علينا أن نتساءل ماذا قدمنا لوطننا؟

[غريب الدّار]

السلام عليكم

عنوان الموضوع مستوحى من كلمة صاحب السمو الشيخ تميم بن حمد آل ثاني أمير البلاد المفدى حفظه الله

وفعلا :
ماذا قدمنا لوطننا؟

هل في حد يملك إجابة هالسؤال؟

[حسن]

امممممممممممممم


مااقدر اقيم هذا الجيل بس قدمو الكثير منهم
اما الجيل القديم اللي عاصر النفط الى بدايه الثماننيات
انا اشهد انهم قدمو شي فخر لقطروماميزو في العمل هذا عيب ولا هذا الشغل مابيه

بالنسبه لي

طول عمري

قوندي مجهول

:(

[الحياة الخالدة]

هلا أخوي غريب الدار
اللي يقدمون ما يتكلمون .. ولا يفاخرون احنا سوينا و احنا سوينا
أفعالهم و إنجازاتهم هي اللي تتكلــــــــم
والا اللسان مافيه عظم

أهم شي الصدق مع النفس .. و إخلاص النية

تحياتي لك

[غريب الدّار]

امممممممممممممم


مااقدر اقيم هذا الجيل بس قدمو الكثير منهم
اما الجيل القديم اللي عاصر النفط الى بدايه الثماننيات
انا اشهد انهم قدمو شي فخر لقطروماميزو في العمل هذا عيب ولا هذا الشغل مابيه

بالنسبه لي

طول عمري

قوندي مجهول

:(

الله يوفقك لما يحب ويرضاه ياحسن
ومشكور على المرور وابداء الراي

[غريب الدّار]

هلا أخوي غريب الدار
اللي يقدمون ما يتكلمون .. ولا يفاخرون احنا سوينا و احنا سوينا
أفعالهم و إنجازاتهم هي اللي تتكلــــــــم
والا اللسان مافيه عظم

أهم شي الصدق مع النفس .. و إخلاص النية

تحياتي لك

بالمهلي اختي الحياة الخالدة
ايه بالله صدقتي مايفاخرون ولا يهايطون
عاد انا اكره ماعندي الهياط : انا وانا وانا وكله على الطل :nice:

صدقتي اختي

بس اختي السؤال وجهه سمو الأمير
واعتقد (والله أعلم ) انه يقصد ان كل واحد لازم يوقف مع نفسه ويسأل هالسؤال

او ع الأقل كل واحد لازم تكون له نظرة عن كيفية خدمة البلاد

مثلا :
هل اللي يدرس ويواصل دراسته قدم شي للبلاد؟
هل اللي يدرس دراسات عليا قدم شي للبلاد؟ قصدي مجرد مواصلة الدراسة هل هو خدمة للبلاد؟

والامثلة كثيرة اختي

والف شكر اختي الكريمة على ابداء الراي

بس انا معاج مليون في المية ان :
لا للهياط والمفوشر الفاضي :nice:

[الحياة الخالدة]

و أكثر من الطل بعد هههههههه
هذا اللي كنت بقوله أخوي غريب
المغزى أن الواحد يتساءل بينه و بين نفسه : أنا شاللي سويته و عطيته في مقابل كل اللي أخذته من ولادتي لين هاليوم
ياكثرهم اللي قدموا و أنجزوا و محد درا عنهم .. لأنهم يسوون الشي بدافع ذاتي .. ما ينتظرون مدح ولا إشادة ولا بهرجة ولا تكريم
ما يمشون و يهذرون انا سويت وانا فعلت
و يا كثر اللي خذوا مجهود غيرهم و نسبوه حق نفوسهم و صعدوا على أكتاف غيرهم

الله المستعان

[طلعة الروح]

مهما نسوى للوطن ماراح نقدر نكفي ونوفي
دايما تحس ان انجازك وعطائك محدود
بس أعتقد أن سؤالك بحد ذاته راح يحفز
العقل إنه يسعى ويسوى شي مفيد لوطنه وناسه
ولو بأقل القليل.

