يالله صباح خير

[حسن]

يامدير وقود

بدأ موسم التخيم
واحنا نعاني من توفير الوقود بترول وديزل
الأول محطات هل قطر تعطينا ولا في اي مشكلة
وجزاهم الله خير

لكن بعد إغلاق محطاتهم
أصبحنا نعاني من وقود
يعطونا بالقطاره وكنا نشحت الوقود منهم
ارجوكم ارحمونا ياجماعه
القطري لاتردونه
أوجه نداء الى مدير وقود

النظر في هذا الموضوع

وشكرا

[راعي الكورفت]

اخوي روح على محطة بترول الوكره يعطونك بترول unlimited :)

[حسن]

اخوي روح على محطة بترول الوكره يعطونك بترول unlimited :)




مشكلتي الوكره مهب طريقي

[معماري قطري]

حسن طريقه صوب دخان وهناك يقدر يحفر بير ويسوي محطة بس متكيسل

[h9466]

حسن طريقه صوب دخان وهناك يقدر يحفر بير ويسوي محطة بس متكيسل
اضحك الله سنك فعلا دعمت عيني من الضحك،،،بوعلي يعرف طريقة أحسن من حفر بير /يوجد بيب بترول هناك هو يعرفه ويعرف مكانه يقدر يعمل فيه فتحة ويسحب على كيفه بس على قواتك متكيسل

[بوخالد911]

محطات وقود الجديدة عليها علامات اسفهام كبرى.
ومنها : المحطة الواقعة على خط الوكرة - امسيعيد
للأسف المدخل يتكون من مسار واحد فقط.
والززززززحمة بيوم االجمعة توصل لغاية الشارع العام.
وحتى المخرج كذلك مسار واحد.

علماً بأنه يوجد مجال للتوسعة.

[bo matar]

اضحك الله سنك فعلا دعمت عيني من الضحك،،،بوعلي يعرف طريقة أحسن من حفر بير /يوجد بيب بترول هناك هو يعرفه ويعرف مكانه يقدر يعمل فيه فتحة ويسحب على كيفه بس على قواتك متكيسل

لو يعملها صدقني وقود نايمين فالعسل ولايدرون هههههه

ياخي المفروض صراحه يخلون البترول ان لمت ع الاقل فالموسم او يتعاونون مع البيئه الي عنده تصريح عنه يعطونه


شي ثاني موضوع لعزب واني اجر من عندهم تانكي شهري ليش !! قلنا احتكار بس مب قصب فينا

[حسن]

حسن طريقه صوب دخان وهناك يقدر يحفر بير ويسوي محطة بس متكيسل

مافي الا ذي الطريقه نسرق ديزل منهم
هههههههه
شفت شلون المفروض يوزعونه مجانا علينا بحكم الجيره يازلمه
:)

والله مشكله كبيره نعاني منها يامعماري وخصوصا وقت موسم التخيم
من حطو محطات وقود ياقمو يتفلسفون علينا هل النيباليه
وانا الوم مديرهم القطري
هو سبب مهانتنا وذل اي مواطن قطري
يسون من لاشي فلم
دائما اقول ليش يعينون مسؤلين قطرين مهرتهم بس التضيق على هل قطر
هل هذا محض الصدفه ؟ ولا مخطط ؟
يااخي اسؤلو عنه الاول فاهم معقد فيه خير بعدين حطوه
اما يقعد حق هل قطر ويضيق عليهم ويسوي لهم بلبله احنا مهب ناقصين
بعد
يعني حت في هروبنا من العاصمه تضيقون علينا ؟؟
الاول محطات هل قطر تعال وعبي لانه مهب بلاش يعطونا نشتريه بفلوس احنا
ونفس الشي من وقود نشتريه بفلوس
المشكله انك تبي تشتري ومايبيعونك هذا اغبى منطق مر علي في حياتي
وفي ناس معيني نفس الصنف انا دائما اكرهم من اشوف الاسم
فيهم غبى شي فضيع

ذكرتني يوم نحط براميل للزباله على البحر اعترضو المسؤلين علي بسبه ان الناس
بترمي الزباله فيها
!!!
:omg:
والله لو في يدي الصلاحيه رميتهم هم في الزباله

شي غريب والله

يخربون البلاد بشكل متعمد ولا يجب السكوت عنهم

[حمد 2002]

الحل كل يوم تشتري ديزل وتخزنه في بيتكم بغراش. .

