بسنـــا حــــوادث ..!!!!!

[بصمة قطرية]

بسم الله الرحمن الرحيم
السلام عليكم و رحمة الله و بركاته


بسنا حوادث يا شباب
بسنا حوادث يا إدارة المرور
بسنا حوادث يا أشغال
بسنا حوادث ( لكل جهة مسؤولة عن الشوارع ) ..
كل يوم نسمع عن حادث خشن
كل يوم حالة ولا حالتين وفاة بسبب الحوادث ..!!
شباب بعمر الزهور إنفجعوا أهاليهم بوفاتهم
و إنكسرت قلوبهم ..
الله يصبر أهاليهم ..
خلال أقل من إسبوعين تقريباً ثمان حالات وفاة بسبب الحوادث ..!!!!
من المسؤول عن هالحوادث ..؟
من وين التقصير ..؟
و من المخطيء ..؟

السرعه المسبب الرئيسي ..!!
إستخدام الموبايل أثناء السواقة ..!!
الإستهتار من قبل الكثيرين في الشارع ..!!
الأجانب اللي توهم واصلين البلد و سواقتهم جداً سيئة
ما يلتزمون بالقوانين و ما يعرفون يسوقون ..!!
أشغال اللي كل يوم مفاجئين العالم و مسكرين شارع
ولا مسوين تحويلة ..!!
و لا المرور مقصرين و محتاجين شدة أكثر ..!!
من ناحية الغرامات و المخالفات ..
من المسؤول ..!
من اللي يتحمل المسؤولية في هالحوادث..!!
دماء الشباب اللي راحوا في ذمة من ..؟؟؟

بنفسنا عددنا بسيط جداً ما نوصل 300ألف
كل يوم والثاني وفيات حوادث ..!

قطر تعتبر أكثر دولة في معدل وفيات الحوادث
و في الفئة العمرية 15-30


بسنا حوادث والله تعبنا كل يوم ننفجع في حادث ..
الله يهدي شبابنا و يتركون السرعه و يلتزمون بإستخدام الحزام
و يتركون الجوال وقت القيادة ..
الله يحفظ عيالنا و عيال المسلمين ..

الله يخليكم بسنا حوادث ..

[معماري قطري]

حطوا كاميرات الظاهر بيقعدون يطالعون وياكلون حب

[بصمة قطرية]

حطوا كاميرات الظاهر بيقعدون يطالعون وياكلون حب

يعني بيتسلون بفيديوهات الحوادث ..!!!!
آخر حادث قالوا بنرجع لكاميرة المراقبة
عشان نعرف سبب الحادث و من المخطيء ..!!
إنزين حطيتوا كاميرة مراقبة
ليش ما كملتوا معروفكم و حطيتوا رادارات ..!!!
إخذوا كم رادار من اللي حاطينهم في زبايل الله يكرمكم ..

[Charisma]

شكرا على طرح الموضوع .

في "حركه" أجتماعيه في الساحه عن الحوادث ، أتمنى ان تنتهي بوعي وألتزام .
والله يستر علينا وعليكم .




وملاحظة بسيطه اختي : في ثلاث مواضيع تتكلم عن الحوادث أتمنى دمجها مع موضوعكم ، ليسهل على القارىء تتبع الردود والمشاركات .

[بصمة قطرية]

شكرا على طرح الموضوع .

في "حركه" أجتماعيه في الساحه عن الحوادث ، أتمنى ان تنتهي بوعي وألتزام .
والله يستر علينا وعليكم .




وملاحظة بسيطه اختي : في ثلاث مواضيع تتكلم عن الحوادث أتمنى دمجها مع موضوعكم ، ليسهل على القارىء تتبع الردود والمشاركات .

العفو أخوي بايلوت ..
الحوادث والوفيات في آخر اسبوعين
فجعوا المجتمع القطري بكبره ..
الكل متألم .
شباب في عمر الزهور راحوا في غمضة عين ..
الحركة الاجتماعية نبيها في كل مكان
و ان شاءالله نوصل لنتيجة ..

ملاحظتك في محلها
بس موضوع الحادث الأخير حبذا لو يغلق
و يتم التركيز هني في هالموضوع
عشان يتم مناقشة الموضوع بصورة عامة
مش الحادث الاخير ..
و اعتقد يكفي تناقش كثير
والكل يتكلم عن الشباب الله يرحمهم
هالشي يألم أهاليهم ..

