ياوزارة"الداخلية"هل ستعاقبون من سرب من كاميرتكم حادث الشابين

[عابر سبيل]

"

معاقبة مصوري المتوفين والمصابين بالحوادث دون موافقة

ثانيا- الموافقة على مشروع قانون بتعديل بعض أحكام القانون رقم ( 11) لسنة 2004 بإصدار قانون العقوبات.
ويهدف التعديل المقترح أساسا الى معاقبة كل من يلتقط أو ينقل صورا للمصابين أو المتوفين في الحوادث دون موافقة من يمثلهم ،عن طريق جهاز أيا كان نوعه.

"

لم يمر سوى شهر واحد على الكلام أعلاه
و الذي صدر في اجتماع رئاسة الوزراء المؤرخ في
16/9/2015

و رغم كثرة الصور و الحوادث التي تلته
و رغم نشر شيء من السور عنها..

إلا أن ما ميز الحادث الأخير الذي وقع
الجمعة الماضية 23/10/2015

هو مقطع الفيديو.. الذي نظن انه من كاميرا "رسمية"
مثبتة على التقاطع الذي وقع فيه الحادث..

و انتشر المقطع عبر كافة وسائل التواصل
و أُقحم في جوالاتنا و اقض مضاجعنا و آلمنا..
حيث ان كثير منا يعرف و يقرب لأحد ذوي الضحيتين..
بشكل او آخر..

المهم..
ان كان "الظن" صحيحا
و المقطع هو من فعلا من كاميرا رسمية


فانا اتسائل..
هل يستحق من نشره على الملأ
محاسبة قانونية؟؟

[بانغ بانغ]

شيخنا ترى بعض افراد المرور يهالو .... مال سناب شات وغيره

فعادي اشك فيهم لان محد يتجرأ وايقرب من شاحنة محترقة ..

[الحياة الخالدة]

المفروض اللي سرب المقطع يتعاقب
بس هل بالإمكان أنهم يوصلون له ؟؟

[Boost]

مقطع من الاشارة (قبل التصادم لين الحريق) ومقطع من بعيد مايبين فيه شي ومقطع أخير والمطافي يطفون الحريق....

يمهل ولا يهمل :) رسالة للي نشرو المقاطع
ماتخافون بكره ربك يبتليكم باللي يصور والديكم وهم يموتون ولا عيالكم ؟ أو يصوركم ويحرق قلوب أهلكم عليكم ؟

[الحياة الخالدة]

مقطع من الاشارة (قبل التصادم لين الحريق) ومقطع من بعيد مايبين فيه شي ومقطع أخير والمطافي يطفون الحريق....

يمهل ولا يهمل :) رسالة للي نشرو المقاطع
ماتخافون بكره ربك يبتليكم باللي يصور والديكم وهم يموتون ولا عيالكم ؟ أو يصوركم ويحرق قلوب أهلكم عليكم ؟

صدقت
ساعتها بس بيحسون
والا قبل جذي الاحساس ميت و الضمير مفقود

[السيف5]

من الواضح جدا المقطع تسرب من احد المسئوولين عن كاميرات الاشارة
ونطالب وزير الداخلية المسئول الاول معاقبة من سرب التسجيل فهذا شخص
لايستحق ان يكون في هذا المكان

[العابد]

لا يستحق العقوبة
لأن الناس أطالت ألسنتها في المرور بعد الحادث وحملوهم المسؤولية
وللإنصاف المرور لا يتحمل أي مسؤولية تجاه الحادث
لأن المتوفين رحمهم الله وغفر لهم وجبر مصاب أهليهم
واضح تماما من الفيديو أنهم قطعوا الإشارة حمراء
بالله عليكم ماذا تريدون من المرور أن يفعل لمن يقطع الإشارة حمراء؟

[بنت مريخ]

شلهدف من نشره؟؟
رفيجتي تقولي مطرشين صورهم وهم محترقين
الله يهدي الناس

[عاشق العديد]

مايبي لها شي لو يبون يوصلون للي يشوف ..

من الي ماسك زام فهالوقت او نقول مثلا فهالاسبوع الشفت الفلاني حجز وبيتكلمون . وشكرا

[عابر سبيل]

لا يستحق العقوبة
لأن الناس أطالت ألسنتها في المرور بعد الحادث وحملوهم المسؤولية
وللإنصاف المرور لا يتحمل أي مسؤولية تجاه الحادث
لأن المتوفين رحمهم الله وغفر لهم وجبر مصاب أهليهم
واضح تماما من الفيديو أنهم قطعوا الإشارة حمراء
بالله عليكم ماذا تريدون من المرور أن يفعل لمن يقطع الإشارة حمراء؟

مع كامل احترامي و تقديري الشديد
للمرور و القايمين عليه..

فان كان "التسريب" قُصد به ما تفضلت به..
فإن ذلك لا يعفي من قرر ذلك من المسؤولية القانونية..

كاميرات المراقبة"الرسمية" لضبط النظام و مخالفة المخالفين..

و لو كان احد من ذوي المُتوفيين..شك في امر الحادث
فهنالك يسمح له هو بمشاهدته..

أما ان ينشر المقطع على الملأ و بكل من له خص و اللي ماله خص..

فهذا امر غير مسؤول و غير مبرر..

لذا اأنا ارجح انه تسريب بسوء تقدير ممن سربه
و دون إذن أو ايعاز من اي ضابط مسؤول..

[Azizuk]

التصوير مب مشكلة لأخذ العبرة

ولاكن عتبي على الجمهور المتفرج وخاصه صاحب البيك أب الأبيض اللي وإلا أبدا اهتمامة بالحادث المروع

مشى وخله القرعة ترعى

واه أسفاه على أهل قطر

والله يرحمهم برحمة ويثبتهم عند السؤال ويصبر اهلهم وذويهم

[القبطان سلفر]

هذا الموضوع كان محل نقاش بيني وبين صديقي البارحه .

توقيت تسريب فلم الحادث صادم جدا فالقانون الذي يجرم هذا الفعل لم يجف حبره بعد ويتم تسريب فلم لحادث ادمى قلوبنا وذويهم ومن كيمرا حكوميه (في الغالب) الجهه المسؤوله عنها هي من قامت بأصدار القانون المذكور وتجريم فاعله !!!!

وزارة الداخلية على المحك الان في تحقيق العداله والتأكيد على هيبة قوانين البلد بالقبض على الفاعل وتقديمه للعداله . القضية الان أصبحت قضية رأي عام وليست جهة بعينها .

[دايموند]

مادري انا ماشوف فيها شي الفيديو

لا في شكل الضحايا ولا في اساءه لهم انما لاخذ العبره

ياما كانت هنالك برامج عن الحواداث المروريه ويحطون مقاطع لتصوير الكاميرات المراقبه لحظه وقوع الحادث شالمشكله !!!

[غريب الدّار]

عندي تعليقات على اكثر من رد في الموضوع بس لو يسمح لي اخونا عابر سبيل

[R 7 A L]

اذا كان هناك عقاب
فيجب ان يكون على ( إدارة المرور )

[الحياة الخالدة]

لا يستحق العقوبة
لأن الناس أطالت ألسنتها في المرور بعد الحادث وحملوهم المسؤولية
وللإنصاف المرور لا يتحمل أي مسؤولية تجاه الحادث
لأن المتوفين رحمهم الله وغفر لهم وجبر مصاب أهليهم
واضح تماما من الفيديو أنهم قطعوا الإشارة حمراء
بالله عليكم ماذا تريدون من المرور أن يفعل لمن يقطع الإشارة حمراء؟

هل معنى كلامك أن المقطع انتشر بموافقة رسمية من المرور لتبرئة أنفسهم من اتهامات الناس لهم بالتقصير ؟؟!!

تبرير عجيب الصراحة

[الحياة الخالدة]

أنا خاطري أعرف .. لو واحد من هذيلا اللي يوقفون عشان يصورون .. اكتشف أن المتعور في الحادث أو الميت يقرب له أو يعز عليه
شنو بيكون شعوره ذيج الحزة ؟؟

[عاشق العديد]

التصوير مب مشكلة لأخذ العبرة

ولاكن عتبي على الجمهور المتفرج وخاصه صاحب البيك أب الأبيض اللي وإلا أبدا اهتمامة بالحادث المروع

مشى وخله القرعة ترعى

واه أسفاه على أهل قطر

والله يرحمهم برحمة ويثبتهم عند السؤال ويصبر اهلهم وذويهم


ياخوي الحادث مب بسيط ونار وشاحنه محمله بالبترول يعني اكيد الي موجودين خافو ع نفسهم وراعي البيك اب شل عليه لانه لو انا واقف مكانه هاذي والله صدمه فجاءه نار وشاحنه وموتر منقلب قدامي ..

فهالامور تبي تساعد مالك الا 999 .. والله يرحم من توفى وأتمنى اغلاق الموضوع لانه كل شوي بياخذ منحنى اخر ..

[حسن]

انا ضد العقوبه واساسا ضد القانون اللي صدر
لان
مايتطابق في عصر الحداثه والانفتاح
ومافيها شي

واساسا هذا التسريب لتوضيح الالتباس لكل من هب ودب يتهم
باقي نسكر التويتر والاوتس اب ونمنع الكيمرات من الجوال ونمع المحطات ونمنع الجرايد
الناس وين وصلو واحنا لا مايجوز التصوير
اذا ارتدت ان تطاع اطلب المستطاع

[R 7 A L]

التصوير مب مشكلة لأخذ العبرة

ولاكن عتبي على الجمهور المتفرج وخاصه صاحب البيك أب الأبيض اللي وإلا أبدا اهتمامة بالحادث المروع

مشى وخله القرعة ترعى

واه أسفاه على أهل قطر

والله يرحمهم برحمة ويثبتهم عند السؤال ويصبر اهلهم وذويهم

شف اخر المقطع راعي الكروزر الرصاي الي شقح الرصيف وراح لهم بس الحريق كبير صعب طفاية عادية تطفيه

[نمر بن عدوان]

اعتقد التصوير من بعيد ونشره فيه عبره لمن يعتبر واهالي المتوفيين الله يرحمهم مصيبتهم في موت عيالهم اكبر من مليون تسجيل ومب فاضيين يطالعون الفيديو اصلا الله يصبرهم ويربط على قلوبهم

[نيساني]

وجهة نظري

ماشوف انه فيه شي غلط واتوقع انه انتشر للعضه والعبره


وشكراً

[بن لادن]

اول ماسمعنا عن الحادث وطبعا الاشاعات اشتغلت ، ان سائق الشاحنة قطع الاشارة ، والفيديو وضح لنا الموضوع بالتفصيل .

كنت متحامل على سائق الشاحنة قبل لاشوف الفيديو لكن بعد ماثبتت براءته وشفته فالفيديو نازل يلطم نفسه بديت اشفق عليه وعلى التجربه اللي خاضها وهو ماشي في طريقه والاشارة الخضرا اتقوله الطريق لك وانت بأمان .

