ارتفاع بورصة أصحاب الخبرة

[saeed2005]

مرت علي قصة مؤلمة جدا شخص أنشأ مع صديقه شركة كان الأول بجهده والصديق بماله وكفالته بعد عشرين سنة أراد الأول أن ينتقل إلى عمل آخر قام صديقه بإيقافه عن العمل بحجة الخوف أن ينتقل إلى منافسه وظل يماطله سنوات وسنوات في نقله وهو دون عمل ولا راتب وتدخل أهل الخير ولا مجيب ... هذه القصة ستنتهي بتطبيق القانون الجديد وسترتفع بورصة أصحاب الخبرة ارتفاعا كبيرا فمن كان له خبرة طويلة في السوق القطري ويرتبط بعلاقات سيكون الفوز به غنيمة كبيرة وسيكون العائد من وراءه كبيرا فهي دعوة لأصحاب الأعمال أن يحتفظوا بكفاءاتهم وفرصة لغيرهم أن يقدموا عروضا أفضل فلا شيء يعادل مشروعا ناجحا وأساس النجاح الخبرة بعد توفيق الله سبحانه .

[Riku3]

مب شرط شي ايجابي ..

بيقوم سوق النصابين خصوصاً لو ما واكبت المحاكم هذا التطور واستمرت في العمل بنظام القرن الماضي .. الحين تقدر تنصب وما يحتاج تسافر بس انقل كفالتك وانصب على واحد جديد .

[saeed2005]

مب شرط شي ايجابي ..

بيقوم سوق النصابين خصوصاً لو ما واكبت المحاكم هذا التطور واستمرت في العمل بنظام القرن الماضي .. الحين تقدر تنصب وما يحتاج تسافر بس انقل كفالتك وانصب على واحد جديد .

هذا يستدعي من الكفيل الجديد أن يسأل ويتحرى في البنوك في الشرطة في كل مكان حتى لا يتورط مع نصاب

[مرتبش]

نعم سيرتفع سهم الخبرة وكذلك الراتب. وبالتالي تقل نسبة القادمين لقطر .

امنية

[معماري قطري]

بيستوي سوق عمالة ومن يدفع أكثر يحصل الخبير والله يستر على القطري المسكين .. مثل سوق اللاعبين

[معماري قطري]

بنشوف ناس بدل ما يجيبون عمال ويخلونهم سايبين يستدرجون عمال وياخذون عليهم عمولات ويخلونهم بعد سايبين

وين الحلول؟

[saeed2005]

أخي الكريم شلون يستدرجون عمال سايبين ويأخذون عليهم عمولات ويخلونهم بعد سايبين الأول مفهوم حيث سينشأ وسطاء للعمال السايبين أصحاب الخبرة ليعملوا برواتب مجزية وبالتالي تنتهي العمالة السائبة لكن أن يدعوهم سائبين أيضا فلم يفتهم لي

[H H]

بيستوي سوق عمالة ومن يدفع أكثر يحصل الخبير والله يستر على القطري المسكين .. مثل سوق اللاعبين


اخوي معماري , يعني لازم تحرم المسكين من البحث عن فرص العمل الافضل عشان لايقولون القطري مسكين ؟
لو تنحرم من فرصك بالانتقال من عمل لعمل اخر افضل وبمزايا افضل بتكتب اربعين موضوع فهالقسم , فليه تحرم المسكين الي حيلته فالدنيا هالكرك الي يسويه بشكل جيد.
والا هالمواد الي يصنعها والا هالعمال الي يديرهم وراتبه بسيط , خلهم يشوفون فرصهم وخل السوق يصير حر , صدقني بتزيد الاحترافيه فالسوق وفرجال الاعمال بشكل كبير.

السوق بينتقل لمستوى آخر بعد هالقرارات , ماعاد بتشوف محل صغير وفيه عامل شاطر ومحل فخم وشغله مصخره , كلن بيشتغل على قده وكلن بيداري شغله.


واتمنى يتطور الموضوع اكثر ويسوون نقابة عمال , هههههههههههههههههههههههههههه الله يستر لاتاكلوني :shy:

[معماري قطري]

اخوي معماري , يعني لازم تحرم المسكين من البحث عن فرص العمل الافضل عشان لايقولون القطري مسكين ؟
لو تنحرم من فرصك بالانتقال من عمل لعمل اخر افضل وبمزايا افضل بتكتب اربعين موضوع فهالقسم , فليه تحرم المسكين الي حيلته فالدنيا هالكرك الي يسويه بشكل جيد.
والا هالمواد الي يصنعها والا هالعمال الي يديرهم وراتبه بسيط , خلهم يشوفون فرصهم وخل السوق يصير حر , صدقني بتزيد الاحترافيه فالسوق وفرجال الاعمال بشكل كبير.