[qatarman8008]

انا الاسبوع اللي طاف مريت مدرسة اعدادية اوصل واحد من الطلاب وشفت كثير من الطلاب يداومون بسيارات..!!
اعمارهم ما تتعدى الستاعش..!!
وين دور اولياء الامور ووين دور الشرطة ووين دور القانون..!!

[بانغ بانغ]

تكلمت من سنة عن " انقراض الكائن القطري قريبا "

توقعاتي اطلعت صح لاني حطيت كذا مقترح للحد من الحوادث بالتعاون مع المجلس الاعلى ووزارة الاوقاف والداخلية

اعتقد انهم يبون فصيلة اخرى تسكن وتعيش في قطر لان القطري اصبح سلعة ودم رخيص ... بالنسبة لهم

يبنون شوارع ومستشفيات ومدن لهم برع وهم يسيئون لنا ... وولد البلد ... في غيابة الجب

وين اللي قالت في قهاوي روبوتات .... خل ايجيبون روبوتات تعيش بدالنا .. على الاقل ما بيشتكون مثلنا .... سمعا وطاعا

[رجل الجزيرة]

لا بد من تكوين من توقيف المراهقين والمستهترين توقيف إداري أو يعملون في الشوارع بقرار من المحكمة فلو تحطون مليون ريال مخالفة بيعادنون وبيسرعون، غير هذا إنسووا بشرط إن مايكون شيء إسمه حرف الواو، وإموركم بإذن الله طيبة.

[حسن]

غياب دور الاسره
الاستهتار في قوانين الدوله
الامبالاه لمما تقدمه اداره المرور ووزراه الداخليه من تنبيهات
ضرب القوانين بعرض الحائط وتحديهم لها

يوميا نشوف تلك التجاوزات في الشوارع وامام الاشارات

امس وانا طالع اغلقت الاشاره حمرا وبعدها بثواني
قطع راعي البورش نفس حركه الحادث
تخيلو الاستهتار وصل وين

انا اتمنى من اداره المرور مع اللخويا يشنون حمله ضبط المخالفين
في الشوارع وامام الاشارات
مثل ماسووها قبل كم سنه
واي واحد يهمس بس بانتقاد الحمله في التوتير ولا الواتس اب
ولا في المنتديات ولا في وطنيي الحبيب

ماله الا فهد بن جشان في اللخويا يضربه بكيبل تايت

:victory:

[شبح الصمت]

الله يرحمهم ويغفر لهم ..

كل هذه الامور مكتوبه لنا ولهم ..
لا نعلم متى يآتينا الموت ..

ولكن نعلم انه من اسباب الحوادث نحن ومن نصنعها في بعض الاحيان ..

شوفوا سبحان الله

المناعي وبوجلوف رآيحيين يميرون المجلس بعد صلاة العصر حصلو واحد من ربعهم كواري خذوه وياهم ..

يوم اوصلوا وقود حصلوا رفيج رابع لهم قالهم حياكم بنروح نتقهوى وبنعود المجلس ..

قالوا له لا بنعود المجلس ..

الكواري قال انا بجي معاك وركب معاه ..

سبحان الله ..

الله كتب له عمر
والمناعي وبوجلوف انتقلوا إلى رحمة الله ..

اللهم اغفر لهم وارحمهم
اللهم تجاوز عنهم
اللهم ثبتهم عند السؤال
اللهم اجعل قبورهم روضه من رياض الجنه ولا تجعلها حفره من حفر النار ..

اللهم آمين

[حمد 2002]

الحوادث مالها حل !! ،، لانه المنيه والموت اذا جيه محد بيرده !! ، سواءا كان بالشارع او بالطياره او بالبر او بالسطح !! ،

اصلا بكل دول العالم حوادث وهالشيء عادي جدا ..


شكرا ..

[ام امااني]

الشباب اللي توفوا الله يرحمهم ويصبر اهلهم
وهذا قدرهم
قال -تعالى-: ï´؟ وَلَنْ يُؤَخِّرَ اللَّهُ نَفْسًا إِذَا جَاءَ أَجَلُهَا ï´¾ [المنافقون: 11].

