سيارات جديدة معروضة للبيع بخسارة !!؟؟

[مشاكل]

مجرد نزول موديل جديد او تغيير بسيط في اي سيارة ،،، تلاحظ كثير من الناس وخصوصاً فئة الشباب يعرضون سياراتهم للبيع وبخسارة !!!
اي واحد منكم ممكن يمر على معارض طريق سلوى او يدخل موقع قطر سيل بيشوف كميات كبيرة من السيارات توها جديدة معروضة للبيع وطبعاً بخسارة عن السعر اللي شراه من الشركة مب اقل من 20 الى 40 الف ريال !!!
كل هذا علشان تغييرات بسيطة فالموديل الجديد
وحتى لو افترضنا ان التغيير كان جذري
هل يستدعي الامر أني ابيع سيارتي الجديدة بخسارة مع انها توها جديدة ومافيها عيوب ،، بس علشان تغير شكل الموديل الجديد
ولماذا بلغت الاستهانة بخسارة الاموال الى هذا الحد ؟

[بوخالد911]

حب المظاهر

[البحار00]

شريت سيارة موديل 2015 أصفار
قبل 3 شهور سعرها مع الخصم 205

خذتها أصفار ب 170 الف

[رفيع الهامه]

مجرد نزول موديل جديد او تغيير بسيط في اي سيارة ،،، تلاحظ كثير من الناس وخصوصاً فئة الشباب يعرضون سياراتهم للبيع وبخسارة !!!
اي واحد منكم ممكن يمر على معارض طريق سلوى او يدخل موقع قطر سيل بيشوف كميات كبيرة من السيارات توها جديدة معروضة للبيع وطبعاً بخسارة عن السعر اللي شراه من الشركة مب اقل من 20 الى 40 الف ريال !!!
كل هذا علشان تغييرات بسيطة فالموديل الجديد
وحتى لو افترضنا ان التغيير كان جذري
هل يستدعي الامر أني ابيع سيارتي الجديدة بخسارة مع انها توها جديدة ومافيها عيوب ،، بس علشان تغير شكل الموديل الجديد
ولماذا بلغت الاستهانة بخسارة الاموال الى هذا الحد ؟


هذولا الله يسلمك عقول فارغه و عدم احساس بالمسؤليه و النعمه اللي انعم الله عليهم بها

[بانغ بانغ]

والله هذول احسن ناس ...

صيدة اتوفر عليك مبالغ طائلة خاصة اللي عندهم مواتر سبورت

عاد هو وقلعته مع فلوسه اهم شي ا" للءطة "

[مختلفة عقليا]

السلام عليكم

الفراغ يا اخوي الفراغ

مساكين والله يقيسون قيمتهم بما يملكون ., حرام والله

ويسلموو

[حسن]

السلام عليكم

الفراغ يا اخوي الفراغ

مساكين والله يقيسون قيمتهم بما يملكون ., حرام والله

ويسلموو

لا لا

اولا الرواتب العاليه

:victory:

ثانيا عقول فارغه

ثالثا

كلامك صح

كثره البيزات بعد ليش يبيع سياراته كل مانزل خط في الموتر
زمان ايام التقشف كان اذا الصدام مدعوم
مايصلح ولا يبدل يتم يتمشى بموتره
الحين شمخ يبدل سيارته

:victory:

نسيت اقول انعدام الاحساس بالنعمه
لان الحكومه عودتهم انها بتدفع عنهم كل شي
ماهو انا عندي جواز عنابي

:victory:

[khaldoon]

هذولا الله يسلمك عقول فارغه و عدم احساس بالمسؤليه و النعمه اللي انعم الله عليهم بها

كلام من الاخر و ما في بعد هالكلام كلام

[راعي الكورفت]

أعتقد تقصد اللاندكروزر الشكل الجديد الي ماتغيير فيه غير الاصطابات والليتات الخلفيه ههههه

كثير من الشباب عارضين موديلات 2015 بنص القيمه عشان ياخذله التشكيله الجديده.


ياكثر المعروضين من موديلات 2015-2014 في المعارض وما ماشين شي.


طغى على شبابنا ظاهرة حب التغيير ومواكبة العصر والتمييز والفشخره بأشياء توصف بالتافهه

[A-Alansari]

والله ياخوي في ناس عندها خير وتبي تبيع مواترها بسرعه وتشتري الجديد وتلاقيها رخيصه

وفي ناس عندهم امراض عقليه فوق الديون الي عليه يبيع بخساره عشان يحط دين فوق دين ويشتري الشكل الجديد

[العنيده]

اللي مايحس بقيمة الفلوس اللي يتعب عليها عادي ممكن يبدل ويحط على نفسه عشان بالنهايه ليت تغير في الصدام ..
اللي عنده يبدل الله يزيده واللي يتسلف الله يعينه :omen2:

[@north_star@]

على الارجح اللي يسوون مثل هالامور ياخذون السيارة اقساط من البنك وتكون الملكية حرة ويروح يبيع السيارة ويحصل الكاش وما عنده مشكلة لو خسر 20 أو 40 ألف من قيمتها لانه بيحصل الكاش

[مشاكل]

]
حب المظاهر
المظاهر محرقة الدراهم

شريت سيارة موديل 2015 أصفار
قبل 3 شهور سعرها مع الخصم 205

خذتها أصفار ب 170 الف
كفو عليك ،، هذا التفكير الصحيح

هذولا الله يسلمك عقول فارغه و عدم احساس بالمسؤليه و النعمه اللي انعم الله عليهم بها
صدقت ،، ماعاد فيه احساس بقيمة الفلوس وتحس ان اللي يجي بالساهل يروح بالساهل

والله هذول احسن ناس ...

