الاحوال الامنية فالقاهرة

[M7ammd]

السلام عليكم و رحمة الله وبركاته

انا افكر اسافر لمصر ان شاء الله و حاب استفسر عن الاوضاع الامنية هناك هل هي مستقرة ؟

اتمنى تفيدوني و الله يعطيكم العافية

[مختلف جداََ]

اذا لك معارف هناك يكون أحسن .

[كاشف الغطاء]

والله لو ماتروحون احسن محد مستفيد غير السيسي وربعه
بالنسبة للأوضاع الأمنية ما أعتقد إن فيه شي بس تجنب الحديث مع أي حد غريب وتصرف مثل أهل البلد

[بوخالد911]

يفضل عدم الذهاب.
أرض الله واسعة.

[roma27]

انا من شهرين هناك ما في شي يخوف نفس مصر هي هي بس الاحتياط واجب

[كازانوفا]

الحمدلله الامن مستتب

[KSK Logistic]

العيد كنت اهناك امولعه احلى من قبل

[حاتم سيد]

مصر في امان انشاء الله
تعامل بحكمه واختار الاماكن المناسبة لك
وبالتوفيق

[ماجد البدر]

حاول ماتغلط على حد ولا تبين انك من قطر ولا تتناشب مع تاكسي

لان محد بيوقف وياك كلهم فزعه

وتاخذ فندق او شقق معروفه و عليها حرس
وامورك طيبه ان شاء الله

[معماري قطري]

شحادك على مصر .. روح أي بلاد ثانية أبرك لك مثل الأُردن أو سلطنة عمان من أكثر الدول العربية استقراراً وضيف عليهم الامارات والسعودية وكل دول الخليج .. شوف اللي ردوا بالايجاب يقولون كون حذر .. المغرب شوي بعيدة وموريتانيا وتونس دول مستقرة وطيبين أهلها .. صدقني انا لو يعطوني التذكرة والسكن ومصروف جيب ويقولون روح مصر بس احذر من كذا وكذا ما اروح في هذي الأوقات

[bus3od]

اذا مب مضطر ( عندك دراسه مثلا ) لا تروح شاللي حادك في بلادين احلى و الامن افضل

[M7ammd]

الحمد لله رحت مصر و رجعت و الاوضاع الامنية ممتازة

شكرا للجميع

[غير البشر]

الحمدلله على سلامتك اخوي