[مختلفة عقليا]

السلام عليكم

الخطوات كالتالي ., \

تقدرون تاخذون ان لايمتد من وقود بطريقتين

1 عقد
2 كاش

العقد في حال كان عندكم شركه او مصنع .,

الكاش للعنن والمزارع والمناطق اللي مافيها كهرباء .,

اتصلوا 40217777 وكل الإجراءات تمام وسهله .,

اما اذا كنتوا تبون 200 لتر الي 400 فتاخذون اورقه من برج وقود ., بس اتيبون البطاقة الشخصيه واي اوراق او مستندات لسبب اخذ الكمية ( عنه مزرعه مولد كهربا )


ويسلموو

[العفراء]

صباااح النور اخويه حسن
مب شرط اتروح التخييم اقعد بالبيت حلوة ترى يلسة البيت

[حسن]

السلام عليكم

الخطوات كالتالي ., \

تقدرون تاخذون ان لايمتد من وقود بطريقتين

1 عقد
2 كاش

العقد في حال كان عندكم شركه او مصنع .,

الكاش للعنن والمزارع والمناطق اللي مافيها كهرباء .,

اتصلوا 40217777 وكل الإجراءات تمام وسهله .,

اما اذا كنتوا تبون 200 لتر الي 400 فتاخذون اورقه من برج وقود ., بس اتيبون البطاقة الشخصيه واي اوراق او مستندات لسبب اخذ الكمية ( عنه مزرعه مولد كهربا )


ويسلموو

والله ياريت سهله الى تعقيدات مالها اول ولا تالي
روح للبرج ود معاك الاوراق الثبوتيه ونعطيك فقط من محطه وحده
!!!
طرشت واحد وجبنا الاوراق وقالولنا نعطيك 200 لتر ياديزل يابترول في اليوم
زين
ابغي الديزل والبترول معا قالك لا اختار
ّّ!!
ايش هذا التعسف في استخدام السلطه

!!
انا احتاج الديزل قليل مش مثل البترول وفقط ايام ويكند
والبترول اكثر طرادي مكينته كبيره وتشرب البترول شراب
ولا عندنا مثل البحرين عندهم محطات بحريه في كل مكان
المحطات في الدوحه والولكره والخور والرويس فقط
ليش ماتزود وقود ويتم الاتفاق مع خفر السواحل بوضع محطات عندهم لاهل البحر
مافيها اي مشكله
يعني ماعندهم تفكير على المدي البعيد
هذا احنا نطرح لهم افكار ببلاش

السنه الجايه عندي فكره ان اغير سستم المخيم كامل بالطاقه الشمسيه وبنفتك لا قود ولا ديزل وهدو
الجلسه القمريه على شط البحر

شكرا لك يامختلفه

[حسن]

صباااح النور اخويه حسن
مب شرط اتروح التخييم اقعد بالبيت حلوة ترى يلسة البيت

كفايه 6شهور في البلاد وغصب مستحملين بعد تبين نقعد في البلاد
حق الهوشات والضرب والمضارب في الشوارع بسبب الزحمه

:(

[khaldoon]

بصراحه عدد محطات البترول في قطر قليل جدا جدا جدا ..... روحت عمان- الاردن السنه و لقيت كمية محطات بترول عجيبه...بين كل محطه بترول و محطة بترول في محطه بالنص...اتمنى زيادة عدد المحطات و تكون في محطه بكل شارع رئيسي...بعمان مستحيل تفكر انك راح تنقطع من البترول لانك بتمر على كذا محطه في الشارع الواحد

[العفراء]

كفايه 6شهور في البلاد وغصب مستحملين بعد تبين نقعد في البلاد
حق الهوشات والضرب والمضارب في الشوارع بسبب الزحمه

:(


انا اقولك ايييلس بالبيت سووو لك قعده حلوه و جووو حلووو

و افكار يديده تغير فيها مودك

مثلا

سولك يلسه بالحوش حط خيمه و قعده تراثيه و ييييب لك واحد يعزف ربابه و خله يطربك يوميا

احسن من اليلسه خاري

يابويه اقعدوا فبيوتكم والله نخاف عليكم من المشاكل اللي تصير :/