صباح الخير .. مع خليجين متولعين بالقمــــار !!!

[راجي الْعفو]

سلام عليكم و رحمة الله و بركاته ..

الله يحيكم جميع و يبارك فيكم و ينور دروبكم ..

والمشاغل تقطعنا عنكم ..

ولكن كلمني واحد من الربع و هو متضايق ..

يقول لي إنه راح لأحد البلدان الأوروبية ..

وتفاجئ برؤية شباب خليجين يلعبون قمار عيني عينك !!

ولا هم معبرين للي يشوفهم من مسلمين او عرب خليجين و غيرهم !

هل التشبّه بالغرب و الكفار ، أوصلنا لمرحلة إنا ننافسهم في المعاصي الكبيرة ؟!

و شوي شوي ، بتجرّهم لوشو : الكفر و الشرك ؟!

فالمعصية تجر المعصية حتى ربما توقع الشخص في الكفر !

نتمنى من المسلم أن يراعي كونه قد وُلِد مسلما

وأن الكفار يتأثرون بأفعاله حسنة كانت او سيئة ..

فليتقوا الله عز و جل في أنفسهم أولا ..

وليكونوا سفراء خير للإسلام ..

وليت كل من يعرف شباب حوله و يمارسون مثل هلمنكرات انه ينصحهم و لا يسكت

فالدين النصيحة ..


الله يهدينا و ياهم و جميع المسلمين ..

وسلمتوا !

[بوخالد911]

الله يهديهم ويصلحهم.

[بانغ بانغ]

غود مورنينغ شيخنا وعودا حميدا

اي للاسف ياما شفنا يوم كنا متغربين

احين ما اوقفت على قمار ... عندنا قمار بالدوحة ...

للاسف بعض شباب الامة تخلوا عن هويتهم لاشباع شهوات دنيوية سواء شرب او قمار او دعارة ....

كل ذي عشان ايقولون عنهم متحضرين

[المخفي]

نفس الكلام قاله اخوي يدرس في لندن بعض الشباب مبتلين بلعب القمار و مدمنين عليه

[راجي الْعفو]

الله يهديهم ويصلحهم.

امين والجميع ..

[راجي الْعفو]

غود مورنينغ شيخنا وعودا حميدا

اي للاسف ياما شفنا يوم كنا متغربين

احين ما اوقفت على قمار ... عندنا قمار بالدوحة ...

للاسف بعض شباب الامة تخلوا عن هويتهم لاشباع شهوات دنيوية سواء شرب او قمار او دعارة ....

كل ذي عشان ايقولون عنهم متحضرين

هلا بأستاذنا صاحب الجراءة و الشجاعة

الله يسلمك و يخليك


الله المستعان ، عاد لما يكون هناك و يمارس مثل هالامور تصبح المصيبة مصيبتين ع ما يقولون

عاجبهم جحر الضب ؟! ربما

الله يهدينا و ياهم

[راجي الْعفو]

نفس الكلام قاله اخوي يدرس في لندن بعض الشباب مبتلين بلعب القمار و مدمنين عليه

اذا هالكلام يتكرر ..



بصراحة :



نطالب المجلس الأعلى بإعداد برنامج خاص للطلاب المبتعثين بالتعاون مع الاوقاف

بخصوص تهيئتهم تهيئة دينية مناسبة ، حتئ يكون هذا لهم حصن و سبب يمنعهم من هالامور


واصلا من شروط جواز دراسة المبتعثين في بلاد الكفر:

انه يأمن على دينه !!!

هالنقطة قد يغفل عنها الكثير !!

[ضوى]

عودا حميدا شيخ راجي ،

مممم بس سؤال لعب القمار وين عاده يكون ؟!

