+ مدارس اكاديمية +

[شبح الصمت]

السلام عليكم ورحمة الله وبركاته ..

فكرة اتمنى لو تطبق في احد المدارس المستقلة الثانويه ..
وان افلحت تطبق في جميع المدارس ..


تكون المدارس عباره عن اكاديمية كاملة من إلى
فصول
ومبنى لسكن الطلاب داخلي
على ان يتم حجز الطلاب خلال الاسبوع الدراسي كامل والخروج ايام الويكند ..


في هذا الوقت ..
يكون الطالب استفاد الكثير

اول شيء
ضبط النفس داخل المدرسة
الاعتماد على نفسه
وطبعاً في هذه الفترة

تكون في دورات داخلية
وتقويه
بالاضافة إلى رياضة متكاملة من صالات
كرة قدم
ملعب قدم
صالة حديد ..


وتكون في مراقبة من قبل الاخصائيين مفترغين لهم ومخصصين اوقاتهم ..


هل يمكن لهذا الاقتراح ان يرى النور أم انه هناك صعوبات
وامور لا يمكن ان يوافق عليها اولياء الامور ..

اتمنى تثرون الموضوع بآرائكم وخبراتكم ..

واتمنى التوفيق لابنائنا الطلاب ..

[بوحارب]

اشفيك شبح زهقت من العيال هههههههه

تبي الفكة هاه ;)


عن نفسي غير مؤيد لان محد بيربي العيال عدل غير والديهم

[شبح الصمت]

اشفيك شبح زهقت من العيال هههههههه

تبي الفكة هاه ;)


عن نفسي غير مؤيد لان محد بيربي العيال عدل غير والديهم



ليش فكرت فيني هالتفكير ..

هاهاي

[R 7 A L]

واحد من الربع عنده ولد الله يخليه له حركته واجدة ومشاغب وراعي قالب وحركات ملعوز ابوه مافيه شي ماسواه معه
امس مكلمته إداريه من المدرسة تقول ولدك يشتكون من العيال يضربهم ويشاغب يقول شتبون اسوي تبون اضربه قدام الطلاب والله حتى الضرب ضربته مافاد

[شبح الصمت]

واحد من الربع عنده ولد الله يخليه له حركته واجدة ومشاغب وراعي قالب وحركات ملعوز ابوه مافيه شي ماسواه معه
امس مكلمته إداريه من المدرسة تقول ولدك يشتكون من العيال يضربهم ويشاغب يقول شتبون اسوي تبون اضربه قدام الطلاب والله حتى الضرب ضربته مافاد



ماشاء الله عليه
كل واحد مشاغب وهو صغير يعقل اذا كبر ما عليك ..

بس ما قلت لنا وش رايك في الاقتراح يا رحال ..

ايجابياته
وسلبياته

لو ممكن

[ضوى]

عندنا اكاديمة القادة نفس الفكرة ، بس ماحبيت اسجل عيالي فيها ماقدر على فراقهم ، يمكن تكون فكرة لها ايجابيات زينة على المستوى العام بس شخصيا مابي اطبقها في عيالي

[شبح الصمت]

عندنا اكاديمة القادة نفس الفكرة ، بس ماحبيت اسجل عيالي فيها ماقدر على فراقهم ، يمكن تكون فكرة لها ايجابيات زينة على المستوى العام بس شخصيا مابي اطبقها في عيالي





الله يحفظهم لج ويبلغج فيهم

بس اكاديمية القاده كم بتاخذ من الطلاب عدد معين ..

لو كان في اكثر من منطقة بيكون شيء جيد صدقيني ..

لازم نعلمهم الاعتماد من صغرهم ..

[R 7 A L]

ماشاء الله عليه
كل واحد مشاغب وهو صغير يعقل اذا كبر ما عليك ..

بس ما قلت لنا وش رايك في الاقتراح يا رحال ..

ايجابياته
وسلبياته

لو ممكن

والله ياخوي شبح مانقدر نحدد
فيها ايجابيات وفيها سلبيات

[qrt_trading]

قصدك مثل المدارس الداخلية، تبي الصراحة فكرت فيها وكنت خلاص راح أحاول اسجل عيالي في القادة بس بعدها قلبي ما طاوعني اني بس أشوفهم في الويكند، أنا إذا اطلعوا كلهم وتميت في البيت بنفسي استاحش ما تحلى القعدة في البيت بدون سندارتهم، مهما اشتكينى من إزعاجهم يتم هالشي حلو على قلوبنا.

[بومحمد المطاوعه]

عندنا اكاديمة القادة نفس الفكرة ، بس ماحبيت اسجل عيالي فيها ماقدر على فراقهم ، يمكن تكون فكرة لها ايجابيات زينة على المستوى العام بس شخصيا مابي اطبقها في عيالي

بأذن الله
بدخل ولدي محمد
وكل اولادي ان الله عطاني عمر ,,

يكونون في بلادهم ابرك من عقب يسافرون للدراسه في الخارج

هني يطلعون بشي حلو ورتبه افضل من فراقهم عقب وخارج البلاد

صحيح فراقهم صعب والويكند يطلعون بس تأكدي انهم ان شاءالله بيطلعون بأحسن حال وخاصه هذي الايام
الدنيا مادري شلون صايره والعياذ بالله

[حسن]

من صجك

:eek5:

ماباقي الا نقول للاكادميه عليكم الزواج بعد

:telephone:

[ضوى]

قصدك مثل المدارس الداخلية، تبي الصراحة فكرت فيها وكنت خلاص راح أحاول اسجل عيالي في القادة بس بعدها قلبي ما طاوعني اني بس أشوفهم في الويكند، أنا إذا اطلعوا كلهم وتميت في البيت بنفسي استاحش ما تحلى القعدة في البيت بدون سندارتهم، مهما اشتكينى من إزعاجهم يتم هالشي حلو على قلوبنا.
بالضبط هذا اللي حسيت فيه ، انا يغيبون ساعتين عن عيني اتعب واشتاق اشلون خمس ايام