هل صادفتكم هذه المرأة

[الحلال فقط]

كنت خارجا من مركز خليفة الصحي برفقة ابنتي الصغيرة في السيارة فاسوقفتني على باب المركز امرأة منتقبة ومعها ابنتها الصغيرة وطلبت مني توصيلها الى مركز طوارئ الريان للاطفال وكنت متجها قرب المكان فركبت السيارة وما أن ركبت السيارة حتى بدأت تتكلم بكلام طويل فعرفت بنفسها بانها من مخيم اليرموك في سوريا وانها جاءت هنا للبلد بتاشيرة مدتها 6 شهور وان زوجها مزارع يبحث عن عمل وان ظروفهم صعبة وانهم بحاجة للمال وكلام طويل غير ذلك وعند النزول قالت انها تستحي ان تمد علي مبلغ 15 ريال لقلته لكنها لا تملك غيره ثم بعد ذلك طلبت الف ريال لتدفع ايجار البيت وكلام طويل اخر
الى هنا الامور تبدو طبيعية كامرأة تبدو بحاجة للمساعدة
لكن ما حصل بعد ذلك كشف الحقيقة
بعد انزالها عند مركز طوارئ الريان وعندما هممت بالخروج من المركز شاهدت امرأة منتقبة اخرى ومعها طفل صغير فراودتني الشكوك مباشرة وكنت اريد تجاوزها لكني قررت الوقوف متعمدا لارى ان كان من علاقة
قالت لي انها تريد الذهاب الى وذنان وهو قريب من المكان فركبت ثم بدأت بالكلام وبنفس نبرة الصوت لدرجة اني شككت انها الاولى نفسها لكنها مختلفة
لكن كل ما قالته الاولى تقريبا كررته الثانية حرفيا باستثناء انها قالت انها من حماة اما باقي الكلام فهو ذاته حرفيا لتصل معك الى ان تعطف عليها وتعطيها
قلت لو ان كل واحدة استطاعت ان تاخذ الف ريال من عشرة اشخاص فقط فانها ستجمع كل يوم عشرة الاف ريال يعني 300 الف ريال في الشهر
ارجو الحذر من هؤلاء ومن يستطيع ايصال الامر لمن يستطيع فعل شيء فليفعل

[حـ ن ـيـ ن]

شاهدت ذلك عند وذنان ، ولكن من الخطأ وقوفك وتوصيلها ...

فلا أحد يعلم ماوراءهم أو ماقد يتسببون به ...

[النهار]

المصيبه داخلين البلاد على هيئة رجال اعمال مع ازواجهم او الله اعلم

[مشاكل]

انا شفت وحده كانت تأشر لي قريب مجمع وذنان قبل عيد الاضحى بس ماوقفت لها
لأني عارف أن نفس القصة اللي صارت معك بتصير معي
ولذلك اختصرت الموضوع وماوقفت وعدت الى اهلي سالماً
:victory:

[مضارب دوسري]

اخطات بتوصيلها
المفروض ما توصل احد نهائيا
واذا انكسر خاطرك وحبيت تساعد
عطها 20 او 30 او حتى 50
تروح تدبر عمرها
اما توصلها بسيارتك خطأ

اما عن المساعدات فلقد سئمنا هالحركات وما يسوونها الا من يريدون استغلال الوضع


المفروض على وزارة الداخليه حل هذا الوضع
والمفروض من المواطنين رفع شكوى عليهم

تاكد لا يطلب الا من يريد استغلال الوضع العام ولاستعطاف المواطنين

لو ابي اساعد عندي جمعيات خيريه اتبرع فيها واوصلها للمتضررين هناك في سوريا الذين لا يجدون ماكل ولا مامن

اما من هم هنا فكلهم عندهم اهل يشتغلون ف قطر

[وليف الشوق]

اذا ماخاب ظني ان الداخليه من فترة اعلنت انها مسكت مجموعه من النساء مثل هالحاله

[قطر خضراء]

