هذا الموضوع من أجل تكريم الاباء والامهات .. شاركنا باحلى ذكرياتك معاهم او احلى موقف

[راعي النيسان]

السلام عليكم شباب وبنات .. طبعا هذه مشاركتي رقم 400 بالمنتدى لحد الحين ،، وحبيت تكون هذه المشاركة مميزة بشكل خاص وباسلوب ثاني عن باقي مواضيعي اللي طافت ..

كثير منا يعرف بأن الاباء والامهات لهم دور كبير وفضل ما ينذكر لما أحنا فيه الحين ..

وانا اهدي هذا الموضوع للوالد الله يرحمه ولكم بشكل عام .. واتمنى من الجميع هالمرة ومثل كل مرة المشاركة ...

ذكرياتي مع الوالد الله يرحمه يوم كنت صغير ،،،

كان ذاك الوقت سوق واقف اهو سيتي سنتر الدوحة ايام زمان ،، المهم كنت اروح مع الوالد وبالتحديد محلات العطورات ، والوالد كان يحب البخور والعود فوق اي شي في هذه الدنيا ، فالغريب في واحد من المحلات كان جايب جذع عود كامل ويعني كل من شافه بالسوق قاعد يطالعه لانه كان شكله مميز ،، وطبعا الوالد الله يرحمه كان غرامه العوود ، وعلى قولة القايل تعلق بالجذع ( الحب من أول نظرة ) وعزم إلا يشتريه ،، بس الشياب دايما لهم نظرة وما ينقص عليهم بسهولة ،، داخل الوالد المحل وقاعد يتقاصص مع الهندي بالمحل على سعر الجذع منيه ومناك قاله سعره النهائي 10 الاف ريال على ايام قبل المبلغ ذيه وايد كبير :D ، بس ابوي كان مستغرب انه ليش الهندي من سعر 15 الف نزل له 5 الاف ريال مرة وحدة ، وشال الجذع وقاعد يقلب فيه يمين وشمال والهندي بدا عليه التوتر ، ويقول حق الوالد بابا ما في خوف هذا اصلي يجي من كمبوديا على طول من شجره ... وقام الوالد يقوله مب مشكله انا خلاص بشتريه منك مافي مشكلة ،، وكان يقوم الوالد ويرضخ بالجذع بالارض ، ويتكسر الجذع بالنص ،،

تدرووون شنو لقينا لقينا الجذع خشب محروق ومصبوع ومرشوش بدهن عود واول ما انكسر الجذع طلع من الداخل كله خشب اصفر ،،،

كان يمسك الوالد الهندي ويطقه طق ويلعن الطيب مافيه ويبلغ الشرطة ،، وصارت سالفة في السوق ذاك اليوم ،، حتى اذكر انه الجرايد جاءت وسوت لقاء مع الوالد بتفاصيل القصة ...

وانا لذاك اليوم لحد الحين ما عرفت الوالد الله يرحمه شلون عرف انه الجذع مغشوش ، مع انه شكله والله والله ما يبين انه لا محروق ولا مرشوش ،، بس الشياب دايما عندهم نظرة احنا عمرنا ما راح نقدر نتعلمها بين يوم وليلة ...

هذه موقف من المواقف الكثيرة مع الوالد الله يرحمه ،،، والدور عليكم يالطيبين :nice:

[ضوى]

السلام عليكم ورحمة الله وبركاته
هذي وقفة حق لأبائنا وامهاتنا ولا توفيهم حقوقهم بكل تأكيد

موقف ابكاني جدا ، كنت في يوم من الأيام مريضة جدا وصعدت إلى غرفتي دون ان امر على ابي وكان وقتها مريضاً جدا وقد استفحل السرطان من جسده النحيل ( يرحمه الله ) ولكن عنما افتقدني عالغداء صعد وهو المريض إلى غرفتي وضمني بحنان ففاضت عيني بالدموع واقسمت الا اكررها ولكن ذهب الغالي واتمنى أن يكون علي راضي ، مع اني لست الوحيده فنحن سبعة اخوة وثلاث اخوان ولكنه كان يفضلنا جميعاً ولم يفرق بين بنت وولد او بنت وبنت فليرحمك الله يا غلا عمري كله

موقف اخر مع والدتي رحمها الله واسكنها جنته ، فقد كانت في مرض الموت ولم نعرف السبب حتى الأن خمسة ايام في المستشفى والخامس ماتت فيه يوم جمعه ، اتذكر ليله الوفاه ضمت يدي بقوه وقالت لي لا تدعيهم يعطونني الأبره يا حبيبتي ايه والله قالت يا حبيبتي انها توجعني وبكت وبكيت معها ولم استيطع ان اصبرها او اصبر نفسي فقد ماتت وتركتنا فليرحمك الله يا غلا عمري كله فهذان الموقفان هما الموجعان في حياتي كلها

[راعي النيسان]

السلام عليكم ورحمة الله وبركاته
هذي وقفة حق لأبائنا وامهاتنا ولا توفيهم حقوقهم بكل تأكيد

موقف ابكاني جدا ، كنت في يوم من الأيام مريضة جدا وصعدت إلى غرفتي دون ان امر على ابي وكان وقتها مريضاً جدا وقد استفحل السرطان من جسده النحيل ( يرحمه الله ) ولكن عنما افتقدني عالغداء صعد وهو المريض إلى غرفتي وضمني بحنان ففاضت عيني بالدموع واقسمت الا اكررها ولكن ذهب الغالي واتمنى أن يكون علي راضي ، مع اني لست الوحيده فنحن سبعة اخوة وثلاث اخوان ولكنه كان يفضلنا جميعاً ولم يفرق بين بنت وولد او بنت وبنت فليرحمك الله يا غلا عمري كله

موقف اخر مع والدتي رحمها الله واسكنها جنته ، فقد كانت في مرض الموت ولم نعرف السبب حتى الأن خمسة ايام في المستشفى والخامس ماتت فيه يوم جمعه ، اتذكر ليله الوفاه ضمت يدي بقوه وقالت لي لا تدعيهم يعطونني الأبره يا حبيبتي ايه والله قالت يا حبيبتي انها توجعني وبكت وبكيت معها ولم استيطع ان اصبرها او اصبر نفسي فقد ماتت وتركتنا فليرحمك الله يا غلا عمري كله فهذان الموقفان هما الموجعان في حياتي كلها

مشكورة يا أخت آية على المرور الطيب والله يرحم والديك دنيا وأخرة ان شاء الله omen ،،

[خاربه خاربه]

الموضوع حلو وايد وانا وحده ما استحمل اني اقرا اللي بينكتب

فأعذرني لعدم المشاركه crazy

[راعي النيسان]

الموضوع حلو وايد وانا وحده ما استحمل اني اقرا اللي بينكتب

فأعذرني لعدم المشاركه crazy


هلا خاربة ،، مشاركتك معاي في الموضوع على العين والراس ، حتى لو ماكتبتي شي ،، بس مثل ماقلت انه الاهل لهم فضل كبير لما احنا فيه الحين ،، وهذه شي بسيط بسيط يعوض عن اللي عملوه لنا حتى نتذكرهم فيه ..

وعلى العمووووم مشكوووووووورة على المرور :D