اسواق الفرجان .. بعضها بها ظلم كبير ويحتاج لقرار رحيم

[قطري2022]

أهو من العدل ان يدفع الانسان ايجارات دون ايراد يغطي التكاليف ؟ سبب عدم تغطية التكاليف هو ان المحل بمنطقة عدد سكانها بسيط جدا ، نظرا لكونها منطقةً جديدة واغلبها لم ترصف ، بينما اخرون قد حصلو على محلات بمناطق مليئة بالسكان وقد ربحو ربحا جيدا ، اليس ظلما بان نعامل من له محل بمنطقة نائية ونجبره على دفع الايجار كما نعامل من محله بمنطقة مليئة بالسكان ؟ من الاجدر ان من محله بمنطقة نائية ان تتوقف سحب الايجارات الى ان تعتمر المنطقة ولا نعامله كما نعامل الرابح نتيجة وقوع محله بمنطقة مكتظة بالسكان ، ارجو من المسؤولين ان ينظرو بعين الرحمة وان ينطرو في الامر من جديد ، فحكومتنا رحيمة ولا ترضى بالخسارة لاي شخص .

[CH Engineer]

المفروض يراقبون ويتابعون الي مافتح ينسحب منه
والي عنده اكثر من محل يسحبون منه

والي يخسر يقدر يرجع المحل ويوقف خسارته



اخوي غير نشاطك اذا مسموح ،، تقدر تستفيد من هالمحلات

[قطري2022]

اول شي انا ماعندي محل في الفرجان ، بس وايد الي متاذيين من الموضوع ، اشلون الواحد له خلق يفتح وهو هارف انه خسران بسبة ان مافي بيوت في الفريج ؟ انت لو عندك محل من ذيلة ، ترضى يسخبونه منك ؟ ولا تبي يصبرون عليكم كم سنة على ما تعتمر المنطقة ؟

[مختلف جداََ]

اول شي انا ماعندي محل في الفرجان ، بس وايد الي متاذيين من الموضوع ، اشلون الواحد له خلق يفتح وهو هارف انه خسران بسبة ان مافي بيوت في الفريج ؟ انت لو عندك محل من ذيلة ، ترضى يسخبونه منك ؟ ولا تبي يصبرون عليكم كم سنة على ما تعتمر المنطقة ؟

كلامك صحيح

[مرتبش]

يعني
في مناطق بنو فيها الاسواق وهي للحين فاضية
وفي مناطق قائمة من سنين ومافكروا بسوق واحد فيها. تخطيط عجيب

[معماري قطري]

أما لم ترصف للآن هذي يبي لها وقت الله أعلم به في قطر اللتي تستحق الأفضل من قبل أشغال .. وإن رصفت بتكون حول الشارع أتربة وفراغات ما لها معنى ولا توجد خطوط أرضية والإنترلوك مسويه حسون القراشي راعي بقالة 7 فوق لما خلف البحار

[قطري2022]

يعني
في مناطق بنو فيها الاسواق وهي للحين فاضية
وفي مناطق قائمة من سنين ومافكروا بسوق واحد فيها. تخطيط عجيب

لازم يحطون ناس ثانيين يخططون للموضوع مرة ثانية لان التخطيط الحالي مب ناجح واثبت فشله ، المفروض المبالغ الي انسحبت ترجع لاصحابها لان الي يصير ظلم كبير ، الهدف ان المواطن يستغني لكن جذي المواطن قاعد يخسر لانه يدفع فلوس في الهوا ، او الي اندفع يتم موجود عندهم ويوقفون سحب الشيكات الثانية ليما تعتمر المنطقة ، والمبالغ الي انسحبت تكون بدل المبالغ الي بتنسخب عقب التعمير ، يعني مثلا : لو ان المواطن دفع ست شهور ، وعقبعا وقفو سحب الشيكات لين غقب سنتين ، مايخلون المواطن يدفع لمدة الست الشهور الاولى الي عقب السنتين ، مع اني افضل ان المبالغ ترجع منعا للخربطة فيما بعد ، باختصار هدف استغناء المواطن ماتحقق والي تحقق هو تخسير المواطن الي محله في منطقة غير معمرة

[Hassenfatima]

ما هو الحل ؟!