كنت خارجا من مركز خليفة الصحي برفقة ابنتي الصغيرة في السيارة فاسوقفتني على باب المركز امرأة منتقبة ومعها ابنتها الصغيرة وطلبت مني توصيلها الى مركز طوارئ الريان للاطفال وكنت متجها قرب المكان فركبت السيارة وما أن ركبت السيارة حتى بدأت تتكلم بكلام طويل فعرفت بنفسها بانها من مخيم اليرموك في سوريا وانها جاءت هنا للبلد بتاشيرة مدتها 6 شهور وان زوجها مزارع يبحث عن عمل وان ظروفهم صعبة وانهم بحاجة للمال وكلام طويل غير ذلك وعند النزول قالت انها تستحي ان تمد علي مبلغ 15 ريال لقلته لكنها لا تملك غيره ثم بعد ذلك طلبت الف ريال لتدفع ايجار البيت وكلام طويل اخر
الى هنا الامور تبدو طبيعية كامرأة تبدو بحاجة للمساعدة
لكن ما حصل بعد ذلك كشف الحقيقة
بعد انزالها عند مركز طوارئ الريان وعندما هممت بالخروج من المركز شاهدت امرأة منتقبة اخرى ومعها طفل صغير فراودتني الشكوك مباشرة وكنت اريد تجاوزها لكني قررت الوقوف متعمدا لارى ان كان من علاقة
قالت لي انها تريد الذهاب الى وذنان وهو قريب من المكان فركبت ثم بدأت بالكلام وبنفس نبرة الصوت لدرجة اني شككت انها الاولى نفسها لكنها مختلفة
لكن كل ما قالته الاولى تقريبا كررته الثانية حرفيا باستثناء انها قالت انها من حماة اما باقي الكلام فهو ذاته حرفيا لتصل معك الى ان تعطف عليها وتعطيها
قلت لو ان كل واحدة استطاعت ان تاخذ الف ريال من عشرة اشخاص فقط فانها ستجمع كل يوم عشرة الاف ريال يعني 300 الف ريال في الشهر
ارجو الحذر من هؤلاء ومن يستطيع ايصال الامر لمن يستطيع فعل شيء فليفعل

نفس المرأة المنقبة وكان معها طفل وليس بنت استوقفتني قبل حوالي شهرين بجانب مركز الغرافة الصحي وطلبت أن اوصلها إلى جمعية الميرة بجانب مركز الريان الصحي وفي الطريق سردت قصة أنها فلسطينية من مخيم اليرموك جنوب دمشق وباقي الفلم الهندي
وقبل سنة أوصلت في مرتين مختلفتين سوريتين من مستشفى حمد واحدة إلى جانب مجمع وذنان والأخرى إلى شارع آل شافي في الريان الجديد
وكلهم يسردون قصص الفقر والحاجة
وفي الصيف الماضي أوصلت سورية من معيذر إلى مركز أبو بكر الصديق ونفس الفلم الهندي لكن بنسخ مختلفة
اللهم تولنا برحمتك

[حرف]

مستحيل اوقف لهم

[Tomford_qtr]

تعطيها المقسوم ... وفمان الله ... بدون توصيل

[بوخالد911]

ولا اعطيها المقسوم ولا شي
ابلغ الدورية وبس

وبسكم طيبة انتوا
بلغوا عليهم عشان نقضي ع هالظاهرة السلبية.

[معماري قطري]

نفس المرأة المنقبة وكان معها طفل وليس بنت استوقفتني قبل حوالي شهرين بجانب مركز الغرافة الصحي وطلبت أن اوصلها إلى جمعية الميرة بجانب مركز الريان الصحي وفي الطريق سردت قصة أنها فلسطينية من مخيم اليرموك جنوب دمشق وباقي الفلم الهندي
وقبل سنة أوصلت في مرتين مختلفتين سوريتين من مستشفى حمد واحدة إلى جانب مجمع وذنان والأخرى إلى شارع آل شافي في الريان الجديد
وكلهم يسردون قصص الفقر والحاجة
وفي الصيف الماضي أوصلت سورية من معيذر إلى مركز أبو بكر الصديق ونفس الفلم الهندي لكن بنسخ مختلفة
اللهم تولنا برحمتك

ما شاء الله عليك ( مغامر ) ومغامرات خطرة

اليائس يسوي المستحيل والضرر قد يأتيك من حادث لا سمح الله وتتعور وتستوي عليك قضية ويعرفون أهل بيتك

الزمان تغير والاستغلال واضح .. انا جاتني من أيام عجوز تركية وسلمت علي بلغة عربية ركيكة وحاولت تبيعني سكاكين .. ب 89 يورو ومنزلة ل 30 ومنها قالت خذ علبتين ب 30 .. كسرت خاطري قلت باخذ علبة .. قلت لها عطيني وحدة بس ب 15 قالت زين وحطتها في شنطة السيارة وكررت المحاولة ببيع علبة ثانية .. قلت لا ما ابي قالت زين عطني 2 يورو .. وكنت ماعطها قبل 2 استوت بايعتني الطقم ب 19 يورو .. المهم كل هذا وبكلام مكسر واشارات .. بغيت امشي الا بتدخل السيارة معاي هاوشتها وقلت لها بوليس بس كلمة بوليس ارعبتها.

انا متعود ذيلا مشكلة وبلشة ولا حتى اكلمهم أمشي سيدة وبسرعة .. ولابس بنطلون مخابيه بجرار وجاكيت منزل مغطي المخابي .. كلها احتياطات ومستحيل اوصل حد سواءً رجل أو امرأة ويمكن المرأة الخوف منها أكثر

[بصمة قطرية]

حاسبوا يا شباب لا توصلونهم
افرضوا تبلت عليكم ..!!
ساعتها من بينفعكم ..
الواحد يحذر لو تبون تساعدون عطوها مبلغ يوصلها و خلاص ..

