قاش حول حوادث المرور في قطر [الأرشيف] - منتديات شبكة الأسهم القطرية

مشاهدة النسخة كاملة : قاش حول حوادث المرور في قطر

كلاسيك قطر

26-10-2015, 10:52 AM

السلام عليكم ورحمة الله وبركاته

ودي اكتب موضوع مناقشة يدور حول أكبر حاصدة للارواح عندنا في قطر الا وهي حوادث المرور .
خاصة هذا الشهر الذي تكثر فيه العطل

لاحظنا في الاونة الاخير تزايدا مستمرا لحوادث المرور آخرها الحادث الاليم الذي كان اول امس رحمهم الله

السؤال المطروح يا ترى ماهي الاسباب العامة المؤدية الى هذه الحوادث؟

وماهي اسباب السرعة؟

لماذا اغلب الحوادث يقترفها شباب؟

هل لقانون المرور أثر في حياة السائق ؟كم هي نسبته؟

لماذا لا يحترم قانون المرور في قطر؟

واسئلة اخرى تطرح نفسها ضمن سياق النقاش

لنحاول فتح نقاش حر عام بين مختلف الشرائح والفئات حتى نصل الى خلاصة قد نقترب من خلالها الى الاسباب الخاصة المؤدية لهذه الحوادث المميتة

نرجوا المشاركة المكثفة

تحياتي

qatari911

26-10-2015, 11:03 AM

اولا السرعة والقيادة بتهور والنظر الى الهاتف اثناء القيادة وعدم الالتزام بقواعد المرور
الاشارات مالها علاقة يعني اكون مسرع وداعس واقطع الاشاره حمرا معناتها انا الغلطان واكيد بسوي حادث
انا محدثك سويت حادث بسنة 2003 تقريبا وانا مش غلطان بس كنت مسرع علي جزء من الغلط واحد لف صوبي ودعمني وانا مسرع وماثبت السياره كان تدخل بالسياج والحادث اخر اليل ثواني الا الشباب مجتمعين عند السياره وهذاك حط رجله
من يومها وانا سرعتي 80 الى 90 طريق طويل والا قصير يعني ماتفرق الدقايق الي بختصرها بالسرعه الحياة غالية

كلاسيك قطر

26-10-2015, 11:19 AM

الاشارات مالها علاقة يعني اكون مسرع وداعس واقطع الاشاره حمرا معناتها انا الغلطان واكيد بسوي حادث

ليش الاشاره مالها علاقه
الاشاره احسن من الدوار واحسن من كل شي

لـبـيـه

26-10-2015, 11:24 AM

المراهقين يعاندون قوانين المرور على اساس انها من الرجوله

تمنع الريدبول فتكون سلعه نادره يتمنون الوصول لها باي ثمن

qatari911

26-10-2015, 11:43 AM

اقصد مالها علاقة بالحوادث مش معقوله اشاره تفتح خضرا تشوف سيارة جايه مسرعه تقوم تصير حمرا ؟؟
اشارات لها وقت تفتح وتسكر فمعناتها لو انا جاي مسرع واشوف الاشاره تولع على الاصفر وبتكون حمرا ازيد سرعتي علشان الحق الاشاره قبل تسكر واقطعها من الغلطان الاشاره والا انا طبعا انا الغلطان السيارات الثانيه الي بتقطع الاشاره من الجهة الثانيه شذنبهم لما ادعم واحد فيهم
المفروض شفت الاشاره قامت تولع اصفر استعدادا للاحمر اتعوذ من الشيطان واخفف السرعه واوقف مو يركبني شيطان وادعس علشان الحق الاشاره

كلاسيك قطر

26-10-2015, 11:45 AM

صج كلامك يالغالي بس في بعض الشباب مايفتكرون في شي ع طول يمشون

بانغ بانغ

26-10-2015, 11:45 AM

SouthK

26-10-2015, 11:50 AM

سبق وقلت واعيد واكرر

اسجن واحد ... اثنين ... خاصة اعيال الكبارية لو متسببين ...

