زادت الهوشات وياغريب كون اديب

[partyQtr]

زادت الهوشات وياغريب كون اديب


قبل لاادش في الموضوع ( انا مب قطريه) عشان لاحد يتهمني بالعنصرية


زادت الهوشات والمشاكل في الفتره الاخيره وفي كذا موضوع انكتبو اللي خلاني اكتب هال موضوع مب المشكله او بالاصح الهوشه اللي صارت والضرب والمضارب اللي خلاني اكتب شيئين لفتو انتباهي , يوم الجمعه في اسباير يهال صغار تهاوشو ياهل من جنسيه عربيه مع احترامي لهم بس( مشهورين بحبهم للمشاكل) وياهل قطري طبيعي اليهال في اي مكان فيه تجمعات يصير بينهم تتش او ضرب عادي حتى الاخوان يتضاربون لين هني الوضع طبيعي اللي صار الياهل اللي من جنسيه عربيه راح اشتكى ل ابوه الابو الفزعه على طول فزع لولده وضرب الياهل الثاني كف تخيلو🙀 وولده جر البنت من شعرها ( اخت الولد القطري) فجأه كلهم قامو وتمو يسألون وين ام الولد القطري جات الام ومسكينه ماقدرت تبطل حلجها من الهجوم اللي صار عليها من هالريال وربعه تخيلو ريال يصارخ في مره جدام العالم ويقول لها عيالج مب متربين يعني غلطان ضارب الولد ويصارخ فوق شينه قواة عينه مسكين الياهل تم يدافع عن أمه ويقول له لاتصارخ في امي ومن هالحجي وهم يصارخون تخيلو فوق ال 6 رياييل وحريمهم وهي ولدها بس لين مااكلمو اخوان الولد وعقبها الشرطه و و و


المهم اللي خلاني اكتب هالكلام الريال اللي طول
وعرض ويمد يده على ياهل

الريال اللي طول وعرض ويصارخ على مره جدام
العالم

موقف السكيورتيه السلبي قبل لاتجي الشرطه
صار ضرب وهم ماقدرو يفاججون بينهم

حديقة مثل اسباير يتجمع فيها الكل العويه
والمنكسره المفروض يكون فيها عالاقل دورية
شرطه

وبس

[معماري قطري]

فيه ناس ما يستحقون العيشة في قطر وهذا قبل ما يصير لا من قطري ضد عربي ولا من عربي ضد قطري

ببساطة الكل يمسكون اللي يحاول يعتدي .. ولو حصل الاعتداء يكون وضعه سخيف من الضرب اللي يجيه

[معماري قطري]

كان شهدتي انتي عند الشرطة حتى يربون المخطيء وعلمتي الأُم شصاير بعضهم ياخذون حق مب لهم بالصوت

[المخفي]

الان الوضع في قطر اي اجنبي يتهاوش ابعاد على طول

[بومحمد المطاوعه]

لاحول ولاقوة الا بالله ،،

مافيه ذره رجوله مثل هالأشكال
سواء مقيم
ام اجنبي
ام قطري ،،

لو سمح الله مد يده على ولدي

بكسر يده بخليه يتحسف


للأسف بعض المقيمين مايحشمون نفسهم
هذي القاصر بعد

ياكلون من خير بلدنا ويضربون عيالنا


هزززلت ،،

[حرف]

السيكورتيه في سباير شغلهم تربية البط ومنع الاطفال من الاقتراب منها بس

[Dana’1]

الموقف بكبره يقهـر فما بالك يكون ضد صاحب البلد
اظن البلد فيها قانون وإن شاءالله تطالب بحق ولدها واسباير كلها كاميرات

[بومحمد المطاوعه]

السيكورتيه في سباير شغلهم تربية البط ومنع الاطفال من الاقتراب منها بس

ههههههه اي والله
مره كنت مع عيالي
واشوفه

كل اشوي نشب لنا

المفروض يلبسون غير الدريسات

يلبسون سباحات ويسبحون فالبحيره

[معماري قطري]

الموقف بكبره يقهـر فما بالك يكون ضد صاحب البلد
اظن البلد فيها قانون وإن شاءالله تطالب بحق ولدها واسباير كلها كاميرات

بيحب يد ولدها عند الشرطة واتمنى ما يتنازلون لكن طبعنا الطيبة

[معماري قطري]

الان الوضع في قطر اي اجنبي يتهاوش ابعاد على طول

ما اتوقع ناس وناس أي أجنبي لا وستين لا

[بصمة قطرية]

حسبي الله عليه
صج ما يستحي على ويهه
هالأشكال اللي ما تستحي و لا تحشم عمرها
تستاهل إبعاد
خله يروح يتفرعن في بلاده ..
يتطاول على مره*
و يمد يده على ياهل ..!!
فعلاً إنسان وقح و مب متربي ..
أتمنى المره ما تتنازل ..
عشان يعرف إن الله حق ..
مهما كانت جنسيته حتى لو قطري
التصرف يقهر و يحر ..