[kitmat]

في مجمع حياة بلازا سوريه وياتني مرتين

[بوعيسى 1]

من الخطأ توصيلها بدون أن تعرف من هي ونصيحه في هذا الزمن لا تقف لأي انسان ولو القصد فعل الخير

[وحيد-الشوق]

نصيحة ابتعد عن توصيل الناس احسن وأمن لك انا وصلت كذا واحد وتحسفت وكلهم طلبوا مني فلوس مادري حسبالهم القطري بنك سبيل ولا صراف متحرك والدوحة ماعادت نفس قبل نفرض مثلا تبلت عليك الحرمة شنو بتسوي وقتها وتعرف ات القانون والشرطة دايماً في صفهم وزد على ذلك وتأكد عزيز النفس مايطلب من فلان وعلان الا من صديق او قريب اما ذيلا لاحيا ولامستحى هاي شغلهم ومصدر رزقهم التسول والكذب والضحك على الناس الله يهديهم

[بانغ بانغ]

ماعرف اذا راع الموضوع واحد او وحدة

اتوقع المفروض الواحد يتجنب هالعبرية في هالايام

[قطر خضراء]

ما شاء الله عليك ( مغامر ) ومغامرات خطرة

اليائس يسوي المستحيل والضرر قد يأتيك من حادث لا سمح الله وتتعور وتستوي عليك قضية ويعرفون أهل بيتك

الزمان تغير والاستغلال واضح .. انا جاتني من أيام عجوز تركية وسلمت علي بلغة عربية ركيكة وحاولت تبيعني سكاكين .. ب 89 يورو ومنزلة ل 30 ومنها قالت خذ علبتين ب 30 .. كسرت خاطري قلت باخذ علبة .. قلت لها عطيني وحدة بس ب 15 قالت زين وحطتها في شنطة السيارة وكررت المحاولة ببيع علبة ثانية .. قلت لا ما ابي قالت زين عطني 2 يورو .. وكنت ماعطها قبل 2 استوت بايعتني الطقم ب 19 يورو .. المهم كل هذا وبكلام مكسر واشارات .. بغيت امشي الا بتدخل السيارة معاي هاوشتها وقلت لها بوليس بس كلمة بوليس ارعبتها.

انا متعود ذيلا مشكلة وبلشة ولا حتى اكلمهم أمشي سيدة وبسرعة .. ولابس بنطلون مخابيه بجرار وجاكيت منزل مغطي المخابي .. كلها احتياطات ومستحيل اوصل حد سواءً رجل أو امرأة ويمكن المرأة الخوف منها أكثر

حياك الله أخي المكرم معماري
ليس حبا في المغامرة وإنما حتى لا يقال انقطع الخير من الناس في ديرة الخير ومن باب إحسان الظن بالناس إلى أن يثبت العكس
علما أني عادة لا أساعد إمرأة إلا إذا كانت زوجتي ترافقني حتى لا أعين الشيطان
أما فيما يخص العمال وكبار السن فإني كثيرا من أقف لهم وأوصلهم خاصة عند ارتفاع درجات الحرارة
وكثيرا ماأعتذر عن مساعدة طالبي المساعدة المالية وأوجههم للمؤسسات الخيرية المنتشرة في الدولة بفضل الله لكي لا أكزن سلبيا فأظلم من يستحق المساعدة فعلا وفي نفس الوقت لا أكون هدفا للمحتالين عديمي المروءة الذين صاروا أغلبية ولا حول ولا قوة إلا بالله

[Qtr37]

الصراحة قبل كنا نقول ما نبي ننهر السائل ( وأما السائل فلا تنهر)
ولا نبي نردهم..
لكن مصخت السالفه،، في وحدة في منطقتنا كنت اشوفها في المسجد في رمضان وغيره من الاماكن اللي في فريجنا! مرة سمعتها تقول انا من فلسطين ..... الخ من السيناريو، ومرة قالت من العراق والحين تقول من سوريا و و و الخ من قصة الفقر!! صرت خلاص ما اساعدها وضميري مرتاح!! لكن مستحيل اوصل حد ما اعرفه لان محد يدري ايش ممكن يسوون او ايش ممكن يتركون في السياره، وفي النهاية القانون لا يحمي المغفلين !!

عافانا الله واياكم

[بنت شرق]

الصراحة قبل كنا نقول ما نبي ننهر السائل ( وأما السائل فلا تنهر)
ولا نبي نردهم..
لكن مصخت السالفه،، في وحدة في منطقتنا كنت اشوفها في المسجد في رمضان وغيره من الاماكن اللي في فريجنا! مرة سمعتها تقول انا من فلسطين ..... الخ من السيناريو، ومرة قالت من العراق والحين تقول من سوريا و و و الخ من قصة الفقر!! صرت خلاص ما اساعدها وضميري مرتاح!! لكن مستحيل اوصل حد ما اعرفه لان محد يدري ايش ممكن يسوون او ايش ممكن يتركون في السياره، وفي النهاية القانون لا يحمي المغفلين !!