وصاحبك اكيد ماشاف هالشباب الا بمكان اساسا للقمار يعني هالمحرمات لها اماكنها الخاصه

الا اذا يقصد الالعاب اللي في باطنها قمار فهالشي ماله علاقه بمغتربين والا غيره لانهم حتى بالعاب اليهال دخلوها وعليه نناشد الحكومة لوقف هالمهزله

[معماري قطري]

الله يهداهم ( الميلس الأعلى ) قللوا حصص التربية الإسلامية وألغوا كثير من التعاليم

بعدين عندنا جايبين هذي الألعاب يغرسونها في نفوسهم وهم صغار يشوفونها برا يفرحون يتذكرون الطفولة

[الجـــوديّ]

هذي آخرة العيش بين الكفار.. بدافع سياحة من وفرة مادية وترف .. وفرااااااااغ ..
يتبلد الاحساس وتؤلف المناكر .. ويدورون الشي الجديد يجربونه والعياذ بالله
ما اعتقد هذول يقامرون ناقصهم فلوس
الا من البطر مب عارفين شيسوون بها !!


الحمدلله الذي عافانا
الله يهديهم ويصلحهم


جزاك الله يا شيخ ..

[راجي الْعفو]

عودا حميدا شيخ راجي ،

مممم بس سؤال لعب القمار وين عاده يكون ؟!

وصاحبك اكيد ماشاف هالشباب الا بمكان اساسا للقمار يعني هالمحرمات لها اماكنها الخاصه

الا اذا يقصد الالعاب اللي في باطنها قمار فهالشي ماله علاقه بمغتربين والا غيره لانهم حتى بالعاب اليهال دخلوها وعليه نناشد الحكومة لوقف هالمهزله

الله يسلمج يا الشيخه

مدري هل هو مار و رايح لمكان معين وشافهم الله اعلم

هو نقل لي الحادثة بمثل ما ذكرتها لكم ، و ان كان دخل عليهم في المكان فهو مخطئ ، و كان المفروض ما يدخل

اذكر احد الاعضاء نزل موضوع بخصوص ألعاب اليهال

وفعلا تحتاج مراقبة شديدة من الدولة على ما يوضع في مدن الألعاب

[راجي الْعفو]

الله يهداهم ( الميلس الأعلى ) قللوا حصص التربية الإسلامية وألغوا كثير من التعاليم

بعدين عندنا جايبين هذي الألعاب يغرسونها في نفوسهم وهم صغار يشوفونها برا يفرحون يتذكرون الطفولة

هلا بو عبدالله ..

المجلس الأعلى يحتاجون اعادة ترتيب في مناهجهم الدينية و وضعيتها
مهب نافعنا تعلم ( الانقلش !! ) وحنا مهملين دينا ، واللي يفكر انه بـــ يفلح بهالطريقه فهو ضائع


بوعبدالله ، انا اشوف العلمانيين شغالين صح عندنا ، وينشرون الفكر العلماني


حبة حبة !

ويتحاجون تصدي

[راجي الْعفو]

هذي آخرة العيش بين الكفار.. بدافع سياحة من وفرة مادية وترف .. وفرااااااااغ ..
يتبلد الاحساس وتؤلف المناكر .. ويدورون الشي الجديد يجربونه والعياذ بالله
ما اعتقد هذول يقامرون ناقصهم فلوس
الا من البطر مب عارفين شيسوون بها !!


الحمدلله الذي عافانا
الله يهديهم ويصلحهم


جزاك الله يا شيخ ..

اهلًا اخت الجودي ..

وللأسباب اللي ذكرتيها و غيرها

حرم العلماء السياحة في بلاد الكفار


ولكن عوام الناس لا تفقه هذا

انما يفقهه العلماء الراسخون

لهم نظرة بعييييييييدة ...


امين ، فعلا الحمدلله ع نعمة العافية من هالبلاوي


و يجزاج الشيخه

[حرف]

شي من زمان نسمع عنه يعني مش جديد

[بنت شرق]

احس الموضوع تشهير خليجيين يلعبون قمار ، بامكان صديقك ينصحهم وخلاص
بعدين فيه طبقة مرفهة بالخليج وفيه طبقة غير ملتزمة دينيا اصابع يدك ماتعطي نفس البصمة فليش الاستغراب
لأنه جا على بالي أنه أهل الخليج ما يغلطون أجل ليش مطيحين بدول العالم غربه وشرقه ليكون كلهم اهداف سياحية واحنا ما ندري

[بانغ بانغ]

الله يهداهم ( الميلس الأعلى ) قللوا حصص التربية الإسلامية وألغوا كثير من التعاليم

بعدين عندنا جايبين هذي الألعاب يغرسونها في نفوسهم وهم صغار يشوفونها برا يفرحون يتذكرون الطفولة

خلني اكون صريح معك مهندسنا ...

