليه وسلم : ( لا يخلون رجل بامرأة إلا كان ثالثهما الشيطان ) رواه الترمذي (2165) وصححه الألباني في صحيح الترمذي*

وبس

ههههه
الحين فهمت عليج

جزاكي الله خير

صدقتي المفروض
نكتب او ننسخ الحديث كامل


رحم الله والديج

انا على بالي تناقشيني عن الأختلاط

من جذي احط لج الأدله وقول العلماء
اهل السنه والجماعه


السموحه مكثر من الصافي والمحمر :nice:

ومفهي

[sweet qatar]

ههههه
الحين فهمت عليج

جزاكي الله خير

صدقتي المفروض
نكتب او ننسخ الحديث كامل


رحم الله والديج

انا على بالي تناقشيني عن الأختلاط

من جذي احط لج الأدله وقول العلماء
اهل السنه والجماعه


السموحه مكثر من الصافي والمحمر :nice:

ومفهي

والدينا و والديك

عليك بالعافية و ماصار إلا الخير

[بومحمد المطاوعه]

والدينا و والديك

عليك بالعافية و ماصار إلا الخير

اللهم امين
والله يعافيج
بارك الله فيج

[Charisma]

أنا اقتبست ردك و رد بو محمد عشان أنبه إن كلامك هذا مش من السنة

طبعاً نيتكم طيبة لكن الي ما يعرف بيصدق إن هذا في الحديث

و اتفق معاك لازم الواحد أو الوحدة يخافون علي أنفسهم من الفتنة
في كل مكان و كل وقت



Pilot

تذكرت إني ما وضحت لك جزء من كلامي

في ردي قلت إن "هو يختلط عادي"

الاختلاط هو الاندماج هو التفاعل مع الآخر " في اللغة .. لأن المصطلح المستخدم عايم و مش مقتنعة فيه"


فالقصد ان أخونا المتناقض الله يهديه

تتجاوز علاقته بالموظفة الشغل .. يختلط معاها بالسوالف أو بالتواصل خارج العمل

هذا من اختياره و رغبته مب مجبور عليه
و فيه تجاوز للضوابط والمحاذير الشرعية


أعتقد جذي وضحت الصورة


بالضبط هذا الي قصدته

يستمتع بالاختلاط .. ويفرضه علي موظفاته بحجة "أوامر عليا"
و في حياته العامة مسوي نفسه "مال أول" و مضيق علي أهله

حتي الرجل الي يضطر للعمل
لازم يبين هالشي .. ما يكتفي بالمعارضة و كراهية العمل في سره
هذا من وجهة نظري




أخوي انا ذكرت عشرين وحده "حوله" ما قلت يشتغلون معاه أو عنده

هذي تختصر الكثير وتوضح لك البيئة المقصودة

يعني رايحين جايين .. قريب منهم بزيادة ومطيح الميانة

يمكن ردي غير واضح .. بس ما توصل لدرجة الاتهامات !!


شكرا على التوضيح ، أتضح المراد .

والتجاوزات لاتكون من الرجل فقط ، ولكن ايضا من النساء ، من باب الحياديه والأنصاف ، لذلك نتمنى سن قوانين تمنع الأختلاط .

[راعي الكورفت]

الاختلاط لابد منه في ضل العولمه والانفتاح
والان غالبية القطاعات في الدوله يوجد فيها اختلاط بين الجنسيين

[مهاجر]

لحظة لحظة اخوي

انت خلطت الأمور في بعض
انت الحين تتكلم عن العلاقات قبل الزواج
هذا موضوع غير عن النقطة اللي ذكرتها عن الزواج

خلني افصل الموضوعين :
1- الزواج بسبب الاختلاط او غيره امر مباح ولا حد يقدر يتكلم عنه.
2- العلاقات قبل الزواج محرمة (طبعا انت تشوف حتى العلاقة البريئة او الشريفة محرمة وهاذي وجهة نظرك وانا احترمها)


الحين :
هل عندك اعتراض على اللي يتزوج وحدة معاه في الدوام؟
قصدي يعني شغالة في مكان مختلط وهو وياها ؟ لان هاذي نقطتك

شنهي الأسباب؟

علشان نكون في صلب الموضوع اخوي مهاجر ولا عليك امر

باب يجيك منه ريح سده واستريح , اذا كان الزوج الموظف من الموظفه تقليدي نحن اللي نعرفه مافيه مشكله , لكن اذا كانت فيه علاقه قبل الزواج طبعا مرفوض

والمكان والاختلاط طبيعي تكون فيه علاقه قبل الزواج .