عافانا الله واياكم

خلك مع عدم النهر للسائل واعطيهم القليل من خمس لعشر هاي الافضل واذا تحلطموا تعذرمنهم انك نادرا ماتشيل فلوس بمحفظتك

[معماري قطري]

حياك الله أخي المكرم معماري
ليس حبا في المغامرة وإنما حتى لا يقال انقطع الخير من الناس في ديرة الخير ومن باب إحسان الظن بالناس إلى أن يثبت العكس
علما أني عادة لا أساعد إمرأة إلا إذا كانت زوجتي ترافقني حتى لا أعين الشيطان
أما فيما يخص العمال وكبار السن فإني كثيرا من أقف لهم وأوصلهم خاصة عند ارتفاع درجات الحرارة
وكثيرا ماأعتذر عن مساعدة طالبي المساعدة المالية وأوجههم للمؤسسات الخيرية المنتشرة في الدولة بفضل الله لكي لا أكزن سلبيا فأظلم من يستحق المساعدة فعلا وفي نفس الوقت لا أكون هدفا للمحتالين عديمي المروءة الذين صاروا أغلبية ولا حول ولا قوة إلا بالله

الله يوفقك ويكثر من أمثالك بس أتمنى منك الحذر .. حتى القانون يمنع توصيل الغرباء

[معماري قطري]

الصراحة قبل كنا نقول ما نبي ننهر السائل ( وأما السائل فلا تنهر)
ولا نبي نردهم..
لكن مصخت السالفه،، في وحدة في منطقتنا كنت اشوفها في المسجد في رمضان وغيره من الاماكن اللي في فريجنا! مرة سمعتها تقول انا من فلسطين ..... الخ من السيناريو، ومرة قالت من العراق والحين تقول من سوريا و و و الخ من قصة الفقر!! صرت خلاص ما اساعدها وضميري مرتاح!! لكن مستحيل اوصل حد ما اعرفه لان محد يدري ايش ممكن يسوون او ايش ممكن يتركون في السياره، وفي النهاية القانون لا يحمي المغفلين !!

عافانا الله واياكم

هذي طلعت انترناشيونال وبالايطالي انترناسيونالي

[معماري قطري]

العجوز التركية تبي تركب معاي وزين قدرت اصك الباب واقفله بسرعة وضرب في الجامة .. والله قلت اخذي سجاجينج ( يور نايفز يعني ) عقليات غريبة وبالقوة يبون ياخذون حق لهم ومب لهم

[النهار]

مره شفت طريقه جديده وحديثه هههههههه ادخلوالتكنلوجيه الحديثه
وحده لابسه دفه ونقاب وفارشه خلجه جدامها ومنزله راسها تحت جدام مدخل المسجد في بن عمران
كل الي يدش المسجد يحط المقسوم بعد صلينا واحنا طالعين اشوف وحده حرمه تقريبا عمرها 30 سنه واقفه
في زاويه تكشف جميع الشوارع المحيطه بالمسجد وقفت ابي اشوف ايش موضوع هذي الحرمه شفتها وانا داش المسجد
واشوفها واقفه لين ماخلصنا الصلاه تميت في الموتر الا اشوفها طلعت الجوال واتصلت
اول مأتصلت اشوف الي قاعده جدام باب المسجد لمت المحصول بسرعه وحركت صوبها
بعد ماتحركوا شويه الا اشوف الي كانت قاعده جدام المسجد افسخت العبايه والنقاب الا هي بنت عمرها مايتعدي 13 سنه
عدوا الشارع ودشوا فريج كليب
ههههههههههههههههه
هذول محترفين الصنعه لو حست بأي خطر تعطيها رنه علشان تشرد من مكان الجريمه

[حرف]

حصلت اليوم وحدة معها ولد عن مستشفى العمادي جات صوبي تبي تكلمني ماعطيتها اي انتباه

[بومحمد المطاوعه]

قبل شهر ف السد عند مفروشات العروسه
جاني سوري ومعاه ياهل صغير

صرفته ولا عطيته اي اهتمام

قلت له روح جمعيات الخيريه


وقبل اسبوع ف محطه بترول قطر
بعد نفس الحركه
سوري وبنت صغيره

ولا كأني اشوفه
بس رديت عليه السلام وسحبت عليه

[حرف]

سؤال
لو فيه وافد عربي محتاج وراح الجمعيات الخيرية شلون راح يتصرفون معه ؟

[بوخميس]

سؤال
لو فيه وافد عربي محتاج وراح الجمعيات الخيرية شلون راح يتصرفون معه ؟

يطلبون منه المستندات الثبوتية ويدرسون وضعه المالي والاجتماعي، واذا يستاهل ما يقصرون معاه.