واسحب مواترهم سنة

واطلب من شركات التأمين ما تقرب صوبهم ولا تأمن لهم اذا تقارير الشرطة تثبت انهم المتسببين

واذا حصلت واحد ايخالف ...

انا اهاجر اليوم الثاني جزر الفوكلاند

احجز تذكرتين لأني بهاجر معاك!!

سبب الحوادث الرئيسي هو عدم اتباع قوانين المرور و عدم وجود قانون حقيقي و سلطة صارمة!

السرعة بحد ذاتها ما لها شغل في الحوادث لكن عدم الانتباه و اللامبالاة هي سبب اغلب الحوادث و خاصة لما يجيك واحد ماشي في مساره و بسرعة الشارع و فجأة يجيك واحد راكب قوطي و يلف عليه و ماشي ربع سرعة الشارع دون سبب منطقي و هذا شي يصير معاي دايم!!!

بشكل يومي نشوف مخافات أشكال و ألوان في الشوارع الرئيسية مع وجود رجال الامن و ما تشوف اي ردة فعل من طرفهم و ردهم ان السائق مسكين لكن خل تكون السيارة آخر موديل و فيها قطري بتلاقي دوريات الحدود وراه علشان تخالفه!!

بانغ بانغ

26-10-2015, 11:56 AM

احجز تذكرتين لأني بهاجر معاك!!

سبب الحوادث الرئيسي هو عدم اتباع قوانين المرور و عدم وجود قانون حقيقي و سلطة صارمة!

السرعة بحد ذاتها ما لها شغل في الحوادث لكن عدم الانتباه و اللامبالاة هي سبب اغلب الحوادث و خاصة لما يجيك واحد ماشي في مساره و بسرعة الشارع و فجأة يجيك واحد راكب قوطي و يلف عليه و ماشي ربع سرعة الشارع دون سبب منطقي و هذا شي يصير معاي دايم!!!

بشكل يومي نشوف مخافات أشكال و ألوان في الشوارع الرئيسية مع وجود رجال الامن و ما تشوف اي ردة فعل من طرفهم و ردهم ان السائق مسكين لكن خل تكون السيارة آخر موديل و فيها قطري بتلاقي دوريات الحدود وراه علشان تخالفه!!

هههه قدام

حسن

26-10-2015, 12:00 PM

بانغ بانغ

26-10-2015, 12:05 PM

السرعه لها دور كبير وعدم التركيز والانشغال بالجوال
والتواير والبريك
وصغر سن السواق وعدم تقبلهم النصيحه والفراغ الكبير والوقت الضايع
ووضعف دور الاسره في وقتنا الحالي بالتربيه ووضياع القدوه الحسنه

والرواتب .. وين راحت ؟

اي وقت فراغ بوعلي ؟؟؟ في اندية وفي سينمات وفي مراكز رياضية وفي وفي وفي

اب عاقل ايطلع حق ولده ( توه ياهل ما يعرف ايغسل نفسه ) موتر امزود ...

وين قاعدين ... صارت في الوكرة من اسبوع وماتوا اثنين ضحايا واحد مغفل ابله حديث نعمة بمواتر

كلاسيك قطر

26-10-2015, 12:09 PM

والرواتب .. وين راحت ؟

اي وقت فراغ بوعلي ؟؟؟ في اندية وفي سينمات وفي مراكز رياضية وفي وفي وفي

اب عاقل ايطلع حق ولده ( توه ياهل ما يعرف ايغسل نفسه ) موتر امزود ...

وين قاعدين ... صارت في الوكرة من اسبوع وماتوا اثنين ضحايا واحد مغفل ابله حديث نعمة بمواتر

لاحول هاي المشكله الشبابا الصغار يزودون مواتر تعال نتسابق وتعال نستعرض
وانروح العديد

المفروض من الابهات يمسكون سيارات لين اتطلع الليس وهو بعمر 21 سنه

العنيده

26-10-2015, 12:15 PM

ماهي الاسباب العامة المؤدية الى هذه الحوادث؟
عدم تنفيذ القانون بجديه .. ولو تدخل عقوبة السجن مممكن ينردعون شوي