[غريب الدّار]

باب يجيك منه ريح سده واستريح , اذا كان الزوج الموظف من الموظفه تقليدي نحن اللي نعرفه مافيه مشكله , لكن اذا كانت فيه علاقه قبل الزواج طبعا مرفوض

والمكان والاختلاط طبيعي تكون فيه علاقه قبل الزواج .
بس اخوي انت بنفسك ذكرت لفظ (علاقة شريفة)

وبعدين شاللي يمنع واحد ووحدة يداومون مع بعض انهم يتزوجون؟
ستر عليها وسترت عليه
وكفو عليه انه دخل البيت من بابه ومالعب
وين المشكلة ؟
قال النبي -صلى الله عليه وسلم-: لم ير للمتحابين مثل النكاح. ورواه البيهقي بلفظ: ما رأيت للمتحابين مثل النكاح.

اما اذا تقصد علاقات محرمة فهاذي تصير مع الاختلاط وبدون ومابي ادخل في تفاصيل
يعني العلاقات المحرمة ماتشترط وجود اثنين يشتغلون في نفس المكان اخوي

اذا كلامك عن العلاقات المحرمة فهاذي غلط في جميع الأحوال سواء بالاختلاط او غيره
امااذا تقصد واحد انعجب (او حتى حب) وحدة في دوامه وسأل عنها وراح تقدم لها ، فوين المشكلة اخوي؟

[مهاجر]

بس اخوي انت بنفسك ذكرت لفظ (علاقة شريفة)

وبعدين شاللي يمنع واحد ووحدة يداومون مع بعض انهم يتزوجون؟
ستر عليها وسترت عليه
وكفو عليه انه دخل البيت من بابه ومالعب
وين المشكلة ؟
قال النبي -صلى الله عليه وسلم-: لم ير للمتحابين مثل النكاح. ورواه البيهقي بلفظ: ما رأيت للمتحابين مثل النكاح.

اما اذا تقصد علاقات محرمة فهاذي تصير مع الاختلاط وبدون ومابي ادخل في تفاصيل
يعني العلاقات المحرمة ماتشترط وجود اثنين يشتغلون في نفس المكان اخوي

اذا كلامك عن العلاقات المحرمة فهاذي غلط في جميع الأحوال سواء بالاختلاط او غيره
امااذا تقصد واحد انعجب (او حتى حب) وحدة في دوامه وسأل عنها وراح تقدم لها ، فوين المشكلة اخوي؟

الحاله اللي تتكلم عنها مثاليه , شخص شاف وحده اعجب فيها ويروح يخطبها في بيت اهلها , بس الاختلاط اللي يصير واللي نشوفه , هل ينتج عنه زواج بالطريقه المثاليه اللي ذكرتها ؟

[غريب الدّار]

الحاله اللي تتكلم عنها مثاليه , شخص شاف وحده اعجب فيها ويروح يخطبها في بيت اهلها , بس الاختلاط اللي يصير واللي نشوفه , هل ينتج عنه زواج بالطريقه المثاليه اللي ذكرتها ؟

وانا شقاعد أقول من الصبح يامهاجر؟

العلاقات غير الشرعية مرفوضة على طول الخط
سواء بالاختلاط او غيره

وعلى فكرة :
انا شخصيا اعرف اكثر من 3 حالات (مثالية) على قولتك

والمقام مب اثبات انه يصير ولا مايصير

المقام مقام التأكيد على ان العلاقات غير الشرعية محرمة في كل زمان ومكان

[مهاجر]

