استفسار عن لوحات المحلات

[Clssy Gift]

السلام عليكم


انا ابغي افتح محل، بس مش عارفه وين الاقي محلات تسوي لي لافته
لوسمحتوا اتمنى حد يفيدني اذا يعرف


شكراً

[تلفزيون قطر]

أعتقد أي محل دعاية وإعلان ممكن يسويلج اللوحه


ومبروك على المحل والله يباركلج فيه ويرزقج








فالج التوفيق







تلفزيون قطر

[Red rose]

اختي في واحد يسوي لافتات حق المحلات اسمه ابو حاتم

بطرش لج رقمه على الخاص

[رحال الدوحه]

السلام عليكم ورحمة الله وبركاته ،،

الله يوفقج ويبارك لج فتجارتج ويرزقج من فضله والجميع ..

تصميم اللوحات الاعلانيه للمحلات التجاريه تختتلف حسب النوعيه والمواد والمساحه
واي محل خطاط يسوي لج اللوحه لكن قبلها لازم تاحذين موافقه من الرخص التجاريه تسوين
لهم سكتش ( نموذج بالصوره الفوتوغرافيه ) ويختمون على التصميم بالموافقه .

وتودين اي محل خطاط السكتش المختوم من ادارة الرخص التجاريه ، وتتفقين مع المحل
عالسعر ..

أسأل الله التوفيق لج وللجميع واي خدمه انا حاضر للطيبين ..

[السكين]

شوفي أختي ريحي نفسك وروحي شارع الهندسة ( بين اشارات المجنون واشارات حفصة ) هالمحلات قديمة ولها خبرة وعندهم خيارات كثيرة جداً ، لفي عليهم وشوفي المناسب فيه أعتقد دار الفن للدعاية والاعلان وفيه فنر وفيه الشروق المهم انه شارع مليان .

ونصيحة قبل لا تركبي لوحة شكلها على الورق غير وشكلها ع الطبيعة غير ..قصدي لا تغرك الألوان وبهجتها ( لو لوحة عادية إختاري اللي بالنهار تكون واضحة وبالليل واضحة اختاري خلفية غامقة وكتابة فاتحة ) ، وتأكدي من الضمان وعادة يكون أقل شي عشر سنوات وخليه يذكرها بالفاتورة .

وبالتوفيق .

[Clssy Gift]

مشكورين ماقصرتوا على هالمساعده الطيبه
جزاكم الله خير وكثر الله من امثالكم

[الدوحة 2010]

تواصلي معاي اختي 33283311 عندي محل دعاية واعلان