السوق بينتقل لمستوى آخر بعد هالقرارات , ماعاد بتشوف محل صغير وفيه عامل شاطر ومحل فخم وشغله مصخره , كلن بيشتغل على قده وكلن بيداري شغله.


واتمنى يتطور الموضوع اكثر ويسوون نقابة عمال , هههههههههههههههههههههههههههه الله يستر لاتاكلوني :shy:

ما نقدر ناكلك لو في الصين يمكن

شوف إخوي القطري مزاحم في كل شيء وحصوله على أي عمل غير حكومي صعب مهما تكون خبراته الا لمصالح معينة .. بيزيد الوضع صعوبة وصج بتصير قطر للأجانب .. حتى اللي عندهم بزنس كبير لازم يشاركون أجنبي فيه وهو اللي يستقطب الباقين .. عارف ما فيه عدالة مطلقة بس نبغي جزء من العدالة واستقرار أقل شيء .. يومين محاسب مهم في شركتك يطلع لأَي سبب ويسافر ويرجع يشتغل مع شركة منافسة وغير وغير الأمثلة كثيرة .. لدرجة ما تقدر تعاتب عامل أخطأ عندك

[H H]

ما نقدر ناكلك لو في الصين يمكن

شوف إخوي القطري مزاحم في كل شيء وحصوله على أي عمل غير حكومي صعب مهما تكون خبراته الا لمصالح معينة .. بيزيد الوضع صعوبة وصج بتصير قطر للأجانب .. حتى اللي عندهم بزنس كبير لازم يشاركون أجنبي فيه وهو اللي يستقطب الباقين .. عارف ما فيه عدالة مطلقة بس نبغي جزء من العدالة واستقرار أقل شيء .. يومين محاسب مهم في شركتك يطلع لأَي سبب ويسافر ويرجع يشتغل مع شركة منافسة وغير وغير الأمثلة كثيرة .. لدرجة ما تقدر تعاتب عامل أخطأ عندك

شوف يالغالي , سالفة الوظايف هذي خلها على جنب , لانها باذن الرحمن مضمونه الى ان يحدث الله بعد ذلك امرا.
اما سالفة العمل الخاص , طبيعي انك بتشارك اجنبي اذا ماكانت عندك الخبره او ماعندك الوقت اللازم للاشراف على المشروع او غيرها من الاسباب.
اذا بتشاركه , بتمشي بالقوانين , وصلى الله وبارك , اذا ماتبي هالقوانين , لاتشاركه, نقطه عالسطر.

سالفة الموظفين الي عندك او العماله وغيرهم , من سابع المستحيلات انه يطلع قبل ماينتهي العقد معك ويرجع يشتغل بعدها بيومين مع مستقدم آخر.
لان هالشي بيصير فيه تضارب مع قانون بقاء العامل لمدة سنتين او خمس سنين مع المستقدم وبعدها يقدر ينقل , حسب العقد , فلاتخاف من هالناحيه.

اما اذا كنت قلقان من سالفة انه يروح للمنافس بعد نهاية العقد , حاول تحتفظ فيه , برفع راتبه او باي طريقه اخرى.
بس الغريب والخطأ انك تطلب صلاحيات كبيره فقط عشان تمارس سلطتك على العامل وتحتفظ فيه!
هالشي خطأ وزمن الاحتفاظ بالعامل والموظف وحتى الزوجه بالاجبار ولّى الى غير رجعه!



الله يوفقك

[مختلف جداََ]

شوف يالغالي , سالفة الوظايف هذي خلها على جنب , لانها باذن الرحمن مضمونه الى ان يحدث الله بعد ذلك امرا.
اما سالفة العمل الخاص , طبيعي انك بتشارك اجنبي اذا ماكانت عندك الخبره او ماعندك الوقت اللازم للاشراف على المشروع او غيرها من الاسباب.
اذا بتشاركه , بتمشي بالقوانين , وصلى الله وبارك , اذا ماتبي هالقوانين , لاتشاركه, نقطه عالسطر.