والاختلاط باب واسع للعلاقات غير الشرعيه , هذا قصدي

[غريب الدّار]

والاختلاط باب واسع للعلاقات غير الشرعيه , هذا قصدي

والله اخوي مهاجر رايك على راسي

بس من وجهة نظري :
صعب نخلي الاختلاط قاعدة عامة للعلاقات غير الشرعية
مااقول ماتصير

بس حتى بدون اختلاط تصير

وعلى فكرة يامهاجر :
كنا نشوف علاقات غير شرعية حتى قبل الاختلاط
مادري هل زاد الوضع وأصضبح يشكل ظاهرة عقب انتشار الاختلاط؟
مادري والله

أشكرك يامهاجر على الردود واثراء الحوار
لكن :
هل أفهم من كلامك انك تشوف ان الاختلاط أصبح وسيلة أو طريق يؤدي دائما للعلاقات غير الشرعية ؟(<-------- بالمناسبة انا اعارض هالفكرة)
مع ماينطوي على هالفكرة من طعن في كل من يعمل في مكان مختلط

[مهاجر]

والله اخوي مهاجر رايك على راسي

بس من وجهة نظري :
صعب نخلي الاختلاط قاعدة عامة للعلاقات غير الشرعية
مااقول ماتصير

بس حتى بدون اختلاط تصير

وعلى فكرة يامهاجر :
كنا نشوف علاقات غير شرعية حتى قبل الاختلاط
مادري هل زاد الوضع وأصضبح يشكل ظاهرة عقب انتشار الاختلاط؟
مادري والله

أشكرك يامهاجر على الردود واثراء الحوار
لكن :
هل أفهم من كلامك انك تشوف ان الاختلاط أصبح وسيلة أو طريق يؤدي دائما للعلاقات غير الشرعية ؟(<-------- بالمناسبة انا اعارض هالفكرة)
مع ماينطوي على هالفكرة من طعن في كل من يعمل في مكان مختلط

واشكرك على اسلوبك الراقي فالحوار , والله يصلح الجميع

[مختلف جداََ]

المشكلة في الاختلاط
في بعض حالات البنت لما يجيها مراجع أو حتى زميل عمل و تبتسم لو حتى ابتسامة خفيفة و بحسن نية،
يجونك ناس على بالهم خلاص الصنارة غمرة ويبدأ بالأحلام الوردية و البنت خبر خير

[بومحمد المطاوعه]

المشكلة في الاختلاط
في بعض حالات البنت لما يجيها مراجع أو حتى زميل عمل و تبتسم لو حتى ابتسامة خفيفة و بحسن نية،
يجونك ناس على بالهم خلاص الصنارة غمرة ويبدأ بالأحلام الوردية و البنت خبر خير

الله تعالى عالم بكل شيء

ونزل الأيات

لأن عارف هالشي راح يصير

سبحانه تعالى

[غريب الدّار]

أشكر جميع من رد وأثرى الحوار
قواكم الله

[Zarr]

مراحب اخوي Zarr ،

أثني على ردك وتحليلك ، وانت من الأعضاء اللي تعجبني مشاركاتهم بغض النظر ان كنت متفق معها ام لا ، لكن مشكلتك في شيء واحد ، بين كل مشاركه ومشاركه ، شهر .

ودنا تتفاعل شوي وتثري بقية المواضيع النقاشيه . :nice:

مسااء الخير اخوي Pilot ,.