صيدة اتوفر عليك مبالغ طائلة خاصة اللي عندهم مواتر سبورت

عاد هو وقلعته مع فلوسه اهم شي ا" للءطة "
ههههه في هذي صدقت ،،، مصائب قوم عند قوم فوائد

السلام عليكم

الفراغ يا اخوي الفراغ

مساكين والله يقيسون قيمتهم بما يملكون ., حرام والله

ويسلموو
نعم الفراغ احد اهم الاسباب اللي يحس الواحد منهم انه بهالطريقة يملئ الفراغ

لا لا

اولا الرواتب العاليه

:victory:

ثانيا عقول فارغه

ثالثا

كلامك صح

كثره البيزات بعد ليش يبيع سياراته كل مانزل خط في الموتر
زمان ايام التقشف كان اذا الصدام مدعوم
مايصلح ولا يبدل يتم يتمشى بموتره
الحين شمخ يبدل سيارته

:victory:

نسيت اقول انعدام الاحساس بالنعمه
لان الحكومه عودتهم انها بتدفع عنهم كل شي
ماهو انا عندي جواز عنابي

:victory:
الله يديم علينا نعمته ويحفظها علينا من الزوال

أعتقد تقصد اللاندكروزر الشكل الجديد الي ماتغيير فيه غير الاصطابات والليتات الخلفيه ههههه

كثير من الشباب عارضين موديلات 2015 بنص القيمه عشان ياخذله التشكيله الجديده.


ياكثر المعروضين من موديلات 2015-2014 في المعارض وما ماشين شي.


طغى على شبابنا ظاهرة حب التغيير ومواكبة العصر والتمييز والفشخره بأشياء توصف بالتافهه
تصرف خاطئ يظهر لنا عدم الاحساس بالمسؤولية وقيمة المال

والله ياخوي في ناس عندها خير وتبي تبيع مواترها بسرعه وتشتري الجديد وتلاقيها رخيصه

وفي ناس عندهم امراض عقليه فوق الديون الي عليه يبيع بخساره عشان يحط دين فوق دين ويشتري الشكل الجديد
الله يهدينا واياهم الى طريق الحق

اللي مايحس بقيمة الفلوس اللي يتعب عليها عادي ممكن يبدل ويحط على نفسه عشان بالنهايه ليت تغير في الصدام ..
اللي عنده يبدل الله يزيده واللي يتسلف الله يعينه :omen2:
الف شكر على ابداء الرأي ،،، معك مية بالمية

على الارجح اللي يسوون مثل هالامور ياخذون السيارة اقساط من البنك وتكون الملكية حرة ويروح يبيع السيارة ويحصل الكاش وما عنده مشكلة لو خسر 20 أو 40 ألف من قيمتها لانه بيحصل الكاش
نعم اخوي صدقت في فئة تلجأ لهاطريقة بغرض الحصول على كاش
الله يسهل على كل معسر

[SouthK]

فلوس زايدة و عقل فاضي!!!

[ya3coub]

وينهم هذولة ابيهم

اسمع عن السيارات الي تنباع برخص و تقريبا جديدة

بس ما لقيت ولا بصراحة فاضي ادور يوميا و قطر سيل احس الأسعار مرتفعه


الله يوفقهم و عقبال ما نحصل صيدة حلوة تسوى بالنسبة لي اشتري شي اقل من سنة و نوعا ما جديد بنص قيمته ولا علشان ليتات و شبك ادفع قيمة مبالغ فيها

و للعلم للي ما يدري ترى تقدرون تغيرون و تجددون للشكل الجديد بأغلب السيارات مبلغ و قدره ولا انه الواحد يبيع و يرد يشتري و من خسارة لخسارة اكبر


اتذكر من شهر واحد يقول انه بايع سي63 بــ140 الف موديل 2013 اخر السنة قهرني بغى يجلطني
و بالسوق سعره مستعمل ما يقل عن 200 ألف

[khaldoon]

اخ مشاكل لاحظت رديت على الجميع بالترتيب الا انا و على فكره هذه مب اول مره و انا كنت متوقع تسوي هالشي للعلم فقط ... و اكيد ما في سقط سهوا ....بس اللي ما اعرفه ايش السبب....لا اذكر اني في خلافي معاك ممكن توضيح؟

[لـبـيـه]

سبحان الله هذي سنة الحياه

في ناس وايد من الي ودهم يشترون سيارات ومب قادرين وناطرين ينزل الجديد عشان القديم ينزل سعره وينباع بخساره وهم يشترونه ويكونون ربحانين