[حرف]

يطلبون منه المستندات الثبوتية ويدرسون وضعه المالي والاجتماعي، واذا يستاهل ما يقصرون معاه.

خلاص ياليت كلنا اي احد يجينا يبي مساعدة نعطيه ارقام الجمعيات الخيرية وندلهم مكانها او انوصلهم لها
ففي النهاية احنا انتصدق في هذة الجمعيات للفقراء والمحتاجين فما فيها شي لو حولناهم عليها
بعضهم يقول خايف من فاما السائل فلا تنهر

[smart_os]

( وأما السائل فلا تنهر ( 10 ) وأما بنعمة ربك فحدث ( 11 ) )

( وأما السائل فلا تنهر ) قال المفسرون : يريد السائل على الباب ، يقول : لا تنهره لا تزجره إذا سألك ، فقد كنت فقيرا فإما أن تطعمه وإما أن ترده ردا لينا ، يقال : نهره وانتهره إذا استقبله بكلام يزجره.

يعني لا تستخدم معه اسلوب الزجر والذل. مثل ما قالو باقي الاعضاء دلوهم عالجمعيات الخيرية وان شاء الله ما يقصرون معاهم.

[غايه الطواش]

الحلال فقط ومركب معاك عبريه اجنبيه

الله يوفقك بكره لاقدر الله وصار شي من هذول محد بينفعك وحتي ممكن تتسبب في مشاكل مع اهل بيتك الافضل تجاهلهم

[مشاكل]

الحلال فقط ومركب معاك عبريه اجنبيه

الله يوفقك بكره لاقدر الله وصار شي من هذول محد بينفعك وحتي ممكن تتسبب في مشاكل مع اهل بيتك الافضل تجاهلهم
صادقة اختي غاية
ولو عكسنا المثال على ان وحدة تسوق ووقفت حق واحد توصله !!! شلون نحكم على هالموقف ؟؟

[عاشق العديد]

مرو علي عند مجمع التسويق العائلي وكنت بشتكي عليها . وكنت حاس اميه بالميه انها نصابه .. وذلك لما عطيتها مبلغ طلبت اكثر فقلت لها هاتي المبلغ بعطيج زياده ..

وللعلم انا قايله لي انها من فلسطين .. ومن هالكلام ..

عندها تقريبا 5 عيال ..

يجون يوقفون فشارع معيذر التجاري ونفس شي تاشير ..

وصغار ويركبون مع أي احد ..

مستغرب انه الداخليه لحد الحين مامسكتهم معنها تطلب من الجميع وقدام الكل وتكسر خاطرنا بمسكتها للبزر بو ست شهور ..

[عاشق العديد]

وازيد من الشعر بيت ذاك اليوم جا رجل شايب وصلها قريب من بيتها جات سياره ثانيه خذتها ومشت ..

[عثرة جواد]

مرة كنت ف محطة الريان واقفة اطلب اكل اشوي والا واحد يطق الدريشة

فتحت قال تبي نظافة سيارة ههههههههه

قلت لا تميت اطالع دش ماك دنلز ع بالي دش ياخذ شي

طلع يشتغل هناك

شغال هني وهناك

عساك ع القوة

[معماري قطري]

مره شفت طريقه جديده وحديثه هههههههه ادخلوالتكنلوجيه الحديثه
وحده لابسه دفه ونقاب وفارشه خلجه جدامها ومنزله راسها تحت جدام مدخل المسجد في بن عمران
كل الي يدش المسجد يحط المقسوم بعد صلينا واحنا طالعين اشوف وحده حرمه تقريبا عمرها 30 سنه واقفه
في زاويه تكشف جميع الشوارع المحيطه بالمسجد وقفت ابي اشوف ايش موضوع هذي الحرمه شفتها وانا داش المسجد
واشوفها واقفه لين ماخلصنا الصلاه تميت في الموتر الا اشوفها طلعت الجوال واتصلت
اول مأتصلت اشوف الي قاعده جدام باب المسجد لمت المحصول بسرعه وحركت صوبها
بعد ماتحركوا شويه الا اشوف الي كانت قاعده جدام المسجد افسخت العبايه والنقاب الا هي بنت عمرها مايتعدي 13 سنه
عدوا الشارع ودشوا فريج كليب
ههههههههههههههههه
هذول محترفين الصنعه لو حست بأي خطر تعطيها رنه علشان تشرد من مكان الجريمه

طلعت خطيررر يا النهار الله يحفظك

[مشاكل]

مرة كنت ف محطة الريان واقفة اطلب اكل اشوي والا واحد يطق الدريشة

فتحت قال تبي نظافة سيارة ههههههههه

قلت لا تميت اطالع دش ماك دنلز ع بالي دش ياخذ شي

طلع يشتغل هناك

شغال هني وهناك

عساك ع القوة

الرزق يحب الخفيّة :fight:

[النهار]

طلعت خطيررر يا النهار الله يحفظك

والله ياخوي ليلة العيد عند جمعية اليرموك كنت رايح اشتري صابون غسيل الملابس
وانا في الجمعيه وحده حاطه لها قوطي فاين في الجاري وقاعده تفتر اول ماقابلتني اضحكت وحركت ماعطيتها بال
رحت عندالكاشير دفعت الفلوس حطيت الاغراض في الموتر توني بشغل السياره الا وحده تقول لوسمحت ابي اروح الجمعيه الثانيه الي في خليفه
لاني ماحصلت الشي الي ابيه ابي دجاج طازج قلت طالما انا رايح مدينة خليفه خلني اكسب فيها الاجر
الشريفه تفتح الباب الخلفي وتقعد اشوف الرزيله افتحت الباب الامامي واقعدت واقعدت تردح وانا خايف حد يشوفني وبيت اهل زوجتي قريب الجمعيه
وصلتها عند الجمعيه ابيها تنزل قاعده تسولف قلت لها ترى انا مستعجل وراي اشغال
قالت الفلوس عندي ناقصه لوتساعدني طلعت لها 200 ريال الا اشوفها تقول هذول شويه قلت لها ماعندي غيرها تقول ماعندك بطاقة بنك
قلت لها لا نسيتها في البيت وانا يوم طلعت الفلوس من المخباء شافت فكه قالت عطني الفكه قلت تنزلين ولا انزلج من السياره
تقول لي كم رقم تلفونك عطيتها رقم ناطور مصري شايب في الشمال دقت الرقم وقالت جاك الرقم طلعت الجوال قلت جاني
قالت احتفظ بالرقم يمكن تحتاجني تراهم زادوا بشكل كبير والجنسيه مافي داعي لذكرها معروفه

[النهار]

عاد هذي السالفه قديمه من اكثر من 4 سنوات
هههههههههههههههه
سميت نفسي هذاك اليوم المغفل رقم مادري كم
وحده صغيره في العمر وحليوه جات وقفت وراي قلت لها تفضلي انت ماعندج اغراض احلفت لا والله
قلت بابنت الحلال انا اغراضي وايد وانتي ماعندج الا قطعتين صحن افخاذ دجاج وقوطي فاين
رفضت شافت اني شاري مجموعه محترمه من الكوافي هي تبي تسولف علشان ماحد يشك فيها او انها من الاهل
قاعده تقول لي حرام انت تضر عيالك انا لومنك اشتري لهم اشياء مفيده
قامت تساعدني تشيل الاغراض من الجاري وتحط على سير الكاشير يوم خلصت الاغراض والكشير يدق على المكينه قامت حطت
اغراضها وقالت انكلودينج للكاشير بمعني احسب الاغراض مع اغراض المغفل مادري رقمه كم الكاشير يقولي اوكي قلت له مافي مانع
كل اغراضها متجي قيمتها 20 ريال طلعت واطلعت وراي جعل ربي يسلمك والله مستحيه منك نسيت البوك في البيت قلت لها بسيطه يابنت الحلال
الا تقول لي والله مستحيه منك سيارتي مافيها بترول اخاف توقف على في الطريق طلعت لها 100 ريال نفس الكلام ماقصرت جعل ربي يسلمك
نطرتني لين مأروح عند سيارتي الا اشوفها حطت الاغراض في السياره وسيده ركضه للجمعيه مره
تبي تصيد لها مغفل ثاني

[kawkawii]

والله لو مكانك وانا واقف عند اي اشاره اكتب مسج لأقرب اخو او رفيج ان في نصابه معاك في السياره وأنك ما تقدر تتكلم وخل يبلغ الشرطه يوافونك عند المكان الي تبيه !
مع ان حسبي الله عليهم هالنصابين اظن عليهم حصانه دوليه او شي جذيه !

الله لا يفتح لهم عندنا باب مثل تركيا .. تلوثت مسكينه بالبوق والتشحتت!
لا تشوفونها شريه مني إنما خوف على بلدي وعيالي والامان الي ما نبي نفقده بسبب شعارات انسانيه وتصرفات مب مدروسه!!!
ممكن نفتح لاصحاب الشهادات والخبرات مع توفير شغل وسكن لهم ان احتجنا لتخصصاتهم فقط !
لكن ما نبي نوصل لمرحله نصابين وعيال شوارع وبوق وخطف واغتصاب وبنات ليل بسم الله علينا !!!
وسلامتكم

[سارهـ ~]

بخصوص اللي يوصلون المراه الأجنبية ويسمونه فعل خير الخير تعطيها فلوس ادبر لها تاكسي يوديها*

الله يحمي بلادنا ويسد حاجة كل محتاج 😓

[Ms. London]