الاكيد ان الفيديو انتشر للعضة ولا اعتقد انه تسريب ، ومثل ماذكرت ان الفيديو كسر كل الاشاعات

[Boost]

التصوير مب مشكلة لأخذ العبرة

ولاكن عتبي على الجمهور المتفرج وخاصه صاحب البيك أب الأبيض اللي وإلا أبدا اهتمامة بالحادث المروع

مشى وخله القرعة ترعى

واه أسفاه على أهل قطر

والله يرحمهم برحمة ويثبتهم عند السؤال ويصبر اهلهم وذويهم

الله يرحمهم ويغفر لهم ويثبتهم عند السؤال

لايكون مفتكر إنه كام كربيتر محترق وبتدفنه بتراب!؟ دنكر بترول

لاقدر الله لو ما ابتعدو والبترول تسرب صوب السيارات كان كلها احترقت !!
ياخي تعوذ من الشيطان وفكر قبل تشطح وتقط على الناس وأنت ماتدري وش وضعهم

مثل هالحادث والعياذ بالله كل اللي تقدر تسويه إنك تتصل على 999 وتبلغ

إلاا اذا عندك سيارة مطافي صافها في بيتكم

والبيكم شكله عمال اللي فيه.. وما اشوفه المسكين سوى اي شي غلط

لو الدنكر متأخر شوي أو الجي مسرع شوي كان دنكر البترول حرق اللي عند الاشارة كلهم والعياذ بالله

[عابر سبيل]

عندي تعليقات على اكثر من رد في الموضوع بس لو يسمح لي اخونا عابر سبيل

ما تحتاج استئذان اخوي غريب..
لا انت و لا اي من الأعضاء..

[محاسب]

لسؤال :

ما حكم تصوير المصابين والمتوفين أثناء حوادث المرور؟


الجواب :

الحمد لله، والصلاة والسلام على سيدنا رسول الله

مما لا شك فيه أن حوادث السير مؤلمة, وأشد ما تكون على المصابين وعلى أهاليهم, فالموت مصيبة المصائب، قال الله تعالى: (فَأَصَابَتْكُمْ مُصِيبَةُ الْمَوْتِ) المائدة/106.

والمؤمنون في تراحمهم وتعاطفهم كالجسد الواحد قال صلى الله عليه وسلم: (مَثَلُ الْمُؤْمِنِينَ فِي تَوَادِّهِمْ، وَتَرَاحُمِهِمْ، وَتَعَاطُفِهِمْ مَثَلُ الْجَسَدِ إِذَا اشْتَكَى مِنْهُ عُضْوٌ تَدَاعَى لَهُ سَائِرُ الْجَسَدِ بِالسَّهَرِ وَالْحُمَّى) رواه مسلم، وهذا يتطلب من المسلم أن يسعى قدر جهده ووسعه لإنقاذ المصابين ومساعدتهم إن استطاع، لا أن ينتهك خصوصية المصابين وكرامتهم – سواء منهم الأموات أو الجرحى - فيقوم بتصويرهم، وقد ينشر هذه الصور في وسائل الإعلام، وهذا كله لا يجوز؛ لما فيه من انتهاك حرمة الآخرين والاعتداء على كرامتهم، وكرامة الإنسان مصونة في شريعتنا الإسلامية بقول الله تعالى: (وَلَقَدْ كَرَّمْنَا بَنِي آدَمَ) الإسراء/70، ولما فيه من التجسس على الغير، والله تعالى يقول: (وَلَا تَجَسَّسُوا) الحجرات/12، بل إن تصوير الإنسان في الأحوال الطبيعية بغير إذنه لا يجوز شرعاً.

ومن حضر الحادث عليه أن يعمل على ستر جسد الميت بثوب خفيف، ولا يتركه مكشوفاً، وقد ورد عن أم المؤمنين رضي الله عنها أنها قالت: (إنَّ رَسُولَ اللَّهِ صَلَّى اللهُ عَلَيْهِ وَسَلَّمَ حِينَ تُوُفِّيَ سُجِّيَ بِبُرْدٍ حِبَرَةٍ) رواه البخاري ومسلم.

[عابر سبيل]

انا ضد العقوبه واساسا ضد القانون اللي صدر
لان
مايتطابق في عصر الحداثه والانفتاح
ومافيها شي

واساسا هذا التسريب لتوضيح الالتباس لكل من هب ودب يتهم
باقي نسكر التويتر والاوتس اب ونمنع الكيمرات من الجوال ونمع المحطات ونمنع الجرايد
الناس وين وصلو واحنا لا مايجوز التصوير
اذا ارتدت ان تطاع اطلب المستطاع

حسن..للعلم
ثرى العالم الغربي نفسه حط هالقوانين
و احنا -وانا اخوك- من اخر من يسنها..

فهي مش مسألة تحجيم للحرية
بل هي لجم للتعدي على الخصوصيات

فالشرع عندنا..سمح بفقع عين من
ينظر بتطفل على خصوصيات الناس!!

فشتان بين الأمرين لو دققت

فلا تستعجل في الحكم
بل خذها بتأني و روية

[smart_os]

الكل كان يلوم سواق الدنكر بس بعد ما شفنا الفيديو اكتشفنا ان الكروزر قطع الاشاره
الله يرحمهم ويغفرلهم

انا اشوف ما فيها شي للعبره ولان التصوير من بعيد

[بومحمد المطاوعه]

يقدرون يسحبونه من علباه

هذي مب قد الشغل ولا قد التحفظ على الأمانه
وهي امانه واسرار العمل

ماعرف ليش تم تسريب المقطع

اتمنى من الشيخ عبدالله بن ناصر
ان يحاسب الشخص الي سرب الفيديو

[معماري قطري]

الفلم اللي طلع من الشرطة يعتبر فلم توعوي وحط النقط على الحروف وبين لنا شصار

أول شيء حتى نتخذ الحذر وننتبه عند الاشارات وثاني شيء نعتبر من الحادث .. وانا اشوف نشره مفيد للكل وما يخدش الخصوصية .. يوضح لنا الحادث بشكل عام ويفترض أفلام حوادث المرور تنشر بشكل عام بدون كشف عورات

[غريب الدّار]

شيخنا ترى بعض افراد المرور يهالو .... مال سناب شات وغيره

فعادي اشك فيهم لان محد يتجرأ وايقرب من شاحنة محترقة ..
والله يابانغ مع احترامي اعتقد مثل هالكلام او هاللفظ( يهالو) قد تكون وراه مساءلة قانونية


المفروض اللي سرب المقطع يتعاقب
بس هل بالإمكان أنهم يوصلون له ؟؟
بالإمكان ونص اختي ومب صعبة ابد
لان اللي يقدرون يوصلون لمثل هالمقاطع معروفين في الداخلية ويقدرون يعرفون من بالدقيقة والثانية بعد

مقطع من الاشارة (قبل التصادم لين الحريق) ومقطع من بعيد مايبين فيه شي ومقطع أخير والمطافي يطفون الحريق....

يمهل ولا يهمل :) رسالة للي نشرو المقاطع
ماتخافون بكره ربك يبتليكم باللي يصور والديكم وهم يموتون ولا عيالكم ؟ أو يصوركم ويحرق قلوب أهلكم عليكم ؟
بس اخوي التصوير تم بكاميرا الداخلية
وكاميرات الداخلية موضوعة لمراقبة الشوارع ولكشف مثل هالحالات
انت تقصد اللي نشر المقطع

الله اعلم من نشره ولا شالغرض من نشره !! ومابي احط في ذمتي شي



صدقت
ساعتها بس بيحسون
والا قبل جذي الاحساس ميت و الضمير مفقود
بس اختي يمكن اللي نشره له غرض ثاني غير انه يحرق قلوب اهاليهم مثلا اللي نسال الله لهم الصبر والسلوان
وهل لو اهاليهم شافوا المقطع راح يدعون على اللي صور مثلا؟ انزين ليش؟ أساسا المقطع يبين الموتر وهو يدعم ومافي اشخاص يبينون

لا يستحق العقوبة
لأن الناس أطالت ألسنتها في المرور بعد الحادث وحملوهم المسؤولية
وللإنصاف المرور لا يتحمل أي مسؤولية تجاه الحادث
لأن المتوفين رحمهم الله وغفر لهم وجبر مصاب أهليهم
واضح تماما من الفيديو أنهم قطعوا الإشارة حمراء
بالله عليكم ماذا تريدون من المرور أن يفعل لمن يقطع الإشارة حمراء؟
وجهة نظرك على العين والراس اخوي
لكن :
(بالله عليكم ماذا تريدون من المرور أن يفعل لمن يقطع الإشارة حمراء؟)
انا أقول لك : انهم مايخلون إشارة وحدة في الدوحة بدون كيمرة ضبط السرعة
التشدد في المخالفات وعدم التهاون في تطبيق القانون
هذا اللي نبي المرور يسويه اخوي
وعلى حسب ماعرفت ان الإشارة اللي صارت عندها الكارثة مافيها كيمرة ضبط سرعة

مايبي لها شي لو يبون يوصلون للي يشوف ..

من الي ماسك زام فهالوقت او نقول مثلا فهالاسبوع الشفت الفلاني حجز وبيتكلمون . وشكرا
بالضبط
:nice:

التصوير مب مشكلة لأخذ العبرة

ولاكن عتبي على الجمهور المتفرج وخاصه صاحب البيك أب الأبيض اللي وإلا أبدا اهتمامة بالحادث المروع

مشى وخله القرعة ترعى

واه أسفاه على أهل قطر

والله يرحمهم برحمة ويثبتهم عند السؤال ويصبر اهلهم وذويهم
أقول اخوي :
وش دراك ان راعي البيكم من هل قطر او من هل أمريكا حتى ؟
وحتى لو من اهل قطر ، شالجريمة اللي ارتكبها ؟ وش تنقد عليه ؟ انه راح وخلاهم؟ وش دراك انه ماوقف مثلا بعد الإشارة الثانية علشان يتفادى الحريق وبلغ ؟ انت لو مكانه ومنفجر قدامك صهريج وقود هل بنشوف بطولتك اخوي وقتها؟

هذا الموضوع كان محل نقاش بيني وبين صديقي البارحه .

توقيت تسريب فلم الحادث صادم جدا فالقانون الذي يجرم هذا الفعل لم يجف حبره بعد ويتم تسريب فلم لحادث ادمى قلوبنا وذويهم ومن كيمرا حكوميه (في الغالب) الجهه المسؤوله عنها هي من قامت بأصدار القانون المذكور وتجريم فاعله !!!!

وزارة الداخلية على المحك الان في تحقيق العداله والتأكيد على هيبة قوانين البلد بالقبض على الفاعل وتقديمه للعداله . القضية الان أصبحت قضية رأي عام وليست جهة بعينها .
بس اخوي الققطان القانون اللي صدر ماله علاقة
القانون يتكلم عن اللي يصور بدون اذن اهل المصاب او المتوفي
الحالة اللي احنا بصددها الحين تسريب مقطع
التصوير رسمي لان الكيمرة كيمرة وزارة الداخلية والله يجزاها خير على تركيبها وان شاء الله تزيد اعدادها في كل مكان

مادري انا ماشوف فيها شي الفيديو

لا في شكل الضحايا ولا في اساءه لهم انما لاخذ العبره

ياما كانت هنالك برامج عن الحواداث المروريه ويحطون مقاطع لتصوير الكاميرات المراقبه لحظه وقوع الحادث شالمشكله !!!
بس اخوي البرامج تكون بموافقة من وزارة الداخلية
وقسم العلاقات العامة في وزارة الداخلية يتولى اصدار مثل هالمرئيات لتوعية وتنبيه الناس
لكن التسريب (في الغالب وأتمنى انركز على كلمة في الغالب) تم بدون اذن
والله تعالى اعلم لان يمكن أكون غلطان ومابي احط في ذمتي

اذا كان هناك عقاب
فيجب ان يكون على ( إدارة المرور )
على أي أساس اخوي رحال؟
ابي اشوف ولا عليك امر هل في تطابق بين رايي ورايك ولا لا
لاني اشوف ان كان المفروض (ولازال المفروض) ان إدارة المرور ماتخلي إشارة في الدوحة بدون كيمرة ضبط سرعة
ولا إشارة وحدة

أنا خاطري أعرف .. لو واحد من هذيلا اللي يوقفون عشان يصورون .. اكتشف أن المتعور في الحادث أو الميت يقرب له أو يعز عليه
شنو بيكون شعوره ذيج الحزة ؟؟
بس اختي انتي امركزة على اللي نشر المقطع
زين يمكن اهل المتوفين (رحمة الله عليهم) بيشوفون كلامج او كلامي او الموضوع هذا بكبره ويتشايقون
ليش ركزنا على انتشار المقطع ونسينا المواضيع الكثيرة اللي انفتحت بسبة هالموضع؟ اذا كان همنا مشاعر اهل المتوفين

ياخوي الحادث مب بسيط ونار وشاحنه محمله بالبترول يعني اكيد الي موجودين خافو ع نفسهم وراعي البيك اب شل عليه لانه لو انا واقف مكانه هاذي والله صدمه فجاءه نار وشاحنه وموتر منقلب قدامي ..

