طالباتنا وحذف ماده الأقتصاد المنزلي

[أبو سعود]

من يومين كنت واقف بالسياره أمام بعض

المحلات التجاريه

وكان من بين المحلات عدد من محلات الخياطه للنساء

وكانت بعض الفتيات يدخلن هذه المحلات


فتذكرت الطالبات اللواتي كن يدرسن ماده

( الأقتصاد المنزلي )


وكن يتعلمن أساسيات الطبخ والخياطه لكي

يستفدن منها ويعتمدن على أنفسهن في

حياتهن العمليه


وكنت أسمع عن المعارض لهذه الأنشطه المتميزه

لهذه الماده


أما الآن ومع المدارس المستقله فقد ألغيت

هذه الماده الحيويه وأصبح الكثيرات منهن

يجهلن أساسيات الخياطه والطبخ


وأصبحن زبائن يترددون كثيرآ على المطاعم

ومحلات الخياطه


وبعد ذلك يأتي من يقول أن مدارسنا متطوره

وتعلم الطلبه الإعتماد على النفس


في حين نرى التعليم عندنا يعتمد على الكثير

من المواضيع والبعيده عن الوقائع وأساسيات

الطبخ والخياطه للفتيات مثلآ


واللي نراه على الواقع أن والقليل القليل

من يعرفها أو يتقنها من الفتيات



والمستفيد من هذه المحلات هم :

( التجار والخياطين وأصحاب المطاعم و و و )


كله على حساب الجهل اللي أنتشر بين الفتيات

لأساسيات الخياطه والطبخ


وتم أستبداله بالتركيز الأهتمام على

وسائل التجميل

[كازانوفا]

سبحان الله كانت من اجمل الحصص وانفعها بعد ماده التاريخ والجغرافيا بالنسبه لي ..
وبالنسبه للذهاب للخياط الموضوع صار من باب الكسل اكثر من انه اسرع وانفع والاسباب كثيره
ياريت المجلس الاعلى يرجع ينظر لهذه المواد نظرة تامل طويلة الأمد

[مرتبش]

مادة مهمة جدا وضرورية وتناسب الفتيات

[طلعة الروح]

مادة حلوة ويجب أن نركز على هذه المهارات وتطبيقها بشكل جيد، أذكر كان الامتحان ع الجانب النظري فقط بدون العملي، الجانب العملي كان مقتصر على حصه وحده في الاسبوع على أيامنا، بس اشوف الطبخ اهم من الخياطه في هالزمن ومع ذلك معرفة أساسيات الخياطه مطلوبه مب لازم نقوش وانواع خياطه عديده او معقده.

[monatee]

ايام والله ،، احلى حصتين
سوالف وضحك في حصة الخياطه
طبخ واكل في حصة الطبخ :nice:

[bo matar]

ياخوي هذي الوقت وقت الاعتماد على الخدم حتى في ابسط الامور وانا ما اشوف ان غلط بالعكس رفاهية
البنات الصغار ماشاء الله كلهم يتفنون فالسويتات الحين فوقت الفراغ (وبيني وبينك ممكن عشان يصورنه بس)
بس بعد احسن من ولا شي


اذا رجعو هالماده ما راح يهتمون فيها بالعكس بيظيعون وقت الدراسه ع الفاضي وبتكون الحصة كلها سوالف بس بعد ارجع واقول حصة فالاسبوع حلوه تغير جو للطالبات

والشباب يحطون لهم مادة صيانة يعلمونهم يعدلون فالبيت بيفيتر وكهربه وهالسوالف حتى لو يدخلون صيانة المواتر بعد بيشجعونهم اكثر لان هالاشياء تشدهم

[Ms. London]

من أحلى الحصص كانت التدبير المنزلي.. فعلا كان لها معنى وفايده. الله يرحم ذيك الأيام

[راعي الكورفت]

الحين البنات مايعروفون غير الايفون واللابتوب لازم هذه الماده تدرس في جميع المراحل الدراسيه للطالبات فقط والتكرار يعلم الشطار

[العنيده]

بصراحه كانت من امتع الحصص عندنا .. خصوصا لما نتعلم شغله ونجي نطبقها في البيت .. سواء خياطه او طبخ صح
انها اساسيات بسيطه بس صار لها فايده
ياريت يرجعون هالشي البنات بيستفيدون منه وايد ..