سرقة الافكار ..... هل اصبحنا بحاجه الى براءة (اقتراح)

[مضارب دوسري]

السلام عليكم ورحمة الله وبركاته

هل اصبحنا بحاجه في اماكن عملنا او وظائفنا

الى انشاء قسم براءة اقتراح او افكار

على وزن براءة اختراع :rolleyes2:


تجد الموظف يفكر وبعدها يذهب الى مسؤوله يطرح فكرته او اقتراحه
ويقنعه المسؤول انه فكرته غير مناسبه او ما الى ذلك
ويشكره على حرصه ومن هالكلام :rolleyes2:


بعد اسابيع او اشهر
نجد هذا المسؤول يسرق فكرة الموظف او اقتراحه
وينال عليها شهادات التقدير والشكر و و و و


هل حصل معكم !
هل صادفتم مسؤولين في اماكن عملكم يتقنون سرقة الافكار او الاقتراحات


موضوع للنقاش
وشكرا

[بوخميس]

هل حصل معكم !
هل صادفتم مسؤولين في اماكن عملكم يتقنون سرقة الافكار او الاقتراحات


موضوع للنقاش
وشكرا

هههههههههههه بو محمد

انا ما صادفت حد في مكان عملي عنده افكار.

كلها أفكار موظفين مساكين. ويطلع شيسمونه في التلفزيون ولا الجريدة ويخربط ويجيب العيد

[H H]

يعني يابو محمد مديرك مايقدر ياخذ افكارك بدون ماينسب لك الفضل؟
لا وفوق كذا بيقولك سو كل شي وخلصه وارسلي اياه , وان رسلته له حذف اسمك ورسل الايميل للاداره العليا يطلب فيها الموافقه على مشروعه التطويري الجبّار.

[حسن]

يارجل اهم شي دام الافكار تخدم البلد والمواطن ماعندي اي مشكله
كثير من افكاري وخططي الاستراتيجيه ورؤيتي
اللي نشرتها هنا في مصحله الوطن تم الاخذ بها
المهم المصحله العامه
وخلك مثلي يامضارب
جندي مجهول
مانبي غير هل الرتبه ولا زياده ندور الاجر من رب العالمين

وصباح الخير يااستاذ البورصه

:)

[مختلفة عقليا]

السلام عليكم

اذا كنت حريص على افكارك لا اتشاركها الا برسايل ( ايميل ) عشان تضمن حقك ., وحط cc لـ اكثر من شخص

ما صار لي شي جيه بس دوم نقعد مع المدير ونعطيه افكارنا واللي يعجبه ياخذه ما يسرقه احنا انتبرع له :nice:

ويسلموو

[R 7 A L]

يارجل اهم شي دام الافكار تخدم البلد والمواطن ماعندي اي مشكله
كثير من افكاري وخططي الاستراتيجيه ورؤيتي
اللي نشرتها هنا في مصحله الوطن تم الاخذ بها
المهم المصحله العامه
وخلك مثلي يامضارب
جندي مجهول
مانبي غير هل الرتبه ولا زياده ندور الاجر من رب العالمين

وصباح الخير يااستاذ البورصه

:)

حتى انا لي اكثر من موضوع واكثر من اقتراح قلته هنا في المنتدى واكثر من فكرة والحمدلله شفناها تطبقت المفروض يابوعلي انا وانت وكذا عضو يعطونا لون مميز ذهبي ويعطونا خاصيات تميزنا على الجهود التي نبذل في خدمة الوطن والمواطن :shy:

المسكين حمد عنده افكار بس بعض المرات يخورها هههههههه اخر افكار يبيهم يسون غابات ههههه يقول يبغي يتمشى بين فيله واسود ونمور هههههههه

،

اخوي مضارب
نصيحه اذا كانت عندك فكرة راح تفيدك حاول انك ماتكشف لشخص واحد

[ابوالكلام]

المفروض يكون مركز لحقوق الملكية الفكرية

[العفراء]

مرااحب اخويه مضارب دوسري

طبعا ظاهرة سرقة الافكار هذي شايعه فمنطقتنا بشكل عام
علشان جذا حكومة دبي مثلا لجأت لحفظ الحقوق الكترونيا مثلا

عندك مقترح او فكره تطويريه خاطب بها مديرك و بنفس الوقت ارسل الخطاب الكترونيا للمكتب التنقيذي بدبي او عدة نسخ للمسؤليين المباشرين ،،،،، و جذا الواحد يضمن ما يضيع حقه و يقدر يثبت ان الفكره فكرته لو استدعى الامر .....