فكل إنسان له أجل محدود، ورزق معدود
لكن هذا لايمنع ان يوجد حل لمثل هذه الحوادث المفجعة
والله يحفظكم جميعا من كل شر

[رجل الجزيرة]

والله يا أبو علي:
يا ما أكثر من القيميين ما يخالفون تقريبا يوميا من جهة يمين إشارات تقاطع سحيم بن وقطري بن الفجاءة، وكان هذا طريقي وأنا جاي من طريق سلوى وأنا لاف على يساري شارع سحيم بن حمد طبعا آخذ يمين لشارع قطري بن الفجأة فمرة مقيم عربي عنده بورش مطنش وناس هرانه وهو مسفه لنا ومرة هندي عنده ميني باص وكثير من المقميين والطابور طويل وهم إلي مضيعين علي وعلى الطابور إلي وراي الوقت فغيرت طريقي وتركته، فوين المخالفات وين حجز السيارات وين وين وين وإلا بس طايحيين في القطريين؟

[حسن]

والله يا أبو علي:
يا ما أكثر من القيميين ما يخالفون تقريبا يوميا من جهة يمين إشارات تقاطع سحيم بن وقطري بن الفجاءة، وكان هذا طريقي وأنا جاي من طريق سلوى وأنا لاف على يساري شارع سحيم بن حمد طبعا آخذ يمين لشارع قطري بن الفجأة فمرة مقيم عربي عنده بورش مطنش وناس هرانه وهو مسفه لنا ومرة هندي عنده ميني باص وكثير من المقميين والطابور طويل وهم إلي مضيعين علي وعلى الطابور إلي وراي الوقت فغيرت طريقي وتركته، فوين المخالفات وين حجز السيارات وين وين وين وإلا بس طايحيين في القطريين؟

الحل بسيط والله في نظري لكن بيسمعون كلامي هم

ناشدت العميد على بن سلمان المهندي

بعمل حمله كبيره ضخمه وتتوالها الاخويه بحكم قوه اكبر
وتتوزع على جميع المناطق والتقاطعات
مع اشتراك دوريات مدنيه وترا قطر مهب كبيره
كلها ترا سريه افراد تكفيها
وكم مره طالبت بعوده العصى الى قوه الشرطه استخدامها
مع السواقين المتهورين
لانها هي الاداه الفعاله في بلدانهم
ماايبون يسمعون كلامي
وكم مره طالبت بمخالفه السائق وليس صاحب السياره
ولكن مايبون يسمعون الكلام
قوانيينا يبيلها غربله شوي

[ya3coub]

الثقافة المرورية من الشباب نفسهم

في واحد سنابه top_bb

ما قصر وصل لثلث ارباع شباب عَل قطر و بعدها بطريقه غير مباشرة يوعي للحزام
و في تجاوب

مع وجود الحوادث عندنا بقطر مافي ثقافة السواقه بقطر

على سبيل المثال اقرب مدينة لنا اهي الأحساء
على الزحمة الي عندهم ولا الذروة و بالأسواق
إنما في تفاهم و نمط سواقه موحد الإشارة او حمرة يلفون يمين عادي اذا في مجال ممكن يجيك شخص من اليمين كلش و يتجاوز الكل و يسوي يوتيرن من اليمين متعدي 5 مسارات و محد يعصب او يسبه
بالعكس تلقى بالسوق قطري معصب من النظام الي عندهم "الغير منظم بنظره كونه اول مرة يروح مثلا"
الاشارة ممكن يتعداها و يوقف امام الخط الأبيض و لما حد يهرن وراه يمشي معناتها افتحت الأشارة.


عندنا مافي ثقافه و نمط سواقه بقطر موحد كل واحد يسوق نفس ببلاده او ياخذ اسوء شي سمعه او شافه من قطر و يحاول يطبق قانون الغاب البقاء للأقوى.


اليوم مداوم بالسيارة مخالفات و هواش بالطريق و مناحس غير الي اصلا متداعمين و صافين على جنب.

خلاص هاي قطر و هاي الدوحة بسنا نلوم اشغال و المرور و الشوارع و الخ الخ الخ
الواحد يغير من نفسه.

الشباب دراجات و بعد تكفون حاسبو مو تشخط بين السيارات بسرعه عالية.
البنات يهدون و ياخذونها انه هاي قطر مافشي شي اسمه شوارع فاضية و مفاجئات الطريق و التسكير بيوم و ليلة ما يتفاعلون معاه.
الي يسوقون فيهم دريولية لو سمحتي أختي او اخوي لا تعلمونهم الربادة ندري في ناس ما تستحي و قليلة ادب بالشارع بس لا تخلونه يمشي بطيء طالما جدامه مسافه كافية او ياخذ يمين.

لما تشوفون ليت يضايقكم او تسمعون هرن او تشوفون نفس السيارة مرة يمينكم و مرة وراكم و يرجع يمينكم معناته يبي يتجاوز بس دريولكم مسبب ازمهه لو بس خذ يمين بيمر الشخص بسلام و هداوة.