[بصمة قطرية]

ذكرتيني بموقف صار لي في رمضان في مستشفى العمادي ..
كنت أنتظر دوري في إنتظار النساء
و إننظار الرجال إحذانا على طول ..
طلعت الدكتورة و انا انتظرها ساعتين
بخطأ من الممرضة ..
المهم رحت الرسيبشن وقالوا لي بندخلج على الدكتور
بيوصل بعد ربع ساعه رجعت الإنتظار
لقيت هندي قاعد في إنتظار النساء
قاعد في النص بين الحريم ..!!
شكله كلش غلط ..
أول ما شفته قلت له هاي إنتظار نساء
خاص بس بالنساء
يرد علي و يقول أنا مع عيلتي مع زوجتي
قلت له هاي المكان خاص بالنساء بس
انت فاهم شقول لك ..
رد و قال انا مع زوجتي
قلت له خذ زوجتك و روح انتظار الرجال
هاي مش انتظار عائلات اقرا المكتوب ..!!
قام و بكل وقاحة يعلي صوته و يقول لي
كلميني عدل ..
قلت له نعم ..
قوم بسرعه روح قبل لا انادي لك السكيوريتي
بدل ما تعتذر و لا تشكرني اني نبهتك
جاي تقل أدبك ..
مب عاجبه رد يقول :
Talk to me nice
قلت له قوم اطلع
انا ناقصك
قلت بالعربي اقلب وجهك لا أخمك بالشنطة
أنا ناقصتك ..
المشكلة مرته فاعدة اول كرسي عند المدخل
و هو قاعد داخل في النص بين الحريم
و الكراسي اللي جنب مرته فاضيين ..!!!

قلت له و هو رايح
فوق شينك قوات عينك
صج ما تستحي ..

[معماري قطري]

هههههههه طلعتي قوية

البعض يسوون نفسهم ما فيه معلوم

[بصمة قطرية]

بالعكس تراني هادية
بس كنت حزتها تعبانه ميته من الألم
و صايمة و أنتظر دوري
طلعت الدكتورة و أنا انتظرها
و طلع في ويهي هاي نرفزني صج ..

[نوفا91]

السيكورتيه في سباير شغلهم تربية البط ومنع الاطفال من الاقتراب منها بس

انشهد ههههههههههههههههههههههههههه
حتى ابداعاتي الفنيه فالتصوير اذبحوها :(

[المخفي]

ما اتوقع ناس وناس أي أجنبي لا وستين لا

هذا الي وصلني خصوصا العرب

[qatarman8008]

الان خلونا ننسى اش جنسية الرجال واش جنسية الحرمة اللي تهاوشوا معاها..
بس معقول يعني كل اللي في الحديقة ماتدخلوا ووقفوا الرجال عند حده..!!
السيكيوريتي مثل ما قال لكم حرف هو للحفاظ على الممتلكات العامة ولا يتدخل باي شي ثاني.. وهذا خطا..
لكن حديقة مكتضة يعني وين كانوا الناس !!

[معماري قطري]

هذا الي وصلني خصوصا العرب

نتمنى يتطبق على من يستحق واللي مشاكلهم كثيرة يستاهلون

أحد الاخوان يذكر لي شاب قطري صغير يطاردونه بالسيارة 4 شباب عرب ووقفوه ونزلوا له وماسكينه يهزؤن فيه وهم ما يقدر عليهم .. يقول نزلت ومسكتهم عنه وهددتهم اني بابلغ وباشهد .. طلع لاف عليهم بالغلط

