يالله صباح خير

[حسن]

صبحكم الله بالخير جميعا

العصبيه الزايده على الصبح !!!

موقف امامي اليوم على الصبح وانا اوصل بنتي المدرسه
طلع سواق من التقاطع ليدخل على الشارع
ومهب عام في الفريج يعني
وعلى الشارع القادم كانت مره جايه في ظهوره شويه وبغت دعمه
طلع بسرعه كان تلف وتروح تلحقه وتوقفه وتنزله خطر تظربه
ولا بنتي تقول هذه مدرسه اعرفها للتربيه

عصبيه من الصبح والواحد يقول يالله صباح خير

هو صحيح السواق يعتبر غلطان ولكن يجب ان اعطي مجال للاخرين دام في امكاني
المجال
التحدي والمناحس على موقف بالنسبه لي تافه
!!!!

تحلو بالصبر تحلو بالاخلاق واتركو العصبيه من الصبح وشغل المناحس
سافرتو اوربا وشفتو التسامح في السواقه
والدوله ماقصرت زادت الرواتب

:)

نصيحه اوجهه كافه اتركو العصبيه اللي اصبحت سمه الكثير

وصباحكم قطري

واتمنى ويكند سعيد بدون حوادث لاصحاب العنن


تحياتي لكم

[حمد 2002]

معقوله هالتصرف يصدر من انثى ؟ :rolleyes2:

[حمد 2002]

ويالله صباح خير

شكرا بوعلي

[بانغ بانغ]

والله هالسواقين الاسيويين ... يبغيلهم عصا كهربا من الصبح عشان يتسنعون ..

احيي هذي المربية الفاضلة على تصرفها

[تلفزيون قطر]

اليوم بعد صادني موقف وانا رايح الدوام عند الإشارة ولعت خضراء ومشوا الناس الا وحده قدامي بسيارتين لاهيه في التلفون وناسيه الشارع

ونشغل عليها الاهرانه وحركت ماطلع من الإشارة الإ هي بس وينول واحد من سيارته ويصارخ عليها ويسبها وهي محركة ولا التفت عليه




شكلهم بدت مشاكل الحريم في الشارع وحده نازله تتضارب ووحده مسكره الشارع




يالله صباح خير

[حسن]

معقوله هالتصرف يصدر من انثى ؟ :rolleyes2:

مادري ليش

هل الشراسه من الصبح
السواقه فن وذوق وتتوقع أخطاء الآخرين مع ان الموقف كان عادي

الصراحه هناك خلل ما

تحلو بالصبر وابتسمو للحياه

شكرا ياحمد

[عزووز قطر]

اذا كل من طلع في وجهك بتلحقه وبتهاوشه والله انه بيشيب شعر راسك وبتتعب ..

السواقة في الدوحة صارت متعبة وتجيب الضغط ..

أفضل حل انك تجيب سايق وتقعد ورى تقرا جرايد لين توصل دوامك .. وخل الدريول يتفاهم مع حرب الشوارع اللي تصير كل يوم الصبح

[عثرة جواد]

صباح النور

انا مرة تعرضت لنفس الموقف رايحه اوصل بنتي وجان يطلع ف ويهي دريول

طاير جن الشارع فاضي مع انه حزة مدارس ماقدرت اسوي شي بس لوبيدي

جان بلقت علية بس ماصدت الرقم ....لاتشوف انه هاي عاد اخوي هاي تمرد

وغلة ذوق مسكينة من الخرعة شنو تبيها تسوي ...وبعدين كل شخص لة ردة فعل

عسااك ع القوة

[شبح الصمت]

حتى لو ..

وين راح الحيا والانووووثه ..

في بعض الحريم استغفر الله العظيم

تتحول لاسد مدري اشفيهم بعض الحريم

تغيرت عندهم الهرمونات واصبحو متوحشين ..

تحمل بنفسك يالنوخذه

[حسن]

يالربع السموحه على الرد
لاني بعيد أوت اوف سيرفس
والمنتدي مخبط عندي مادري وش فيه

[راعي الكورفت]

لو تشغلون قرآن في السياره .. العصبيه بتروح :)

[A-Alansari]

لو تشغلون قرآن في السياره .. العصبيه بتروح :)

ياخوك سواقه البعض ماتخلي فيك عقل

يا واحد لاهي بتلفونه مايمشي

او يجيك واحد يتجاوز من اليمين ويبي يدخل غصب

ولا يجيك واحد يلف عليك او يطلع بوجهك

الواحد يتنرفز من هالحركات لان تعرض حياته للخطر

[bo matar]

مانقدر نلومهم مع ان هالتصرف يستحق اللوم صراحه

التحكم بالاعصاب صار صعب جدا من الرجل او الانثى ووضع الشوارع والزحمه حاليا يخلي الي دمه بارد يعصب
تخيل لو حد لف عليك فدور مثلا وبيدعمك وهرنت له عشان ينتبه يعصب وياشر بيده مع ان هو غلطان !

الي يبي يعاني من قانون الغابه فالشارع يطلع فسياره عاديه كامري او اي سياره صغيره حتى اصحاب المازادات بيهاوشنك الناس صارت تخاف من السيارات الكشخه والارقام الخشنه وتحترمها اكثر من الاشخاص نفسهم


عجيبه يادنيا

[رجل الجزيرة]

أي والله يالله صباح خير.

[راعي الكورفت]

ياخوك سواقه البعض ماتخلي فيك عقل

يا واحد لاهي بتلفونه مايمشي

او يجيك واحد يتجاوز من اليمين ويبي يدخل غصب

ولا يجيك واحد يلف عليك او يطلع بوجهك

الواحد يتنرفز من هالحركات لان تعرض حياته للخطر

سماع كلام الله مع ذكر الله يزيل العصبيه يااخوي .

قال تعالى:
(الَّذِينَ آَمَنُوا وَتَطْمَئِنُّ قُلُوبُهُمْ بِذِكْرِ اللَّهِ أَلَا بِذِكْرِ اللَّهِ تَطْمَئِنُّ الْقُلُوبُ ) صدق الله العظيم


جرب يااخوي وماتخسر شي :)

[مختلف جداََ]

لو اللي يسوق موتر لابس غترة
كان بعد بتتصرف هالتصرف ؟

[Ms. London]

والله الحريم يسوون اكثر من جذي ياليت بس ماعطوهم الليسن بعضهم ويمكن الاغلب مستهرتات في السواقه... الله يستر عليهم بس من الحوادث