[رُفق المجنّا]

اتمنى ما نقابل السؤال باجحاف بحق أنفسنا

القطري درس في الجامعات المتاحة ووفر لنفسه وظيفة يتكسب منها
احدهم اشتغل في القطاع الأمني لضمان الأمن واخر يحرس الحدود وغيره يكابد مكافحة الحرائق
اخر يستكمل نداء الواجب ويؤدي الخدمة الوطنية وآخر يجتهد في عمله والكل يجتهد في خلية تضمن سيرورة الحياة

ولكن يجب ان نوجه هذا التساؤل للكسالى اصحاب الرفاهية والخمول ومن خان البلد وأفسد فيها لمكاسب شخصية

[رُفق المجنّا]

التساؤل الاخر هو ماذا قدم القطاع العام لنا كمواطنين وهذا تساؤل طرحه سموه في الخطاب عن المتنفذين اصحاب رؤوس الأموال وأباطرة الفساد واتساع نطاق المحسوبية وكيف ان بعض الخدمات المقدمة تمثل حجز عثرة للمواطن والمقيم والمستثمر

[بصمة قطرية]

شخصياً يمكن ما أكون قدمت شي يذكر ..
لكن أشوف كوني أم ربيت عيالي و بإذن الله راح يكملون دراستهم
و يتوظفون اللي يتمنى يصير ضابط و اللي طيار حربي
و اللي دكتور والصغار للحين ما تحددت ميولهم
الله يحقق أمانيهم و يبلغني فيهم
و أشوفهم يارب مثل ما يتمنون و أكثر ..
وقتها بقدر أقول قدمت
و عيالي أغلى شي قدمته ينفعون ويخدمون بلدهم
و هذا أقل شي نقدمه للوطن ..
و أغلى شي نملكه ..

[الجـــوديّ]

شخصياً يمكن ما أكون قدمت شي يذكر ..
لكن أشوف كوني أم ربيت عيالي و بإذن الله راح يكملون دراستهم
و يتوظفون اللي يتمنى يصير ضابط و اللي طيار حربي
و اللي دكتور والصغار للحين ما تحددت ميولهم
الله يحقق أمانيهم و يبلغني فيهم
و أشوفهم يارب مثل ما يتمنون و أكثر ..
وقتها بقدر أقول قدمت
و عيالي أغلى شي قدمته ينفعون ويخدمون بلدهم
و هذا أقل شي نقدمه للوطن ..
و أغلى شي نملكه ..



موضوع يعور القلب بالنسبة لي.. ومهما سوينا مقصرين ولا نوفي قطر ولا حكامها حقوقهم

ولكن ..

بصمة استوقفني ردج ..

صحيح انتي ما تشتغلين ..

لكن انتي وجودج في البيت .. وقايمة بدورج كأم والله إنه من أعلى المراتب

محافظة على نفسج وبيتج واطلعين من تحت يدج عيال صالحين يقيمون الصلاة واخلاقهم طيبة ومتعلمين

كثر الله خيرج وكثر الله من أمثالج ..هذا الشي الصعب اللي مب كل الحريم يقدرون عليه..

ان صلحت الام .. صلح البيت .. وان صلح البيت صلح المجتمع كله.

[غريب الدّار]

و أكثر من الطل بعد هههههههه
هذا اللي كنت بقوله أخوي غريب
المغزى أن الواحد يتساءل بينه و بين نفسه : أنا شاللي سويته و عطيته في مقابل كل اللي أخذته من ولادتي لين هاليوم
ياكثرهم اللي قدموا و أنجزوا و محد درا عنهم .. لأنهم يسوون الشي بدافع ذاتي .. ما ينتظرون مدح ولا إشادة ولا بهرجة ولا تكريم
ما يمشون و يهذرون انا سويت وانا فعلت
و يا كثر اللي خذوا مجهود غيرهم و نسبوه حق نفوسهم و صعدوا على أكتاف غيرهم

الله المستعان

ايه بالله صدقتي والله
مشكورة يالحياة الخالدة على المشاركة الكريمة

[غريب الدّار]

مهما نسوى للوطن ماراح نقدر نكفي ونوفي
دايما تحس ان انجازك وعطائك محدود
بس أعتقد أن سؤالك بحد ذاته راح يحفز
العقل إنه يسعى ويسوى شي مفيد لوطنه وناسه
ولو بأقل القليل.