فهالامور تبي تساعد مالك الا 999 .. والله يرحم من توفى وأتمنى اغلاق الموضوع لانه كل شوي بياخذ منحنى اخر ..
معاك ياعاشق العديد
وهذا الاجراء السليم
علشان لايزيد عدد الضحايا
ومع هذا : لو وقف حد وساعدهم او حاول يطفي النار باقول له قواك الله وبيض الله ويهك
لكن safety first

اعتقد التصوير من بعيد ونشره فيه عبره لمن يعتبر واهالي المتوفيين الله يرحمهم مصيبتهم في موت عيالهم اكبر من مليون تسجيل ومب فاضيين يطالعون الفيديو اصلا الله يصبرهم ويربط على قلوبهم
آمين

وجهة نظري

ماشوف انه فيه شي غلط واتوقع انه انتشر للعضه والعبره


وشكراً
وجهة نظر
ويمكن يكون كلامك صح اخوي
وقد يكون هذا الغرض من نشر المقطع
أقول قد
والله اعلم

الله يرحمهم ويغفر لهم ويثبتهم عند السؤال

لايكون مفتكر إنه كام كربيتر محترق وبتدفنه بتراب!؟ دنكر بترول

لاقدر الله لو ما ابتعدو والبترول تسرب صوب السيارات كان كلها احترقت !!
ياخي تعوذ من الشيطان وفكر قبل تشطح وتقط على الناس وأنت ماتدري وش وضعهم

مثل هالحادث والعياذ بالله كل اللي تقدر تسويه إنك تتصل على 999 وتبلغ

إلاا اذا عندك سيارة مطافي صافها في بيتكم

والبيكم شكله عمال اللي فيه.. وما اشوفه المسكين سوى اي شي غلط

لو الدنكر متأخر شوي أو الجي مسرع شوي كان دنكر البترول حرق اللي عند الاشارة كلهم والعياذ بالله
معاك في كلامك اخوي


ما تحتاج استئذان اخوي غريب..
لا انت و لا اي من الأعضاء..
تسلم ياعابر سبيل

[معماري قطري]

يقدرون يسحبونه من علباه

هذي مب قد الشغل ولا قد التحفظ على الأمانه
وهي امانه واسرار العمل

ماعرف ليش تم تسريب المقطع

اتمنى من الشيخ عبدالله بن ناصر
ان يحاسب الشخص الي سرب الفيديو

لتوضيح الحقائق إخوي محمد .. سمعنا كلام كثير لكن اللي شفناه غير عن اللي سمعناه

[بومحمد المطاوعه]

لتوضيح الحقائق إخوي محمد .. سمعنا كلام كثير لكن اللي شفناه غير عن اللي سمعناه

يالغالي انا مش ضد اي فلم توعوي
ولكن بطريقه صحيحه

هذي اعتقد تصرف شخصي
مب من الجهه المختصه ولا فيها اي رابط من الداخليه
ولا شي رسمي ليتوضح ان المقصد توعيه

[معماري قطري]

يالغالي انا مش ضد اي فلم توعوي
ولكن بطريقه صحيحه

هذي اعتقد تصرف شخصي
مب من الجهه المختصه ولا فيها اي رابط من الداخليه
ولا شي رسمي ليتوضح ان المقصد توعيه

الله أعلم المهمة عندي النتيجة

[GENIUS]

الله يغفر لهم ويرحمهم ويصبر أهاليهم.
في نقطة الكل يتداولها في الموضوع وهي بأن الصهريج خاص بنقل البترول وهذا خطأ وهذا النوع من الدناكرأو الصهريج خاص بنقل المياه فقط .

[حسن]

الله يغفر لهم ويرحمهم ويصبر أهاليهم.
في نقطة الكل يتداولها في الموضوع وهي بأن الصهريج خاص بنقل البترول وهذا خطأ وهذا النوع من الدناكرأو الصهريج خاص بنقل المياه فقط .

ههههههه صحيح لا والمجاري بالأخص الله يعزكم

[غريب الدّار]

الله يغفر لهم ويرحمهم ويصبر أهاليهم.
في نقطة الكل يتداولها في الموضوع وهي بأن الصهريج خاص بنقل البترول وهذا خطأ وهذا النوع من الدناكرأو الصهريج خاص بنقل المياه فقط .

بصراحة ماادري عن مدى صحة المعلومة اخوي لكن اشكرك عليها
وقد تكون صحيحة
والكل بنى كلامه على فرضية خاطئة!!! يجوز والله

[الحياة الخالدة]

بالإمكان ونص اختي ومب صعبة ابد
لان اللي يقدرون يوصلون لمثل هالمقاطع معروفين في الداخلية ويقدرون يعرفون من بالدقيقة والثانية بعد

بس اختي يمكن اللي نشره له غرض ثاني غير انه يحرق قلوب اهاليهم مثلا اللي نسال الله لهم الصبر والسلوان
وهل لو اهاليهم شافوا المقطع راح يدعون على اللي صور مثلا؟ انزين ليش؟ أساسا المقطع يبين الموتر وهو يدعم ومافي اشخاص يبينون


بس اختي انتي امركزة على اللي نشر المقطع
زين يمكن اهل المتوفين (رحمة الله عليهم) بيشوفون كلامج او كلامي او الموضوع هذا بكبره ويتشايقون
ليش ركزنا على انتشار المقطع ونسينا المواضيع الكثيرة اللي انفتحت بسبة هالموضع؟ اذا كان همنا مشاعر اهل المتوفين


احنا ما نعرف شنو غرضه .. لكن الله يعطيه على قد نيته
أنا اللي وصلني ان بعض المقاطع كانت تبين الجثة متفحمة
وانا ركزت على النشر لأني حطيت نفسي مكان الأهل ( بعيد الشر ) .. و بالنسبة لي هالشي وايد يضايق .. مادري عن غيري
ولا لي خص بباقي المواضيع اللي تناقش السالفة

المواضيع مفتوحة للجميع .. و لكلٍ الحرية في الرد في أيٍّ منها
عدل والا لا ؟؟

[غريب الدّار]

احنا ما نعرف شنو غرضه .. لكن الله يعطيه على قد نيته
أنا اللي وصلني ان بعض المقاطع كانت تبين الجثة متفحمة
وانا ركزت على النشر لأني حطيت نفسي مكان الأهل ( بعيد الشر ) .. و بالنسبة لي هالشي وايد يضايق .. مادري عن غيري
ولا لي خص بباقي المواضيع اللي تناقش السالفة

المواضيع مفتوحة للجميع .. و لكلٍ الحرية في الرد في أيٍّ منها
عدل والا لا ؟؟

اكد المواضيع مفتوحة للجميع اختي

بس انتي تكلمتي عن اللي يضايق اهل المتوفين
يمكن كلامنا نفسه يضايقهم
هل بتقولين لهم لو قالوا لج انهم متضايقين من كلامنا : والله المواضيع مفتوحة للجميع وكيفنا؟

وعلى فكرة التصوير للحادث نفسه لما صار تم بكاميرا مثبتة لوزارة الداخلية
عيل نقدر نقول لهم بعد التصوير رسمي وكيفنا ننشره

انا طبعا اتناول الموضوع الحين من زاويتج اختي

ماقلت لج لاتتكلمين
لكن أحاول اني أوضح ان محد يدري بالغرض من نشر فيديو الحادث
هذا اللي قصدته

ومستحيل أصلا حد يمنع الناس يتكلمون سواء بالزين او بالشين
لكن انتي ذكرتي مشاعر أهلهم فرديت من هالمنطلق

[غريب الدّار]

اعتقد السؤال المهم الآن اللي يجب ان يتم طرحه والإجابة عليه من قبل المختصين بإجابته :
هل تم النشر بإذن رسمي ؟ او بطريق التسريب؟

[الحياة الخالدة]

اكد المواضيع مفتوحة للجميع اختي

بس انتي تكلمتي عن اللي يضايق اهل المتوفين
يمكن كلامنا نفسه يضايقهم
هل بتقولين لهم لو قالوا لج انهم متضايقين من كلامنا : والله المواضيع مفتوحة للجميع وكيفنا؟

وعلى فكرة التصوير للحادث نفسه لما صار تم بكاميرا مثبتة لوزارة الداخلية
عيل نقدر نقول لهم بعد التصوير رسمي وكيفنا ننشره

انا طبعا اتناول الموضوع الحين من زاويتج اختي

ماقلت لج لاتتكلمين
لكن أحاول اني أوضح ان محد يدري بالغرض من نشر فيديو الحادث
هذا اللي قصدته

ومستحيل أصلا حد يمنع الناس يتكلمون سواء بالزين او بالشين
لكن انتي ذكرتي مشاعر أهلهم فرديت من هالمنطلق

رأيي الخاص .. و محد ملزوم يقتنع فيه
جزاك الله خير

[حسن]

الفلم اللي طلع من الشرطة يعتبر فلم توعوي وحط النقط على الحروف وبين لنا شصار

أول شيء حتى نتخذ الحذر وننتبه عند الاشارات وثاني شيء نعتبر من الحادث .. وانا اشوف نشره مفيد للكل وما يخدش الخصوصية .. يوضح لنا الحادث بشكل عام ويفترض أفلام حوادث المرور تنشر بشكل عام بدون كشف عورات

اتفق معاك يامعماري
وهذا نشوفها في الروابط اللي توصلنا
الكيمرات لها أهداف كثيرة ومنافع في كشف الكثير من الأمور
واللي لولها ماصلنا إلى حقائق كثيره
أما الكيمرات الخاصه وداخل البيوت انا اتفق انها تخضع للخصوصيه ولا يجوز نشرها
مع العلم هناك الكثير من تصوير المنازل وغيرها مع الخدم وتعنيف الأطفال والضرب نشرت
محدا اعترض عليها

[غريب الدّار]

رأيي الخاص .. و محد ملزوم يقتنع فيه
جزاك الله خير

انا بعد كان هاذاك رايي الخاص ومحد ملزوم يقتنع فيه
:)
ويجزاج خير

[<اضرب واشرد>]

مافيها شي لونشروا تصوير كاميرة الرادار، ويتضح من التصوير قطع الشباب للإشارة، والشاحنة كانت مسرعة بشكل مخيف، يجب محاسبة سائقها لوكان حي.

