نتمنى تطبيق هالقرار بدولتنا الحبيبه قطر

[حمد 2002]

الإمارات تمنع استخدام "ألواح التوازن" نهائيًا على الطرقات
2015 الأحد ,01 تشرين الثاني / نوفمبر

http://up.arabseyes.com/do.php?imgf=02_11_15144644360773181.bmp (http://up.arabseyes.com/) العاب (http://games.arabseyes.com)

منع مجلس المرور الاتحادي، السير بألواح التوازن المتحركة، المعروفة باسم "السيجواي" أو "أير ويل" في الطرق العامة، سواء السريعة أو الداخلية، مؤكدًا مصادرة جميع ألواح التوازنِ التي سيتم ضبطها أثناء استخدامها في تلك الطرق.
وأوضح رئيس المجلس مساعد القائد العام لشرطة دبي لشؤون العمليات، اللواء محمد سيف الزفين، أنَّ "هذه الألواح تمثل خطورة كبيرة على سلامة مستخدميها، خصوصًا من الأطفال، لتكرار حالات السقوط بها، واحتمالات تعرضهم لإصابات بليغة لو وقعوا على منطقة الظهر أو الرأس".
وأفاد الزفين بأن المجلِس ناقش أخيرًا، المخاطر الناتجة عن استخدام ألواح التوازن المتحركة، واتفق الأعضاء على أنها تمثل تهديدًا لسلامة مستخدمها، خصوصًا على الطرق العامة، وكذلك لأمن غيره من سائقي السيارات.
وأكد أن "هذه اللعبة ربما تكون مناسبة للاستخدام في الحدائق أو مسارات الدراجات، لكن لا يمكن احتواء أضرار استخدامها في الطرق العامة، وهذا ما تم رصده فعليًا من قبل الدوريات المرورية في إمارات مختلفة، إذ بدأ أطفال وشباب يسيرون بها بين السيارات وعلى الأرصفة، من دون تقدير لخطورة ذلك".
وِأشار إلى أن المجلس أوصى خلال اجتماعه بحظر استخدامها نهائيًا في الطرق، سواء كانت سريعة أو حتى داخلية بين المنازل، طالما كانت مخصصة لسير المركبات، وفي حالة ضبطها يتم حجزها مباشرة.


هل تؤيد تطبيق هالقرار بدولتنا الحبيبه قطر ؟

[غريب الدّار]

هلا بو شهاب

مع اني ماشفت حد يركب السيقواي في الشارع في قطر
لكن بشكل عام مع القرار
مع استثناء الكورنيش مثلا
قصدي داخل الكورنيش مكان الممشى
مااعتقد انه ممكن يسبب مشاكل هناك
هذا اذا كان في ناس يستخدمونه هناك أصلا

وقواك الله

[حمد 2002]

هلا بو شهاب

مع اني ماشفت حد يركب السيقواي في الشارع في قطر
لكن بشكل عام مع القرار
مع استثناء الكورنيش مثلا
قصدي داخل الكورنيش مكان الممشى
مااعتقد انه ممكن يسبب مشاكل هناك
هذا اذا كان في ناس يستخدمونه هناك أصلا

وقواك الله

امبلى ياخوك الشباب بالفرجان يستخدمونه وبالحدايق ومن كمن يوم جفتهم بسوق واقف الوكره ..


شكرا لك ..

[@north_star@]

فعلا نتمنى منعهم من استعمالها بالشوارع لاني شفتهم كذا مرة .... ونتمنى ايضا منعهم من استخدامها داخل المجمعات والمولات لانها فعلا أذية

[A-Alansari]

امبلى ياخوك الشباب بالفرجان يستخدمونه وبالحدايق ومن كمن يوم جفتهم بسوق واقف الوكره ..


شكرا لك ..

والله ياخوي في الحدايق كيفهم دام مكان بعيد عن الشارع

اما الشوارع او الفرجان انا مع القرار لانه لو اختل توازن الي يسوق بالغلط وطاح مشكله وومكن حتى يطيح جدام سيارة بالغلط

[النهار]

ياحمد انا شفتهم في شارع الوعب مجموعه

[khaldoon]

تبي الصراحه.... اتمنى منع استخدامها لانها غاليه شوي هههههههه

[العنيده]

صاروا يستخدمونها في كل مكان في الفرجان , وفي الجمعيات امس اثنين جدامي صغار يتشرون فيه والنتيجه واحد فيهم طاح على الرف وطيح الاغراض
الحمدلله انه ماتعور .. ولا ضرب في حد .. ورفيجهم الثالث يدور عند المدخل باستعراض الله يحفظه :omen2:


مع ايقاف استخدامه في الاماكن العامه وتجمعات الناس .. لان ممكن في ثانيه يخل توازنه وياثر على اللي جنبه لا سمح الله ..
يصير يسخدمونها في الحدايق بس يكون لها مضمار ومسار خاص بعيد عن الناس نفس الدراجات افضل ..