صادقة اختي
مهما سوينا يمكن صعب نوفيه حقه
مشكورة اختي على المشاركة الطيبة

[غريب الدّار]

اتمنى ما نقابل السؤال باجحاف بحق أنفسنا

القطري درس في الجامعات المتاحة ووفر لنفسه وظيفة يتكسب منها
احدهم اشتغل في القطاع الأمني لضمان الأمن واخر يحرس الحدود وغيره يكابد مكافحة الحرائق
اخر يستكمل نداء الواجب ويؤدي الخدمة الوطنية وآخر يجتهد في عمله والكل يجتهد في خلية تضمن سيرورة الحياة

ولكن يجب ان نوجه هذا التساؤل للكسالى اصحاب الرفاهية والخمول ومن خان البلد وأفسد فيها لمكاسب شخصية

رحم الله والديك يارفق المجنا
رايك على عيني وراسي
وباذن الله مافي اجحاف بحق أي احد

والتساؤل في نظري يجب ان يوجه للكل مع التركيز على الفئة اللي تفضلت بذكرها اخوي
وكل واحد لازم يقدم لبلاده كل اللي يقدر عليه

مشكور اخوي

[غريب الدّار]

التساؤل الاخر هو ماذا قدم القطاع العام لنا كمواطنين وهذا تساؤل طرحه سموه في الخطاب عن المتنفذين اصحاب رؤوس الأموال وأباطرة الفساد واتساع نطاق المحسوبية وكيف ان بعض الخدمات المقدمة تمثل حجز عثرة للمواطن والمقيم والمستثمر

والله يارفق المجنا مع العلم ان مهب هذا صلب الموضوع
لكن راح اجاوبك من وجهة نظري :
الدولة (ممثلة بمختلف أجهزتها) قدمت الكثير والكثير والكثير للمواطنين والمقيمين على حد سواء

ادري في أخطاء تحصل ومافي حد معصوم
لكن اذا جينا بشكل عام الدولة قدمت الكثيييييييييير وصارت من افضل الدول (بفضل الله تعالى ثم بفضل الرجال اللي ماسكين البلاد) في مجال رفاهية المواطن

وبصراحة يارفق المجنا :
ماابي الموضوع يتحول الى : وش عطتان علشان نعطيها ؟ هذا موضوع آخر تماما وغير واقعي
لان قطر قدمت (ولازالت تقدم) الكثير الكثير الكثير
والامثلة كثيرة

والف شكر اخوي على مشاركتك القيّمة

[غريب الدّار]

شخصياً يمكن ما أكون قدمت شي يذكر ..
لكن أشوف كوني أم ربيت عيالي و بإذن الله راح يكملون دراستهم
و يتوظفون اللي يتمنى يصير ضابط و اللي طيار حربي
و اللي دكتور والصغار للحين ما تحددت ميولهم
الله يحقق أمانيهم و يبلغني فيهم
و أشوفهم يارب مثل ما يتمنون و أكثر ..
وقتها بقدر أقول قدمت
و عيالي أغلى شي قدمته ينفعون ويخدمون بلدهم
و هذا أقل شي نقدمه للوطن ..
و أغلى شي نملكه ..
بيض الله ويهج اختي بصمة
تعجبني الواقعية والصراحة بدون لف ودوران وبدون مهايط ع الفاضي :)
وانا أقول واعتقد :
ان تربيتج لعيالج احسن تربية باذن الله تصب في صالح خدمة الوطن
والام مدرسة مثل ماقالوا
وكل مااستثمرتي فيهم بشكل افضل كل ماكانوا نافعين لانفسهم ووبلادهم

عسى الله يخليهم لج وتشوفينهم وزراء وسفراء وفي ارفع المناصب

رحم الله والديج اختي

وبصراحة :
استمتعت بمداخلتج والرد عليها
ماقصرتي اختي

[حرف]

اكثر الي قدمو للوطن وضحو هم الطبقة الكادحه وذوي الدخل المحدود

[غريب الدّار]

موضوع يعور القلب بالنسبة لي.. ومهما سوينا مقصرين ولا نوفي قطر ولا حكامها حقوقهم

ولكن ..

