كيف يتم تخدير المرضى سابقا قبل اكتشاف البنج

[العفراء]

بصراحة انتم يا اعيال النيدو محظوووظين بحياتكم وما ذقتوا اللي ذقناه احن قبل ايام اول يوم ماشي بترول و ماشي غاز ،،،،،،،، اذكر ايام اول كنا وايد انخاف من الدكاتره بتقولون من الشو مثلا نخاف ترى مب من الأبر انا اتكلم عن ايام اول يوم بعدهم ما اخترعوا الابر و البنج و التخدير و كانوا الدكاترة الاوليين قبل ما يكتشفون البنج كان كل واحد عنده بشنطته مطرقه على اساس انه يصك فيها المريض ع راسه من ورا علشان يدووخ ويتم فاقد الوعي و يقدر بهالحاله الدختور يسوي العملية و هو مطمن ان المريض تحت تأثير ضربة المطرقه و هذا كان اسلوب من اساليب التخدير على ايامنا و عقب الحمدلله اكتشفوا البنج و التخدير و جذا والله السالفه و الى لقاء آخر مع موضوع كيف وصل لنا القدو في دول الخليج بااااي

[معماري قطري]

عيل مصغره نفسج وتسوين نفسج من عيال النيدو ليش؟

طلعتي مبنجينج بمطرقة .. آآآي راسي عورني من الشرح شلون لو انضرب بيغمى علي للأبد

[السيف5]

ههههه
معقولةلا مااصدق
ضربة ورا الراس اعاقة مستديمة
وين تيبين هالسوالف

[العفراء]

اسم الله عليك عممي المعماااري ربي يحفظك من كل شر و يبعدك عن الدكاتره و مطرقتهم
انا كنت اتمنى اكون من الجيل الجديم احسسن من اعيال النيدو :omen2:
و هذي كانت حياتا قبل جاسينا و شقينا و كنا انخاف قبل من مطرقة الدكتور و الحين تبدلت الامور و قاموا الفريخات يخافون من ابرة الدكتوور ،،،،

[R 7 A L]

ماصار مستشفى صار ورشة كراج هههههههههههه

[مختلف جداََ]

http://cdn.top4top.co/i_e37df5b3b00.jpeg (http://up.top4top.net/)

[qatarman8008]

البدوان كان لهم طريقة خاصة في التخدير..
كلن اذا واحد رجله مكسورة او ملتوية مثلا ويبون يعدلونها له شيسوون..؟؟
يعضونه في اصبع رجله الصغير..
معروف الم العضه في اصبع الرجل الصغير قوي جدا جدا..
يخلي المريض ما يركز على اي نوع ثاني من الالم.. ههههههه..

[العفراء]

ههههه
معقولةلا مااصدق
ضربة ورا الراس اعاقة مستديمة
وين تيبين هالسوالف

صباح الخير اخويه السيف فايف

الدكتور كان يغافل المريض و يسولف و اياه و اول ما يلقى فجه على طول يصكه بالمطرق ع راسه من ورا

هو شي مكان محدد يعرفونه الدكاتره يوم يبون يخدرون المريض ضربوه بهالمكان

[الحياة الخالدة]

هههههههههه
الحين ما عرفنا لج :
انتي من عيال النيدو ؟ والا المطرقة ؟؟
ذكرتيني بالمجرم بو مطرقة

[العفراء]

ماصار مستشفى صار ورشة كراج هههههههههههه

شفت اشقايل رحال كانت حياتنا صعيبه و براسنا مليون علامه من ورا المطرقه

[العفراء]

http://cdn.top4top.co/i_e37df5b3b00.jpeg (http://up.top4top.net/)


مختلف شكلك من العصر الحجري اللي كانوا ايرون الحريم من شعورهن على اساس من علامات الحب :weeping:

[العفراء]

البدوان كان لهم طريقة خاصة في التخدير..
كلن اذا واحد رجله مكسورة او ملتوية مثلا ويبون يعدلونها له شيسوون..؟؟
يعضونه في اصبع رجله الصغير..
معروف الم العضه في اصبع الرجل الصغير قوي جدا جدا..
يخلي المريض ما يركز على اي نوع ثاني من الالم.. ههههههه..

ههه شو هالطريقه بعد

احس اللي بيعض المريض بصبع ريله هذا روحه بيتعذب لو مستخدمين المطرقه اخير ههه

[العفراء]

هههههههههه
الحين ما عرفنا لج :
انتي من عيال النيدو ؟ والا المطرقة ؟؟
ذكرتيني بالمجرم بو مطرقة


انا مولوده بنفس السنة اللي انتحر فيها هتلر :weeping:

منو هالمجرم بو مطرقه من اسمه ايخوف

[الحياة الخالدة]

اشدعوة ما تعرفين بو مطرقة !!!


http://www.emaratalyoum.com/local-section/accidents/2014-04-08-1.665173

[@north_star@]

crazycrazycrazy شالدعوة مطرقة أكيد الطبيب بنغالي

[meshwar]

طيب تفضلي
اعتبريها من ضمن التأمين الصحي



http://www.cmstatic1.com/30400/c/giant-chainsaw-carved-hammer--UDU2Ny0zMDQwMC4xMzUzNzY=.jpg

[العفراء]

اشدعوة ما تعرفين بو مطرقة !!!


http://www.emaratalyoum.com/local-section/accidents/2014-04-08-1.665173


هيه عرفته حسبي الله عليه :weeping:

[العفراء]

مرااحب النورث هالطريقه كانوا يستخدمونها الدكااتره قبل اختراع التخدير الحديث
و البنغاليين من يوم ريتهم فاتحين مطعم مشاوي و ماكولات شاميه و انا اقول انهم بيتعلمون اي شغله اظن الطب بالنسبه لهم وااايد سهل

[العفراء]

طيب تفضلي
اعتبريها من ضمن التأمين الصحي



http://www.cmstatic1.com/30400/c/giant-chainsaw-carved-hammer--UDU2Ny0zMDQwMC4xMzUzNzY=.jpg


ولعثره كل هذي مطرقه :omg: خلونا ع الابر اخييير

[مختلف جداََ]

مختلف شكلك من العصر الحجري اللي كانوا ايرون الحريم من شعورهن على اساس من علامات الحب :weeping:



ياليت مسموح بس :)

[<اضرب واشرد>]

أخ ياراسي
إذا انبط راسه الظاهر التأمين الصحي يعتذر ويحولونه ع تأمين السيارات

في اوروبا كان الوضع أسوء ومضحك أكثر
للي يفهم انجليزي يتابع هالمحاضرة:
https://www.youtube.com/watch?v=8kkjQDqNs9U

[معماري قطري]

على طاري الإبر ولدي قبل لآدخله المدرسة وديته يسون له فحص طبي .. وقلت له لو خذوا منك دم ولا طلع لك صوت باعطيك 50 ريال .. وتجي الممرضة بابرة كبيرة وقالت له لتشوف وهو مبقق عيونه وصامد تصدقون ولا قال شيء الممرضات تعجبوا .. قلت لهم المسئلة فيها 50 ريال الحين يدرس في بلاد الحي كان في عجمان وتوه محول.

التفسير لأَن عيالي يشوفوني كل يوم اخذ ابرة قبل كل وجبة واضحك واسولف وعادي تعودوا عليها.