بعض الدريولية اتقوله المعزبه صف السيارة عند الباب او خذ الموقف و انطرني ولا تحرك السيارة او ما عليك من الي وراك اشياء وايد غلط تصير بالشارع حلها التفاهم و توحيد طريقه السواقة منا من نفسنا بالأول و لا شعوريا بتخف الزحمة او الإحساس فيها.

دول ثانية زحمتها بالكيلومترات بس بعد يمر الوقت ليش اهني العصبية و عدم الصبر

[ضوى]

اعوذ بالله الحوادث كلت شبابنا ، شباب زي الورد لا حول ولا قوة الا بالله ، العمر بيد الله والاجل بيده سبحانه بس المصاب جلل مب سهل على ام تشوف ضناها محترق جدامها ، والا مدعوم والا .. اعوذ بالله من هالمشاهد اللي تحرق قلب الغريب قبل القريب ، يارب لا تفجعنا بغالي يارب لا تفجعنا بغالي ويارب نستودعك عيالنا فاحفظهم بحفظك .
يعقوب فكرة السناب والافلام التوعوية من شباب صغار تدخل قلب الشباب اللي مثلهم ووايد لها تأثير على تغير سلوكيات واطباع ، يارب يتم التركيز على هالنقاط وتقويتها ، لازم يكثفون تصوير هالافلام والسنابات خاصة من شخصيات لها ثقلها بالبلد ، لازم احد يتدخل ويوقف نزيف الدم هذا

[العنيده]

لما السيارات تكون في متناول شباب ماتعدوا سن ال17
لما التليفون يعتبر وسيلة تسليه حتى وقت السواقه
لما مايكون في توعيه لمخاطر السواقه المتهوره وعدم ربط الحزام ..

صح كل شي قدر ومكتوب ..
ومانقدر نقول شي بس والله تعبنا من هالاخبار ..
امس وانا اسوق الاشاره حمره قدامي عشان اخذ يسار
وراي سياره الاخ جاي مسرع يبغي يكمل سيده ويهرن لي طوفي ( طيب وين اطوف والاشاره حمره وبما انك يالاخ تبي تكمل سيده ليش ماخذ المسار الغلط )
استهتار بطريقه استغفرالله مب طبيعيه في الشارع والكل يظن انه صح ..
شاحنات بسواقه مسرعه وسرعه جنونيه في الشوارع العامه ..
و سباقات على الطرق السريعه من شباب بعضهم زين انه يبين من الكرسي اللي قاعد فيه ..


اللهم استودعناك انفسنا وابناؤنا من هموم ومصائب وكوارث الدنيا ومن شر الغرق والحديد والطريق والحريق يامن لاتضيع عنده ودائعه ..

[رجل الجزيرة]

الثقافة المرورية من الشباب نفسهم

في واحد سنابه top_bb

ما قصر وصل لثلث ارباع شباب عَل قطر و بعدها بطريقه غير مباشرة يوعي للحزام
و في تجاوب

مع وجود الحوادث عندنا بقطر مافي ثقافة السواقه بقطر

على سبيل المثال اقرب مدينة لنا اهي الأحساء
على الزحمة الي عندهم ولا الذروة و بالأسواق
إنما في تفاهم و نمط سواقه موحد الإشارة او حمرة يلفون يمين عادي اذا في مجال ممكن يجيك شخص من اليمين كلش و يتجاوز الكل و يسوي يوتيرن من اليمين متعدي 5 مسارات و محد يعصب او يسبه
بالعكس تلقى بالسوق قطري معصب من النظام الي عندهم "الغير منظم بنظره كونه اول مرة يروح مثلا"
الاشارة ممكن يتعداها و يوقف امام الخط الأبيض و لما حد يهرن وراه يمشي معناتها افتحت الأشارة.


عندنا مافي ثقافه و نمط سواقه بقطر موحد كل واحد يسوق نفس ببلاده او ياخذ اسوء شي سمعه او شافه من قطر و يحاول يطبق قانون الغاب البقاء للأقوى.


اليوم مداوم بالسيارة مخالفات و هواش بالطريق و مناحس غير الي اصلا متداعمين و صافين على جنب.

خلاص هاي قطر و هاي الدوحة بسنا نلوم اشغال و المرور و الشوارع و الخ الخ الخ
الواحد يغير من نفسه.