[غريب الدّار]

مافيها شي لونشروا تصوير كاميرة الرادار، ويتضح من التصوير قطع الشباب للإشارة، والشاحنة كانت مسرعة بشكل مخيف، يجب محاسبة سائقها لوكان حي.

بس يااضرب واشرد راعي الشاحنة يمكن سرعته كانت قانونية (والله اعلم بعد يمكن كان متجاوز السرعة لان الإشارة اللي صار عندها الحادث حسب علمي مافيها كيمرة رادار)
واعتقد ان السواق حي لانه بين في الفيديو وهو يركض من صوب الحريق للرصيف

[بومحمد المطاوعه]

اليوم بروح العزا ان شاءالله

وبسأل بخصوص تسريب الفيديو من كيمره الداخليه

[حسن]

اليوم بروح العزا ان شاءالله

وبسأل بخصوص تسريب الفيديو من كيمره الداخليه

يارجل روح عزهم وبس يابومحمد
والسؤال لن يرد عيالهم اللي راحو

الله يرحمهم
كاانو يجون مجلسنا مع ولد اخوي فريقهم
وكانوا نعم الأخلاق

الله يغفر لهم

[الحياة الخالدة]

انا بعد كان هاذاك رايي الخاص ومحد ملزوم يقتنع فيه
:)
ويجزاج خير

الله يهدينا وياك
انت اللي اقتبست ردودي و ناشبتني فيها
لوهلة تخيلت إنك راعي الموضوع
بس عموماً .. شكراً لتفهمك :)

[غريب الدّار]

الله يهدينا وياك
انت اللي اقتبست ردودي و ناشبتني فيها
لوهلة تخيلت إنك راعي الموضوع
بس عموماً .. شكراً لتفهمك :)
ويهدي الجميع

ناشبتج؟
خخخخخخخخخخخ
النقاش العادي مايسمونه ناشبتك وناشبتج اختي
وبعدين عادي اقتبس ردودج وردود غيرج
كله نقاش :)
بعدين اختي انا رديت بمثل ردج ومنطقج
قلتي لي رايي ومب ملزوم حد يقتنع قلت لج بعد رايي ومب ملزوم حد يقتنع

تخيلتي اني صاحب الموضوع : مسالة التخيلات مالي سلطان عليها اختي
كل واحد يتخيل اللي يبي
مااقدر اتحكم في التخيلات
:)

[الحياة الخالدة]

ويهدي الجميع

ناشبتج؟
خخخخخخخخخخخ
النقاش العادي مايسمونه ناشبتك وناشبتج اختي
وبعدين عادي اقتبس ردودج وردود غيرج
كله نقاش :)
بعدين اختي انا رديت بمثل ردج ومنطقج
قلتي لي رايي ومب ملزوم حد يقتنع قلت لج بعد رايي ومب ملزوم حد يقتنع

تخيلتي اني صاحب الموضوع : مسالة التخيلات مالي سلطان عليها اختي
كل واحد يتخيل اللي يبي
مااقدر اتحكم في التخيلات
:)

تمام تمام

[غريب الدّار]

تمام تمام

حلو حلو

[بومحمد المطاوعه]

يارجل روح عزهم وبس يابومحمد
والسؤال لن يرد عيالهم اللي راحو

الله يرحمهم
كاانو يجون مجلسنا مع ولد اخوي فريقهم
وكانوا نعم الأخلاق

الله يغفر لهم

اللهم امين
لا انا لزم اسأل
ما اخذ كلام القيل والقال

وبسأل رفيجي يصير ولد خاله الي توفى من عيال بوجلوف

الله يرحمه عبدالعزيز رفيج اخوي الصغير وقبل الحادث بساعه متصله يقوله بتيي معانا

اخوي قالهم لا الله يحفظكم :weeping:

[<اضرب واشرد>]

بس يااضرب واشرد راعي الشاحنة يمكن سرعته كانت قانونية (والله اعلم بعد يمكن كان متجاوز السرعة لان الإشارة اللي صار عندها الحادث حسب علمي مافيها كيمرة رادار)
واعتقد ان السواق حي لانه بين في الفيديو وهو يركض من صوب الحريق للرصيف

إذا كانت "قانونية" فعلى المرور مراجعتها وتخفيضها
لأني أشوفها مناسبة إذا كان الحبيب (مسافر)
أما في شارع داخلي وسط مدينة ويركض كنه غزال!! وفوق هذا محمل (نفط)!!
وهو يعرف أن توازنه حساس وهو مسرع .. أي لمسه أو لفه: ينقلب على طول

[القبطان سلفر]

بس اخوي الققطان القانون اللي صدر ماله علاقة
القانون يتكلم عن اللي يصور بدون اذن اهل المصاب او المتوفي
الحالة اللي احنا بصددها الحين تسريب مقطع
التصوير رسمي لان الكيمرة كيمرة وزارة الداخلية والله يجزاها خير على تركيبها وان شاء الله تزيد اعدادها في كل مكان



بالعكس اخوي غريب الدار الفلم المسرب يخالف القانون 100%

القانون يقول ان تصوير الحوادث دون اذن اهل المصاب او المتوفي فعل يعاقب عليه القانون والفلم المسرب تسرب من جهة حكوميه يفترض ان تحتفظ بنوعية هذه الأفلام للرجوع اليها وقت الحاجه كمعرفة من المخطئ او غيرها من الإجراءات الحكوميه وتسريبها او اطلاع الغير المصرح لهم عليها لايجوز حتى قبل صدور القانون الأخير فمابالك بعد صدوره !!

الفلم تسرب دون اذن اهل المصابين وهذا شيء اكيد ولا يحتاج بحث وانتشر للعامه اذن هو فعل يساوي ويتفق مع روح القانون الذي يمنع تصوير المصابين دون اذن أهلهم .

وليس هناك تصوير رسمي وغير رسمي لان القانون لم يجيز للجهات الرسميه نشر نوعية هذه الأفلام حتى نشرعنها . النهي والعقاب يسري على الفعل نفسه بغض النظر من قام به .

[غريب الدّار]

إذا كانت "قانونية" فعلى المرور مراجعتها وتخفيضها
لأني أشوفها مناسبة إذا كان الحبيب (مسافر)أما في شارع داخلي وسط مدينة ويركض كنه غزال!! وفوق هذا محمل (نفط)!!
وهو يعرف أن توازنه حساس وهو مسرع .. أي لمسه أو لفه: ينقلب على طول
خخخخخخخخخخخخخخخخخخخخخخخخ
الله يقطع شيطانك يااضرب واشرد
بصراحة ضحكتني

بس سالفة تنكر النفط هاذي واحد من الاخوان رد وقال ان مثل هالدناكر ماتشيل الا ماي

الله اعلم عاد


بس ياخي الحريقة اللي صارت وسرعة الاشتعال يدلون انه بترول فعلا

الله اعلم

رحمة الله عليهم

[غريب الدّار]

بالعكس اخوي غريب الدار الفلم المسرب يخالف القانون 100%

القانون يقول ان تصوير الحوادث دون اذن اهل المصاب او المتوفي فعل يعاقب عليه القانون والفلم المسرب تسرب من جهة حكوميه يفترض ان تحتفظ بنوعية هذه الأفلام للرجوع اليها وقت الحاجه كمعرفة من المخطئ او غيرها من الإجراءات الحكوميه وتسريبها او اطلاع الغير المصرح لهم عليها لايجوز حتى قبل صدور القانون الأخير فمابالك بعد صدوره !!

الفلم تسرب دون اذن اهل المصابين وهذا شيء اكيد ولا يحتاج بحث وانتشر للعامه اذن هو فعل يساوي ويتفق مع روح القانون الذي يمنع تصوير المصابين دون اذن أهلهم .

وليس هناك تصوير رسمي وغير رسمي لان القانون لم يجيز للجهات الرسميه نشر نوعية هذه الأفلام حتى نشرعنها . النهي والعقاب يسري على الفعل نفسه بغض النظر من قام به .

والله يالقبطان كلامك على راسي وكلامك منطقي فعلا
الله يكتب اللي فيه الخير
مشكور على التوضيح

[Q ابو تركي Q]

تسريب الفيديو من المرور غير اخلاقي وغير قانوني

والقصد منه اهانة وتجريح اهل المتوفين

ليش يامرور ما ركبتو رادرات على اي اشاره جديده ما عندكم فلوس

ولا قاعدين تصرفون فلوس المخالفات على سيارات الشرطه اخر موديل وشراء اللاعبين الاجانب للخويا

بالملايين وبناء ملعب لخويا

[دايموند]

بس اخوي البرامج تكون بموافقة من وزارة الداخلية
وقسم العلاقات العامة في وزارة الداخلية يتولى اصدار مثل هالمرئيات لتوعية وتنبيه الناس
لكن التسريب (في الغالب وأتمنى انركز على كلمة في الغالب) تم بدون اذن
والله تعالى اعلم لان يمكن أكون غلطان ومابي احط في ذمتي

والنتيجه نفس الشي اذا عن طريق تصرف فردي والا عن طريق الوزاره كل الطرق تؤدي نفس الغرض ان نشوف الفيديو !!
والا حلال الوزاره تنشر الفيديو وحرام اذا شخص نشره !!!
والله بصراحه مكبرين الموضوع
انا اشوف فيديو الحادث لا يستحق التضخيم فيه ومعاقبه الناشر

[القبطان سلفر]

والله يالقبطان كلامك على راسي وكلامك منطقي فعلا
الله يكتب اللي فيه الخير
مشكور على التوضيح

العفو اخي الكريم

[Locale]

الفيديو اللي من المرور اهو للعبره اكثر بوجهة نظري

كم شخص احترق قلبه على الفيديو 500 تقريبا او ألف من اهل المتوفيين
كم شخص اخذ العبره في قطع اشارة المرور ..
مليون تقريبا من سكان قطر مقيمين ومواطنين

كم واحد دعى للمتوفيين من خلال المقطع اللي انتشر ؟
اكثر من مليون ..المقطع انتشر حتى اهلنا اللي فالخليج وصلهم

الله يرحمهم ويجعل مثواهم الجنه
ويربط على قلوب اهاليهم
الموت واحد ، وتعددت الاسباب
الغالي عليك لو ينام ومايقوم قلبك يحترق عليه
مب بس اللي راحوا في حادث عزيزين

[بانغ بانغ]

اللهم امين
لا انا لزم اسأل
ما اخذ كلام القيل والقال

وبسأل رفيجي يصير ولد خاله الي توفى من عيال بوجلوف

الله يرحمه عبدالعزيز رفيج اخوي الصغير وقبل الحادث بساعه متصله يقوله بتيي معانا

اخوي قالهم لا الله يحفظكم :weeping:

الله يجعل عمر اخوك مديد في ذكره

[<اضرب واشرد>]

خخخخخخخخخخخخخخخخخخخخخخخخ
الله يقطع شيطانك يااضرب واشرد
بصراحة ضحكتني
بس سالفة تنكر النفط هاذي واحد من الاخوان رد وقال ان مثل هالدناكر ماتشيل الا ماي
الله اعلم عاد
بس ياخي الحريقة اللي صارت وسرعة الاشتعال يدلون انه بترول فعلا
الله اعلم
رحمة الله عليهم

:)

بالبحث عن رقم الشركة المكتوب على خزان الناقلة/الدنكر
فهي شركة:
http://www.seashoregroup.com.qa/

الله أعلم الداخلية أدرى، بس من قال أنها كانت تنقل نفط؟ الحريق بسيط وهو على الأغلب من وقودها الخاص + وقود سيارة الشباب.

