وتستمر الحوادث وفقدان الشباب [الأرشيف] - منتديات شبكة الأسهم القطرية

حرف

30-10-2015, 05:30 PM

معماري قطري

30-10-2015, 05:50 PM

لازم يتثبت هذا الموضوع كحصر للحوادث الخطرة وتوعية للكل

القبطان سلفر

30-10-2015, 09:15 PM

مازال مسلسل الحوادث المميته مستمر وفقدان شباب في عمر الزهور
امس الخميس وقع حادث في منطقة سكنية بين سيارتين وجه لوجه في منطقة بوسدرة وتوفى شابين قطريين
واليوم قبل ساعة وقع حادث على طريق ام باب اسفر عن انقلاب سيارة واحتراقها ولا اعلم ماحصل لاصحابها فقد نقلو للمستشفى بينما السيارة الاخرى وجدت اصحابها شباب صغار في السن وكلهم بخير

الى متى ؟

حتى تكون هناك قوانين جاده ورادعه للفوضى التي تحدث بالشوارع .

قبل كم يوم وامام احد المدراس الثانويه في فترة الظهيره يتسابق الطلاب اللذين اكاد اجزم انهم لا يملكون رخص سياقه بسرعة جنونيه وبشكل يومي دون وجود اي دوريه للمرور وهذا الامر يتكرر بشكل يومي امام هذه المدرسه وقس على ذلك باقي المدراس .

في الماضي كان هناك ضبط وربط وانتشار ملحوظ للدوريات اما الان فالامر مختلف .

مهندس راهي

30-10-2015, 09:43 PM

لأول نطلب من الله الرحمه والمغفره على ارواحهم ،،، ويثبتهم عند السؤال وانا لله وانا اليه لراجعون

ام عن الحوادث فبالله عليكم البارحه وانا بخط الشمال ثلاث مواتر مسابق ومشاخطين من يمبي زين ماصابتني سكته قلبيه من الخرعه

وفي لحظات شفت اثنين منهم موقفينهم دوريات على يمين الخط. قلت بنفسي لله الحمد في اعين ساهره في خدمة المواطن وفي حفظ سلامته.

فقلت ابهدي ومن باب الفضول اشوف الأجراء

وبلحظه اشوف الشرطه اذنوا للمواتر بتكملة مسيرهم بالخط

السؤال الأتي

هل كان من الواجب ضبطهم وقطهم في النظاره؟

هل كان من الواجب تحرير ايقاف مواترهم وعمل محاكمه؟

يا اخواني والله ثم والله ان السرعه والرعونه الي شفتها بقيادتهم خطر على من حولهم قبل لايكون خطر عليهم

وللأسف من امن العقاب اساء الأدب

Hassenfatima

30-10-2015, 09:45 PM

سبحان الله وبحمده

بوخالد911

31-10-2015, 01:13 AM

اقولكم سواقة بعض الشباب بدون عقل.
الله لا يبلانا

حرف

31-10-2015, 01:15 AM

لازم يتثبت هذا الموضوع كحصر للحوادث الخطرة وتوعية للكل

مو مهم يثبت اهم يرفع برد توعوي بدون ارفاق صور للحوادث

aziz4z

31-10-2015, 05:18 AM

في بعض الشباب الله يهديهم ، اللوم على أهلهم
كنت راجع من الشمال معاي العائلة ، أشوف واحد مع لاندكروزر ماشي عكس السير على نفس الخط اللي أنا أمشي عليه قلت ممكن عنده مشكلة، بس اللي انصدمني شفت دورية جدام يوقفون كل سيارة و يسألون عن الليسن ، فالظاهر ماكان معاه ليسن و أول ماشاف الدورية رجع عكس السير على نفس الخط
الحين اللوم على مين؟؟؟. سيارة مين؟ و من وين جاب المفتاح؟؟

bo matar

31-10-2015, 05:58 AM

خلاص ما اعتقد في قرارات اكثر صرامه من الي موجوده حاليا لكن هذي ثقافة موجوده عندنا من من 20 و30 سنه صعبه نغيرها الحين

اغلبنا يوم كنا شباب كنا نسوي نفسهم وزود من فتره ارسلو لي فيديو استعراض مسجل من 20 سنه كنت موجود فيه قلت يالله ايش هالتهور الي كنا فيه واللامبالاه

ايش الطريقة الس نغير فيها هالثقافه ما اتوقع العلم وصل لحل لها !