الشباب دراجات و بعد تكفون حاسبو مو تشخط بين السيارات بسرعه عالية.
البنات يهدون و ياخذونها انه هاي قطر مافشي شي اسمه شوارع فاضية و مفاجئات الطريق و التسكير بيوم و ليلة ما يتفاعلون معاه.
الي يسوقون فيهم دريولية لو سمحتي أختي او اخوي لا تعلمونهم الربادة ندري في ناس ما تستحي و قليلة ادب بالشارع بس لا تخلونه يمشي بطيء طالما جدامه مسافه كافية او ياخذ يمين.

لما تشوفون ليت يضايقكم او تسمعون هرن او تشوفون نفس السيارة مرة يمينكم و مرة وراكم و يرجع يمينكم معناته يبي يتجاوز بس دريولكم مسبب ازمهه لو بس خذ يمين بيمر الشخص بسلام و هداوة.

بعض الدريولية اتقوله المعزبه صف السيارة عند الباب او خذ الموقف و انطرني ولا تحرك السيارة او ما عليك من الي وراك اشياء وايد غلط تصير بالشارع حلها التفاهم و توحيد طريقه السواقة منا من نفسنا بالأول و لا شعوريا بتخف الزحمة او الإحساس فيها.

دول ثانية زحمتها بالكيلومترات بس بعد يمر الوقت ليش اهني العصبية و عدم الصبر

يا طويل العمر:

لا تقارن بينا وبين السعوديين فالغالبية في الحسا 95 % سعوديين والقليل من الخليجيين ومتفاهمين بس عندنا العكس ال 90 % مقيميين ومتسلطين علينا في شوارعنا، فالعربي يساعد العربي والأسيوي يساعد الأسيوي والكثير من المقيميين وخاصة العرب يطنشون لنا وفي بلادنا فكذا شخص أدق عليه إشارة علشان أحول من مسار إلى مسار يعاند ويلف علي.
نبغي القانون وينه ووين الكيمرات الشغالة 24 ساعة إلا يجي واحد منا يشتكي عند المرور، فالمفروض أي واحد يقل أدبه في الشارع على طول يستدعونه ويخالفونه وإذا المخالف ما تاب تسحب منه السيارة.

[طبيب قطري]

المناطق الجديده وخصوصا الشماليه منها يبيلها تعديل سريع من ناحيه السيفتي والرادارات وتوقيت مرور الشاحنات وحتى رصف الطرق وتقسيمتها.. للاسف لين يومنا هذا واشوف طرق خط واحد رايح جاي !! هذي الطرق بالذات مصيده الموت انا اسميها وشي جدا خطير ، من بيرضي يترك عياله الصبح يطلعون مدارسهم مع الدريول في مثل هالطرق الخط واحد!! تبون تنفرون الناس من السكن بالمناطق الجديده وتحشرونهم بوسط الدوحه ولاشسالفه بالظبط !

[مختلف جداََ]

يجب رفع السن القانونية للحصول على رخصة السواقة إلى 21 سنة .

يجب حجز المركبات التي تتجاوز سرعة 160 كيلومتر لمدة 6 شهور على الأقل .

يجب عدم اسقاط المخالفة عن طريق المرور مهما كانت الأسباب ، إلا في وجود مسوغ قانوني واضح .

يجب سحب رخصة أي سائق شاحنة يقودها بشكل متهور لمدة لا تقل عن 3 أشهر و تتضاعف في حال التكرار الثاني ، وتسحب بشكل نهائي عن التكرار الثالث .

في حالة السواقة بشكل أرعن يهدد سلامة مستخدمي الطريق من قبل شبابنا يجب إيقاع مخالفة مالية معتبرة و خدمة مجتمعية علنية ، وفي حالة عدم القيام بهذه الخدمة المجتمعية يسجن الشاب لمدة يحددها القاضي .

يجب تفعيل زيارات ميدانية مكثفة لمستشفى حمد و الرميلة ( قسم العظام ) لطلاب الإعدادية و الثانوية ، لكي يروا على أرض الواقع نتيجة الإستهتار في القيادة و نتيجة السرعة الزائدة .

نصيحة أخيرة

مهما استحدثت الدولة من قوانين ، إذا لم يتم تطبيق القانون بحزم و شدة ، فإن الوفرة المالية و العلاقات الشخصية كفيلة بنزع هيبة القانون من قلوب شبابنا .

حفظ الله قطر و حفظ أميرها و شعبها .