ناقلات النفط حسب علمي تتبع وقود
ونعرف أنها للنفط من اسم الشركة لذا لها هيبة، والطايش إذا شافها يركد ..لأنها قنبلة مؤقتة، حتى سائقيها يكونون بطيئين وحذرين.
وإذا كان هناك شركات أخرى غير وقود! يجب تلوينها بعلامة مميزة، مع شعار الحريق والخطر واسم (Oil نفط/ ..غاز)

[Azizuk]

اول شي ياغريب الدار

الصهريج صهريج مجاري

طالع من محطة المجاري إللى موجوده في المنطقة

ثاني شي واسفاه على شباب أهل قطر

ماقصدت راعي البيك أب الأبيض ان امريكي مادري قطري على قولتك

قصدي وااسفاه على شبابنا اللي راح في حوادث الطرق

فهميه الحين :victory:

[Azizuk]

الله يرحمهم ويغفر لهم ويثبتهم عند السؤال

لايكون مفتكر إنه كام كربيتر محترق وبتدفنه بتراب!؟ دنكر بترول

لاقدر الله لو ما ابتعدو والبترول تسرب صوب السيارات كان كلها احترقت !!
ياخي تعوذ من الشيطان وفكر قبل تشطح وتقط على الناس وأنت ماتدري وش وضعهم

مثل هالحادث والعياذ بالله كل اللي تقدر تسويه إنك تتصل على 999 وتبلغ

إلاا اذا عندك سيارة مطافي صافها في بيتكم

والبيكم شكله عمال اللي فيه.. وما اشوفه المسكين سوى اي شي غلط

لو الدنكر متأخر شوي أو الجي مسرع شوي كان دنكر البترول حرق اللي عند الاشارة كلهم والعياذ بالله

اي الله يسلمك صاف عند البيت تامر عليه

اظاهر شايفني مدير الدفاع المدني صاف دناكر الحكومة قدام بيتي

[معماري قطري]

اللي شفته في ألمانيا القانون لكل التقاطعات ولكل السيارات 60 كيلو متر في الساعة .. بس عندنا بعض التقاطعات ورا بعض وبكثرة والمفروض دراسة حالة كل تقاطع 60 أو 80 وممكن يخلون الشاحنات 60 والسيارات الصغيرة 80

[وليف الشوق]

مش اللي قاهرني ان التصوير تم من خلال مراقبة الاشاره لكن اللي قاهرني ان النشر تم من خلال فعل فاعل ومختص بكاميرات المراقبه والشي الثاني ان احدى الجرائد المحليه عرضت صورة للحادث واتمنى ان اهل المتوفين مايقرون الجريدة

[MMD]

مافيها شي لونشروا تصوير كاميرة الرادار، ويتضح من التصوير قطع الشباب للإشارة، والشاحنة كانت مسرعة بشكل مخيف، يجب محاسبة سائقها لوكان حي.

دنكر "المجاري" ماكان مسرع ..للعلم فقط ..

[السفير العربي]

نشر فيديو الحوادث المرورية له نتائجه الإيجابية في نفوس الشباب عامة والمستهترين خاصة ، وهي من باب تغليب المصلحة العامة على الخاصة وأظن أن الفيديو كان له تأثير في إعادة الحسابات للذين شاهدوه لأستفاقتهم من سكرات مغامراتهم المميتة ، وليحتسب ذوي المتوفيين الأجر جراء نشر الفيديو لربما كان عبرة لكل من شاهده .

[MMD]

لا يستحق العقوبة
لأن الناس أطالت ألسنتها في المرور بعد الحادث وحملوهم المسؤولية
وللإنصاف المرور لا يتحمل أي مسؤولية تجاه الحادث
لأن المتوفين رحمهم الله وغفر لهم وجبر مصاب أهليهم
واضح تماما من الفيديو أنهم قطعوا الإشارة حمراء
بالله عليكم ماذا تريدون من المرور أن يفعل لمن يقطع الإشارة حمراء؟

صحيح , الناس لامت راعي الدنكر , وصبوا جم غضبهم عليه , وتهموه بقطع الإشاره حمره, لكن بعد تسريب المقطع , قطع الشك باليقين وانهى شائعات كثيره الصراحه...

[MMD]

انا ضد العقوبه واساسا ضد القانون اللي صدر
لان
مايتطابق في عصر الحداثه والانفتاح
ومافيها شي

واساسا هذا التسريب لتوضيح الالتباس لكل من هب ودب يتهم
باقي نسكر التويتر والاوتس اب ونمنع الكيمرات من الجوال ونمع المحطات ونمنع الجرايد
الناس وين وصلو واحنا لا مايجوز التصوير
اذا ارتدت ان تطاع اطلب المستطاع

متابع لك , وغالبا تعجبني أرائك ... أحيك

[MMD]

بالعكس اخوي غريب الدار الفلم المسرب يخالف القانون 100%

القانون يقول ان تصوير الحوادث دون اذن اهل المصاب او المتوفي فعل يعاقب عليه القانون والفلم المسرب تسرب من جهة حكوميه يفترض ان تحتفظ بنوعية هذه الأفلام للرجوع اليها وقت الحاجه كمعرفة من المخطئ او غيرها من الإجراءات الحكوميه وتسريبها او اطلاع الغير المصرح لهم عليها لايجوز حتى قبل صدور القانون الأخير فمابالك بعد صدوره !!

الفلم تسرب دون اذن اهل المصابين وهذا شيء اكيد ولا يحتاج بحث وانتشر للعامه اذن هو فعل يساوي ويتفق مع روح القانون الذي يمنع تصوير المصابين دون اذن أهلهم .

وليس هناك تصوير رسمي وغير رسمي لان القانون لم يجيز للجهات الرسميه نشر نوعية هذه الأفلام حتى نشرعنها . النهي والعقاب يسري على الفعل نفسه بغض النظر من قام به .

وهل شفت مصابين في المقطع؟

ورئي الشخصي ان المقطع لم يُسرب... ولولا المقطع ما كان الرئي العام والشائعات هديت, ولا كان احد عرف الحقيقه..
رحمة الله على الجميع والله يحفظ الجميع من كل سوء..

[غريب الدّار]

تسريب الفيديو من المرور غير اخلاقي وغير قانوني

والقصد منه اهانة وتجريح اهل المتوفين

ليش يامرور ما ركبتو رادرات على اي اشاره جديده ما عندكم فلوس

ولا قاعدين تصرفون فلوس المخالفات على سيارات الشرطه اخر موديل وشراء اللاعبين الاجانب للخويا

بالملايين وبناء ملعب لخويا
يعني يابو تركي تتهم المرور بتسريب المقطع
وتتهمهم بأنهم سربوه علشان الإهانة ؟؟ الله يهداك بس
يالربع ليش الاتهامات هاذي اللي بصراحة مالها معنى واعتقد ان صاحبها ممكن يكون تحت المساءلة القانونية ؟


الفيديو اللي من المرور اهو للعبره اكثر بوجهة نظري


اخوي شدراك ان المرور هم اللي سربوا المقطع؟

[غريب الدّار]

اول شي ياغريب الدار

الصهريج صهريج مجاري

طالع من محطة المجاري إللى موجوده في المنطقة

ثاني شي واسفاه على شباب أهل قطر

ماقصدت راعي البيك أب الأبيض ان امريكي مادري قطري على قولتك

قصدي وااسفاه على شبابنا اللي راح في حوادث الطرق

فهميه الحين :victory:

الحين صار القصد وااسفاه على شبابنا :)
يالله مب مشكلة

بالنسبة للدنكر :
اعتقد اخوي كلامك صحيح
الدنكر دنكر مياه مجاري وانتوا ابكرامة

اللي خلى الناس يقولون انه ذنكر بترول لان الموتر شب ضو ففكروا انه بترول
الصحيح انه دنكر مجاري

والله يرحم موتى المسلمين

[R 7 A L]

على أي أساس اخوي رحال؟
ابي اشوف ولا عليك امر هل في تطابق بين رايي ورايك ولا لا
لاني اشوف ان كان المفروض (ولازال المفروض) ان إدارة المرور ماتخلي إشارة في الدوحة بدون كيمرة ضبط سرعة
ولا إشارة وحدة

على أساس مايطبقون القانون كامل
ولا يطبقون كل التقنيات على كل شوارع الدوحه

[غير البشر]

الله يرحمهم رحمه واسعه ان شاء الله
ويصبر اهلهم ويلهمهم الصبر والسلوان في مصابهم




:)

بالبحث عن رقم الشركة المكتوب على خزان الناقلة/الدنكر
فهي شركة:
http://www.seashoregroup.com.qa/

الله أعلم الداخلية أدرى، بس من قال أنها كانت تنقل نفط؟ الحريق بسيط وهو على الأغلب من وقودها الخاص + وقود سيارة الشباب.

ناقلات النفط حسب علمي تتبع وقود
ونعرف أنها للنفط من اسم الشركة لذا لها هيبة، والطايش إذا شافها يركد ..لأنها قنبلة مؤقتة، حتى سائقيها يكونون بطيئين وحذرين.
وإذا كان هناك شركات أخرى غير وقود! يجب تلوينها بعلامة مميزة، مع شعار الحريق والخطر واسم (Oil نفط/ ..غاز)

اخوي اضرب واشرد

عاده الشاحنات خزانات البترول فيها بعد كبينه السايق على طول تحت الباب
لو تلاحظ الحادث ومن بعد ماضربت الشاحنه الكروزر كان من صوب الخزان وانقلبت على الخزان يعني طبيعي بنفس اللحظه يصير تسريب لبترول السياره ويتم الاحتراق وخاصه مع زحف الشاحنه طبيعي يطلع منها شرار يولع البترول

ولو كانت السياره محمه نفط او غاز او اي شي
تتوقع مايمدي يصير انفجار للخزان قبل لايوصلون الدفاع المدني !!

يعني لو محمله بترول كانت انفجرت في اقل من دقيقتين والا اشرايك :omen2:

[حسن]

الحين صار القصد وااسفاه على شبابنا :)
يالله مب مشكلة

بالنسبة للذنكر :
اعتقد اخوي كلامك صحيح
الدنكر دنكر مياه مجاري وانتوا ابكرامة

اللي خلى الناس يقولون انه ذنكر بترول لان الموتر شب ضو ففكروا انه بترول
الصحيح انه دنكر مجاري

والله يرحم موتى المسلمين

اللي خلنا الناس تقول دنكر بترول
هذه حقيقه ان الكثير بس حاشر نفسه ولا يدري هوا داره
ومهب غريبه
قالها يوسف كمال من زمان والى الان هم في حيره
من سرب الفيديو
السؤال شنهي المشكله ؟؟؟

[حسن]

اتمنى من الاداره اغلاق كافيه المواضيع اللي متعلقه بالحادث

[حمد 2002]

اتمنى من الاداره اغلاق كافيه المواضيع اللي متعلقه بالحادث

ليش ..

[راعي الكورفت]

صعب جدا بل مستحيل يلقون القبض على من ينشر المقاطع للحوادث.


تلاقيهم يحملون المقطع في اليوتيوب تحت اسماء مستعاره وبعدها ينتشر في تويتر وانستجرام وفيس بوك كانتشار الهشيم بالنار.

وين الداخلية تقدر تصيدهم.

ولا حتى الfbi يقدر يعرف من ينشر المقاطع لأن الذين ينشرون المقاطع يستخدمون بيانات غير بياناتهم الاصليه.

[غريب الدّار]

صعب جدا بل مستحيل يلقون القبض على من ينشر المقاطع للحوادث.


