اللي زاروا ماليزيا

[saleh-85]

السلام عليكم ورحمة الله

ناوي ازور ماليزيا بعد 5 ايام باذن الله

طبعا مع عائلتي , كلنا 4 اشخاص فقط

وهالديره كنت شايلها من راسي ولا افكر فيها ، والسبب لأن الكل يقول عنها غاليه وجوها كله رطوبه ، فما كانت تستهويني

لكن الفتره هذي حبيت اسافر مع العيال في وقت مايكون موسم ، اوروبا و تركيا بارده عليهم الحين ، الدول العربيه خارج الحسبه

فأنجبرت اني افكر في ماليزيا

فاللي راح وله خبره في البلاد اتمنى يفزع لي بجدول لأسبوع ، واذا بيرشح لي فنادق اكون له من الشاكرين

وجزاكم الله خير .

[peace-qtr]

ممممممممم

ماليزيا مب غالية !

بس مادري ماحبيتها.. اذا تقدر تغير شوف سنغافورة مع اني مارحتها بس يفضلونها على ماليزيا

ماليزيا مب سيئة بس في احلى مثل ماقلت لك سنغافورة

انا سكنت ف الانتركونتننتال كان حلو ومريح

عندك شارع العرب فيه مطاعم عربية

واحلى منطقة بيننق

بس سو حسابك انها باااردة وايد ( احنا رحناها عن طريق الباص)

روحو مدينة الالعاب اللي هناك ( من الصبح افضل لانها تسكر الساعه 5 مادري 6 ) انا توهقت وصلت هناك 5 ماكنت اعرف مواعيدهم .. ولعبنا ساعه بس او يمكن اقل :weeping: بس رهيبه

وبعدها روحو مزرعة الفراولة


يعني هاي يبيلها يوم كامل من الصبح لليل وفي ناس تحجز فنادق هناك وتبات

عندك فماليزيا (سن واي لاقون) هاذي العاب مائية

وحولها اسواق

حلوة اسواقهم تمشى وشوف


وعندك لنكاوي هاي تروحلها من العاصمة تركب طيارة داخلية ...ساعه

فيها منتجعات وبحر

يعني تقدر تقول رومانسية واسترخااء

سكنت بفندق ويستن كان حلو صراحة

والفيلا مطلة عالبحر وفيها برجة خاصة ..

عندك وايد فنادق فخمة مثل
1- الفورسيزن
The Danna Langkawi2-

3- فندق داتاى لنكاوي

ووبس

[لـبـيـه]

ماليزيا حلوه وماراح تندم انك رحتها خصوصا للاطفال

يوم جنتنغ ويوم افا موسى ويوم صن وي لاغون ويوم تسوق ويوم حديقة الفراشات وحديقة الطيور وحديقة الفراوله ومملكة الشوكلاته ويوم رحلة سفاري لحديقة الحيوانات وغيرها

الجو نوعا ما جيد والجو لايعد عائق كبير

السكن افضل للعائله تايم سكوير شقق في نص العاصمه وجنب شارع العرب واسعارها جيده

[Laffan]

السلام عليكم

اخوي انا سكنت في فندق جي دابليو ماريوت, الصراحه فندق جدا راقي مقابل مجمع البافلين وقريب من ابراج التوام والاكوايريوم تقدر تروح لهم مشي عن طريق الجسر الموصول في الفندق. وقريب بعد من السوق الصيني بس هذا لازم تاكسي.

اخوي بالنسبة حق ملاهي جنتق مسكره الملاهي الخارجيه لين 2016, يعني روحتك لها بس يمكن تجرب التلفريك والالعاب الداخلية والمطاعم اذا حاب

جزيرة بينيج سكنت في فندق شنقريلا الجديد, جزيرة بينيج حدها 3 ايام

عندي رقم تاكسي تعاملت معاه في كولالمبور جدا امين وينصحك بالاماكن الزينه وسعره رخيص عن الباقي لو اتحب بطرشلك رقمه على الخاص.

[بوخالد911]

زرتها كذا مرة
سكنت في الماريوت بشارع العرب
نظييف جدا
وسكنت شقق الريتز كارلتون يكون قريب جدا من الماريوت
الريتز قمة النظافة والفخامة

مقابل الماريوت مجمع البافليون حلو جدا.
شارع العرب تلاقي مطاعم عربية
وأفضلهم المطعم الايراني اسمه : جام
عنده كفتة خيااال

وسكنا في صن واي لاغون
روح : افاموزا رحلة سفاري

جنتنج لا تنساها. جوووها بارد وغيوم بعكس العاصمة
تبعد حوالي خمس وابعين دقيقة. فيها العاب خارجية وداخلية

جرب تسال عن مزارع : الفراولة. الشاي

مووووفق.

[دايموند]

ماليزيا ليست غاليه ابدا..!!
تركيا غاليه والدول الاوروبيه بشكل عام اغلى من ماليزيا..