[حسن]

الثقافة المرورية من الشباب نفسهم

في واحد سنابه top_bb

ما قصر وصل لثلث ارباع شباب عَل قطر و بعدها بطريقه غير مباشرة يوعي للحزام
و في تجاوب

مع وجود الحوادث عندنا بقطر مافي ثقافة السواقه بقطر

على سبيل المثال اقرب مدينة لنا اهي الأحساء
على الزحمة الي عندهم ولا الذروة و بالأسواق
إنما في تفاهم و نمط سواقه موحد الإشارة او حمرة يلفون يمين عادي اذا في مجال ممكن يجيك شخص من اليمين كلش و يتجاوز الكل و يسوي يوتيرن من اليمين متعدي 5 مسارات و محد يعصب او يسبه
بالعكس تلقى بالسوق قطري معصب من النظام الي عندهم "الغير منظم بنظره كونه اول مرة يروح مثلا"
الاشارة ممكن يتعداها و يوقف امام الخط الأبيض و لما حد يهرن وراه يمشي معناتها افتحت الأشارة.


عندنا مافي ثقافه و نمط سواقه بقطر موحد كل واحد يسوق نفس ببلاده او ياخذ اسوء شي سمعه او شافه من قطر و يحاول يطبق قانون الغاب البقاء للأقوى.


اليوم مداوم بالسيارة مخالفات و هواش بالطريق و مناحس غير الي اصلا متداعمين و صافين على جنب.

خلاص هاي قطر و هاي الدوحة بسنا نلوم اشغال و المرور و الشوارع و الخ الخ الخ
الواحد يغير من نفسه.

الشباب دراجات و بعد تكفون حاسبو مو تشخط بين السيارات بسرعه عالية.
البنات يهدون و ياخذونها انه هاي قطر مافشي شي اسمه شوارع فاضية و مفاجئات الطريق و التسكير بيوم و ليلة ما يتفاعلون معاه.
الي يسوقون فيهم دريولية لو سمحتي أختي او اخوي لا تعلمونهم الربادة ندري في ناس ما تستحي و قليلة ادب بالشارع بس لا تخلونه يمشي بطيء طالما جدامه مسافه كافية او ياخذ يمين.

لما تشوفون ليت يضايقكم او تسمعون هرن او تشوفون نفس السيارة مرة يمينكم و مرة وراكم و يرجع يمينكم معناته يبي يتجاوز بس دريولكم مسبب ازمهه لو بس خذ يمين بيمر الشخص بسلام و هداوة.

بعض الدريولية اتقوله المعزبه صف السيارة عند الباب او خذ الموقف و انطرني ولا تحرك السيارة او ما عليك من الي وراك اشياء وايد غلط تصير بالشارع حلها التفاهم و توحيد طريقه السواقة منا من نفسنا بالأول و لا شعوريا بتخف الزحمة او الإحساس فيها.

دول ثانية زحمتها بالكيلومترات بس بعد يمر الوقت ليش اهني العصبية و عدم الصبر

اتفق معاك يايعقوب وهذا هو الواقع
الناس بتتهاوش مع بعض ولا في بينهم تفاهم
شفنا اروبا الكل متسامح اما احنا اعوذ بالله
وقلتها مرارا بتشوف في الشوارع شي اعبر من الهواش
زين ان السلاح ممنوع
هناك حاله نفسيه غربيه بدات تستشري والكل مهب طايق بعض
المانيا فيها زحمه توصل بالساعات وعلى الهايويات
والناس تبتسم
هني هذا مايفتح وكله عناد هذا سيدي زين خير ياطير
بالنسبه لي كل المتجاوزين لليمين اطوفهم وانا ابتسم الوضع اختلف في زحمه
خير ياطير طوفتهم وش بينقص مني شي
ولا سواقيني الاسويين مستحمرين عند المدارس يغلقون الطريق وكلن مناحس
ماعندهم ذوق وسنع وفي بلادهم تشوفوهم يسوقون مثل النمل ويتشابكون في السيارات
ولا يتداعمون ولا شي

البلاء من الصحرا

[راعي الكورفت]

ليش الهنود مايسوون حوادث لأن مايسوقوون أكثر من 80 بالشارع.

ياخي الشباب المراهقين من 17 الى 22 سنه يسرعون فوق ال200 بكروزرات


وتحصل كل واحد مزود موتره ويتسابقون ويمرون علي بالشارع كم واحد فيهم يحاول يتحرش فيني يبون يدزون معاي لكن مااعبر لهم.


كروزر يبي يدز مع كورفت هههه لو ادوس ريس بيشوف فيلم رعب .


وانا سواقتي رايقه ومااحب السرعه والموتر مأخذه حق التمشايه :secret:

[Charisma]

العفو أخوي بايلوت ..
الحوادث والوفيات في آخر اسبوعين
فجعوا المجتمع القطري بكبره ..
الكل متألم .
شباب في عمر الزهور راحوا في غمضة عين ..
الحركة الاجتماعية نبيها في كل مكان
و ان شاءالله نوصل لنتيجة ..