[مــاي ورد]

والله الايجار حلو حتى لو المنطقه مافيها ناس يبيله شوية وقت وبتنترس ان شاء الله

وايد المبلغ رمزي الحين وين الواحد يحصل محل بهالايجار

[قطري2022]

والله الايجار حلو حتى لو المنطقه مافيها ناس يبيله شوية وقت وبتنترس ان شاء الله

وايد المبلغ رمزي الحين وين الواحد يحصل محل بهالايجار

فعلا رمزي ما اختلفنا ، بس رمزي في في خالة اذا في اقبال يغطي الايجار لكن ست الاف في الشهر لمدة سنة تصير اثنين وسبعين الف ولمدة سنتين مية واربعة واربعين الف ، مب حرام يندفعون بالغصب ودون مايكون في ربح ؟ لكن اشلون بيكون في اقبال ومافي الا قريب عشر بيوت او عشرين بس ، انا اقتراحي ام يتوقف سحب الايجارات ليما تعتمر المنطقة عقب كم سنة ، لان المشروع قاعد يخسر مايربح وجذي المشروع ماحقق الهدف

[كاشف الغطاء]

خل يعرض المحل بخلو إذا مايبيه ماشوف إن السالفة فيها ظلم

[قطري2022]

خل يعرض المحل بخلو إذا مايبيه ماشوف إن السالفة فيها ظلم

مرحبا اخوي ويعطيك العافية ، ممنوع الخلو ، وثاني شي لو احد ثاني هذ المحل بيتعرض لنفس المشكلة ، فهل تشوف ان ذي الحل ؟

[كاشف الغطاء]

لا هو حل جزئي لأن وايد من المستثمرين يدفعون الإيجار للمستقبل وأحيانا يخلون المحل ستور لين تصير المنطقة مزدحمة

[بوخالد911]

ليس عدلاً.
ولكن عليك بالصبر وتحلى به.
الى أن تنتعش وتدب الحياة فيها.

[عازف]

أصلاً من بداية مشروع أسواق الفرجان غلط في غلط وأول غلطة توزيع المحلات لاصحاب رخص التجارية قديمة أو فتح فرع من الرخصة،،، اما مستثمر جديد ماله حظ في الموضوع،،،الحمدالله يعلها خير:)

[رُفق المجنّا]

أسواق الفرجان ، من أفضل المبادرات الحكومية ع الإطلاق ولكن يوجد لها بعض المشاكل مثل ما ذكر صاحب الموضوع وحتى في كيفية التوزيع حيث ان المعارض وحدها تعج بأربع أسواق والمسافات بينها جدا قصيرة

أتمنى استدراك التوزيعات القادمة

[حسن]

اول شي انا ماعندي محل في الفرجان ، بس وايد الي متاذيين من الموضوع ، اشلون الواحد له خلق يفتح وهو هارف انه خسران بسبة ان مافي بيوت في الفريج ؟ انت لو عندك محل من ذيلة ، ترضى يسخبونه منك ؟ ولا تبي يصبرون عليكم كم سنة على ما تعتمر المنطقة ؟

بدايه الموضوع افتكرتك عندك محل وتفاجات تقول يقولون
انا اتفق معك ان الايجارات يجب ان تتغير هذاو اولا
وثانيا ليش يقدمون بدون علم ودرايه وشله مع الخيل ياشقرا
وثالثا
بنفسي تاكدت ان العينه اللي سالتها لقيت يدفعون ايجار فوق الايجار المقرر
يعني هناك استقلال من الكفيل القطري للاسف
ماجرينها على 15 الف ونازل
المفروض البلديه تمنع هذا الاستغلال وياريت يكون قطريين يديرون هذه المحلات بانفسهم
رضينا بالهم والهم مارضى بنا

[حسن]