وواحد كان مع ولده ولحقوه وهو ما يبي مشاكل دخل بين بيوت وطلع شارع غير نافذ .. وقفوا ونزلوا له وتفلوا عليه وضربوه بس ضرب خفيف تهزيء يعني .. وبس وهو يعتذر وهم لا يتمادون وولده خايف يبكي .. يقول كانوا في سيارتهم بعد ما خلصوا مهمتهم وسيارتهم صغيرة صالون وهو كروزر .. يقول شفت ولدي يبكي وصادني قهر ويوم جاوا ورا سيارتي وبيبانهم اشوفها في مرمى النار .. كانوا يلفون يبون يطلعون يقول رجعت عليهم ريوس دخلت البيبان عليهم ورحت المركز .. دخلت عند ضابط وقلت له اللي صاير وشوي الا هم وراي داخلين والضابط مسكهم وقال لو لكم حق كان اشتكيتوا ما تسوون اللي سويتوه .. تبون تطلعون تقدرون تصلحون سيارتكم بنفسكم تبون قضية فيها تسفيرة ولو القطري طلب قضية بعد تتسفرون .. يقول خذ منهم حقه كامل القطري وهم حتى بكاء بكوا يوم عرفوا نهايتهم .. بس انا كنت متمني لو صايرة قضية هذيلا ناس ما ينأمن لهم وممكن يضرون الرجال ضرر كبير

[معماري قطري]

الان خلونا ننسى اش جنسية الرجال واش جنسية الحرمة اللي تهاوشوا معاها..
بس معقول يعني كل اللي في الحديقة ماتدخلوا ووقفوا الرجال عند حده..!!
السيكيوريتي مثل ما قال لكم حرف هو للحفاظ على الممتلكات العامة ولا يتدخل باي شي ثاني.. وهذا خطا..
لكن حديقة مكتضة يعني وين كانوا الناس !!

السكيورتي اللي سووه كلموا الشرطة ولا حتى الشرطة مب جايين

[معماري قطري]

بعدين عندنا من جنسية عربية 200000 وبينا وبين حكومتهم خصومة ولو سووا شيء وسافروا بصعوبة ويمكن مستحيل نطلبهم

حتى منهم 4 وقعوا كفيلهم بالاكراه على خروجيات وشردوا

[bus3od]

الحل ان كل رجال قطري كفو يشوف اي اجنبي يتعرض حق عيال بلاده يفزع لهم فزعة رجال و يرضخ الاجنبي و لا حد بيقول له شي
و احنا فينا نخوه بالاضافه الى الطيبه يا اخوي معماري

[بـن عدوان]

لو انا جيت بفزع اخر شي الشرطة بتلبسني التهمة انه بأي حق دافعت للأسف.....

[بانغ بانغ]

حل واحد ... صيروا مثل حكومة ابوظبي او السلطنة ( عمان )

اي اجنبي يتورط في مشكلة مع مواطن وهو غلطان ... ابعاد مباشرة .. خاصة جنسيتين او ثلاث بالذات ( هالكلام من كم سنة يمكن غيروا توجههم )

اهني ربعنا يبغون ايبينون للعالم انهم مثاليين فوق المثالية ..

القطري ينداس وينلعن ابو اللي خلفوه ... بس اهم شي الناس اتفكر عنا انا احنا متسامحين وطيبين وودودين ومافي احسن منا وكرماء واعسل شعب

هذي الخلاصة واللي مب عاجبه خل ياكل هواء مع ثلج .

المشكلة مب من الاجانب او العرب لان في بلدانهم هاي منهج حياتهم ... المشكلة تكمن في الجهات المعنية في البلد من ربعنا .... اللي ما راووهم العين الحمرة وان اي قطري ... خط احمر

انتهى

[حسن]

حل واحد ... صيروا مثل حكومة ابوظبي او السلطنة ( عمان )

اي اجنبي يتورط في مشكلة مع مواطن وهو غلطان ... ابعاد مباشرة .. خاصة جنسيتين او ثلاث بالذات ( هالكلام من كم سنة يمكن غيروا توجههم )

اهني ربعنا يبغون ايبينون للعالم انهم مثاليين فوق المثالية ..

القطري ينداس وينلعن ابو اللي خلفوه ... بس اهم شي الناس اتفكر عنا انا احنا متسامحين وطيبين وودودين ومافي احسن منا وكرماء واعسل شعب

هذي الخلاصة واللي مب عاجبه خل ياكل هواء مع ثلج .

المشكلة مب من الاجانب او العرب لان في بلدانهم هاي منهج حياتهم ... المشكلة تكمن في الجهات المعنية في البلد من ربعنا .... اللي ما راووهم العين الحمرة وان اي قطري ... خط احمر

انتهى

ياكل هؤاءتنبلع لكن معاها ثلج شلون تسير ذي

:eek5:

:omg:

[بانغ بانغ]

ياكل هؤاءتنبلع لكن معاها ثلج شلون تسير ذي

:eek5:

:omg:

هههههه عشان ايبرد على نفسه

[كازانوفا]

وربي مني منك ما اسكت لهم لو راح يجيب كل الامه وتوقف ضدي ..اعوذ بالله من هيك رجوله انحسبت عليه انه رجال مالت عليه وعلى اشكاله النجسه
وانتى ايش كان ردة فعلك سويتي شي ؟؟؟؟؟؟؟؟؟؟؟؟

[بعيد النظر]

حسافة على الرجال الموجودين

[راعي الكورفت]

ليس من الرجوله الاعتداء بالضرب على المرأة والشيخ الكبير والطفل الصغير .