تلاقيهم يحملون المقطع في اليوتيوب تحت اسماء مستعاره وبعدها ينتشر في تويتر وانستجرام وفيس بوك كانتشار الهشيم بالنار.

وين الداخلية تقدر تصيدهم.

ولا حتى الfbi يقدر يعرف من ينشر المقاطع لأن الذين ينشرون المقاطع يستخدمون بيانات غير بياناتهم الاصليه.

صح كلامك اخوي بالنسبة للمقاطع مجهولة المصدر

بس هالمقطع تم تصويره بواسطة كاميرا مثبتة للداخلية
واعتقد كل كاميرات الداخلية لها غرفة تحكم او مراقبة

السؤال هو : من سرب المقطع من هناك ؟
مب من نشر المقطع
لان الكل ساهم في انتشار المقطع بشكل او بآخر سواء برودكاست او يوتيوب

لكن شلون تسرب من الداخلية نفسها
هذا السؤال

[A-Alansari]

صعب جدا بل مستحيل يلقون القبض على من ينشر المقاطع للحوادث.


تلاقيهم يحملون المقطع في اليوتيوب تحت اسماء مستعاره وبعدها ينتشر في تويتر وانستجرام وفيس بوك كانتشار الهشيم بالنار.

وين الداخلية تقدر تصيدهم.

ولا حتى الfbi يقدر يعرف من ينشر المقاطع لأن الذين ينشرون المقاطع يستخدمون بيانات غير بياناتهم الاصليه.

5 دقايق يطلعون ip الي نزل منه الفيديو ويعرفون بيتهم وين صاير بالضبط

مب شي صعب حتى لو معلوماته الي مسجله في الموقع مش صحيحه

[حسن]

ليش ..

حمد موضوع انتهي خلاص والشبابا راحو وش الفايده اني اكرر
واعيد وازيد وانتقد وانا اخالف الراي
وناس تقعد تكتب وتحلل كانهم بروفيسرات
وهم مايعرفون من دنكر البترول من المجاري
واتهامات من كل حدب وصوب واثاره بلبله مالنا الى هل السالفه
الصراحه اشوفها كلام اصبح فارغ
بدون منطق وعقل
ويقولن لاتكلمون واهل الميت انتو خليتو فيها ميت


اصحاب المستشارين

علشان جذي الموضوع مافيه الى خلق بلبله
واناوانت وغيري وش يهمني بهذا الفيديو غير بين من المخطى
وشريط يبث في اي حادث خير ياطير
شنهي اساسا المشكله ؟؟؟

[بشائر]

الله يعطيك العافية اخوي عابر سبيل..

بالنسبة لي أرى أن الفيديو لم يظهر المصابين مجرد تصوير من بعيد للواقعة ..
يعني لو صور الشباب الله يرحمهم وهم محروقين بنقول هذا خطأ .. لكن الصورة كانت من بعيد ..
ثانيا: أنا كمواطنة استفدت شيئين من الفيديو اللي شفته :
1 - عرفنا الخطأ من وين بدأ .. والا كانت القلوب بتمتلي غيظ على صاحب الشاحنة باعتباره قاتل ..
2- تطمنت بأن شوارعنا كلها مراقبة بوضوح ولله الحمد ..والأمن منتشر بفضل الله..
3- الصورة كانت للعبرة والعظة ..
المرور ماقصروا ماخلوا شي ماسووه نظموا الشوارع حطوا المخالفات صوروا مابقى غير يسوقون بنا سياراتنا !!

أنا شخصيا نشرت المقطع بين أهلي وقلت لكل وحدة تراوي المقطع لأخوانهم وعيالهم للعبرة .. والله يرحمهم ويغفر لهم ..

[راعي الكورفت]

5 دقايق يطلعون ip الي نزل منه الفيديو ويعرفون بيتهم وين صاير بالضبط

مب شي صعب حتى لو معلوماته الي مسجله في الموقع مش صحيحه

انا دارس networking وهالشي مستحيل.


مستحيل الداخلية تتبع الIP adress لمواقع اليوتيوب ولا يقدرون اصلا يعرفون من محل المقطع.

وحتى مواقع التواصل الاجتماعي مثل الفيس بوك والتويتر والانستجرام فيهم خصوصيه وهايبر سيكورتي مستحيل أحد يخترقهم ويعرف مكان الأشخاص الذين يعلقون أو ينزلون المقاطع إلا الشركه الام نفسها هي الوحيده التي تستطيع تحديد اماكنهم .

لو الشخص نفسه حاط معلوماته للجميع على العام فهذا شي ثاني.

أما المنتديات فيطلع للمراقبين والإداريين أماكن تواجد الأعضاء وكم حساب عندك وحتى الداخلية لاتستطيع معرفة العضو إلا بعدما تأخذ إذن الاداره .:secret:

[حسن]

الله يعطيك العافية اخوي عابر سبيل..

بالنسبة لي أرى أن الفيديو لم يظهر المصابين مجرد تصوير من بعيد للواقعة ..
يعني لو صور الشباب الله يرحمهم وهم محروقين بنقول هذا خطأ .. لكن الصورة كانت من بعيد ..
ثانيا: أنا كمواطنة استفدت شيئين من الفيديو اللي شفته :
1 - عرفنا الخطأ من وين بدأ .. والا كانت القلوب بتمتلي غيظ على صاحب الشاحنة باعتباره قاتل ..
2- تطمنت بأن شوارعنا كلها مراقبة بوضوح ولله الحمد ..والأمن منتشر بفضل الله..
3- الصورة كانت للعبرة والعظة ..
المرور ماقصروا ماخلوا شي ماسووه نظموا الشوارع حطوا المخالفات صوروا مابقى غير يسوقون بنا سياراتنا !!

أنا شخصيا نشرت المقطع بين أهلي وقلت لكل وحدة تراوي المقطع لأخوانهم وعيالهم للعبرة .. والله يرحمهم ويغفر لهم ..

صحيح كلامك وانا اتفق معك

السؤال كم مقطع يصلك في اليوم وتفتحه هذه بعد مهب بخصوصيات ؟؟

ولا احد مايفتح مقطع في خصوصيا اتحدي ولا واحد الكل يفتح وانا منهم

[بشائر]

هههههه غريب الدّار اعترف إما إنك شرطي المرور اللي سرب المقطع أو إنك اللي كنت تسوق الدنكر

وعموما أتفق مع ردودك ..كلها منطقية وفي محلها .

[بشائر]

صحيح كلامك وانا اتفق معك

السؤال كم مقطع يصلك في اليوم وتفتحه هذه بعد مهب بخصوصيات ؟؟

ولا احد مايفتح مقطع في خصوصيا اتحدي ولا واحد الكل يفتح وانا منهم

صادق اخوي حسن ..
وحتى المقطع ماكان فيه خصوصية .. لا وجوه ولا أسماء ..

[كبير المتداولين]

الي صور المقطع وقت الحادث يكون معروف لرجال الاطفاء اقلها يعرفون رقم سيارته لانه المصور وصعب يتتبعون انتشار الفيدو لانه ينتشر بالثانيه عند ملايين البشر بالوتس والتويت وغيرها وهذا امر يستحيل تتبعه ومعرفه من بدى النشر

تصوير الجثه جريمه

ولاكن تصوير الحادث امر توعوي وتحذيري ليعتبر الناس منه

[دايموند]

القانون لا يجرم تصوير الحوادث

[بانغ بانغ]

ما شاء الله كل واحد اشتغل المحقق كونان ,,,

الله يرحمهم

اصلا اللي صور واحد اما من الشرطة او المطافي لان محد يتجرأ وايقرب من شاحنة محترقة كنوع من الفضول ...

[العقل المدمر]

ماشوف المقطع فيه انتهاك خصوصية لان مابين فيه اشخاص بين الحادث نفسه
بعدين اللي يقولون احترموا شعور الاهل .. اول شي مافي حد غبي بيطرش المقطع حق الاهل
ثاني شي اذا صار بالغلط فالاهل المفروض يكونون في عزا ومب حول مقاطع يفتحونها خصوصا وهم يدرون انه مقطع ولدهم
اما يقرون العنوان ويفتحونه ويتفرجون وعقب يقولون عورتوا قلوبنا وماحترموا مشاعرنا ؟!
يعني من شوي قاعدة اشوف المقاطع عالانستقرام ووحدة من هله ماخلت مقطع حق الحادث مادخلته وقالت احذفوه واحترمونا
رايحة حق المقاطع بنفسها واحد ورا الثاني محد طقها ولا طرشه لها وتلوم الناس ليش حاطينه .. صج متفرغة والله

[عاشق العديد]

ماشوف المقطع فيه انتهاك خصوصية لان مابين فيه اشخاص بين الحادث نفسه
بعدين اللي يقولون احترموا شعور الاهل .. اول شي مافي حد غبي بيطرش المقطع حق الاهل
ثاني شي اذا صار بالغلط فالاهل المفروض يكونون في عزا ومب حول مقاطع يفتحونها خصوصا وهم يدرون انه مقطع ولدهم
اما يقرون العنوان ويفتحونه ويتفرجون وعقب يقولون عورتوا قلوبنا وماحترموا مشاعرنا ؟!
يعني من شوي قاعدة اشوف المقاطع عالانستقرام ووحدة من هله ماخلت مقطع حق الحادث مادخلته وقالت احذفوه واحترمونا
رايحة حق المقاطع بنفسها واحد ورا الثاني محد طقها ولا طرشه لها وتلوم الناس ليش حاطينه .. صج متفرغة والله

والله مادري اضحك ولا اصيح ..

تنشرون مقاطع لحادث ولدهم ويشوفونه وتقولين لايفتحون .؟

[غريب الدّار]

هههههه غريب الدّار اعترف إما إنك شرطي المرور اللي سرب المقطع أو إنك اللي كنت تسوق الدنكر

وعموما أتفق مع ردودك ..كلها منطقية وفي محلها .

على راسي والله يالشيخة بشاير
يمكن انا راعي الدنكر الاولي اللي طاف :)




اصلا اللي صور واحد اما من الشرطة او المطافي لان محد يتجرأ وايقرب من شاحنة محترقة كنوع من الفضول ...
الحبيب الغالي بانغ بانغ
المقطع اللي انتشر تم تصويره بواسطة كيمرة امثبتة
انا مادري اي مقطع او صور تقصد
لان المقطع المشهور الحين هو مقطع كيمرة الداخلية

[بانغ بانغ]

على راسي والله يالشيخة بشاير
يمكن انا راعي الدنكر الاولي اللي طاف :)
.

الحبيب الغالي بانغ بانغ
المقطع اللي انتشر تم تصويره بواسطة كيمرة امثبتة
انا مادري اي مقطع او صور تقصد
لان المقطع المشهور الحين هو مقطع كيمرة الداخلية

هلا بشيخنا ... عجل انت ما شفت صورة الجثة متفحمة في السيارة ..

تصوير كيمرا جوال

[غريب الدّار]

هلا بشيخنا ... عجل انت ما شفت صورة الجثة متفحمة في السيارة ..

تصوير كيمرا جوال
اها

لا والله ماشفتها يابانغ ومادري من مصور بالضبط

[R 7 A L]

القانون لا يجرم تصوير الحوادث

والي طلع من شهر وشو ؟

[بانغ بانغ]

اها

لا والله ماشفتها يابانغ ومادري من مصور بالضبط

اي والله واضحة ان تبي ارسلها خاص قولي

اشكره حد من اللي كانوا قراب من الامن لان الموقع بيكوت امطوق اكيد ومحد بيقرب من الخوف

[alflasi]

مادري انا ماشوف فيها شي الفيديو

لا في شكل الضحايا ولا في اساءه لهم انما لاخذ العبره

ياما كانت هنالك برامج عن الحواداث المروريه ويحطون مقاطع لتصوير الكاميرات المراقبه لحظه وقوع الحادث شالمشكله !!!

