جزيره البنانا

[fzaa_qatar]

السلام عليكم .. حبيت استفسر عن الجزيره انا حاجز يومين للعيال وسمعت انه ممنوع تاخذ معاك اكل هل هالشي صحيح ولا كلام وهل من حقهم يمنعون الناس وتحت اي قانون وفرضا انا دخلت اكل فالشنط ومقفلها بقفل هل يفتحونها او يفتشونها .. الكلام وايد عن الجزيره وياليت اللي راح يفدينا لاني ناوي ادخل اكل خفايف يعني مثل جبن تونه عيش روتي بس وشكرا ...

[ضوى]

ود معاك اللي تبي محد يمنعك بس خله بشنطه مسكره يعني لا تخليه يبين ، انا وديت شنطه كامله بس اكل ولا يفتشون اصلا ، توكل على الله والله يسعدكم ويمتعكم ان شاء الله

[نوار قطر]

هذي الي يصير اغلب الناس تسوي جذي تحط الاكل والبهانس في شنطة وتوديها معاها لان على ماسمعت اسعار الاكل عندهم خياليه يعني تكاليف البنانا جنك مسافر .. احنا حجزنا حق اليوم الوطني ان شالله وبنشوف

[ضوى]

هذي الي يصير اغلب الناس تسوي جذي تحط الاكل والبهانس في شنطة وتوديها معاها لان على ماسمعت اسعار الاكل عندهم خياليه يعني تكاليف البنانا جنج مسافره .. احنا حجزنا حق اليوم الوطني ان شالله وبنشوف

اسعار الاكل غالية بالنسبة لمنتجع سياحي ، العشا والغدا عادي ماحسيت بذاك الغلا ، بس السناك وهالسوالف لا جبناها معانا ، لانه اليهال طول الوقت بالبركة ويجوعون وصعب كل شي تطلبين شي من الروم سيرفيس فالسناك يفي بالغرض

[للصبر اخر]

الاكل في مطعم ممكن يكون غالي على البعض بس الطلب بالغرفه سعره جدا معقول
طلبنا حوال 6 اطباق بحدود 500 ريال
الماي متواجد بكثره بس بلغهم بيجبون لكم

[نوار قطر]

اسعار الاكل غالية بالنسبة لمنتجع سياحي ، العشا والغدا عادي ماحسيت بذاك الغلا ، بس السناك وهالسوالف لا جبناها معانا ، لانه اليهال طول الوقت بالبركة ويجوعون وصعب كل شي تطلبين شي من الروم سيرفيس فالسناك يفي بالغرض

والله ماادري ياضوى انا سمعت جذي ومثل ماقلت لج للحين مارحنا .. وفعلا وااايد يهال همهم البهانس لو مايكالون وجبة عدله اهم شي هالخرابيط ...

[للصبر اخر]

على فكرة
الوالده الله يحفظها حتى غوري القهوه ودته
واندومي بعد
وجبن وروتي وكل شي
عصير حق اليهال
حطته بشنطة سفر كبيرة وقفلتها
ولا حد فتش
الحمدالله سهالات

[نوار قطر]

الاكل في مطعم ممكن يكون غالي على البعض بس الطلب بالغرفه سعره جدا معقول
طلبنا حوال 6 اطباق بحدود 500 ريال
الماي متواجد بكثره بس بلغهم بيجبون لكم

والله الاراء تختلف وحده قالت لي انها ماخذه حق خداماتها وجبتين طلعت عليها حول ال400 ,, بس اذا 6 اطباق ب500 وااايد زين

[للصبر اخر]

حسب المطعم
ارجع واكررر حسب المطعم
المطعم الازرق البوفيه ب 230 للشخص
المطعم الهندي اللي عند الشاليهات حسب ماسمعت غالي جدااا
مطعم النهام طلبنا منه 4 صحون مقبلات وكان حجم الصحن جدا ممتاز يعني يكفي 4 اشخاص
وطلبنا صحن كفته كان السعر حول 550
صحن المشاوي في مطعم النهام ب 120
حسب اللي اذكره

[بعيد النظر]

مثل ما قالو الجماعة تحطها في شنطة والسلام ..
بالنسبة لاسعار الاكل يعتمد على كل شخص .. في واحد يجوف ال 500 وااايد ..
وفي اللي يجوف ال 500 مثل ال 10 ..



بالتوفييق

[fzaa_qatar]

الله يعطيكم الف عافيه ع ردودكم واحد واحد وما قصرتوا وهاي اللي بيصير ان شاء الله اللي نحتاجه احطه فشنطه ونتوكل ع الله .... مشكورين

[دايموند]

كم مطعم في المنتجع؟
وشنو ارخصهم وشنو اغلاهم؟

سوري ع المداخله

[للصبر اخر]

كم مطعم في المنتجع؟
وشنو ارخصهم وشنو اغلاهم؟

سوري ع المداخله
مادري بس هم اظن 4 او 5 مطاعم
مطعم النهام ..
المطعم الازرق اللي فيه البوفيه
وفيه مطعم البرغر
والهندي
على كلام الاهل الهندي كان سعره جدا جدا غالي
طبقين ب 700 وشوي للامانه انا ماجربته ولارحت صوبه
فيه مثل الكوفي موجود بنص البحر عند المطعم الهندي يمكن هالوحيد اللي اشوف سعره غالي بس القعده هناك ترد الروح طلبنا 7 اكواب عصاير و3 كابتشينو كان كله ب 360
هاي اللي اذكره اما الاكل بالغرفه سعره معقول

[بوحارب]

اذكر يوم كنت هناك تعشيت في المطعم الهندي اللي صوب الأكواخ

واذكر صحن السلطه الصغير كان ب 55 وكلها ورق مافيها شي حلو غير الصوص


ع العموم الاكل غالي عندهم وانصح اي حد يروح يودي معاه اكل خفيف وغيره


للعلم واحد من الربع مره طلب ام الربيان اكبر حجم

وطلع الحساب عليه 4900 وخرده :( والله اني صادق
والرجال للحين مصدوم ههههههه

واليوم الثاني جاب وجبات عيش ولحم ودخله الجزيرة في شنطة اغراض البيبي ههههه


وهذا تقرير السابق اللي ما شافه حياه

http://www.qatarshares.com/vb/showthread.php?601579-banana-island-by-anantara-%CD%ED%C7%DF%E3-%C7%E1%CA%DE%D1%ED%D1-%E6%D5%E1

[توشيبا]

انا شبه يومي اروح

اكل بلاش

انام بلاش

بسال لكم عن الاسعار اذا غاليه بقول ينزلون منها


بو حارب اول ماترجع لك سكن يومين فيها ماكل وشارب بلاش