تاكد انها دائره تدور على الكل في ناس تربح من خسارة غيرها وناس تخسر من ربح غيرها

[فرفوش]

مادري شبلاهم لازم يملكون كل جديد قبل لاينزل حتى

اذا جي المفروض كل واحد يسونله سياره خاصه له ويفكونا :pardon:

[MAZEN37]

ولي منزلها تلق ومركب بالون وقلوص وبحر ومسوها لعبه
ااه يا قلبي

[بوحارب]

تافهين والله
موتري مديله 1996 والحمدلله مستانس
وداخل تكاية الموتر عطر حصري من هارودز:funny:

شعارنا اهم شي مستانسين ولو كنّا زعلانين ههههه

[معماري قطري]

عندنا جي اكس 2008 ناويين نبدله بجديد ونخليه احتياط

وانا سيارتي موديل 2012 قلت باخليها للبيت وباخذ جديدة لو اقتنعت بها وبعد فترة وباخلي سيارتي للبيت وبابيع سيارة امريكية خلاص طلعت روحها موديل 2007 وشاريها مستعملة 2009

[معماري قطري]

تافهين والله
موتري مديله 1996 والحمدلله مستانس
وداخل تكاية الموتر عطر حصري من هارودز:funny:

شعارنا اهم شي مستانسين ولو كنّا زعلانين ههههه

هذا شعار جديد وحسن يشوف شيء ما نشوفه

اتخيله يشوف جن .. نوديه عند مطوع يقرأ عليه؟

[بوحارب]

هذا شعار جديد وحسن يشوف شيء ما نشوفه

اتخيله يشوف جن .. نوديه عند مطوع يقرأ عليه؟

حسن عطه طراد 24 قدم وقراقير للقباقب
وبتشوفه يشوف كل شي صح

[الحياة الخالدة]

سبحان الله
البعض حسسني أنه ما يشتري كلش من السيارات الجديدة اللي طالعة
عيل السيارات اللي نشوفها في الشوارع ما شاء الله تبارك الرحمن من اللي شاريها
صحيح ممكن تكون عندهم موديلات قديمة .. بس هاذي تكون عندهم في البيت سبير و ما يهون عليهم يبيعونها

و بكلامي هذا أستثني القلة القليلة .. النااااااادرة

[H H]

سبحان الله
البعض حسسني أنه ما يشتري كلش من السيارات الجديدة اللي طالعة
عيل السيارات اللي نشوفها في الشوارع ما شاء الله تبارك الرحمن من اللي شاريها
صحيح ممكن تكون عندهم موديلات قديمة .. بس هاذي تكون عندهم في البيت سبير و ما يهون عليهم يبيعونها

و بكلامي هذا أستثني القلة القليلة .. النااااااادرة

انا من 2012 وانا على موتر واحد , مافكرت حتى اغيره , موب طمع والخير واجد بس مدري اهتمامي بهالامور قليل جداااااا :secret:

[الحياة الخالدة]

انا من 2012 وانا على موتر واحد , مافكرت حتى اغيره , موب طمع والخير واجد بس مدري اهتمامي بهالامور قليل جداااااا :secret:

إذاً انت ياخوي من القلة النادرة اللي تكلمت انا عنها
الله يبارك لك بحلالك ويزيدك

[حمد 2002]

انا عندي مبدأ ..

الي عنده فلوس خله يشتري مب عيب ..


والي ماعنده يشتري موتر على قده ..

والأهم من هذا كله الابتعاد عن الاقساط والسلف ..


شكرا ياراعي الموضوع ..

[مخطط قطري]

ماراح يعرف قيمه الفلوس الا عقب ماتجينا سنوات التقشف واشوفها قريبه مع استمرار انخفاض المورد الرئيسي للدولة لازم عنده شي يستند عليه ويكون عكازه في الليالي المغاتير
الي عنده يعيش حياته ويرهي على روحه ان شاء الله ياخذ 10 سيارات 2016 له ولبيته والي ماعنده يصبر على سيارته لين يجعل الله له مخرج وفرج وخصوصا الموديل اليديد بس من ينزل يكون سعره مرتفع بس اصبر عليه كم شهر بتوفر مبلغ محترم ولكن انا ضد انك توصف من ياخذ سياره يديده ويبيع القديمه بانه سفيهه كل واحد وظروفه ماعليك الا تنصحه وبس

[حمد 2002]

ماراح يعرف قيمه الفلوس الا عقب ماتجينا سنوات التقشف واشوفها قريبه مع استمرار انخفاض المورد الرئيسي للدولة لازم عنده شي يستند عليه ويكون عكازه في الليالي المغاتير
الي عنده يعيش حياته ويرهي على روحه ان شاء الله ياخذ 10 سيارات 2016 له ولبيته والي ماعنده يصبر على سيارته لين يجعل الله له مخرج وفرج وخصوصا الموديل اليديد بس من ينزل يكون سعره مرتفع بس اصبر عليه كم شهر بتوفر مبلغ محترم ولكن انا ضد انك توصف من ياخذ سياره يديده ويبيع القديمه بانه سفيهه كل واحد وظروفه ماعليك الا تنصحه وبس

كلام جميل ..


شكرا لك ..