ماعليك زود الشيخ .. اشكرك على هالاطراء وشهادة اعتز فيها
والله ي اخوي ضيق الوقت .. وصراحة بيني وبينك ماعرف اكتب رد من الجوال لازم لابتوب من جي حزات اتكيسل

ان شاءالله باحاول اشارك اكثر .. ودامك موجود انت الخير والبركة ولا يهونون الباقين

جزاك الله خير وعسى من جابك الجنة ,’

[Qt.1]

السلام عليكم

العمل بعيد عن النساء راحه بال لأَنِّي جربت الاختلاط

الموظف فيه " الخبل ، المراهق ، اللي مايستحى ، اللي

دينه ضعيف ، اللي مب محترم " فالاختلاط مايجيب

الا المشاكل الا ماندر وتكون بيئه العمل نظيفه والجميع

محترم نفسه وعلى أدب واخلاق رفيعه " وهذا موجود "

حلات الزوجه مدرسه ولا ربه بيت

وجهه نظر

وانا عن نفسي افضل الي تحته خط ,,

[qatara]

والله ياسويت يمكن كلامج صحيح

بس هل تشوفين ان الاختلاط اصبح واقع لابد من معايشته بما لايضر المجتمع ؟
اما اللي يقول ضد الاختلاط وهو شغلا في مكان مختلط فهذا متناقض اشكره !!

ترى على فكرة ياسويت :
في ناس فاهمين ان الاختلاط مقصور على النساء

يعني :
اذا هو يشتغل في مكان مختلط عادي لانه ريال !!
ومايسميه اختلاط

بس اذا الحرمة تشتغل معناها غلط!


هذا طبعا مرده للثقافة الذكورية (واقولها بصراحة)

ناس وايد يشوفون ان الحرمة اذا اشتغلت في مكان مختلط بتنحرف والريال لا


هلجمله هي اكبر دليل منك بان الانحراف بيحصل سواء من الحرمه او الرجل

لذالك شرعنا شدد ونبه لعدم الاختلاط والبعض يعاند الشرع ومن شرعه

فمهما بررو ورقعو فالمراه فتنه للرجل وهاذي خلقه الله

ويعاندون الله ورسوله ولاحول ولا قوة الا بالله

(فقال عليه الصلاة والسلام : " ما تركت بعدي فتنة أضر على الرجال من النساء " )


الله يهدينا وياهم قبل الموت وفوات الفوت

ويردنا اليه ردا جميلا

[Qt.1]

هلجمله هي اكبر دليل منك بان الانحراف بيحصل سواء من الحرمه او الرجل

لذالك شرعنا شدد ونبه لعدم الاختلاط والبعض يعاند الشرع ومن شرعه

فمهما بررو ورقعو فالمراه فتنه للرجل وهاذي خلقه الله

ويعاندون الله ورسوله ولاحول ولا قوة الا بالله

(فقال عليه الصلاة والسلام : " ما تركت بعدي فتنة أضر على الرجال من النساء " )


الله يهدينا وياهم قبل الموت وفوات الفوت

ويردنا اليه ردا جميلا

كلام صحيح , لكن مجتمعنا ماينظر بهالمنظور , الضرر الااكبر بيكون على المرأه اكثر من الرجل , في ناس تطلقو بسبت كثر الكلام الي طلع على حريمهم بسبب الااختلاط !! احنى مانقدر انقرر اختلاط والاا لاا كل شخص حر في نفسه وماندري بظروفه , لكن رأيي الشخصي ان تبتعد المرأه عن الشبهات لان احنى في مجتمع مايرحم !!

[qatara]

كلام صحيح , لكن مجتمعنا ماينظر بهالمنظور , الضرر الااكبر بيكون على المرأه اكثر من الرجل , في ناس تطلقو بسبت كثر الكلام الي طلع على حريمهم بسبب الااختلاط !! احنى مانقدر انقرر اختلاط والاا لاا كل شخص حر في نفسه وماندري بظروفه , لكن رأيي الشخصي ان تبتعد المرأه عن الشبهات لان احنى في مجتمع مايرحم !!