ملاحظتك في محلها
بس موضوع الحادث الأخير حبذا لو يغلق
و يتم التركيز هني في هالموضوع
عشان يتم مناقشة الموضوع بصورة عامة
مش الحادث الاخير ..
و اعتقد يكفي تناقش كثير
والكل يتكلم عن الشباب الله يرحمهم
هالشي يألم أهاليهم ..


اذا بنتكلم عن الأسباب ، ونخوض في التحليلات ، فالنتيجه مجرد " فضفضه " تنتهي بمرور الوقت .

أنا أقتراح ، استغلال الوضع ، بما ان الحوادث هي حديث الساعه ، بالأمكان شن حملة منسقه شبابيه توعويه ، تتناول :



حزام الأمان.
السرعه.
التجاوز.
قطع الأشاره .
وتصوير الحوادث .




ليش شبابيه ومب حمله رسميه من المرور ؟ لان سبق وجزاهم الله خير بشن حملات ولكن لاتلقى قبول كما يجب ، بعكس ان كانت الحمله من مجموعه من الشباب كـ " مبادره " وتطوع ، بتكون لها الأثر على من حولهم ، وبالتالي تتوسع الدائرة لتشمل "أغلب الشباب " بأذن الله ، وبالأستعانه بـ:




المرور .
وسائل الأعلام .
شعار لترويج الحمله .
ستيكرات مبتكره تروج لفكرة الألتزام بقوانين المرور .





هو مجرد اقتراح ، بالأمكان حتى أفراد موضوع مستقل له ، لتنسيق الأفكار فيه ، وأظهار الحمله بصورة احترافيه واسعه ، ولكن مثل هذا الأقتراح يتطلب تطوع ومبادرة مبدئية من بعض الشباب.

[بومحمد المطاوعه]

العتب الاكبر على المرور
وعلى اشغال

قبل لايفتحون اي اشاره
المفروض يحطون صناديق الكيمرات

لو حتى فاضيه ،،

والله مب كفو حد يقطع الاشاره او يسرع

الكل*بيخاف

[Laffan]

صبحكم الله بالخير جميعا

أستغرب من ألي يلوم المرور او اشغال او الاجانب, وينسون دور السايق واستهتاره ودلع بعض اولياء الامور
والشخص اذا مهب هامته حياته وروحه وخايف على نفسه ماظنتي بتردعه مخالفه او كيمرا اشاره او رادار...
يعني تحصل الاب يدور واسطه وحب خشوم حق ولده عشان مسكته الدوريه بدون ليسن بدال لايكلمه ويعقله يشجعه على الشر وعلى الغلط, الله يرحم ايامنا كنا نضرب اذا بقنا سيارة البيت
الشي الثاني لازم يكون هناك توعيه من اولياء الامور للابناء, لازم الولد يدري انه هو واهله هم الخسرانين اذا صار له شي مهب الدوله
لازم الولد لما ياخذ السيارة يحس بالمسئولية ويفكر وراه ام ابو اهل اخوان بيحرق قلوبهم عليه, وفوق هذا حساب رب العالمين لو حط نفسه في التهلكه لازم يكون هناك رادع ديني

بحكم شغلنا نقطع مسافات طويله , واحيانا ممكن اتاخر بسبب الزحمه او الضباب او المطر..الخ, بس بالنهايه مستحيل اسرع سرعه جنونية حتى لو اوصل متاخر او اتعقاب في الدوام لانه عندي قناعه اذا الشخص صار له لاقدر الله محد بينفعه وبروح من كيس هله.

الله يحفظ الجيمع من كل مكروه...

[كلاسيك قطر]

صبحكم الله بالخير ياشباب
ان شاءالله توصل النتيجه في اسرع وقت ممكن
بس نبي احد يتكلم في وطني الحبيب صباح الخير
وثاني شي تدرون انا اشوف امس فس سناب شات دكتور حمود يتكلم عن الحوادث الي في الشارع والي في العديد
شرايكم احد يكلم دكتور حمود ويتكلم ع الحوادث وينشره في اليوتيوب

[كلاسيك قطر]

هذا الحل الوحيد

[العنيده]