[حسن]

حتى انا لي اكثر من موضوع واكثر من اقتراح قلته هنا في المنتدى واكثر من فكرة والحمدلله شفناها تطبقت المفروض يابوعلي انا وانت وكذا عضو يعطونا لون مميز ذهبي ويعطونا خاصيات تميزنا على الجهود التي نبذل في خدمة الوطن والمواطن :shy:

المسكين حمد عنده افكار بس بعض المرات يخورها هههههههه اخر افكار يبيهم يسون غابات ههههه يقول يبغي يتمشى بين فيله واسود ونمور هههههههه

،

اخوي مضارب
نصيحه اذا كانت عندك فكرة راح تفيدك حاول انك ماتكشف لشخص واحد

اما انت سويت لي بلاوي سويت لي مشاكل
خليت الحريم يدعون علينا بسبه موضوعك مال مستشفى الولاده
خليت المستشفى ينزل قرار منع تزين غرف الولاده والبهرجه اللي تسير
شكثر ناس تعدي لك وناس تعدي عليك

انت هادم اللذات ومفرق الجماعات

ههههههههههههههه

:)

[عثرة جواد]

السلام عليكم

اااي حصل من جهة واخر شي صار نفس الكلام الي قلتة


لنا الله ....عساك ع القوة

[بو راشد 1]

الحاله اللي شفتها ان المدير يسبب مشكلة بسبب سوء ادارته و لما يتوهق يقطها على اللي تحته و يلومه. هذا الموظف اللي يبي له براءه.

[khaldoon]

اقترحت شي على مديري انه كان في غلطه في التصميم في المطار القديم سنة 2002.... مديري عرضها على اكبر الباكر و وافق و تم تنفيذها فعلا ...مديري جاء عندي يقولي انه اكبر الباكر كثير اعجبته فكرته (فكرة مديري....يعني اخذها و صارت له و صار يحكي معي انها فكرته ملاحظين ههههه))

[ya3coub]

اسئلني ههههههه

الحين في مكتب اسمه الغوال اتوقع او شيء من هالقبيل لحقوق الفكرة و ملكيتها


على مستوى عمل او جامعات او مدارس او حتى ناس تتكلم معاهم علشان تنفع بلادك يروح واحد ياخذ الفكرية و يسوي فيها شي كبير بالدولة و مو عدل لأنه ما خذ كل المعلومات بس الزبدة

و للأسف بعضهم بقوة عين يجي و يقولك فشلت ياخي استح على ويهك سارق فكرتي و رايح تطبقها على كيفك بدون ما تكون عندك كل الأساسيات ولا حتى تتعب روحك بالبحث عن الي يقوي هالشي و تسويه اكيد بيطلع فاشل



خلها على رب العالمين
نصيحه اي حد عنده افكار يكتبها و بشكل رسمي يرسلها و يخلي الدليل عنده اذا ما يبي يروح للحقوق الفكرية

[الجـــوديّ]

احنا عندنا مدير غير شكل

اللي تعطيه فكره مب كفو ولا خبير يقدمها له يقدرونها جيد جداً

واللي تكمل ارقادها تحت المكتب يعطونها ممتاز !

[مضارب دوسري]

اقترحت شي على مديري انه كان في غلطه في التصميم في المطار القديم سنة 2002.... مديري عرضها على اكبر الباكر و وافق و تم تنفيذها فعلا ...مديري جاء عندي يقولي انه اكبر الباكر كثير اعجبته فكرته (فكرة مديري....يعني اخذها و صارت له و صار يحكي معي انها فكرته ملاحظين ههههه))

بالضبط هذا اللي يحصل
يقولك الفكره ما تناسبنا بعد اسبوع شهر يطلع بالصوره صاحب الافكار التطويريه
والاقتراح المناسب
وخذ شوية شهادات وشوية صور الخ

[مضارب دوسري]

راجع للرد على باقي الاخوان
اسمحولي فتحت الموضوع ونسيته ههههه

حتى انه اول ما فتحت الحوار العام شفت الموضوع قلت سبحان الله موضوع نفس اللي ف خاطري هههههههههه
اخرتها انا الكاتب

[بوخالد911]

نصيحة دكتور سعودي قالها لي : لو ابتكرت فكرة جديدة
أول شيء تسويه ارسل الفكرة بالايميل لنفسك.
وبعدها ارسلها لمديرك.

