الجلسات الخارجيه ((: ؟؟

[قطر833]

95237

الي عنده فكره من يشتغل هالجلسات في الدوحه
هي مصنوعه من اسمنت ويشكلونها بهالطريقه
((:

[معماري قطري]

هذي مختصين فيها الأندونيسيين .. سويت انا تلبيس واجهة لطبيلة سيارات وللعمدان .. باحاول اشوف الرقم لك وان شاء الله ما تغير

[ضوى]

http://www6.0zz0.com/2015/11/05/09/286352442.jpg (https://www.0zz0.com)

http://www6.0zz0.com/2015/11/05/09/369315271.jpg (https://www.0zz0.com)

http://www6.0zz0.com/2015/11/05/09/195110918.jpg (https://www.0zz0.com)


هذي جلستي

سويتها ب2000 ريال مع باربكيو وطاولة جنبه ومغسلة وبركة صغيرة بسلحفاة شوفها على جنب عند هوز الماي

لاحاول اشوف الرقم وين

[معماري قطري]

جلسة حلوة بس تنضبط أكثر اتوقع مسوينها سوريين أو مصريين الأندونيسيين ألوانهم واقعية أكثر للخشب

اسم اللي يسوي خيري 66862559

[ضوى]

جلسة حلوة بس تنضبط أكثر اتوقع مسوينها سوريين أو مصريين الأندونيسيين ألوانهم واقعية أكثر للخشب

اسم اللي يسوي خيري 66862559

اللي مسويها لي كوري

[BUHASSEN]

اللي مسويها لي كوري

ممكن رقمه اختي الكوري وكم ياخذ المده لين تخلص

ويزاج الله خير

[ضوى]

والله قاعدة احاول اطلع لك رقمه من تلفوناتنا القبلية وان شاء الله احصله

خذ تقريبا اسبوع

[قطر833]

معماري قطر ندعي لك دوم ماتقصر،، والرقم الي حطيته بتصل فيه ولو في غيره بعد ابغي اكثر من شخص عشان الكواليتي والسعر
كنت اعرف واحد وسكر ؟؟؟ انشاءالله الي عندك يكون موجود الحين بتصله

الاخت ضوى ماتقصرين والله يباركلج، ،،، بس السسسعر 2000 انا متخيل احذاهم صفر وانتي ناسيته ((:
الي عنده ارقام ثانيه يفيدنا

[ضوى]

لا ياخوي والله الفين ريال

انا تفاجات بالسعر ، كانوا يمرون عالبيوت ويعرضون خدماتهم وجازفت والحمد لله نتيجة مرضية من سنتين هالكلام

[قطر833]

مثل ماتوقعت موقوف (((:
هذي من محل شلالات المحل سكر من فتره !!!

[معماري قطري]

اللي مسويها لي كوري

سعره والله وايد زين .. بس الأندونيسي سوى لي المظلة وهي حديد عادية لبسها واجهة بعرض 10 متر وسواها بتشكيلة حجر ولها زوايا وعمودين سواهم جذوع شجر وتحتهم حجر أسود كلها ب 4000 ريال .. والجوانب كذلك سواها ونزلها حتى تظلل عن الشمس وكنت متفق معاه يسوي شلال ب 6000 ينزل من بلكونة لدوار وسط البيت بس ما سويته .. جاني مصري قبل وقال لي الشلال والطبيلة ومعاهم أرصفة زراعة ب 27000 .. والمصري يبين عليه سمسار وعارف أسعارهم وياخذ عليهم عمولة عالية.

[معماري قطري]

مثل ماتوقعت موقوف (((:
هذي من محل شلالات المحل سكر من فتره !!!

حول سنتين هذيلا يشتغلون خاص ومن يسافرون يكنسلون تلفونهم والظاهر بعد 4 سنين وانا تقديري غلط .. طريقتهم سهلة وبسيطة وحتى ما تسوى 4000 و 2000 ويطلعون لهم ربح كبير لأن المواد رخيصة وقليلة.

اللي يبي يسوي مظلة ولا خشب حول الزراعة بقصات مختلفة وبعدين يلبسه قشرة اسمنت تحميه بسهولة يقدر .. يسويه بواسطة نجار أو نجار مسلح وأي خشب رخيص وعادي وبعدين لو فيه تظليل فوقه يكون بلايوود سميك ونوع المارين اللي ضد الماي .. بس يحط فوقه نايلون سميك وبعدين شبك حديد خفيف ويكون شوي مرتفع ويصب عليه الخلطة الاسمنتية .. الشبك يخليها تتماسك وما تنكسر وينلف بطريقة دائرية حول العمدان المربعة ويتشكل عليه بالاسمنت وبالتشميخ يبين مثل الجذع وبعدين ينصبغ بكم لون حتى يطلع الشكل قريب للحقيقي

[Qt.1]

مثل ماتوقعت موقوف (((:
هذي من محل شلالات المحل سكر من فتره !!!

سكر لانه الظاهر مايعرف يحدد قيمة الشغل وعقب فلسو وسكرو , بصراحه شغل كبير والجلسه كبيره انا كم غصن تحديد للزرع عندي طلع حول ال 2000 ريال هذي جلسه كامله ب 2000 بصراحه سعر خيالي ,

[التاجرالصغير]

95237

الي عنده فكره من يشتغل هالجلسات في الدوحه
هي مصنوعه من اسمنت ويشكلونها بهالطريقه
((:

فيه شركة قطرية تسوي هالاشياء التراثية باسعار منافسة
هذا حسابها بالانستقرام : gademaldoha2

هاتف المندوب : 77871819