وماهي اسباب السرعة؟
استهتار , يظنون انهم اصحاب خبره والسب البلاي ستيشن

لماذا اغلب الحوادث يقترفها شباب؟
التربيه من الاساس غلط لو الشاب يشتغل ويشتريها بنفسه بيعرف قيمة
المركبه اللي يسوقها وبيعرف قيمة المخالفات اذا جات من راتبه يمكن مايخاف على نفسه بس اقلها بيخاف على سيارته ويرحم اللي حوله معاه ..
من فتره اسوق ومعاي اختي مرت جنبي سياره تستعرض ويوم وصلت للاشاره الا اللي فيها صغير حتى مايبين من السياره ( هالنوعيه وين اهلهم عنهم )
معقوله هالسياره مامرت على اي دوريه ..

هل لقانون المرور أثر في حياة السائق ؟كم هي نسبته؟
في اثر بس في الحساب لما يدفع المخالفات بس البعض يدفع ولا كانه فيه شي ..

لماذا لا يحترم قانون المرور في قطر؟
لان التنفيذ مااخذ دوره بجديه ..
اليوم تسحب سيارته بعد ساعه ياخذ سيارة البيت ولا رفيجه وعادي ولاكانه صار شي ..
تسجلت عليه مخالفه الاب يدفع ويجددها له ..

Riku3

26-10-2015, 12:27 PM

اكثر الحوادث بسبب عدم الانتباه والتركيز والقيادة برعونه بنظري ومب بس السرعه ..

اشوفهم قسمين .. الاول الاسيويين الي ما يهتم لسلامة الناس وتلاقيه خذ ليسن بسن متأخر وما يعرف يقدر الشارع والسيارات الثانيه .. وتلاقي هالنوع السرعه الي يمشون فيها ما تتناسب مع الشارع اما بالسرعه او البطيء الشديد .. بس خطرهم اقل من القسم الثاني ..

القسم الثاني وهم الشباب ( مواطنين او عرب من جنسيات معينه ) ومشكلتهم السرعه والرعونه والقيادة بعصبيه .. دايما مستعجلين ما تدري ليش .. وبعضهم ينشغلون بالتلفون حتى وهو يسوق يرد على المسجات او يكتب ردود !!! .. وكلنا ركبنا مع مثل هالنوع الي يدخل تقاطع بسرعه عالية تستغرب منها !!! .. اقوله لو انا مكانك بوقف توقف كامل شلون دخلت الشارع وانت متأكد مافي سيارات فيه !! يقولك عادي انت خواف :/ .. والا راكبين معاهم ندور في السيارة ما ورانا شي .. وتلاقيه يتلزق في العالم ويزرق بينهم وحالته حاله ، اخرتها قاعدين ندور في السيارة بدون هدف ! ، انزين ليش مسرع ما تدري @_@ .

السواقه يبيلها تركيز .. لو همك تناحس الناس وتتجاوز وتعصب بتغفل عن امور ثانية وبتعرض حياتك للخطر ..

انا اشوف سياسة المرور لازم يكون لها دور تثقيفي مب بس نخالف وناخذ فلوس وبيتعلم الدرس .

كازانوفا

26-10-2015, 12:30 PM

اكبر سبب المراهقين عندهم لا مبالاه مش طبيعي
هاي السبب الرئيسي وبعده عد الاسباب الثانيه والعاااااشره

جراسا

26-10-2015, 12:36 PM

الاستهتار و عدم المبالاة و احترام القوانين
هذه اسباب الحوادث المرورية و خصوصا اللي يكون الشباب طرف في الحادث، الحل هو تفعيل السجن و رفع السن القانوني للحصول على الرخصة الى 21 عاما و الغاء الرخصة المؤقتة"الكشتة"

الحياة الخالدة

26-10-2015, 12:39 PM

واللي يسلم ولده السيارة وهو توه في الاعدادي ما وصل 14 و يقول لا انا ولدي غير و يفتخر و يجاهر بهالشي
ترا كل واحد يشوف ولده غير
القانون يمشي على الكل و لحد يقعد يستثني نفسه و عياله و يقول احنا غير

كلاسيك قطر

26-10-2015, 01:01 PM