[مضارب دوسري]

هههههههههههه بو محمد

انا ما صادفت حد في مكان عملي عنده افكار.

كلها أفكار موظفين مساكين. ويطلع شيسمونه في التلفزيون ولا الجريدة ويخربط ويجيب العيد

ههههههههه
اهم شي يجيب العيد

[مضارب دوسري]

يعني يابو محمد مديرك مايقدر ياخذ افكارك بدون ماينسب لك الفضل؟
لا وفوق كذا بيقولك سو كل شي وخلصه وارسلي اياه , وان رسلته له حذف اسمك ورسل الايميل للاداره العليا يطلب فيها الموافقه على مشروعه التطويري الجبّار.

هو اساسا مش مشروع تطويري
السالفه وما فيها انهم كانوا ناويين يشترون جهاز بمبلغ وقدره من الملايين
والفكره كانت فيما معناه ليش نخليهم يدفعون هذي المبالغ الطائله لهذا الجهاز ممكن نوفر المبلغ
ونسوي التحاليل بطريقه مختلفه عبر الاجهزه اللي عندنا
لس تاخذ شغل يدوي زياده
بس النتيجه مقاربه بنسبة فوق ال90_95%

المهم قال لا ومدري ايش
هو اللي يقهر اجنبي :(
عقب شهرين من كلامي معاه هو عرض الفكره قال بما اننا في فتره يجب ان نساعد في توفير المال على ...
فكرتي تكون كذا كذا
وطلع فالسالفه
اللي يرفع الضغط التكريم كان له حلو !
جاي عندنا يقولي هذا التكريم مب لي هذا لنا جميعا كفريق عمل ههههههه

بس معليه مردوده يالاشقر

[مضارب دوسري]

يارجل اهم شي دام الافكار تخدم البلد والمواطن ماعندي اي مشكله
كثير من افكاري وخططي الاستراتيجيه ورؤيتي
اللي نشرتها هنا في مصحله الوطن تم الاخذ بها
المهم المصحله العامه
وخلك مثلي يامضارب
جندي مجهول
مانبي غير هل الرتبه ولا زياده ندور الاجر من رب العالمين

وصباح الخير يااستاذ البورصه

:)

صباح النور

يا حسن ممكن الواحد ينصح في امور اجتماعيه دينيه ثقافيه اقتصاديه وما الى ذلك وعادي مجرد وحهة نظر

بس في مجال عملك
لازم تنسب لك الفكره
لان هذي الافكار تفتح لك مجال للترقيات والوصول لاهدافك

[مضارب دوسري]

السلام عليكم

اذا كنت حريص على افكارك لا اتشاركها الا برسايل ( ايميل ) عشان تضمن حقك ., وحط cc لـ اكثر من شخص

ما صار لي شي جيه بس دوم نقعد مع المدير ونعطيه افكارنا واللي يعجبه ياخذه ما يسرقه احنا انتبرع له :nice:

ويسلموو

عليكم السلام اختي

ما يصير كل شي يكون بالايميل
بحكم انه يتم مناقشة الموضوع وجها لوجه

الايميلات للامور الرسميه

بس فعلا فكرتج صحيحه

وغايبه عني
يفضل اذا عندي فكره او اقتراح ما اقولها في اجتماع
بل احتفظ فيها الى ما بعد الاجتماع ومن ثم ارسلها لهم بايميل

[مضارب دوسري]

المفروض يكون مركز لحقوق الملكية الفكرية

المفروض

[مضارب دوسري]

مرااحب اخويه مضارب دوسري

طبعا ظاهرة سرقة الافكار هذي شايعه فمنطقتنا بشكل عام
علشان جذا حكومة دبي مثلا لجأت لحفظ الحقوق الكترونيا مثلا

عندك مقترح او فكره تطويريه خاطب بها مديرك و بنفس الوقت ارسل الخطاب الكترونيا للمكتب التنقيذي بدبي او عدة نسخ للمسؤليين المباشرين ،،،،، و جذا الواحد يضمن ما يضيع حقه و يقدر يثبت ان الفكره فكرته لو استدعى الامر .....