ظاهره سلبيه لازم ينحط لها حد.. صار معاي كذا موقف بس الموقف الي ما أنساه كان في اللؤلؤه... كنا واقفين بننزل من السياره وجات وقفت احذانا سياره لدوله خليجيه ونزل منها رجال تعطيه نهاية الاربعين او خمسيني وعلى طول فتح علينا الباب بكل جرأه وقعد يطلب فلوس ويأشر على سيارتهم انه معاه بناته مع ان ماكان واضح اذا في حد في السياره ويقول اذا ماتصدقون تعالو شوفو حتى الفلوس الي عندي يدوب تكفي الفندق... طبعا انا من هول الصدمه دزيته وسكرت باب السياره وقلتله في جمعيات خيريه تروح لها وتركته ودخلنا المطعم.. ادري غلطت ما ناديت له الشرطه بس احيانا الشخص في نفس اللحظه يوقف التفكير عنده ومايفكر الا عقب مايستوعب الي صار..

الصراحه ظاهرة التسول صارت من كذا جنسيه وبعضهم يجون بغرض السياحه لكن الهدف الاساسي غير.. وحده من المعارف انسرقت في زارا الي في اللاند مارك بطريقه محد يتخيلها في اقل من دقيقه بدون ماتحس من وحده بعد من نفس الجنسيه الي تكلمت عنها قبل بكل خفيه وسرعه واحترافيه وكل شي ظهر في كاميرات المراقبه لانها كانت تتبع المرأه من عند ماكينة السحب ودخلت وراها المحل لين ماشلت الشنطه باللي فيها وفي لمح البصر اختفت وماصادوها....

[بوخالد911]

انا ما اعطيهم وجه.
اقولهم روحوا لسفارة بلدكم
ولا بطلب لكم الشرطة.

هذا التصرف الصحيح.

[كازانوفا]

انا وصلني خبر انهم صارو يدقو ابواب البيوت ودخولها فانتبهو من هالاشكال

[مخطط قطري]

انا اذا شفتها راح اعطيها الي الله قاسمه لانه نسبه شكي في انها نصابه وتمثل ماوصلت 100% دامه طلب واستعان ان شاءالله مب راده يليت بدال ماننشر ثقافه البخل والامساك نكون ايجابين واحنا في خير ونعمه والمبلغ الي بينعطى تراه شوي سواء 500 ولا الف ريال مب مأثره فيك ولكن هي واجد بنسبه لها او له هالمبلغ تصرفه في جلسه شاهي في فندق او تعبئه كرت هلا حق صبي من صبيانك ،،، الرجال دايمن يكون كريم وبوكه واسع وعط والله يعطيك ويزيدك الخير والبركه الي فيها قطر تراها من فعل الطيب ماهوب من بخل وتقتير

[نعيمه علي]

المفروض اننا تساهم بوقف هذه الحالات بالمساعدة على الإمساك بهم
بأن نقف ونتصل بـ 999 بدون ان يشعروا بك
وتقف تتكلم معهم بعد ذلك وتماطل حتى تصل الدورية لهم

تحياتي

[شبح الصمت]

المفروض اننا تساهم بوقف هذه الحالات بالمساعدة على الإمساك بهم
بأن نقف ونتصل بـ 999 بدون ان يشعروا بك
وتقف تتكلم معهم بعد ذلك وتماطل حتى تصل الدورية لهم

تحياتي



في ارقام اخرى اخوي

مكافحة التسول

66414040

2347453

2347444

والي محتاج واوراقه كاملة وتثبت حاجته يتوجه للجمعيات الخيرية وما اتوقع اذا انه محتاج وظروفه صعبة ما راح يساعدونه

والله يستر على الجميع

[Riku3]

من فترة جربت اتصل حق الرقم الي بدايته 2 .. على وحدة كانت تتسول في مركز المطار الصحي بين السيارات في المواقف بس للاسف قالي الموظف مب عندنا اتصل 999 وشوف يمكن يساعدونك .. تجربتي السابقة مع تسعات ما كانت ايجابيه فقررت انسى السالفة .. بعد نص ساعه تقريبا البنت ركبت سيارة واضح انها ليموزين .. وانتقلت لموقع ثاني اكيد :] .


انا وصلني خبر انهم صارو يدقو ابواب البيوت ودخولها فانتبهو من هالاشكال
صارت من فترة .. تقول ام محمد موجوده ؟ .. تجرب حظها والخدامه دخلتها هههههه .

.....

صارت كثير .. حتى في الجمعية جاتني عند الكاشير بجاري مليان !! .. عسى ما شر >_> .

بس جد شباب حاسبوا من التوصيل .. تبي تسوي خير وقفلها تاكسي ... من سنين صار موقف لشيبه مسكين مقيم من السبعينات شغال سواق باص ووصل وحده في طريقة من فريج الغانم وصارت سالفة وتسفر بسببها المسكين وتوهق فيها ..