بصمة استوقفني ردج ..

صحيح انتي ما تشتغلين ..

لكن انتي وجودج في البيت .. وقايمة بدورج كأم والله إنه من أعلى المراتب

محافظة على نفسج وبيتج واطلعين من تحت يدج عيال صالحين يقيمون الصلاة واخلاقهم طيبة ومتعلمين

كثر الله خيرج وكثر الله من أمثالج ..هذا الشي الصعب اللي مب كل الحريم يقدرون عليه..

ان صلحت الام .. صلح البيت .. وان صلح البيت صلح المجتمع كله.

وانا بعد استوقفني ردها والله
ردها واقعي ومنطقي جدا


واشكرج على مداخلتج اختي الجودي وأثنّي على كلامج

[غريب الدّار]

اكثر الي قدمو للوطن وضحو هم الطبقة الكادحه وذوي الدخل المحدود

والله ياحرف مع احترامي لرايك لكن اعتقد انهم مب الوحيدين اللي قدموا
في ناس مناصبهم ارفع المناصب وقدموا الكثير

والامثلة كثيرة
ناس عندها مناصب جدا عالية واشتغلوا للبلاد شغل مب طبيعي
وهذا طبعا ماينفي صحة الكلام اللي انت ذكرته اخوي حرف


مشكور عالمشاركة

[غريب الدّار]

بصراحة ياجماعة والله استمتعت بالمداخلات في هالموضوع
مشكورين كلكم وتسلم يمينكم

يالله تعينا كلنا ونخدم بلادنا ونرفع اسمها فوق

[الحياة الخالدة]

تدري يا غريب الدار
مرة جذي من زمان كنت أتناقش مع زميلة لي :
بما معناه احنا لازم نرد الجميل حق بلادنا عقب كل شي قدمته لنا
لكنها ردت رد صعقني : تقول كل شي عطتنا إياه و سوته لنا بلادنا احنا رديناه لها بالمقابل و يمكن أكثر
علمتنا و درستنا و هذا احنا نشتغل و ننجز في مقابل كل شي أخذناه
يعني الدولة مالها أي فضل علي .. وما سوت لنا شي بلاش
طبعاً حاولت أوضح لها قصدي و أن هالشي واجب علينا و ما نقدر ننكر الفضل .. لكنها كانت مقتنعة بوجهة نظرها تماماً

فقلت في قلبي .. سبحان الله شلون الناس يختلفون في تفكيرهم و تقديرهم للأمور

[جبر ال جبر]

بنسبه لي وهذا( راي شخصي يمثلني) انا منتظر من الوطن حقوق لي كثيره كمواطن متى ماحسيت اني خذتها بسال عمري هالسؤال

[BoFahed]

قطر عطتنا وايد وايد واحنا عمرنا مانوفي حقها علينا واحنا ان شالله مب مقصرين وبربي فهود واخوانه على حبها ولا عمرنا بنخون الامانه ولا نسكت عن الخاين بنظرية (مالي خص ) او نظرية ( يا تصيدها طايره مثل غيرك يا تنداس ويعطونك على راسك )

الموضوع الصراحة اثار قريحتي لاني تناقشت مع شباب قطريين(قبل وبعد التاسيس ) حول الواجب اللي مقصرين فيه ويكلموني عن الحقوق والفساد والتفرقة وبالاخير يطلعوني (فداووووي )


الصراحة عندنا خلل في هالموضوع لازم في البيت والمدرسة والمجتمع يزرع الروح الوطنية والفخر بالوطن في الطفل من نعومة اظافره