شتقولون في تجارة الجملة ؟؟

[نَقــوَه]

السلام عليكم ورحمة الله وبركاته،،


اخواني انا تاجرة جديدة في المنتدى وحبيت استشيركم في موضوع محيرني

افكر اني احط يدي في تجارة الجملة

وتحديداً اكون متعهد تزويد لعبوات التعبئة للتاجرات

من علب وزجاجيات وغيرها حسب احتياجهم وحسب الاتفاق معاهم

يعني تكون الكميات للطلب من 5000 عبوة مثلاً وطالع لأن بعض تجار الصين هذي أقل كمية يصدرونها.


لما قارنت أسعار المحلات الموجودة في الدوحة اللي يتعاملون واياها التاجرات مع أسعار الصين

وبعد حساب كل التكاليف تبين لي راح يكون فيه فرق في السعر وخاصة اني استغل من البيت..

لكن جات في بالي عدة نقاط ماقدرت اعرف جوابها والبركة فيكم...

- الجمارك .. هل بيسمحون اني اورد هالكميات بدون سجل تجاري ورخصة لمزاولة العمل؟؟

- التخزين.. هل فيه ارضيات مخازن سعرها مقبول وماتزيد علي التكلفة ؟

وعادة كم تكلفة المتر المربع... الحروة كم؟؟

.. ابي رايكم ونصيحتكم .. وهل تنصحوني في هالمجال والا لا ؟؟

والله يجزاكم عني كل خير

[pink pearl]

الصراحة فكرة ممتازة ومشروع جديد
لكن أنتي سوي دراسة جدوى للمشروع وادرسيه عدل، يعني الزبون يهمه الجودة+السعر، واسألي نفسج شنو بتضيفين للسوق؟

تواصلي مع مركز بداية للاستشارة وإذا حابة باعطيج رقم مديرة المركز

[المبرمج صلاح]

هتواجهك مشكلة في الجمارك غالبا لن يسمحو بدخول هذه الكمية الا بسجل تجاري

[نَقــوَه]

الصراحة فكرة ممتازة ومشروع جديد
لكن أنتي سوي دراسة جدوى للمشروع وادرسيه عدل، يعني الزبون يهمه الجودة+السعر، واسألي نفسج شنو بتضيفين للسوق؟

تواصلي مع مركز بداية للاستشارة وإذا حابة باعطيج رقم مديرة المركز

تسلميييين الشيخة الله يجزيج الخير

انتظر الرقم منج ولا تهونين وان شاءالله باخذ بنصيحتج الثمينة

[نَقــوَه]

هتواجهك مشكلة في الجمارك غالبا لن يسمحو بدخول هذه الكمية الا بسجل تجاري


ايه وانا اقول بعد

تسلم الشيخ الله يجزاك خير

[الجوكر90]

التاجرات مايشترون 5000
ياخذون بالاميات

[Hassenfatima]

الله يرزقك الحلال

[نَقــوَه]

التاجرات مايشترون 5000
ياخذون بالاميات

هذي وحدة من مشاكل غلاء الاسعار عندهم

شغلهم قطاعي الله يهداهم فيتحمل الزبون تكاليف ممكن تقليصها من صوبهم.

[نَقــوَه]

الله يرزقك الحلال

يااارب

ولك بالمثل

[نَقــوَه]

الصراحة فكرة ممتازة ومشروع جديد
لكن أنتي سوي دراسة جدوى للمشروع وادرسيه عدل، يعني الزبون يهمه الجودة+السعر، واسألي نفسج شنو بتضيفين للسوق؟


تواصلي مع مركز بداية للاستشارة وإذا حابة باعطيج رقم مديرة المركز

اختي.. انتظر الرقم ولاتهونين

[نَقــوَه]

حد عنده خبره أو تجربه يفيدنا ؟

[بونواف78]

بالتوفيق ان شاء الله

[Boost]

لازم يكون عندك سجل وقيد منشأة وحساب النافذة الواحدة

وإستفسرو عند مكاتب المخلصين ومكاتب الإستيراد والتصدير عن المتطلبات والأوراق

التخزين مايحتاج سؤال في المنتدى: إستفسرو مع شركات الوساطة والعقارات عالأغلب عندهم خبر عن مخازن للإيجار وأسعارها وحالتها وموقعها الخ....

[A-Alansari]

شوفي لج شركة الي تورد هدايا وممكن تتعاملين معاهم على اساس تجيبين الكميات بأسمهم ويدخلونها عن طريق السجل التجاري الخاص فيهم

ويكون لهم مبلغ معين عن هالموضوع

اما التخزين مالي علم فيه صراحه

[نَقــوَه]

بالتوفيق ان شاء الله

واياك .... تسلم

[شموخ دائم]

,

’

مرحبا


بالتوفيق لك يارب

تجاره الجمله ( تجاره صعبه ) وتبي لها تاجر متمرس بخبرته
وله ( عملائه ) الي ياخذون بضاعته ويعرف شنو يجيب ولمن والكميه الي تناسب كل سوق

ما انصحك تدخلين هذي الدخله ( المفاجئه ) بدون ما نقيس ( البحر ) وكم عمقه وشنو مخاطره
:)

ترى ناس كثيره جايبه بضايع ومتورطين في تصريفها من كل الانواع

تحتاجين تدرج ( وقياس ) لهذا النوع من البضاعه
وكم بيكون حجم الطلب !! وسرعه الطلب

شراء البضاعه ( اسهل ) شي في التجاره
وبيع البضاعه ( اصعب ) شي في التجاره

النصيحه
تجيبين عدد من هذي البضاعه من ( دبي ) عدد محدود من كل نوع الي حابين تشتغلون فيه
وتجربين ( تسويقها ) في الدوحه بسعر ( ربح بسيط )
منها نعرف بانفسنا بالسوق لان التاجر الجديد صعب في البدايه يمشي بالسوق
منها نبيعها بسرعه ونعرف حجم الطلب عليها
ومنها نكسب زبائن لان انتوا الارخص بالسوق