السلام عليكم ورحمة الله وبركاته ،،،

أنا معك أخي الكريم ولا أرى في نشر الفيديو من كاميرات المراقبة فيه مشكلة وذلك لهدف العبرة والعظة أما من نشر صور الضحايا فهذا غير مقبول أطلاقاً ولا ينم عن وعي وأحساس إنساني كما أن تواجد رجال الأمن وسماحهم بتصوير المشاهد سواء لشخص عادي او لأحد من رجال الامن يعد تعدياً على كل القوانين المدنية والاعراف الانسانية ،،

[Laffan]

ما شاء الله كل واحد اشتغل المحقق كونان ,,,

الله يرحمهم

اصلا اللي صور واحد اما من الشرطة او المطافي لان محد يتجرأ وايقرب من شاحنة محترقة كنوع من الفضول ...

أتفق معاك 100% خصوصا الصور بعد ماطفوا الحريق

[@north_star@]

الفيديو وتفاصيل الحادث موجودين على موقع qatar day واللهم ارحمهم وصبر ذويهم

[Riku3]

انا لله وانا اليه راجعون .. الله يرحمهم ويصبر اهلهم ..

ما شاء الله كل واحد اشتغل المحقق كونان ,,,

الله يرحمهم

اصلا اللي صور واحد اما من الشرطة او المطافي لان محد يتجرأ وايقرب من شاحنة محترقة كنوع من الفضول ...
انا كان رايي امس مختلف عن اليوم .. امس بس شفت المقطع الرسمي وقلت معليه كان لوقف الشائعات وللعبرة وعلشان يترحم عليهم الناس ..

اما المقطع الثاني اليوم اعوذ بالله وحسبي الله ونعم الوكيل في الي صورهم .. لازم كل الي كانوا موجودين يتعاقبون لان ما وقفوا هالشخص وهو يصور وكسروا الجوال على يبهته !! .. وما اعتقد شخص عادي بيقرب من الحادث مع كل هالامن المتواجد ويصور !! .

[SouthK]

من امن العقوبة اساء الادب .. خل يدورون من اللي سرب المقطع و اذا صادوه يصير خير!!

[عابر سبيل]

ماشوف المقطع فيه انتهاك خصوصية لان مابين فيه اشخاص بين الحادث نفسه
بعدين اللي يقولون احترموا شعور الاهل .. اول شي مافي حد غبي بيطرش المقطع حق الاهل
ثاني شي اذا صار بالغلط فالاهل المفروض يكونون في عزا ومب حول مقاطع يفتحونها خصوصا وهم يدرون انه مقطع ولدهم
اما يقرون العنوان ويفتحونه ويتفرجون وعقب يقولون عورتوا قلوبنا وماحترموا مشاعرنا ؟!
يعني من شوي قاعدة اشوف المقاطع عالانستقرام ووحدة من هله ماخلت مقطع حق الحادث مادخلته وقالت احذفوه واحترمونا
رايحة حق المقاطع بنفسها واحد ورا الثاني محد طقها ولا طرشه لها وتلوم الناس ليش حاطينه .. صج متفرغة والله

اول سي أبشرج...
الأغبياء أكثر مما تتخيلين!!

ثاني شي...
و السؤال مش شرط اتجاوبينه و لا هو مخصص لج..
بس كتعليق على ردج..

أحلفج بالله..
لو ان اي من الفقيدين كان يقرب لج..
او امه او ابوه..من هلج..
او ولد صديق..او ولد جار...

هل هذا بيكون موقفج من الصور/الفيديوهات
و نشرها..


أعيد و اكرر..

من حق الجهات الرسمية -بحكم سلطاتها القانونية-
تركيب الكاميرات و التصوير...

بس السؤال:
هل خولهم القانون نشرها كمادة إعلامية
من خلال "السوشال ميديا"؟؟

اخذا في الاعتبار صغر حجم المجتمع
اللي كما قلت..اغلبنا بشكل او بآخر..يقرب او يعرف
على الأقل..لأحد من أباء الضحيتين..

[شيخ الديرة]

القانون يقول ان تصوير الحوادث دون اذن اهل المصاب او المتوفي فعل يعاقب عليه القانون

التصوير الرسمي من اجل حفظ الأمن وتحليل ازدحام الطرق, وليس لغرض تصوير الحوادث حصرا

لا تنسى ان السلطات تستوجب وضع كاميرات مراقبة في كل مكان عام, من البقالة وانت صاعد

[الحياة الخالدة]

و هذا اللي نقوله من امس
في مقطع للمتوفين جثة متفحمة
هذيلا اللي يقولون عادي .. لو كان المحترق من اهلهم هل بيتمون على نفس الراي والا بيتغير موقفهم ؟؟
لحد يقص على عمره يعني

[عابر سبيل]

و هذا اللي نقوله من امس
في مقطع للمتوفين جثة متفحمة
هذيلا اللي يقولون عادي .. لو كان المحترق من اهلهم هل بيتمون على نفس الراي والا بيتغير موقفهم ؟؟
لحد يقص على عمره يعني

من هالزاوية..
اختنا الكبيرة و مشرفتنا..

انا اعتقد ان فيه بعض الردود -هنا- اللي غاب عنها
استشعار مشاعر من نعنيهم من ذوي المتوفيين..

مثل التطنز و التندر -بلاداعي- على نوع التانكر الخ الخ..

و اللي اعتقد تحتاج تدخل جراحي اشرافي..

و القرار لكم

[العقل المدمر]

والله مادري اضحك ولا اصيح ..

تنشرون مقاطع لحادث ولدهم ويشوفونه وتقولين لايفتحون .؟

اولا انا مانشرت ولا علقت على اي فيديو او صورة تخص اي حادث عشان تقول "تنشرون"
ثانيا اي بتكلم وبقول لا يفتحون المفروض اذا هم في حالة عزا مب فاضيين حق فيديوهات ومقاطع يتفرجون عليها
وانا اتكلم عن مثل هالبنت واللي اكيد في غيرها سوى مثلها
يعني لقيت ردودها على فوق 5 فيديوهات مب من قطر اصلا
دخلت على هاشتاق حادث ولقيت الفيديوهات وادخل على واحد واحد القى ردودها
شهالفراغة اللي تخليها وهي في قمة حزنها تروح تدور عالفيديوهات عشان تكتب لهم احذفوه واحترموا مشاعرنا ؟
هي بروحها ماحترمت مشاعرها وقامت تدور وتنبش ومن حساب لين حساب تكتب لهم
اللي فحالتها المفروض قاطة جوالها على صوب ولا لها خلق حد مب تدش تدور فانستقرام من حاط الفيديو !!

[العقل المدمر]

اول سي أبشرج...
الأغبياء أكثر مما تتخيلين!!

ثاني شي...
و السؤال مش شرط اتجاوبينه و لا هو مخصص لج..
بس كتعليق على ردج..

أحلفج بالله..
لو ان اي من الفقيدين كان يقرب لج..
او امه او ابوه..من هلج..
او ولد صديق..او ولد جار...

هل هذا بيكون موقفج من الصور/الفيديوهات
و نشرها..


أعيد و اكرر..

من حق الجهات الرسمية -بحكم سلطاتها القانونية-
تركيب الكاميرات و التصوير...

بس السؤال:
هل خولهم القانون نشرها كمادة إعلامية
من خلال "السوشال ميديا"؟؟

اخذا في الاعتبار صغر حجم المجتمع
اللي كما قلت..اغلبنا بشكل او بآخر..يقرب او يعرف
على الأقل..لأحد من أباء الضحيتين..

ماجاوبت الا بعد ما حطيت نفسي فالموقف
واحد المتوفين الله يرحمهم من اهلنا البعاد
وطبعا اتكلم عن التصوير اللي من بعيد ويصور الحادث بس
انا ماشفت صور الجثث مثل ما قالوا وهالشي اكيد محد يرضاه لا اهل المتوفين ولا حتى الغرب
بس الحادث بالعكس الواحد يشوفه ويتعظ ويخاف ويحاسب وممكن ما ينساهم ويتم في باله ويدعي لهم دايما

[Class - Qtr]

السلام عليكم

الله يرحمهم ويتجاوز عنهم ويصبر اهلهم واصدقاء المتوفين

وبس

[<اضرب واشرد>]

ماشوف المقطع فيه انتهاك خصوصية لان مابين فيه اشخاص بين الحادث نفسه


خارج الموضوع: أنا أتجنب قراءة ردودك ربما لأن اللون متعب للعين والعقل

[العقل المدمر]

خارج الموضوع: أنا أتجنب قراءة ردودك ربما لأن اللون متعب للعين والعقل

كلامي من ذهب لازم الواحد يجتهد عشان يقراه :shy:

[بومحمد المطاوعه]

اتمنى اغلاق الموضوع

لطفآ واحترامآ لصاحب الموضوع
ولاهل المتوفي

[R 7 A L]

خارج الموضوع: أنا أتجنب قراءة ردودك ربما لأن اللون متعب للعين والعقل

مو انت بروحك العديد من الاعضاء والزوار كذلك راح شوفهم من لون خط الاخت فالله

[<اضرب واشرد>]

كلامي من ذهب لازم الواحد يجتهد عشان يقراه :shy:

اوووكي تقدرين تفرضين رسوم $$ على قراءة ردودك بس لاتقربين من صحتنا وراحتنا :tease:


مو انت بروحك العديد من الاعضاء والزوار كذلك راح شوفهم من لون خط الاخت فالله

أنا والله ما أقرا ردودها الطويلة، أقرا أول جملتين وأطوف
للأسف يعني

[بومحمد المطاوعه]

http://store1.up-00.com/2015-10/1445857672131.jpg (http://www.up-00.com/)

[العقل المدمر]

مو انت بروحك العديد من الاعضاء والزوار كذلك راح شوفهم من لون خط الاخت فالله


اوووكي تقدرين تفرضين رسوم $$ على قراءة ردودك بس لاتقربين من صحتنا وراحتنا :tease:



أنا والله ما أقرا ردودها الطويلة، أقرا أول جملتين وأطوف
للأسف يعني


هاللون اوكي ؟ :weeping:

[<اضرب واشرد>]

هاللون اوكي ؟ :weeping:

ماشي الحال :omen2:

[عابر سبيل]

http://store1.up-00.com/2015-10/1445857672131.jpg (http://www.up-00.com/)

إذا حضر الماء بطل التيمم..

آخر شي ودي اقوله
للمسؤولين بالداخليه..
او هي امنية من القلب..
اتمنى ان تصل المعنيين منهم

ان كان الذي تتكلمون عنهم موظفين من وزارتكم..
و لم تجدوا عليهم سوء قصد
بل
حسن نية
مع
سوء تقدير..

فيرجى عدم التشدد في العقاب ..

وفق الله الجميع

[بشائر]

و هذا اللي نقوله من امس
في مقطع للمتوفين جثة متفحمة
هذيلا اللي يقولون عادي .. لو كان المحترق من اهلهم هل بيتمون على نفس الراي والا بيتغير موقفهم ؟؟
لحد يقص على عمره يعني

الله المستعان ماكنت أدري أنهم مصورين الجثث المحروقة !!!
حسبنا الله ونعم الوكيل ! وأنا أقول ليش قلوبكم محترقة عليهم !! أثر السالفة كذا !