مافي دخان من غير نار

من جاور الحداد صابة الشرر

وهي خلقت لبيتها ولما يسرها الله له

[طبيب قطري]

وكم بيت اخترب وحريم تطلقوا بسبب الاختلاط او ان الزوج تزوج على زوجته وسبب الاختلاط

معقول يكون سبب الزواج الثاني الاختلاط؟؟ حاولت ابلعها مب قادر! الحين واحد متزوج ولأي سبب بدى يدور على زواج ثاني .. يروح يكلم اخته تدورله او امه او بيدور بشغله او بمحيطه على بنت الحلال ، اما انه اتزوج بسبب انه يشتغل بمكان خلط هذي مستحيله ياخي، يعني خلينا نفكر فيها بطريقه اخرى : لو الواحد يشتغل بمكان كله رجال ماراح*يفكر بالزواج؟؟

[المخفي]

معقول يكون سبب الزواج الثاني الاختلاط؟؟ حاولت ابلعها مب قادر! الحين واحد متزوج ولأي سبب بدى يدور على زواج ثاني .. يروح يكلم اخته تدورله او امه او بيدور بشغله او بمحيطه على بنت الحلال ، اما انه اتزوج بسبب انه يشتغل بمكان خلط هذي مستحيله ياخي، يعني خلينا نفكر فيها بطريقه اخرى : لو الواحد يشتغل بمكان كله رجال ماراح*يفكر بالزواج؟؟

الام و الخوات ما يزوجون اخوهم وحدة ثانية الا اذا يكرهون الاولى

غيرها انسى

[الحياة الخالدة]

معقول يكون سبب الزواج الثاني الاختلاط؟؟ حاولت ابلعها مب قادر! الحين واحد متزوج ولأي سبب بدى يدور على زواج ثاني .. يروح يكلم اخته تدورله او امه او بيدور بشغله او بمحيطه على بنت الحلال ، اما انه اتزوج بسبب انه يشتغل بمكان خلط هذي مستحيله ياخي، يعني خلينا نفكر فيها بطريقه اخرى : لو الواحد يشتغل بمكان كله رجال ماراح*يفكر بالزواج؟؟

كلامك سليم
و الزواج الثاني هاجس لمعظم الرجال .. حتى لو كانوا متقاعدين

[<اضرب واشرد>]

https://twitter.com/zaidbenjamin/status/660616065609801728

[طلعة الروح]

وفي النهاية تذهب الوحده الى دوامها الخلط ولاتجد أي حد ينظر في وجهها مرتين، لماذا؟

اذا بنتكلم عن الأمور التي تسبب مشاكل بسبب الاختلاط، اعتقد ومن وجهة نظري هي الرغبه المشتركه للانحراف يعنئ لما نقول انحراف نعني وجود النية القذره والهدف الخاطئ من البداية بالتالي الاختلاط او عدمه هو مجرد وسيله لتسهيل وصوله الى أهداف غير شريفه.

[BoFahed]

النية هي العامل المؤثر في الموضوع ويوجد بنسبة قليلة بيئة مختلطة مبينية على الثقة والاخوة تعتمد على سن الشخص ومستوى تفكيره واخلاقه وحدود التعامل اللي يوضعها الطرفين

واحيانا المدخل الشيطاني ولسان الحال يقول باني اشتغل في مختلط علشان اصيد واحد يتزوجني وللاسف هالفكر منتشر بين البنات الى حد ما واللي يدفعهم قلة الوازع الديني والتحلل من طوق العادات والتقاليد واهم عامل هو الغيرة من تجارب الزواج اللي صارت قدامهم بسبب الاختلاط ويسامحوني خواتي الكل يعرف كيد النساء اذا نشنوا على واحد يجيبونه يجيبونه عزابي ولا متزوج

بالنسبة لموضوع الزواج الثانيه نعم الاختلاط زاد نسبة كبيرة (زميل -مدير ) يكون الاعجاب بالشكل والشخصية والتعامل مع الاخرين لكن بالمقابل سبب خراب بيوت وخيانات وعلاقات محرمة اثمه والعياذ بالله بمدخل الاعجاب والسوالف وتطور العلاقة

بالاخير المرجع للشرع وهي تحريم الاختلاط واضراره كثيره واذا تطلب الامر يكون بالحدود الشرعية في اطار العمل وفقط (التعامل رسمي فقط )واذا حد حس انه بيتطور الموضوع لاكثر من جذي يحاول يكون حازم