هذي ممكن اختي لافكار حكوميه وهكذا

صحيح مثل ما قالت الاخت مختلفه
الايميلات الرسميه هي الصح

[مضارب دوسري]

السلام عليكم

اااي حصل من جهة واخر شي صار نفس الكلام الي قلتة


لنا الله ....عساك ع القوة

عليكم السلام

ملاحظ انه هالكرق بدت تنتشر او بمعنى اصح بدت تفوح ريحتها عندنا :(

[الجـــوديّ]

المفروض يكون مركز لحقوق الملكية الفكرية

فيه قسم مختص بوزارة الاقتصاد والتجارة

أي فكرة أو براءة فكرة بمواصفاتها ومقاييسها يروح يوثقها هناك وتصير ملكه

وله الحق انه يقاضي من ياخذها ويستخدمها قانونيا من غير اذن مسبق من صاحبها

حتى لو على مستوى سلع صغيرة جداً مايتعدى سعرها 200 ريال !

[مضارب دوسري]

الحاله اللي شفتها ان المدير يسبب مشكلة بسبب سوء ادارته و لما يتوهق يقطها على اللي تحته و يلومه. هذا الموظف اللي يبي له براءه.

هذي تصير دايما وابدا
بس ما عليك دام هو ماسك الاداره كل شي يكون على راسهة

[مضارب دوسري]

اسئلني ههههههه

الحين في مكتب اسمه الغوال اتوقع او شيء من هالقبيل لحقوق الفكرة و ملكيتها


على مستوى عمل او جامعات او مدارس او حتى ناس تتكلم معاهم علشان تنفع بلادك يروح واحد ياخذ الفكرية و يسوي فيها شي كبير بالدولة و مو عدل لأنه ما خذ كل المعلومات بس الزبدة

و للأسف بعضهم بقوة عين يجي و يقولك فشلت ياخي استح على ويهك سارق فكرتي و رايح تطبقها على كيفك بدون ما تكون عندك كل الأساسيات ولا حتى تتعب روحك بالبحث عن الي يقوي هالشي و تسويه اكيد بيطلع فاشل



خلها على رب العالمين
نصيحه اي حد عنده افكار يكتبها و بشكل رسمي يرسلها و يخلي الدليل عنده اذا ما يبي يروح للحقوق الفكرية

والله معلومه جديده علي

بارك الله فيك اخوي
جذي يكون تمام

[مضارب دوسري]

احنا عندنا مدير غير شكل

اللي تعطيه فكره مب كفو ولا خبير يقدمها له يقدرونها جيد جداً

واللي تكمل ارقادها تحت المكتب يعطونها ممتاز !

هذا المدير مزاجه رايق ويحب الهدوء هههه
الله يعينكم

[مضارب دوسري]

:nice:
نصيحة دكتور سعودي قالها لي : لو ابتكرت فكرة جديدة
أول شيء تسويه ارسل الفكرة بالايميل لنفسك.
وبعدها ارسلها لمديرك.

:nice:
والله انه صادق

[حمد 2002]

انا أفكاري خدمه للبلاد ..

واطرحها للكل واعتبرها حلال عليهم ..

بالمنتدي ..

العمل ..

التجارة ..


إلى آخره ..

[مختلف جداََ]

انا أفكاري خدمه للبلاد ..

واطرحها للكل واعتبرها حلال عليهم ..

بالمنتدي ..

العمل ..

التجارة ..


إلى آخره ..


وين مار علي هالكلام

مممممم:con2:

أدري خارج الموضوع

[حسن]

انا أفكاري خدمه للبلاد ..

واطرحها للكل واعتبرها حلال عليهم ..

بالمنتدي ..

العمل ..

التجارة ..


إلى آخره ..

جزاك الله خير والله يطرح البركه فيك
هذا هو المرجو
مانبي لا تقدير ولا مدح ولا شكر ولا ثناء
انا دائما اقول عندنا رجاله زي الدهب

وبعدين لاتنسى زكاه العلم اخراجه
فاذا عندكم خبره معلومه او ايي شي يفيد الجميع
لا تحبسها
وخذ اجرها من رب العباد وشكلك بالعباد

:)

[حمد 2002]

وين مار علي هالكلام

مممممم:con2:

أدري خارج الموضوع

هالكلام يقوله كل إنسان غيور على خدمه بلاده ويحتسب الأجر عند الله ..