لا تأمنون يمكن تسوي مشكلة في الشارع وتتبلى عليك وما تطلع منها او تنتشر سالفة مب عدله عنك بين الناس !! .

[Qtr37]

ظاهره سلبيه لازم ينحط لها حد.. صار معاي كذا موقف بس الموقف الي ما أنساه كان في اللؤلؤه... كنا واقفين بننزل من السياره وجات وقفت احذانا سياره لدوله خليجيه ونزل منها رجال تعطيه نهاية الاربعين او خمسيني وعلى طول فتح علينا الباب بكل جرأه وقعد يطلب فلوس ويأشر على سيارتهم انه معاه بناته مع ان ماكان واضح اذا في حد في السياره ويقول اذا ماتصدقون تعالو شوفو حتى الفلوس الي عندي يدوب تكفي الفندق... طبعا انا من هول الصدمه دزيته وسكرت باب السياره وقلتله في جمعيات خيريه تروح لها وتركته ودخلنا المطعم.. ادري غلطت ما ناديت له الشرطه بس احيانا الشخص في نفس اللحظه يوقف التفكير عنده ومايفكر الا عقب مايستوعب الي صار..

....

حصل معاي نفس الموقف واعتقد انج تقصدين نفس الجنسية الخليجية اللي مرت علي،، كنت عند احدى المجمعات وكنت في سيارتي برجع البيت مع العلم ان احنا ثنتين من السيدات انا والوالدة في السيارة، واستوقفتنا سيارة خليجية فيها رجل خمسيني وكلمنا وهو يتباكى انه يبي يرجع بلاده بالسيارة لكن عندهم مشكلة في السيارة ومحتاجين فلوس وان سبب زيارته للبلد انه يبي يعالج بنته اللي بينت في المقعد الخلفي ، طبعا عطيته لاني مابي اطول وانا اسمع كلامه ولاني ما كنت اقدر احرك سيارتي الا اذا هو تحرك! طبعا فكرت في الموضوع عقب وما حبيت اني أُستغل ..

[Riku3]

تذكرت شي خطير صار لوحدة من اهل زوجتي قبل سنة تقريباً او اكثر شوي يبين شلون في ناس ما يعرفون يتصرفون في مثل هالمواقف .... كانت في وذنان وجات سيارة سعودية وصكرت عليها الموقف بعد ما ركبت هي سيارتها ..

نزل من السيارة شاب وتم يشكي الحال وكانت بنفسها ما عندها حد في السيارة !! .. قالتله ماعندي فلوس .. قالها عادي بنتظر روحي اسحبي من الصراف !!! .. والغبيه راحت سحبت 500 وعطته ولا اتصلت الشرطه لما دخلت المجمع :anger1: ..

عقبها كلمت زوجها واهلها وراحوا يدورونه بس ما حصلوه >_< ..

السالفة رفعت ضغطي مع ان البنت متعلمة بس ما عرفت تتصرف ومن الخوف ما اتصلت الشرطه بعد ما دخلت المجمع بأمان !! .. سحبت فلوس ورجعت عطته وكل هالوقت هو حابس سيارتها في الموقف .

الناس مب مثل قبل لا تأمنون بسهولة .

[رُفق المجنّا]

اعتقد ان قانونياً ممنوع تشل أي عبري والمواقف هذي صارت لي في اسباير وفيلاجيو وأغلبهم عيال صغار

هذولا مستغلين الظروف وقاعدين يلهفون الناس فوق حاجتهم

[معماري قطري]

يالربع تتوقعون شرطتنا عندهم سرعة تصرف ويجون سرعة؟

هذي تعتبر اعتداءات ولازم لها تصرف سريع لكن انا ما اتوقع يكون فيه تحرك الا حسب الوضع ولو كانت سيارة الدورية قريبة

[عاهد بن علي]

السلام عليكم ورحمة الله وبركاته
انا صادفت وحده قبل 3 سنوات

[كازانوفا]

السلام عليكم ورحمة الله وبركاته
انا صادفت وحده قبل 3 سنوات


وعليكم السلام ورحمة الله وبركاته
هاي يا عاهد من تاريخ اختفائك من المنتدى هههههه

[عاهد بن علي]

وعليكم السلام ورحمة الله وبركاته
هاي يا عاهد من تاريخ اختفائك من المنتدى هههههه
اهلا وسهلا
صدقتي ههههههههههههههه

[بومحمد المطاوعه]

يالربع تتوقعون شرطتنا عندهم سرعة تصرف ويجون سرعة؟

هذي تعتبر اعتداءات ولازم لها تصرف سريع لكن انا ما اتوقع يكون فيه تحرك الا حسب الوضع ولو كانت سيارة الدورية قريبة

لين يوصلون
تحصل المتسول شرد

وعقب تتوهق انت صاحب البلاغ