لما الطلاب المبتعثين يحضرون مناسبات للسفارة مثلا او اي نشاط اجتماعي وايشوفون بنات جنسهم كاشفات الله يهديهن وايشوفون الخمر يقدم في كثير من المناسبات ..... بتعرف ان القمار اقل ضررا

اسمحي لي شيخنا راجي ... يمكن هالكلام ما يعجب الكثير بس هذا واقع انا شفته بعيني في كذا سفارة*....

والمجلس الاسفل له دور من توعية وتثقيف ... الطلاب والاسرة على حد سواء

[حسن]

قلت لك من زمان الرواتب العاليه ولكن مافهمتوني وعارضتوني
وقلتو انت تستفزنا

لاني اشوف شي ماتشوفونه

الرواتب مافي انسان مايبها وانا منهم ولكن لما تكون الماده بزياده تخلف
وراها بلاوي لاحصر لها ومنها الفسق والعصيان
وغضب رب العالمين

يازين الفقر على الاقل الناس نفسيتها مبسوطه ومرتاحه وكلن قلبه على الثاني

الحين

يادافع البلا كلن ينهش الثاني ونفسي نفسي

الله المستعان

[Charisma]

مراحب اخوي راجي ، وجزاك الله خير على الموضوع .

بالأضافة إلى ماتفضلوا به الأخوان والاخوات ، ومن العوامل المؤثره بشكل رئيسي في هذا الجانب ، هو " الصحبه" ، كم من ملتزم "فسد" من صحبه فاسده ، وكم من فاسد "ألتزم" من صحبه طيبه .

حبيت اسجل حضوري ومتابعتي ، والله يستر على أمة محمد .

[sweet qatar]

عليكم السلام ورحمة الله

ادعوا لهم بالهداية هم مبتلين

المغريات والحياة السهلة و البعد عن الدين كلها أسباب

[راجي الْعفو]

شي من زمان نسمع عنه يعني مش جديد

هلا اخوي حرف

هي كل الاشياء قديمة بس الكلام هل انتشارها قديم ايضا او حديث ؟
وفي كلا الحالين هو مشهد و يتوجب النصح

بوركت

[راجي الْعفو]

احس الموضوع تشهير خليجيين يلعبون قمار ، بامكان صديقك ينصحهم وخلاص
بعدين فيه طبقة مرفهة بالخليج وفيه طبقة غير ملتزمة دينيا اصابع يدك ماتعطي نفس البصمة فليش الاستغراب
لأنه جا على بالي أنه أهل الخليج ما يغلطون أجل ليش مطيحين بدول العالم غربه وشرقه ليكون كلهم اهداف سياحية واحنا ما ندري

اهلًا بنت شرق

ليش فهمتي ان الموضوع تشهير مب تنبيه الله يحفظج ؟

مو من عادتي أشهّر بأحد في كتاباتي ، إنما تنبيه للموضوع قبل ما يستشري
لأنّ هذا الفعل مو منتشر بينا نحن الخليجين مثل غيره -حسب علمي القاصر -

بغض النظر عن مقاصد سفرهم

اشكرج

[راجي الْعفو]

خلني اكون صريح معك مهندسنا ...

لما الطلاب المبتعثين يحضرون مناسبات للسفارة مثلا او اي نشاط اجتماعي وايشوفون بنات جنسهم كاشفات الله يهديهن وايشوفون الخمر يقدم في كثير من المناسبات ..... بتعرف ان القمار اقل ضررا

اسمحي لي شيخنا راجي ... يمكن هالكلام ما يعجب الكثير بس هذا واقع انا شفته بعيني في كذا سفارة*....

والمجلس الاسفل له دور من توعية وتثقيف ... الطلاب والاسرة على حد سواء

الله يحيك يا شيخ بانغ

مسموح و تنبيهك في محله ، و الامر يستوجب التحذير من الأمرين

وانا أشرت لموضوع المجلس الأعلى في رد سابق

شكرًا جزيلا ..