[حمد 2002]

جزاك الله خير والله يطرح البركه فيك
هذا هو المرجو
مانبي لا تقدير ولا مدح ولا شكر ولا ثناء
انا دائما اقول عندنا رجاله زي الدهب

وبعدين لاتنسى زكاه العلم اخراجه
فاذا عندكم خبره معلومه او ايي شي يفيد الجميع
لا تحبسها
وخذ اجرها من رب العباد وشكلك بالعباد

:)

ماعليك زود يالغالي ..


كم اتتنا انتقادات لأنه الي في قلبنا الطاهر الصادق على السانه ولانعرف المجاملة والتطبيل !! ..

وكم تعرضنا للظلم ولكن سنستمر ولن نخشى أحد ..


شكرا لك ..

[مضارب دوسري]

محسسيني
افلاطون المنتدى حمد
وشكسبير المنتدى حسن



تم اخراج الموضوع عن طريقه

لذا يرجى غلقه :(

[Qtr37]

وايد اقترح واحل مشاكل واحط أُسس بشغلي واخرتها ياخذون افكاري ويمشون عليها ويقولون فلانه ما سوت شي كبير وهم يتبنون افكاري ☺️☺️
صح اني اترفع عن اني اخذ حقوقي لكن مب عيب لما حد ينسب الفضل لي من بعد رب العالمين
احنا مب في جمعيه خيريه ولا اعمال تطوعيه!! لما يقولون لك انك ما تفكر ولا تشتغل تعال بعدين حاول تثبت انك سويت شي !! واللي بيقول مب مهم معناه انه انسان سلبي ،، لان كلنا لازم نكون طموحين ونحب ان مثل ما نرفع مؤسستنا او بلدنا بعد نحب ان نلقى من يقدر ويثني علشان نتشجع ان نتقدم،، احنا بشر وهذي مشاعر طبيعيه :)

[Qtr37]

عليكم السلام اختي

ما يصير كل شي يكون بالايميل
بحكم انه يتم مناقشة الموضوع وجها لوجه

الايميلات للامور الرسميه

بس فعلا فكرتج صحيحه

وغايبه عني
يفضل اذا عندي فكره او اقتراح ما اقولها في اجتماع
بل احتفظ فيها الى ما بعد الاجتماع ومن ثم ارسلها لهم بايميل

اللي مسؤول عن تدوين محضر الاجتماع مسؤوليته انه يذكر ان فلان اقترح .....
عادي مب حرام
لابد من تمييز اللي يفكر وعنده اقتراحات من اللي :) وبس
وشكرا

[مضارب دوسري]

وايد اقترح واحل مشاكل واحط أُسس بشغلي واخرتها ياخذون افكاري ويمشون عليها ويقولون فلانه ما سوت شي كبير وهم يتبنون افكاري âک؛ï¸ڈâک؛ï¸ڈ
صح اني اترفع عن اني اخذ حقوقي لكن مب عيب لما حد ينسب الفضل لي من بعد رب العالمين
احنا مب في جمعيه خيريه ولا اعمال تطوعيه!! لما يقولون لك انك ما تفكر ولا تشتغل تعال بعدين حاول تثبت انك سويت شي !! واللي بيقول مب مهم معناه انه انسان سلبي ،، لان كلنا لازم نكون طموحين ونحب ان مثل ما نرفع مؤسستنا او بلدنا بعد نحب ان نلقى من يقدر ويثني علشان نتشجع ان نتقدم،، احنا بشر وهذي مشاعر طبيعيه :)

سلامي عليج

اتفق معاج مليون بالميه

[CH Engineer]

هلا مضارب
انت تقصد المدير نفسه او الموظف المسؤول

اذا المدير بيطلع نفسه غبي لان المدير وظيفته إداريه بحته وبالعاده ماعنده وقت للأفكار
والموظف المسؤول بالعاده يسرق ويطلب من الموظفين يسوون له شغل هو بالأصل شغله

يعتمد من مكان لمكان وفالاخير الله كريم

[مضارب دوسري]

هلا مضارب
انت تقصد المدير نفسه او الموظف المسؤول

اذا المدير بيطلع نفسه غبي لان المدير وظيفته إداريه بحته وبالعاده ماعنده وقت للأفكار
والموظف المسؤول بالعاده يسرق ويطلب من الموظفين يسوون له شغل هو بالأصل شغله

يعتمد من مكان لمكان وفالاخير الله كريم

مديري المباشر
Leader section