وبعدها نقرر ( نشتغل جمله ) من الصين او لا بعد ما اتضحت الرويه عندك

,

,

[نَقــوَه]

لازم يكون عندك سجل وقيد منشأة وحساب النافذة الواحدة

وإستفسرو عند مكاتب المخلصين ومكاتب الإستيراد والتصدير عن المتطلبات والأوراق

التخزين مايحتاج سؤال في المنتدى: إستفسرو مع شركات الوساطة والعقارات عالأغلب عندهم خبر عن مخازن للإيجار وأسعارها وحالتها وموقعها الخ....

شنو يعني حساب النافذة الواحدة ؟

هل المكتب اللي خلص لي السجل التجاري ممكن يخلص موضوع النافذة ؟

جزاك الله خير شكراً على الافادة

[نَقــوَه]

شوفي لج شركة الي تورد هدايا وممكن تتعاملين معاهم على اساس تجيبين الكميات بأسمهم ويدخلونها عن طريق السجل التجاري الخاص فيهم

ويكون لهم مبلغ معين عن هالموضوع

اما التخزين مالي علم فيه صراحه


فكرة حلوة ..

تسلم ... ماقصرت الله يجزيك الخير

[salmaan]

سبحان الله وبحمدة

[نَقــوَه]

,

’

مرحبا


بالتوفيق لك يارب

تجاره الجمله ( تجاره صعبه ) وتبي لها تاجر متمرس بخبرته
وله ( عملائه ) الي ياخذون بضاعته ويعرف شنو يجيب ولمن والكميه الي تناسب كل سوق

ما انصحك تدخلين هذي الدخله ( المفاجئه ) بدون ما نقيس ( البحر ) وكم عمقه وشنو مخاطره
:)

ترى ناس كثيره جايبه بضايع ومتورطين في تصريفها من كل الانواع

تحتاجين تدرج ( وقياس ) لهذا النوع من البضاعه
وكم بيكون حجم الطلب !! وسرعه الطلب

شراء البضاعه ( اسهل ) شي في التجاره
وبيع البضاعه ( اصعب ) شي في التجاره

النصيحه
تجيبين عدد من هذي البضاعه من ( دبي ) عدد محدود من كل نوع الي حابين تشتغلون فيه
وتجربين ( تسويقها ) في الدوحه بسعر ( ربح بسيط )
منها نعرف بانفسنا بالسوق لان التاجر الجديد صعب في البدايه يمشي بالسوق
منها نبيعها بسرعه ونعرف حجم الطلب عليها
ومنها نكسب زبائن لان انتوا الارخص بالسوق

وبعدها نقرر ( نشتغل جمله ) من الصين او لا بعد ما اتضحت الرويه عندك

,

,



الله يجيزك خير أخوي على النصيحة .. وفي ميزان حسناتك إن شاءالله


اتفق معاك ان ي لازم اعرف مريالي في البحر قبل لااطب فيه .. وهذاني من بديت وانا اشوف الوضع شلون

الحين انا اللي مبتدئة وبس هواية اتسلى في وقت فراغي دخت سبع دوخات علشان القى مواد تعبئة وتغليف حلوة ومرضية
وبعد مالقيت اللي ابيه


غلى المواد مش مبرر ومش معقول .. كميات قليلة .. رفوف خالية من كل شي ..

ماتم رونق ... رامز .. جمعيات .. ايكيا .. سوق فالح .. كارفور .. اللولو .. محلات العطور .. سوق واقف

ومن كل واحد فيهم القى ابرة من الاشياء اللي ابيها

مو معقول ان السوق المحلي مافيه شي يلبي رغبات وحاجات الناس

الحين ماشاءالله التاجرات ترس .. غير المدرسات اللي يسون الاعمال اليدوية للطلاب

يعني هم يجيبون بضاعة قليلة او تكون عندهم كثيرة
لكن اللي يطلع على الرفوف بالقطارة علشان تكون الاسعار الغالية مبررة

والغلا يجي على ظهر الزبون


زاد اصراري على الموضوع لكن صار فيه بدائل وخيارات اكثر

منها بدال لا اجيب من الصين فيه اقتراح نجيب من تركيا .. اقرب واسرع في الشحن والتوصيل وبكميات اقل

وبعد اذا من الصين فيه الوسطاء اللي يكونون ويلبون حاجات العرب

مادري تنصحوني فيهم والا لا ؟


دبي .. مالي علاقات فيها .. وماعرف من التجار او الوسطاء اللي ممكن يخدموني في مثل هاللامور.



انا شفت في امريكا والمانيا وكندا محلات مشهور تجي مثل الرونق لكنها ستور كبيرة ومتكاملة

كل ادوات التغليف والاعمال اليدية .. حتى الرخيصة كلش اللي مستخدمين فيها المواد المعاد استخدامها

مافيها زبرقة زايدة .. مجرد عرض على ارفف كانك داش مخزن

هذا اللي اطمح له وخاطري فيه من زمان ان الله قدرني

[Boost]

شنو يعني حساب النافذة الواحدة ؟

هل المكتب اللي خلص لي السجل التجاري ممكن يخلص موضوع النافذة ؟

جزاك الله خير شكراً على الافادة

حساب النافذة الواحدة هو مثل فتح أكاونت عند الجمارك لتخليص البضايع للشركات
ممكن على حسب شطارته

[نَقــوَه]

مشكور اخوي الله يجزيك الخير