ردي وأظن رد بعض الأعضاء كان تحديدا عن المقطع المصور بكاميرة المرور وقت التصادم بس !
وكان مقطع عادي مجرد تصادم لا مبين فيه أشخاص ولا جثث محروقة ..
وهذا اللي وصلني .. الله يرحمهم ويغفر لهم ..





اول سي أبشرج...
الأغبياء أكثر مما تتخيلين!!

ثاني شي...
و السؤال مش شرط اتجاوبينه و لا هو مخصص لج..
بس كتعليق على ردج..

أحلفج بالله..
لو ان اي من الفقيدين كان يقرب لج..
او امه او ابوه..من هلج..
او ولد صديق..او ولد جار...

هل هذا بيكون موقفج من الصور/الفيديوهات
و نشرها..


أعيد و اكرر..

من حق الجهات الرسمية -بحكم سلطاتها القانونية-
تركيب الكاميرات و التصوير...

بس السؤال:
هل خولهم القانون نشرها كمادة إعلامية
من خلال "السوشال ميديا"؟؟

اخذا في الاعتبار صغر حجم المجتمع
اللي كما قلت..اغلبنا بشكل او بآخر..يقرب او يعرف
على الأقل..لأحد من أباء الضحيتين..

لا إله إلا الله ..
أخوي عابر والله معك حق في كل اللي قلته دامهم مصورينهم بذيك الحالة !
فلاحول ولاقوة إلا بالله .. وهالشي مايرضاه حد على نفسه ولا على هله .. وماهو من حق اللي صور أبدا ..
وأكيد لازم الشخص اللي تعمد ينشر صورهم يأخذ عقوبته ..
أتخيل حال أمهم وأبوهم وهم يشوفون صور عيالهم الله يرحمهم بهالهئية ! الله يصبرهم ويعينهم فعلا بتكون الصور مؤلمة جدا لهم ..
جزاك الله كل خير ياعابر سبيل أنت وكل من استنكر هالفعل المشين !!
وصل صوتكم ولله الحمد ومثل ماشفت هنا تجاوب إدارة المرور كان سريع جعل ربي الله يبارك فيهم ..

[بشائر]

إذا حضر الماء بطل التيمم..

آخر شي ودي اقوله
للمسؤولين بالداخليه..
او هي امنية من القلب..
اتمنى ان تصل المعنيين منهم

ان كان الذي تتكلمون عنهم موظفين من وزارتكم..
و لم تجدوا عليهم سوء قصد
بل
حسن نية
مع
سوء تقدير..

فيرجى عدم التشدد في العقاب ..

وفق الله الجميع

رد حكيم .. الله يجزيك الجنة .

[<اضرب واشرد>]

اللي صور الجثث غلطان ويحاسب أما نشر فيديو الرادار مافيه شي بل مفيد
الأهل أكيد شافوا الجثة قبل الدفن وبعضهم ربما لم يرد مشاهدتها كي لايتألم، ومثل ذلك: فيديو الحادث، من أراد مشاهدته يفعل ومن لايستطيع لايفعل وانتهى

وبالإمكان اختصار البلبلة بأن يطلب موافقة والدي المتوفي بنشر الفيديو وإقناعه بأن فيها عظة للغير إلخ. فإن وافقا وإلا لاينشر. أو ينشر بعد تظليل سيارة الشباب


رحم الله المتوفين وصبر أهاليهم

[RE-Qatar]

http://store1.up-00.com/2015-10/1445857672131.jpg (http://www.up-00.com/)

فيديو حادث التقاطع عادي من بعيد
لكن اللي أصعب صور المتوفيين داخل السيارة الله يرحمهم ويغفر لهم
لازم يتحاسب المصور اللي صور المنوفين من قريب

[white bird]

مقطع من الاشارة (قبل التصادم لين الحريق) ومقطع من بعيد مايبين فيه شي ومقطع أخير والمطافي يطفون الحريق....

يمهل ولا يهمل :) رسالة للي نشرو المقاطع
ماتخافون بكره ربك يبتليكم باللي يصور والديكم وهم يموتون ولا عيالكم ؟ أو يصوركم ويحرق قلوب أهلكم عليكم ؟
....
:(

👌🏻

[المثابر2010]

رحم الله المتوفين وصبر أهاليهم

[رحال الدوحه]

"

معاقبة مصوري المتوفين والمصابين بالحوادث دون موافقة

ثانيا- الموافقة على مشروع قانون بتعديل بعض أحكام القانون رقم ( 11) لسنة 2004 بإصدار قانون العقوبات.
ويهدف التعديل المقترح أساسا الى معاقبة كل من يلتقط أو ينقل صورا للمصابين أو المتوفين في الحوادث دون موافقة من يمثلهم ،عن طريق جهاز أيا كان نوعه.

"

لم يمر سوى شهر واحد على الكلام أعلاه
و الذي صدر في اجتماع رئاسة الوزراء المؤرخ في
16/9/2015

و رغم كثرة الصور و الحوادث التي تلته
و رغم نشر شيء من السور عنها..

إلا أن ما ميز الحادث الأخير الذي وقع
الجمعة الماضية 23/10/2015

هو مقطع الفيديو.. الذي نظن انه من كاميرا "رسمية"
مثبتة على التقاطع الذي وقع فيه الحادث..

و انتشر المقطع عبر كافة وسائل التواصل
و أُقحم في جوالاتنا و اقض مضاجعنا و آلمنا..
حيث ان كثير منا يعرف و يقرب لأحد ذوي الضحيتين..
بشكل او آخر..

المهم..
ان كان "الظن" صحيحا
و المقطع هو من فعلا من كاميرا رسمية


فانا اتسائل..
هل يستحق من نشره على الملأ
محاسبة قانونية؟؟

السلام عليكم ورحمة الله وبركاته ،،

يصبحكم بالخير ويوفقكم ، والله يرحم ويغفر لموتانا وموتى المسلمين اجمعين
واسأل الله يصبر اهالي المتوفين واحسن الله عزاهم ..

" الداخلية ": ضبط من قاموا بنشر مقطع فيديو حادث "شمال دحيل"

المصدر ( فضلاً اضغط هنا ) (http://www.al-sharq.com/news/details/380039#.Vi6qfdIrJkg)

[شيخ الديرة]

انا دارس networking وهالشي مستحيل.


مستحيل الداخلية تتبع الIP adress لمواقع اليوتيوب ولا يقدرون اصلا يعرفون من محل المقطع.

وحتى مواقع التواصل الاجتماعي مثل الفيس بوك والتويتر والانستجرام فيهم خصوصيه وهايبر سيكورتي مستحيل أحد يخترقهم ويعرف مكان الأشخاص الذين يعلقون أو ينزلون المقاطع إلا الشركه الام نفسها هي الوحيده التي تستطيع تحديد اماكنهم .

لو الشخص نفسه حاط معلوماته للجميع على العام فهذا شي ثاني.

أما المنتديات فيطلع للمراقبين والإداريين أماكن تواجد الأعضاء وكم حساب عندك وحتى الداخلية لاتستطيع معرفة العضو إلا بعدما تأخذ إذن الاداره .:secret:

أثبتت الأخبار انه بالامكان التتبع. لا تنسى ان كل عملية انترنتية تمر عن طريق خوادم اوريدو وفودافون قبل ان تصل يوتيوب, واذا كان من حمل الفيديو شاطر ويستخدم طرق ملتويه, فأن من يرسل لهم رابط الفيديو ليسو كذلك.

تقنيا, يمكنك معرفة أي بي اول عشر اشخاص وصلوا الى فيديو معين, ومنهم تعرف من نشره

[بومحمد911]

الله يرحمهم برحمته ويغفر لهم

[غريب الدّار]

ياجماعة في نقطتين بس :

اول نقطة : الخبر يقول ان تم القاء القبض على نشر فيديو الحادث
اذا كان المقصود الفيديو اللي تصور بكاميرا المراقبة فهذا يعني ان الصحيح هو :
القاء القبض على من سرب المقطع (لأن وايد ناس ساهموا في نشره بشكل أو بآخر)
اعتقد كلامي واضح
مقطع مثل اللي انتشر محد يقدر يسربه الا اذا كان له access على النظام نفسه
الانتشار صار بعدين

ثاني نقطة : الخبر يقول :
وكانت منطقة الدحيل قد شهدت حادثا أليما أسفر عن وفاة شابين ، وذلك بعد سقوط شاحنة محملة بالوقود على سيارتهم من فئة الدفع الرباعي مما أدى إلى إحتراقهم داخل السيارة، وقد سبب إنتشار مقطع الفيديو الذي يصور الحادث ألما كبيرا لعائلة المتوفين


شاحنة محملة بالوقود؟؟ على حسب ماشفنا وعرفنا ان الشاحنة كانت شاحنة (او تنكر) مجاري وانتوا ابكرامة !!

الجريدة نقلت الكلام من الواتس اب ولا وشو ؟

المشكلة ان وجود نقطة غير دقيقة في المقال قد تطعن في المقال بالكامل

وطبعا مسألة القاء القبض على من نشر الفيديو هذا خبر اكيد لان الداخلية بنفسها أعلنت هالشي عى تويتير

[دايموند]

انا شخصيا متعاطفه مع من نشر الفيديو المسرب لان فعلا بوجهه نظري الموضوم مايستاهل

والقانون يجرم تصوير الموتى والمصابين و(المشاجرات مش متأكده) لكن ماجرم تصوير الحوادث !!!!!


اتمنى غلق الموضوع لان اخذ كفايته من النقاش...

[السكين]

انا شخصيا متعاطفه مع من نشر الفيديو المسرب لان فعلا بوجهه نظري الموضوم مايستاهل

والقانون يجرم تصوير الموتى والمصابين و(المشاجرات مش متأكده) لكن ماجرم تصوير الحوادث !!!!!


اتمنى غلق الموضوع لان اخذ كفايته من النقاش...

القانون وإن كان لا يجرّم الحوادث أنا بظني المقصود إنه يجرم تسريب مادة خاصة بالوزارة ، دون إذن أن تصريح .

أنا أول شي أترحم على كل من توفى والله يصبر أهلهم ,, وأنا من وجهة نظري أشوف الخطأ هو تصوير الجثث .. أما الحوادث اللي من كاميرات الدولة ولا تظهر أي خصوصية أشوفها توعوية .. الموضوع حساس شوي لأنه المجتمع القطري صغير جداً ويخضع لعادات وتقاليد تستهجن نشر هالأمور أكثر من أي مجتمع آخر وأقصد فيديو الكامير العلوية فقط .. الخبر انتشر بصورة كبيرة وسريعة ، وما زاد الطين بلة صور المتوفين .

خلاصة الموضوع أتمنى من الجميع الحذر والحذر .. شفت الفيديو وقعدت ارجع فيه بالعكس وأتحسف وأقول سبحان الله ثانية كانت الفاصلة بين الحياة والموت ولكن لا مفّر من قضاء الله وقدره.

ارجو الدعاء لهم الآن ، ومن عنده أي ملاحظة وان كانت بمحلها فقط ايصالها بطريقة لبقة وراقية إحتراماً لأرواحهم وذويهم .

[دوحة العز]

ارايتم ام مرت على حادث ابنها تصوره وتدعي الله ان يحفظهم ولا تعلم انه حشاشة جوفها تلك هي الام الصابره الله يرحمهم ويخفف على امهاتهم آمين يارب العالمين