أصلاً من بداية مشروع أسواق الفرجان غلط في غلط وأول غلطة توزيع المحلات لاصحاب رخص التجارية قديمة أو فتح فرع من الرخصة،،، اما مستثمر جديد ماله حظ في الموضوع،،،الحمدالله يعلها خير:)

من يقولك غلط وين الغلط !!
الحمدلله سرت احلق واحصل كرسي ومحل فاضي وقريب البيت
المكتبه موجوده والمغسله موجوده والخياط موجود
لا والله الا يزاهم الله خير اللي انفعونا
حتى الكهربائيه واداوات البناء
كنت بانزل موضوع شكر للدوله بماقامت به بهذه الفكره
والله مهب جاد احسن له يترك مجال لغيره
وانا اتمنى من البلديه للي مافتح الى الان وعندنا في مطقتنا يجب ان تسحب منه فورا
ويسجل اسمه بلاك ليست
الاستغلال والطمع والجشع مرفوض

[قطري2022]

بدايه الموضوع افتكرتك عندك محل وتفاجات تقول يقولون
انا اتفق معك ان الايجارات يجب ان تتغير هذاو اولا
وثانيا ليش يقدمون بدون علم ودرايه وشله مع الخيل ياشقرا
وثالثا
بنفسي تاكدت ان العينه اللي سالتها لقيت يدفعون ايجار فوق الايجار المقرر
يعني هناك استقلال من الكفيل القطري للاسف
ماجرينها على 15 الف ونازل
المفروض البلديه تمنع هذا الاستغلال وياريت يكون قطريين يديرون هذه المحلات بانفسهم
رضينا بالهم والهم مارضى بنا

اعصابك يابوعلي �� انت معاي ولا ضد رايي ؟ ��
انا اتكلم عن دفع الايجارات في تلمناطق الي ماتعمرت ، اشوفها غلط لانها فلوس رايحة في الهوا ، من حق كل مواطن يستغل هالفرصة ، بس اذا الموضوع فاشل في الاماكن النائية ، هل من حق الكواطن يطلب تاجيل سحب الشيكات ليما تكتمل المنطقة ولا مب من حقه ؟ هل من العدل ان الواحد يدفع اثنين وسبعين الف سنويا دون مردود يغطي الايجار ؟ انا اعرف كم واحد من الي عندهم مخلات الفرجان .

[حسن]

اعصابك يابوعلي �� الجدية انت معاي ولا ضد رايي ؟ ��

هلا هلا
ياقطري

انا مش معصب ولكن في بعض الامور يكون ردي حازم
وخصوصا لم احس بان يكون هناك استغلال من مواطن ضد بلاده
ياخي
اسوق الفرجان خدمه تشكل عليها البلديه سدت جزء من المعاناه
بالنسبه لي صراحه
استفدت من الحلاق ومن الدوبي ومن االدوات الصحيه ومن الخياط
الاول اتعني لمكان بعيد الحين الحمدلله من قريب
تصدق سئلت اصحاب المحلات وكنت ابي اشوف في استغلال من قبل الكفيل القطري ولا لا
للاسف لقيت نعم هناك استغلال في الايجارات
كلها غير ماخذو منها
ليش
مهب نقعد وتنتكلم الاجنبي واالجنبي يستغلونا
يستغلونا من انفسنها والله مهب من انفسهم

وبس سلامتك

[دايموند]

والله تضحكوني لما تقولون لي اسواق الفرجان بايجار رمزي!!!

6000 رسال ايجار رمزي؟!!
عيل الي ب 500 و 700 و1000 ريال اللي بسوق واقف شنو يعتبر؟!

انا اشوف بالغوا باسعار الايجار بصراحه المفروض يكون فعلا رمزي مايتعدى ال 2000 ريال
خاصه اصحاب المحلات مب بس يدفعون الايجار ..راح يدفعون رواتب العمال والكهربا والموا الخاصه بالنشاط...
فعلا الله يعينكم يا اصحاب الدخل المحدود..ولاعزاء للهوامير اللي حصلوا حصص من هالاسواق..

[bo matar]

التجاره فيها الربح والخساره

عمري ماسمعت عن تاجر دوم ربحان!