سالفة الموظفين الي عندك او العماله وغيرهم , من سابع المستحيلات انه يطلع قبل ماينتهي العقد معك ويرجع يشتغل بعدها بيومين مع مستقدم آخر.
لان هالشي بيصير فيه تضارب مع قانون بقاء العامل لمدة سنتين او خمس سنين مع المستقدم وبعدها يقدر ينقل , حسب العقد , فلاتخاف من هالناحيه.

اما اذا كنت قلقان من سالفة انه يروح للمنافس بعد نهاية العقد , حاول تحتفظ فيه , برفع راتبه او باي طريقه اخرى.
بس الغريب والخطأ انك تطلب صلاحيات كبيره فقط عشان تمارس سلطتك على العامل وتحتفظ فيه!
هالشي خطأ وزمن الاحتفاظ بالعامل والموظف وحتى الزوجه بالاجبار ولّى الى غير رجعه!



الله يوفقك

أرفع لك العقال على هالرد الوافي

[بوخميس]

انا اشوف ان هالقرار وقرار حماية الأجور له ايجابيات كثيرة جداً منها:
- يقل الاستقدام العشوائي بشكل كبير: محد راح يورط نفسه ويجيب عمال غير مهرة ويدربهم وعقب يروحون لغيره.
- يقل أو ينعدم القدوم بالفيز، وعقب يسرح في الشارع يدور شغل، لأنه لازم يجي الدوحة ومعاه عقد عمل.
- تقل العمالة السائبة: لأن أي عامل على كفالة الشركة لازم يكون له عقد ويتحول له راتب في البنك، فمحد راح يورط نفسه ويجيب عمال ما يحتاجهم. واللي موجودين راح يضطر كفيلهم ينقلهم على شركة عندها عمل فعلي أو يسفرهم.
- يقضي على تجارة الفيز. لأن خلاص لازم عقد عمل وتحويل راتب، مافي فيز تنباع وتنشرى، والعقوبات كبيرة.
- السوق راح يكون للمهرة والخبرات. واللي عنده عمالة فائضة أو غير مدربة، راح يعيرهم أو يرجعهم بلادهم.
- يقلل من التحايل اللي صاير من الأخوة العرب بالتعاون مع كفلاءهم، فاللي كان صاير ان موظف يشتغل براتب (3) آلاف يروح يودي عقد حق الجوازات براتب (12) ألف عشان يسو إقامة حق زوجته وعياله، وعقب يروح الجمعيات الخيرية يطر. فتحويل الرواتب (الفعلية المذكورة في عقد العمل) للبنك، راح يقلل من هالظاهرة. واللي ما يقدر يصرف على أهله لا يجيبهم.

والله أعلم

[saeed2005]

انا اشوف ان هالقرار وقرار حماية الأجور له ايجابيات كثيرة جداً منها:
- يقل الاستقدام العشوائي بشكل كبير: محد راح يورط نفسه ويجيب عمال غير مهرة ويدربهم وعقب يروحون لغيره.
- يقل أو ينعدم القدوم بالفيز، وعقب يسرح في الشارع يدور شغل، لأنه لازم يجي الدوحة ومعاه عقد عمل.
- تقل العمالة السائبة: لأن أي عامل على كفالة الشركة لازم يكون له عقد ويتحول له راتب في البنك، فمحد راح يورط نفسه ويجيب عمال ما يحتاجهم. واللي موجودين راح يضطر كفيلهم ينقلهم على شركة عندها عمل فعلي أو يسفرهم.
- يقضي على تجارة الفيز. لأن خلاص لازم عقد عمل وتحويل راتب، مافي فيز تنباع وتنشرى، والعقوبات كبيرة.
- السوق راح يكون للمهرة والخبرات. واللي عنده عمالة فائضة أو غير مدربة، راح يعيرهم أو يرجعهم بلادهم.
- يقلل من التحايل اللي صاير من الأخوة العرب بالتعاون مع كفلاءهم، فاللي كان صاير ان موظف يشتغل براتب (3) آلاف يروح يودي عقد حق الجوازات براتب (12) ألف عشان يسو إقامة حق زوجته وعياله، وعقب يروح الجمعيات الخيرية يطر. فتحويل الرواتب (الفعلية المذكورة في عقد العمل) للبنك، راح يقلل من هالظاهرة. واللي ما يقدر يصرف على أهله لا يجيبهم.

والله أعلم

نظرة عميقة بس تعبيرك قوي شوي بخصوص " يطر"