ع العموم ماليزيا حلوه بس الجو لك عليه
لا تروح قبل لا تسوي لك جدول

زور المولات والمنتجعات و الجزر وفي رحلات سياحيه
اول ماتوصل مطار ماليزيا بتلاقي مكاتب سياحيه راح تسوي لي جدول. خذ من عندهم الجول وخل يرتبون لك كل شي


بس تحمل تروح برون تخطيط..
عندك حديقه الفراشات
حديقه الطيور
حديقه الفواكه(حلوه تركبون بالباص وتاخذون لفه ع المزارع)
حديقه الفراشات المضيئه
مصنع القهوه
مصنع الشوكلت
شارع العرب والسوق الصيني السوق الليلي
مدينه الالعاب المائيه صن واي
ماينز وندرلاند مدينه العجائب
مدينه الالعاب جنتنغ
مناره كوالالمبور
برج التوأم
جزيره لنكاوي


موقع مفيد لك ولكل الي حابين يروحون ماليزيا

http://www.gwmalaysia.com/layout.php?page=viewtouristics
بالتوفيق

[والد فارس]

عندك مدينة ليجولاند روووعة في ولاية جوهربهارو طيران داخلي او سيارة خاصة 4 ساعات بس خذ فندق الليجو ليلتين .

[السمسمه]

انا ماراح ازود على الاعضاء الكرام صراحه الي قالوا عنها رحتها لها بس لنكاوي مارحت لها الافضل من وجهة نظري الجدول قبل المغادره انا بالنسبه لي عملت جدول قبل اسافر يومين في سن لاجون وثلاثة ايام جزيرة بينيغ ويوم في جنتغ وستة ايام في العاصمه صراحه حلوه اعجبتني اما بخصوص الاسعار فرق بسيط عن الريال يعني لو صرفت 500 ريال تظهر496رنقت ماليزي مادري لو تغيرت اسعار العملات الله العالم ،،
اما بخصوص الفنادق نفس ماذكروا الاخوه الاعضاء بعد حلوه نصفها سكنت فيها والباقي ماجربتها،،،
واتمنى لكم رحلة موفقه باذن الله ،،،

[للصبر اخر]

اخوي التخطيط للسفر لازم تكون عارف انت شنو تبي بالضبط عشان نقدر نفيدك
رايح شوبنج
او سياحه واستجمام
او الاثنيين
عمووما
انصحك بجزيرة بننغ عن تجربه روووووووعه سكنا بفندق غالي نوعا ماا بس نظييف وراقي
زرنا حديقة البهارات
والمسجد العائم وحديقة النباتات يوفرون لك مترجم استمتعنا واحنا نشوف النباتات وانواعها وفوايدها
سكنا بفندق شانغريلا كانو توه فاتحين جزء ثالث للفندق

[h9466]

ماليزيا زرتها 3 مرات لحبي لها ..ومثل ماتفضلوا الاعضاء وماراح ازيد على كلامهم لكن في نقطة لازم تحطوها في الحسبان وهي عند زيارة اي معلم سياحي او سوق اسالوا عن مواعيد دوامهم وايام دوامهم ..توجد اماكن تعطل في ايام الاسبوع العادية وليس السبت والاحد وثاني نقطة ابعدوا قدر الامكان عن سواقين التاكسي الهنود الماليزيين محترفين نصب خصوصا على العرب ..
رحلة موفقة ان شاءالله..

[غير البشر]

مرحبا اخوي ماقصرو الاخوان ماشاء الله
واكيد الي راح ماليزيا راح يفيدك اكثر

حاليا ركز على السكن وبعدها الجدول اليومي ان شاء الله

والكثير رشحو لك فندق الماريوت
وهو ممتاز جدا جدا كموقع ونظافه وغرف واسعه
وجنب الفندق مول كبير جدا اسمه بافيلون
انصحك فيه وبقوه

http://www.booking.com/hotel/my/jw-marriott-kuala-lumpur.ar.html?checkin_year_month=2015-11&checkin_monthday=28&checkout_year_month=2015-11&checkout_monthday=29&tab=&origin=hp&hp_avform=1&error_url=%2Fhotel%2Fmy%2Fjw-marriott-kuala-lumpur.ar.html%3Faid%3D356980%3Blabel%3Dgog235jc-hotel-ar-my-jwNmarriottNkualaNlumpur-unspec-qa-com-L%253Aar-O%253Aunk-B%253Aunk-N%253AXX-S%253Abo-U%253Ac%3Bsid%3D70bdcc8d70211f2b711e16654d3d268d%3 Bdcid%3D4%3B&do_availability_check=on&aid=356980&dcid=4&label=gog235jc-hotel-ar-my-jwNmarriottNkualaNlumpur-unspec-qa-com-L%3Aar-O%3Aunk-B%3Aunk-N%3AXX-S%3Abo-U%3Ac&lang=ar&sid=70bdcc8d70211f2b711e16654d3d268d&no_redirect_check=1&dest_type=city&dest_id=-2403010&highlighted_hotels=25710



بس غالبا السكن راح يكون قريب من شارع العرب والاكواريوم وحديقه بتروناس
واحجز لك فندق لو ليله واحده على الاقل في جنتنغ راح تستمتع با الاجواء هناك وخاصه معاك الاطفال والملاهي جنبكم

وابشر بالجدول ان شاء الله

تحياتي