أخ لو كان قدامي لكان شاف مني مالا يرضيه .

[partyQtr]

كان شهدتي انتي عند الشرطة حتى يربون المخطيء وعلمتي الأُم شصاير بعضهم ياخذون حق مب لهم بالصوت

الموضوع ماكان محتاج شهاده مني لانه الأمور واضحه وحتى الشرطه يوم وصلو ماعطوهم فرصة يتكلمون الغلط واضح ويد الريال

مرسومه في خد الولد يعني مايقدر ينكر ومافي أي شيء يشفع له

[partyQtr]

حسبي الله عليه
صج ما يستحي على ويهه
هالأشكال اللي ما تستحي و لا تحشم عمرها
تستاهل إبعاد
خله يروح يتفرعن في بلاده ..
يتطاول على مره*
و يمد يده على ياهل ..!!
فعلاً إنسان وقح و مب متربي ..
أتمنى المره ما تتنازل ..
عشان يعرف إن الله حق ..
مهما كانت جنسيته حتى لو قطري
التصرف يقهر و يحر ..

اكثر شيء تمنيته انها ماتنازل ، اللي جفته انه خذوه في الدورية بس

مايندرى لو تنازلو في المركز

[عثرة جواد]

صار لي نفس الموقف بس الهوشة مع بنت ف عمرها

ع طول تصرفت وقلت لها دقيقة بتي الشرطة جات الام تعتذر

وع طول حركو خافو من الشرطة

الله لايغير علينا الامن والامان

يعطيك العافية

[partyQtr]

اللي يقولون لي شنو ردت فعلج واش سويتي

الهوشه كانت بين رياييل انا ماجفت الريال يوم ضرب الولد

جفت الرياييل يوم يصارخون على المره وعقبها على طول جاء واحد من امن اسباير قطر

ووقفهم عند حدهم وطلب دورية وفي هالوقت قبل لاتجي الدورية اخوان الولد شباب كبار

وصلو ، انا بنت مااعتقد اقدر اتدخل او افاجج بينهم بالعكس انا كلمت المره لو انكروا احنا موجودين

ومستعدين نشهد معاكم بس هم ماانكرو لانه أصلا ماكان في مجال حد منهم ينكر أصابع الريال مرسومه على خد الولد

[R 7 A L]

مع ان الموضوع جدي
بس ضحكني الاخ الي جاب طاري البط هههههههه


فعلاً الوضع صار اوفر
والجماعة ماقاموا يحترمون الوطن والمواطن

[شبح الصمت]

انا الي اشوفه صراحة وعلى الوضع الي صاير من هوشات ..

نفتح حلبات مصارررعه من صجي اتكلم ..

مفتوحه في اماكن عاممة ..

والي معصب والا فيه طاقة زايده انزلهم في الحلبه ..
بس طبعاً يكون في لبس مخصص

نحسسهم انهم نازلين حلبه صح


منها الاثنين يطلعووون العصبية الي فيهم ..
ومنها الي في راسه حب ما انطحن ينطحن في حزتها ..

وتحياتي واشواقي الحاررره من مكتبي

[partyQtr]

لو انا جيت بفزع اخر شي الشرطة بتلبسني التهمة انه بأي حق دافعت للأسف.....

هالمشكله الحديقه كان فيها رياييل بس يمكن اثنين او واحد اللي تدخلو والباقي متفرجين

[MAZEN37]

اعصاب الناس تعبانه ومظغوطه وهالوضع سبب عصبيه وطلع جيل مايعرف الاصول والسنع سواء من الاباء او الامهات وحتى الاطفال والاولاد
فوضى اخلاق وتربيه الا من رحم ربي
الله يهدي الجميع ويستر علينا

[العنيده]

في هالوقت كلمه واقولها ..
من التجاوزات من الاجانب لحد ينظر لي تحديدا كامراه حقي باخذه بلساني وباحترام ..
الله منحنا اللغه نرد عليهم بلغه يفهمونها ومنحنا احقية في البلاد .. واذا الغريب ماكان اديب ماراح انتظر حد ياخذ حقي بالعقل ناخذه وبالقانون ..
معقوله في هالموقف مافي ريال موجود او سكيورتي ..
موقف في برجه لوحده من بنات اختي بالغلط وهي تسبح حاشت ياهل من جنسيه عربيه مارح احددها .. الا تفاجات الام جايه وتصرخ على بنتنا جيتها
وقلت لها مش نمن حقج ترفعين صوتج على ياهل وطلبت الامن لها واعتذار منها لبنت اختي وطلعت مب عاجبها الوضع ..
ليقولون عنا شعب يسكت الا في الغلط لا والف لا ..