في بعض الشباب الله يهديهم ، اللوم على أهلهم
كنت راجع من الشمال معاي العائلة ، أشوف واحد مع لاندكروزر ماشي عكس السير على نفس الخط اللي أنا أمشي عليه قلت ممكن عنده مشكلة، بس اللي انصدمني شفت دورية جدام يوقفون كل سيارة و يسألون عن الليسن ، فالظاهر ماكان معاه ليسن و أول ماشاف الدورية رجع عكس السير على نفس الخط
الحين اللوم على مين؟؟؟. سيارة مين؟ و من وين جاب المفتاح؟؟

مش ضروري ماعنده ليسن ممكن السياره مطلوبه لجهة حكوميه او قضايا او حتى ممكن يكون صاحب السيارة نفسه مطلوب

ثاني

31-10-2015, 06:55 AM

الحل شي واحد ومافي حل غيره

يحطون لمت على كل السيارات أنها ماتعدي 120 كيلومتر بالساعة

كازانوفا

31-10-2015, 08:14 AM

والله السبب الرئيسي اللامبالاه عند هؤلاء الشباب

عيون الدوحة

31-10-2015, 08:23 AM

يوجد تقصير من الجهات المعنية بضبط المتهورين
والله العظيم جنبا مدرسة ثانوية أغلب الطلاب يجون بسياراتهم وأكثرهم كروزرات ستاندر
ليش الدولة تاركتهم يسوقون بدون لياسن ومايتم تصدير سيارتها وسجنهم اسبوع
اغلبهم ظ،ظ¥ لين ظ،ظ§ سنه

بشائر

31-10-2015, 09:09 AM

إلى متى؟

إلى أن ينتبه ( أولياء الأمووور ) على سلوكيات أبناءهم ويمنعونهم من سواقة السيارة ممن هم دون السن القانوني ..
إلى أن يقمون بمتابعتهم وتوعيتهم ونصحهم ومراقبتهم وسحب مفتاح السيارة إن كلما استدعى الأمر ..

وبعدها إن صار حادث وماتوا .. فمن القدر مابه مفر ..
أما المرور ماقصروا لامن قوانين أومخالفات .. واللي يسوي نفسه ملتزم لما يشوف الشرطة ومن وراهم يتجاوز ضر نفسه ماضر غيره..

شيخ الديرة

31-10-2015, 10:26 AM

قانون البيت يسبق قانون الدولة في هذا الشأن

R 7 A L

31-10-2015, 10:38 AM

موسم الشتا والتخييم والتيدرات المقلوصه والبطابط
رجاء من اولياء الامور يفضون انفسهم شوي ويطلعون مع عيالهم ويكونون تحت عيونهم
ندري الكل يحب عياله ويخاف عليهم بس لن يكتمل الحرص عليهم الا بالتواجد معهم

امـ حمد

31-10-2015, 10:53 AM

والله السبب الرئيسي اللامبالاه عند هؤلاء الشباب

نعم اختي اللامبالاه ثم المكالمات في الجوال أثناء السواقه ،وعدم ربط حزام الأمان
الله يحفظ عيالنا وعيال كل المسلمين

R 7 A L

31-10-2015, 11:45 AM

امس وانا راجع على خط سلوى قبل جسر الصناعية - معيذر
اشوف جي اكس ابيض منقلب

حسن

01-11-2015, 06:14 AM

السبب ان اولياء الامور اهملو عيالهم بشكل كبير
وتجاوزاو في الدلع الزائد
ولازال سيل الحوادث والوفايات مستمر

وهذا نذكره كثيرا هنا

حسن

01-11-2015, 07:22 AM

توني اشوف جي منتهي قريب من الاشاره رايح وجهه وتوايره بواليين وعليه رنقات اللي يسمونها ديزل
شكله من هل الشباب

مشكله والله مايسمعون النصيحه من زين هل الرنقات والتواير
مسوي موتره كأنه سلقه

A-Alansari

01-11-2015, 07:56 AM

اليوم بعد في حادث كروزر داش في شاحنة من ورى نص الموتر مايبين مادري الي فيه حيين ولالا

فريج النجادة

01-11-2015, 07:59 AM

الحل شي واحد ومافي حل غيره

يحطون لمت على كل السيارات أنها ماتعدي 120 كيلومتر بالساعة

:nice: :nice: :nice:

راعي الكورفت

01-11-2015, 08:03 AM

الواحد صار مايخاف الا من الي يسوقون هالكروزرات تحس انهم قنابل موقوته في الشارع ولما تلحقه وتشوف السواق تلاقيه بزر عمره 17 سنه :eek5:

شبح الصمت

01-11-2015, 08:05 AM

الواحد صار مايخاف الا من الي يسوقون هالكروزرات تحس انهم قنابل موقوته في الشارع ولما تلحقه وتشوف السواق تلاقيه بزر عمره 17 سنه :eek5:

سؤال

انت عندك كورفت !!

راعي الكورفت

01-11-2015, 08:20 AM

سؤال

انت عندك كورفت !!

yes :)

شبح الصمت

01-11-2015, 08:22 AM

yes :)

بسالك اسئلة بس بدون زعل ..

كم مره سابقت في الشوارع العامه ..

وهل انت من مرتادي حلبة الوسيل !

وهل تشارك في في قروبات وطلعات .. !!

وهل تشارك في حلبة الصناعية

هل موترك مزود والا ستوك !!

اتمنى اجاوبني لاجل ارد عليك

راعي الكورفت

01-11-2015, 09:16 AM

بسالك اسئلة بس بدون زعل ..

كم مره سابقت في الشوارع العامه ..

وهل انت من مرتادي حلبة الوسيل !

وهل تشارك في في قروبات وطلعات .. !!

وهل تشارك في حلبة الصناعية

هل موترك مزود والا ستوك !!

اتمنى اجاوبني لاجل ارد عليك

سواقتي رايقه ياشبح الصمت :secret:

Riku3

01-11-2015, 09:38 AM

من سنة تقريباً صار حادث في بين كروزر وتاهو واقف عند وقت الشاي "دريول وبنات بعد المدرسة" .. الكروزر يسوقه طفل عمره 15 طلع من اللفه بسرعه كبيرة وما قدر يتحكم في السيارة وافترت عليه ودعم السيارة الي واقفة .. ومباشره الموجودين نادوا اخو الولد وقعد مكان اخوه قبل لا توصل الدورية .. وانسجن نص يوم لين تنازل راعي التاهو ..

تصدقون لين يومكم الولد يسوق ويوصل امه والا اخوانه الصغار !! .. شكثر تناقشت معاهم ما في فايدة !!! .. اقولهم عيال الناس مب لعبة في يدكم ولدكم يذبحهم ،، كأني اكلم طوفه ابوهم تفكيره على الستينات يقول كلنا كنا نسوق هالعمر !! ..

انا ودي اشوف الشرطة المجتمعية في الدوريات توقف الناس في الشوارع .. مب شرط تخالف الي يسوقون بتهور ولكن على الاقل تنقعه في الشارع ربع ساعه يسووله محاضرة ويعطونه كتيبات والي يكرر الغلط يغصبونه يحضر دورات تدريبية متخصصه ..

بس ضروري يكون عندهم ثقافة ولباقة في الكلام وصبر مب توقف الشخص وتذله وتغلط عليه وتخليه يكره القانون !! .

شبح الصمت

01-11-2015, 09:49 AM

سواقتي رايقه ياشبح الصمت :secret:

جاوبك مبهم ..

عثرة جواد

01-11-2015, 09:50 AM

القوانين موجودة والحكومة مش مقصرة

باقي دور الاباء الي هو عثرة ف وجة القانون

ياليت يكون عند مدارس الثانوية بنين سيارة مرور تخالف اي واحد ماعندة ليسن او كتشة

اهنية بتخف الحوادث وبيرتدع الاهالي ...

عساااك ع القوة

قطريه ماركه

01-11-2015, 09:59 AM

اللهم احفظ شباب المسلمين

R 7 A L

01-11-2015, 11:22 AM

اولياء الأمور دورهم في التأسيس ولما يكون عيالهم قدام عيونهم
ان انحرف التأسيس او ابتعد الشاب عن اعين اولياء امورهم
يأتي دور وزارة الداخلية ( المرور ) في الضرب بيد من حديد لكل من يخالف القانون وللأسف نسمع وانشوف تهاون واضح من قبلهم والمقصد التخفيف ومساعدة الناس ولكن للأسف المجتمع يفقد يومياً شباب في عمر الزهور لهذة الأسباب

R 7 A L

01-11-2015, 11:23 AM

اتمنى عودة رجل المرور للشارع كما كان سابقاً

شيخ الديرة

01-11-2015, 08:23 PM

اتمنى عودة رجل المرور للشارع كما كان سابقاً

بالحر والبرد ؟؟ ليل ونهار ؟؟

سابقا كم شارع وكم دوار, اليوم غير

كل بيت بيه رجل مرور, اسمه ولي الأمر

بانغ بانغ

01-11-2015, 08:47 PM

لما رجل المرور بيده ايوقف اي غوغائي مسرع وايتله من موتره مهما كان من او ولد من .....

ذيك الحزة بيتسنعون اليهالو ؟

R 7 A L

01-11-2015, 09:31 PM

بالحر والبرد ؟؟ ليل ونهار ؟؟

سابقا كم شارع وكم دوار, اليوم غير

كل بيت بيه رجل مرور, اسمه ولي الأمر

اخوي شيخ الديرة يعجبني فيك ولائك لجهه عملك بس بعد لازم من باب الانصاف لو فيها تقصير واحد ذكره ان تؤيد كلامه او اقل الايمان ان تصمت
انا وغيري نعمل في جهات حكوميه ونحبها بس بعد اذا فيها تقصير لازم نذكره من باب الانصاف
رجل المرور ايامنا كان له هيبه لاننا انشوفه دايم الحين تعلق اسم المرور بالارقام المميزة والرادارات فقط ماله اي ذكر في الامور الاخرى التي هي الاساس حتى دوريات مانشوف تحريات مانسمع مثل قبل
المفروض مع زيادة الشوارع وزيادة السيارات يزيد عدد رجال المرور في الشوارع بدل توقف سيارات المرور بالاشهر في مركز المعمورة
ويسعد لي مساك