[راجي الْعفو]

قلت لك من زمان الرواتب العاليه ولكن مافهمتوني وعارضتوني
وقلتو انت تستفزنا

لاني اشوف شي ماتشوفونه

الرواتب مافي انسان مايبها وانا منهم ولكن لما تكون الماده بزياده تخلف
وراها بلاوي لاحصر لها ومنها الفسق والعصيان
وغضب رب العالمين

يازين الفقر على الاقل الناس نفسيتها مبسوطه ومرتاحه وكلن قلبه على الثاني

الحين

يادافع البلا كلن ينهش الثاني ونفسي نفسي

الله المستعان

هلا بـــ حسن ( بحّار )

كلامك صحيح و في محله

والرواتب لها دور كبير في الموضوع

والمطلوب الاخذ على يد السفهاء

تدري يا في بالي مقترح و انا اقرا ردك:


ان الدولة تحلي الرواتب مثل ما هي بس ما تسمح للشاب الجديد ان يسحب من راتبه الا قدر حاجته
ويصير تقدير للموضوع و جعل سقف في السن ، الى الثلاثين مثلا

ممكن يكون قرار مناسب
اقول ممكن

خوفي صرت اشوف شي ما تشوفه يا حسن !

[راجي الْعفو]

مراحب اخوي راجي ، وجزاك الله خير على الموضوع .

بالأضافة إلى ماتفضلوا به الأخوان والاخوات ، ومن العوامل المؤثره بشكل رئيسي في هذا الجانب ، هو " الصحبه" ، كم من ملتزم "فسد" من صحبه فاسده ، وكم من فاسد "ألتزم" من صحبه طيبه .

حبيت اسجل حضوري ومتابعتي ، والله يستر على أمة محمد .

هلا بالـ مp ..

امين

ويجزاك ..

أبصم على حروفك ولا أزيد ..

ومرحب بك دائماً ، متابع ، و مشارك ، و مُفيد لنا

الله يحييك

[راجي الْعفو]

عليكم السلام ورحمة الله

ادعوا لهم بالهداية هم مبتلين

المغريات والحياة السهلة و البعد عن الدين كلها أسباب

اهلًا اخت سويت

أشكرج اولا على ردج للسلام

وما في شك انهم مبتلين

ودعينا لنا و لهم بالهداية

لكن الغرض التنبيه و التحذير

بوركت

[sweet qatar]

رد السلام واجب طال عمرك :)

كلي ثقة بنيتك الطيبة وراء الطرح

آسفة إذا ما كان هالشي واضح في الرد

[بوحارب]

حالياً قاعد في الكوفي ومقابلة كازينو مشهور

وللأسف اشوف شباب خليجيين يدخلون ويطلعون
من الكازينو للعب القمار

الله يهديهم وش مستفيدين من الفلوس الحرام !!!!

Live UK يا راجي العفو :(

تبي أصورهم لك في السناب ؟؟ بدش أصور عادي :looking:

وبيض الله وجهك عالموضوع الطيب :)

[حرف]

هلا اخوي حرف

هي كل الاشياء قديمة بس الكلام هل انتشارها قديم ايضا او حديث ؟
وفي كلا الحالين هو مشهد و يتوجب النصح

بوركت

جزاك الله خير
لا قديمة واستفادوا ناس واجد منها قبل عشر سنوات
يقول لك ماحد قوم لاس فيغاس الا الخليجيين والعرب

[ام امااني]

لهذا علينا ان نسأل انفسنا هل نحن مسلمون عن قناعة ام بالوراثة وعلينا تجديد ايماننا ليحسن ايمان ابنائنا

[مشاكل]

في كم لعبة في فلاجيو طايحين فيها البزران تعتمد على الحظ يعني تفر القرص ونت وحظك تفوز او تخسر
هذي الالعاب يحبونها البزران خصوصاً اللي فيها حظ ونصيب ومشكلتها ترسخ فيهم حب الغمار والمغامرة بالفلوس

[عثرة جواد]

حياك الله اخوي راجي

بس ابي اعرف الي يصير ف المجالس مب قمار ؟؟؟


وبعدن اشدخل الرواتب ف الابتعاااث ؟؟


عساك ع القوة