اللي يعاتب المرور واللي يعاتب اشغال ..
الحادث الاخير بين لنا السرعه وقطع الاشاره السبب
الله يرحمهم والله يجعل قبورهم روضه من رياض الجنه يارب ويصبر اهاليهم ان شاء الله ..
نفس وحده تقول استخدم طريق للدوام عباره عن مسارين وزحمه ياريت المرور يتحركون ينظمون المرور ولا اشغال تكبر الشارع ؟؟
قلت لها انا استخدم نفس الشارع بس اطلع بدري والحمدلله مافي زحمه :victory: ( يعني خليهم بحالهم وشوفي توقيتج اللي غلط :anger1: )

التغيير فينا احنا لازم يكون .. اذا الامكانيات قليله مش معناتها نخالف المطلوب نعيش الواقع ونتكيف عليه بدون اي نقاشات متكرره ,, ونطالب بالافضل دايما
السرعه 80 مب لازم يكون في رادار عشان مااتجاوز .. المسار واحد مب لازم تكون في دوريه عشان مااتجاوز وايد اشياء نبيها وان شاء الله تتعدل بس يبيلها حكمه في طلبها
والسموحه على الاطاله ..

[كازانوفا]

اولا ربي يصبرهم اهاليهم
وثانيا معظم اللى توفاهم الله مشغولين ومنشغلين بالتليفون شوفت بعيني الطريق موقف حاله او حركته بطيئه عشان اللى يسوق مركز على التليفون لما تقوله انتبه على الطريق وفي شرطة وفي مخالفه من باب التخويف يقولك مو مشكله الغرامه مقدور عليها فكرر بالغرامه وما فكر بحرقة امه وابوه عليه
والثالث ان الطرق ما تستوعب الكم الهائل من عدد السكان اللى في تزايد مستمر

[بصمة قطرية]

انا الاسبوع اللي طاف مريت مدرسة اعدادية اوصل واحد من الطلاب وشفت كثير من الطلاب يداومون بسيارات..!!
اعمارهم ما تتعدى الستاعش..!!
وين دور اولياء الامور ووين دور الشرطة ووين دور القانون..!!
المفروض يشددون على هالنقطة بالذات ..
اللي ما عنده ليسن و يسوق ( بنسجن )
عشان يتأدب و يتأدبون هله ..
وايد ناس مستهترين يخلون يهالوا يسوقون
ما يعرف يسوق و متهور ..
الحين عندهم لياسن و سواقتهم بالله بالخير
شلون اللي ما عندهم لياسن ..!!
قنابل موقوته في الشارع ..
المفروض عند كل مدرسة إعدادية و ثانوية في دورية
عشان تفتش و حبذا لو كان التفتيش مفاجيء ..

[بصمة قطرية]

تكلمت من سنة عن " انقراض الكائن القطري قريبا "

توقعاتي اطلعت صح لاني حطيت كذا مقترح للحد من الحوادث بالتعاون مع المجلس الاعلى ووزارة الاوقاف والداخلية

اعتقد انهم يبون فصيلة اخرى تسكن وتعيش في قطر لان القطري اصبح سلعة ودم رخيص ... بالنسبة لهم

يبنون شوارع ومستشفيات ومدن لهم برع وهم يسيئون لنا ... وولد البلد ... في غيابة الجب

وين اللي قالت في قهاوي روبوتات .... خل ايجيبون روبوتات تعيش بدالنا .. على الاقل ما بيشتكون مثلنا .... سمعا وطاعا

و أنا ذكرت إن المواطن القطري ( معرض للإنقراض ) ..
لازم يحدون من هالحوادث الجنونية ..
الحين موسم التخييم
و من سنتين كانت الحوادث في موسم التخييم
كثيرة ووفيات كثيرة ..
بانغ بانغ
تفائل ..
ما نبي ريبوتات ..

[بصمة قطرية]

لا بد من تكوين من توقيف المراهقين والمستهترين توقيف إداري أو يعملون في الشوارع بقرار من المحكمة فلو تحطون مليون ريال مخالفة بيعادنون وبيسرعون، غير هذا إنسووا بشرط إن مايكون شيء إسمه حرف الواو، وإموركم بإذن الله طيبة.

بإختصار ..
( من أمن العقوبة أساء الأدب ) ..
لازم العقوبات تسري على الكل
بدون واسطات ..
الاستهتار واضح و زاد وايد في الفترة الأخيرة ..

[بومحمد المطاوعه]

اتمنى نتكلم بالحوادث بشكل عام

ولا نخصص اي احد

سواء حادث المناعي والخلف

او غيرهم

الله يرحمهم جميعآ

[بومحمد المطاوعه]

http://store1.up-00.com/2015-10/1445857672131.jpg (http://www.up-00.com/)