[طبيب قطري]

زادت الهوشات وياغريب كون اديب


قبل لاادش في الموضوع ( انا مب قطريه) عشان لاحد يتهمني بالعنصرية


زادت الهوشات والمشاكل في الفتره الاخيره وفي كذا موضوع انكتبو اللي خلاني اكتب هال موضوع مب المشكله او بالاصح الهوشه اللي صارت والضرب والمضارب اللي خلاني اكتب شيئين لفتو انتباهي , يوم الجمعه في اسباير يهال صغار تهاوشو ياهل من جنسيه عربيه مع احترامي لهم بس( مشهورين بحبهم للمشاكل) وياهل قطري طبيعي اليهال في اي مكان فيه تجمعات يصير بينهم تتش او ضرب عادي حتى الاخوان يتضاربون لين هني الوضع طبيعي اللي صار الياهل اللي من جنسيه عربيه راح اشتكى ل ابوه الابو الفزعه على طول فزع لولده وضرب الياهل الثاني كف تخيلو🙀 وولده جر البنت من شعرها ( اخت الولد القطري) فجأه كلهم قامو وتمو يسألون وين ام الولد القطري جات الام ومسكينه ماقدرت تبطل حلجها من الهجوم اللي صار عليها من هالريال وربعه تخيلو ريال يصارخ في مره جدام العالم ويقول لها عيالج مب متربين يعني غلطان ضارب الولد ويصارخ فوق شينه قواة عينه مسكين الياهل تم يدافع عن أمه ويقول له لاتصارخ في امي ومن هالحجي وهم يصارخون تخيلو فوق ال 6 رياييل وحريمهم وهي ولدها بس لين مااكلمو اخوان الولد وعقبها الشرطه و و و


المهم اللي خلاني اكتب هالكلام الريال اللي طول
وعرض ويمد يده على ياهل

الريال اللي طول وعرض ويصارخ على مره جدام
العالم

موقف السكيورتيه السلبي قبل لاتجي الشرطه
صار ضرب وهم ماقدرو يفاججون بينهم

حديقة مثل اسباير يتجمع فيها الكل العويه
والمنكسره المفروض يكون فيها عالاقل دورية
شرطه

وبس

عفوا وانت/انتي شنو كان دورك ؟ اتمنى تقولي انك فزعت للمره القطريه ووقفت معاها

[medic]

ذكرتيني بموقف صار لي في رمضان في مستشفى العمادي ..
كنت أنتظر دوري في إنتظار النساء
و إننظار الرجال إحذانا على طول ..
طلعت الدكتورة و انا انتظرها ساعتين
بخطأ من الممرضة ..
المهم رحت الرسيبشن وقالوا لي بندخلج على الدكتور
بيوصل بعد ربع ساعه رجعت الإنتظار
لقيت هندي قاعد في إنتظار النساء
قاعد في النص بين الحريم ..!!
شكله كلش غلط ..
أول ما شفته قلت له هاي إنتظار نساء
خاص بس بالنساء
يرد علي و يقول أنا مع عيلتي مع زوجتي
قلت له هاي المكان خاص بالنساء بس
انت فاهم شقول لك ..
رد و قال انا مع زوجتي
قلت له خذ زوجتك و روح انتظار الرجال
هاي مش انتظار عائلات اقرا المكتوب ..!!
قام و بكل وقاحة يعلي صوته و يقول لي
كلميني عدل ..
قلت له نعم ..
قوم بسرعه روح قبل لا انادي لك السكيوريتي
بدل ما تعتذر و لا تشكرني اني نبهتك
جاي تقل أدبك ..
مب عاجبه رد يقول :
Talk to me nice
قلت له قوم اطلع
انا ناقصك
قلت بالعربي اقلب وجهك لا أخمك بالشنطة
أنا ناقصتك ..
المشكلة مرته فاعدة اول كرسي عند المدخل
و هو قاعد داخل في النص بين الحريم
و الكراسي اللي جنب مرته فاضيين ..!!!

قلت له و هو رايح
فوق شينك قوات عينك
صج ما تستحي ..

:ok::ok::ok::app2: