موضوع مثير للشجون ومدمع للعيون يالله شاركوني فيه

[معماري قطري]

الكل تقريباً يعرفون برنامج قوقل ايرث

بس يمكن قليل يعرفون إن ممكن يزورون أماكن عاشوا فيها ويشوفون مكان سكنهم ويتذكرون ربعهم ذاك الوقت وظروف حياتهم

انا دخلت موقع عمارة كنت ساكن فيها سنة 1987 في تاكوما ودخلت موقع بناية كنت ساكن فيها أواخر 1986 في دبلن وهذي البنايتين يبينون بصورة ثلاثية الأبعاد .. بحاول أتذكر أماكن ثانية حتى مدارس وبازورها .. في كثير من بقع العالم للحين صورة جوية بس يبين المكان تقريباً كما كان.

عندي مثلاً بيت الطفولة في قطر كان عمري سنة من نقلنا له .. لكن بيت السكن وانا أقل من سنة ما اذكره بس باحاول اسئل عنه.

انا مستعد للبداية لكن أفضل بداية الإنطلاق تكون من أي عضو غيري.

[بصمة قطرية]

والله فكرة حلوة و مؤلمة ترجعك للماضي و ذكريات الماضي ..
ودي أرجع لآخر مكان جمعني بأم زوجي الله يرحمها
تحديداً وسط لندن ..
و بيتنا القديم للحين موجود و لي فيه ذكريات حلوة ..
قلبت المواجع :(

[معماري قطري]

والله فكرة حلوة و مؤلمة ترجعك للماضي و ذكريات الماضي ..
ودي أرجع لآخر مكان جمعني بأم زوجي الله يرحمها
تحديداً وسط لندن ..
و بيتنا القديم للحين موجود و لي فيه ذكريات حلوة ..
قلبت المواجع :(

ما تصدقين لو قلت لج هذي البيوت ما تتغير .. انا تعجبت واللي تعجبت منه أكثر شلون تذكرت عنوان سكني في دبلن .. تذكرت الشارع والمنطقة وشفت البناية الا هي هي ما تغيرت.

ساندي ماونت - غلفورد باينز .. ولا تذكرت رقم البيت يالله نجرب نروح

[Red rose]

اخوي معماري ذكرتني في ابيات قصيده قالها الشاعر سيد قطب الله يرحمه

إذا جــن الليل تجـيش الفـكر * ويؤرق جـفني مَــر الذِكر

ويـخـلو فـؤادي لأحـلامه * فـيجعل مـنها حـديث الســمر

وتخلد روحي إلى الذكريات * فتسري تباعـاً سراعـاً تمــر

فـــــآناً تَــؤُزُ وآنــــاً تــلذ * وآنــــاً تســـوء وآنــــاً تــسر

هدوء طويل وصمت رهيب * وفي النفس أشجانها تشتجر

إذا ما ذكـرت زمــاناً تقـضى * بــديع الرسـوم جميل الأثر

تراءى لنفسي عهد الصغر * فتشتاق نفسي لعـهد الصغر

لعهد الرضاء وعـهد الحبور * وعـهد الصفاء القليل الكدر

أنـام وأصحو على مـا أشاء * طـروب الفـؤاد قرير النظر

وتصحو الغزالة من خدرها * فـتزهو الورود ويحيا الزهر

وتـبدو الرياض رياض القرى * بوشيٍ جـميل ووجه نضر

ويسجع فيها الحمام طروباً * وتشدو البلابل فـوق الشجر

رعـى الله عـهداً جـميلاً تـولى * وخـلفني للأسـى ثم مـر

وأسلمني لصـعاب الأمور * وكيـد الصروف وطـول السهر

ألا يا رعـى الله عــهد الصغر * ألا يا لـحا الله عــهد الكـبر

فـذلك عـــهـد صـبوح أغر * وهـــذا عــبوس ظــلوم قـتر


احييك ع هالموضوع الرائع والطفولي

[معماري قطري]

هذي صورة البنايات .. وكانت شقتي اللي عليها حرف الجي فوق وفيها بلكونة وفيها درايش ثنتين نورهم مزعج في غرفة النوم .. كانت شقة الشباب الحين شياب شباب سابقاً الدكتور محمد العتيق - دكتور عظام .. والدكتور مصطفى الهاشمي - دكتور عيون على مسافة دقيقة مشي .. شقة الدكتور أحمد بادار بعد قريبة مني .. انا 5 شهور وشردت يوم شفت صعوبة الدراسة.

كانوا يسئلوني شتعلمت تطبخ .. اقول بيض ومشروم - بيض وجبن - بيض وطماط .. قالوا نبي أكلة ما فيها بيض قلت هذي حدودي ألحين .. صارت نكتة ذاك الوقت عطوني رقم شركة يجيبون فحم للتدفئة وكانت بداية الشتاء واتصلت وطلبت فحم .. قالوا كم طن تبي .. تبون الصج ضعت وكلامي مكسر يالله يالله امشي نفسي .. بغيت اقول 5 ولا 2 بس الحمد لله الله هداني وقلت ربع طن .. طلع الربع 250 كيلو وترس لي كونتينر كبير تحت .. ووزعت منه شكثر وزاد ورجعت قطر ويتراوى لي للحين يمكن باقية كمية من ذاك الوقت.

ربع لأَول لو يقرون بيتذكرون السالفة .. وهذي كانت أول شقة لي برا وقبلها سكنت في فندق في اجوار رود في لندن بس ما اذكره باحاول ادوره.

http://i.imgur.com/9wtsr9u.jpg

[معماري قطري]

تتوقعون يجيني يوم واروح هناك .. آتذكر مدير مكتبنا مروان .. هو سوري وايد وايد طيب الله يذكره بالخير وآتذكر ذيك الدفعة من الشباب الطيبين بعضهم أكبر منا ويتخصصون وبعضهم في سنوات الدراسة وباقي لهم شوي .. كان معانا واحد اسمه محمد أمين بعد غير رايه وحول هندسة بس بعدي بفترة .. كان نظره كثير ضعيف وكنا نضحك ونلعب همنا بس الخلاص وانا استسلمت من يمكن ثاني شهر بس قضيت الفترة استفادة لغة قد ما اقدر

[معماري قطري]

اخوي معماري ذكرتني في ابيات قصيده قالها الشاعر سيد قطب الله يرحمه

إذا جــن الليل تجـيش الفـكر * ويؤرق جـفني مَــر الذِكر

ويـخـلو فـؤادي لأحـلامه * فـيجعل مـنها حـديث الســمر

وتخلد روحي إلى الذكريات * فتسري تباعـاً سراعـاً تمــر

فـــــآناً تَــؤُزُ وآنــــاً تــلذ * وآنــــاً تســـوء وآنــــاً تــسر

هدوء طويل وصمت رهيب * وفي النفس أشجانها تشتجر

إذا ما ذكـرت زمــاناً تقـضى * بــديع الرسـوم جميل الأثر

تراءى لنفسي عهد الصغر * فتشتاق نفسي لعـهد الصغر

لعهد الرضاء وعـهد الحبور * وعـهد الصفاء القليل الكدر

أنـام وأصحو على مـا أشاء * طـروب الفـؤاد قرير النظر

وتصحو الغزالة من خدرها * فـتزهو الورود ويحيا الزهر

وتـبدو الرياض رياض القرى * بوشيٍ جـميل ووجه نضر

ويسجع فيها الحمام طروباً * وتشدو البلابل فـوق الشجر

رعـى الله عـهداً جـميلاً تـولى * وخـلفني للأسـى ثم مـر

وأسلمني لصـعاب الأمور * وكيـد الصروف وطـول السهر

ألا يا رعـى الله عــهد الصغر * ألا يا لـحا الله عــهد الكـبر

فـذلك عـــهـد صـبوح أغر * وهـــذا عــبوس ظــلوم قـتر


احييك ع هالموضوع الرائع والطفولي

ما شاء الله اختي رد روز أبيات معبرة وفي الموضوع

[Dana’1]

http://i.imgur.com/eiwY5VS.jpg

هذا النادي بدايه الخط الوردي بالمسبح هي بعمق متر وتنتهي بالنقطه الحمرا 4 متر والجزء البارز 5,5 متر
كان الالعاب والتحديات مع الصديقات كثيره ومتنوعه وبعضها نكته بمعنى الكلمه
ومن بين أحد الألعاب نرمي شي صغيير مره وتنزل وحده عمق 5,5 تجيبه طبعا بالدور
وغيرها الكثير
ومره الله وكيلك سويت حركه صقع راسي الجدار صقعه محترمه زين ما اغمي علي داخل الماء هههههه

والصاله المغلقه هذي كنت العب فيها اسكواش والريشه بس أكثر شي الريشه وكان أول من علمني عليها وحبيتها صديقة العايله صينيه زوجها صديق أبوي ومعه بالعمل علاقتهم قويه معنا يحبونا حيل دايم يزورونا بالبيت تدري اختارو يسكنون بيتنا القديم وطلبوا من الشركه هالشي وعاشو فيه لين توفي زوجها من كم سنه وانتقلت لعيالها بأمريكا البيت نظيف ورده والاجمل إن بعض الأماكن ثل ماتركناه احنا حتى إن ستارة الغرفه موجوده يا رجال جاتنا الصيحه انا واختي يوم شفناها بس
كان فعلا ودنا انا واختي نشتري البيت والحمدلله على كل حال£_£
المهم هالصينيه وهي تعرفني على صديقاتها تقول هذي بنت أخوي^_^
كانت رغم كبر سنها إلا إنها فنانه رياضيه درجه أولى وهي علمتني قواعدها ودربتني عليها لين تمكنت وكنت العب معها فردي او زوجي مع صديقاتها الصينيات والحمدلله فريقنا يفوز وكانت تعزز لي بأنها فخوره إني بفريقها^_^

طبعا هذا جزء صغير من الذكريات في هذا المكان

[Dana’1]

تتوقعون يجيني يوم واروح هناك .. آتذكر مدير مكتبنا مروان .. هو سوري وايد وايد طيب الله يذكره بالخير وآتذكر ذيك الدفعة من الشباب الطيبين بعضهم أكبر منا ويتخصصون وبعضهم في سنوات الدراسة وباقي لهم شوي .. كان معانا واحد اسمه محمد أمين بعد غير رايه وحول هندسة بس بعدي بفترة .. كان نظره كثير ضعيف وكنا نضحك ونلعب همنا بس الخلاص وانا استسلمت من يمكن ثاني شهر بس قضيت الفترة استفادة لغة قد ما اقدر
ليش لا في حال سافرت يوم لهذي المدينه زور هالسكن عادي لو من برا تتفرج عليها^_^

[معماري قطري]

http://i.imgur.com/eiwY5VS.jpg

هذا النادي بدايه الخط الوردي بالمسبح هي بعمق متر وتنتهي بالنقطه الحمرا 4 متر والجزء البارز 5,5 متر
كان الالعاب والتحديات مع الصديقات كثيره ومتنوعه وبعضها نكته بمعنى الكلمه
ومن بين أحد الألعاب نرمي شي صغيير مره وتنزل وحده عمق 5,5 تجيبه طبعا بالدور
وغيرها الكثير
ومره الله وكيلك سويت حركه صقع راسي الجدار صقعه محترمه زين ما اغمي علي داخل الماء هههههه

والصاله المغلقه هذي كنت العب فيها اسكواش والريشه بس أكثر شي الريشه وكان أول من علمني عليها وحبيتها صديقة العايله صينيه زوجها صديق أبوي ومعه بالعمل علاقتهم قويه معنا يحبونا حيل دايم يزورونا بالبيت تدري اختارو يسكنون بيتنا القديم وطلبوا من الشركه هالشي وعاشو فيه لين توفي زوجها من كم سنه وانتقلت لعيالها بأمريكا البيت نظيف ورده والاجمل إن بعض الأماكن ثل ماتركناه احنا حتى إن ستارة الغرفه موجوده يا رجال جاتنا الصيحه انا واختي يوم شفناها بس
كان فعلا ودنا انا واختي نشتري البيت والحمدلله على كل حال£_£
المهم هالصينيه وهي تعرفني على صديقاتها تقول هذي بنت أخوي^_^
كانت رغم كبر سنها إلا إنها فنانه رياضيه درجه أولى وهي علمتني قواعدها ودربتني عليها لين تمكنت وكنت العب معها فردي او زوجي مع صديقاتها الصينيات والحمدلله فريقنا يفوز وكانت تعزز لي بأنها فخوره إني بفريقها^_^

طبعا هذا جزء صغير من الذكريات في هذا المكان

الله يحفظكم جميع .. حاولت اشوف وين المنطقة ما عرفت .. انا بحاول اشوف ملعب البولنغ أذكره قريب شقتي بس بنيان وايد استوى في المنطقة .. هذا في تاكوما في السكسث أفنيو .. طلعت السكن بس ملعب البولنغ لا وطلعت المسجد بانيه الملك فهد الله يغفر له باحط الصور بكرة إن شاء الله

[معماري قطري]

ليش لا في حال سافرت يوم لهذي المدينه زور هالسكن عادي لو من برا تتفرج عليها^_^

والله دبلن لازم ننزل لندن وبينها وبين لندن ساعة بالطيارة أو بالباخرة أكثر .. هذا اللي ما يشجعني اروح هناك

[Dana’1]

الله يحفظكم جميع .. حاولت اشوف وين المنطقة ما عرفت .. انا بحاول اشوف ملعب البولنغ أذكره قريب شقتي بس بنيان وايد استوى في المنطقة .. هذا في تاكوما في السكسث أفنيو .. طلعت السكن بس ملعب البولنغ لا وطلعت المسجد بانيه الملك فهد الله يغفر له باحط الصور بكرة إن شاء الله
آمين وياكم يارب جزاك الله خير
طبعا بيكون صعب تعرف المنطقه لانها مو بقطر هذي بالشرقيه^_^

[Dana’1]

http://i.imgur.com/NSQSfRW.jpg

وهذا الشاطئ كنا نروح له من يوم واحنا صغار كان مخصص للسباحه بس ماكان فيه عشب بهالطريقه إلا يوم كبرت شوي يعني لحقت عالاثنين ^_^
قبل كان كلع رمل ناعم يهبل وكانوا بعد يجيبون الخيول للي يبغى بفلوس وكشك يبيع خفايف

بعدين شالو كل هذا وزينوه بمثل ماتشوف حاليا وتم شاطئ مخصص للسباحه يمين الدوار للشباب ويسار للعوائل
وتقام فيه بعض المهرجانات مثل مهرجان الزهور^_^

وله ذكريات حييل جميله. وما اعرف ليش بس كان شي اساسي بعد مانسيخ ونخلص نشرب ميرندا بااارده

الميرندا ارتبطت معي بعد البحر^_^

[ضوى]

مكان بيتنا القديم صار اثراً بعد عين لم يبقى منه شئ حتى الاطلال ازالوها

[العفراء]

صباااح الخير عمي المعممماري لاحظت انك دوم اتحن ع الماضي
يمكن لان بالماضي كنا نمتلك اشيا بسيطه وما نعرف جيمتها الا بالحاضر حيث انه افتقدنا البساطه الحلوه

مستمتعه بالموضوع الحلو : )

[R 7 A L]

عطوني الرابط

[العفراء]

رابط الشو رحال ؟ اذا تطري قوقل ايرث نزل التطبيق بالموبايل

[R 7 A L]

لازم احمل التطبيق مايصير اتصفح بدون لا احمله

[العفراء]

اظن يستوي جرب بتطبيقات قووقل بالويب

[ya3coub]

أول العام رحنا امريكا و مرينا على فينا بفرجينيا

و تحديدا البيت الي انا و اختي انولدنا فيه قبل 25 سنة

كأن ابوي اول من سكن البيت و سوى عليه تغيريات بيده إلى اليوم موجودة و رحنا طقينا الباب عالناس و بالعكس استضافونا عندهم ونفسهم الي شرو البيت من الوالد إلى اليوم ساكنين فيه.

ما اذكر الكثير منه بس لما رحت و دخلنا داخل تذكرت حتى ريحة طباخ الوالدة و الكيك الي دايما كانت تسويه لنا.



اماكن احبها كل الأماكن الي سكنتها برع بأمريكا, لندن, المغرب و دبي
كل شقه لها طعم خاص ريحة مميزة ذكريات و ايام و أجواء لو حتى اروح زيارة غير عن لما كنت ساكن فيها

أشكرك أخوي معماري قطر
شكلي قريب بسافر

[معماري قطري]

إخوي يعقوب سافر بقوقل ايرث وانقلنا معاك بالصور .. وإنت من مواليد أمريكا وأكيد البيت والمدينة والمحيط كله نقدر نشاركك فيه الصورة الجوية والذكريات الجميلة .. انا حاولت في قطر اشوف بيتنا اللي في بيت جدي لوالدتي ولا شفته واضح في قوقل ايرث

[معماري قطري]

http://i.imgur.com/NSQSfRW.jpg

وهذا الشاطئ كنا نروح له من يوم واحنا صغار كان مخصص للسباحه بس ماكان فيه عشب بهالطريقه إلا يوم كبرت شوي يعني لحقت عالاثنين ^_^
قبل كان كلع رمل ناعم يهبل وكانوا بعد يجيبون الخيول للي يبغى بفلوس وكشك يبيع خفايف

بعدين شالو كل هذا وزينوه بمثل ماتشوف حاليا وتم شاطئ مخصص للسباحه يمين الدوار للشباب ويسار للعوائل
وتقام فيه بعض المهرجانات مثل مهرجان الزهور^_^

وله ذكريات حييل جميله. وما اعرف ليش بس كان شي اساسي بعد مانسيخ ونخلص نشرب ميرندا بااارده

الميرندا ارتبطت معي بعد البحر^_^

ما شاء الله تخطيط الطرق عندكم على مستوى عالي في بعض المناطق وهذي ميزة في قوقل نشوف مناطق يمكن تغيرت ومناطق سكنا فيها ما تغيرت للحين

قوقل في كل مدينة بالتدريج يسون تحديث للصور في الشارع وبدوا بدول تهمهم والدور جاي لنا

[معماري قطري]

مكان بيتنا القديم صار اثراً بعد عين لم يبقى منه شئ حتى الاطلال ازالوها

البعض أكيد والبعض عايش في بيت واحد ما تغير عليه للحين .. يمكن هذا الموضوع موجه أكثر للي درسوا برا من زمان ولا اللي انتقلوا من دولة ثانية يشاركوننا بصور منطقتهم الجوية وذكرياتهم

[معماري قطري]

صباااح الخير عمي المعممماري لاحظت انك دوم اتحن ع الماضي
يمكن لان بالماضي كنا نمتلك اشيا بسيطه وما نعرف جيمتها الا بالحاضر حيث انه افتقدنا البساطه الحلوه

مستمتعه بالموضوع الحلو : )


صباح النور اختي الطيبة

انتي لازم فيه مناطق لج فيها ذكريات في الامارات واحتمال تكونين للحين في نفس المنطقة ونفس البيت شاركينا وجدانياً لو هذا الحال

[معماري قطري]

لازم احمل التطبيق مايصير اتصفح بدون لا احمله

قوقل ايرث تنزله من متصفح قوقل بسهولة وطريقة استعماله سهلة تنزل وتوصل لمرحلة يتحول لك ثلاثي الأبعاد حسب المنطقة وتحديثاتها

[Dana’1]

ما شاء الله تخطيط الطرق عندكم على مستوى عالي في بعض المناطق وهذي ميزة في قوقل نشوف مناطق يمكن تغيرت ومناطق سكنا فيها ما تغيرت للحين

قوقل في كل مدينة بالتدريج يسون تحديث للصور في الشارع وبدوا بدول تهمهم والدور جاي لنا



صحيح نظام التخطيط عندنا أمريكي رممتاز جدا بصراحه
وشفت التغيرات ماهي كبيره ابدا واغلبها بالبيوت والمباني مو بتخطيط الشوارع يعني هي نفسها بالضبط ماشاءالله

المشكله بقوقل ايرث مو واضحه صور مناطقنا مثل ماهي واضحه بمناطق اوربا وأمريكا!

والحين بنزل صوره بيتنا القديم إن شاءالله

[Dana’1]

http://i.imgur.com/eTBXIsq.jpg

لو تلاحظ بيتنا الي بالأحمر هو الي غير عن الي حوله لأن للحين هو على النظام إلي بنته الشركه وكل البيوت كانت نفسهاوقريبه منه
عقب تغيرت كثير أمور والناس غيرت في التصاميم ووسعت

النقطه الورديه كانت العاب لسكان الحي موجوده خلف البيوت موزعه بالتساوي وطلعا هذي عند بيتنا فوناسه ^_^ وكنا نجتمع ونلعب فيها^_^

وطبعا الي بالازرق الروضه وترى هي نفسها ماتغيرت بس قبل الزرع أكثر وسورها حديد نشوف الشارع مرات كنت اروح لها مشي مع الاصدقاء بالحي أمن وأمان ياحلوها من أيام
والمواقف طبعا كثيره وجميله مايحتاج^_^

[معماري قطري]

حلو تخطيط الأحياء بروضة واسعة مخصصة للأطفال وبمدخل للسيارات ومكان لنقل الأطفال جيد وآمن .. عندنا على حسب الروضة والروضات الخاصة عبارة عن بيوت صغيرة وغير مهيأة.

في أمريكا ممنوع الروضة والمدرسة الابتدائية تكون طابقين بسبب صعوبة هروب الأطفال من الحريق .. طابق ومفتوح على الحديقة للعب برا والدراسة داخل.

[معماري قطري]

والله شفت بيت جدي أو مكانه .. جدي لإبوي وجدي لإمي اللي توفى قبل لأنولد الله يغفر لهم جميع .. بس الصور مب واضحة وتغيرت المعالم وايد .. انبنت بيوت ثانية ومكان مجلس جدي انبنى مسجد ما انهدم مجلسه الا توه وكان سقفه خشب عريض وطين والحوائط طابوق .. بحاول أوضح الصورة وباحطها بعدين ان شاء الله

[معماري قطري]

هذي صورة لبيت جدي بالنيلي فوق ولبيت جدي لوالدتي بالأخضر تحت .. وكان جدي الله يغفر له يمر علينا شبه يومي وياخذني معاه للمدرسة في بداية دخولي للأول ابتدائي .. أغلب وقته كان يمشي ذاك الوقت والسيارات قليلة .. توفى الله يرحمه وانا حول العشر سنين

http://i.imgur.com/UTOzTX4.jpg

[بوخالد911]

متااابع طال عمرك

[معماري قطري]

متااابع طال عمرك

بو خالد نبي مشاركة بالصور العملية سهلة جداً قداً قداً

[معماري قطري]

شوف حاول توصل المكان اللي رحته في بانكوك وباقي الدول وبيشتغل شريط الذكريات

[معماري قطري]

أول ما رحت ادرس أمريكا استقبلوني شباب كثيرين في مطار سيتاك .. كان شهر 4 وكانت الدنيا خضرا والزهور في كل مكان ربيع من قلب .. ركبت مع اخوي سعود بن ناصر بن فالح ( مدير اوريدو الحالي ) .. كان من شلتنا عبدالعزيز بن أحمد المالكي ( سفير قطر في ايطاليا حالياً ) وناصر بن على بن جبر وجبر بن حمد بن خالد آل ثاني .. و طارق بن أحمد المالكي .. وسكنت بدايتي مع محمد بن عبدالعزيز النصر ( ملحق الداخلية في واشنطن ) وكذلك وليد بن جاسم المسلم وشباب آخرين كلهم ربع دراسة في الثانوية.

كنت ما اقدر اركز في الاتجاهات والشوارع وشبابنا كانوا ما شاء الله مسابق بس بحدود معقولة .. واستغربت من سكنهم في مدينتين ( تاكوما واوليمبيا في ولاية واشنطن في الشمال الغربي) حول ساعة بين المدينتين وكل ناس ساكنين قرب جامعتهم.

من المواقف اللي من اذكرها اضحك كان واحد من ربعنا بيسافر وموصلينه المطار .. قال بيتسوق وبيجينا وواحد حصلها فرصة وقال لموظفة الطيران رفيجنا كان معانا ولا ندري وين راح ونخاف الطيارة تطير عنه .. قالت شسمه؟ عطاها اسم حركي ورفيجنا كان شوي متين .. قال لها بو تمبة آل فلان .. وشوي الا ميكروفونات المطار تنادي الشاب مستر بو تمبة آل فلان .. مستر لازم والمسكينة الموظفة شافت بعضنا ماخذ الأرض من الضحك وهي جدية بس عرفت السالفة .. ما خذنا ثواني الا جاي ويقول سويتوها فيني

السوالف وايد والذكريات تجي مع متابعة صور المكان .. حتى اتذكر المطاعم المكسيكية هناك وغيرها من اللي متعودين عليها والأكلات .. وخذت شقة في عمارة قديمة على ال سكسث أفنيو في تامبا .. قريبة من الجامع هناك ومن كلية المجتمع اللي خذت فيها ترم بس وطلعت منها رحت كلية ثانية في منطقة شوي بعيدة عن ربعي واستوت زياراتي لهم أقل من قبل.

http://i.imgur.com/6rfPZTl.jpg

العمارة اللي فيها فتحتين كانت شقتي طابق أرضي صوب حوض السباحة .. بس كانت العمارة قديمة ذاك الوقت شلون الحين

الشارع كان في طرف تاكوما والعمران فيه قليل لكن ألحين تغير كل شيء .. حاولت احصل مكان ملعب البولنغ اللي نروحه اسبوعياً تقريباً ونلعب تحدي اللي يجيب أقل يدفع أكثر وكانت منافسه حامية الله يذكر ذيك الأيام وذيلاك الربع بالخير

http://i.imgur.com/TuC8xPr.jpg