[ya3coub]

بشارع المطار ال شافي الكرنيش مرة واحد يستهبل المدينة التعليمية بنقول مكان مسكر و مجموعه كبيرة تستخدمة و في نوعية الـــOutdoors & Indoors

اثنينهم غير عن بعض و الإستخدامات تختلف انا مرة بغيت ادعم ياهل فمدينة خليفه الجنوبية و وقفت و تعداني و دعمه دريول مسكين لأنه ما وقف و بالعرض جاي هالياهل لا خايف و يبي السيارات توقفله.

اتمنى من هني يسون نفس الشي بس قبلها يجهزون البديل نفس مثلا شارع الإحتفالات "الرفاع"

فيه مكان للدرااجات و الي يمشون و ينفع جدا جدا الكرنيش بيطيحون و يتكسرون يسون مكان للدراجات او حتى الأرضية السبورت الي تساعد عالمشي.

اول شي نقترح البدائل الي هي حلول لهالأزمة ايضا في شي غلط كبيرة موجود عندنا و ياريت الأ×وان بالبلدية او التخطيط يحطونه بالحسبان الرصيف لو كان عدل جان لقيتهم يمشون عالرصين و يكون في سلوب بكل زاوية بحيث انه مو حبا للوح او من يركبه


بس لإخوانا من ذوي الإحتياجات الخاصة لندن بكل مكان في سلوب لو مو بكل اتجاه تلقونه بالزاوية الواحد ينزل و يطلع بكل اريحية لما يكون معاه احد أخوانا و خواتنا من ذوي الإحتياجات الخاصة.


عندنا احنا صاحين و رصيف اشكبره فبعض المناطق

و انا مع منعه من الشارع

[qrt_trading]

والله هو لو يمنعونها بشكل كلي ويمنعون استيرادها وبيعها يكون افضل:) اعيالي صدعوا راسي يبوني اشتري لهم قلت لهم لو أتحج البقرة على قرونها ما راح اشتريها لكم وانتوا بعد ما راح تشترونها حتى لو جمعتوا فلوسها، هاللعبة ما تدخل بيتي ابد اللي فيه حرة وخاطرة فيها يروح يلعب في اللي عند عيال خالاتهم أو عمامهم :shy:

[وحيد-الشوق]

من اكره الاشياء الي شفتها مادري ليش حد نفسي ولا لما اشوف حد يستخدمه ودي اسطره يحروني :) لعنبو حتى في السفر خذوه معاهم !!!

عقبال مايمنعونه في قطر

[حسن]

ربو عيالكم ياولياء الامور الاسره فيها خلل
ماتملون وانتو تطالبون بالدوله بفرض قوانين
من زمان وانا اقول المفروض الدوله تسوي مجمع سكني كبير
تاوي فيه عيال الهمل

لان الاسره فيها خلل كبير تربيه خدامات واهمال ام واب

اشوف شي ماتشوفه ياحمد

صدعتو روس الامن في كل مكان

:anger1:

[العفراء]

المفروض يوفرون لهم اماكن يستخدمون فيها السيجواي مثلا بالاماكن المخصصه للمشاة مع ان هالسوالف ما تصلح مع اجوائنا اللي معروف عنها ارتفاع نسبة بالحرارة و ارتفاع الرطوبه

[♫ احسـاسـ طفلـهـ ♫]

من اكره الاشياء الي شفتها مادري ليش حد نفسي ولا لما اشوف حد يستخدمه ودي اسطره يحروني :) لعنبو حتى في السفر خذوه معاهم !!!

عقبال مايمنعونه في قطر


ايه اهلي كلهم نفسك يتنرفزون من هاللعبه و ودهم يسطرونهم لما يشوفونهم ههه

انا اتنرفز اذا اشوفهم بالمول واحنا نمشي ويجون جنبك وشوي ويدعمونك ترى اسمه مول مب مدينة العاب ازعاج ما بعده ازعاج والله هالاهالي لعوزونا يجيبون عيالهم ويقطونهم هالشكل بالاماكن العامه ويعورون راسنا هالشكل عادي في منهم يطيح ويطيح معاه ناس مثلا كبار بالسن تشوفونها عدله جي ؟ كلش منظر كريه اتمنى تطبيق القرار بقطر بعد

[SouthK]

المنع ما راح يحل المشكلة .. الاحسن التوعية و عقب لو ما نفع يتم المنع .. في ناس وايد ما تعرف فالافضل التوجيه في البداية.