العفراء
22-10-2015, 09:03 PM
الابتلاء نعمة من الله عز و جل و من انواع البلاء
ان يكون من حولك ناس ملقوفين و يرزوون ويووهم بكل صغيره وكبيره بحياتك بدون ما يعرفون شو ظروفك وشو اللي يخليك اتعيش ع وضع معين
طبعا هم يدخلون عليك من باب ان عندهم الحلول لكل الظروف اللي اتحيد بك
مثلا
نشوف شخص يكون متزوج و ساكن مع حرمته فبيت ابوه مسوله ملحق ع قدهم وسعيديين بحياتهم ،،،،،، و يمكن ترى يكون ساكن فبيت عمه اللي هو ابو حرمته و بانين ملحق ع قدهم و حاطين فبالهم ان هالسكن مؤقت لين ما تتعدل ظروفهم و طبعا الناس الملقوفين اييووون ويسألون انت ليش ساكن فبيت اهلك او اهل حرمتك و شو مقعدنك من بينهم و كيف بترتاحون والمفروض تظهرون و تسكنون فبيت ايجار و من هالكلام اللي يمكن يجرح الشخص او حرمته واللي من باب ( و تحسبهم أغنياء من التعفف ) ما نلاقيهم يشكون لاحد ظروفهم و الحال اللي هم فيه
مثال رقم 2
حرمه او ريال الله ابتلاهم بالعقم .... و ايوون الناس سواء من الرياييل او الحريم ويسألونهم من دون هدف او غايه مفيدة للطرفين : انتم ليش للحين ما ياااكم اعيال ؟ انزين ليش هالسؤال طالما انتم ما عندكم حلول لمشكتلهم و هل يعني انتم بتقدرون تحلون لهم هالمشكله طبعا لاا بس حابين يتليقفون و يتدخلون بشؤونهم من باب خلونا نعرف شو بلاهم و طبعا بيحطون وايد حلول لمشكتلهم من باب احنا سمعنا ان المكان الفلاني يعالجون وان فلان وفلانه تعالجوا و كله كلام من باب حجي اميمع وتعال واسمع ....
مثال 3
بنت عدت الثلاثين ...... او يمكن وصلت للاربعين والله ما كتب لها نصيب بالزواج ،،، و عادة السؤال الجارح : انتي ليش للحين ما تزوجتي؟ يا اعيال الحلال يعني تبونها تروح تخطب لعمرها ترى بعد ما يصير ؟ و هذا نصيبها واكيد ان بالامر خيره بس حاسبوا من هالاسئله اللي تجرح الانسان و تقلب نفسيته
طبعا في من الرياييل اللي تأخروا بالزواج و محد يدري شو ظروفهم يمكن مب قادرين ماليا يمكن فيهم مرض العقم ما يحبون يظلمون بنات الناس وياهم ويحرمونهم من العيال يمكن ان مروا بصدمه عاطفيه خلتهم يمتنعون عن فكرة الزواج بس ما يصير ان الناس توجه لهم السؤال انت ليش ما تزوجت و متى بتزوج الا لو كانوا من المقربين اللي يمونون على الانسان وبيقدر ياخذ ويعطي وياهم ويمكن يقدر يشرح ظروفه لهم
وجذا والله وايد من افراد المجتمع عندهم لقافة زايدة ويحبون يتدخلون في شؤوون غيرهم من باب ان الحلول بيدهم و هم ما يدرون ان هالاساليب غلط في غلط
و سلمكم الله
ان يكون من حولك ناس ملقوفين و يرزوون ويووهم بكل صغيره وكبيره بحياتك بدون ما يعرفون شو ظروفك وشو اللي يخليك اتعيش ع وضع معين
طبعا هم يدخلون عليك من باب ان عندهم الحلول لكل الظروف اللي اتحيد بك
مثلا
نشوف شخص يكون متزوج و ساكن مع حرمته فبيت ابوه مسوله ملحق ع قدهم وسعيديين بحياتهم ،،،،،، و يمكن ترى يكون ساكن فبيت عمه اللي هو ابو حرمته و بانين ملحق ع قدهم و حاطين فبالهم ان هالسكن مؤقت لين ما تتعدل ظروفهم و طبعا الناس الملقوفين اييووون ويسألون انت ليش ساكن فبيت اهلك او اهل حرمتك و شو مقعدنك من بينهم و كيف بترتاحون والمفروض تظهرون و تسكنون فبيت ايجار و من هالكلام اللي يمكن يجرح الشخص او حرمته واللي من باب ( و تحسبهم أغنياء من التعفف ) ما نلاقيهم يشكون لاحد ظروفهم و الحال اللي هم فيه
مثال رقم 2
حرمه او ريال الله ابتلاهم بالعقم .... و ايوون الناس سواء من الرياييل او الحريم ويسألونهم من دون هدف او غايه مفيدة للطرفين : انتم ليش للحين ما ياااكم اعيال ؟ انزين ليش هالسؤال طالما انتم ما عندكم حلول لمشكتلهم و هل يعني انتم بتقدرون تحلون لهم هالمشكله طبعا لاا بس حابين يتليقفون و يتدخلون بشؤونهم من باب خلونا نعرف شو بلاهم و طبعا بيحطون وايد حلول لمشكتلهم من باب احنا سمعنا ان المكان الفلاني يعالجون وان فلان وفلانه تعالجوا و كله كلام من باب حجي اميمع وتعال واسمع ....
مثال 3
بنت عدت الثلاثين ...... او يمكن وصلت للاربعين والله ما كتب لها نصيب بالزواج ،،، و عادة السؤال الجارح : انتي ليش للحين ما تزوجتي؟ يا اعيال الحلال يعني تبونها تروح تخطب لعمرها ترى بعد ما يصير ؟ و هذا نصيبها واكيد ان بالامر خيره بس حاسبوا من هالاسئله اللي تجرح الانسان و تقلب نفسيته
طبعا في من الرياييل اللي تأخروا بالزواج و محد يدري شو ظروفهم يمكن مب قادرين ماليا يمكن فيهم مرض العقم ما يحبون يظلمون بنات الناس وياهم ويحرمونهم من العيال يمكن ان مروا بصدمه عاطفيه خلتهم يمتنعون عن فكرة الزواج بس ما يصير ان الناس توجه لهم السؤال انت ليش ما تزوجت و متى بتزوج الا لو كانوا من المقربين اللي يمونون على الانسان وبيقدر ياخذ ويعطي وياهم ويمكن يقدر يشرح ظروفه لهم
وجذا والله وايد من افراد المجتمع عندهم لقافة زايدة ويحبون يتدخلون في شؤوون غيرهم من باب ان الحلول بيدهم و هم ما يدرون ان هالاساليب غلط في غلط
و سلمكم الله